ក្រុមហ៊ុនដែលបានចុះបញ្ជីនៅទីផ្សារភាគហ៊ុនសៀងហៃមួយនេះ បានកើនឡើង ៧,៧% កាលពីថ្ងៃចន្ទ (ទី២៦ ខែតុលា) មុននឹងធ្លាក់ចុះបន្តិចប្រហែល ១% នៅក្នុងការជួញដូរ កាលពីព្រឹកថ្ងៃអង្គារ ដែលធ្វើឱ្យកម្រិតកំណើនដែលសម្រេចបានកាលពីពេលថ្មីៗនេះថយចុះវិញអស់ខ្លះៗ។

យ៉ាងណាមិញ យោងតាមគេហទំព័រព័ត៌មានហិរញ្ញវត្ថុ Investing បានបង្ហាញថា ការកើនឡើងកាលពីថ្ងៃចន្ទនេះ បានកើតឡើងបន្ទាប់ពីធនាគារវិនិយោគអាមេរិក JPMorgan បានដំឡើងចំណាត់ថ្នាក់ភាគហ៊ុន Unitree ពី “underweight” (ទាបជាងមធ្យម) ទៅជា “overweight” (ខ្ពស់ជាងមធ្យម)។ ការដំឡើងកម្រិតពីរជំហាននេះ បង្ហាញថា JPMorgan យល់ឃើញថា ក្រុមហ៊ុននេះទំនងជានឹងធ្វើបានល្អលើសពីការរំពឹងទុក សម្រាប់លទ្ធិផលហិរញ្ញវត្ថុរបស់ពួកគេ។

មិនតែប៉ុណ្ណោះ ប្រភពដដែលបានបង្ហាញទៀតថា ការដំឡើងចំណាត់ថ្នាក់ដោយ JPMorgan នេះ បានកើតឡើងបន្ទាប់ពីលោក Wang Xingxing ស្ថាបនិកក្រុមហ៊ុន Unitree Robotics បានលើកឡើងកាលពីសប្តាហ៍មុនថា ក្រុមហ៊ុនលោកអាចនឹងមានរបកគំហើញដ៏សំខាន់មួយនៅក្នុងវិស័យបញ្ញាសិប្បនិម្មិតផ្នែករូបវន្ត (physical AI) នៅដើមឆ្នាំក្រោយ។ ការលើកឡើងនេះខុសប្លែកពីការប៉ាន់ស្មានមុនៗ ដែលធ្លាប់រំពឹងថាអាចនឹងត្រូវចំណាយពេលរហូតដល់មួយទសវត្សឯណោះ។

ជម្រាបជូនថា ប្រទេសចិនបានកំណត់យកវិស័យមនុស្សយន្តដែលមានរូបរាងដូចមនុស្ស ឱ្យក្លាយជាអាទិភាពយុទ្ធសាស្ត្រមួយ ខណៈពេលដែលខ្លួនកំពុងព្យាយាមក្លាយជាអ្នកដឹកនាំពិភពលោក នៅក្នុងឧស្សាហកម្មប្រភេទនេះ៕​

The post ភាគហ៊ុនក្រុមហ៊ុនផលិតមនុស្សយន្តខ្នាតយក្សរបស់ចិន Unitree កើនឡើងដល់ជាង ៦០% appeared first on .

នៅទូទាំងឧស្សាហកម្មរថយន្ត ក្រុមហ៊ុនផលិតរថយន្តជាច្រើនកំពុងងាកមកប្រើប្រាស់បច្ចេកវិទ្យារ៉ូបូត ដើម្បីកាត់បន្ថយចំណាយ និងដោះស្រាយបញ្ហាហេដ្ឋារចនាសម្ព័ន្ធចាស់ៗ ព្រមទាំងការខ្វះខាតកម្លាំងពលកម្ម ដែលក្រុមអ្នកវិភាគនិយាយថា អាចនឹងបើកផ្លូវកំណើនថ្មីមួយទៀត ដែកលើសពីការផលិតយានយន្ត។

