នេះបើយោងតាមរបាយការណ៍វឌ្ឍនភាពប្រចាំឆ្នាំ២០២៥ ស្ដីពីការអនុវត្ដផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្ដរមធ្យោបាយ និងភស្ដុភារកម្មកម្ពុជា ២០២៣-២០៣៣ ដែលបានចេញផ្សាយកាលពីថ្ងៃទី២៤ ខែកុម្ភៈ ឆ្នាំ២០២៦។

តាមរបាយការណ៍នេះបានឱ្យដឹងបន្ថែមថា ដោយហេដ្ឋារចនាសម្ព័នផ្លូវថ្នល់ មានភាពប្រសើរឡើង ទើបធ្វើឱ្យស្ថានភាពចរាចរណ៍ និងចំនួននៃការចុះបញ្ជីពីមួយឆ្នាំទៅមួយឆ្នាំ មានការកើនឡើង។

សូមជម្រាបជូនថា បណ្តាញផ្លូវថ្នល់នៅក្នុងប្រទេសកម្ពុជា បានដើរតួនាទីដ៏សំខាន់សម្រាប់វិស័យដឹកជញ្ជូន និង ជំរុញកំណើនសេដ្ឋកិច្ចជាតិ តាមរយៈការដឹកជញ្ជូនទំនិញសម្រាប់ការធ្វើពាណិជ្ជកម្ម, ផលិតផលកសិកម្ម និងអ្នកដំណើរ។ ប្រវែងផ្លូវសរុបនៅក្នុងប្រទេសកម្ពុជាឆ្នាំ២០២៥ មានប្រវែង ២០ ៧៣៣,៩១គ.ម. ដែលមានការកើនឡើងប្រមាណជា ៤២៦,៣២គ.ម. បើធៀបទៅនឹងឆ្នាំ២០២៤ មានប្រវែងសរុប ចំនួន ២០ ៣០៧,៦គ.ម.៕

The post ឆ្នាំ២០២៥! រថយន្តគ្រប់ប្រភេទ បានចុះបញ្ជីជាង៥២ម៉ឺនគ្រឿង appeared first on .

ក្នុងជំនួបនោះ គណៈកម្មាធិការវិនិយោគកម្ពុជា បានប្រាប់ក្រុមហ៊ុនអំពីវត្តមាននៃតុកូរ៉េ (Korea Desk) ដែលជាយន្តការជួរមុខសម្រាប់ប្រចាំការផ្តល់កិច្ចសម្រួល និងផ្តល់សេវាវិនិយោគឯកជនប្រកបដោយទំនុកចិត្ត និងវិជ្ជាជីវៈជូនវិនិយោគិនកូរ៉េ។ បន្ថែមពីនេះក៏បានគូសរំលេចអំពីកញ្ចប់លើកទឹកចិត្តសម្រាប់គម្រោងវិនិយោគមានលក្ខណសម្បត្តិគ្រប់គ្រាន់ និងគម្រោងពង្រីកនៃគម្រោងវិនិយោគមានលក្ខណសម្បត្តិគ្រប់គ្រាន់ដែលជ្រកក្រោមរបបវិនិយោគនៅកម្ពុជា ដោយផ្តោតសំខាន់លើការលើកទឹកចិត្តមូលដ្ឋាន, ការលើកទឹកចិត្តបន្ថែម, និងការលើកទឹកចិត្តពិសេស។

លើសពីនេះ គណៈកម្មាធិការវិនិយោគកម្ពុជា ក៏បានលើកទឹកចិត្តឲ្យក្រុមហ៊ុនពិនិត្យលទ្ធភាពរៀបចំតំបន់សេដ្ឋកិច្ចពិសេសកម្ពុជា-កូរ៉េ ក្នុងគោលបំណងប្រែក្លាយទីតាំងនោះទៅជាបណ្តុំកម្រងឧស្សាហកម្ម (Industrial Cluster Complex) ដែលនឹងបម្រើសេចក្តីត្រូវការរបស់សហគ្រាសដែលមានសែស្រឡាយពាក់ព័ន្ធ។

