លើសពីនេះ ក៏ជាការបង្កើនការយល់ដឹងអំពីបញ្ហាប្រឈមសំខាន់ៗនៅក្នុងការដាំដុះ ការប្រមូលទិញ ការកែច្នៃ និងការនាំចេញមៀនប៉ៃលិន រួមគ្នាកំណត់រកដំណោះស្រាយសមស្របផងដែរ ដោយមានការចូលរួមពី លោក តូច ប៊ុនហួរ និង លោក មាស ពិសិដ្ឋ រដ្ឋលេខាធិការ មន្ត្រី និងទីប្រឹក្សានៃកម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម។

វេទិកានេះបានផ្តល់ឱកាសជូនអ្នកចូលរួម ដែលជាមន្ត្រី និងទីប្រឹក្សារបស់ក្រសួងកសិកម្ម រុក្ខាប្រមាញ់ និងនេសាទ មន្ត្រីធនាគារអភិវឌ្ឍន៍ជនបទ និងកសិកម្ម (ARDB) ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង តំណាងសហគមន៍កសិកម្ម និងក្រុមហ៊ុនកែច្នៃមៀនប៉ៃលិន សរុបចំនួន ៤១ នាក់ ក្នុងនោះមានស្ត្រី ៤ នាក់ ដើម្បីស្តាប់ការបកស្រាយបទបង្ហាញ ពិភាក្សា និងចុះហត្ថលេខាលើកិច្ចព្រមព្រៀងភាពជាដៃគូពាណិជ្ជកម្ម រវាងក្រុមហ៊ុន និងសហគមន៍កសិកម្ម ។

អង្គវេទិកាបានផ្តោតលើប្រធានបទសំខាន់ៗ រួមមាន៖ គោលនយោបាយកសិកម្មរបស់រាជរដ្ឋាភិបាល យុទ្ធសាស្ត្រ និងវិធានការអន្តរាគមន៍របស់ក្រសួងកសិកម្ម រុក្ខាប្រមាញ់ និងនេសាទ លក្ខខណ្ឌតម្រូវផ្នែកអនាម័យ និងភូតគាមអនាម័យសម្រាប់ទីផ្សារនាំចេញ និងការអនុវត្តល្អ នៅក្នុងពេលថែទាំ ប្រមូលផល ហាលសម្ងួត ទុកដាក់ កែច្នៃ និងវេចខ្ចប់ ។ល។ សំដៅធ្វើឱ្យអាចលក់មៀនប៉ៃលិនបានកាន់តែច្រើន ទាំងនៅក្នុងស្រុក និងទៅបរទេស ហើយទទួលបានប្រាក់ចំណូលខ្ពស់ ។

គួរបញ្ជាក់ថាកម្មវិធី ASPIRE-AT កំពុងត្រូវបានគ្រប់គ្រង និងដឹកនាំការអនុវត្តដោយក្រសួងកសិកម្ម រុក្ខាប្រមាញ់ និងនេសាទ ដោយប្រើប្រាស់ការគាំទ្របច្ចេកទេស និងថវិកាដែលរាជរដ្ឋាភិបាលកម្ពុជាបានខ្ចី និងទទួលជាជំនួយពីមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) សហភាពអឺរ៉ុប (EU) ធនាគារវិនិយោគអឺរ៉ុប (EIB) មូលនិធិបរិស្ថានសាកល (GEF) និងអង្គការសហប្រតិបត្តិការត្រីកោណ ត្បូង-ត្បូង (SSTC)៕

The post ក្រសួងកសិកម្ម បើកវេទិកាធំនៅបាត់ដំបង ដើម្បីដោះស្រាយបញ្ហាទីផ្សារ និងជំរុញការនាំចេញ «មៀនប៉ៃលិន» appeared first on .

លោក ឃឹម ហ្វីណង់ បានឱ្យដឹងក្នុងឱកាសសហគមន៍កសិកម្មទំនើបដំបូងសម្រាប់ដំណាំមៀនប៉ៃលិនត្រូវបានបង្កើតឡើងជាផ្លូវការនៅក្នុងខេត្តប៉ៃលិន កាលពីថ្ងៃទី១៤ ខែមករាថា ជាមួយគ្នានឹងការបង្កើតជាផ្លូវការសហគមន៍កសិកម្មទំនើបមៀនប៉ៃលិននេះ ក៏មានការចុះកិច្ចសន្យាក្នុងថ្ងៃតែមួយទំហំជាង៥លានដុល្លារជាមួយក្រុមហ៊ុននាំចេញមៀនចំនួន៤ផងដែរ។

ការចុះកិច្ចសន្យា ផ្តោតលើការផលិតនិងផ្គត់ផ្គង់មៀនប៉ៃលិនចំនួន ៧ ៥០០តោន។

សូមបញ្ជាក់ថា សហគមន៍កសិកម្មទំនើបមៀនប៉ៃលិន ដែលបានសម្រេចបង្កើតជាលើកដំបូងផ្លូវការ មានសមាជិក ៨៦គ្រួសារ មានផ្ទៃដីដាំដុះ ៦០០ហិកតា បរិមាណផលសរុបរង្វង់៦០០០តោន ក្នុងមួយឆ្នាំ។ ក្នុងនោះ សម្រាប់រចនាសម្ព័ន្ធគ្រប់គ្រង មានក្រុមប្រឹក្សាភិបាល៥រូប គណៈត្រួតពិនិត្យ៣រូប ចំណែកផ្នែកទីផ្សារ មានផលិតកម្មកសិកម្មតាមកិច្ចសន្យាក្នុងតម្លៃកំណត់ទុកជាមុន។

