ចលនាប្រមូលហត្ថលេខានេះ បានបិទការបូកសរុបនៅម៉ោង៦ និង៣០នាទីល្ងាច ថ្ងៃទី៥ ខែសីហា ឆ្នាំ២០២៥ ដោយប្រមូលហត្ថលេខាបាន ១០២០រូប។

កាលពីថ្ងៃទី៥ ខែសីហា ឯកឧត្តម សុខ ចិន្តាសោភា ឧបនាយករដ្ឋមន្ត្រី ក្នុងនាមបញ្ញវន្តខ្មែរ ក៏បានអញ្ជើញ ចូលរួមចុះហត្ថលេខាដោយផ្ទាល់លើញត្តិ ដាក់ជូនទៅស្ថានទូតធំៗនៅកម្ពុជា ដើម្បីស្នើសុំឱ្យអន្តរាគមន៍ដោះលែងទាហានកម្ពុជាទាំង ១៨ រូបផងដែរ។

គួរឱ្យដឹងថា ការបង្កើតចលនាប្រមូលហត្ថលេខា ដើម្បីដាក់ញត្តិទៅស្ថានទូតធំៗប្រចាំនៅកម្ពុជា សុំអន្តរាគមន៍ឱ្យមានការដោះលែងទាហានកម្ពុជាទាំង ១៨រូប និងបង្ហាញគោលជំហរប្រឆាំងសង្រ្គាមឆ្លៀនពានរបស់សៀមមកលើកម្ពុជានេះដឹកនាំដោយ លោក សែមស័ក្តិ សិនា និស្សិតបណ្ឌិត ជំនាញវិទ្យាសាស្ត្រនយោបាយ ជំនាន់៩។

សូមបញ្ជាក់ថា គិត​មក​ដល់​ថ្ងៃទី​៦ សីហានេះ មាន​រយៈពេល​ជាងមួយសប្តាហ៍ហើយ ដែល​ទាហាន​កម្ពុជា ១៨​រូប ត្រូវ​បាន​ទាហាន​ថៃចាប់ខ្លួន កាលពី​ថ្ងៃទី​២៩ កក្កដា បន្ទាប់​ពី​បទ​ឈប់​បាញ់ចូលជាធរមាន។ ដោយ​ឡែក កាលពីថ្ងៃទី​១ សីហា ទាហានថៃ បាន​បញ្ជូន​ទាហាន​កម្ពុជាតែ ២រូបប៉ុណ្ណោះ ត្រឡប់មក​កម្ពុជាវិញ ក្រោយ​មាន​បញ្ហាសុខភាព និង​វង្វេងស្មារតី៕

រូបភាព៖ លោកបណ្ឌិត យង់ ពៅ អ្នកជំនាញវិទ្យាសាស្រ្តនយោបាយ និងជាអគ្គលេខាធិការនៃរាជបណ្ឌិត្យសភាកម្ពុជា

The post ក្រុមនិស្សិតនៃរាជបណ្ឌិត្យសភាកម្ពុជា ប្រមូលហត្ថលេខា ដាក់ញត្តិទៅស្ថានទូតធំៗប្រចាំនៅកម្ពុជា នៅថ្ងៃនេះ សុំអន្តរាគមន៍ឱ្យមានការដោះលែងទាហានកម្ពុជាទាំង ១៨រូប appeared first on .

ថ្លែងប្រាប់ Oknha News អតីតកូនអ្នកស្រុកក្រូចឆ្មា លោកឧកញ៉ា សំ សុខនឿន បញ្ជាក់ថា៖ “ការចូលរួមឧបត្ថម្ភជាថវិការបស់ខ្ញុំបាទនេះ គឺដើម្បីជួយជំរុញវិស័យម្ហូបអាហារ ផ្សារភ្ជាប់ទៅនឹងវិស័យទេសចរណ៍នៅកម្ពុជាឱ្យកាន់តែសម្បូរបែប និងមានភាពទាក់ទាញភ្ញៀវទេសចរជាតិ និងអន្តរជាតិឱ្យស្គាល់កាន់តែទូលំទូលាយតាមរយៈស្នាដៃចងក្រងសៀវភៅម្ហូបអាហារ រួមទាំងផលិតផលសាច់ក្រកនេះឡើង។”

នៅលើបណ្ដាញសង្គមហ្វេសប៊ុកផ្ទាល់ខ្លួន លោកបណ្ឌិតសភាចារ្យ សុខ ទូច មានប្រសាសន៍ថ្លែងអំណរគុណជាពន្លឹកចំពោះលោកឧកញ៉ា សំ សុខនឿន ដែលមានគំនិតចូលរួមលើកតំកើនការផ្សព្វផ្សាយសៀវភៅ “ការផលិតសាច់ច្រក (សាច់ក្រក)” នេះ។

“ព្រឹកថ្ងៃទី១៣ ខែធ្នូ ឆ្នាំ២០២២នេះ ខ្ញុំបានជួបពិភាក្សាជាមួយលោកឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY ។ លោកឧកញ៉ា បានចូលរួមថវិកាដើម្បីបោះពុម្ព សៀវភៅស្តីពី «ការផលិតសាច់ច្រក (សាច់ក្រក)» នៅលើពិភពលោក ចំនួន ៥ ពាន់ដុល្លារសហរដ្ឋអាម៉េរិក”។ ប្រសាសន៍របស់លោកបណ្ឌិតសភាចារ្យ សុខ ទូច ។

សូមជម្រាបថា រាជបណ្ឌិត្យសភាកម្ពុជា បាននឹងកំពុងតែរៀបចំបកប្រែសៀវភៅធ្វើសាច់ក្រកតាមបែបអឺរ៉ុបដែលមានជាង៦០០ទំព័រ ហើយក៏ត្រៀមនឹងបោះពុម្ភផ្សព្វផ្សាយជាសាធារណៈ ដើម្បីចងក្រងជាឯកសារ និងរួមចំណែកលើកម្ពស់វិស័យម្ហូបអាហារ-ធុរកិច្ចនៅប្រទេសកម្ពុជា។

ដោយឡែក កាលពីខែមករា ដើមឆ្នាំ២០២២ រាជបណ្ឌិត្យសភាកម្ពុជា ក៏បានបើកដំណើរការវគ្គបណ្ដុះបណ្ដាលវិជ្ជាជីវជំនាញចុងភៅ រួមទាំងជំនាញឆុងកាហ្វេ ភេសជ្ជ: និងក្រឡុកដល់សិក្ខាកាមទូទៅផងដែរ។

គួររំឮកដែរថា កាលពីថ្ងៃទី២៣ ខែវិច្ឆិកា ឧកញ៉ា សំ សុខនឿន ក៏ទើបតែបានដឹកនាំសប្បុរសជនខ្មែរ និងសប្បុរសជនជប៉ុន នាំយករថយន្តគិលានសង្គ្រោះចំនួន ៥គ្រឿង ជូនឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្មផងដែរ។

ក្រៅពីជាអ្នកជំនួញក្នុងវិស័យអចលនទ្រព្យ ឧកញ៉ា សំ សុខនឿន តែងតែចូលរួមសកម្មភាពសប្បុរធម៌ចុះជួយសង្គមជាហូរហែ៕

The post ឧកញ៉ា សំ សុខនឿន ឧបត្ថម្ភថវិកា ៥ពាន់ដុល្លារ ជូនរាជបណ្ឌិត្យសភាកម្ពុជា បោះពុម្ភសៀវភៅ “ការផលិតសាច់ក្រក និងផលិតផលឆ្អើរ” appeared first on .

