ពិធីនេះក៏មានការអញ្ជើញចូលរួមពី រដ្ឋមន្ត្រីក្រសួងការងារ អភិបាលខេត្តស្វាយរៀង, លោក JING GUANGJUN ប្រធានក្រុមប្រឹក្សាភិបាល ក្រុមហ៊ុន Guangzhou Industrial Investment Holding Group, និងភ្ញៀវជាតិ អន្តរជាតិជាច្រើនរូបទៀត។

នាឱកាសនោះ លោកឧបនាយករដ្ឋមន្ត្រី ស៊ុន ចាន់ថុល បានបង្ហាញក្តីរីករាយចំពោះក្រុមហ៊ុន និងគ្រប់តួអង្គពាក់ព័ន្ធទាំងអស់ ដែលបានយកចិត្តទុកដាក់សហការគ្នា ប្រកបដោយស្មារតីទទួលខុសត្រូវខ្ពស់ រហូតសម្រេចបាននូវសមិទ្ធផលគួរជាទីមោទនៈមួយនេះ។

លោកក៏បានបង្ហាញនូវសុទិដ្ឋិនិយមយ៉ាងមុតមាំថា វត្តមានរបស់ក្រុមហ៊ុន វ៉ាន់លី ថាយអឺ លើទឹកដីកម្ពុជានាពេលនេះ មិនត្រឹមតែជាជោគជ័យនៃអាជីវកម្មប៉ុណ្ណោះទេ ប៉ុន្តែក្រុមហ៊ុននឹងក្លាយជានិមិត្តរូបនៃភាពជោគជ័យ និងជាសាក្សីរស់ក្នុងការចែករំលែកបទពិសោធន៍ដ៏ឧត្តម ក៏ដូចជាផ្សព្វផ្សាយនូវតថភាពវិជ្ជមាននានានៃបរិយាកាសវិនិយោគនៅកម្ពុជាទៅកាន់ពិភពលោក។ លោកបន្ថែមថា ជោគជ័យរបស់ក្រុមហ៊ុន វ៉ាន់លី ថាយអឺ គឺជាការបង្កើនទំនុកចិត្ត ដើម្បីទាក់ទាញបណ្តាញវិនិយោគិន ឱ្យបន្តមកបណ្តាក់ទុននៅកម្ពុជា។

សូមជម្រាបថា រោងចក្រផលិតសំបកកង់រថយន្តនេះ បានវិនិយោគក្នុងតំបន់សេដ្ឋកិច្ចពិសេសស៊ីនបាវិត នៃខេត្តស្វាយរៀង។រោងចក្រនេះ គឺជាការបើកទំព័រប្រវត្តិសាស្ត្រថ្មីរបស់ក្រុមហ៊ុន វ៉ាន់លី ថាយអឺ ក្នុងការជ្រើសរើសយកទឹកដីកម្ពុជា ជាមូលដ្ឋានផលិតកម្មដំបូងបង្អស់របស់ខ្លួននៅក្រៅប្រទេស។ សមិទ្ធផលដ៏ត្រចះត្រចង់នាថ្ងៃនេះ មិនមែនជារឿងចៃដន្យនោះទេ ប៉ុន្តែគឺជាផ្លែផ្កាដែលប្រសូត្រចេញពីឆន្ទៈមោះមុតនៃកិច្ចពិភាក្សាទ្វេភាគី ក្នុងបេសកកម្មគោះទ្វារវិនិយោគ របស់គណៈប្រតិភូកម្ពុជាដឹកនាំដោយ លោកឧបនាយករដ្ឋមន្ត្រី ស៊ុន ចាន់ថុល នៅរោងចក្រផ្ទាល់ ក្នុងទីក្រុងក្វាងចូវ សាធារណរដ្ឋប្រជាមានិតចិន កាលពីថ្ងៃទី២១ ខែតុលា ឆ្នាំ២០២៣។