យ៉ាងណាមិញ តាមការប៉ាន់ប្រមាណលើការវិនិយោគនេះ ក្រុមហ៊ុន Toyota រួមទាំងក្រុមហ៊ុនបុត្រសម្ព័ន្ធ និងអ្នកផ្គត់ផ្គង់សំខាន់ៗ បានព្យាករថានឹងត្រូវការរ៉ូបូតប្រហែល ៤០០ ០០០ គ្រឿង ដើម្បីអាចដាក់ដំណើរការប្រព័ន្ធស្វ័យប្រវត្តិកម្មក្នុងរោងចក្រនៅក្រុមហ៊ុនទាំងនោះបាន។ តួលេខនេះ រួមបញ្ចូលទាំងការផ្លាស់ប្តូរជំនួសម៉ាស៊ីនចាស់ៗ ការដំឡើងថ្មី ព្រមទាំងរ៉ូបូតដែលមានរូបរាងដូចមនុស្ស (Humanoid) និងមិនមែនរូបរាងដូចមនុស្សផងដែរ។

ទន្ទឹមនឹងនេះ ក្រុមហ៊ុនផលិតរថយន្តសកលផ្សេងទៀត ក៏កំពុងស្វែងរកការបង្កើនការប្រើប្រាស់មនុស្សយន្តដែលមានរូបរាងដូចមនុស្សដើម្បីប្រើប្រាស់ក្នុងរោងចក្ររបស់ពួកគេផងដែរ ដូចជាក្រុមហ៊ុន Hyundai បានប្រកាសថា ខ្លួនមានគម្រោងដាក់ឱ្យប្រើប្រាស់មនុស្សយន្តទាំងនេះនៅរោងចក្ររបស់ខ្លួនក្នុងរដ្ឋ Georgia សហរដ្ឋអាមេរិក ចាប់ពីឆ្នាំ២០២៨ តទៅ៕​

The post Toyota រំពឹងថាការបំពាក់ប្រព័ន្ធស្វ័យប្រវត្តិកម្មក្នុងរោងចក្រ នឹងបង្កើនការចំណាយដល់ជាង ៦ពាន់លានដុល្លារ/ឆ្នាំ appeared first on .

សេវាពន្ធនាគារសិង្ហបុរី (SPS) នឹងដាក់ពង្រាយមនុស្សយន្តបាញ់ម្រេច ដែលមានឈ្មោះថា Prisons Robot To Eradicate Conflicts and Threats (PROTECT) នៅតាមស្ថាប័នពន្ធនាគារក្នុងប្រទេសចំនួនបី។

ដោយមានកម្ពស់ ១៥៧ សង់ទីម៉ែត្រ មនុស្សយន្ត PROTECT នេះ ត្រូវបានបង្កើតឡើងរួមគ្នាជាពិសេស ដោយ SPS និងទីភ្នាក់ងារវិទ្យាសាស្ត្រ និងបច្ចេកវិទ្យា Home Team (HTX) សម្រាប់ប្រើប្រាស់ក្នុងប្រព័ន្ធពន្ធនាគាររបស់ប្រទេសសិង្ហបុរី។

យោងតាមលោក Peng Chongtian វិស្វករនាំជាន់ខ្ពស់របស់ HTX នៅមជ្ឈមណ្ឌលជំនាញផ្នែកមនុស្សយន្ត ស្វ័យប្រវត្តិកម្ម និងប្រព័ន្ធគ្មានមនុស្សបើក បាននិយាយថា PROTECT គឺជាមនុស្សយន្តដំបូងគេបង្អស់នៅក្នុងប្រទេសសិង្ហបុរី។

នៅពេលដែលមានការវាយតប់គ្នា ឬឧប្បត្តិហេតុណាមួយកើតឡើង មន្ត្រីអាចគ្រប់គ្រងមនុស្សយន្តពីចម្ងាយដោយប្រើវីដេអូ ៣៦០ ដឺក្រេ និងប្រព័ន្ធសំឡេង ដែលអនុញ្ញាតឱ្យអាជ្ញាធរឆ្លើយតបដោយមិនចាំបាច់បញ្ជូនមន្រ្តីជាក់ស្តែង ចូលទៅក្នុងតំបន់នោះភ្លាមៗនោះទេ។

