ជាមួយនឹងតួរលេខនៃការទិញស្រូវនេះ ក្រសួងកសិកម្មក៏បានបញ្ជាក់ផងដែរថា ខណៈពេលដែលការប្រមូលផលនឹងហក់ឡើងជាបន្តបន្ទាប់នៅក្នុងខែនេះ មន្ត្រីកសិកម្មឃុំ និងរោងម៉ាស៊ីនដៃគូ នឹងបន្តកិច្ចសហប្រតិបត្តិការយ៉ាងជិតស្និទ្ធដើម្បីធានាលំហូរនៃការប្រមូលទិញ និងជួយធានាមិនឱ្យមានការកកស្ទះនៅតាមទីវាលនោះឡើយ។

សូមជម្រាបជូនផងដែរថា រោងម៉ាស៊ីនដៃគូរបស់ក្រសួងកសិកម្មដែលបានចុះទិញស្រូវនៅថ្ងៃទី៨ វិច្ឆិកា មានចំនួន២៩ ក្នុងនោះបានទទួលទិញស្រូវពីកសិករទូទាំងប្រទេសដែលមានប្រភេទស្រូវចំនួន៤ គឺ ស្រូវផ្ការំដួល ស្រូវវស្សា ស្រូវកែង និងស្រូវស្រងែ៕

The post ត្រឹមតែមួយថ្ងៃ រោងម៉ាស៊ីនដៃគូរបស់ក្រសួងកសិកម្មបានបន្តប្រមូលទិញស្រូវជិត ១៥០០០តោនបន្ថែមទៀត ពីប្រជាកសិករនៅទូទាំងប្រទេស appeared first on .

លោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឱ្យដឹងនៅថ្ងៃទី២៧ ខែមករា ឆ្នាំ២០២៥នេះថា រោងម៉ាស៊ីនក្នុងស្រុកបង្កើនការទិញស្រូវដើម្បីដោះស្រាយបញ្ហាទីផ្សារជូនកសិករ ដោយក្នុងនោះរោងម៉ាស៊ីនសហការជាមួយក្រសួងកសិកម្ម រុក្ខាប្រមាញ់និងនេសាទនិង ធនាគារអភិវឌ្ឍន៍ជនបទនិងកសិកម្ម (ARDB) ចំនួន ២៥ មានទីតាំងនៅចំនួន ៩ ខេត្ត តាមទិន្នន័យទទួលបាន គ្រោងប្រមូលទិញស្រូវប្រមូលផលរដូវប្រាំងនេះសរុបចំនួន ៤២៦ ៥០០តោនពីខែមករា ដល់ ខែមីនា ២០២៥ ក្នុងនោះគ្រោងទិញចំនួន ១៨៩ ៨៦០តោនពីថ្ងៃ ២៥ មករា ដល់ ៥ កុម្ភៈ ២០២៥។

លោកបន្តថា ក្រៅពីរោងម៉ាស៊ីនទាំង២៥ខាងលើនេះ ក៏មានរោងម៉ាស៊ីនជាច្រើនទៀតក៏កំពុងប្រមូលទិញស្រូវប្រាំងពីកសិករផងដែរ។ លោកបញ្ជាក់ថា ស្រូវដែលប្រមូលទិញមាន ស្រូវស្រងែស្រាល សែនក្រអូប OM5451 និងស្រូវ IR។

សូមជម្រាបជូនថា សូមបញ្ជាក់ថា មួយរយៈចុងក្រោយនេះរោងម៉ាស៊ីនកិនស្រូវក្នុងស្រុកជាច្រើនកំពុងសហការជាមួយក្រសួងកសិកម្ម សម្រុកទិញស្រូវពីប្រជាកសិករ ស្របពលដែលកសិករជួបនូវបញ្ហាធ្លាក់ថ្លៃស្រូវ OM5451 ដែលជាប្រភេទស្រូវវៀតណាម។ ទាក់ទងបញ្ហានេះ ក្រសួងកសិកម្ម ក៏បានស្នើឱ្យរួមគ្នាជំរុញឱ្យកសិករងាកមកចាប់យកពូជអង្ករក្រអូបរបស់កម្ពុជាជំនួសពូជស្រូវវៀតណាមវិញផងដែរ ដើម្បីបញ្ចៀសហានិភ័យទីផ្សារនៅរដូវក្រោយៗទៀត ខណៈក្រសួងកសិកម្មក៏បានប្តេជ្ញានឹងជួយជំរុញឱ្យមានការសហការសម្របសម្រួលជាមួយអាជ្ញាធរ និងរោងម៉ាស៊ីនកិនស្រូវអំពីទីផ្សារ និងតម្លៃ ដើម្បីធានានិរន្តរភាពវិស័យស្រូវអង្ករនៅកម្ពុជាផងដែរ៕