គួរឱ្យកត់សម្គាល់ថា ត្រឹមតែរយៈពេលមួយឆ្នាំគត់ បន្ទាប់ពីពិធីបើកការដ្ឋានសាងសង់ក្រោមអធិបតីភាពដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្ត្រី និងឯកឧត្តមឯកអគ្គរដ្ឋទូតចិន កាលពីថ្ងៃទី១២ ខែមករា ឆ្នាំ២០២៥ រោងចក្រនេះបានលេចរូបរាងជាស្ថាពរ និងចាប់ផ្តើមខ្សែចង្វាក់ផលិតកម្មដំណាក់កាលទី១ ដែលនេះជាសក្ខីភាពឆ្លុះបញ្ចាំងពីសន្ទុះនៃការអភិវឌ្ឍ និងទំនុកចិត្តយ៉ាងជ្រាលជ្រៅលើបរិយាកាសវិនិយោគនៅកម្ពុជា៕ អត្ថបទ៖ហ្សាលីន

The post រោងចក្រផលិតសំបកកង់រថយន្តនៅស្វាយរៀង ដំណាក់កាលទី១ បើកសម្ពោធដាក់ឱ្យដំណើរការជាផ្លូវការ appeared first on .

លោក គឹន ឧត្តមមុនីស៊ីណាត នាយកប្រតិបត្តិនៃក្រុមហ៊ុន PIC Tire Co.,Ltd (ភីអាយសុី ថាយអ៊ើ ខូអិលធីឌី) ដែលជាក្រុមហ៊ុនទទួលសិទិ្ធចែកចាយផ្តាច់មុខនូវផលិតផលសំបកកង់ឡានផលិតក្នុងស្រុកមួយនេះប្រាប់សារព័ត៌មាន Oknha News ថា៖ ក្នុងយុទ្ធនាការខ្មែរជួយខ្មែរ ខ្មែរគាំទ្រផលិតផលខ្មែរ ក្រុមហ៊ុន សៃលុន បានសម្រេចចិត្ដបង្កើតមូលនិធិមួយ ដើម្បីដកលុយដែលចំណេញពីការលក់សំបកកង់ឡាន ដោយក្នុងកង់ឡាន១គ្រាប់ ដកចំនួន៤០០រៀលបរិច្ចាគទៅមន្ទីពេទ្យគន្ធបុប្ផា។

លោកបន្ថែមថា នៅក្នុងដំណាក់កាលដែលយើងត្រូវចូលរួមជួយគ្នា និងចូលរួមជាមួយរាជរដ្ឋាភិបាលក្នុងកាលៈទេសៈស្រុកទេសកំពុងមានភាពតានតឹងខ្លាំងជាមួយប្រទេសថៃ ក្នុងជម្លោះព្រំដែន, ក្រុមហ៊ុន សៃលុន ដែលជាក្រុមហ៊ុនចែកចាយដ៏ធំនូវសំបកកង់ឡានដែលផលិតដោយកូនខ្មែរ១០០% មិនបានតម្លើងថ្លៃទំនិញនោះទេ។

តាមការបញ្ជាក់ឱ្យដឹង យុទ្ធនាការដកលុយចូលរួមជាមួយមូលនិធិគន្ធបុប្ផានេះ ក្រុមហ៊ុនសៃលុន គឺធ្វើរហូតដល់១០ម៉ឺនគ្រាប់ឯណោះ ដោយសារតែសៃលុនគ្រោងទិញកៅស៊ូក្នុងស្រុករហូតដល់១០ម៉ឺនតោន អ៊ីចឹងគេទិញកៅស៊ូយើង១០ម៉ឺនតោន យើងលក់វិញ១០ម៉ឺនគ្រាប់ដើម្បីស្មើភាពគ្នា។

