១. ការកើនឡើងនៃអត្រាការប្រាក់រយៈពេលវែង (Treasury Yields)៖
អត្រាផលទុនបណ្ណសារពើពន្ធអាមេរិក (Treasury Yields) បានហក់ឡើងដល់កម្រិតខ្ពស់គួរឱ្យកត់សម្គាល់ ដោយក្នុងនោះ 30-Year Treasury Yield បានឡើងដល់ ៥.៦៣% ខណៈដែល 10-Year Yield បានហក់ឡើងធំជាង ៥.៣%។ ការឡើងខ្ពស់នៃអត្រាការប្រាក់រយៈពេលវែងនេះ បានធ្វើឱ្យវិនិយោគិនផ្លាស់ប្តូរទិសដៅ បែរមកចាប់អារម្មណ៍លើការវិនិយោគលើទ្រព្យសម្បត្តិដែលផ្តល់ការប្រាក់ខ្ពស់ និងមានសុវត្ថិភាពទាំងនេះវិញ ជំនួសឱ្យការទុកទុនលើមាសដែលជាទ្រព្យសម្បត្តិមិនផ្តល់អត្រាការប្រាក់ (Non-yielding asset)។
២. នយោបាយរឹតបន្តឹងរបស់ធនាគារកណ្តាលសហរដ្ឋអាមេរិក (Federal Reserve Policy)៖
ប្រធានធនាគារកណ្តាលសហរដ្ឋអាមេរិក (Fed Chair) លោក Kevin Warsh បានប្រកាសបន្តកំណត់ជំហររឹងត្អឹងក្នុងការដំឡើងអត្រាការប្រាក់ជាបន្តបន្ទាប់។ គោលនយោបាយរូបិយវត្ថុដ៏តឹងរ៉ឹងនេះ គឺធ្វើឡើងក្នុងគោលបំណងដើម្បីទប់ស្កាត់ និងវាយបកទៅលើសម្ពាធអតិផរណាដែលកំពុងកើតមាន ដែលកត្តានេះបានធ្វើឱ្យប្រាក់ដុល្លារមានតម្លៃកាន់តែខ្លាំង និងដាក់សម្ពាធផ្ទាល់មកលើតម្លៃមាស។
៣. ការរំពឹងទុករបស់ទីផ្សារ (Market Expectations)៖
សន្ទស្សន៍និងអ្នកចូលរួមក្នុងទីផ្សារហិរញ្ញវត្ថុ បានបង្ហាញការរំពឹងទុកយ៉ាងមុតមាំថា ធនាគារកណ្តាលអាមេរិក (Fed) នឹងបន្តដំឡើងអត្រាការប្រាក់បន្ថែមទៀតនៅក្នុងត្រីមាសទី៤ ឆ្នាំ២០២៦ នេះ។ ការរំពឹងទុកពីការបន្តដំឡើងអត្រាការប្រាក់នាពេលឆាប់ៗខាងមុខនេះ បានធ្វើឱ្យសម្ពាធនៃការលក់មាសចេញពីសំណាក់វិនិយោគិនកាន់តែមានទម្ងន់ ដែលជម្រុញឱ្យតម្លៃមាសនៅលើទីផ្សារបន្តធ្លាក់ចុះជាលំដាប់នៅក្នុងខែនេះ៕

The post មូលហេតុ៣នេះ ធ្វើឲ្យតម្លៃមាសបន្តធ្លាក់ថ្លៃក្នុងខែតុលា ឆ្នាំ​២០២៦នេះ appeared first on .