ក្នុងឱកាសអញ្ជើញជាអធិបតីនិងថ្លែងសុន្ទរកថាបិទកម្មវិធីបទបង្ហាញ ស្ដីពី «ស្នាដៃស្រាវជ្រាវ ចងក្រង និងការ​វិភាគ លើព្រឹត្តិការណ៍នានា ពាក់ព័ន្ធនឹងការរីករាលដាលជំងឺកូវីដ-១៩ នៅកម្ពុជា និងនៅលើពិភពលោក» នាព្រឹក ថ្ងៃទី​​​៨ ខែ​ធ្នូ ឆ្នាំ២០២២ ​​លោក​បណ្ឌិត​សភាចារ្យ សុខ ទូច ​​​​បាន​​​​លើក​ឡើង​យ៉ាង​ដូច្នេះ​ថា៖ “ខ្ញុំ​ចង់​ឱ្យ​អ្នក​មានៗ​ អ្នកឧកញ៉ា ឧកញ៉ា ជួយ​បោះពុម្ភ​សៀវភៅ​ដែល​រាជបណ្ឌិត្យសភាកម្ពុជា​ចង​ក្រង ​ព្រោះ​សៀវភៅ​ដែល​យើង​ចង់​ក្រង​នេះ មិន​មាន​ថវិកា​បោះពុម្ភ​នោះ​ទេ ហើយ​​ពេល​លក់​បាន យើង​នឹង​សង​ថវិកា​ទៅ​វិញ​ទេ”។

លោកបណ្ឌិត បានគូសបញ្ជាក់​ថា រាជបណ្ឌិត្យសភាកម្ពុជា​ខិត​ខំ​​ចង​ក្រង​សៀវភៅ​ឡើង គឺ​ដើម្បី​កុំ​ឱ្យ​ខ្មែរ​យើង​ដើរ​ជាន់ដានប្រវត្តិសាស្ត្រ ហើយ​ដូនតាយើង​សម័យ​ដើម​បាន​ព្យាយាម​ចងក្រង​ឯកសារ​ឆ្លាក់លើសិលាចារិក ចុះមក​ដល់សម័យទំនើបហើយ រឿងហេតុ​កើត​ឡើង ហេតុអ្វី​​ខ្មែរ​មិន​ព្រម​ចងក្រង​ឯកសារ ​បែរ​ជា​មើល​​តែ​ភាសាបរទេស ដូច្នេះ​យើង​គួរ​តែ​​រួម​គ្នា​គិត​គូ​ដល់​សង្គម​ជាតិ។

លោក​បណ្ឌិត​ ​មាន​ប្រសាសន៍​​បន្ថែម​ថា៖ “ខ្ញុំ​ចង់​ឱ្យ​អ្នក​មានៗ​ខ្លះ ជួយ​ធ្វើ​បុណ្យ វិហារ​ក៏​ច្រើន​ដែរ​ហើយ សូម​ជួយ​ធ្វើ​បុណ្យ​បោះពុម្ភ​សៀវភៅ​ឱ្យ​បាន​ច្រើន ព្រោះ​វា​មិន​ថ្លៃ​ស្មើ​នឹង​សសរ​ព្រះវិហារ​នោះ​ទេ។ ​បើ​សិន​ជា​ធ្វើ​បាន នោះ​ពួក​យើង​នឹង​ដាក់​ឈ្មោះ​អ្នក​ជួយ​ឧបត្ថម្ភ ​​ហើយ​វា​នឹង​ចារ្យ​ឈ្មោះ​តពូជ។ ទោះ​១០០០​ឆ្នាំ​ទៀត ពេល​គេ​អាន​ក៏​គេ​នៅ​ស្គាល់​ឈ្មោះ​របស់​អ្នក”។

លោកបណ្ឌិតសភាចារ្យ សុខ ទូច ​​មាន​អនុសាសន៍​បន្ថែម​ទៀត​ថា បច្ចុប្បន្ន​រាជបណ្ឌិត្យសភាកម្ពុជា មាន​បណ្ណាល័យ​មែន ប៉ុន្តែ​ទីតាំង​តូច​ណាស់ ដូច្នេះ​នៅ​​ពេល​ខាង​មុខ លោក​​នឹង​បង្កើត​កន្លែង​អាន​នៅ​ទីនោះ។ លោក​បាន​បញ្ជាក់​ថា៖ “យើង​នឹង​ធ្វើ​អគារ​មួយ​ទៀតសម្រាប់​អាន ដូច​នៅ​ស្រុក​​គេ​ ប៉ុន្តែ​បើ​ករណី​គ្មាន​ថវិកា យើង​អាន​នៅ​ក្រោម​ដើម​ជម្ពូ ​យើង​នឹង​រៀបចំ​កន្លែង​​ដាក់​បង់​ឱ្យ​អង្គុយ​អាន ព្រោះ​យើង​ត្រូវ​តែ​កែទម្រង់ ជាពិសេស​សម្រាប់​អ្នក​ដែល​គ្មាន​លុយ​ទិញ​សៀវភៅ អាច​មក​រាជបណ្ឌិត្យសភាកម្ពុជា ខ្ចី​សៀវភៅ​អង្គុយ​អាន​បាន”៕

The post បណ្ឌិត សុខ ទូច អំពាវនាវឱ្យអ្នកឧកញ៉ា ឧកញ៉ា ជួយឧបត្ថម្ភបោះពុម្ពសៀវភៅ appeared first on .

នៅឆ្នាំ ១៩៩៩ លោកបាន ក្លាយ ជា ដឹកនាំ ក្រុមការងារ ជួយ កម្ពុជា ឲ្យ ទទួល បាន សមាជិក ភាព នៅ ក្នុង អង្គការ ពាណិជ្ជកម្ម ពិភព លោក WTWTOលោកក៏បាន ជួយ អភិវឌ្ឍ ប្រព័ន្ធ ច្បាប់ របស់ ប្រទេស កម្ពុជា ដោយ ចងក្រង ច្បាប់ និង បទប្បញ្ញត្តិ នានា និង បាន ក្លាយ ជា អគ្គលេខាធិការ ដំបូង បង្អស់ នៃ គណៈមេធាវី កម្ពុជា។

លោក សុក ស៊ីផាន់ណា ជាទីប្រឹក្សាជាន់ខ្ពស់រាជរដ្ឋាភិបាលកម្ពុជា និងជាឧត្តមមន្ត្រីសម្រាប់កម្ពុជា ទទួលបន្ទុកកិច្ចការ ASEM ជាមេធាវី និងជាស្ថាបនិកនៃការិយាល័យមេធាវីសុកស៊ីផាន់ណានិងសហការី ដែលជាការិយាល័យផ្តល់ការប្រឹក្សាយោបល់ផ្នែកច្បាប់ដ៏ល្បីឈ្មោះ។

លោកត្រូវបានចាត់ទុកជាបញ្ញវន្ត ទទួលបានការអប់រំជ្រៅជ្រះផ្នែកច្បាប់ ដែលទទួលបានសញ្ញាប័ត្របណ្ទិតច្បាប់ (Juris Doctor) ពីសាកលវិទ្យាល័យច្បាប់ Widener នៃរដ្ឋ Delaware សហរដ្ឋអាមេរិក នៅឆ្នាំ១៩៩២ និង បណ្ឌិតច្បាប់ពីសាកលវិទ្យាល័យច្បាប់ បន (Bond) នៃរដ្ឋ Queensland ប្រទេសអូស្ត្រាលី ក្នុងឆ្នាំ២០០៩។ ឆ្នាំ២០២២នេះ លោក សុក ស៊ីផាន់ណា ទទួលបានសញ្ញាប័ត្របណ្ឌិតច្បាប់ពីសាកលវិទ្យាល័យប៉ារីស ២ Pantheon – Assas ប្រទេសបារាំង៕

The post លោក សុក ស៊ីផាន់ណា តែងតាំងជាសមាជិកពេញសិទ្ធិនៃរាជបណ្ឌត្យសភា មានងារ «បណ្ឌិតសភាចារ្យ» appeared first on .

