សេចក្ដីជូនដំណឹងរបស់រដ្ឋបាលរាជធានីភ្នំពេញ នៅថ្ងៃទី០៥ ខែតុលានេះ បានឲ្យដឹងថា ដោយអនុវត្តតាមប្រសាសន៍សម្ដេចធិបតី ហ៊ុន ម៉ាណែត នាយករដ្ឋមន្តីកាលកន្លងទៅ រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈ រយៈពេល ០៥ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣។

បើតាមសាលាក្រុងភ្នំពេញ ការដឹកជញ្ជុនដោយមិនបង់ប្រាក់នេះ គឺដើម្បីជួយសម្រួលដល់ការចំណាយជូនបងប្អូនកម្មករ-និយោជិត និងប្រជាពលរដ្ឋក្នុង ការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យភ្ជុំបិណ្ឌ ប្រពៃណីជាតិខ្មែរ ដោយក្នុងនោះ សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ ប្រើប្រាស់រថយន្តក្រុងចំនួន ៦០គ្រឿង។ រីឯសេវាដឹកជញ្ជូនប្រជាពលរដ្ឋ ដែលនឹងធ្វើដំណើរពីរាជធានីភ្នំពេញទៅតាមបណ្ដាខេត្ត និងពីបណ្ដាខេត្តត្រលប់មកភ្នំពេញវិញ ប្រើប្រាស់រថយន្តក្រុងចំនួន ៣៩៥គ្រឿង។

ទន្ទឹមនឹងនេះ សាលាក្រុងភ្នំពេញក៏អំពាវនាវដល់ម្ចាស់ក្រុមហ៊ុន និងម្ចាស់រថយន្តដឹកជញ្ជូន អ្នកដំណើរទាំងអស់មេត្តារក្សាតម្លៃដឹកជញ្ជូននៅដដែល ដោយពុំតម្លើងថ្លៃ ក្នុងឱកាសពិធីបុណ្យភ្ជុំបិណ្ឌខាងមុខនេះ ដើម្បីរួមចំណែកជាមួយរាជរដ្ឋាភិបាល និងរដ្ឋបាលរាជធានីភ្នំពេញក្នុងការជួយសម្រួលដល់ជីវភាព រស់នៅរបស់បងប្អូនប្រជាពលរដ្ឋផងដែរ៕

The post សាលាក្រុងភ្នំពេញ ត្រៀមរថយន្ត ៤៥៥គ្រឿងដឹកប្រជាពលរដ្ឋឥតគិតថ្លៃក្នុងពិធីបុណ្យភ្ជុំបិណ្ឌ appeared first on .

ក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវអគារសម្ភព ស្ថិតនៅក្នុងបរិវេណនៃមន្ទីរពេទ្យកុមារជាតិ នាព្រឹកថ្ងៃទី២០ ខែមេសា ឆ្នាំ២០២៣ សម្តេចតេជោ ហ៊ុន សែន បានលើកឡើងថា ក្រោយពិធី​បុណ្យចូលឆ្នាំថ្មី ប្រពៃណីជាតិ បានបញ្ចប់ មានប្រជាពលរដ្ឋជាច្រើនបានធ្វើដំណើរចាកចេញពីស្រុកកំណើតរៀងខ្លួន ដោយបានប្រើប្រាស់មធ្យោបាយរថយន្តក្រុងសាធារណៈរបស់រដ្ឋ ដោយឥតគិតថ្លៃ ដើម្បីកាត់បន្ថយចំណាយ និងត្រឡប់មកបំពេញការងាររបស់ខ្លួនឡើងវិញ។

ខណៈសម្តេចតេជោ ក៏បានបង្ហាញក្តីរីករាយពេលឃើញប្រជាពលរដ្ឋ ប្រើប្រាស់សេវារថយន្តក្រុងរបស់សាលារាជធានីភ្នំពេញ ដែលអាចកាត់បន្ថយការចំណាយ និងបានជួយឲ្យរថយន្តឈ្នួល ឬតាក់ស៉ី មិនដំឡើងថ្លៃដូចពេលមុនៗផងដែរ។

សូមរម្លឹកដែរថា រដ្ឋបាលរាជធានីភ្នំពេញ កាលថ្ងៃទី៣ ខែមេសា ឆ្នាំ២០២៣ ធ្លាប់បានឱ្យដឹងថា ដើម្បីជួយសម្រួលដល់ការចំណាយជូនបងប្អូនប្រជាពលរដ្ឋក្នុងការធ្វើដំណើរទៅលេង ស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ ដោយរដ្ឋបាលរាជធានីភ្នំពេញ​បានរៀបចំរថយន្តក្រុងចំនួន ៣៤៥គ្រឿង សម្រាប់បម្រើសេវាដឹកជញ្ជូនសាធារណៈដោយមិនគិតប្រាក់ផងដែរ។

រដ្ឋបាលរាជធានីភ្នំពេញ ក៏​បានបញ្ជាក់ទៀតថា រយៈពេល ០៥ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៣ សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ គឺប្រើប្រាស់រថយន្តក្រុងចំនួន ៧០គ្រឿង ខណៈសម្រាប់សេវាដឹកជញ្ជូនប្រជាពលរដ្ឋ ដែលត្រូវធ្វើដំណើរពីរាជធានីភ្នំពេញទៅតាមបណ្ដាខេត្ត និងពីបណ្ដា ខេត្តត្រលប់មករាជធានីភ្នំពេញវិញ គឺត្រូវបានប្រើប្រាស់រថយន្តក្រុងចំនួន ២៧៥គ្រឿង៕

The post ពលរដ្ឋរហូត៥ម៉ឺននាក់ បានជិះរថយន្តក្រុងរបស់រដ្ឋក្នុងឱកាសបុណ្យចូលឆ្នាំដោយឥតគិតថ្លៃ appeared first on .