ផ្អែកលើទិន្នន័យពីនាយកដ្ឋានព័ត៌មានវិទ្យានិងស្ថិតិហុងកុង បានបង្ហាញថាក្រុមហ៊ុនវិនិយោគលោហធាតុមានតម្លៃ BullionVault បានគណនាថា ទីក្រុងហុងកុង បាននាំចូលមាសចំនួន ១១២,៧ តោនពីរុស្ស៊ីក្នុងរយៈពេល ៧ខែដំបូងនៃឆ្នាំនេះ។ តួលេខនេះបានកើនលើសកំណត់ត្រាកាលពីឆ្នាំមុនដែលមានចំនួនត្រឹម ៩២,១ តោន។ កាលពីមុនពេលមានជម្លោះរវាងរុស្ស៊ីនិងអ៊ុយក្រែន ហុងកុងបាននាំចូលមាសពីរុស្ស៊ីត្រឹមតែ ៣,៣ តោនប៉ុណ្ណោះក្នុងឆ្នាំ២០២១។

យ៉ាងណាមិញ ជុំការវិវឌ្ឍនេះបង្ហាញថា មាសរុស្ស៊ីបានផ្លាស់ប្តូរទិសដៅការនាំចេញរបស់ខ្លួន បន្ទាប់ពីទីផ្សារលោកខាងលិចបានបញ្ឈប់ការទិញ។ ហុងកុងបានក្លាយជាមជ្ឈមណ្ឌលដ៏សំខាន់សម្រាប់ទំនាក់ទំនងពាណិជ្ជកម្មរវាងរុស្ស៊ីនិងចិនចាប់តាំងពីមានជម្លោះមក។

គួរជម្រាបជូនផងដែរថា នៅមុនពេលមានជម្លោះ ឧស្សាហកម្មមាសរុស្ស៊ីបានពឹងផ្អែកយ៉ាងខ្លាំងលើទីក្រុងឡុងដ៍ របស់ចក្រភពអង់គ្លេស។ យោងតាមទិន្នន័យពី BullionVault ការនាំចេញមាសរុស្ស៊ីទៅកាន់ចក្រភពអង់គ្លេសចន្លោះឆ្នាំ២០១៩ និង ២០២១ មានទំហំច្រើនជាង ៧០% នៃផលិតកម្មមាសសរុបរបស់ប្រទេសរុស្ស៊ី៕​

The post ហុងកុង ទិញចូលមាសពីរុស្ស៊ីក្នុងចំនួនច្រើនជាង ១០០ តោន ត្រឹមរយៈពេល ៧ខែដំបូងនៃឆ្នាំនេះ appeared first on .

នៅចុងបញ្ចប់នៃវគ្គជួញដូរកាលពីថ្ងៃទី២៨ ខែកញ្ញា តម្លៃមាសបានធ្លាក់ចុះ ១៧០ដុល្លារ ភ្លាមៗ មកនៅត្រឹម ៤ ១១៤ដុល្លារ ក្នុងមួយអោន។ នេះជាកម្រិតទាបបំផុត គិតចាប់តាំងពីថ្ងៃទី៥ ខែសីហាមក។ លុះដល់ព្រឹកថ្ងៃទី២៩ ខែកញ្ញា នេះ​តម្លៃមាសបានកើនឡើងបន្តិចវិញដល់ ៤ ១២០ដុល្លារក្នុងមួយអោន។

ជុំវិញការធ្លាក់ចុះនៃទីផ្សារមាសសកលនេះ បានកើនឡើងដោយសារតម្លៃប្រេងឆៅកើនឡើងខ្លាំង ដែលបង្កឱ្យមានការព្រួយបារម្ភអំពីអតិផរណា និងការកើនឡើងនៃអត្រាការប្រាក់។ កម្លាំងរូបិយប័ណ្ណដុល្លារអាមេរិកកាន់តែរឹងមាំ និងផលស្នងប័ណ្ណបំណុលរដ្ឋាភិបាលអាមេរិកក៏កើនឡើង ដែលបន្ថែមសម្ពាធកាន់តែខ្លាំងលើលោហធាតុដ៏មានតម្លៃមួយនេះ។