មនុស្សយន្តនេះ ក៏អាចចេញការព្រមានដល់អ្នកទោស និងបាញ់ម្រេចទៅលើអ្នកដែលមិនគោរពតាម។ វាក៏អាចល្បាតផ្លូវដែលបានកំណត់ទុកជាមុនដោយស្វ័យភាពផងដែរ។ សមត្ថភាពបញ្ញាសិប្បនិម្មិតរបស់វាអនុញ្ញាតឱ្យវាស្គាល់មនុស្ស និងរុករក ខណៈពេលដែលមន្ត្រីត្រូវបានជូនដំណឹងភ្លាមៗ ប្រសិនបើអ្នកទោសព្យាយាមរំខានវា។ នេះបើយោងតាម ​​Channel News Asia៕​

The post សិង្ហបុរី គ្រោងដាក់ពង្រាយមនុស្សយន្តទម្ងន់ជាង ៥០០ គីឡូ ដើម្បីបង្រ្កាបការវាយតប់គ្នានៅក្នុងគុក appeared first on .

នៅក្នុងវគ្គជួញដូរលើកដំបូងរបស់ខ្លួននៅលើផ្សារហ៊ុនសៀងហៃ នៅថ្ងៃទី១៩ ខែសីហា ភាគហ៊ុនរបស់ Unitree បានកើនឡើងរហូតដល់ ៦២៩%។ ជុំវិញការបង្ហាញខ្លួនលើកដំបូងដ៏គួរឱ្យភ្ញាក់ផ្អើលនេះបា នជំរុញឱ្យស្ថាបនិក ប្រធាន និងនាយកប្រតិបត្តិរបស់ Unitree គឺលោក Wang ចូលទៅក្នុងបញ្ជីឈ្មោះមហាសេដ្ឋីបច្ចេកវិទ្យាដែលមានបំផុតរបស់ប្រទេសចិន ដោយទ្រព្យសម្បត្តិសរុបរបស់លោក កើនឡើងដល់ ១៦ពាន់លានដុល្លារ។ នេះបើយោងតាមការចុះផ្សាយពី ​​​​Forbes។

គួរឲ្យដឹងផងដែរថា លោក Wang ធ្លាប់ឡើងតំណែងជាមហាសេដ្ឋីជាលើកដំបូង នៅដើមខែសីហា នៅពេលដែលក្រុមហ៊ុនផលិតមនុស្សយន្តដែលមានមូលដ្ឋាននៅទីក្រុង Hangzhou មួយនេះ បានរៃអង្គាសទឹកប្រាក់បាន ៦,១ពាន់លានយ៉ន់ (ប្រហែល ៩០០លានដុល្លារ) នៅក្នុងការបោះផ្សាយលក់ IPO របស់ខ្លួន។ នៅពេលនោះ Forbes បានប៉ាន់ប្រមាណថាលោក Wang មានទ្រព្យសម្បត្តិ ២,៤ពាន់លានដុល្លារ។

ជម្រាបជូនថា យោងតាមទិន្នន័យឧស្សាហកម្ម Unitree គឺជាក្រុមហ៊ុនផលិតមនុស្សយន្តដែលមានរាងដូចមនុស្សធំជាងគេទីពីររបស់ពិភពលោក និងជាក្រុមហ៊ុនផលិតឆ្កែយន្តធំជាងគេបំផុតរបស់ពិភពលោក ដោយផ្អែកតាមបរិមាណផលិតកម្មផងដែរ។ មនុស្សយន្តដែលមានរាងដូចមនុស្សរបស់ក្រុមហ៊ុននេះ ត្រូវបានដាក់លក់ក្នុងតម្លៃជាមធ្យមជាង ១៦៦ ០០០យ៉ន់ (ឬស្មើជាង ២៣ ០០០ដុល្លារ)៕​

The post CEO ក្រុមហ៊ុនផលិតមនុស្សយន្តធំបំផុតរបស់ចិន Unittree ឡើងតំណែងជាមហាសេដ្ឋីជាថ្មី appeared first on .