ជាការឆ្លើយតបក្រុមហ៊ុន Camko Infracore បានសន្យាថានឹងពាំនាំខ្លឹមសារនៃកិច្ចពិភាក្សាខាងលើទៅជម្រាបជូនថ្នាក់ដឹកនាំនៃសហគ្រាសរបស់ខ្លួនដើម្បីជ្រាបជាព័ត៌មាន និងពិនិត្យសម្រេចជាគោលការណ៍មុននឹងរៀបចំដំណើរទស្សនកិច្ចការងារមកកាន់កម្ពុជានាពេលខាងមុខ។

សូមជម្រាបជូនថា បច្ចុប្បន្នក្រុមហ៊ុនកូរ៉េ កំពុងវិនិយោគលើគំរោងធំៗជាច្រើននៅកម្ពុជា ដូចជា ក្រុមហ៊ុន YUNWOO ដែលកំពុងវិនិយោគ សាងសង់អាគារ Gold Tower 42, Booyoung Town, Decastle Condo, CAMKO CITY ។ល។ ខណៈកាលពីមួយទសវត្សរ៍មុន កូរ៉េជាប្រទេសនាំមុខគេ ក្នុងការវិនិយោគ លើវិស័យសំណង់ និងអចលនទ្រព្យនៅកម្ពុជា៕

The post វិនិយោគិនកូរ៉េចង់ពង្រីកមុខជំនួញក្នុងវិស័យយានយន្តនៅកម្ពុជា appeared first on .

អគ្គនាយកដ្ឋានពន្ធដារសូមក្រើនរំលឹកដល់ម្ចាស់យានយន្តទាំងអស់ដែលមិនទាន់បានបំពេញកាតព្វកិច្ចបង់ពន្ធ ត្រូវប្រញាប់មកបង់ពន្ធឱ្យបានទាន់ពេលវេលា ត្រឹមថ្ងៃទី៣០ ខែវិច្ឆិកា ឆ្នាំ២០២២។ ក្នុងករណីខកខានមិនបានបង់ពន្ធទាន់ពេលវេលាកំណត់ខាងលើ ម្ចាស់​យាន​យន្តនឹង​ត្រូវទទួល​រងនូវ​ទោស​ទណ្ឌតាមច្បាប់ស្តីពីសារពើពន្ធជាធរមាន។

អគ្គនាយកដ្ឋានពន្ធដារសង្កត់ធ្ងន់ថា នឹងសហការជាមួយអាជ្ញាធរមានសមត្ថកិច្ច ជាពិសេស នគរ​បាល​ចរាចរណ៍ និងកងរាជអាវុធហត្ថ ដើម្បីចុះត្រួតពិនិត្យការអនុវត្តប្រមូលពន្ធនេះនៅតាមដងផ្លូវនានា បន្ទាប់ពីបិទបញ្ចប់ ការប្រមូលពន្ធនៅថ្ងៃទី៣០ ខែវិច្ឆិកា ឆ្នាំ២០២២។

ម្ចាស់យានជំនិះគ្រប់ប្រភេទទាំងអស់ត្រូវភ្ជាប់មកជាមួយនូវអត្តសញ្ញាណប័ណ្ណ ប័ណ្ណសម្គាល់យានយន្ត និង​វិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត ដែលចេញដោយក្រសួងសាធារណការ និង​ដឹកជញ្ជូន នៅសាខាពន្ធដារខេត្ត-ខណ្ឌ ឬនៅធនាគារ កាណាឌីយ៉ា ក.អ ឬនៅធនាគារអេស៊ីលីដា ភីអិលស៊ី ឬនៅធនាគារវឌ្ឍនៈ ឬនៅ ធនាគារកម្ពុជាសាធារណះ ភីអិលស៊ី ឬនៅធនាគារ ជេ ត្រាស់ រ៉ូយ៉ាល់ ឬនៅធនាគារស្ថាបនា ភីអិលស៊ី ឬនៅធនាគារ ប្រៃសណីយ៍កម្ពុជា ក, អ ឬនៅធនាតាវ វឌ្ឍនៈអាស៊ីចំកាត់ ឬនៅធនាគារពាណិជ្ជកម្មក្រៅប្រទេស នៃកម្ពុជា ឬនៅ​តាម​ធនាគារ​ដែល​បាន​ចុះ​អនុស្សរណៈនៃការយោគយល់គ្នាជាមួយក្រសួងសេដ្ឋកិច្ចនិងហិរញ្ញវត្ថុ។