ការឡើងការពារបញ្ចប់និក្ខេបបទថ្នាក់បណ្ឌិត របស់លោកស្រី ធ្វើឡើងក្រោមការណែនាំពីបណ្ឌិត សយ រាសី ក្នុងនោះក៏មានការចូលរួមវាយតម្លៃដោយផ្ទាល់ពីបណ្ឌិត អ៊ុំ ប៉ុម ជាប្រធាន បណ្ឌិត សុខ ទូច បណ្ឌិត ឌឹង សំណាង បណ្ឌិត សឿង សោភ័ណ និងបណ្ឌិត អ៊ុក ទុំ ជាសមាជិកវាយតម្លៃ។

ជាលទ្ធផល គណៈកម្មការវាយតម្លៃទាំងអស់ បានឯកភាពសម្រេចឱ្យបេក្ខបណ្ឌិត ដាំ ដារីនី ទទួលបានជោគជ័យលើការការពារបញ្ចប់និក្ខេបបទថ្នាក់បណ្ឌិត ជំនាញរដ្ឋបាលសាធារណៈ។

លោកស្រី ដាំ ​ដា​រិនី​ បច្ចុប្បន្នជារដ្ឋ​លេខា​ធិការ​ ​ក្រសួង​​ការ​ពារ​ជាតិ ដែលការងាររបស់លោកស្រីជួយ​រដ្ឋមន្រ្ដី​លើ​ការងារ​នាយកដ្ឋាន​នីតិកម្ម និង​វិទ្យាសាស្រ្ដ​សុខាភិបាល ខ.ភ.ម។

លោកស្រីក៏ជាអនុប្រធានក្រុមការងារថ្នាក់កណ្តាលចុះជួយស្រុកត្បូងឃ្មុំ និងជាប្រធានក្រុមការងារចុះជួយមូលដ្ឋានឃុំរការពប្រាំ ស្រុកត្បូងឃ្មុំ ខេត្តត្បូងឃ្មុំ និងជាប្រធានផ្នែកសិល្បៈ និងកីឡា នៃយុវជនគណបក្សប្រជាជនកម្ពុជាថ្នាក់កណ្ដាល។ ហើយលោកស្រីក៏បានឈរ​ឈ្មោះ​ជា​បេក្ខជន​បម្រុង​លេខ​រៀង​ទី​១៦ នៅ​មណ្ឌល​ខេត្ត​កំពង់ចាម។

ក្រៅពីការងារជាមន្ត្រីជាន់ខ្ពស់ក្រសួងការពារជាតិ លោកស្រីក៏កំពុងដឹកនាំយុវនារី យុវជនវ័យក្មេងនៅកម្ពុជា ក្នុងតួនាទីអនុប្រធានសហភាពសហព័ន្ធយុវជនកម្ពុជា ដែលមានលោក ហ៊ុន ម៉ានី កូនប្រុសពៅសម្តេចតេជោនាយករដ្ឋមន្ត្រី ជាប្រធាន៕

The post មន្ត្រីជាន់ខ្ពស់ក្រសួងការពារជាតិ ជាស្រ្តីម្នាក់ការពារបញ្ចប់និក្ខេបបទថ្នាក់បណ្ឌិត បានជោគជ័យនៅរាជបណ្ឌិត្យសភាកម្ពុជា appeared first on .

លោក​បណ្ឌិត​ សឹង រេត បាន​រៀប​រាប់​លើ​​ហ្វេសបុក ​​កាល​ពី​ថ្ងៃ​អង្គារ ទី​០៩ ខែ​សីហា ឆ្នាំ​២០២២​​ ថា លោក​ខិតខំរៀន បន្ទាប់ពីរបបប្រល័យពូជសាសន៍ប៉ុលពត រហូតរៀនចប់ថ្នាក់បណ្ឌិត ក្រោមកម្មវិធីអាហារូបករណ៍​របស់រដ្ឋាភិបាលប្រទេសបែលហ្សិក​ និង​ថ្នាក់ក្រោយបណ្ឌិត នៅ​បែលហ្សិក។ បន្ទាប់មក លោក​បានក្លាយជា​សាស្ត្រាចារ្យ​សេដ្ឋកិច្ចក្នុងកម្មវិធី Fulbright Lecturing Program រយៈពេលមួយឆ្នាំសិក្សា ២០១៦-២០១៧ នៅរដ្ឋ Massachusetts សហរដ្ឋអាម៉េរិក ព្រមទាំងបានបម្រើការងារ​ដោយស្មោះត្រង់បំផុត​ទាំង​កម្លាំងកាយចិត្ត ជូនជាតិមាតុភូមិជាទីស្នេហានៃយើងទាំងអស់គ្នាចាប់តាំងពីឆ្នាំ១៩៩៨មក ហើយ​បច្ចុប្បន្ន​ លោក​បានសល់ទ្រព្យជាសៀវភៅមួយទូដែរ។

លោក​បាន​បន្ត​​ថា សូមអរគុណណាស់ ចំពោះកាដូទូដ៏ប្រណិតនេះ។ សម្រាប់សៀវភៅដ៏កំសត់​ទាំងនេះ ដែល​ស្ថិតក្នុងបាវអស់រយៈពេលជាច្រើនឆ្នាំ។ ក្នុងរយៈពេល១ឆ្នាំនៅសហរដ្ឋអាម៉េរិក លោក​មានឱកាសចែក​រំលែកអំពីជីវិតជាសិស្សក្នុងអំឡុងឆ្នាំ១៩៧៩-១៩៩២ និង ជីវិតជានិស្សិតស្នាក់នៅវត្ត ជាមួយព្រះសង្ឃ​ ដើម្បីបន្តការសិក្សាថ្នាក់បរិញ្ញាបត្រនៅសាកលវិទ្យាល័យភូមិភ្នំពេញឆ្នាំ១៩៩៣-១៩៩៧ ដល់សិស្ស និង និស្សិតអាម៉េរិកជាច្រើនដង ដោយទទួលបានការចាប់អារម្មណ៍យ៉ាងខ្លាំង​ចំពោះការអភិវឌ្ឍពីចំណុចសូន្យ​របស់កម្ពុជា រហូតដល់មានការរីចម្រើនលើគ្រប់វិស័យ ព្រមទាំងអំពីដំណើរការ​សិក្សាររបស់លោក តាំង​ពីក្មេងគ្មានទ្រនាប់ជើង (a boy without shoes) រហូតបានក្លាយជា​សាស្ត្រាចារ្យសេដ្ឋកិច្ច​បង្រៀននៅ​សហរដ្ឋអាមេរិក ។

បណ្ឌិត សឹង រេត កើត​ឆ្នាំ​១៩៧៣ (មុន​របប​ខ្មែរ​ក្រហម ២ឆ្នាំ) មាន​ស្រុក​កំណើត នៅ​ឃុំកំពែង ស្រុកគិរីវង់ ខេត្តតាកែវ។ លោកចូលរៀន​ដំបូង​ឆ្នាំ​១៩៨០ និង​ចប់​បាក់ឌុប​ឆ្នាំ​១៩៩២ ​​ទើប​ឡើង​មក​រាជធានីភ្នំពេញ ​​បន្ត​រៀន​បរិញ្ញាបត្រ​​ផ្នែក​គណិត​វិទ្យា នៅ​សាកលវិទ្យាល័យ​ភូមិន្ទភ្នំពេញ។ ជីវិត​កូន​អ្នកស្រែ ឡើង​មក​ភ្នំពេញ​ពេល​នោះ លោក​បញ្ជាក់​ថា លោក​មិនចេះ​អង់គ្លេស​សូម្បី​មួយមាត់។ តែ​​ដោយ​ចិត្ត​ស្រឡាញ់​ការ​សិក្សា​ចង់​រៀន ​​​ពេល​ម៉ោង​សម្រាក​បាយ​ថ្ងៃ​ត្រង់ លោក​ក៏​ជិះ​កង់​ចាស់​​មួយ ​ទៅ​លួច​មើល​គេ​រៀន​អង់គ្លេស​នៅ​សាលា​​បាក់ទូក ពី​ចម្ងាយ (ក្រៅបង្អួច) ព្រោះ​គ្មាន​លុយ​បង់​ថ្លៃ​​រៀនគួរ​នឹង​គេ។

