តាមរយៈអនុក្រឹត្យនេះ រាជរដ្ឋាភិបាលបានសម្រេចផ្តល់ប្រាក់ឧបត្ថម្ភក្នុងឱកាសពិធីបុណ្យចូលឆ្នាំថ្មីប្រពៃណីជាតិចំនួន ៥០,០០០រៀល និងពិធីបុណ្យភ្ជុំបិណ្ឌ ឆ្នាំមមី ចំនួន ៥០,០០០រៀលក្នុងម្នាក់ ជូនដល់៖ មន្ត្រីរាជការស៊ីវិល​នៃក្រុមនីតិប្បញ្ញត្តិ នីតិប្រតិបត្តិ តុលាការ មន្ត្រីនគរបាលកម្ពុជា មន្ត្រីពន្ធនាគារ យោធិន មន្ត្រីរាជការនៃអាជ្ញាធរសវនកម្មជាតិ មន្ត្រីរាជការ នៃគ.ជ.ប មន្ត្រីខុទ្ទកាល័យ សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់ មន្ត្រីការិយាល័យប្រជាពលរដ្ឋ ប្រធានភូមិ អនុប្រធានភូមិ សមាជិកភូមិ មន្ត្រីផ្អែកលើកិច្ចព្រមព្រៀងការងារ មន្ត្រីជាប់​កិច្ចសន្យា និងបុគ្គលិកអណ្តែត ព្រមទាំងនិវត្តជន ជនបាត់បង់សម្បទាវិជ្ជាជីវៈ ជនបាត់បង់សមត្ថភាពការងារ និង​ជនពិការដែលជាអតីតមន្ត្រី។

ចំពោះគ្រួសារជនពលីនិងគ្រួសារជនមរណៈ ជាអតីតយុទ្ធជន ត្រូវបានផ្តល់ជូនប្រាក់ឧបត្ថម្ភនេះ ចំនួន ៥០,០០០​រៀល​ដូចគ្នា ក្នុងមួយគ្រួសារ។ សូមជម្រាបថា ប្រាក់ឧបត្ថម្ភនេះ ត្រូវបានបើកផ្តល់សម្រាប់ម្នាក់ៗ ឬមួយគ្រួសារតែមួយកន្លែង និងមួយលើកប៉ុណ្ណោះ៕

The post សម្តេចធិបតី ហ៊ុន ម៉ាណែត ចេញអនុក្រឹត្យផ្តល់ប្រាក់ឧបត្ថម្ភជូនដល់មន្ត្រីរាជការ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងពិធីបុណ្យភ្ជុំបិណ្ឌ appeared first on .

ចំពោះផែនការក្នុងការដំឡើងប្រាក់ខែនេះ នឹងចូលជាធរមានក្នុងខែឧសភា នៅពេលដែលវិក័យ​ប័ត្រថវិកាសារពើពន្ធឆ្នាំ ២០២៤ ត្រូវបានអនុម័តរួចរាល់ នៅខែមេសា ឆ្នាំក្រោយ។

​លោក Danucha Pichayanan អគ្គលេខាធិការនៃការិយាល័យក្រុមប្រឹក្សាអភិវឌ្ឍសេដ្ឋកិច្ច និងសង្គមជាតិ (NESDC) បានកត់សម្គាល់ថា ការដំឡើងប្រាក់បៀវត្សរ៍ថ្មីនេះ នឹងធានាបាននូវប្រាក់បៀវត្សរ៍ចាប់ពី ១៨ ០០០បាត (៥០០ដុល្លារ) សម្រាប់មន្ត្រីរាជការដែលត្រូវបានជ្រើសរើសថ្មី និងការកែសម្រួលប្រាក់បៀវត្សរ៍ឲ្យត្រូវគ្នា នៅក្នុងប្រាក់បៀវត្សរ៍របស់មន្ត្រីរាជការដែលមានស្រាប់។

ជម្រាបជូនផងដែរថា ប្រទេសថៃមានបុគ្គលិករដ្ឋប្រហែល ១,៦៨ លាននាក់ រួមទាំងគ្រូបង្រៀន និងបុគ្គលិកក្នុងវិស័យអប់រំចំនួន ៤២៧ ០០០ នាក់ មន្ត្រីរាជការចំនួន ៤២១ ០០០ នាក់ និងបុគ្គលិកយោធាចំនួន ៣២៥ ០០០ នាក់៕

The post គណ:រដ្ឋមន្ត្រីថៃ អនុម័តដំឡើងប្រាក់ខែបន្ថែមជូនដល់មន្ត្រីរាជការ appeared first on .