ជម្រាបជូនថាតម្លៃប្រេងឆៅនៅលើពិភពលោកបានកើនឡើង ៣% នៅដើមសប្តាហ៍នេះ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានបដិសេធសំណើស្វែងរកសន្តិភាពរបស់ប្រទេសអ៊ីរ៉ង់កាលពីចុងសប្តាហ៍មុន ដែលមានគោលបំណងបញ្ចប់ជម្លោះ និងបើកច្រកសមុទ្រ Hormuz ឡើងវិញ។ តម្លៃប្រេងកាន់តែខ្ពស់នឹងរុញច្រានអតិផរណាឱ្យកើនឡើង ដែលបង្ខំឱ្យធនាគារកណ្តាលរក្សាអត្រាការប្រាក់ឱ្យនៅកម្រិតខ្ពស់ក្នុងរយៈពេលយូរជាងមុន៕

The post តម្លៃមាសពិភពលោក ធ្លាក់ចុះដល់កម្រិតទាបបំផុតក្នុងរយៈពេល ៧សប្តាហ៍ចុងក្រោយ appeared first on .

យ៉ាងណាមិញ យោងតាមទិន្ន័យគយសម្រាប់រយៈពេល ៨ខែដំបូងនៃឆ្នាំនេះបានបង្ហាញថា ប្រទេសចិន បានចំណាយទឹកប្រាក់ជិត ១៥៩ពាន់លានដុល្លារ ដើម្បីនាំចូលមាសជាង ១ ០០០ តោន។ តួលេខនេះគឺច្រើនជាងចំនួននៃការនាំចូលសរុបកាលពីឆ្នាំមុន ដែលមានទឹកប្រាក់ប្រមាណ ៩៦,៥ពាន់លានដុល្លារ សម្រាប់មាសចំនួន ៨៨៦ តោន។

គួរឲ្យដឹងថា ជុំវិញការកើនឡើងនេះបានកើតឡើងចំពេលមានភាពតានតឹងផ្នែកភូមិសាស្ត្រនយោបាយសកល និងការធ្លាក់ចុះនៃផលចំណេញលើទ្រព្យសកម្មជាច្រើនទៀតនៅក្នុងប្រទេសចិន។

ជម្រាបជូនថាធនាគារប្រជាជនចិន (PBOC) ដែលជាធនាគារកណ្តាល បានទិញមាសជាបន្តបន្ទាប់អស់រយៈពេល ២២ខែជាប់ៗគ្នារួចមកហើយ ដែលជាផ្នែកមួយនៃយុទ្ធសាស្ត្រធ្វើពិធកម្មទុនបម្រុងរូបិយប័ណ្ណបរទេសរបស់ខ្លួន។ នៅក្នុងខែមិថុនាតែមួយ ប្រទេសចិនបាននាំចូលមាសជាង ១៧០ តោន ដែលជាចំនួនខ្ពស់បំផុតក្នុងរយៈពេល ២ឆ្នាំចុងក្រោយ៕​

The post ចិន ទិញចូលមាសជាង ១ ពាន់តោន ត្រឹមរយៈពេល ៨ខែដំបូងនៃឆ្នាំនេះ appeared first on .

ក្នុងការជួញដូរចុងក្រោយមួយនៅថ្ងៃទី១៧ ខែកញ្ញា តម្លៃមាសបានកើនឡើង ៧៧ដុល្លារភ្លាមៗ ដល់ ៤ ៣៤០ដុល្លារក្នុងមួយអោន។ លុះដល់ព្រឹកថ្ងៃទី១៨ ខែកញ្ញា តម្លៃមាសបានបន្តកើនឡើងបន្ថែមទៀត ដោយបច្ចុប្បន្នបានឈានដល់ ៤ ៣៥៩ដុល្លារ។

គួរឲ្យដឹងផងដែរថា នៅក្នុងការជួញដូរវគ្គមុន តម្លៃមាសបានធ្លាក់ចុះដល់កម្រិតទាបបំផុតក្នុងរយៈពេល ៦សប្តាហ៍ ពោលគឺបន្ទាប់ពីធនាគារកណ្តាលអាមេរិក (Fed) បានប្រកាសពីការដំឡើងអត្រាការប្រាក់លើកដំបូងរបស់ខ្លួនក្នុងរយៈពេល ៣ឆ្នាំ។