គួរឱ្យដឹងថា មៀនប៉ៃលិន គឺជាឧត្តមភាពខាងផ្នែកប្រកួតប្រជែងដ៏សំខាន់មួយរបស់ខេត្តប៉ៃលិន ដែលជាប្រភេទកសិផលបាញ់ឆ្ពោះទៅកាន់ទីផ្សារនាំចេញ ជាមួយនឹងភាពកាន់តែច្បាស់លាស់នៃទីផ្សារ៕

The post ដំណាំមៀនប៉ៃលិន បានបង្កើតជាសហគមន៍កសិកម្មទំនើបដំបូង ជាមួយកិច្ចសន្យាក្នុងទំហំជាង៥លានដុល្លារ appeared first on .

 សម្តេចធិបតី ហ៊ុន ម៉ាណែត មានប្រសាសន៍ថា សម្រាប់ការរៀបចំវេទិការាជរដ្ឋាភិបាល ផ្នែកឯកជនលើកទី១៩នេះ ពិសេសតាមរយៈក្រុមការងារកសិកម្ម កសិឧស្សាហកម្ម ក្រុម និងក្រុមការងារស្រូវអង្ករ វិស័យឯកជនមកពីអនុវិស័យជាច្រើននៃវិស័យកសិកម្ម បានស្នើប្រហាក់ប្រហែលគ្នា ពោលគឺ ៖ទី១)-ស្នើសុំពន្យាសុពលភាពនៃការអនុគ្រោះពន្ធដែលនិងផុតកំណត់នៅដំណាច់នៅឆ្នំា២០២៣។ទី២)- ស្នើសុំផ្តល់ការអនុគ្រោះដល់ផលិផលកសិកម្មមួយចំនួនទៀត និងទី៣)-ស្នើសុំបន្ថែមលើការលើកលែងប្រាក់រំដោះពន្ធលើប្រាក់ចំណូល។

សម្តេចធិបតី ហ៊ុន ម៉ាណែត បញ្ជាក់ថា “ជាការឆ្លើយតបរារដ្ឋាភិបាលសម្រេចផ្តល់ជូនតាមការស្នើសុំរបស់វិស័យឯកជនដែលបានដាក់ចេញនូវគោលការណ៍ដូចខាងក្រោម៖(១)-បន្តការលើកទឹកចិត្តផ្នែកពន្ធដាចំនួន២ឆ្នំាបន្តទៀត ស្របតាមប្រកាសលេខ២៥២ សហវ ប្រកចុះថ្ងៃទី១១ខែមីនាឆ្នំា២០១៩ ស្តីពីការលើកទឹកចិត្តផ្នែកពន្ធដាចំពោះសហគ្រាសផលិត ផ្គត់ផ្គង់ក្នុងស្រុកឬនាំចេញស្រូវ អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទីនិងជ័រកៅស៊ូ ។ ការបន្តលើកទឹកចិត្ត និងត្រូវពិនិត្យជាក់ស្តែងអំពីភាពចំាបាច់នៃការបន្តឬមិនបន្តនៅក្នុងរយៈពេល២ឆ្នំាម្តង។(២)- បន្ថែមកសិផលកសិកម្មចំនួន៥មុខថែមទៀតដែលកំពុងមានសក្តានុពលគឺមាន មៀនប៉ៃលិន, ស្វាយ, វារីវប្បកម្ម, ការចិញ្ចឹមសត្វ និងផលិតផលដូងប្រេងនៅក្នុងស្រុក ដែលជាវត្ថុធាតុដើមផលិតចំណីសត្វ ដោយអនុវត្តយន្តការលើកទឹកចិត្តដូចគ្នានិងប្រកាស២៥២ ស្តីពីការលើកទឹកចិត្តពន្ធដារចំពោះសហគ្រាសផលិតផ្គត់ផ្គង់ក្នុងស្រុកឬនាំចេញស្រូវអង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី និងជ័រកៅស៊ូ ដោយភ្ជាប់លក្ខខណ្ឌតម្រូវឱ្យមានការផ្តល់នៅបញ្ជីឈ្មោះអ្នកផ្គត់ផ្គង់ទំនិញឬ សេវាកម្មឱ្យច្បាស់លាស់ទៅអគ្គនាយកដ្ឋានពន្ធដារសម្រាប់ផ្ទៀងផ្ទាត់ និង(៣)- លើកលែងប្រាក់រំដោះពន្ធលើប្រាក់ចំណូល ចំពោះសហគ្រាសដំាដុះ ផលិត ឬផ្គត់ផ្គង់ក្នុងស្រុក ឬនាំចេញផលិតផលកសិកម្ម រួមមានស្រូវ អង្ករ ពោត សណ្តែក ម្រេច ដំឡូងមី ស្វាយចន្ទីនិងជ័រកៅស៊ូ ដោយបន្ថែមនៅ មៀនប៉ៃលិន ស្វាយ វារីវប្បកម្ម ការចិញ្ចឹមសត្វ និងផលិតដូងប្រេងនៅក្នុងស្រុក ដែលជាវត្ថុដើមផលិតចំណីសត្វក្នុងស្រុកគឺមានរយៈពេល២ឆ្នំាគឺពីឆ្នំា២០២៤ដល់២០២៥៕ អត្ថបទ៖សារេត

The post មៀនប៉ៃលិន, ស្វាយ, វារីវប្បកម្ម, ការចិញ្ចឹមសត្វ និងផលិតផលដូងប្រេង ទទួលបានការលើកទឹកចិត្តផ្នែកពន្ធដាររយៈពេល២ឆ្នាំពីរដ្ឋ appeared first on .