ការតស៊ូ​ទាំង​នោះ ​​ធ្វើ​ឱ្យ​លោក​មាន​ឱកាស​ជាប់​អាហារូបករណ៍ទៅរៀននៅប្រទេសបែលហ្សិក ២០០៣ លើ​កម្រិត​បណ្ឌិត​សេដ្ឋកិច្ច។ ក្រោយ​មក​ ក៏​ជាប់​ថ្នាក់​ក្រោយ​បណ្ឌិត​​​ថែម​ទៀត នៅ​ឆ្នាំ​២០០៩ ​​​​​ដោយ​ជាប់​លក្ខខណ្ឌ​ត្រូវ​​ធ្វើការ​ឱ្យ​ប្រទេស​បែលហ្សិក រយៈពេល​២​ឆ្នាំ ​​ប៉ុន្តែ​លោក​ធ្វើ​បាន​តែ​១​ឆ្នាំ ក៏​សុំ​គេ​​ត្រឡប់​មក​កម្ពុជា​វិញ នៅ​ឆ្នាំ​២០១០ ព្រោះ​ចង់​ជួយ​ប្រទេស​កំណើត តាម​រយៈ​ជួយ​បណ្តុះបណ្តាល អ្នក​ជំនាន់​ក្រោយ។ ​​

លោកបណ្ឌិត ជាអ្នកស្រាវជ្រាវជាន់ខ្ពស់ផ្នែកសេដ្ឋកិច្ច ហើយ​ការងារស្រាវជ្រាវរបស់លោក​ ក៏ត្រូវបាន​ទទួល​ឱ្យធ្វើបទបង្ហាញនៅសហរដ្ឋអាមេរិក ប្រទេសចិន ប្រទេសហ្វីលីពីន ប្រទេសប៊ែលហ្ស៊ិក ប្រទេសកូរ៉េ​ខាងត្បូង ប្រទេសឥណ្ឌូនេស៊ី ប្រទេសសិង្ហបុរី និងប្រទេសថៃផងដែរ។ បច្ចុប្បន្ន ឯកឧត្តមក៏ជាសមាជិក​នៃក្រុមប្រឹក្សាត្រួតពិនិត្យនៃ Journal of Business and Management ហើយក៏ជាសមាជិក (Council of Fellows) នៃ East Asian and Economic Association (EAEA)។

បច្ចុប្បន្ន បណ្ឌិត សឹង រេត មានតួនាទីជា​​ទីប្រឹក្សាផ្ទាល់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាទីប្រឹក្សាឧត្តមប្រឹក្សាសេដ្ឋកិច្ចជាតិ មានឋានៈស្មើ​រដ្ឋលេខាធិការផងដែរ។ លោក ក៏​ជា​សមាជិកបម្រុងនៃរាជបណ្ឌិត្យសភាកម្ពុជា និង​ជា​សាស្ត្រាចារ្យ​ជាន់​ខ្ពស់ ជួយ​ណែនាំ​ថ្នាក់​និក្ខេបទ​បណ្ឌិត​នៅ​រាជបណ្ឌិត្យសភា​កម្ពុជា និង​​ជា​សាស្ត្រាចារ្យ​ជាន់ខ្ពស់ នៅ​​សាលាភូមិន្ទ​រដ្ឋបាល ផងដែរ៕

The post បណ្ឌិតម្នាក់ តស៊ូតាំងពីក្មេងគ្មានស្បែកជើងពាក់ រហូតអាចទៅបង្ហាត់សិស្សនៅសហរដ្ឋអាមេរិក និងចិន appeared first on .

ការប្រឡងនេះ មាន​ការ​ចូលរួមពី​សិក្ខាកាមចំនួន ១០ រូប ដែលបានទទួលការបណ្តុះបណ្តាលរយៈពេល ២ខែ លើមុខម្ហូប ៣៦ មុខ រួមមានម្ហូបអឺរ៉ុប អាស៊ី និងអ៊ីតាលី។

ដំណើរការ​នៃ​ការប្រឡង​ចែកជាពីរវគ្គ។ វគ្គទី១ សិក្ខាកាម ត្រូវរៀបចំចម្អិនម្អូប ២ មុខ (ក្តៅ និង ត្រជាក់) ដើម្បីដាក់​ជូនគណៈកម្មការវាយតម្លៃ និងផ្តល់យោបល់។ វគ្គទី២ សិក្ខាកាមនឹងដាក់បង្ហាញមុខម្ហូបដែលខ្លួនបានរៀបចំ ហើយធ្វើបទបង្ហាញលើអត្ថន័យនៃម្ហូបរបស់ខ្លួនជូនគណៈកម្មការវាយតម្លៃ។

គណៈកម្មការដែលចូលរួមមាន៣រូប គឺ លោកគ្រូ ស័រ សំអាង ជាគ្រូបង្គោល លោកសែន ឫទ្ធី ជាប្រធានចុងភៅ នៃសណ្ឋាគារ The Plantation Urban Resort & Spa និង លោក សុង តេង ជាប្រធានសមាគមសហគមន៍ចុងភៅកម្ពុជា។

គួរ​បញ្ជាក់​ថា ក្រៅពីការបណ្តុះបណ្តាលថា្នក់បរិញ្ញាបត្រជាន់ខ្ពស់ និងថ្នាក់បណ្ឌិត រាជបណ្ឌិត្យសភាកម្ពុជាក៏មានបណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅ ក្រឡុកស្រា ក្រឡុកផ្លែឈើ និងឆុងកាហ្វេផងដែរ៕

The post រាជបណ្ឌិត្យសភាកម្ពុជា រៀបចំ​ប្រឡងបញ្ចប់វគ្គបណ្ដុះបណ្ដាលបច្ចេកទេស និងវិជ្ជាជីវៈជំនាញចុងភៅ appeared first on .

បើតាមទំព័រហ្វេសបុកលោកបណ្ឌិត សុខ ទូច ប្រធានរាជបណ្ឌិតសភាកម្ពុជា បានឲ្យដឹងថា ក្នុងការប្រឡងនេះមានបេក្ខជន ១០រូប បានចូលរួមដែលជាសិក្ខាកាមទទួលបានកាបណ្តុះបណ្តាលរយៈពេល ២ខែ លើមុខម្ហូប ៣៦មុខ រួមមាន៖ ម្ហូបអឺរ៉ុប អាស៊ី និងអ៊ីតាលី ដែលត្រូវចែកជាពីរវគ្គ។

វគ្គទី១ សិក្ខាកាម ត្រូវរៀបចំចម្អិនម្អូប២មុខ (ក្តៅ និង ត្រជាក់) ដើម្បីដាក់ជូនគណៈកម្មការ វាយតម្លៃ និងផ្តល់យោបល់។ វគ្គទី២ សិក្ខាកាមនឹងដាក់បង្ហាញមុខម្ហូបដែលខ្លួនបានរៀបចំ ហើយធ្វើបទបង្ហាញលើអត្ថន័យនៃម្ហូបរបស់ខ្លួនជូនគណៈកម្មការវាយតម្លៃ។

ការប្រឡងនេះ ក៏មានគណៈកម្មការ ៣រូប ចូលរួមដូចជាលោកគ្រូ ស័រ សំអាង ជាគ្រូបង្គោល លោក សែន ឫទ្ធី ជាប្រធានចុងភៅ នៃសណ្ឋាគារ The Plantation Urban Resort & Spa និង លោក សុង តេង ជាប្រធានសមាគមសហគមន៍ចុងភៅកម្ពុជា។

សូមបញ្ជាក់ផងដែរថា ក្រៅពីការបណ្តុះបណ្តាលថា្នក់បរិញ្ញាបត្រជាន់ខ្ពស់ និងថ្នាក់បណ្ឌិត រាជបណ្ឌិត្យសភាកម្ពុជាក៏មានបណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅ ក្រឡុកស្រា ក្រឡុកផ្លែឈើ និងឆុងកាហ្វេផងដែរ៕

The post ចុងភៅល្បីៗ ចូលរួមធ្វើគណៈកម្មការប្រឡងវគ្គបណ្ដុះបណ្ដាលបច្ចេកទេសនិងវិជ្ជាជីវៈជំនាញចុងភៅ appeared first on .

