ការអំពាវនាវនេះរបស់លោករដ្ឋមន្រ្ដីក្រសួងទេសចរណ៍ ធ្វើឡើងនៅក្នុងឱកាសចូលរួមក្នុងពិធីអបអរសាទរទិវាបុណ្យឯករាជ្យជាតិលើកទី៧២ នៅស្ថានឯកអគ្គរាជទូតនៅទីក្រុងឡុងដ៍ កាលពីថ្ងៃទី៧ ខែវិច្ឆិកា​ ឆ្នាំ២០២៥។

តាមការបញ្ជាក់របស់ក្រសួងទេសចរណ៍ កម្មវិធីនេះមានការចូលរួមពីលោកជំទាវ ទួត បញ្ញា ឯកអគ្គរាជទូតវិសាមញ្ញ និងពេញសមត្ថភាពកម្ពុជាប្រចាំនៅចក្រភពអង់គ្លេស មន្រ្តីស្ថានទូត ប្រជាពលរដ្ឋខ្មែររស់នៅចក្រភពអង់គ្លេស សិស្ស និងនិស្សិតដែលកំពុងសិក្សានៅអង់គ្លេស ព្រមទាំងមិត្តភិក្តអង់គ្លេសសរុបច្រើនជាង៥០រូប។ 

នាឱកាសនោះលោករដ្ឋមន្រ្តី បានពាំនាំនូវក្តីនឹករលឹក និងការសួរសុខទុក្ខពីថ្នាក់ដឹកនាំគ្រប់ជាន់ថ្នាក់ពីសំណាក់ព្រះករុណាព្រះបាទ នរោត្តម សីហមុនី សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ដល់បងប្អូនសហគមន៍ខ្មែរ សិស្ស និងនិស្សិតទាំងអស់ដែលកំពុងរស់នៅ និងធ្វើការនៅចក្រភពទាំងអស់។

ទន្ទឹមនឹងនោះដែរ លោករដ្ឋមន្រ្តី ក៏បានជម្រាបជូនពីសភាពការណ៍នៅតំបន់ព្រំដែនជាមួយប្រទេសថៃ និងយន្តការដោះស្រាយរបស់រាជរដ្ឋាភិបាល ដោយស្នើសុំបងប្អូនខ្មែរមានការជឿជាក់លើការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់សម្តេចធិបតី មានតែការឯកភាព និងសាមគ្គីភាពជាធ្លុងមួយរបស់ប្រជាជនកម្ពុជាជាមួយរាជរដ្ឋាភិបាលដែលជាកំលាំងដ៏ខ្លាំងក្លា ជាមួយការគាំទ្រពីប្រទេសជាមិត្តដែលស្រលាញ់សន្តិភាព ពិតជាធ្វើឱ្យប្រទេសថៃត្រូវតែបញ្ចប់សកម្មភាពអរិភាពរបស់ខ្លួនជាមួយកម្ពុជានាពេលនេះ។

លោក ហួត ហាក់ ក៏បានស្នើដល់បងប្អូន និងសិស្ស និស្សិតកម្ពុជាធ្វើជាតំណាងទេសចរណ៍កម្ពុជា (Brand Ambassador) ជួយផ្សព្វផ្សាយពីសក្តានុពលទេសចរណ៍ដល់មិត្តភក្តិ និងប្រជាជនអង់គ្លេសឱ្យបានទូលំទូលាយ លើកទឹកចិត្តមកលេងទស្សនាកម្ពុជា ព្រមទាំងចូលរួមប្រឆាំង និងទប់ស្តាត់ព័ត៌មានក្លែងក្លាយពីកម្ពុជាដែលជះឥទ្ធិពលអវិជ្ជមានដល់កម្ពុជាផងដែរ៕

The post រដ្ឋមន្រ្តីក្រសួងទេសចរណ៍ អំពាវនាវបងប្អូន សិស្ស និស្សិតដែលស្នាក់នៅ និងបន្ដការសិក្សានៅចក្រភពអង់គ្លេស ចូលរួមផ្សព្វផ្សាយសក្ដានុពលទេសចរណ៍កម្ពុជា appeared first on .