The post រោងម៉ាស៊ីន២៥ សហការជាមួយក្រសួងកសិកម្ម បង្កើនទិញស្រូវកសិកររហូតដល់ខែមីនា ក្នុងបរិមាណជាង៤២ម៉ឺនតោន appeared first on .

ម្ចាស់រោងម៉ាស៊ីនកិនស្រូវ រស់ណេង នៅស្រុកស្វាយអន្ទរ ខេត្តព្រៃវែង បានឱ្យដឹងថា រោងម៉ាស៊ីនលោកទិញស្រូវចន្លោះពី២០០ទៅ៣០០តោនក្នុងមួយថ្ងៃ ជារៀងរាល់ថ្ងៃ ដែលជាប្រភេទស្រូវអូអឹម ៥៤៥១ ព្រោះនៅខេត្តព្រៃវែងភាគច្រើនធ្វើស្រូវប្រភេទអូអឹម៥៤៥១។

លោកបន្តថា ចំពោះតម្លៃទៅតាមប្រភេទស្រូវ ដោយរោងម៉ាស៊ីនលោកទិញទាបបំផុត៨៥០រៀល ក្នុងមួយគីឡូក្រាម (សម្រាប់ស្រូវធ្លាក់គុណភាព) តម្លៃ៨៦០រៀល ជាប្រភេទស្រូវធម្មតា អាចទទួលយកបាន និងថ្លៃបំផុត ៨៧០រៀល (សម្រាប់គុណភាពល្អ)។

លោកបន្តទៀតថា ទោះបីជារោងម៉ាស៊ីនលោកមិនមានតម្រូវការក៏លោកនៅតែទិញចូលដែរ ប៉ុន្តែគ្រាន់តែជួបនៅបញ្ហាខ្វះដើមទុនតិចតួច ដោយសារមានបញ្ហាស្ទះការបង្វិលជាដើម។

បើតាមម្ចាស់រោងម៉ាស៊ីនខាងលើ ការទិញនេះជាការចូលរួមមួយផ្នែកដល់ការជួយកសិករ ក៏ដូចជាចូលរួមជាមួយរាជរដ្ឋាភិបាល តាមរយៈក្រសួងកសិកម្ម បើសិនជាខាងរោងម៉ាស៊ីនមិនសហការទិញស្រូវពីកសិករទេ ស្រូវនោះនឹងធ្លាយដល់វៀតណាម តម្លៃអាចកាន់តែធ្លាក់។

លោកក៏បានគូសបញ្ជាក់ថា បើសិនជាកសិករងាកមកធ្វើស្រូវក្រអូបវិញវាជាការល្អ ព្រោះយើងអាចធ្វើទីផ្សារខ្លួនឯង ផ្ទុយមកវិញបើយើងផ្តោតលើ៥៤៥១ច្រើនពេក វាអាចនឹងមិនមានតម្លៃមួយស្ថេរភាព ពោលគឺផ្អែកតាមទីផ្សារវៀតណាម។