ថ្ងៃនេះសារព័ត៌មានឧកញ៉ាញូស៍ សូមបើកបង្ហាញប្រវត្តិ និងបទពិសោធនការងាររបស់លោក សុខ ទូច ដូចតទៅ៖

 លោក សុខ ទូច ចូលកាន់តំណែង​ជាប្រធាន​រាជបណ្ឌិត្យ​សភា​កម្ពុជា ថ្ងៃទី១១ ខែសីហា ឆ្នាំ២០១៧។ លោក​កើត​នៅ​​​ឆ្នាំ​ ១៩៦៥ ដែលមាន​បង​ប្អូន​​ប្រាំ​នាក់​ ស្រី​​ពីរ​នាក់​ និង​ ប្រុស​បី​នាក់​ ស្ថិតនៅ​​ភូមិ​តា​កយ​ ឃុំ​ព្រែក​ដំបូក ស្រុក​ស្រីសន្ធរ ​​ខេត្ត​កំពង់​ចាម។ ​​​លោក​បាន​ប្រឡង​បញ្ចប់​ថ្នាក់​បឋម​ (ថ្នាក់​ទី​បួន) ក្នុង​​ឆ្នាំ​១៩៨៤។ ក្រោយប្រឡង​ជាប់​ថ្នាក់​បឋម​មកគ្រួសារ​បាន​ផ្លាស់​ប្ដូរ​ទី​លំនៅ​មក​រស់​នៅ​ទីក្រុង​​ភ្នំ​ពេញ​។​ ​​

លោក ​សុខ ​ទូច ​​​​ឡើង​មក​​រៀន​បន្ត​​​ថ្នាក់​មធ្យម​សិក្សា​កម្រិត​មួយ​នៅ​ក្រុង​ភ្នំ​ពេញ​ គឺ​នៅ​​​សាលា​ចតុមុខ​​ និងបាន​បន្ត​ចូល​រៀន​ថ្នាក់​វិទ្យាល័យគឺ​សាលា​ភ្នំ​ដូន​ពេញ​​ បច្ចុប្បន្ន​សាលា​ស៊ីសុវត្ថិ។ ​​​នៅ​រៀន​សាលា​នេះ​ លោកបាន​ឆ្លង​កាត់​ការ​លំបាក​ជា​ច្រើន​ ពីព្រោះ​ស្ថានភាព​គ្រួសារ​មិន​មាន​លុយ​គ្រប់​គ្រាន់​ផ្គត់​ផ្គង់​ឲ្យ​​លោក​ រៀន​​ សូម្បី​សំលៀក​បំពាក់​ក៏​​ខ្វះ​ដែរ។ ​​ពេល​ខ្លះ​ត្រូវ​​ធាក់​កង់​​ឌុប​ដើម្បី​យក​លុយ​ផ្គត់​ផ្គង់​ការ​រៀន​សូត្រ ។​​ លោក​ថា​ “​មាន​អាវ​ស​តែ​មួយ​គត់​រៀន​បី​ឆ្នាំ​ នៅ​ពេល​គក់​ម្ដង​ៗ​​​ត្រូវ​អង្គុយ​យាម​​ទាល់​តែ​ស្ងួត​ព្រោះ​ខ្លាច​​គេ​ លួច”។ ​បើ​ទោះ​បី​ឆ្លង​កាត់​ការ​លំបាក​ច្រើន​យ៉ាង​នេះ​ក៏​ដោយ​ ​ក៏​រូប​លោក​​​បាន​ជម្នះ​ឧបសគ្គ​ ហើយ​បាន​​ប្រឡង​​​បញ្ចប់​​ថ្នាក់​បាក់​ឌុប​​​​ទទួល​បាន​ជោគជ័យ​នៅ​ឆ្នាំ​ ១៩៨៩​​។

ក្រោយ​មក ​​​លោក​ សុខ ទូច ​ក៏​បាន​សម្រេច​ចិត្ត​ដាក់​អាហារូបករណ៍​ទៅ​បរទេស​បន្ត​ តែ​ដូរ​ពី​អាហារូបករណ៍​កម្រិត​ឧត្ដម​ទៅ​​អាហារូបករណ៍​​​កម្រិត​មធ្យម​ឯកទេស។ ​អាច​ចាត់​ទុក​​បាន​ថា​ ជា​សំណាង​ល្អ​របស់​លោក​ដែរ​ ពី​ព្រោះ​បាន​ប្រឡង ​[ជាប់​​​បម្រុង]។ លោកថ្លែងថា៖ “នៅ​​សល់​ត្រឹម​តែ​ពីរ​សប្ដាហ៍​ មុន​ពេល​ចេញ​ដំណើរ​ទៅ​រៀន​នៅ​ក្រៅ​ប្រទេស ​មាន​បេក្ខជន​​កម្រិត​មធ្យម​ឯកទេស​​​ម្នាក់​ដួល​​ម៉ូតូ​បាក់​ដៃ​ មិន​អាច​ទៅ​រៀន​បាន​ លោក​ក៏​ត្រូវ​បាន​គេ​ជ្រើស​រើស​ឲ្យ​ទៅ​រៀន​​ជំនួស​​គេ​ទៅ​”។

លោក​ចូល​រៀន​ថ្នាក់​ឯកទេស​ដំបូង​​ក្នុង​​ឆ្នាំ​១៩៩០​​ នៅ​​រដ្ឋ​គីជីស្តង់​ (បច្ចុប្បន្ន​ប្រទេស​គីជីស្ដង់)។ រៀន​ទី​នោះ​បាន​មួយ​ឆ្នាំ​ ដោយ​សារ​​លោក​រៀន​ពូកែ​ខាង​សាលា​​ក៏​បាន​ជំរុញ​លោក​ឲ្យ​រៀន​​ថ្នាក់​ឧត្ដម​ ដោយ​ត្រូវ​ទៅ​បន្ត​នៅ​រដ្ឋ​​មួយ​ទៀត​​​​ក្នុង​ប្រទេស​រុស្សី។ ការ​​ទៅ​សិក្សា​នៅ​​​ប្រទេស​រុស្ស៊ី​ជា​រឿង​លំបាក​បំផុត ​ពី​ព្រោះ​ រដ្ឋ​​ផ្ដល់​ប្រាក់​​អាហារូបករណ៍​​ត្រឹម​តែ​​៥​ដុល្លារ​ ចំណែក​ខាង​រដ្ឋាភិបាល​រុស្ស៊ី​​ឲ្យ​​ត្រឹម​តែ​១០​ដុល្លារ​ ​សរុប​ទៅ​ទទួល​បាន​ត្រឹម​តែ​១៥​ដុល្លារ​ក្នុង​​មួយ​ខែ​ ដែល​ដូរ​ជា​លុយ​រូប​ (រូបិយប័ណ្ណ​របស់​រុស្ស៊ី) ​វិញ​បាន​ត្រឹម​តែ​៤០០​រូប​ប៉ុណ្ណោះ​ ហើយ​បើ​យក​៤០០​រ៉ូប​​ទៅ​ទិញ​នំប៉័ង​​​​វិញ​បាន​ត្រឹម​តែ​៤០០​នំប៉័ង​ ប៉ុណ្ណោះ។