យ៉ាងណាមិញ ទីផ្សារមាសបានស្ទុះងើបឡើងវិញ ដោយសារតែតម្លៃប្រេងឆៅមានការធ្លាក់ចុះ និងប្រាក់ដុល្លារអាមេរិកចុះខ្សោយ។ អ្នកវិនិយោគក៏កំពុងវាយតម្លៃលើប្រូបាប៊ីលីតេនៃការតម្លើងអត្រាការប្រាក់នាពេលអនាគតរបស់ Fed ផងដែរ៕​

The post តម្លៃមាសសកលចាប់ផ្តើមស្ទុះងើបឡើងវិញយ៉ាងខ្លាំង ក្រោយធ្លាក់ចុះដោយសារ Fed ដំឡើងការប្រាក់ appeared first on .

នៅពេលបិទការជួញដូរនៅថ្ងៃទី១៦ ខែកញ្ញា តម្លៃមាសបានធ្លាក់ចុះ ៣០ដុល្លារភ្លាមៗ មកនៅត្រឹម ៤ ២៦៣ដុល្លារក្នុងមួយអោន។ យ៉ាងណាមិញ ទីផ្សារមាសអន្តរជាតិបានផ្លាស់ប្តូរទិសដៅធ្លាក់ចុះវិញភ្លាមៗ បន្ទាប់ពីធនាគារកណ្តាលអាមេរិក (Fed) បានប្រកាសពីការដំឡើងអត្រាការប្រាក់គោលរបស់ខ្លួន។

ទន្ទឹមជាមួយគ្នានេះ នៅក្នុងទីផ្សារភាគហ៊ុនអាមេរិកវិញ សន្ទស្សន៍ហ៊ុនសំខាន់នានាក៏បានផ្លាស់ប្តូរទិសដៅ និងបិទក្នុងតម្លៃទាបជាងមុនផងដែរ។ តួរយ៉ាងដូចជាសន្ទស្សន៍ហ៊ុន DJIA បានធ្លាក់ចុះ ១,២%, S&P 500 ថយចុះ ០,៤% ខណៈពេលដែល Nasdaq Composite ស្ទើរតែមិនមានការផ្លាស់ប្តូរ។

គួរជម្រាបជូនថា ដោយបានថ្លែងនៅក្នុងសន្និសីទសារព័ត៌មានបន្ទាប់ពីដំឡើងអត្រាការប្រាក់នេះ ប្រធាន Fed លោក Kevin Warsh បានបញ្ជាក់ជាថ្មីអំពីការប្តេជ្ញាចិត្តរបស់លោកក្នុងការរក្សាស្ថិរភាពតម្លៃតម្លៃ ចំពេលអតិផរណានៅតែមានកម្រិតខ្ពស់។ ហើយមិនតែប៉ុណ្ណោះព័ត៌មាននេះ ក៏បានធ្វើឱ្យប្រាក់ដុល្លារអាមេរិកឡើងថ្លៃផងដែរ ដែលជាការដាក់សម្ពាធបន្ថែមទៀត ទៅលើតម្លៃមាស៕​

The post តម្លៃមាស និងទីផ្សារហ៊ុនធ្លាក់ចុះព្រមគ្នា ក្រោយ Fed សម្រេចដំឡើងអត្រាការប្រាក់លើកដំបូង appeared first on .

នៅចុងបញ្ចប់នៃវគ្គជួញដូរកាលពីថ្ងៃទី១៤ ខែកញ្ញា តម្លៃមាស បានធ្លាក់ចុះជិត ៥០ដុល្លារភ្លាមៗ ដោយមកនៅត្រឹម ៤ ២៩៨ដុល្លារក្នុងមួយអោន។ ហើយគិតនៅត្រឹមព្រឹកថ្ងៃទី១៥ កញ្ញា តម្លៃមាសនៅតែបន្តស្ថិតជុំវិញកម្រិតនេះ ដែលជាកម្រិតទាបបំផុត គិតចាប់តាំងពីដើមខែសីហាមក។