សូមបញ្ជាក់ថា មួយរយៈចុងក្រោយនេះរោងម៉ាស៊ីនកិនស្រូវក្នុងស្រុកជាច្រើនកំពុងសហការជាមួយក្រសួងកសិកម្ម សម្រុកទិញស្រូវពីប្រជាកសិករ ស្របពលដែលកសិករជួបនូវបញ្ហាធ្លាក់ថ្លៃស្រូវ OM5451 ដែលជាប្រភេទស្រូវវៀតណាម។ ទាក់ទងបញ្ហានេះ ក្រសួងកសិកម្ម ក៏បានស្នើឱ្យរួមគ្នាជំរុញឱ្យកសិករងាកមកចាប់យកពូជអង្ករក្រអូបរបស់កម្ពុជាជំនួសពូជស្រូវវៀតណាមវិញផងដែរ ដើម្បីបញ្ចៀសហានិភ័យទីផ្សារនៅរដូវក្រោយៗទៀត ខណៈក្រសួងកសិកម្មក៏បានប្តេជ្ញានឹងជួយជំរុញឱ្យមានការសហការសម្របសម្រួលជាមួយអាជ្ញាធរ និងរោងម៉ាស៊ីនកិនស្រូវអំពីទីផ្សារ និងតម្លៃ ដើម្បីធានានិរន្តរភាពវិស័យស្រូវអង្ករនៅកម្ពុជាផងដែរ៕

The post គិតមកដល់ពេលនេះ មានរោងម៉ាស៊ីនជាង២០កំពុងសហការក្នុងការប្រមូលទិញស្រូវប្រមាណជាង១ម៉ឺនតោន ក្នុងមួយថ្ងៃ appeared first on .

ជាផែនការរាជរដ្ឋាភិបាលកម្ពុជា បានកំណត់គោលដៅជំរុញការនាំចេញអង្ករឱ្យបាន១លានតោន ចាប់ពីឆ្នាំ២០២៥ និងសម្រេចកំណើននាំចេញជាបន្តបន្ទាប់ពី៣% ទៅ ៥% ជារៀងរាល់ឆ្នាំ។

ដើម្បីជំរុញការនាំចេញអង្ករ និងលើកស្ទួយវិស័យស្រូវអង្ករ រដ្ឋាភិបាលបានរៀបចំវេទិកាស្រូវអង្ករកាលពីថ្ងៃទី១០ ខែកញ្ញា ធ្វើឡើងក្នុងគោលបំណងចូលរួមចំណែកក្នុងការអនុវត្តគោលនយោបាយរបស់ រាជរដ្ឋាភិបាល ដើម្បីធ្វើការប្រមូលធាតុចូល និងវេទិកាពិភាក្សាលើចរន្តនិន្នាការនៃទីផ្សារអង្ករលើពិភពលោក ក៏ដូចជាដើម្បីផ្សព្វផ្សាយអំពីគោលនយោបាយ វិធានការ គោលដៅកម្ពុជាលើការជំរុញផលិតកម្ម ការនាំចេញស្រូវអង្ករជូនប្រជាកសិករ ពាណិជ្ជករ និងភាគីពាក់ព័ន្ធទាំងអស់។

ក្នុងវេទិកាស្រូវអង្ករកម្ពុជា លើកទី៧ ឆ្នាំ២០២៤ នេះ រដ្ឋមន្ត្រីបីរូបគឺ លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រួមជាមួយលោកស្រី ចម និម្មល រដ្ឋមន្ត្រីក្រសួងពាណិជ្ជកម្មនិងលោក ឌិត ទីណារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ការប្តេជ្ញាចិត្តរបស់រាជរដ្ឋាភិបាលក្នុងការលើកកម្ពស់វិស័យស្រូវអង្ករ តាមរយៈការស្រាវជ្រាវ និងនវានុវត្តន៍ កិច្ចសហការ និងការអនុវត្តប្រកបដោយនិរន្តរភាព ដើម្បីលើកបង្កើនភាពប្រកួតប្រជែងជាសកលនៃអង្ករកម្ពុជា។

ថ្លែងក្នុងវេទិកា លោក ហែម វណ្ណឌី បានផ្តោតលើសារៈសំខាន់នៃការកែច្នៃដើម្បីបង្កើតតម្លៃបន្ថែមសម្រាប់វិស័យស្រូវអង្កររបស់កម្ពុជា និងបានលើកឡើងពីតួនាទីរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងការនាំយកផលិតផលកសិកម្មមកកែប្រែ កែច្នៃ និងផលិតទៅជាផលិតផលកសិ-ឧស្សាហកម្ម និងឧស្សាហកម្ម ដែលផ្តល់តម្លៃបន្ថែមខ្ពស់ និងបង្កើតឱកាសទីផ្សារពិសេស (Niche Market)។