លោក ម៉ម កាយ ជាកូនអ្នកស្រែហើយកំព្រាឪពុក តែលោកបានខិតខំប្រឹងប្រែងសិក្សារហូតក្លាយជា​សិស្ស​ពូកែម្នាក់ក្នុងចំណោមសិស្សពូកែៗដទៃៗទៀតក្នុងព្រះរាជាណាចក្រកម្ពុជា។ សូមសង្ខេបប្រវត្តិការសិក្សា របស់លោក ម៉ម កាយ ដូច​ខាង​ក្រោម៖

-លោក ម៉ម កាយ ជាអតីតសិស្សពូកែអក្សរសាស្ត្រខ្មែរ (ឆ្នាំ១៩៩៨) ដោយក្នុងរយៈពេល ២ម៉ោង លោក​មានសមត្ថភាពសរសេរតែងសេចក្តីបានរហូតដល់ទៅ ៧ទំព័រ ប្រកបដោយ រចនាបទ អត្ថន័យ អត្ថរូប អត្ថរស និងអក្ខរាវិរុទ្ធ (កិច្ចការស្អាត) ដែលអាចទទួលយកបាន

-លោកទទួលបានបរិញ្ញាបត្រអក្សរសាស្ត្រខ្មែរ, ច្បាប់ និងទំនាក់ទំនងអន្តរជាតិ

-លោកទទួលបានសញ្ញាបត្រគរុកោសល្យឯកទេសអក្សរសាស្ត្រខ្មែរ និងជាគរុសិស្សឆ្នើមប្រចាំជំនាន់

-លោកទទួលបានសញ្ញាបត្រអនុបណ្ឌិត ផ្នែករដ្ឋបាលសាធារណៈ (សិក្សាជាភាសាអង់គ្លេស)

-លោកបាននិងកំពុងសិក្សា និងការពារសារណា ថ្នាក់អនុបណ្ឌិត ផ្នែក«វិទ្យាសាស្រ្ដសេដ្ឋកិច្ច» នៅរាជបណ្ឌិត្យសភាកម្ពុជា

-លោកបានទទួលការបណ្តុះបណ្តាល នៅសាលាភូមិន្ទរដ្ឋបាល

-លោកធ្លាប់សិក្សានៅប្រទេសជប៉ុន លើមុខវិជ្ជាសំខាន់ៗដូចជា៖ “ការការពារបរិស្ថាន ,ការគ្រប់គ្រងកាក សំណល់រឹងរាវ, ប្រព័ន្ធលូបង្ហូរ, សុខភាពសាធារណៈ, ការកសាងនិងថៃរក្សាសន្តិភាព, និងផែនការ​អភិវឌ្ឍន៍​ទីក្រុង” ដោយទទួលបានលទ្ធផលជ័យលាភីល្អ​ក្នុងចំណោមបេក្ខជននិស្សិតមកពី​បណ្តាប្រទេស​អាស៊ាន រហូតទទួលបានការកោតសរសើរពី ឯកឧត្តមអភិបាលទីក្រុងហ៊ីរ៉ូហ្សីម៉ា ប្រទេសជប៉ុនថែម​ទៀត​ផង។

-លោកធ្លាប់ទទួលបានការបណ្តុះបណ្តាលនៅប្រទេសចិន ក្នុងកម្មវិធី “អ្នកដឹកនាំវ័យក្មេង ចិន-អាស៊ាន”

-លោកធ្លាប់ចូលរួមធ្វើទស្សនកិច្ចសិក្សានៅ ប្រទេសនេប៉ាល់ ប្រទេសចិន ប្រទេសជប៉ុន ប្រទេសបារាំង ប្រទេសប៊ែលហ្សិក និង ប្រទេសស្វីសផងដែរ។