កូនប្រុសបង្កើតសម្តេចវិបុលបញ្ញា សុខ អាន គឺលោក សុខ សូកេន រដ្ឋមន្រ្តីថ្មីក្រសួងទេសចរណ៍ បានបញ្ជាក់ថា ការដាក់ចេញនូវគំនិតផ្តួចផ្តើមសុទ្ធសាសន្រ្តនេះ ដើម្បីសំដៅធ្វើឱ្យកម្ពុជាក្លាយជាគោលដៅទេសចរណ៍សកលឈានមុខប្រកបដោយភាពសម្បូរបែប ពោរពេញដោយកាលានុវត្តភាព និងភាពកក់ក្ដៅ ក្នុងការរួមចំណែកលើកកម្ពស់កិត្យានុភាព និងភាពធន់របស់កម្ពុជា។

ក្នុងពិធីសំណេះសំណាលជាមួយថ្នាក់ដឹកនាំ-មន្ត្រីរាជការក្រសួងទេសចរណ៍ ពេលថ្មីៗនេះ លោក សុខ សូកេន បានបញ្ជាក់បន្ថែមថា លោកក៏នឹងដាក់ចេញគោលដៅយុទ្ធសាស្រ្តចំនួន៣ រួមមាន៖ ១-ភាពប្រកួតប្រជែងទេសចរណ៍ ២-ចីរភាពទេសចរណ៍ និង៣-បរិយាបន្នទេសចរណ៍ និងមានសសរស្ដម្ភយុទ្ទសាស្រ្តចំនួន៥ ហៅកាត់ថា «បង្កើន៥ -BUILD» ព្រមទាំងមានសមាសធាតុគាំទ្រដោយការងារអាទិភាពចំនួន៣ ហៅកាត់ថា «អភិវឌ្ឍ៣ -3Ds» ដើម្បីធ្វើយ៉ាងណាសំដៅជំរុញការអភិវឌ្ឍវិស័យទេសចរណ៍កម្ពុជា ព្រមទាំងបង្កើនប្រសិទ្ធភាព សុខដុមនីយកម្មក្នុងការងារសម្របសម្រួលរវាងក្រសួងស្ថាប័នពាក់ព័ន្ធ និងតួអង្គទាំងអស់ ដែលមានតួនាទីចូលរួមអភិវឌ្ឍន៍វិស័យទេសចរណ៍កម្ពុជា។

ក្នុងឪកាសនោះដែររដ្ឋមន្រ្តីវ័យក្មេងដែលមានឈាមជ័រជាកូនមន្រ្តីជាន់ខ្ពស់មួយរូបផងដែរនោះ បានអំពាវនាវឱ្យមានការចូលរួមពីគ្រប់ភាគីទាំងអស់ ដោយឈរលើអភិក្រមភាពជាដៃគូចតុភាគី «រដ្ឋ-ឯកជន-ប្រជាពលរដ្ឋ-ដៃគូអភិវឌ្ឍន៍» ធ្វើយ៉ាងណាបង្កើនសកម្មភាពវិស័យទេសចរណ៍កម្ពុជាឱ្យកាន់តែមានភាពប្រកួតប្រជែង ចីរភាព និងបរិយាបន្ន។

គួរជម្រាបថា ក្រសួងទេសចរណ៍មានចក្ខុវិស័យនៅឆ្នាំ២០២៥ នឹងទទួលបានទេសចរអន្តរជាតិ៦.៤លាននាក់ ជាមួយទេសចរជាតិ១៦.៧លាននាក់ ហើយនៅឆ្នាំ២០២៦ នឹងទទួលបានទេសចរអន្តរជាតិ៧លាននាក់ ជាមួយទេសចរជាតិ១៧លាននាក់៕

The post កូនប្រុសសម្តេច សុខ អាន ដាក់យុទ្ធសាស្រ្តអ្វីខ្លះដើម្បីអភិវឌ្ឍន៍វិស័យទេសចរណ៍កម្ពុជា ក្នុនាមរដ្ឋមន្រ្តីថ្មី appeared first on .

ក្នុងជំនួបនោះ លោកបានលើកឡើងបង្ហាញពីសក្តានុពល ក៏ដូចជាឱកាសវិនិយោគជាច្រើន ពិសេសលើវិស័យទេសចរណ៍ ដែលកំពុងត្រូវការការអភិវឌ្ឍបង្កើតផលិតផលទេសចរណ៍ថ្មី ដើម្បីរួមចំណែកក្នុងគោលនយោបាយទាក់ទាញភ្ញៀវទេសចរអន្តរជាតិបន្ថែម។

ក្នុងឱកាសនោះ លោករដ្ឋមន្រ្តីក៏ស្នើឱ្យលោក Thani bin Ahmed Al Zeyoudi រដ្ឋមន្ត្រីពាណិជ្ជកម្មអន្តរជាតិអេមីរ៉ាតអារ៉ាប់រួម ជួយជម្រុញឱ្យមានការហោះត្រង់របស់ក្រុមហ៊ុនអាកាសចរណ៍ Fly Emirates ពីឌូបៃមកកម្ពុជាឡើងវិញ ដើម្បីកំណើនទេសចរពីប្រទេសអេមីរ៉ាតអារ៉ាប់រួមមកកាន់កម្ពុជាបន្ថែមទៀត និងសហការជំរុញការចុះអនុស្សរណៈយោគយល់ស្ដីពីកិច្ចសហប្រត្តិការលើវិស័យទេសចរណ៍ឡើងវិញ ដែលធ្លាប់បានចុះហត្ថលេខាកាលពីឆ្នាំ២០១២ហើយ ដែលបច្ចប្បន្នបានអស់សុពលភាព។