លោក ស្រេង ស្រៀង ប្រធានក្រុមប្រឹក្សាភិបាលសហគមន៍មៀងប៉ៃលិន មានប្រសាសន៍ថា «មកដល់បច្ចុប្បន្ននេះកសិករដំាដុះមៀនប៉ៃលិន ពួកគាត់មានការសប្បាយចិត្ត ព្រោះកន្លងមកមានតែទីផ្សារក្នុងស្រុកដល់រដូវប្រមូលផលម្តងៗកសិករតែងតែរងគ្រោះ និងខាតបង់ប្រាក់។តែឥលូវនេះមៀនប៉ៃលិនមានទីផ្សារធំ ហើយបើកសិករអាចផលិតបានទៅតាមស្តង់ដារដែលឃ្លំាងទទួលទិញគឺកសិករអាចលក់បានថ្លៃខ្ពស់។ តួយ៉ាងក្រុមហ៊ុនបញ្ជាទិញពីកសិករត្រូវបេះនៅក្នុងខែធ្នូឆ្នំា២០២៣ទៅដល់ខែមករាឆ្នំា២០២៤មានតម្លៃ៣.៦០០រៀល,ពីខែកុម្ភៈដល់ខែមីនាមានតម្លៃ៤.០០០រៀល ហើយចាប់ពីខែមីនាដល់ខែមេសានិងឧសភាមានតម្លៃ៤.៥០០រៀល។ដូចនេះតម្លៃមៀននៅលើទីផ្សារឡើងថ្លៃ ធ្វើឱ្យកសិករដំាមៀនប៉ៃលិន ពួកគាត់មានការសប្បាយចិត្ត ក្នុងការផលិតមៀនប៉ៃលិន»។

ទន្ទឹមនិងមៀនប៉ៃលិនកំពុងទទួលបានការគំាំទ្រនៅលើទីផ្សារ ធ្វើឱ្យប្រជាកសិករដំាដុះមានការសប្បាយចិត្ត ការនាំចេញផ្លែមៀនស្រស់ របស់កម្ពុជាទៅកាន់ទីផ្សារខាងក្រៅមានជាង ៨.១១៨តោន ពោលគឺមានការកើនឡើងខ្ពស់នៅក្នុងរយៈពេល៨ខែឆ្នំា២០២៣នេះ។

លោក ស្រេង ស្រៀង មើលឃើញថា «ការនាំចេញផ្លែមៀនស្រស់ មានការកើនឡើងខ្ពស់នេះដោយសារយើងមានឃ្លំាងប្រមូលទិញផ្លែមៀននៅក្នុងស្រុកមានពី៦ទៅ៧ក្រុមហ៊ុនទើបធ្វើឱ្យការនាំចេញផ្លែមៀនប៉ៃលិនកើនឡើងច្រើនដូចនេះ ខុសប្លែកពីមុនការនាំចេញផ្លែមៀនប៉ៃលិនទៅទីផ្សារខាងក្រៅ តាមរយៈប្រទេសជិតខាង»។

តាមប្រធានក្រុមប្រឹក្សាភិបាលសហគមន៍មៀនប៉ៃលិន អះអាងថាបច្ចុប្បន្នផ្លែមៀនប៉ៃលិនមិនមែនមានតែនាំចេញទៅទីផ្សារចិនមួយប៉ុណ្ណោះទេគឺមាននាំចេញទៅទីផ្សារប្រទេសផ្សេងទៀត ។សព្វថ្ងៃនេះមៀនប៉ៃលិនមានការដំាដុះក្រៅពីខេត្តប៉ៃលិន មាននៅក្នុងខេត្តបាត់ដំបង បន្ទាយមានជ័យ និងពោធិសាត់ ហើយនៅពេលប្រមូលផលមៀនប៉ៃលិនម្តងៗ មានរហូតដល់រាប់ម៉ឺនតោន។

លោកលើកឡើងថា ការដាំដុះមៀនប៉ៃលិនទាមទារឱ្យមានប្រភពទឹកស្រោចស្រពគ្រប់គ្រាន់។ ដូចនេះខ្ញុំសំណូមពរដល់រាជរដ្ឋាភិបាល ក្រសួងកសិកម្មរុក្ខាប្រមាញ់នេសាទ និងក្រសួងធនធានទឹក ធ្វើយ៉ាងម៉េចជួយ ឱ្យមានទំនប់ស្ទាក់ទឹកគ្រប់នៅតំបន់ដែលមានដំណាំមៀនប៉ៃលិន ដើម្បីឱ្យកសិករមានជីវភាពធូរធានិងធ្វើឱ្យកសិករមានភាពកក់ក្តៅក្នុងការផលិតឬដំាដុះមៀនប៉ៃលិន។

យោងតាមរបាយការណ៍ស្តីពីស្ថានភាពនៃការនំាចេញកសិផលក្នុងរយៈពេល៨ខែឆ្នំា២០២៣របស់អគ្គនាយកដ្ឋានកសិកម្មបង្ហាញថា គិតត្រឹមរយៈពេល៨ខែឆ្នំា២០២៣នេះ ផ្លែមៀនស្រស់បាននាំចេញទៅទីផ្សារខាងក្រៅមានជាង៨.១១៨តោន កើនឡើងរហូតដល់៣.៧២០% បើប្រៀបធៀបនឹងពេលដូចគ្នាឆ្នំា២០២៣៕ អត្ថបទ៖សារេត

The post មៀនប៉ៃលិនចាប់ផ្តើមមានហាងឆេងកាន់តែខ្ពស់និងលក់បានកាន់តែថ្លៃនៅលើទីផ្សារ appeared first on .