លោក បានជំរុញឱ្យភាគីពាក់ព័ន្ធបន្តការវិនិយោគលើហេដ្ឋារចនាសម្ព័ន្ធសំខាន់ៗដូចជា ផ្នែកដឹកជញ្ជូន ភស្តុភារកម្ម បរិក្ខាស្តុកទុក និងរោងចក្រកែច្នៃ ព្រមទាំងអនុវត្តកសិកម្មមេត្រីភាពបរិស្ថាន និងចាប់យកបច្ចេកវិទ្យាកសិកម្មទំនើប ស្របតាមផែនទីបង្ហាញផ្លូវបច្ចេកវិទ្យាកសិកម្ម (Agri-Tech Roadmap)។ ការអនុវត្តទាំងនេះ មិនត្រឹមតែបង្កើនទិន្នផលប៉ុណ្ណោះទេ តែវាក៏រួមចំណែកដល់និរន្តរភាពនៃភពផែនដី ដែលអ្នកប្រើប្រាស់នៅទូទាំងពិភពលោកកាន់តែយកចិត្តទុកដាក់។

លោករដ្ឋមន្ត្រីបានជម្រាបជូនថា ដើម្បីគាំទ្របន្ថែមដល់វិស័យស្រូវអង្ករ ពិសេសអ្នកនាំចេញ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានប្រែក្លាយមន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ ទៅជាគ្រឹះស្ថានសាធារណៈរដ្ឋបាល ដែលនឹងពង្រីកសមត្ថភាពធ្វើតេស្តរបស់ខ្លួនចាប់ពីខែធ្នូនេះទៅ៕

The post កម្ពុជាមានរោងចក្រកិនស្រូវខ្នាតធំ ខ្នាតតូច និងមធ្យមជាង២ម៉ឺន ជាមួយទុនវិនិយោគជាង៤៤០លានដុល្លារ appeared first on .

សម្តេចធិបតី ថ្លែងបែបនេះ នៅក្នុងពិធីបិទវេទិកាស្រូវអង្ករកម្ពុជា លើកទី៧ ឆ្នាំ២០២៤ នៅរសៀលថ្ងៃទី១០ ខែកញ្ញា ឆ្នាំ២០២៤។

នាឱកាសនោះ សម្តេចធិបតី មានប្រសាន៍ថា ក្នុងពេលបច្ចុប្បន្ននេះ កម្ពុជា មានរោងម៉ាស៊ីនកិនស្រូវខ្នាតមធ្យម និងធំ២៧០ ទីតាំង ក្នុងនោះ ចំនួន៨០ ដែលមានស្តង់ដារ ហើយអាចឆ្លើយតបទៅនឹងបទដ្ឋានអន្តរជាតិ លើផ្នែកសុវត្ថិភាពចំណីអាហារ និងមានលទ្ធភាពសម្ងួតស្រូវ៥០ពាន់តោន (ស្រូវសើម)ក្នុងមួយថ្ងៃ ព្រមទាំងមានលទ្ធភាពកិន និងផ្គត់ផ្គង់អង្ករនាំចេញបានជាង៣លានតោន ក្នុងមួយឆ្នាំ។

សម្តេចធិបតី បន្តថា ទាំងនេះសុទ្ធសឹងជាលទ្ធផល និងចក្ខុវិស័យដ៏វែងឆ្ងាយរបស់រាជរដ្ឋាភិបាលសំដៅធានាភាពធន់ និងនិរន្តរភាពលើវិស័យនេះ។