នាយកប្រតិបត្តិនៃក្រុមហ៊ុន ទទួលសិទិ្ធចែកចាយផ្តាច់មុខសំបកកង់រថយន្តសៃលុន រូបនេះ បានបន្ថែមថា៖ គិតត្រឹមពីខែមករា រហូតមកដល់ខែឧសភា យើងលក់ចេញអស់៤ ម៉ឺនគ្រាប់ហើយ, ហើយប្រសិនបើគិតមកដល់ខែមិថុនានេះ មូលនិធិសៃលុនជួយមន្ទីពេទ្យគន្ធបុប្ផា មានថវិកាជាង១២លានរៀលហើយ។

អ្វីដែលកាន់តែពិសេសនោះ ក្នុងឱកាសដែលបងប្អូនពលករខ្មែរត្រឡប់មកពីប្រទេសថៃវិញតាមការអំពាវនាវរបស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី និងសម្ដេចតេជោ ហ៊ុន សែន ប្រធានព្រឹទ្ធសភា ក្រុមហ៊ុនសៃលុន នឹងផ្ដល់ឱកាសការងារជាង៨០០កន្លែងដល់បងប្អូនពលករខ្មែរផងដែរ។

សូមជម្រាបជូនថា រោងចក្រផលិតសំបកកង់ឡាន សៃលុន មានទីតាំងនៅតំបន់សេដ្ឋកិច្ចពិសេសឈីលូ ភូមិតាណរ សង្កាត់ស្វាយតឿ ក្រុងស្វាយរៀង ខេត្ដស្វាយរៀង។ រោងចក្រផលិតសំបកកង់ឡាន សៃលុន បាននឹងស្រូបទាញទិន្នផលកៅស៊ូ ប្រមាណជាង ៣០% នៃទិន្នផលកៅស៊ូសរុប គិតតែក្នុងឆ្នាំ ២០២៤ ប្រមាណ ៥ ម៉ឺនតោន និង គ្រោងកែឆ្នៃទិន្នផលកៅស៊ូក្នុងស្រុកប្រមាណ ១ សែនតោន ដោយគិតជាសាច់ប្រាក់ប្រមាណជាង ២០០ លានដុល្លាអាមេរិក ក្នុងឆ្នាំ ២០២៥នេះ៕

The post ខ្មែរជួយខ្មែរ ខ្មែរគាំទ្រផលិតផលខ្មែរ! ក្រុមហ៊ុនសៃលុន មិនត្រឹមតែលក់«មិនតម្លើងថ្លៃ» ថែមទាំងដកលុយដែលចំណេញពីការលក់ កង់ឡាន១គ្រាប់៤០០រៀលជូនដល់មូលនិធិគន្ធបុប្ផាទៀត appeared first on .

លោក Chen Gang បានឱ្យដឹងថា ក្រុមហ៊ុនផលិតសំបកកង់ DOUBLESTAR ជាក្រុមហ៊ុនធំលំដាប់លេខ២ នៅក្នុងប្រទេសចិន បានមកដាក់ទុនវិនិយោគនៅក្នុងតំបន់សេដ្ឋកិច្ចពិសេសស្រុកស្នួល ខេត្តក្រចេះ នៃប្រទេសកម្ពុជាក្នុងទំហំទឹកប្រាក់ ២០០លានដុល្លារអាមេរិក។

លោកបានឱ្យដឹងផងដែរថា ក្រុមហ៊ុនមានគម្រោងដកយកចំណែកនៃផលិតផលសំបកកង់រថយន្តចំនួន ១៥% លក់នៅក្នុងប្រទេសកម្ពុជា ដោយមានគុណភាពល្អ ឬប្រសើរជាង លក់នៅទីផ្សារអឺរ៉ុបនិងអាមេរិកទៅទៀតព្រោះកម្ពុជាជាទីតាំងផលិតសំបកកង់រថយន្តម៉ាកនេះស្រាប់។