ក្រសួងពាណិជ្ជកម្ម បានឱ្យដឹងថា មានចំការមៀនដែលទទួលបានការអនុម័តចុះបញ្ជីជាផ្លូវការឱ្យនាំចេញផ្លែមៀនទៅកាន់ទីផ្សារចិន​ មានចំនួន៧៤ ក្នុងនោះ នៅខេត្តប៉ៃលិនមានចំនួន ៤០ចំការ បាត់ដំបងចំនួន ២៨ចំការ និងបន្ទាយមានជ័យចំនួន ៦ចំការ។

ដោយឡែករោងចក្រវេចខ្ចប់ចំនួន៨ ដែលមានទីតាំងនៅក្នុងខេត្តកណ្តាលចំនួន១ ខេត្តបាត់ដំបងចំនួន៣ ខេត្តប៉ៃលិនចំនួន២ និងខេត្តព្រះសីហនុចំនួន២​​។ រីឯផ្ទៃដីដាំដុះមៀនទូទាំងប្រទេសរបស់កម្ពុជាវិញ មានចំនួន ១៣ ៦០៨ហិកតា ស្ថិតក្នុងខេត្តចំនួន៤។

បើតាមលោក Brian Jiang នាយកផ្នែកបញ្ជាទិញសកល របស់ក្រុមហ៊ុន Shanghai Grandfruit Import & Export Co., Ltd. បានបញ្ជាក់ថា ផ្លែមៀនស្រស់របស់កម្ពុជាបាននាំមកដល់ក្រុងសៀងហៃ ប្រទេសចិន សម្រាប់ដាក់លក់នៅថ្ងៃទី១២ ខែធ្នូ ឆ្នាំ២០២២ ក្នុងផ្សារផ្លែឈើ Jiaxing បានលក់អស់ជាង ១៨តោន ក្នុងថ្ងៃទី១៥ ខែធ្នូ ឆ្នាំ២០២២ ដែលនេះជា​សញ្ញាល្អមួយសម្រាប់ធុរជននៃប្រទេសទាំងពីរ ក្នុងការវិនិយោគ និងពង្រឹងអាជីវកម្មរបស់ខ្លួនលើការនាំផ្លែឈើស្រស់ពីកម្ពុជា។

ការនាំចេញផ្លែមៀនកម្ពុជាទៅកាន់ទីផ្សារប្រទេសចិននេះ នឹងផ្ដល់អត្ថប្រយោជន៍ជាច្រើនដល់កសិករដែលជាអ្នកផលិត ហើយពួកគាត់នឹងលែងភ័យព្រួយបារម្ភពីការពិបាករកទីផ្សារសម្រាប់លក់នារដូវប្រមូលផលទៀតហើយ។ អ្វីដែលប្រជាកសិករត្រូវយកចិត្តទុកដាក់​នៅ​ពេល​នេះ គឺត្រូវប្រើប្រាស់បច្ចេកទេសឱ្យបានត្រឹមត្រូវ តាមត្រូវស្ដង់ដារទីផ្សារ អនាម័យ និងភូតគាមអនាម័យ និងការវេចខ្ចប់ប្រកប​ដោយគុណភាព សោភ័ណភាព៕

The post ចំនួន៧៤ចំការ និងរោងចក្រវេចខ្ចប់៨ទីតាំង ក្រសួងពាណិជ្ជកម្មអនុម័តចុះបញ្ជីជាផ្លូវការឱ្យនាំចេញផ្លែមៀនទៅកាន់ទីផ្សារចិន appeared first on .

យោងតាមស្ថិតិរបស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ក្នុងឆ្នាំ២០២១ដំណាំមៀននៅទូទាំងប្រទេស មានផ្ទៃដីដាំដុះសរុបចំនួន ១២ ៨៣៧ហ.ត ផ្ទៃដីប្រមូលផលមានចំនួន ១០ ៥៦៥ហ.ត ដោយទទួលទិន្នផលជាមធ្យមចំនួន១២,៤៤៧តោន/ហ.ត ដែលមានបរិមាណផលសរុបចំនួនប្រមាណ១៣១៤៩៨តោន។

យោងតាមហ្វេសប៊ុកផ្លូវការរបស់ រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ លោក វេង សាខុន កាលពីថ្ងៃទី៨ ខែកញ្ញា បានឲ្យដឹងថា បន្ទាប់ពីការចរចាលក្ខខណ្ឌតម្រូវភូតគាមអនាម័យបើកទីផ្សារអស់រយៈពេលជាង៣ឆ្នាំរួចមក កាលថ្ងៃទី៧ ខែកញ្ញា ឆ្នាំ២០២២ នេះ GACC បានអនុម័តទទួលស្គាល់ជាផ្លូវការនូវបញ្ជីឈ្មោះចម្ការមៀនចំនួន ៧៤ និងរោងចក្រវេចខ្ចប់ចំនួន ៨ ដែលបានចុះបញ្ជីសម្រាប់នាំចេញផ្លែមៀនស្រស់កម្ពុជាទៅកាន់ប្រទេសចិន។