​នៅរៀន​រដ្ឋ​រុស្សី​បាន​ដល់​​ឆ្នាំ​ទី​ពីរ​ គឺ​នៅ​ឆ្នាំ​១៩៩២​ លោក​បាន​បាក់​ចិត្ត​ស្រឡាញ់​នារី​ជន​ជាតិ​រុស្សី​ម្នាក់។ ​នៅ​សម័យ​នោះ​ ​ពិភពលោក​មាន​ការ​បែង​ចែក​ពណ៌​​សម្បុរ​ ​ពោល​គឺ​បែង​ចែក​រវាង​​អ្នក​នៅ​​អាស៊ី​ ​នៅ​អឺរ៉ុប​ និង​​អ្នក​នៅ​អាហ្វ្រិក​។ តែ​នារី​ដែល​រូប​លោក​ស្រឡាញ់​ មិន​បាន​បែង​ចែក​​នោះ​ទេ ​ដោយ​បាន​បាក់​ចិត្ត​ស្រឡាញ់​​លោក​ជា និស្សិត​​​ដ៏​កម្សត់​ គ្មាន​ទ្រព្យ​ធន​ ថែម​ទាំង​​មិន​ទាន់​មាន​ការ​ងារ​ទៀត​ផង​នោះ។ ​​​ដោយ​សារ​មនោសញ្ចេតនា​ដ៏​ជ្រាល​ជ្រៅ​បែប​នេះ​ ទើប​រូប​លោក​សម្រេច​ចិត្ត​​រៀប​ការ​ជា​មួយ​គ្នា​​នៅ​ឆ្នាំ​១៩៩២​​។

ជា​រឿង​កម្សត់​បំផុត​ ពេល​ខ្លះ​ លោក​​និង​​ភរិយា​ គ្មាន​អី​ញ៉ាំ​ទាល់​តែ​សោះ​​ ​​ជា​ពិសេស​នៅ​រដូវរងា (​ខែ​ទឹកកក​) ​លោក​ត្រូវ​បេះ​[កន្ទិចអាល]​ស្រុះ​​​ជា​មួយ​ទឹក​​យក​មក​ញ៉ាំ​​ជា​មួយ​ នំប៉័ង។ នៅ​ពេល​ព្រឹក​​គ្មាន​អី​ញ៉ាំ​ទេ​​ក្រៅ​ពី[ទឹក​​តែ​មួយ​ពែង] ហើយ​ជា​រៀង​រាល់​ពេល​មុន​ទៅ​សាលា​ លោក​ញ៉ាំ​តែ​តែ​មួយ​ពែង​គត់​។ ​លោក​បញ្ជាក់​ថា​ “​ទៅ​រៀន​មិន​ហ៊ាន ​អង្គុយ​មុខ​គេ​​ទេ… មិន​មែន​រៀន​មិន​ចេះ​នោះ​ទេ​ តែ​ខ្លាច​កូរ​ពោះ​ឭ​ដល់​មិត្តភ័ក្ដិ​​អង្គុយ​ជិត​ ពីព្រោះ​ព្រឹក​ឡើង​គ្មាន​អី​ញ៉ាំ​​ក្រៅ​ពី​ទឹក​តែ​មួយ​ពែង នោះ…”។

នៅ ​ឆ្នាំ​១៩៩៤​ លោក​បញ្ចប់​ថ្នាក់​បរិញ្ញាបត្រ​ ដោយ​ប្រឡង​បញ្ចប់​​ទទួល​បាន​ជោគ​ជ័យ​ និង​ទទួល​​​បាន​ពិន្ទុ​ខ្ពស់​ទៀត​ផង។ ​ក្រោយ​មក ​លោក​បាន​បន្ត​ថ្នាក់​​អនុ​បណ្ឌិត​​​ផ្នែក​វិទ្យាសាស្ត្រ​នយោបាយ​​​នៅ​សាលា​ ដដែល។ ​ជីវិត​នៅ​ពេល​កំពុង​រៀន​ថ្នាក់​អនុបណ្ឌិត​ ក៏​មិន​ខុស​អ្វី​​​ កាល​ពី​​នៅ​រៀន​ថ្នាក់​បរិញ្ញាបត្រ​ដែរ។ ​លោក​ត្រូវ​ទៅ​ធ្វើ​​ការ​ស៊ី​ឈ្នួល​គេ​ដូច​មុន ហើយ​ត្រូវ​​ឆ្លៀត​​ពេល​​​រៀន​ខ្លួន​​ឯង​ផង​ រហូត​​ទទួល​បាន​ជោគជ័យ​ថ្នាក់​អនុបណ្ឌិត​។ លោក​ថា​ “​ពេល​ណា​ក៏​ខ្ញុំ​ដាក់​សៀវភៅ​តាម​ខ្លួន​ដែរ​ មិន​ថា​ធ្វើ​ការ​ មិន​ថា​ទៅ​ទី​ណា​ ​សូម្បី​ដាំ​បាយ​ក៏​មើល​ដែរ​ ឲ្យ​តែ​មាន​ពេល​​គឺ​មើល​រហូត​…​”។

នៅ​ឆ្នាំ​១៩៩៥ លោក ​​សុខ​ ទូច ​បាន​បញ្ចប់​ថ្នាក់​អនុបណ្ឌិត​ ​ហើយ​នៅ​ពេល​នោះ​​ប្រទេស​រុស្សី​ ត្រូវ​ការ​ជ្រើស​រើស​​និស្សិត​ចំនួន​១២​នាក់​ ចេញ​ពី​និស្សិត​​៧០០​​នាក់​មក​ពី​ប្រទេស​​ជាង​១២០​​​ ដើម្បី​ឲ្យ​​​សិក្សា​បន្ត​​ថ្នាក់​បណ្ឌិត​។ ​នៅ​ពេល​នោះ ​លោក​ត្រូវ​​ត្រឡប់​មក​ស្រុក​ខ្មែរ​វិញ​ ដើម្បី​ស្រាវ​ជ្រាវ​​ប្រវត្តិសាស្ត្រ​ និង​បរិបទ​នយោបាយ​នៅ​កម្ពុជា​ សម្រាប់​ធ្វើ​ជា​​គម្រោង​សរសេរ​និក្ខេបបទ​​ការពារ​ថ្នាក់​អនុបណ្ឌិត​ដើម្បី​ ​ទទួល​បាន​​ជោគជ័យ​សិក្សា​​​បន្ត​​​ថ្នាក់​បណ្ឌិត។​ ដោយ​សារ​តែ ​និក្ខេបបទ​របស់​លោក​ធ្វើ​បាន​ល្អ​ និង​​ការ​ពារ​​បាន​ល្អ​ផង​នោះ ​​ធ្វើ​ឲ្យ​គណៈកម្មការ​​​​​វាយ​តម្លៃ​និក្ខេបបទ​​​ បាន​ឲ្យ​ពិន្ទុ​លោក​ខ្ពស់​ និង​ជាប់​បាន​ទៅ​​សិក្សា​បន្ត​ថ្នាក់​បណ្ឌិត​​ក្នុង​ចំណោម​សិស្ស​ឆ្នើម​ទាំង ​១២​នាក់។ នៅ​ពេល​ដែល​លោក​ សុខ ទូច​ បន្ត​ថ្នាក់​បណ្ឌិត​ ភរិយា​របស់​លោក​បាន​ប្រសូត​បុត្រា​មួយ​ទៀត​ក្នុង​ឆ្នាំ​១៩៩៦​ បន្ទាប់​ពី​នោះ​​ ភរិយា​របស់​លោក​បាន​​ឈប់​រៀន​ ហើយ​លោក​បាន​បញ្ចប់​ថ្នាក់​បណ្ឌិត​ទទួល​បាន​​ជោគជ័យ​នៅ​ឆ្នាំ​១៩៩៩។