ជាមួយគ្នានេះ ម្ចាស់យានយន្តក៏អាចបង់ពន្ធតាមរយៈកម្មវិធី «GDT Taxpayer App» ដែល​អាច​ទាញ​យក​ចេញពី App Store ចំពោះ IOS ឬ Play Store ចំពោះ Android សម្រាប់​យានយន្ត​ដែលធ្លាប់​បាន​ប្រកាស​បង់ពន្ធលើពន្ធមធ្យោបាយដឹកជញ្ជូននិងយានជំនិះគ្រប់ប្រភេទកន្លងមក។

ចំពោះយានយន្តដែលជាកម្មសិទ្ធិរបស់ស្ថានទូត ឬស្ថានកុងស៊ុលបរទេស អង្គការអន្តរជាតិ ឬទីភ្នាក់ងារ សហប្រតិបត្តិការបច្ចេកទេសរបស់រដ្ឋាភិបាលនានា ត្រូវស្នើសុំមកអគ្គនាយកដ្ឋានពន្ធដារ ដើម្បីទទួលបាននូវលតាបត បង់ពន្ធ (ពន្ធជាបន្ទុករបស់រដ្ឋ)។

សម្រាប់យានយន្តរបស់ក្រសួង-ស្ថាប័ន ឬអង្គភាពដែលត្រូវទទួលបានលតាបត្រពន្ធលើមធ្យោបាយដឹកជញ្ជូននិង យានជំនិះគ្រប់ប្រភេទ (ពន្ធជាបន្ទុករបស់រដ្ឋ ឬបង់តាមអាណត្តិបើកប្រាក់) ត្រូវភ្ជាប់មកជាមួយនូវបញ្ជីសារពើភណ្ឌយានយន្ត ទ្រព្យសម្បត្តិរដ្ឋ (តារាងកើនឡើង និងថយចុះទ្រព្យសម្បត្តិរដ្ឋប្រចាំឆ្នាំ) ដែលបានចុះបញ្ជីនៅអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ចនិងហិរញ្ញវត្ថុ។

យោងតាមលិខិតលេខ ៤៨២ សជណ,ហធ ចុះថ្ងៃទី០២ ខែកញ្ញា ឆ្នាំ២០២១ ចំពោះយានយន្តឯកជនជ្រកក្រោម ផ្លាកលេខ រដ្ឋ ផ្លាកលេខ ខ.ម និង ន.ប ពុំអនុញ្ញាតឱ្យបង់ពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទសម្រាប់ ឆ្នាំ២០២២ទេ។ ម្ចាស់យានយន្តទាំងនេះអាចបង់ពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទសម្រាប់ឆ្នាំ២០២២ បានលុះត្រាតែបំពេញកាតព្វកិច្ចពន្ធ និងអាករនាំចូលស្របតាមច្បាប់និងបទប្បញ្ញត្តិស្តីពីត និងចុះបញ្ជីយានយន្តនៅ ក្រសួងសាធារណការនិងដឹកជញ្ជូន ឱ្យបានរួចរាល់ជាមុនសិន។

ក្នុងករណីខកខានមិនបានបង់ពន្ធទាន់ពេលវេលាកំណត់ខាងលើ ម្ចាស់យានយន្តនឹងត្រូវទទួលរងនូវទោសទណ្ឌតាមច្បាប់ស្តីពីសារពើពន្ធជាធរមាន។ អគ្គនាយកដ្ឋានពន្ធដារនឹងសហការជាមួយអាជ្ញាធរមានសមត្ថកិច្ច ជាពិសេស នគរបាលចរាចរណ៍ និងកងរាជអាវុធហត្ថ ដើម្បីចុះត្រួតពិនិត្យការអនុវត្តប្រមូលពន្ធនេះនៅតាមដងផ្លូវនានា បន្ទាប់ពីបិទបញ្ចប់ ការប្រមូលពន្ធនៅថ្ងៃទី៣០ ខែវិច្ឆិកា ឆ្នាំ២០២២។