យោងតាមសារព័ត៌មានក្នុងស្រុក South China Morning Post បានឲ្យដឹងថា កិច្ចព្រមព្រៀងដែលបានចុះហត្ថលេខាកាលពីថ្ងៃទី១២ ខែឧសភា នៅទីក្រុង Shenzhen ខេត្ត Guangdong មូលដ្ឋានផ្ទាល់របស់ក្រុមហ៊ុនបច្ចេកវិទ្យាខ្នាតយក្សទាំងពីរ គឺមានគោលបំណងផ្លាស់ប្តូរមនុស្សយន្តពីការប្រើប្រាស់ក្នុងមន្ទីរពិសោធន៍ ទៅជាមនុស្សយន្តដែលអាចបម្រើការនៅក្នុងពិភពជាក់ស្តែង បាន។

គួរឲ្យដឹងថា​ នៅក្រោមកិច្ចព្រមព្រៀងនេះ ក្រុមហ៊ុន Huawei និង UBTech គ្រោងនឹងសហការគ្នាបង្កើតរោងចក្រឆ្លាតវៃមួយ ដែលដំណើរការដោយមនុស្សយន្តសុទ្ធ ដើម្បីបង្កើនការផលិតមនុស្សយន្តមានសមត្ថភាពពិសេស សម្រាប់យកទៅប្រើប្រាស់នៅទូទាំងប្រទេសចិន ទាំងក្នុងវិស័យឧស្សាហកម្ម និងនៅក្នុងគ្រួសារ។

យ៉ាងណាមិញ ជុំវិញកិច្ចសហការនេះ ត្រូវបានចាត់ទុកថាជាការពង្រីកអាជីវកម្មរបស់ក្រុមហ៊ុន Huawei បន្ថែមទៀត ទៅក្នុងវិស័យមនុស្សយន្តដែលកំពុងរីកចម្រើនយ៉ាងឆាប់រហ័សរបស់ប្រទេសចិន ដែលត្រូវបានគេរំពឹងថានឹងអាចឈានដល់ ៥,៣ពាន់លានយ៉ន់ (ឬស្មើ ៧៣២លានដុល្លារអាមេរិក) នៅឆ្នាំនេះ ពោលគឺកើនឡើងទ្វេដង បើធៀបទៅនឹងឆ្នាំ២០២៣។ នេះបើយោងតាមរបាយការណ៍ពី LeadeRobot ។

ជម្រាបជូនថា UBTech ដែលជាអ្នកអភិវឌ្ឍកំពូលមួយរបស់ប្រទេសចិន ក្នុងវិស័យមនុស្សយន្ត បច្ចុប្បន្នកំពុងមានគោលបំណងផលិតមនុស្សយន្តឲ្យបាន ១ ០០០ គ្រឿងនៅឆ្នាំនេះ។ ក្រុមហ៊ុន ក៏បានចាប់ដៃគូជាមួយក្រុមហ៊ុនផលិតឧបករណ៍ Midea Group និងក្រុមហ៊ុនលក់រាយគ្រឿងសង្ហារឹម Easyhome ផងដែរ ដើម្បីលើកកម្ពស់ដល់ការប្រើប្រាស់មនុស្សយន្ត ទាំងនៅក្នុងរោងចក្រ និងក្នុងគ្រួសារ នាពេលអនាគត៕

The post Huawei ចាប់ដៃគូជាមួយ UBTech ផលិតមនុស្សយន្តជំនាន់ថ្មី ដាក់ពង្រាយនៅទូទាំងប្រទេសចិន appeared first on .