ក្រុមហ៊ុនផលិតសំបកកង់ DOUBLESTAR មានទីតាំងនៅក្នុងតំបន់សេដ្ឋកិច្ចពិសេសស្រុកស្នួល ខេត្តក្រចេះ បានផលិតសំបកកង់រថយន្តលក់នៅក្នុងទីផ្សារអឺរ៉ុប និងសហរដ្ឋអាមេរិក។ ហើយកាលពីឆ្នាំ២០២៤កន្លងទៅ ក្រុមហ៊ុននេះបាននាំចេញសំបកកង់រថយន្តដំបូងរបស់ខ្លួន បានប្រមាណ១០ម៉ឺនឈុតលើទីផ្សារទាំងពីរខាងលើ។

បើតាមការបញ្ជាក់ពីលោក ឈីន កាង Chen Gang នាយកប្រចាំរោងចក្រសំបកកង់ DOUBLESTAR បច្ចុប្បន្នក្រុមហ៊ុននេះមានបុគ្គលិកសរុបប្រមាណ ១៦០០នាក់ និងបុគ្គលិកជាង ៨០% ជាជនជាតិខ្មែរ ក្រៅពីនោះជាជនជាតិចិន បុគ្គលិកបច្ចេកទេស៕

The post រោងចក្រសំបកកង់នៅក្រចេះ ត្រូវការជ័រកៅស៊ូសម្រាប់ផលិតសំបកកង់រថយន្តប្រមាណ ៥ ទៅ៦ម៉ឺនតោនក្នុងមួយឆ្នាំ appeared first on .

ក្នុងទិសដៅដើម្បីជំរុញ ឱ្យក្រុមហ៊ុនសម្រេចចិត្តចូលមកវិនិយោគនៅកម្ពុជា លោក ស៊ុន ចាន់ថុល បានលើកបង្ហាញពីកំណើនសេដ្ឋកិច្ចរបស់កម្ពុជាក្នុងរយៈពេល២០ឆ្នាំកន្លងទៅនេះ ដែលកើនជាមធ្យម៧%ជារៀងរាល់ឆ្នាំ។ បន្ថែមពីនេះ ហេដ្ឋារចនាសម្ព័ន្ធពេញផ្ទៃប្រទេសដែលកម្ពុជាបាននិងកំពុងអភិវឌ្ឍនិងចាត់ទុកជាហេដ្ឋារចនាសម្ព័ន្ធយុទ្ធសាស្រ្តសម្រាប់វិនិយោគិនរួមមាន អាកាសយានដ្ឋានថ្មីខេត្តសៀមរាប អាកាសយានដ្ឋានថ្មីក្រុងភ្នំពេញ ការសិក្សាផ្លូវរថភ្លើងភ្នំពេញ-ក្រុងព្រះសីហនុ ផ្លូវរថភ្លើងភ្នំពេញ-បោយប៉ែត និងគម្រោងពង្រីកកំពង់ផែទឹកជ្រៅជាដើម។

ក្រៅពីហេដ្ឋារចនាសម្ព័ន្ធ និងភាពរីកចម្រើនរបស់កម្ពុជា លោកក៏បានជម្រាបជូនក្រុមហ៊ុន ពីវិនិយោគិនដែលធ្លាប់ទទួលបានជោគជ័យ លើការដាក់បណ្ដាក់ទុនផលិតសំបកកង់រថយន្តនៅប្រទេសកម្ពុជាផងដែរ។

បន្ទាប់បានស្តាប់ការពន្យល់របស់ឧបនាយករដ្ឋមន្ត្រី ស៊ុន ចាន់ថុល លោក Jing Guangjun បានសម្តែងនូវការស្ងប់ស្ងែងចំពោះភាពរីកចម្រើនយ៉ាងឆាប់រហ័សនៃសេដ្ឋកិច្ចកម្ពុជា ពិសេសការស្ថាបនាហេដ្ឋារចនាសម្ព័ន្ធរូបវន្តជាច្រើនដើម្បីគាំទ្រដល់ការអភិវឌ្ឍនៃសង្គមកម្ពុជា។ ដោយមើលឃើញនូវភាពរីកចម្រើនជារួមរបស់កម្ពុជា និងតបតាមការជម្រុញលើកទឹកចិត្តរបស់លោក ស៊ុន ចាន់ថុល ក្រុមហ៊ុនបានធ្វើការសម្រេចចិត្តនឹងមកសិក្សាលម្អិតលើការបណ្ដាក់ទុនវិនិយោគ ដើម្បីបង្កើតរោងចក្រផលិតសំបកកង់រថយន្តនៅប្រទេសកម្ពុជា។