អគ្គនាយកដ្ឋានពន្ធដារ សង្ឃឹម និងជឿជាក់យ៉ាងមុតមាំថា ម្ចាស់យានយន្តទាំងអស់នឹងយកចិត្តទុកដាក់បំពេញ កាតព្វកិច្ចសារពើពន្ធ ស្របតាមការកំណត់របស់ច្បាប់ ប្រកបដោយស្មារតីទទួលខុសត្រូវខ្ពស់៕

The post អគ្គនាយកដ្ឋានពន្ធដារ រំលឹកម្ចាស់យានយន្តទាំងអស់ទៅបង់ពន្ធឱ្យបានត្រឹមថ្ងៃទី៣០ ខែវិច្ឆិកានេះ appeared first on .

យោង​តាម​ច្បាប់​ស្តីពី​​ការ​ធានារ៉ាប់រង ដែល​ចេញ​នៅ​ថ្ងៃទី​០៤ ខែ​សីហា ឆ្នាំ​២០១៤ ​​ត្រង់​មាត្រា​ ៩៧ បាន​ចែង​ថា បុគ្គល​ជា​ម្ចាស់​យានយន្ត​ដែល​មិន​មាន​ការ​ធានា​រ៉ាប់រង​ជា​កាតព្វកិច្ច​ស្រប​តាម​ច្បាប់​នេះ ​​ហើយ​ដែល​យាន​យន្ត​​ត្រូវ​បាន​យក​ទៅ​ធ្វើ​ចរាចរណ៍​នៅ​លើ​ផ្លូវ​ថ្នល់​សាធារណៈ នៅ​ក្នុង​ព្រះរាជាណាចក្រកម្ពុជា ​ត្រូវ​ផ្តន្ទាទោស​ពិន័យ​ជា​ប្រាក់​ពី ១៥ ០០០ (ដប់ប្រាំពាន់) រៀល ទៅ ១ ៥០០ ០០០ (មួយលាន​ប្រាំសែន) រៀល និង​តម្រូវ​ឱ្យ​មាន​ការ​ធានា​រ៉ាប់រង។

និយ័តករធានារ៉ាប់រងកម្ពុជា ដែលជាអង្គភាពមួយស្ថិតក្រោមក្រសួងសេដ្ឋកិច្ច និងហិរញ្ញវត្ថុ ធ្លាប់​​​​​បាន​​ចេញ​សេចក្តី​ប្រកាស​ព័ត៌មាន​មួយ​ផង​ដែរ កាល​ពី​ថ្ងៃទី​២៧ ខែ​កក្កដា​ ឆ្នាំ​២០២២​​ ​​ដើម្បី​បក​ស្រាយ​ឱ្យ​សាធារណៈ​ជន​យល់​ថា ​​តាម​ពិត​ការ​ធានា​រ៉ាប់រង​យានយន្ត​ជា​កាតព្វកិច្ច ​​គឺ​ដើម្បី​​ជួយ​សម្រាល​បន្ទុក​សេដ្ឋកិច្ច​គ្រួសារ​​របស់​ប្រជាពលរដ្ឋ​​វិញ​ទេ ​​ព្រោះ​​​បើ​សិន​ជា​ករណី​​ម្ចាស់​យានយន្ត​មិន​មាន​ការ​ធានា​រ៉ាប់រង នៅ​ពេល​មាន​គ្រោះ​ថ្នាក់​ចរាចរណ៍​លើ​ផ្លូវ​សាធារណៈ ​​នោះ​រាល់​ការ​ចំណាយ ឬ​ការ​ខូច​ខាត​​នឹង​ត្រូវ​ប្រើ​ប្រាស់​ប្រាក់​សន្សំ​​របស់​ខ្លួន ឬ​អាច​ឈាន​ដល់​ការ​ខ្ចី​បុល​គេ​បន្ថែម​ទៀត។