គួរឲ្យដឹងថាទីផ្សារមាសសកលបានធ្លាក់ចុះដោយសារតែតម្លៃប្រេងឆៅពិភពលោកកើនឡើងយ៉ាងឆាប់រហ័ស និងអតិផរណារបស់អាមេរិកខ្ពស់ជាងការរំពឹងទុក ដែលនាំឲ្យលទ្ធភាពដែលធនាគារកណ្តាលអាមេរិក (Fed) នឹងដំឡើងអត្រាការប្រាក់នៅក្នុងកិច្ចប្រជុំនាសប្តាហ៍នេះ កាន់តែកើនឡើងខ្ពស់។

ជម្រាបជូនថា សន្ទស្សន៍ប្រាក់ដុល្លារ (Dollar Index) ដែលបានកើនឡើងដល់កម្រិតខ្ពស់បំផុតក្នុងរយៈពេល ២សប្តាហ៍ចុងក្រោយនេះ ក៏បានបណ្តាលឱ្យតម្លៃមាសធ្លាក់ចុះផងដែរ ដោយសារលោហធាតុមួយនេះមានតម្លៃថ្លៃជាងមុនសម្រាប់អ្នកទិញដែលប្រើប្រាស់រូបិយប័ណ្ណផ្សេងទៀត។ ក្រៅពីមាស តម្លៃប្រាក់ (Silver), ប្លាទីន (Platinum) និងប៉ាឡាដស្យូម (Palladium) ក៏បានធ្លាក់ចុះពី ១% ទៅ ២% នៅក្នុងវគ្គជួញដូរដំបូងនៃសប្តាហ៍នេះដែរ៕​

The post តម្លៃមាសពិភពលោក ធ្លាក់ចុះដល់កម្រិតទាបបំផុតក្នុងរយៈពេលមួយខែចុងក្រោយ appeared first on .

ហាងគ្រឿងអលង្ការមាសភាគច្រើនដែលធ្លាប់តែស្ថិតនៅលើផ្លូវពាណិជ្ជកម្មដ៏សំខាន់ក្នុងស្រុក Biyang ខេត្ត Henan ឥឡូវនេះបានបិទទ្វារអស់ហើយ។

យ៉ាងណាមិញ លោក Yu Qian គ្រូបង្រៀនថ្នាក់មត្តេយ្យ ដែលធ្លាប់តែទិញគ្រឿងអលង្ការធ្វើពីមាសជាញឹកញាប់ បាននិយាយថា ៖”គ្រឿងអលង្ការមាសធ្លាប់តែមានការពេញនិយមខ្លាំងនៅក្នុងស្រុកតូចមួយនេះ។ ពីមុនធ្លាប់តែមានហាងមាសជាង ២០ ប្រតិបត្តិការនៅទីនេះ ប៉ុន្តែឥឡូវបានបិទចោលស្ទើអស់ទៅហើយ”។

ជុំវិញការបិទទ្វារនៃហាងលក់គ្រឿងអលង្ការជាបន្តបន្ទាប់នេះ កំពុងកើតឡើងនៅទូទាំងប្រទេសចិន ដោយសារតម្រូវការចុះខ្សោយ។ Chow Tai Seng ដែលជាម៉ាកយីហោគ្រឿងអលង្ការ និងជាអ្នកលក់រាយមាស ប្រាក់ និងត្បូងដ៏ធំបំផុតមួយនៅក្នុងប្រទេសចិន បានកាត់បន្ថយហាងរបស់ខ្លួនចំនួន ៤៧៣ កន្លែងនៅទូទាំងប្រទេស។ ទន្ទឹមនឹងនេះម៉ាកយីហោ Lao Feng Xiang ក៏បានបិទទីតាំងលក់ចំនួន ៣៤២ កន្លែង នៅទីក្រុងធំៗមួយចំនួននៅក្នុងប្រទេសផងដែរ។