ទន្ទឹមនឹងនោះដែរ លោក ម៉ម កាយ ក៏ជាសមាជិកនៃ (ចៅហ្វាយក្រុង សម្រាប់សន្តិភាព) ( Mayors for Peace Member ) តាំងពីឆ្នាំ 2015 រហូតមកដល់បច្ចុប្បន្ននេះ ដោយមានទីក្រុងជាសមាជិកសរុប 8200 ទីក្រុង នៃប្រទេស ចំនួន 166 នៅជុំវិញពិភពលោក ដែលបង្កើតឡើងនៅ ប្រទេសជប៉ុន ហើយ ចៅហ្វាយក្រុង ហ៊ីរ៉ូហ្ស៊ីម៉ា ប្រទេសជប៉ុន នាបច្ចុប្បន្ន ជាប្រធាន។

ចំណែក​ឯ​បទពិសោធន៍​ការងារ​វិញ លោក ម៉ម កាយ មានបទពិសោធន៍​បម្រើការងារនៅក្រសួងអប់រំ យុវជន និង​កីឡា, ក្រសួងមហាផ្ទៃ និងក្រសួងមុខងារសាធារណៈ (ក្នុងតួនាទីជាជំនួយការឯកឧត្តមរដ្ឋមន្ត្រី)។ លោក​ក៏​ជាអតីតប្រធាន​សហភាពសហព័ន្ធយុវជនកម្ពុជា ថ្នាក់ស្រុក ពីឆ្នាំ២០១២ ដល់ឆ្នាំ ២០២០ ហើយ​លោក​បានចូលរួមការងារសង្គម មនុស្សធម៌យ៉ាងសកម្មជាច្រើនផងដែរ ដូចជា ការចែករំលែកចំណេះដឹង​លើការអប់រំយុវជន ការបង្រៀនភាសាអង់គ្លេស ការបង្រៀនគន្លឹះសំខាន់ៗនៃការត្រៀមប្រលង​សញ្ញាប័ត្រ​ទុតិយភូមិ ការត្រៀមខ្លួនក្លាយជាសិស្សពូកែ ការត្រៀមខ្លួនជាយុវជនបន្តវេន ការសំអាតបរិស្ថាន សិល្បៈ​កីឡា ការដាំដើមឈើ ការបម្រើសេវាសាធារណៈជូនប្រជាពលរដ្ឋ និងការសម្របសម្រួលទំនាស់ក្រៅ​ប្រព័ន្ធ​តុលាការ​ជូនប្រជាពលរដ្ឋនៅមូលដ្ឋានប្រកបដោយប្រសិទ្ធភាព ក្នុងពេលលោកបំពេញ​តួនាទីជាអភិបាលរង​ស្រុកបាភ្នំ ២អាណត្តិ៕

The post កូនអ្នកស្រែកំព្រាឪពុកម្នាក់ ទទួលបានការតែងតាំងជា «អភិបាលរង» ខេត្តតាកែវ appeared first on .

ប្រធានមន្ទីរ​សុរិយោដី មួយ​រូប​ខាង​លើ​នេះ​ គឺ​លោក សារិន វណ្ណា ដែល​ជា​ប្រធានមន្ទីររៀបចំដែនដី នគរូប​នីយកម្ម សំណង់ និងសុរិយោដីរាជធានីភ្នំពេញ។ ​លោក សារិន វណ្ណា អតីត​អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានីភ្នំពេញ ត្រូវបានលោកទេសរដ្ឋមន្ត្រី អ៊ឹម ឈុនលឹម និង​រដ្ឋមន្ត្រី​ក្រសួងរៀបចំដែនដី នគរូបនីយកម្ម និងសំណង់ ចុះហត្ថលេខា តែងតាំងជាប្រធានមន្ទីររៀបចំដែនដី នគរូបីយកម្ម​រាជធានីភ្នំពេញ ជំនួសលោក ជា ស្រ៊ុន ប្រធានមន្ទីរចាស់ ដែលត្រូវដាក់ឲ្យចូលនិវត្តន៍នោះ តាំង​ពី​ថ្ងៃទី១៤ ខែកញ្ញា ឆ្នាំ២០១៥។