ជាមួយគ្នានេះ សម្តេចធិបតីបានគូសបញ្ជាក់ថា រាជរដ្ឋាភិបាលតែងតែផ្ដល់ការយកចិត្តទុកដាក់ខ្ពស់ ចំពោះវិស័យ ស្រូវអង្ករនេះ និង បានផ្ដល់ការលើកទឹកចិត្តគ្រប់ប្រភេទ ដូចជា ការលើកទឹកចិត្តផ្នែកពន្ធដារ ដល់សហគមន៍កសិកម្ម រោងម៉ាស៊ីនកិនស្រូវ និង ការនាំចេញអង្ករ។ ទន្ទឹមនឹងនេះ ការនាំចូលបរិក្ខារកសិកម្ម និង គ្រឿងចក្រ សម្រាប់ដំណើរការម៉ាស៊ីនកិនស្រូវ ក៏ត្រូវបានលើកលែង ដោយពន្ធ និង អាករជាបន្ទុករបស់រដ្ឋ។

សូមជម្រាបជូនផងដែរថា ការនាំចេញស្រូវ និងអង្ករនៅឆ្នាំ២០២៣ មានទឹកប្រាក់សរុបចំនួន ១.៧៩ពាន់លានដុល្លារ។ដោយឡែក គិតក្នុងរយៈពេល ១២ខែ (ខែសីហាឆ្នាំ ២០២៣ ដល់ ខែសីហា ឆ្នាំ២០២៤) នៃរាជរដ្ឋាភិបាលនីតិកាលទី៧នេះ វិស័យស្រូវអង្ករកម្ពុជាមានការរីកចម្រើនគួរឱ្យកត់សម្គាល់ ពោលកម្ពុជាបាននាំចេញអង្ករបានចំនួន ៧០៥,៦៣៨ តោន និងនាំស្រូវចេញបានចំនួន ៥,០២៧,៣៦៩តោន៕

The post សម្តេចធិបតី៖ បច្ចុប្បន្ន កម្ពុជាមានរោងម៉ាស៊ីនកិនស្រូវ៨០ បំពាក់បរិក្ខាគ្រប់គ្រាន់ មានសមត្ថភាពកែច្នៃនាំចេញបាន ៣លានតោន ក្នុងមួយឆ្នាំ appeared first on .

អ្នកស្រី លី ស៊ីណា កសិករធ្វើស្រែក្នុងខេត្តពោធិ៍សាត់ បានឱ្យដឹងថា មួយរយៈមកនេះឈ្មួញទិញស្រូវ ក៏ដូចជារោងម៉ាស៊ីនក្នុងស្រុក ចាប់ផ្តើមទិញស្រូវពីកសិករច្រើនក្នុងតម្លៃ១ ០៩០រៀល ទៅ១២០០រៀល ក្នុងមួយគីឡូក្រាម។អ្នកស្រីបន្តថា ការដែលឈ្មួញក៏ដូចជារោងម៉ាស៊ីនទទួលទិញក្នុងបរិមាណច្រើនឡើងវិញ ធ្វើឱ្យគ្រួសារអ្នកស្រីក៏ដូចជាប្រជាកសិករធ្វើស្រែ មានភាពសប្បាយរីករាយ និងមានកម្លាំងចិត្តបន្ថែមទៀត។

បើតាមឈ្មួញទិញស្រូវខេត្តបាត់ដំបង និងខេត្តពោធិ៍សាត់ម្នាក់ បានឱ្យដឹងថា តម្លៃស្រូវមានការធ្លាក់ថ្លៃបន្តិចបន្តួចមួយរយៈ គឺដោយសារវៀតណាមមិនទទួលទិញ ឬទិញក្នុងតម្លៃមួយមិនច្បាស់លាស់ ធ្វើឱ្យប្រជាកសិកររារែក មិនហ៊ានលក់ចេញ ដែលធ្វើឱ្យឈ្មួញក៏ដូចជារោងម៉ាស៊ីនក្នុងស្រុកមិនសូវហ៊ានទិញចូលច្រើនផងដែរ។លោកបានបន្ត ប៉ុន្តែមួយរយៈក្នុងអំឡុងពេលបិទការបញ្ជាទិញពីវៀតណាម ពោលចាប់ពីថ្ងៃទី០៣កញ្ញាមក រោងម៉ាស៊ីនក្នុងស្រុកក៏ចាប់ផ្តើមទទួលទិញច្រើនឡើងវិញ ក្នុងតម្លៃមួយអាចទទួលយកបានផងដែរ ដោយមួយគីឡូតម្លៃ ១២០០រៀលឡើង ទៅតាមប្រភេទស្រូវ។