ទីផ្សារមាសរបស់ចិនកំពុងមានការបែកចែកយ៉ាងច្បាស់រវាងមាសគ្រឿងអលង្ការ និងមាសវិនិយោគ។ ទិន្នន័យពីសមាគមមាសចិន បានបង្ហាញថា តម្រូវការគ្រឿងអលង្ការបានធ្លាក់ចុះយ៉ាងខ្លាំងប្រមាណ ៣៣,៨៨% បើធៀបនឹងរយៈពេលដូចគ្នាកាលពីឆ្នាំមុន មកត្រឹម ១៣២,១ តោន ក្នុងរយៈពេល ៦ខែដំបូងនៃឆ្នាំនេះ ខណៈដែលតម្រូវការមាសដុំ និងកាក់មាសសម្រាប់រក្សាទ្រព្យសកម្ម បានកើនឡើង ២៨,៤២% ដល់ ៣៣៩,៣ តោន។ ការប្រើប្រាស់មាសសរុបបានកើនឡើង ១,២៣%។

គួរជម្រាបជូនថា មូលហេតុនៃនិន្នាការនេះគឺដោយសារតម្លៃមាសថ្លៃពេក ធ្វើឱ្យថ្លៃកែច្នៃ ថ្លៃឈ្នួល និងកម្រៃសេវាម៉ាកយីហោ បានក្លាយជាការចំណាយថ្លៃហួសហេតុសម្រាប់អ្នកទិញ។ បញ្ហានេះ ធ្វើឲ្យប្រជាជនលែងចង់ចំណាយលើសោភ័ណភាព ឬម៉ាកយីហោទៀតហើយ។ ពួកគេទិញមាសដើម្បីរក្សាជាទ្រព្យសកម្មវិញ ដូច្នេះហើយទើបពួកគេផ្តល់អាទិភាពលើមាសដុំ និងកាក់មាសច្រើនជាង។

The post គ្រឿងអលង្ការមាសនៅក្នុងប្រទេសចិន កំពុងធ្លាក់ចុះប្រជាប្រិយភាពយ៉ាងខ្លាំង appeared first on .

នៅថ្ងៃទី៧ ខែកញ្ញា ធនាគារប្រជាជនចិន (PBOC) បានប្រកាសតួលេខដែលបង្ហាញថា ខ្លួនបានទិញមាសបន្ថែមចំនួន ៦៥០ ០០០ អោន (ជាង ២០ តោន) សម្រាប់ទុនបម្រុងរបស់ខ្លួននៅក្នុងខែសីហា។ នេះគឺជាការទិញមាសច្រើនបំផុតគិតចាប់តាំងពីខែតុលា ឆ្នាំ២០២៣ មក។

បច្ចុប្បន្ន ទុនបម្រុងមាសរបស់ប្រទេសចិនមានចំនួន ៧៦,៧៣ លានអោន ដែលស្មើនឹង ១០% នៃទុនបម្រុងរូបិយប័ណ្ណបរទេសសរុបរបស់ខ្លួន។ ហើយតម្លៃនៃលោហធាតុដ៏មានតម្លៃដែលប្រទេសចិនកំពុងរក្សាទុកនេះ មានលើសពី ៣៥០ពាន់លានដុល្លារ។

គួរឲ្យដឹងថា កណ្តាលរបស់ប្រទេសចិនមួយនេះ បានទិញមាសជាប់ៗគ្នាអស់រយៈពេល ២២ខែមកហើយ ដែលជាផ្នែកមួយនៃយុទ្ធសាស្ត្រធ្វើចម្រុះកម្ម ដើម្បីពង្រីកជម្រើស ទុនបម្រុងរូបិយប័ណ្ណបរទេសរបស់ខ្លួន។

ជម្រាបជូនផងដែរថា យោងតាមក្រុមប្រឹក្សាមាសពិភពលោក (WGC) បានបង្ហាញថា ធនាគារកណ្តាលនានា បានទិញមាសសរុប ១៣០ តោន ក្នុងរយៈពេល ៧ខែដំបូងនៃឆ្នាំនេះ ដែលកើនឡើង ៣០ តោន បើប្រៀបធៀបនឹងរយៈពេលដូចគ្នាកាលពីឆ្នាំមុន។ សកម្មភាពនេះបានបង្កើតឱ្យមានតម្រូវការមាសយ៉ាងរឹងមាំ ចំពេលមានអស្ថិរភាពភូមិសាស្ត្រនយោបាយ ហានិភ័យអតិផរណា និងការផ្លាស់ប្តូរការព្យាករគោលនយោបាយរូបិយវត្ថុពិភពលោក៕​

The post ចិន បន្តទិញចូលមាសជាង ២០ តោនបន្ថែមទៀតសម្រាប់ប្រើប្រាស់ជាទុនបម្រុងរបស់ខ្លួន appeared first on .