ទោះ​បី​លោក​ទេសរដ្ឋមន្ត្រី អ៊ឹម ឈុនលឹម ​​​ចាក​ចេញ (បច្ចុប្បន្ន​ជា​ប្រធាន​ក្រុមប្រឹក្សា​ធម្មនុញ្ញ) ជំនួស​វិញ​ដោយ​​ឧប​​នាយករដ្ឋមន្ត្រី ជា សុផារ៉ា ជា​រដ្ឋមន្ត្រី​ក្រសួងដែនដី​ថ្មី ក៏​លោក​ សារិន វណ្ណា នៅ​តែ​បន្ត​ទទួល​បាន​តំណែង​​ជា​ប្រធាន​មន្ទីរ​​សុរិយោដី​រាជធានីភ្នំពេញ រហូត​មក​ដល់​បច្ចុប្បន្ន សរុប​រយៈពេល​ប្រមាណ ​​៧​ឆ្នាំ​មក​ហើយ។

លោក សារិន វណ្ណា បាន​ទទួល​ងារ «ឯកឧត្តម» ​​តាម​រយៈ​ព្រះរាជក្រឹត្យ​ ចុះ​ថ្ងៃទី​១៨ ខែ​កញ្ញា ឆ្នាំ២០១៨ ដែល​បាន​​​តែងតាំង​រូប​លោក​ជា​ ជំនួយការ​សម្តេច​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា មាន​ឋានៈស្មើ «អគ្គនាយក» បន្ថែម​លើ​មុខងារ​បច្ចុប្បន្ន។

នៅថ្ងៃទី០៦ ខែតុលា ឆ្នាំ២០១៨ លោក សារិន វណ្ណា ​​​ត្រូវ​បាន​សម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន ​តែងតាំង​ជា​ អនុប្រធាន​កាកបាទក្រហមរាជធានីភ្នំពេញ។ យ៉ាងណាមិញ ​ប្រធាន​មន្ទីរសុរិយោដី​រាជធានីភ្នំពេញ​រូប​នេះ ​​​​ក៏​ត្រូវ​បាន​ព្រះមហាក្សត្រ​ប្រោស​ព្រះរាជទាន ផ្តល់​គ្រឿង​ឥស្សរិយយស «ជាតូបការ» ដែល​ជា​មេដាយ​ខ្ពស់​បំផុត​របស់​កម្ពុជា ​សម្រាប់​បុគ្គល​ដែល​ជួយ​បម្រើ​ជាតិ កាល​ពី​ថ្ងៃ​ទី​១៣ ខែមីនា ឆ្នាំ២០២១ ហើយ​សម្តេច​តេជោ ហ៊ុន សែន នាយករដ្ឋមន្ត្រី​ បាន​បំពាក់​មេដាយ​ជូន​លោក​ដោយ​ផ្ទាល់​ផង​ដែរ៕

The post ណែនាំឱ្យស្គាល់ មេសុរិយោដី មួយរូបគត់នៅកម្ពុជា ដែលមានងារ «ឯកឧត្តម» appeared first on .

យោង​តាម​មាត្រា១៤៣ នៃច្បាប់ស្តីពី​ការ​គ្រប់គ្រង​រដ្ឋបាលរាជធានី ខេត្ត ក្រុង ស្រុក ខណ្ឌ ​​បាន​​​ចែង​ថា អភិបាលរង​រាជធានី អភិបាលរង​ខេត្ត ត្រូវ​ជ្រើស​រើស​ពី​ក្នុង​ចំណោម​មន្ត្រី​ទាំង​ពីរ​ភេទ ​ដែល​ស្ថិត​នៅ​ក្នុង​ក្របខណ្ឌ​មន្ត្រី​រដ្ឋបាល​ជាន់ខ្ពស់ ក្រសួង​មហាផ្ទៃ ដែល​មាន​លក្ខណៈ​សម្បត្តិ​ដូច​ខាង​ក្រោម៖

១. មាន​ឋានន្តរស័ក្តិ ចាប់ពី​វរមន្ត្រី​ឡើង​ទៅ

២. មាន​អាយុ​ចាប់ពី​ ៣៥​ឆ្នាំ​ឡើង គិត​ដល់​ថ្ងៃ​តែងតាំង

៣. មាន​បទពិសោធន៍ការងារ​ផ្នែក​រដ្ឋបាលសាធារណៈ​យ៉ាង​តិច​ចំនួន ៥​ឆ្នាំ ឬ/និង​មាន​សញ្ញាបត្រ​បរិញ្ញាបត្រ​ដែល​ទទួល​ស្គាល់​ដោយ​ក្រសួង​អប់រំ យុវជន​ និង​កីឡា