បើតាមគេហទំព័រ Interesting Engineering  បានបង្ហាញឲ្យដឹងថា លក្ខណៈពិសេសមួយក្នុងចំណោមលក្ខណៈពិសេសដ៏ទៃទៀតរបស់ SE01 នោះគឺជាប្រព័ន្ធខួរក្បាលមានបច្ចេកវិទ្យាឈានមុខ ដែលអាចធ្វើឲ្យមនុស្សយន្តមួយនេះ មានសមត្ថភាពដើរដូចទៅនឹងមនុស្សបែបលក្ខណៈធម្មជាតិ មានភាពរលូន ទោះបីជាស្ថិតនៅក្នុងស្ថានភាពបែបណាក៏ដោយ។

កន្លងមក មនុស្សយន្តភាគច្រើន ហាក់មានចលនាខុសស្រឡះពីមនុស្ស ដោយបោះជំហានម្តងៗ មានលក្ខណៈពត់ជង្គង់ ខុសស្រឡះពីដំណើរធម្មជាតិរបស់មនុស្ស។​ យ៉ាងណាការបោះជំហានរបស់ SE01 មានភាពរហ័សរហួន និងរលូន បង្ហាញនូវអាកប្បកិរិយាស្រដៀងនឹងមនុស្សពិតៗ។

មនុស្សយន្តនេះ បានបំពាក់បន្ទះឈីបដែលផលិតចេញពីក្រុមហ៊ុនល្បីៗចំនួនពីរនោះគឺ Nvidia និង Intel ព្រមទាំងបំពាក់កាំមេរ៉ាចំនួនបីគ្រាប់ ធ្វើឲ្យការចាប់រូបភាពបានច្បាស់ល្អ និងគ្រប់ជ្រុងជ្រោយ។ មិនត្រឹមតែប៉ុណ្ណោះ ការរួមបញ្ចូលគ្នានៃការបំពាក់ឧបករណ៍ទាំងនេះ នឹងអនុញ្ញាតឲ្យខួរក្បាលរបស់មនុស្សយន្តមានប្រតិបត្តិការគណនាទិន្នន័យបានជាក់ស្តែង និងកាន់តែជំនាញដោះស្រាយបញ្ហានៅជុំវិញខ្លួន។

លើសពីនោះ ក្រុមហ៊ុន EngineAI បានជ្រើសរើសយកលោហៈធាតុអាលុយមីញ៉ូម បំពាក់លើតួខ្លួន SE01 ដែលផ្តល់ឲ្យមនុស្សយន្តមានតួខ្លួនរឹងមាំ និងមានទម្ងន់ស្រាល ខណៈសម្ភារៈដែលបំពាក់នឹងកាន់តែបង្កើននូវភាពធន់ ព្រមទាំងអាចឲ្យប្រព័ន្ធមេកានិចរបស់ SE01 កាន់តែប្រើប្រាស់បានយូរ។

ចាប់តាំងពីចាប់ផ្តើមមក EngineAI Robotics បាននិងកំពុងតែស្រាវជ្រាវ និងអភិវឌ្ឍមនុស្សយន្តរបស់ខ្លួនឲ្យកាន់តែមានស្តង់ដារខ្ពស់ ដើម្បីបន្តក្លាយជាក្រុមហ៊ុនជួរមុខនៃឧស្សាហកម្មមនុស្សយន្ត ស្របពេលការប្តេជ្ញាចិត្តនេះ នឹងត្រូវបានឆ្លុះបញ្ចាំងក្នុងផែនការយុទ្ធសាស្ត្ររបស់ខ្លួន ដែលរួមមានទាំងការបើកដំណើរការនៃការផលិតទាំងស្រុងនៅចុងឆ្នាំ២០២៤ ខណៈក្រុមហ៊ុនក៏មានគោលបំណងផលិត និងលក់ឲ្យបានជាង ១ ០០០គ្រឿងនៅឆ្នាំ២០២៥ ផងដែរ៕

The post ចិនជោគជ័យមួយទៀតហើយ! ថ្មីៗទើបតែផលិតបានមនុស្សយន្ត អាចដើរដូចមនុស្ស appeared first on .