លោក បានបន្តទៀតថា ការទទួលទិញពីរោងម៉ាស៊ីនក្នុងស្រុកមួយចំនួននេះ ជាការស្វែងរកដំណោះស្រាយ ក៏ដូចជាការទប់ស្កាត់ពីការធ្លាក់តម្លៃស្រូវជូនប្រជាកសិករ ហើយក៏ធ្វើឱ្យពួកគាត់សប្បាយចិត្តឡើងវិញ។ ក្នុងនោះ លោក អាចលក់ទៅក្នុងរោងម៉ាស៊ីន ប្រមាណ៥០០តោន ក្នុងមួយថ្ងៃផងដែរ។

ជាមួយគ្នានោះ បើតាមម្ចាស់រោងម៉ាស៊ីនកិនស្រូវ មួយកន្លែងនៅក្នុងខេត្តព្រៃវែង បានឱ្យដឹងផងដែរថា រោងម៉ាស៊ីនក្នុងក្រុងស្រុកមួយចំនួនចាប់ផ្តើមទិញស្រូវក្នុងបរិមាណច្រើនពីប្រជាកសិករឡើងវិញ តួយ៉ាងរោងម៉ាស៊ីនកិនស្រូវរបស់លោកផ្ទាល់ អំឡុងពេលតម្លៃស្រូវធ្លាក់ថ្លៃខ្លាំង លោកទិញតែ១០០តោនក្នុងមួយថ្ងៃប៉ុណ្ណោះ ប៉ុន្តែចាប់ពីថ្ងៃទី០៨កញ្ញាមក លោកទិញក្នុងបរិមាណ៥០០តោន ក្នុងមួយថ្ងៃ។

លោកបន្តថា ការប្រមូលទិញពីប្រជាកសិករក្នុងបរិមាណ៥០០តោន ក្នុងមួយថ្ងៃនេះ គឺដើម្បីផលិតជាអង្ករនាំចេញក្នុងស្រុក និងនាំចេញទៅក្រៅស្រុក និងសម្រាប់ស្តុកទុកផងដែរ។

គួរឱ្យដឹងផងដែរថា សហព័ន្ធស្រូវអង្ករកម្ពុជា បានគូសបញ្ជាក់កាលពីពេលថ្មីៗនេះថា នៅក្នុងស្ថានភាពពេលបច្ចុប្បន្ននេះ តម្លៃស្រូវសើមមនៅវាលស្រែ មានការធ្លាក់ចុះបន្តិចមកត្រឹមចន្លោះ ១០៩០ ទៅ១ ២៥០រៀល ក្នុងមួយគីឡូក្រាម ទៅតាមប្រភេទស្រូវ។ តម្លៃបច្ចុប្បន្ននេះ គឺស្ថិតនៅក្នុងស្ថានភាពមួយដែលកសិករនៅមានផលចំណេញបង្គួរ ពីផលិតកម្មដំណាំស្រូវនៅឡើយ។ ដើម្បីផលប្រយោជន៍របស់ប្រជាកសិករ សហព័ន្ធស្រូវអង្ករកម្ពុជា តាមរយៈសមាជិកទាំងអស់ ដែលជារោងម៉ាស៊ីនកិនស្រូវ គឺបាននិងកំពុងខិតខំប្រមូលទិញស្រូវពីប្រជាកសិករ ដើម្បីកុំឱ្យមានជនឆ្លៀតឱកាស កេងចំណេញលើតម្លៃដែលធ្វើឱ្យបងប្អូនកសិករយល់ច្រឡំនិងខូចប្រយោជន៍យូរអង្វែងរបស់ខ្លួនផងដែរ៕

The post កសិករមានការសប្បាយចិត្ត ក្រោយឈ្មួញទិញស្រូវ និងរោងម៉ាស៊ីនក្នុងស្រុក សម្រុកទិញស្រូវពីប្រជាកសិករឡើងវិញ appeared first on .

រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ លោក ឌិត ទីណា បានឱ្យដឹងថា គំនិតផ្ដួចផ្ដើមឱ្យមានកិច្ចសន្យាកសិកម្មនេះ ធ្វើឡើងដើម្បីរួមចំណែកដោះស្រាយបញ្ហាទីផ្សារសម្រាប់ប្រជាកសិករ។

លោកគូសបញ្ជាក់ថា ការចុះកិច្ចសន្យាកសិកម្មទាមទារឱ្យភាគីទាំងអស់ ទាំងខាងក្រុមហ៊ុននាំចេញ រោងម៉ាស៊ីនកិនស្រូវ និងសហគមន៍ គោរពកិច្ចសន្យា និងស្មោះត្រង់ជាមួយគ្នា។

ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា បានឱ្យដឹងដែរថា កិច្ចសន្យាទាំង៤៦នេះ គ្របដណ្ដប់លើផ្ទៃដីចំនួន៦,៦៩០ហិកតា និងអនុវត្តដោយកសិករចំនួន២,២៣៦គ្រួសារ នៅក្នុងស្រុកចំនួន៧នៃខេត្តកំពង់ធំ។

បើតាមលោកឧកញ៉ាមានប្រភេទស្រូវមួយចំនួនដែលភាគីទាំងពីរបានធ្វើកិច្ចសន្យាលើការទទួលទិញ រួមមាន៖ ប្រភេទផ្ការំដួលមានចំនួន៦,២៣៣តោន, ស្រូវសែនក្រអូបមានចំនួន២,៨៩០តោន, ស្រូវប្រភេទអូអឹមមានចំនួន១,៨៥០តោន, ស្រូវគ្រាប់ខ្ចីចំនួន៦,៦៩០តោន និងមានកិច្ចសន្យាលើបន្លែតាមបរិមាណជាក់ស្ដែងបន្ថែមទៀត។

សេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជា បានឱ្យដឹងថា កិច្ចសន្យាទាំង៤៦ដែលបានធ្វើឡើងនាពេលនេះរួមមាន៖ ក្រុមហ៊ុន AMRU Rice (Cambodia) Co.,Ltd, ក្រុមហ៊ុន Signatures of Asia Co.,Ltd, ក្រុមហ៊ុន Kompong Thom Rice Mill 1688, ក្រុមហ៊ុន B.R.M Agro Co.,Ltd,ក្រុមហ៊ុន Daily Fresh Food, រោងម៉ាស៊ីនកិនស្រូវ ជូ ផេង និងរោងម៉ាស៊ីនកិនស្រូវ ងួន ហុង ព្រមទាំងចុះអនុស្សរណៈយោគយល់រវាងក្រុមហ៊ុន Signatures of Asia Co.,Ltd និងស្ថាប័នមីក្រូហិរញ្ញវត្ថុ AMK៕

The post ក្រុមហ៊ុនធំៗ និងរោងម៉ាស៊ីនកិនស្រូវចំនួន ៦ ចុះកិច្ចសន្យាទិញស្រូវ និងបន្លែឱ្យបាន ២ម៉ឺនតោន appeared first on .

ប៉ុន្មានម៉ោងក្រោយពីប្រកាសលើបណ្តាញសង្គមហ្វេសបុករបស់ អ្នកឧកញ៉ា ឡេង ណាវ៉ាត្រា ពេលនេះមានរោងម៉ាស៊ីនិកស្រូវឈ្មោះ ក្រុមហ៊ុន :City Rice Import Export Co., Ltd. សម្រេចផ្គត់ផ្គង់អង្ករផ្កាម្លិះលេខ២ មកឲ្យផ្សារកសិផលធម្មជាតិ ឡេងណាវ៉ាត្រា តម្លៃ ៤២០ដុល្លារក្នុងមួយតោន ខណៈដែលផ្សារកសិផលល្បីឈ្មោះមួយនេះ ហានធានាលក់ចេញវិញក្នុងតម្លៃ ៣៨០ដុល្លារក្នុងមួយតោន គឺខាតដល់ទៅ៤០ដុល្លារ ក្នុងមួយតោន ដើម្បីជួយសម្រួលដល់បងប្អូនជនរួមជាតិក្នុងគ្រាដ៏លំបាកនេះ ។