សូមបញ្ជាក់​ថា រាជរដ្ឋាភិបាលកម្ពុជា គ្រោង​នឹង​កំណត់​ឱ្យ​រថយន្ត​ឯកជន​គ្រប់​ប្រភេទ​ទាំង​អស់ ត្រូវ​តែ​មាន​ការ​ធានារ៉ាប់រង​​​​ជា​កាតព្វកិច្ច ដែល​អាច​នឹង​អនុវត្ត​ជា​ផ្លូវការ​ ចាប់ពី​ឆ្នាំ​២០២២​នេះ​តទៅ​តែ​ម្តង។ នេះ​បើ​តាម​ប្រសាសន៍​របស់​ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធាន​ក្រុមប្រឹក្សា​អាជ្ញាធរ​សេវាហិរញ្ញវត្ថុមិនមែនធនាគារ បាន​ថ្លែង​ក្នុង​ឱកាស​ចូល​រួម​ក្នុង​ទិវា​ធានារ៉ាប់រង កាល​ពី​ថ្ងៃទី​២៥ ខែ​កក្កដា ឆ្នាំ​២០២២៕

The post យានយន្តដែលគ្មានធានារ៉ាប់រង អាចនឹងត្រូវផាកពិន័យជាប្រាក់ ចំនួនប៉ុន្មាន? appeared first on .

នេះបើតាមកិច្ចប្រជុំពិនិត្យ និងពិភាក្សាលើសេចក្តីព្រាងផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកនៅកម្ពុជា ដែលដឹកនាំដោយលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា និង ស្ថាប័នពាក់ព័ន្ធ ប្រមាណ១០០រូប កាលពីថ្ងៃទី១២ ខែកក្កដា ឆ្នាំ២០២២។

ក្នុងកិច្ចប្រជុំនោះ លោក សុខ ចិន្តាសោភា បានឲ្យដឹងថា សេចក្តីព្រាងផែនទីបង្ហាញផ្លូវ ការអភិវឌ្ឍវិស័យយានយន្ត និងអេឡិចត្រូនិកនៅកម្ពុជា បាននិងកំពុងបន្តពិនិត្យ និងពិភាក្សា ដើម្បីប្រមូលធាតុចូលបន្ថែម ធ្វើយ៉ាងណាឱ្យសេចក្តីព្រាងផែនទីបង្ហាញផ្លូវនេះ កាន់តែមានភាពគ្រប់ជ្រុងជ្រោយ។

លោកថា រាជរដ្ឋាភិបាលកំណត់យកវិស័យយានយន្ត និងអេឡិចត្រូនិក ជាវិស័យអាទិភាព ក្នុងទិសដៅប្រែក្លាយកម្ពុជា ទៅជាមជ្ឈមណ្ឌលផលិតគ្រឿងបង្គុំយានយន្ត និងអេឡិចត្រូនិក សម្រាប់ការចូលរួមទៅក្នុងខ្សែច្រវាក់តម្លៃតំបន់ និងសកល ក៏ដូចជាការលើកកម្ពស់ ការធ្វើពិពិធកម្មសេដ្ឋកិច្ចផងដែរ។

លើសពីនេះ លោកបានបញ្ជាក់ដែរថា ចំពោះការចូលរួមផ្តល់ធាតុចូល និងបានកំណត់យកថ្ងៃទី១៩ ខែកក្កដា ឆ្នាំ២០២២ សម្រាប់ប្រមូលធាតុចូលចុងក្រោយ ដើម្បីទុកលទ្ធភាពឱ្យលេខាធិការដ្ឋាន IDP នៃ ក.អ.ក ពិនិត្យកែសម្រួល និងបញ្ចប់សេចក្តីពា្រងផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកនៅកម្ពុជានេះ រួចដាក់ឆ្លងកិច្ចប្រជុំ គ.ស.ហ.មុននឹងដាក់ជូនរាជរដ្ឋាភិបាលពិនិត្យ និងអនុម័ត។