តាមរយៈការបង្ហាញឆន្ទះយ៉ាងមុតមាំ របស់ក្រុមហ៊ុនក្នុងការសិក្សាលម្អិតឧបនាយករដ្ឋមន្ត្រីអនុប្រធានទី១ក្រុមប្រឹក្សាអភិវឌ្ឍន៍កម្ពុជា បានសម្តែងនូវការស្វាគមន៍យ៉ាងកក់ក្តៅដល់ ក្រុមហ៊ុន ដែលមានបំណងជ្រើសរើសយកប្រទេសកម្ពុជា ដើម្បីវិនិយោគសាងសង់រោងចក្រផលិតសំបកកង់រថយន្តរបស់ខ្លួន។ ក្នុងនោះ លោកនឹងព្យាយាមផ្តល់ការសម្របសម្រួលលើការសិក្សារបស់ក្រុមហ៊ុន ដើម្បីអាចឱ្យក្រុមហ៊ុនចាប់ផ្តើមការវិនិយោគ សាងសង់រោងចក្រ និងផលិតសំបកកង់ទី១របស់ខ្លួននៅកម្ពុជា ឱ្យបានលឿនបំផុត៕

The post ក្រុមហ៊ុនដ៏ធំរបស់ចិន សម្រេចចិត្តនឹងសិក្សាលម្អិតបើករោងចក្រផលិតសំបកកង់រថយន្តនៅកម្ពុជា appeared first on .

រោងចក្រផលិតសំបកកង់រថយន្តនេះ គ្របដណ្តប់លើផ្ទៃដី ១៨០,០០០ម៉ែត្រការ៉េ និងមានសមត្ថភាពផលិតសំបកកង់ក្នុង១ឆ្នាំ គឺសំបកកង់តូច ៥លានគ្រឿង និងសំបកកង់ឡានធំ៩០០,០០០គ្រឿង នាំចេញជាចម្បងទៅកាន់ប្រទេសសហរដ្ឋអាមេរិក ទ្វីបអឺរ៉ុប ប្រទេសប្រេស៊ីល និងប្រទេសផ្សេងទៀត។

ក្នុងជំនួបពិភាក្សាការងារជាមួយលោក គួច ចំរើន អភិបាលព្រះសីហនុ កាលពីថ្ងៃទី១៨ ខែមីនា ឆ្នាំ២០២៣ លោក ចូវ ហៃជាំង ប្រធានក្រុមប្រឹក្សាភិបាលក្រុមហ៊ុន HODO Group បានលើកឡើងថា មុនបើកឱ្យដំណើការរោងចក្រផលិតសំបកកង់រថយន្តនៅខេត្តព្រះសីហនុ ក្រុមហ៊ុន ជេនេរ៉ល ថាយអឺរ ថេកណូឡូជី (ខេមបូឌា) ឯ.ក បានធ្វើការវិនិយោគនៅប្រទេសថៃ ១០០លានដុល្លាសហរដ្ឋអាមេរិក ដោយឡែកកាវិនិយោគរោងចក្រផលិតសំបកកង់នៅខេត្តព្រះសីហនុ ក្រុមហ៊ុនដាក់ទុនវិនិយោគ ៣០០លានដុល្លាសហរដ្ឋអាមេរិក ធំជាងនៅប្រទេសថៃ ហើយក៏បានធ្វើការផ្សព្វផ្សាយដល់សារព័ត៌មាននៅប្រទេសចិន និងអ្នកវិនិយោគចិនឱ្យមកវិនិយោគនៅខេត្តព្រះសីហនុបន្ថែមទៀត។