៤. មាន​ឈ្មោះ​ក្នុង​បញ្ជី​ឈ្មោះ​បោះឆ្នោត​ផ្លូវការ ក្នុង​រយៈពេល​នៃ​ការ​តែងតាំង

៥. មិន​ធ្លាប់​មាន​ទោស​ឧក្រិដ្ឋ ឬមជ្ឈិម​ណា​មួយ។

អភិបាលរង​រាជធានី អភិបាលរង​ខេត្ត ​​ត្រូវ​តែងតាំង​ដោយ​អនុក្រឹត្យ តាម​សំណើ​របស់​រដ្ឋមន្ត្រី​ក្រសួង​មហាផ្ទៃ។ ក្នុង​ករណី​ចាំបាច់ អភិបាលរងរាជធានី អភិបាលរង​ខេត្ត ក៏​អាច​ជ្រើស​រើស​ពី​ក្នុង​ចំណោម​មន្ត្រី​​ទាំង​ពីរ​ភេទ ដែល​ស្ថិត​​ក្នុង​ក្របខណ្ឌ​មន្ត្រីរាជការ​ស៊ីវិល ក្រៅ​ពី​ក្របខណ្ឌ​ក្រសួង​មហាផ្ទៃ​បាន​ផង​ដែរ ប៉ុន្តែ​​​ត្រូវ​មាន​លក្ខណៈ​សម្បត្តិ​ដូច​ខាង​លើ។

អភិបាល ​អភិបាលរង មាន​អាណត្តិ​ការងារ​មិន​លើស​ពី​៤​ឆ្នាំ​នោះ​ទេ ប៉ុន្តែ​អាច​ត្រូវ​បាន​តែងតាំង​បាន ៤​ឆ្នាំ​ទៀត ក្នុង​ដែន​សមត្ថកិច្ច​ដដែល សម្រាប់​អាណត្តិ​ទី​២ របស់​ខ្លួន។

សូម​​ជម្រាប​ជូន​ថា ​កាល​ពី​ថ្ងៃ​ទី​០៣ ខែ​មិថុនា ឆ្នាំ២០២២ ​​ព្រះមហាក្សត្រ​បាន​ចេញ​ច្បាប់​ស្តីពី​ការ​ធ្វើ​វិសោធនកម្ម​​​មាត្រា​មួយ​ចំនួន ​​ដែល​ក្នុង​នោះ​មាត្រា១៤០ ថ្មី បាន​បន្ថែម​ចំនួន​គណៈអភិបាល ដូច​ជា គណៈអភិបាល​រាជធានីភ្នំពេញ មាន​ចំនួន​យ៉ាង​ច្រើន ១១​នាក់, គណៈអភិបាលខេត្ត មាន​ចំនួន​ពី ៧ ទៅ ១១​នាក់ និង​គណៈអភិបាល​ក្រុង ស្រុក ខណ្ឌ មាន​ចំនួន ៥​ ទៅ ៧​នាក់៕

The post ដឹងអត់ថា ត្រូវមានលក្ខណៈសម្បត្តិអ្វីខ្លះ ទើបអាចធ្វើជាអភិបាលរងខេត្តបាន? appeared first on .