ក្នុងនោះ រោងចក្រវេចខ្ចប់ទាំង ៨ នោះ រួមមាន៖១-ក្រុមហ៊ុន BAMIN AGRICULTURE HI-TECH DEVELOPMENT CO., LTD; ២-ក្រុមហ៊ុន CHINA JINKWOAYUAN IMPORT EXPORT (CAMBODIA) CO., LTD; ៣-ក្រុមហ៊ុន TCMC CO., LTD; ៤-ក្រុមហ៊ុន CAMBODIAN BANANA AGRICULTURAL CO., LTD; ៥-ក្រុមហ៊ុន GAO YUAN (CAMBODIA) DEVELOPMENT CO., LTD; ៦-ក្រុមហ៊ុន AL JAZEELAN FOOD PTE. LTD; ៧-ក្រុមហ៊ុន JIA DUO BAO BEVERAGE CO., LTD៨-ក្រុមហ៊ុន JINDIYUAN AGRICULTURAL DEVELOPMENT CO., LTD ។

សូមបញ្ជាក់ដែរថា ផ្លែមៀនស្រស់កម្ពុជា គឺជាផ្លែឈើស្រស់ទី៣បន្ទាប់ពីផ្លែចេកស្រស់និងផ្លែស្វាយស្រស់ ដែលអាចនាំចេញទៅប្រទេសចិនដោយផ្ទាល់។ នេះគឺជាសមិទ្ធិផលផ្លែផ្កាថ្មីមួយទៀត ដែលប្រសូត្រចេញពីកិច្ចសហប្រតិបត្តិការដ៏ល្អប្រសើររវាងព្រះរាជាណាចក្រកម្ពុជានិងសាធារណរដ្ឋប្រជាមានិតចិន៕

The post រោងចក្រវេចខ្ចប់ចំនួន៨ បានចុះបញ្ជីសម្រាប់នាំចេញផ្លែមៀនស្រស់កម្ពុជាទៅកាន់ទីផ្សារចិន appeared first on .

បើតាមការលើកឡើងរបស់អ្នកឧកញ៉ា ការចុះដោយផ្ទាល់នៅពេលនេះគឺដើម្បីជៀសវាង ផ្លែមៀនខួចគុណភាព និងដើម្បីឲ្យទាន់សភាពការផ្លែមៀន របស់បងប្អូនប្រជាកសិករ ខេត្តប៉ៃលិន និង បាត់ដំបង ដែលកំពុងទុំ សស្រាក់សស្រាំប្រមូលផលនោះ។

អ្នកឧកញ៉ាបន្ថែមថា៖ “ខ្ញុំបាទសូមអរគុណ ទៅដល់សប្បុរសជនទាំងអស់ដែលបានជួយទិញផ្លែមៀនរបស់កសិករដែលកំពុងតែជួបវិបត្តិដោយសារកូវីដ-១៩ នេះបង្ហាញឱ្យឃើញពីសាមគ្គីភាពដ៏រឹងមាំរបស់ប្រជាជាតិយើង”។

សូមបញ្ជាក់ថា ការចុះប្រមូលទិញដល់ចំការ និងបែងចែកផ្ទាល់របស់អ្នកឧកញ៉ានៅពេលនេះ ដោយមានការចង្អុលបង្ហាញដោយផ្ទាល់ពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ប្រធានកាកបាទក្រហមកម្ពុជា កាលពីថ្ងៃទី០៣ កញ្ញានេះ បានធ្វើដំណើរចុះមកប្រមូលទិញផ្លែមៀនរបស់ប្រជាពលរដ្ឋកំពុងជួបបញ្ហាខ្វះទីផ្សារ នៅខេត្តបាត់ដំបង។

ការអន្តរាគមន៍របស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងអ្នកឧកញ៉ា បានបង្ហាញឱ្យឃើញនូវកាយយកចិត្តទុកដាក់ និងគិតគូរខ្ពស់របស់សម្តេចតេជោចំពោះប្រជាពលរដ្ឋគ្រប់រូបនៅពេលជួបការលំបាក៕

The post អ្នកឧកញ៉ា ឡេង ណាវ៉ាត្រា ចុះចាត់ចែងផ្ទាល់មៀនប៉ៃលិន បាត់ដំបង រាប់រយតោន បែងចែកតាមបណ្ដាខេត្ត appeared first on .