លោក ចូវ ហៃជាំង បន្តថា ក្រុមហ៊ុន HODO Group និងខិតខំជម្រុញការអភិវឌ្ឍ និងវិនិយោគនៅខេត្តព្រះសីហនុ ដោយជម្រុញទំនាក់ទំនងពាណិជ្ជកម្មចិន កម្ពុជាកាន់តែមានសន្ទុះកើនឡើងបន្ថែមទៀត៕

The post ធំជាងនៅថៃ រោងចក្រផលិតសំបកកង់រថយន្ត​តម្លៃ ៣០០លានដុល្លារ​សម្ពោធដំណើរការជាផ្លូវការ appeared first on .

លោក ជា វុទ្ធី អគ្គលេខាធិការរងនៃក្រុមប្រឹក្សាអភិវឌ្ឍន៍កម្ពុជា លើកឡើងក្នុងបទបង្ហាញនៅក្នុងសន្និបាតបូកសរុប សកម្មភាពការងារ ឆ្នាំ២០២២ និងលើកទិសដៅការងារ ឆ្នាំ២០២៣ របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កាលថ្មីៗនេះថា កម្ពុជានឹងទទួលបានរោងផលិតសំបកកង់រថយន្តថ្មី មួយទៀត ដែលរោងចក្រគ្រោងបង្កើតឡើងនៅក្នុងតំបន់សេដ្ឋកិច្ចពិសេស U.E.B នៅក្នុងទឹកដីស្រុកអង្គស្នូល ខេត្តកណ្តាល។ រោង ចក្រថ្មីនេះ នឹងបង្កើតឡើងផលិតធំជាងរោងចក្រនៅបាវិត និងនៅតំបន់សេដ្ឋកិច្ចពិសេស ។

លោកបញ្ជាក់ថា «បច្ចុប្បន្ន កម្ពុជាមានរោងចក្រផលិតសំបកកង់ រថយន្តចំនួន២នៅតំបន់សេដ្ឋកិច្ចពិសេសបាវិតមួយ និងមួយទៀតនៅតំបន់សេដ្ឋកិច្ចពិសេសខេត្តព្រះសីហនុ ក្នុងនោះចំពោះរោងចក្រនៅបាវិត ក្នុងមួយថ្ងៃៗផលិតបានចំនួន ២ម៉ឺនសំបកកង់ ដែលមកដល់ថ្ងៃនេះ រោងចក្រនោះបានបោះទុន វិនិយោគជាង ៥០០ លានដុល្លារ ដោយឡែកនៅខេត្តព្រះសីហនុបានកំពុងដំណើរការសាងសង់»។

លោកឧកញ៉ា លឹម ហេង អ្នកវិនិយោគនៅក្នុងវិស័យឧស្សាហកម្មកៅស៊ូក្នុងស្រុកនិងជាអនុប្រធានសភាពាណិជ្ជកម្មកម្ពុជាចាត់ទុក ជារឿងល្អ និងស្វាគមន៍ក្នុងនាមសភាពាណិជ្ជកម្ម ក្រុមប្រឹក្សាអភិវឌ្ឍន៍កម្ពុជាក៏ដូចជាថ្នាក់ដឹកនាំរាជរដ្ឋាភិបាល នៅពេលកន្លងមកតែងតែបានអំពាវនាវ និងធ្វើការទាក់ទាញអ្នកវិនិយោគចូលមកកាន់កម្ពុជា។