លោក ប្រាក់ ប៉ូលី ​​អតីត​​ប្រធានការិយាល័យ​សុរិយោដី ​ក្រុងប៉ោយប៉ែត ​​​បាន​ឡើង​តំណែង​ជា​ប្រធាន​មន្ទីររៀបចំដែនដី នគរូបនីយកម្ម សំណង់ និងសុរិយោដី ​ខេត្ត​បន្ទាយមានជ័យ​ កាល​ឆ្នាំ២០១៥។ ក្រោយ​កាន់​តំណែង​បាន ៤​ឆ្នាំ ​​លោក​ក៏​ត្រូវ​បាន​ថ្នាក់​ដឹក​នាំ​ ឧបនាយករដ្ឋមន្ត្រី ជា សុផារ៉ា ដក​តួនាទី​ពី​ប្រធាន​មន្ទីរ​សុរិយោដី មក​បម្រើ​ការ​នៅ​ទីស្តីការ​ក្រសួង​រៀបចំ​ដែនដី នគរូបនីយកម្ម និង​សំណង់ វិញ នៅ​ឆ្នាំ២០១៩។ ​​យ៉ាងណាក្តី នៅ​ឆ្នាំ២០២២​នេះ លោក ប្រាក់ ប៉ូលី ​បាន​ផ្ទេរ​ទៅ​បម្រើ​ការងារ​នៅ​ក្រសួងមហាផ្ទៃ ​​និង​​​​​បាន​ឡើង​ទៅ​ជា​អភិបាលរង ខេត្ត​បន្ទាយមានជ័យ។

កាល​ព្រឹកថ្ងៃទី២៩ ខែសីហា ឆ្នាំ២០២២ ម្សិលមិញ​នេះ​ អភិបាលរង និងនាយករដ្ឋបាល​សាលាខេត្ត​បន្ទាយមានជ័យ សរុបចំនួន៦រូប ត្រូវបានប្រកាសចូលកាន់តំណែងជាផ្លូវការ ក្រោមអធិបតីភាព លោក ប៊ុន ហ៊ុន រដ្ឋលេខាធិការក្រសួងមហាផ្ទៃ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រី​ក្រសួងមហាផ្ទៃ។

សូមបញ្ជាក់ថា យោងតាមអនុក្រឹត្យ ស្តីពីការតែងតាំងមន្រ្តីរាជការ ដែលបានចុះហត្ថលេខាដោយ សម្តេច​តេជោ ហ៊ុន សែន នាយករដ្ឋមន្រ្តីនៃកម្ពុជា បានកំណត់តែងតាំងមន្រ្តីរាជការ ចំនួន ០៦ រូប ដូចខាងក្រោម៖

ទី១៖ លោក ឈឿង ក្រៃយ៉ុង ពីនាយករដ្ឋបាលសាលាខេត្ត ឡើងជាអភិបាលរងខេត្ត

ទី២៖ លោក ប្រាក់ ប៉ូលី ពីមន្ត្រី ក្រសួងមហាផ្ទៃ អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មកជាអភិបាលរងខេត្ត

ទី៣៖ លោក ហ៉ឹល រ៉ាយ៉ា ពីអភិបាលក្រុងសិរីសោភ័ណ ឡើងជាអភិបាលរងខេត្ត

ទី៤៖ លោក យឹម សំណាង ពីអភិបាលស្រុកអូរជ្រៅ ឡើងជាអភិបាលរងខេត្ត

ទី៥៖ លោក ឃ្លោក ណួយ ពីអភិបាលរង ខេត្តប៉ៃលិន មកជាអភិបាលរងខេត្តបន្ទាយមានជ័យ ជំនួសលោក អោម ចន្ថា អភិបាលរងខេត្ត ដែលឡើងទៅជាអនុរដ្ឋលេខាធិការ ក្រសួងមហាផ្ទៃ។

ទី៦៖ លោក ណង វុទ្ធី នាយករងរដ្ឋបាល ឡើងជានាយករដ្ឋបាលសាលាខេត្ត៕

The post អតីតប្រធានមន្ទីរសុរិយោដី ខេត្តបន្ទាយមានជ័យ ឡើងជា «អភិបាលរង» ខេត្តបន្ទាយមានជ័យ appeared first on .

លោកស្រី សូ ស្រីពៅ តែង​បង្ហាញ​មុខ​ញឹកញាប់​នៅ​លើ​​កញ្ចក់​ទូរទស្សន៍ CNC ​​ជា​ពិសេស​កាល​ឆ្នាំ​២០១៩ និង​ឆ្នាំ​២០២០ ក្នុង​កម្មវិធី​ព័ត៌មាន​ប្រចាំថ្ងៃ និង​កម្មវិធី​មួយ​ចំនួន​ទៀត។ តួនាទី​ថ្មី​នេះ​ មានន័យ​ថា លោក​ជំទាវ​ សូ ស្រីពៅ ​នឹង​ត្រូវ​ជួយការងារ​មួយ​ចំនួន​តាម​ការ​ចាត់តាំង​​​របស់​ឯកឧត្តម ស៊ុយ សែម រដ្ឋមន្ត្រី​ក្រសួង​រ៉ែ និង​ថាមពល។