បើតាមសេចក្តីជូនដំណឹងរបស់រដ្ឋបាលរាជធានីភ្នំពេញ កាលថ្ងៃទី៣ ខែមេសា ឆ្នាំ២០២៣នេះ បានឱ្យដឹងថា រយៈពេល ០៥ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៣ ប្រជាពលរដ្ឋ អាចធ្វើដំណើរតាមរថយន្តក្រុងដោយមិនបង់ប្រាក់ទាំងអស់។ សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ នឹងប្រើប្រាស់រថយន្តក្រុងចំនួន ៧០គ្រឿង ខណៈសម្រាប់សេវាដឹកជញ្ជូនប្រជាពលរដ្ឋ ដែលនឹងធ្វើដំណើរពីរាជធានីភ្នំពេញទៅតាមបណ្ដាខេត្ត និងពីបណ្ដា ខេត្តត្រលប់មករាជធានីភ្នំពេញវិញ ត្រូវបានប្រើប្រាស់រថយន្តក្រុងចំនួន ២៧៥គ្រឿង។

គួរបញ្ជាក់រម្លឹកដែរថា ដើម្បីជួយសម្រួលដល់ការធ្វើដំណើរ និងកាត់បន្ថយការចំណាយរបស់ប្រជាពលរដ្ឋ សម្តេចតេជោ ហ៊ុន សែន បានបញ្ជាឱ្យអភិបាលរាជធានីភ្នំពេញត្រៀមរថយន្តក្រុង ដើម្បីដឹកប្រជាពលរដ្ឋពីរាជធានីភ្នំពេញទៅកាន់បណ្តាខេត្តនានាទូទាំងប្រទេសក្នុងឱកាសបុណ្យចូលឆ្នាំប្រពៃណីខ្មែរ ដែលនឹងប្រព្រឹត្តទៅអំឡុងពាក់កណ្តាលខែមេសា ខាងមុខនេះ៕ អត្ថបទ៖ ពិសី

The post អាជ្ញាធរភ្នំពេញ ត្រៀមរថយន្តក្រុង ៣៤៥គ្រឿង សម្រាប់ដឹកជញ្ជូនពលរដ្ឋដោយមិនគិតថ្លៃក្នុងពិធីបុណ្យចូលឆ្នាំថ្មី appeared first on .

រដ្ឋបាលរាជធានីភ្នំពេញ បានបញ្ជាក់ថា ការបញ្ចេញរថយន្តក្រុងដឹកអ្នកដំណើរដោយមិនបង់ប្រាក់នេះ គឺ អនុវត្ត តាម​ប្រ​សា​​​សន៍​ដឹកនាំ របស់សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជាដើម្បីជួយសម្រួល​បន្ទុកចំណាយរបស់បងប្អូន​ប្រជា​​ពលរដ្ឋជាមន្ត្រីរាជការ កងកម្លាំងប្រដាប់អាវុធ កម្មករ កម្មការិនី សិស្ស និស្សិតទាំងអស់ដែលនឹងធ្វើដំណើរ​ទៅ​លេង​ស្រុកកំណើត ជួបជុំបងប្អូនក្រុមគ្រួសារ ប្រកបដោយ​សេចក្តីសប្បាយរីករាយ ។

The post ភ្ជុំបិណ្ឌឆ្នាំនេះ! រថយន្តក្រុង ១៧៥គ្រឿង នឹងដឹកពលរដ្ឋ​ក្នុង​​រាជ​ធានី​​ភ្នំ​ពេញ និងទៅ​ស្រុកកំណើត ដោយឥតគិតថ្លៃ រយៈ​ពេល​​៥​​ថ្ងៃ appeared first on .

ការណែនាំដល់អាជ្ញាធររាជធានីភ្នំពេញត្រៀមរថយន្តដឹកជញ្ជូនប្រជាពលរដ្ឋនេះ សម្តេចតេជោបានបញ្ជាក់ថា ដើម្បីកាត់បន្ថយនៅការតម្លើងថ្លៃរបស់រថយន្តឈ្នួល ឬតាក់ស៊ី ដើម្បីជួយដល់កម្មករ កម្មការិនី ប្រជាពលរដ្ឋដែលចង់ធ្វើដំណើរទៅតាមមូលដ្ឋាននានា។

ជាមួយគ្នានេះដែរ សម្តេចតេជោក៏បានអំពាវនាវឲ្យម្ចាស់រថយន្ត សូមកុំតម្លើងថ្លៃក្នុងអំឡុងពេលកាន់បិណ្ឌ និងភ្ជុំឆ្នាំ២០២២នេះ ដើម្បីឲ្យប្រជាជនមានលទ្ធភាពធ្វើដំណើរទៅធ្វើបុណ្យនៅតាមស្រុកកំណើតរៀងៗខ្លួន។

សូមជម្រាបថា ពិធីបុណ្យកាន់បិណ្ឌឆ្នាំ២០២២នេះ គឺប្រព្រឹត្តទៅចាប់ពីថ្ងៃ១រោច ដល់ថ្ងៃ ១៤រោច ខែភទ្របទគឺចាប់ពីថ្ងៃទី១១ ដល់ថ្ងៃទី២៤ ខែ​កញ្ញា ឆ្នាំ២០២២៕

The post នាយករដ្ឋមន្រ្តី ឲ្យរដ្ឋបាលរាជធានីភ្នំពេញ ត្រៀមរៀបចំរថយន្តដឹកជញ្ជូនកម្មករ និងប្រជាជន នាថ្ងៃភ្ជុំបិណ្ឌ appeared first on .