នៅ​ពេល​ដែល​​លោក​ សុខ​ ទូច ​​បន្ត​​​ថ្នាក់​បណ្ឌិត​ គឺ​​​បន្ត​ជំនាញ​វិទ្យាសាស្ត្រ​នយោបាយ។ នៅ​ពេល​សរសេរ​និក្ខេបបទ​​ លោក​សរសេរ​ទាក់​ទង​ទៅ​នឹង​នយោបាយ​។ តែ​ដោយ​សារ​​នៅ​សាលា​ដែល​លោក​​រៀន​ ពុំ​មាន​សាស្ត្រាចារ្យ​ត្រួត​ពិនិត្យ​ និង​វាយ​តម្លៃ​និក្ខេប​បទ​​​លើ​ជំនាញ​​នេះ​ គឺ​ត្រូវ​ទៅ​ការ​ពារ​និក្ខេបបទ​របស់​ខ្លួន​នៅ​ទីក្រុង​​មូស្គូ​។ ​ដោយ​សារ​ ពុំ​មាន​លុយ​គ្រប់​គ្រាន់​​ទៅ​ការ​ពារ​នៅ​ទីនោះ លោក​ សុខ ​ទូច ​សុខ​​ចិត្ត​ប្ដូរ​​មក​ការ​ពារ​ផ្នែក​​​ប្រវត្តិសាស្ត្រ​វិញ​។ អីចឹង​ហើយ​ ទើប​លោក​​បញ្ចប់​សញ្ញាបត្រ​បណ្ឌិត​ផ្នែក​ប្រវត្តិសាស្ត្រ​ មិន​មែន​​វិទ្យាសាស្ត្រ​នយោបាយ​ទេ ខណៈ​ដែល​រៀន​ថ្នាក់​បរិញ្ញាបត្រ​​អនុបណ្ឌិត​ និង​បណ្ឌិត​ជំនាញ​វិទ្យាសាស្ត្រ​នយោបាយ​។

ក្រោយ​ពី​បញ្ចប់​​ថ្នាក់​បណ្ឌិត​សព្វ​គ្រប់​ លោក​បណ្ឌិត​ សុខ​ ទូច​ បាន​​នាំ​ភរិយា​ និង​កូន​ទាំង​ពីរ​​ត្រឡប់​មក​ស្រុក​ខ្មែរ​វិញ។ ​នៅ​ពេល​នោះ​​ លោក​បាន​ដាក់​ពាក្យ​បង្រៀន​នៅ​មហាវិទ្យាល័យ​ក្នុង​​ស្រុក​ខ្មែរ​មួយ​ចំនួន​ ទាំង​ឯកជននិង​រដ្ឋ​ ​តែ​សាលា​ទាំង​នោះ​មិន​​ព្រម​ទទួល​លោក​ឲ្យ​បង្រៀន​​​ទេ​ ដោយ​​គិត​ថា​លោក​ក្មេង​ពេក​ និង​​ថា​​​រូប​លោក​មិន​បាន​រៀន​អី​​ទេ​ ​ដោយ​ចោទ​ថា​ [ទិញ​សញ្ញាបត្រ]។​ ក្រោយ​មក​ លោក​ ក៏​បាន​ដាក់​ពាក្យ​ចូល​ធ្វើ​ការ​នៅ​​ក្រសួង​ការ​បរទេស។ ​ ​ដោយ​សារ​​តែ​ខ្វះ​​សំលៀកបំពាក់​​​​ដើម្បី​ឲ្យ​សម​មុខ​​សម​មាត់​ជា​មន្ត្រី​ ការទូត​ លោក​ក៏​សុំ​ប្ដូរ​​​ដូរ​មក​​ទីស្ដីការ​គណៈរដ្ឋ​មន្ត្រី​ តែ​ដោយ​សារ​​​ ​ចូល​ចិត្ត​​ខាង​​​ស្រាវជ្រាវ​ មិន​ចូល​ចិត្ត​ធ្វើ​ការ​នៅ​ការិយាល័យ​​​​ ​​ទើប​​លោក​​សម្រេច​ចិត្ត​​​ទៅ​ធ្វើ​ការ​នៅ​​រាជបណ្ឌិត្យសភា​​វិញ​រហូត​ដល់​ សព្វ​ថ្ងៃ​នេះ។

នៅ​រាជបណ្ឌិត​សភា​កម្ពុជា​ លោក​បាន​សហការ​ជា​មួយ​ដៃ​គូ​មួយ​ចំនួន​បង្កើត​ថ្នាក់​អនុបណ្ឌិត​មុន​គេ​ បំផុត​នៅ​ក្នុង​ស្រុក​ខ្មែរ​ នៅ​​ក្នុង​ឆ្នាំ​២០០០​ ហើយ​ក្រោយ​មក​បង្កើត​បាន​វិទ្យាស្ថាន​​ទំនាក់​ទំនង​អន្តរជាតិ​​មួយ​ទៀត​ ក្នុង​ឆ្នាំ​២០០៤។

លោក​បណ្ឌិត​ សុខ ទូច ថ្លែងប្រាប់សារព័ត៌មានសប្បាយថា​ ​ក្នុង​ឆ្នាំ​២០០០​​ លោក​បាន​ចូល​រួម​បង្កើត​សាលា​ឯកជន​មួយ តែលោក​សុំ​មិន​បញ្ចេញ​​ឈ្មោះ​ទេ​​ ដែល​បណ្ដុះ​បណ្ដាល​លើ​ជំនាញ​ថ្នាក់​បណ្ឌិត​ដំបូង​​​ក្នុង​ប្រទេសកម្ពុជា​។ ​ពាក្យ​ថា​​ថ្នាក់​​បណ្ឌិត​​​នេះ​ គឺ​​លោក​​​ជា​អ្នក​​ផ្ដួច​ផ្ដើម​ឲ្យ​មាន​មុន​គេ​បំផុត​ នៅ​ក្នុង​ស្រុក​ខ្មែរ​ តែ​ក្រោយ​​ពី​សាលា​នេះ​ទទួល​បាន​ជោគ​ជ័យ​ ក៏​បាន​ដេញ​លោក​ចេញ​។ ក្រោយមក​លោក​ សុខ ទូច ​​​បាន​ទៅ​បង្កើត​សាលា​ឲ្យ​គេ​មួយ​ទៀត​ ​ដែល​​លោក​មាន​តួនាទី​ជា​​សកលវិទ្យាធិការ​​​​​​ ហើយការណោះ ប្រាក់​កម្រៃ​ដែល​លោក​ទទួល​បាន​​ប្រមាណ​១៥០០​ដុល្លារ​ក្នុង​មួយ​ខែ​។ ៦០​%​ ដែល​លោក​ទទួល​បាន​ពី​ប្រាក់​កម្រៃ​នេះ​ លោក​យក​មក​​ទុក​​ធ្វើ​ជា​​ទុន​សម្រាប់​​​​បង្កើត​សាកលវិទ្យាល័យ​របស់​ខ្លួន​ មួយ​ទៀត​​គឺ​សាកលវិទ្យាល័យ​ខេមរៈ។

នៅ​ឆ្នាំ​២០០៤​ លោក​​បាន​បង្កើត​សាកលវិទ្យាល័យ​នេះ​​​​​ឡើង​។​ ​មាន​​ម្ចាស់ភាគហ៊ុន​ជា​ច្រើន​ជួយ​ជ្រោមជ្រែង​សាលា​​ ដែល​គេ​ឲ្យ​ប្រាក់​បៀវត្ស​​សកលវិទ្យាធិការ​រូប​នេះ​ត្រឹម​តែ​១៥០​ដុល្លារ​ ប៉ុណ្ណោះ។ ប្រាក់​បៀវត្ស​ទាំង​នេះ​ លោក​​បាន​បង្វែរ​ទុក​ជា​អាហារូបករណ៍​ដល់​សិស្ស​ទាំង​អស់​។ លោកបានចូលរួមបង្កើត​វិទ្យាស្ថាន​ទំនាក់​ទំនង​អន្តរជាតិ​ នៃ​រាជ្យ​បណ្ឌិត​សភា​កម្ពុជា​ ក្រោមចំណុះ​ទីស្ដីការ​គណៈរដ្ឋ​មន្ត្រី ​​និង​បាន​បង្កើត​ថ្នាក់​អនុបណ្ឌិត​ដំបូង​បំផុត​នៅ​ស្រុក​ខ្មែរ​ ​ហើយ​​​ក្រោយ​មក​​​បាន​ក្លាយ​​ជា​អនុ​ប្រធាន​​វិទ្យាស្ថាន​នេះ។