តាមការចុះផ្សាយពីសារព័ត៌មាន FOX បានឲ្យដឹងថា Vayu Robotics ត្រូវបានបង្កើតឡើងនៅក្នុងឆ្នាំ២០២១ ដោយវិស្វករមានបទពិសោធន៍លើវិស័យបច្ចេកវិទ្យា និងបច្ចេកទេសមួយក្រុម ដែលមានគោលបំណងក្នុងការអភិវឌ្ឍន៍មនុស្សយន្តឲ្យកាន់តែទំនើប និងជួយកាត់បន្ថយភាពរាំងស្ទះនៃការដឹកជញ្ជូន ដែលរារាំងដល់កំណើនពាណិជ្ជកម្មក្នុងសម័យឌីជីថល។

រ៉ូបត The One មានភាពទាក់ទាញដោយសារតែបំពាក់មកនូវបច្ចេកវិទ្យា AI និងបច្ចេកវិទ្យា Sensing មានតម្លៃសមរម្យ មិនដូចទៅនឹងបច្ចេកវិទ្យា Lidar ដែលមានតម្លៃថ្លៃ។ មនុស្សយន្តនេះ ប្រើប្រាស់នូវខួរក្បាលដែលហៅថា Vayu Sense មានសមត្ថភាពចាប់សញ្ញារូបភាព CMOS ជាមួយនឹងរូបភាពគណនាកម្រិតខ្ពស់ និងមានបច្ចេកវិទ្យាអាចបង្រៀនកុំព្យូទ័ររបស់រ៉ូបូតស្វែងយល់ពីបទពិសោធន៍ធ្លាប់ធ្វើកន្លងមក ដែលអាចឲ្យវាយល់ដឹងកាន់តែស៊ីជម្រៅ ដំណើរការរាវរកវត្ថុប្រកបដោយប្រសិទ្ធិភាព ទោះបីស្ថិតនៅក្នុងស្ថានភាពលំបាក។

The One ត្រូវបានបង្កើតឡើងមក មានកង់ចំនួនបួន អាចដឹកទំនិញបានជាង ៤៥គីឡូក្រាម និងអាចធ្វើដំណើរក្នុងរយៈល្បឿន ៣២គីឡូម៉ែត្រក្នុងមួយម៉ោង សាកថ្មម្តងដឹកទំនិញពីហាងទៅផ្ទះអតិថិជនបានប្រមាណចន្លោះពី ៩៦គីឡូម៉ែត្រ ទៅ ១១២គីឡូម៉ែត្រ តាមស្ថានភាពចារាចរណ៍ជាក់ស្តែង។

រ៉ូបតដឹកទំនិញនេះ មានកម្ពស់ជិតមួយម៉ែត្រ ប្រវែងបណ្តោយជាងមួយម៉ែត្រកន្លះ និងមានទទឹងជាងប្រាំមួយសង់ទីម៉ែត្រ រូបរាងតូចល្មម មិនបង្កការកកស្ទះ និងឆាប់រហ័សក្នុងការធ្វើដំណើរទៅដល់គោលដៅ។ វាអាចទៅដល់គោលដៅដោយស្វ័យប្រវត្តិ ទោះបីស្ថិតនៅទីប្រជុំជនមានមនុស្សរស់នៅច្រើន អាចផ្ទុកទំនិញដែលអតិថិជនបានបញ្ជាទិញ ហើយដឹកជញ្ជូនដល់មុខផ្ទះ។ ពេលទៅដល់គោលដៅ The One បើកទ្វារចំហៀងដោយស្វ័យប្រវត្តិ ហើយប្រើដៃយន្តដើម្បីបញ្ចេញកញ្ចប់ទំនិញ។

សូមជម្រាបថា Vayu Robotics បានទទួលអជ្ញាបណ្ណរួចរាល់ហើយ ក្នុងការដាក់ពង្រាយរ៉ូបូតប្រភេទនេះប្រមាណ ២ ៥០០គ្រឿងនៅតាមបណ្តាក្រុមហ៊ុនមួយចំនួន ដោយចាប់ផ្តើមនៅ San Raman រដ្ឋ California ជាជំហានដំបូង ទម្រាំឆ្ពោះទៅចែកចាយនៅទូទាំងសហរដ្ឋអាមេរិក និងអាចឈានរហូតដល់ជុំវិញពិភពលោកថែមទៀត។

The post ក្រុមហ៊ុនបរទេសមួយបញ្ចេញរ៉ូបតឆ្លាតវៃ មានសមត្ថភាពដឹកទំនិញដល់កាំជណ្តើរមុខផ្ទះ សម្រួលដល់ការធ្វើអាជីវកម្មលើវិស័យអនឡាញ appeared first on .