លោកឧកញ៉ា ស្រី ចាន់ថន បានបញ្ជាក់ថា៖ “ខ្ញុំបាទ បានចុះទៅសិក្សា និងស្វែងយល់បន្ថែមអំពីបច្ចេកទេសផ្សេងៗក្នុងការផលិត នៅទីតាំងសិប្បកម្មផលិត និងកែច្នៃផ្លែឈើស្រស់មួយចំនួន រួមបញ្ចូលទាំង សិប្បកម្ម Navita របស់ប្អូនប្រុសអ៊ុយ ចេងហេង ស្ថិតនៅឯខេត្តបាត់ដំបង…”។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ការចុះផ្ទាល់សិក្សាបន្ថែមអំពីបច្ចេកទេស សង្វាក់ផលិតកម្ម កែច្នៃផ្លែតាង៉ែន ផ្លែមៀន ផ្លែសាវម៉ាវ ផ្លែគូលែន របស់ឧកញ៉ា ស្រី ចាន់ថន ក្នុងគោលដៅបន្តគម្រោងរៀបចំបង្កើតចេញជារោងចក្រកែច្នៃផ្លែឈើស្រស់ក្នុងស្រុក កម្រិតស្តង់ដារ ដែលអាចផលិតជាទឹកផ្លែឈើ និងដំណាប់ផ្លែឈើកំប៉ុង អោយទទួលបានប្រសិទ្ធភាពខ្ពស់ និងអាចប្រកួតប្រជែងលើទីផ្សារក្រៅប្រទេសបាន។

ឧកញ៉ា ដែលបានដាក់ក្ដីសង្ឃឹមខ្ពស់ និងដាក់ចិត្តដាក់កាយ ១០០ភាគរយ លើផែនការលើកស្ទួយសង្វាក់ផលិតកម្ម រោងចក្រកែច្នៃផ្លែឈើស្រស់ក្នុងប្រទេសកម្ពុជារូបនេះ បង្ហាញពីអារម្មណ៍ផ្ទាល់ខ្លួនថា៖ “ពេលចុះដល់ទីតាំងជាក់ស្តែង ខ្ញុំពិតជាកោតសរសើរនូវគំនិតច្នៃប្រឌិត និងការខិតខំប្រឹងប្រែងតស៊ូរបស់ប្អូនយ៉ាងខ្លាំង ទាំងអស់នេះ សបញ្ចាក់អោយឃើញ អំពីសមត្ថភាព និងស្នាដៃរបស់ខ្មែរយើង ដែលជាធនធានដ៏សំខាន់ក្នុងការចូលរួមចំនែកជាមួយនឹងរាជរដ្ឋាភិបាល ក្នុងការលើកស្ទួយវិស័យកសិកម្ម វិស័យឧស្សាហកម្ម ជាពិសេសអាចចូលរួមកាត់បន្ថយភាពក្រីក្រ ការចំណាកស្រុកទៅប្រទេសដទៃ ក៏ដូចជាជាផ្តល់ការងារដល់បងប្អូនខ្មែរយើងផងដែរ”។

ឧកញ៉ា ស្រី ចាន់ថន ក៏បានអំពាវជាថ្មីម្ដងទៀត ដល់បងប្អូនខ្មែរ សូមបន្តជួយគាំទ្រ និងលើកទឹកចិត្តដល់សហគ្រិនវ័យក្មេង ដូចជាសិប្បកម្ម Navita នៅខេត្តបាត់ដំបង ដើម្បីផ្តល់ឱកាសអោយពួកគាត់បានចូលរួមចំនែកក្នុងការអភិវឌ្ឍន៍ប្រទេស សង្គមជាតិ អោយមានការរីកចំរើនបន្ថែមទៀត ជាពិសេសអាចអោយប្រទេសជិតខាងបានដឹងថា ខ្មែរយើងក៏អាចធ្វើបានដែរ។

សូមបញ្ជាក់ផងដែរថា មុនឈានដល់ការផលិតផ្លែឈើកំប៉ុងស្រស់ ចេញពីរោងចក្រ ក្រុមការងារបច្ចេកទេសចម្រុះ ក្រោមការដឹកនាំដោយផ្ទាល់របស់ លោក ឧកញ៉ា ស្រី ចាន់ថន បាននឹងកំពុងជម្រុញផែនការសកម្មភាពចំនួន ២ សំខាន់ៗ រួមមាន៖  សម្រាប់គោលដៅទី១៖ ឧកញ៉ា ស្រី ចាន់ថន រួមជាមួយនិងក្រុមការងារកំពុងតែដុតដៃដុតជើងរៀបចំ រចនាសំបកកំប៉ុង ការ សិក្សាពីគុណភាពចំណីអាហារ និងស្តង់ដាសុវត្ថិភាព រសជាតិ ដែលអាចរក្សាទុក្ខបានរហូតទៅដល់២ឆ្នាំ ។ ដោយឡែក គោលដៅទី២៖ ក្រុមការងាររបស់លោក ក៏កំពុងសិក្សាពីតម្រូវការទីផ្សារក្នុងស្រុក និងលទ្ធភាព នាំចេញផលិតផលទៅក្រៅប្រទេសដើម្បីធានាអោយបាននូវនិរន្តរភាពនៃសង្វាក់ផលិតកម្មនេះផងដែរ៕

The post ឧកញ៉ា ស្រី ចាន់ថន សម្រុកស្រាវជ្រាវបច្ចេកទេសកែច្នៃផ្លែឈើស្រស់ខ្មែរដូចភ្លៀងរលឹម appeared first on .