ធនាគារកណ្តាលហូឡង់ (DNB) បានឱ្យដឹងនៅថ្ងៃទី៣ កញ្ញាថា វិធានការនេះនឹងអនុញ្ញាតឱ្យប្រទេសជាតិអាចទទួលបានមាសបម្រុងរបស់ខ្លួនយ៉ាងឆាប់រហ័សក្នុងករណីមានវិបត្តិកើតឡើង។ លោក Olaf Sleijpen ប្រធានធនាគារ DNB បានថ្លែងថា៖ “យើងសង្ឃឹមថានឹងមិនចាំបាច់ប្រើប្រាស់វាឡើយ ប៉ុន្តែការលើកកម្ពស់សមត្ថភាពឆ្លើយតប និងការរៀបចំខ្លួនសម្រាប់សេណារីយ៉ូអាក្រក់បំផុត គឺជាកត្តាចាំបាច់”។

គួរឲ្យដឹងថា DNB បានបញ្ជាក់ថា ដំណើរការផ្ទេរមាសនេះត្រូវបានធ្វើឡើងតាមរយៈការទិញ និងការដឹកជញ្ជូនដោយផ្ទាល់ ជាដំណាក់កាល។ ធនាគារបានដឹកជញ្ជូនមាសជាង ២៧ តោនពីសហរដ្ឋអាមេរិក និងកាណាដាទៅកាន់ទីក្រុង Zeist ក្នុងប្រទេសហូឡង់ ដែលជាកន្លែង DNB មានឃ្លាំងស្តុកទុកមាសស្រាប់។ បរិមាណមាសមួយចំនួនទៀត នឹងត្រូវផ្ទេរបន្តពី Zeist ទៅកាន់ទីក្រុងឡុងដ៍ ប្រទេសអង់គ្លេស ដែលជួយឱ្យ DNB ជៀសវាងពីការកែច្នៃ និងរំលាយដុំមាសឡើងវិញ។

គួរឲ្យដឹងថា មុនពេលមានការដកចេញនេះ ទុនបម្រុងមាសរបស់ហូឡង់ត្រូវ បានរក្សាទុកនៅសហរដ្ឋអាមេរិក និងកាណាដាក្នុងកម្រិត ៣១,៣% និង ១៩,៧% រៀងៗគ្នា។ បន្ទាប់ពីដកមាសចំនួន ៨៦ តោនចេញ ភាគរយទាំងនេះបានថយចុះមកត្រឹម ១៨,៥% នៅក្នុងប្រទេសទាំងពីរ ខណៈពេលដែលមាសនៅទីក្រុងឡុងដ៍បានកើនឡើងពី ១៨,១% ទៅ ៣២,១%។ បច្ចុប្បន្ន ហូឡង់នៅតែរក្សាទុកទុនបម្រុងមាសក្នុងស្រុកជិត ៣១%។

ជម្រាបជូនថា យោងតាម DNB ទុនបម្រុងមាសសរុបរបស់ហូឡង់ មានចំនួនសរុបប្រមាណ ៦១២,៤ តោន ដែលមានតម្លៃ ៧២,២ពាន់លានអឺរ៉ូ (ជាង ៨៣ពាន់លានដុល្លារអាមេរិក) គិតនៅត្រឹមចុងឆ្នាំ២០២៥៕​

The post ហូឡង់ កំពុងផ្ទេរមាសចំនួន ៨៦ តោនចេញពីសហរដ្ឋអាមេរិក និងកាណាដា ទៅទុកនៅទីក្រុងឡុងដ៍វិញ appeared first on .