តាមរយ:ការបង្ហោះសារមួយនៅលើបណ្តាញសង្គម X លោក Musk បាននិយាយថា មនុស្សយន្តរបស់ក្រុមហ៊ុន Tesla ដែលមានឈ្មោះថា Optimus នឹងចាប់ផ្តើមដាក់ឲ្យធ្វើការនៅក្នុងក្រុមហ៊ុនសិន មុនពេលចាប់ផ្តើមផលិតសម្រាប់ដាក់លក់នៅលើទីផ្សារ ក្នុងឆ្នាំ២០២៦ ។

មហាសេដ្ឋីលំដាប់កំពូលរូបនេះ ក៏បានបញ្ជាក់បន្ថែមទៀតថា ក្រុមហ៊ុន Tesla នឹងផលិតមនុស្សយន្តក្នុងចំនួនតិចសិន ដើម្បីដាក់ឲ្យធ្វើការនៅក្នុងរោងចក្ររបស់ខ្លួន នៅឆ្នាំក្រោយ ហើយសង្ឃឹមថានឹងអាចផលិតឲ្យបានកាន់ច្រើនសម្រាប់ដាក់លក់ ឲ្យទៅក្រុមហ៊ុនផ្សេងៗទៀត នៅចុងឆ្នាំ២០២៥ ខាងមុខ។

ជម្រាបជូនផងដែរថា លោក Musk ក្នុងរយៈពេលចុងក្រោយនេះ បានផ្តោតការយកចិត្តទុកដាក់យ៉ាងខ្លាំងលើបញ្ញាសិប្បនិម្មិត កម្មវិធីបើកបរស្វ័យប្រវត្តិ និងរ៉ូបូតជាដើម ដោយកាលពីក្នុងខែកញ្ញា ឆ្នាំ២០២២ ក្រុមហ៊ុន Tesla បានដាក់បង្ហាញមនុស្សយន្ត Optimus ជំនាន់ដំបូងបំផុតរបស់ខ្លួនដែលមានឈ្មោះថា Bumblebee។ ហើយសម្រាប់ឆ្នាំ២០២៤ នេះ ក្រុមហ៊ុនក៏បានដាក់បង្ហាញនូវមនុស្សយន្តជំនាន់ថ្មីមួយផ្សេងទៀត ដែលកាន់តែមានសមត្ថភាពពិសេសឡើង៕

The post Elon Musk៖ Tesla នឹងចាប់ផ្តើមដាក់មនុស្សយន្តឲ្យធ្វើការក្នុងរោងចក្រ ចាប់ពីឆ្នាំក្រោយទៅ appeared first on .

ក្នុងពិធីបើកជាផ្លូវការនេះ គេឃើញមានការតាំងបង្ហាញយុទ្ធោបករណ៍ទំនើបៗជាច្រើន ក្នុងនោះជាការចាប់អារម្មណ៍ខ្លាំងបំផុត គឺការតាំងបង្ហាញ កងទ័ពឆ្កែយន្ត ដែលមានសមត្ថភាពអាចស្ពាយកាំភ្លើងចូលសមរភូមិ បានថែមទៀត។

កងទ័ពឆ្កែយន្តនេះ គឺជាផលិតផលរបស់ក្រុមហ៊ុនចិន Unitree ដែលជំនាញលើការផលិតមនុស្សយន្ត និងគ្រឿងយន្តសម្រាប់ប្រើប្រាស់ក្នុងវិស័យយោធា។ ឆ្កែយន្តទាំង២គ្រឿងនេះគឺមានឈ្មោះថា Unitree Robot Dog B1 ដែលមានតម្លៃប្រហែល ១០០ ០០០ដុល្លារ និងមួយម៉ូដែលទឿតគឺ Unitree Robot Dog Go2 ដែលមានតម្លៃប្រហែល ១៤ ០០០ដុល្លារ។ នេះបើតាមទិន្នន័យបង្ហាញដោយគេហទំព័រផ្លូវការក្រុមហ៊ុន Unitree។