អ្នកជំនួញវ័យក្មេង អ្នកឧកញ៉ា ឡេង ណាវ៉ាត្រា មានប្រសាសន៍ថា ជាកិត្តិយសដ៏ធំធេងរបស់លោក ដែលបានរួមចំណែកជួយរំលែកការលំបាករបស់សម្តេចតេជោ ហ៊ុន សែន ក្នុងការចុះមកប្រមូលទិញផ្លែមៀនពីប្រជាពលរដ្ឋនាពេលនេះ។ អ្នកឧកញ៉ា ដែលមានងារជា «ឧកញ៉ាបេះដូងសាគរមនុស្សធម៌» នេះ ក៏បានបង្ហាញនូវក្តីរីករាយក្នុងការជួយដោះស្រាយការលំបាករបស់ប្រជាពលរដ្ឋផងដែរ។

មានសេចក្តីរាយការណ៍ជាច្រើនបានឲ្យដឹងថា ផ្លែមៀនប៉ៃលិន (តាង៉ែន) របស់ប្រជាពលរដ្ឋស្ថិតនៅក្នុងខេត្តបាត់ដំបង និងខេត្តប៉ៃលិនត្រូវជាប់គាំងខ្វះទីផ្សារប្រមាណជាង ៥ម៉ឺនតោននៅក្នុងឆ្នាំ២០២១នេះ ដោយសារតែអាជ្ញាធរប្រទេសថៃបិទការនាំចូល។

កាលពីដើមខែសីហា កន្លងទៅ សម្តេចតេជោ ហ៊ុន សែន បានប្រើថវិកាផ្ទាល់ខ្លួនប្រមូលទិញផ្លែមៀនដែលអាចប្រមូលផលបានម្តងមកហើយទៀត ដើម្បីសម្រួលកុំឱ្យប្រជាពលរដ្ឋជាម្ចាស់ចម្ការមៀនខាតបង់ថវិកាដែលបានវិនិយោគលើការដាំដុះនោះ។

ជាមួយគ្នានេះ នាយឧត្តមសេនីយ៍ ហ៉ីង ប៊ុនហៀង អគ្គមេបញ្ជាការរងកងយោធពលខេមរភូមិន្ទ មេបញ្ជាការ បញ្ជាការដ្ឋានអង្គរក្សសម្តេចតេជោ ហ៊ុន សែន បានចុះមកឈរជើងប្រមូលទិញផ្លែមៀននៅក្នុងខេត្តបាត់ដំបងអស់រយៈពេលជិត២០ថ្ងៃ។ ផ្លែមៀនដែលបានប្រមូលទិញ ក៏ត្រូវបានចាត់ចែងដឹកយកជូនមន្ត្រីរាជការនៅតាមក្រសួងស្ថាប័ន តាមខេត្ត ក៏ដូចជាកងកម្លាំង ក្រុមគ្រូពេទ្យ ប្រជាពលរដ្ឋកំពុងធ្វើចត្តាឡីស័ក និងព្យាបាលជំងឺកូវីដ១៩ផងដែរ។

ទាក់ទងនឹងយុទ្ធនាការប្រមូលទិញផ្លែមៀនប៉ៃលិននេះដែរ អភិបាលខេត្តបាត់ដំបង លោក ងួន រតនៈ បានឲ្យដឹងថា ការប្រមូលទិញរយៈពេលជិត២០ថ្ងៃនោះ គឺប្រមូលទិញផ្លែមៀនរបស់ប្រជាពលរដ្ឋបានជិត ២ពាន់តោន។ ការប្រមូលទិញកាលពីជំហ៊ានទី១ មិនទាន់អស់នៅឡើយ និងមានការស្នើសុំពីប្រជាពលរដ្ឋម្ចាស់ចម្ការផងនោះ ទើបរូបលោកបានរាយការណ៍ និងគោរពស្នើសុំសម្តេចតេជោនាយករដ្ឋមន្ត្រី ដើម្បីជួយទិញផ្លែមៀនបន្ត។

ទន្ទឹមនឹងនោះ ក្រោយទទួលបានការស្នើសុំនេះ សម្តេចតេជោ ហ៊ុន សែន ក៏បានណែនាំឱ្យអ្នកឧកញ៉ា ឡេង ណាវ៉ាត្រា តំណាងសម្តេចផ្ទាល់ចុះមកប្រមូលទិញផ្លែមៀននៅសេសសល់នេះ ហើយបើតាមការបញ្ជាក់ពីអភិបាលខេត្តបាត់ដំបង ផ្លែមៀនដែលត្រូវប្រមូលទិញបន្តនេះ មានចំនួន៧ចម្ការ។

សូមបញ្ជាក់ថា ការប្រមូលទិញផ្លែមៀននេះ គឺទិញតែពីប្រជាពលរដ្ឋជាម្ចាស់ចម្ការដែលមានជីវភាពខ្សត់ខ្សោយប៉ុណ្ណោះ។ ដោយឡែកម្ចាស់ចម្ការដែលមានជីវភាពធូរធា គឺមិនត្រូវបានប្រមូលទិញនោះឡើយ ហើយមួយវិញទៀត មៀនរបស់អ្នកដែលមានចម្ការធំៗនោះ ក៏មិនទាន់អាចប្រមូលផលបានផងដែរ។

ម្យ៉ាង ការអន្តរាគមន៍នៅពេលនេះរបស់ប្រមុខរាជរដ្ឋាភិបាលនិងសម្តេចកិត្តិព្រឹទ្ធបណ្ឌិត ក្នុងការទិញផ្លែមៀនពីប្រជាពលរដ្ឋបានជួយរំលែកការខាត់បង់របស់ប្រជាពលរដ្ឋ និងជួយដោះទាល់របស់ពួកគាត់ផងដែរ។ ការអន្តរាគមន៍របស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ក៏បានបង្ហាញឱ្យឃើញនូវកាយយកចិត្តទុកដាក់ និងគិតគូរខ្ពស់របស់សម្តេចតេជោចំពោះប្រជាពលរដ្ឋគ្រប់រូបនៅពេលជួបការលំបាក។