ក្រោយ​​ពី​បាន​​រស់​នៅ​ជួប​ជុំ​គ្នា​ជា​មួយ​ប្រពន្ធ និង​កូន​ទាំង​ពីរ​​បាន​ប្រាំ​ពីរ​ឆ្នាំ​ ភរិយា​​របស់​លោក​​​ មិន​ចេះ​រស់​នៅ​ប្រទេស​កម្ពុជា​ ក៏​នាំ​​កូន​ទាំង​ពីរ​ទៅ​ប្រទេស​​រុស្សី​វិញ។ ​លោក​ថា​ ប្រពន្ធ​របស់​លោក​ ​ចង់​​​ឲ្យ​រូប​លោក​ចូល​ជា​សញ្ជាតិ​រុស្សី​ និង​ត្រឡប់​ទៅ​​រស់​នៅ​រុស្សី​ដែរ​ តែ​លោក​បដិសេធ​។ លោក​​ថា​ “​វា ​ជា​រឿង​​ឈឺ​ចាប់​បំផុត… ធ្លាប់​រស់​នៅ​ក្នុង​ស្ថានភាព​អន់​ឃ្លាន​មាន​ស៊ី​ និង​តស៊ូ​ជា​មួយ​គ្នា​ជិត​ម្ភៃ​​ឆ្នាំ​តែ​ត្រូវ​បែក​គ្នា…ពីរ​ឆ្នាំ​បន្ទាប់ ​ពី​គាត់​ចាក​ចេញ​ទៅ​​ធ្វើ​ឲ្យ​ខ្ញុំ​វិល​វល់​មែន​ទែន!“។

បណ្ឌិត ​វ័យ​ក្មេង​រូប​នេះ​​បញ្ជាក់​ពី​មូល​ហេតុ​មិន​​ត្រឡប់​ទៅ​រស់​នៅ​ជា​មួយ​ ប្រពន្ធ​​និង​កូន​ជា​ទី​ស្រឡាញ់​នៅ​រុស្សី​ថា​ ​ហេតុ​ផល​តែ​មួយ​គត់​គឺ​ស្រឡាញ់​និង​ចង់​​ជួយ​ប្រទេស​​ខ្មែរ​។ “​ខ្ញុំ​បាន​ទៅ​ធ្វើ​ជា​វាគ្មិន​​នៅ​ប្រទេស​ជា​ច្រើន​នៅ​ជុំ​វិញ​ពិភពលោក​​ …បើ​ទោះ​បី​ជា​​នៅ​ស្រុក​គេ​ស្អាត​ប៉ុណ្ណា​ក៏​ដោយ​​​ ​ក៏​ខ្ញុំ​​មើល​ឃើញ​ និង​ចង់​រស់​នៅ​តែ​ប្រទេស​ខ្មែរ​មួយ​គត់…”។

លោក​​បណ្ឌិត ​​សុខ ទូច​ អះអាង​ថា​ បើ​ទោះ​បី​លោក​បាន​បញ្ចប់​សញ្ញាប័ត្រ​បណ្ឌិត​ និង​មាន​ឯក​ទេស​ខាង​នយោបាយ​​យ៉ាង​ណា​ក៏​ដោយ ​ក៏​លោក​មិន​ចូល​ធ្វើ​នយោបាយ​ដែរ​ ពី​ព្រោះ​លោក​ចង់​បង្ហាញ​អ្វី​ដែល​ជា​ការ​ពិត​ចំពោះ​​​ការ​យល់​ឃើញ​របស់​លោកដល់​សាធារណជន​ ឲ្យ​ចេះ​វិភាគ​ និង​ថ្លឹង​ថ្លែង​ពី​ការ​ពិត។ ​លោក​ថា​ ​”ខ្ញុំ​ចង់​បង្រៀន​និង​​និយាយ​ពី​អ្វី​ដែល​ជា​ការ​ពិត… ​នៅ​ពេល​ដែល​លោក​ចូល​ប្រឡូក​ក្នុង​​នយោបាយ​ ​លោក​នឹង​មិន​អាច​​បញ្ចេញ​អ្វី​ដែល​ពិត​បាន​ទៀត​ទេ ​​​ពី​ព្រោះ​​ការ​​​និយាយ​មិន​ពិត​គឺ​ជា​យុទ្ធសាស្ត្រ​យក​ឈ្នះ​របស់​អ្នក​ នយោបាយ​​…”។

+ស្នាដៃបោះពុម្ភផ្សាយរបស់លោកបណ្ឌិត សុខ ទូច

-ចលនា​ភូមិ​មួយ​ផលិតផល​មួយ​ បោះ​ពុម្ព​​ឆ្នាំ​២០០២

-តួនាទី​អង្គការ​សហប្រជាជាតិ​  បោះ​ពុម្ព​​ឆ្នាំ​២០០៣

-ទ្រឹស្ដី​ទំនាក់​ទំនង​អន្តរជាតិ​ បោះ​ពុម្ព​​ឆ្នាំ​២០០៣

-ទំនាក់​ទំនង​រវាង​កម្ពុជា​​ជា​មួយ​សហរដ្ឋ​អាមេរិក​ ចិន​ និង​វៀតណាម​ បោះ​ពុម្ព​​ឆ្នាំ​២០០៧

-វេទិកា ​បណ្ឌិត​សភា​លើក​ទី​៣ ស្ដី​ពី​ខួប​​ទី​១៥​ឆ្នាំ​ នៃ​កិច្ច​ព្រមព្រៀង​សន្តិភាព​ក្រុង​ប៉ារីស​ ស្ដី​ពី​ដំណោះ​ស្រាយ​នយោបាយ​រួម​នៅ​​កម្ពុជា​ បោះ​ពុម្ព​​ឆ្នាំ​២០០៨

-ទំនាក់​ទំនង​អន្តរជាតិ​ កម្ពុជា​ក្រោម​ក្រសែ​ភ្នែក​មហាអំណាច​ បោះ​ពុម្ព​​ឆ្នាំ​២០០៣

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ១ បោះ​ពុម្ព​​ឆ្នាំ​២០០៨

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ២ បោះ​ពុម្ព​​ឆ្នាំ​២០០៩

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ៣ បោះ​ពុម្ព​​ឆ្នាំ​២០១០

-ទំនាស់​ព្រំដែន​រវាង​ប្រទេស​ថៃនិង​ប្រទេស​ជិត​ខាង​  បោះ​ពុម្ព​​ឆ្នាំ​២០១០

The post បណ្ឌិត សុខ ទូច ផ្តួចផ្តើមបង្កើតសាលារៀនថ្នាក់បណ្ឌិត តែ​ក្រោយសាលា​​ទទួល​​ជោគ​ជ័យ​ លោកក៏​ត្រូវបាន​ដេញ​ចេញ​ appeared first on .

ព្រះរាជក្រឹត្យថ្មីស្តីពីការតែងតាំងលោកបណ្ឌិត សុខ ទូច ជាប្រធានរាជបណ្ឌិត្យសភាកម្ពុជានេះ ក៏នាំឱ្យមានការងឿងឆ្ងល់ផងដែរ។ ងឿងឆ្ងល់ព្រោះថា បច្ចុប្បន្នលោកបណ្ឌិត សុខ ទូច កំពុងស្ថិតនៅក្នុងតំណែងជាប្រធានរាជបណ្ឌិត្យសភាកម្ពុជាស្រាប់ទៅហើយ ហេតុម្តេចត្រូវបានព្រះមហាក្សត្រត្រាស់បង្គាប់តែងតាំងជាថ្មីបែបនេះ?

ព័ត៌មានលម្អិតសូមអានព្រះរាជក្រឹត្យទាំងស្រុង៖

The post លោក សុខ ទូច ត្រូវបានតែងតាំងជាប្រធានរាជបណ្ឌិត្យសភាកម្ពុជា មានឋានៈស្មើរដ្ឋមន្ត្រី appeared first on .