គួរបញ្ជាក់ដែរថា តាមរយៈកិច្ចពិភាក្សាខាងលើ តំណាងក្រសួង ស្ថាប័នពាក់ព័ន្ធ ក៏បានផ្តល់នូវធាតុចូលបន្ថែម លើសេចក្តីព្រាងព្រាងផែនទីបង្ហាញផ្លូវ និងបានបង្ហាញនូវជំហរគាំទ្រឯកសារនេះថា ពិតជាមានសារៈសំខាន់សម្រាប់កម្ពុជា ក្នុងការធ្វើពិពិធកម្មសេដ្ឋកិច្ច និងចូលរួមស្តារសេដ្ឋកិច្ចឡើងវិញ ក្រោយវិបត្តិនៃជំងឺកូវីដ-១៩ ស្របតាមមាគ៌ាដែលបានដាក់ចេញនៅក្នុង ក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣៕

The post សេចក្តីព្រាងផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិក នឹងអនុម័តឆាប់ៗនេះ appeared first on .

លោកទេសរដ្ឋមន្រ្តី ស៊ុន ចាន់ថុល បានបញ្ជាក់ថា ម្ចាស់យានយន្តទាំងអស់ គឺមានពិន្ទុពេញចំនួន១២ ដែលជាពិន្ទុសម្រាប់ចំណុចចាប់ផ្តើមនៃការអនុវត្តកម្មវិធី Mobile App ។ លោកថ្លែងថា៖ “ប្រសិនបើម្ចាស់យានយន្តល្មើសច្បាប់ចរាចរណ៍ផ្លូវគោកចំនួន ៣ករណី នោះ​ភ្នាក់ងារនគរបាលចរាចរណ៍នឹងធ្វើការស្កេនបណ្ណបើកបរ រួចធ្វើការកាត់ពិន្ទុចំនួន៣ពិន្ទុ”។

បើតាមលោក ស៊ុន ចាន់ថុល ក្រោយការកាត់ពិន្ទុរួចរាល់ ម៉ាស៊ីនស្កេននឹងបញ្ចេញនូវក្រដាសផាកពិន័យជាចំនួនទឹកប្រាក់ឱ្យម្ចាស់រថយន្តចូលខ្លួនទៅបង់ស្របតាមពេលវេលាកំណត់។ លោកបញ្ជាក់បន្ថែមថា នៅពេលដែលម្ចាស់យានយន្តបានប្រព្រឹត្តិបទល្មើសរហូតឈានដល់ការកាត់ពិន្ទុអស់ចំនួន១២ នោះម្ចាស់យានយន្តនឹងត្រូវប្រលងយកបណ្ណបើកបរឡើងវិញសារជាថ្មី។

យ៉ាងណា ជុំវិញការកាត់ពិន្ទុនេះដែរ លោក ស៊ុន ចាន់ថុល បានបញ្ជាក់បន្ថែមទៀតថា គឺធ្វើឡើងតែចំពោះអ្នកប្រើប្រាស់រថយន្តតែប៉ុណ្ណោះ សម្រាប់អ្នកប្រើប្រាស់ទោចក្រយានយន្តវិញគឺមិនអនុវត្តនោះទេ។

សូមរម្លឹកថា ក្នុងរយៈពេលពេញមួយឆ្នាំ ២០២១ ករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន​ ២,៦៧០រកណី​ ថយចុះចំនួន១៦% ​ពីឆ្នាំ២០២០ ដោយមានចំនួន១,៦៤៦នាក់។ ក្នុងនោះ ចំនួនអ្នកបាត់បង់ជីវិតក្នុងហេតុការណ៍គ្រោះថ្នាក់ចរាចរណ៍មានចំនួន១,៤៩៧នាក់ ថយចុះ១៤៥នាក់​ ឬស្នើ៩% និងចំនួនអ្នករងបួសមានចំនួន៣,៦១៥នាក់ ថយចុះ ១,០៧១នាក់ពីឆ្នាំ២០២០។ នេះបើតាមរបាយការណ៍គ្រោះថ្នាក់ចរាចរណ៍របស់ក្រសួងមហាផ្ទៃបានឲ្យដឹងនាពេលកន្លងទៅ៕

The post ខែកុម្ភៈនេះក្រសួងសាធារណការ អនុវត្តកម្មវិធី Mobile App ដកពិន្ទុបណ្ណបើកបរទៅលើម្ចាស់យានយន្តខុសច្បាប់ចរាចរណ៍ទាំងអស់ appeared first on .