​ក្រសួង​រ៉ែ និង​ថាមពល ត្រូវ​បាន​បង្កើត​ឡើង កាល​ពី​ថ្ងៃទី​០៩ ខែ​ធ្នូ ឆ្នាំ២០១៣ ដោយ​មាន​អគ្គនាយកដ្ឋាន​ធំៗ​ចំនួន​៤​គឺ អគ្គនាយកដ្ឋានកិច្ចការទូទៅ អគ្គនាយកដ្ឋានធនធានរ៉ែ អគ្គនាយកដ្ឋានថាមពល និងអគ្គនាយក​ដ្ឋានប្រេងកាត ប៉ុន្តែ​ក្នុង​នោះ​ក៏​មាន​អង្គភាព​ចំនួន​ទៀត​ក្រោម​ឱវាទ​ដូចជា នាយកដ្ឋានសវនកម្មផ្ទៃក្នុង អគ្គាធិការដ្ឋាន និង​មន្ទីរ​រ៉ែនិង​ថាមពល បណ្តា​រាជធានី-ខេត្ត៕

The post ពិធីការិនីទូរទស្សន៍ CNC ទទួលការតែងតាំងជា «អនុរដ្ឋលេខាធិការ» ក្រសួងរ៉ែនិងថាមពល appeared first on .

លោក ណុប ឡងឌី ត្រូវបានគេ​ដឹង​ថា ជា​ក្មួយ​ប្រុស​របស់​នាយឧត្តមសេនីយ៍ (ផ្កាយ​៤) ឥត សារ៉ាត់ អគ្គមេ​បញ្ជាការរង នាយសេនាធិការចម្រុះនៃកងយោធពលខេមរភូមិន្ទ។ ​លោកឧត្តម​សេនីយ៍​ត្រី (​ផ្កាយ​មួយ)​ ណុប ឡងឌី ​​បាន​បញ្ចប់​ការ​សិក្សា​​​ថ្នាក់​អនុបណ្ឌិត​ ផ្នែក​រដ្ឋបាលសាធារណៈ ​​និង​ធ្លាប់​សិក្សា​វគ្គ​វិក្រឹត្យការ​មន្ត្រី​ជាន់​ខ្ពស់​ នៅ​សាលាភូមិន្ទរដ្ឋបាល កាលឆ្នាំ២០១៨ ផងដែរ៕

The post ក្មួយប្រុសមេទ័ពផ្កាយ៤ ទទួលការតែងតាំងជា «អភិបាលរង» ខេត្តត្បូងឃ្មុំ appeared first on .

លោក ឡូវ សុខសាន អភិបាលស្រុក បាន​មានប្រសាសន៍ក្នុងពិធីនោះ​ថា ការដាំដើមឈើ​នៅតាម​សាលា​រៀន វត្តអារាម និងទីសាធារណៈនានា គឺមានគោលបំណង និង​មាន​សារៈប្រយោជន៍​ជួយថែរក្សាបរិស្ថាន បង្កើន​​ទេសភាព សោភ័ណ​ភាព បង្កើតម្លប់ពណ៌បៃតង និងជាម្លប់ដ៏ត្រជាក់​សម្រាប់ព្រះសង្ឃ លោកគ្រូ អ្នកគ្រូ សិស្សានុសិស្ស និងប្រជា​ពលរដ្ឋ​យើង ជាពិសេស គឺជួយកែប្រែបរិយាកាស​ធម្មជាតិនៅតាម​សាលា​រៀន វត្តអារាម និងទីសាធារណៈនានាឱ្យកាន់តែល្អប្រសើរថែមទៀត។