បន្ថែមើលនេះ ការអន្តរាគមន៍នៅពេលនេះ គឺបាននាំមកនូវក្តីរីករាយជាខ្លាំងរបស់ប្រជាពលរដ្ឋជាម្ចាស់ចម្ការមៀន។ ពួកគេបានគោរពថ្លែងអំណរគុណជាអនេកចំពោះក្តីមេត្តា និងការគិតគូររបស់សម្តេចទាំងទ្វេ៕

The post តំណាងដ៏ខ្ពង់ខ្ពស់សម្តេចតេជោ និងសម្តេចកិត្តិព្រឹទ្ធបណ្ឌិត អ្នកឧកញ៉ា ឡេង ណាវ៉ាត្រា ចុះប្រមូលទិញផ្លែមៀនផ្ទាល់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាកិច្ចឆ្លើយតប នៅថ្ងៃទី២៥ ខែសីហា ឆ្នាំ២០២១ អគ្គរដ្ឋបាលគយចិន ដែលមាននាយកដ្ឋានភូតគាមអនាម័យ និងអនាម័យសត្វ បានជម្រាបជូនលោកជំទាវអគ្គរាជទូតកម្ពុជាប្រចាំនៅសាធារណៈរដ្ឋប្រជាមានិតចិនថា៖ “យើងខ្ញុំមានសេក្តីរីករាយសូមជូនដំណឹងជ្រាបថា ការងារវិភាគហានិភ័យផ្លែមៀនកម្ពុជា សម្រាប់ នាំចូលមកប្រទេសចិនទទួលបានការវិវត្តមួយកម្រិត”។ 

យោងតាមការផ្តល់ឯកសារបច្ចេកទេសរបស់ភាគី កម្ពុជា និងការស្រាវជ្រាវលើឯកសារភាគីចិនបានធ្វើការវាយតម្លៃសមាសភាពចង្រៃដែលកើតមានលើ ផ្លែមៀនកម្ពុជា និងជាបឋមយើងបានជ្រើសរើសនូវសមាសភាពចង្រៃចំនួន៨ប្រភេទ ដែលភាគីចិន យកចិត្តទុកដាក់៖ ១. Bactrocera dorsalis, ២) Bactrocera tau. ៣) Paracoccus interceptus, ៤) Planococcus lilacinus, ៥) Planococcus minor, ៦) Dysmiscoccus lepelleyi, ៧) Dysmicoccus lepelleyi, ៨)Pseudococcus jackbeardsleyi ។

លើសពីនេះឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទបានលើកឡើងថាក្នុងគោលបំណងពន្លឿនការងារចរចារពីលក្ខខណ្ឌតម្រូវភូតគាមអនាម័យសម្រាប់ការនាំចេញផ្លែមៀនស្រស់កម្ពុជាទៅកាន់ប្រទេសចិន ក្នុងដំណាក់កាលនៃការរីករាលដាលជាសកលនៃជំងឺកូវិដ ១៩ ក្រសួងកសិកម្ម រុក្ខាប្រមាញ់និងនេសាទ បានលើកសំណើផ្ញើរជូនទៅឯកឧត្ដមឧបនាយករដ្ឋមន្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ជាលើកទីពីរ ដើម្បីស្នើសុំឲ្យជួយអន្តរាគមន៍ទៅអគ្គរដ្ឋបាលគយនៃសាធារណរដ្ឋប្រជាមានិតចិន តាមរយៈ លោកជំទាវ ឯកអគ្គរាជទូត កម្ពុជាប្រចាំនៅសាធារណៈរដ្ឋប្រជាមានិតចិន ។

ទន្ទឹមនឹងនេះលោករដ្ឋមន្ត្រីបានបញ្ជាក់ទៀតថា ភាគីចិនបានស្នើឲ្យភាគីកម្ពុជាធ្វើបច្ចុប្បន្នភាពបន្ថែមលើការស្រាវជ្រាវ និងការដាក់ចេញវិធានការណ៍សម្រាប់ទប់ស្កាត់និងកម្ចាត់សមាសភាពសត្វចង្រៃទាំង៨មុខខាងលើនេះ។ ភាគីចិនបានសន្យាថានឹងបន្តធ្វើការវាយតម្លៃ នៅពេលភាគីកម្ពុជាឆ្លើយតបមកវិញ។

ជាចុងក្រោយនៃលិខិតឆ្លើយតបរបស់ភាគគីចិនបានបញ្ជាក់ថា៖ “សង្ឃឹមថាភាគីទាំងពីរបន្តពង្រឹងកិច្ចសហប្រតិបត្តិការរួមគ្នាដើម្បីជំរុញការងារលក្ខខណ្ឌតម្រូវភូតគាមអនាម័យសម្រាប់ការនាំចេញផ្លែមៀនកម្ពុជាទៅកាន់ប្រទេសចិនឲ្យទទួលបានជោគជ័យ” ៕

The post អគ្គរដ្ឋបាលគយប្រទេសចិន បង្ហាញលទ្ធផលបឋមលើការវាយតម្លៃគុណភាពផ្លែមៀនកម្ពុជាហើយ appeared first on .