លោកឧកញ៉ា មានប្រសាសន៍ថា «មកដល់បច្ចុប្បន្ននេះរោងចក្រផលិតសំបកកង់រថយន្តបានប្រមូលទិញកៅស៊ូក្នុងស្រុកនៅមានកម្រិតតិចតួចនៅឡើយ ដោយសារការផលិតកៅស៊ូនៅក្នុងស្រុកភាគច្រើនជាកៅស៊ូលេខ១ ហើយគាត់(រោងចក្រ)ត្រូវការកៅស៊ូលេខ៣យកទៅផលិតជាសំបកកង់រថយន្ត ហើយបើលក់កៅស៊ូនៅក្នុងស្រុកត្រូវជាប់VAT១០%ទៀត អីចឹងទំាងខ្ញុំទំាងគេនាំចេញទៅលក់នៅទីផ្សារខាងក្រៅ»។

បើយោងតាមលោកឧកញ៉ា លឹម ហេង កៅស៊ូប្រភេទលេខ៣សម្រាប់ផលិតសំបកកង់រថយន្តនេះ កម្ពុជាអាចផលិតបានមានប្រហែល២០%និងមានតម្លៃប្រមាណ១០០ដុល្លារអាមេរិកក្នងមួយតោន ហើយលោកឧកញ៉ាជឿថាប្រសិនរាជរដ្ឋាភិបាលមានការលើកលែងពន្ធ១០%(VAT)សម្រាប់ការផ្គត់ផ្គង់កៅស៊ូនៅក្នុងស្រុកនេះនិងធ្វើឱ្យអ្នកវិនិយោគពិចារណាផលិតទុកលក់ក្នុងបរិមាណច្រើនដល់ក្រុមហ៊ុន។

លោកឧកញ៉ាលើកឡើងថា «ការវិនិយោគនៅក្នុងវិស័យកៅស៊ូនេះ វាមានរយៈពេលវែង ហើយពិបាកទទួលបានប្រាក់ចំណេញមកវិញណាស់។សព្វថ្ងៃនេះយើងលក់កៅស៊ូក្នុងតម្លៃមួយមិនទាន់ល្អប្រសើរនោះទេ ផ្អែកទៅលើថ្លៃដើមផលិតរបស់យើងជាមធ្យមក្នុងមួយតោនចំណាយអស់ជាង១៥០០ដុល្លារអាមេរិកទៅហើយសម្រាប់ក្រុមហ៊ុនវិនិយោគធំៗ។អីចឹងនៅពេលសព្វថ្ងៃនេះយើងលក់កៅស៊ូក្នុងមួយតោនបានថ្លៃក្រោម១៥០០ដុល្លារអាមេរិក»។

តាមលោកឧកញ៉ា លឹម ហេង មូលហេតុឬកត្តាដែលនាំឱ្យតម្លៃកៅស៊ូនៅទីផ្សារអន្តរជាតិនៅចោទជាបញ្ហានេះគឺដោយសារការវិវឌ្ឍនៃបច្ចេកវិទ្យាជាចំណែកមួយធ្វើឱ្យប៉ះពាល់ដែរ កាលពីមុននៅពេលតម្លៃកៅស៊ូឡើងថ្លៃនោះបានធ្វើឱ្យអ្នកប្រើប្រាស់កៅស៊ូងាកមកប្រើកៅស៊ូសិប្បនិម្មិតជាហេតុធ្វើឱ្យទីផ្សារផ្គត់ផ្គង់វារួមតូច ស្របពេលដែលបរិមាណផលិតនៅមានការកើនឡើង៕ អត្ថបទ៖សារេត

The post កម្ពុជា រំពឹងថានឹងមានរោងចក្រផលិតសំបកកង់រថយន្តធំមួយទៀតមកបណ្តាក់ទុនវិនិយោគក្នុងខេត្តកណ្តាល appeared first on .