លោកអភិបាលស្រុកបន្ថែមថា គ្រប់អាជ្ញាធរភូមិ-ឃុំទាំងអស់ បន្តយកចិត្តទុកដាក់រៀបចំ​ជាផែនការដាំដើម​ឈើប្រចាំឆ្នាំ ដោយកំណត់នៅតាមទីសាធារណៈ វត្តអារាម មណ្ឌលសុខភាព សាលារៀនណាមួយ​ សម្រាប់​ធ្វើការដាំដើមឈើ និងការថែទាំដើមឈើឱ្យរស់លូតលាស់ល្អ ហើយត្រូវជំរុញចលនាប្រជាពលរដ្ឋ​គ្រប់រូប​នៅតាមមូលដ្ឋាន ព្រះសង្ឃគ្រប់ព្រះអង្គ នៅតាមវត្តអារាមឱ្យចូលរួមសកម្មភាពដាំដើមឈើ រួមទាំង​ដាំដើម​ឈើហូបផ្លែផងដែរ ឱ្យបានគ្រប់ទី​កន្លែងទាំងអស់ ដែលមានដីទំនេរក្រៅពីកសិកម្ម និងចូលរួមថែរក្សា​កូន​ឈើ ដែលបានដាំរួចឱ្យ បាន​ដុះលូតលាស់ល្អ សម្រាប់ឧត្តមប្រយោជន៍របស់ខ្លួនឯងផង និងរបស់សង្គម​ជាតិផង។

សូម​​រំឭក​ផង​ដែរ​ថា លោក ឡូវ សុខសាន វ័យ​៣១​ឆ្នាំ ​​​បាន​ទទួល​ការ​តែងតាំង​ជា​អភិបាល​ស្រុក​កៀន​ស្វាយ ​កាល​ពី​ថ្ងៃទី​៣០ ខែ​មិថុនា ឆ្នាំ​២០២២។ មុនទទួលដំណែងជាអភិបាលស្រុក លោក គឺជាអ្នករកស៊ីវ័យ​ក្មេង​ម្នាក់ ហើយត្រូវព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» កាល​ពី​ថ្ងៃទី១១ ខែកក្កដា ឆ្នាំ​២០១៥។ លោក ឡូវ សុខសាន ត្រូវ​បាន​គេ​ដឹង​ថា ជា​កូនប្រសាររបស់​ឯកឧត្តម ម៉ៅ ភិរុណ ប្រធានក្រុម​ប្រឹក្សាខេត្តកណ្តាល (អតីត​អភិបាលខេត្ត​កណ្តាល) ផងដែរ៕

The post អភិបាលស្រុកវ័យក្មេង ប្រាប់ពីសារៈប្រយោជន៍ នៃការដាំដើមឈើតាមសាលារៀន និងវត្តអារាម appeared first on .

ព្រះរាជក្រឹត្យ​​លេខ​ នស/រកត/០៨២២/៩២៧ នេះ​ដដែល ​​​​ក៏​បាន​តែងតាំង​ និង​ផ្តល់​ឋានៈ មន្ត្រី​ជាន់​ខ្ពស់​ចំនួន ៨​ រូប​ផ្សេង​ទៀត ជា​ជំនួយការ​សម្តេច​តេជោ ហ៊ុន សែន ​​មាន​ឋានៈ​ស្មើ អនុរដ្ឋលេខាធិការ និង​ឋានៈ​ស្មើ អគ្គនាយក បន្ថែម​លើ​មុខងារ​បច្ចុប្បន្ន​ផង​ដែរ។

គួរបញ្ជាក់ថា បច្ចុប្បន្ន​ នាយឧត្តមសេនីយ៍ សាស្រ្តាចារ្យ បណ្ឌិត ណុប រតនា ​​មាន​តួនាទី​ជា​អគ្គមេបញ្ជាការ​រង នៃកងយោធពលខេមរភូមិន្ទ និង​ជា​មេបញ្ជាការ​នៃ​បញ្ជាការដ្ឋានកាំភ្លើងធំ អគ្គបញ្ជាការ។ សម្រាប់​តួនាទី​ក្នុងបក្ស​ លោក​គឺ​​​​​ជា​សមាជិក​គណៈកម្មាធិការកណ្តាលគណបក្សប្រជាជនកម្ពុជា៕

The post មេបញ្ជាការកាំភ្លើងធំ ទទួលបានការតែងតាំងជា «ទីប្រឹក្សាផ្ទាល់» សម្តេចតេជោ ហ៊ុន សែន appeared first on .