ជាមួយគ្នា គេហទំព័រ Gagadget ក៏បានបញ្ជាក់ថា ចំពោះម៉ូដែល Go2 ឆ្កែយន្តនេះ អាចប្រើប្រាស់ជំនួសការងារប្រចាំថ្ងៃបន្តិចបន្តួច ក៏ប៉ុន្តែសម្រាប់ម៉ូដែល B1 វិញ គឺមានសមត្ថភាពពេញលេញក្នុងការប្រើប្រាស់ក្នុងសមរភូមិ ដ្បិតវាធន់ការចុះទឹក អាចទ្រទំងន់ដល់ ១០០គីឡូក្រាម និងអាចប្រើប្រាស់រហូតដល់ ៤ម៉ោង ថែមទៀត។

គួរបញ្ជាក់ថា កងទ័ពកម្ពុជា និងចិន នឹងធ្វើសមយុទ្ធនាគមាស ២០២៤ រួមគ្នារយៈពេល១៥ថ្ងៃ ចាប់ពីថ្ងៃទី១៦ ដល់ថ្ងៃទី៣០ ខែឧសភា ។ សមយុទ្ធផ្តោតលើប្រតិបត្តិការប្រឆាំងភេរវកម្ម និងការងារមនុស្សធម៌។ កងកម្លាំងចូលរួម សរុបមានជាង២០០០ពាន់នាក់ ក្នុងនោះ កងទ័ពចិនមានចំនួនសរុបជាង ៧០០នាក់ និងកងទ័ពកម្ពុជាមានចំនួនសរុបជាង១០០០នាក់៕

The post កងទ័ពឆ្កែយន្តរបស់យោធាចិន បង្ហាញខ្លួនក្នុងពិធីបើកសមយុទ្ធនាគមាស មានតម្លៃរាប់សិបម៉ឺនដុល្លារ appeared first on .

តាមរយៈការឆ្លើយឆ្លងតាមប្រព័ន្ធទូរស័ព្ទលោក Musk បានប្រាប់វិនិយោគិនថា មនុស្សយន្តដែលជាផលិតផលរបស់ Tesla ដែលមានឈ្មោះថា Optimus អាចនឹងបំពេញការងារនៅក្នុងរោងចក្រនាចុងឆ្នាំក្រោយ។ ម្យ៉ាងវិញទៀត ដោយសំដៅទៅលើសមត្ថភាពបញ្ញាសិប្បនិម្មិត លោក Musk បានបន្ថែមដូច្នេះថា ខ្ញុំគិតថា Tesla គឺជាក្រុមហ៊ុនផលិតមនុស្សយន្តដ៏ល្អបំផុត ដែលអាចឈានទៅដល់បរិមាណនៃការផលិតប្រកបដោយប្រសិទ្ធភាពចំពោះមនុស្សយន្តរបស់ខ្លួនឯង។

គួរជម្រាបផងដែរថា បណ្តាក្រុមហ៊ុនជាច្រើនបាននឹងកំពុងប្រកួតប្រជែងទៅលើវិស័យវិស្វកម្មមនុស្សយន្ត ដ្បិតអីក្នុងគោលបំណងដើម្បីបំពេញកង្វះកម្លាំងពលកម្ម ដែលអាចកើតមានជាយថាហេតុនាពេលអនាគត និងបំពេញការងារបែបធុញទ្រាន់ដដែលៗ ឬជាប្រភេទការងារណាដែលមានហានិភ័យនៅក្នុងឧស្សាហកម្ម តួយ៉ាងភស្តុភារ ឃ្លាំងស្តុកទំនិញ ការលក់រាយ និងការផលិតជាដើម៕

The post មហាសេដ្ឋី Elon Musk បង្ហើបថាក្រុមហ៊ុន Tesla គ្រោងបញ្ចេញមនុស្សយន្តនាចុងឆ្នាំក្រោយ appeared first on .