កាលពីថ្ងៃទី ២៨ ខែ ធ្នូ​ម្សិល​មិញ លោក គួច ចំរើន អភិបាលខេត្តព្រះសីហនុ បានចុះពិនិត្យរោង ចក្រផលិតសំបកកង់រថយន្តនេះផ្ទាល់ខណៈដំណើរការសាងសង់ជំហានទី១នេះ កំពុងដំឡើង ម៉ាស៊ីនបាន៥ភាគរយ បំពាក់ម៉ាស៊ីនបាន ៥ជួរ ក្នុងនោះ ៣ជួរជាម៉ាស៊ីនស្វ័យប្រវត្តិ និង ២ជួរទៀត ត្រូវការកម្លាំងពលកម្មប្រមាណ ១ ៥០០នាក់បន្ថែម។ ចំពោះ ដំណាក់នេះ គ្រោងនឹងអាចផលិត សំបក​រថយន្តបាន ១ ៧៥០០ក្នុងមួយថ្ងៃ ដោយក្នុងនោះ សំបកឡានតូចអាចបាន ១ ៥០០០គ្រឿង (ប្រើពេល ៣៨វិនាទី/កង់មួយ ) និងសំបកឡានធំបាន ២ ៥០០គ្រឿង (ប្រើពេល ៦០វិនាទី/កង់មួយ )។

ទន្ទឹមនឹងនេះដែរ លោកក៏បានជំរុញវជនខ្មែរត្រូវខិតខំរៀនសូត្រសម្រាប់បំពេញការងារនៅក្នុង ខេត្ត​ព្រះសីហនុ ដែលមានរោងចក្រ សហគ្រាស ប្រើប្រាស់កម្មករជំនាញបច្ចេកទេសប្រើដោយ រ៉ូបូ ផលិត​កង់ឡាន ជាពិសេសរោងចក្រនេះមិនអាចមានតែកម្មករធម្មតាធ្វើការបានទេ។ លោក​បន្ថែម​ថា យើងត្រៀមខ្លួនបំពេញសេចក្តីត្រូវការនៃអភិវឌ្ឍន៍ ហើយក៏អាចផ្ដល់សញ្ញាដល់កសិករដែល ជា​អ្នកផលិតកសិផល ដើម្បីផ្គត់ផ្គង់ទៅដល់រោងចក្រ។

បើតាមលោក គួច ចំរើន អ្នកដាំកៅស៊ូនៅកម្ពុជានៅពេលមានរោងចក្រផលិតសំបកកង់រថយន្ត ត្រូវ​ការជ័រកៅស៊ូក្នុងមួយថ្ងៃរហូតដល់ ៣០០តោនក្នុងមួយថ្ងៃ ដើម្បីផ្គត់ផ្គង់តម្រូវការក្នុងរោងចក្រ ដូច្នេះ​មិនចង់ឱ្យមានការនាំចូលវត្ថុធាតុដើមពីក្រៅប្រទេស ព្រោះកម្ពុជាជាប្រទេសកសិកម្ម យើង មាន​សក្តា​នុពល ហើយទឹកដីមួយចំនួនត្រូវធ្វើការកែប្រែស្ថានភាពពីធ្វើស្រែដីមកជាការដាំដុះកៅស៊ូ។

សូមជម្រាបផងដែរថា ក្នុងដំណាក់កាលសាងសង់ដំបូងនេះ តម្រូវការប្រើប្រាស់វត្ថុធាតុដើម កៅ ស៊ូ​ ប្រមាណ​៣០០តោន ដែលជាវត្ថុធាតុដើមនាំចូលពីប្រទេសថៃ និងម៉ាឡេស៊ី។ បច្ចុប្បន្ន ក្រុមហ៊ុន មានរោងចក្រនៅប្រទេសចិន និងប្រទេសថៃ ហើយសំបកកង់ដែលផលិតរួចនាំទៅកាន់សហរដ្ឋអា​មេ​រិក ៕

The post លោក គួច ចំរើន៖ រោង​ចក្រ​ផលិត​សំបក​កង់​រថយន្ដ​មួយខេត្តព្រះសីហនុ ត្រូវការជ័រកៅស៊ូប្រមាណ ៣០០តោន/ថ្ងៃ appeared first on .