ជាការឆ្លើយតប លោក ថានី ប៊ីន អាម៉េដ អាល់ ហ្សេយូឌី (Thani bin Ahmed Al Zeyoudi) បានបង្ហាញការអារម្មណ៍នៃការរីកចម្រើននៅប្រទេសកម្ពុជា ជាពិសេសចង់ស្វែងយល់ពីវិស័យទេសចរណ៍នៅកម្ពុជាផងដែរ។

គួរឱ្យដឹងផងដែរថា កន្លងមក កម្ពុជា-អេមីរ៉ាតអារ៉ាប់រួម មានការតភ្ជាប់ជើងហោះហើរឌូបៃ-យ៉ាងហ្គូន-ភ្នំពេញ ដែលជាមធ្យោបាយសម្រាប់ការធ្វើដំណើររបស់ទេសចរទៅមកប្រទេសទាំងពីរ និងទាក់ទាញលំហូរទេសចរប្រទេសទី៣ រួចមកហើយដែរ៕ អត្ថបទ៖ មុន្នី

The post រដ្ឋមន្ត្រីក្រសួងទេសចរណ៍ ស្នើឱ្យអេមីរ៉ាតអារ៉ាប់រួម បើកជើងហោះហើរត្រង់មកកម្ពុជាឡើងវិញ appeared first on .

តាមរយៈការលើកឡើងខាងលើ ឯកឧត្តម ថា លំហូរទេសចរចិនក្នុងឆ្នាំ២០២៣នេះ នឹងរំពឹងថាទទួលបានច្រើន ព្រោះយើងដឹងថា ទេសចរចិនជាប្រទេសដែលមានប្រជាជនច្រើន ចិនដើរចេញ ខាងក្រៅនៅឆ្នាំ២០១៩ ប្រមាណ ១៥៥លាននាក់ ស្មើនឹងជាង១០ភាគរយនៃទេសចរសរុបលើសាកលលោក។ ជាក់ស្តែង មុនរាតត្បាតកូវីដ កម្ពុជាទទួលបានទេសចរចិនប្រមាណ ៦លាន ៦សែននាក់ នាំមកនូវចំណូលជាតិប្រមាណ ៥ពាន់លានដុល្លារអាមេរិក។

លោកបន្តថា វិស័យទេសចរជាវិស័យដែលបង្កើតការងារបានច្រើនមុខ ជាពិសេសជាការដេញដោល ខ្លាំងទៅលើវិស័យមួយចំនួនដូចជា វិស័យកសិកម្ម វិស័យសិប្បកម្មជាដើម ក្នុងការផលិតស្បៀង ម្ហូបអាហារ ផលិតផល ដើម្បីជាការចូលរួមបម្រើវិស័យទេចរណ៍តាមរយៈការនាំចេញនឹងកន្លែងដោយមិនបាច់នាំចេញទៅលក់នៅក្រៅប្រទេសឡើយ។ ទាំងនេះហើយដែលជាការដេញដោលនូវសេដ្ឋកិច្ចកម្ពុជា ពិសេសបង្កើតការងារយ៉ាងច្រើនដល់ប្រជាជន ជាកត្តានាំឱ្យមានកំណើនសេដ្ឋកិច្ចជាតិ។

រដ្ឋមន្រ្តីក្រសួងទេសចរណ៍ បានគូសបញ្ជាក់ថា នៅក្នុងឆ្នាំ២០២៣នេះ កម្ពុជាក៏បានធ្វើការងារយ៉ាងសកម្ម ដើម្បីទទួលភ្ញៀវទេសចរ ដោយមានកម្មវិធីជាច្រើនរួមមាន ការពង្រឹងលើសេវាកម្មផ្សេងៗដូចជា៖ សេវាកម្មសណ្ឋាគារស្នាក់នៅ, សេវាម្ហូបអាហារ, សេវាការីទេសចរ,សេវាដឹកជញ្ជូនទេសចរ,រមណនីយដ្ឋានទេសចរ,សេវាកម្សាន្តទេសចរ,ផ្សារទំនើប ហាងលក់វត្ថុអនុស្សាវរីយ៍ ជាដើម ដើម្បីឆ្លើយតបនឹងតម្រូវការនៃទីផ្សារចិន៕

The post លោក ថោង ខុន៖ អ្នកទេសចរចិន បាននាំមកនូវចំណូលសេដ្ឋកិច្ចជាច្រើនដល់កម្ពុជា appeared first on .