ដំ​ណឹងដ៏រីករាយនេះ អ្នកឧកញ៉ា ឡេង ណាវ៉ាត្រា ក៏សូមអំពាវនាវឲ្យពុកម៉ែបងប្អូនឈប់បារម្មណ៍រឿងអង្ករទៀតទៅ ព្រោះលោកលក់ចេញវិញ ក្នុងមួយបាវទម្ងន់ 50kG តម្លៃ ១៩ដុល្លារ ស្មើនឹង៧៦០០០រៀល បងប្អូនអាចកម្មង់ទិញបានក្នុងមួយគ្រួសាត្រឹមតែ ៦បាវ ស្មើនឹង 300kg ប៉ុណ្ណោះ។

អ្នកឧកញ៉ាវ័យក្មេងរូបនេះបានបញ្ជាក់ថា អង្ករលក់ចេញក្នុងតម្លៃពិសេសនេះ គឺបងប្អូនមិនអាចទិញលក់បន្ដបានទេ ហើយតំលៃនេះមាននៅតែផ្សារកសិផលធម្មជាតិឡេងណាវ៉ាត្រាប៉ុណ្ណោះ។

ក្រុមហ៊ុនដឹកជញ្ជូនដែលមានចណាប់អារម្មណ៍ទាក់ទងមកដើម្បីសហកាណ៍ជាមួយផ្សារយើងខ្ញុំដឹកជញ្ជូនជូនពុកម៉ែបងប្អូន។ សូមបងប្អូនCommentលេខទូរស័ព្ទនិងចំនួនអង្ករខាងក្រោម ហើយថ្ងៃទី២០ពេលរសៀលក្រុមកាងានឹងទាក់ទងដឹកជូនពុកម៉ែបងប្អូន។ អ្នកឧកញ៉ា ឡេង ណាវ៉ាត្រា បញ្ជាក់បន្ថែម។

សូមជម្រាបជូនឡើងវិញផងដែលថា ក្នុងសារពិសេស ស្ដីពីការសម្រេចបិទខ្ទប់ ទីតាំងភូមិសាស្ត្ររាជធានីភ្នំពេញ និងក្រុងតាខ្មៅ រយៈពេល ១៤ថ្ងៃ កាលពីយប់ថ្ងៃទី១៤ ខែមេសា ២០២១ សម្ដេចតេជោ ហ៊ុន សែន បានបញ្ជាឱ្យខាងក្រសួងពាណិជ្ជកម្ម យកចិត្តទុកដាក់ត្រៀម បញ្ចេញអង្ករចូលទៅក្នុងទីផ្សារ ដើម្បីទប់ឱ្យទាន់សភាពការណ៍ កុំឱ្យឈ្មួញឆ្លៀតឱកាសនេះកេងចំណេញ។

សម្ដេចតេជោ ក៏បាន​សង្កត់ធ្ងន់ថា រដ្ឋក៏នឹងត្រៀមបញ្ចេញគ្រឿងឧបភោគបរិភោគ ទៅក្នុងទីផ្សារ ដើម្បីលក់ជូនប្រជាពលរដ្ឋទៅតាមតម្លៃសមរម្យផងដែរ។ ទន្ទឹមគ្នានេះ រដ្ឋាភិបាលអំពាវនាវយ៉ាងទទូច ដល់អាជីវកលក់អង្ករ និងត្រីសាច់ គ្រប់ប្រភេទ សូមមេត្តា កុំដំឡើងថ្លៃក្នុងគ្រាដ៏លំបាកនេះផងដែរ៕

The post សេដ្ឋីវ័យក្មេងល្បីឈ្មោះម្នាក់ ហានទិញអង្កររាប់ពាន់តោនមកលក់ក្នុងតម្លៃខាតជូនជនរួមជាតិក្នុងគ្រាដ៏លំបាកនេះ appeared first on .

បងប្អូនប្រជាកសិករ និងសហគមន៍កសិកម្ម ដែលបាននិងកំពុងប្រមូលផលស្រូវ ហើយចង់លក់ស្រូវ អាចទំនាក់ទំនងទៅរោងម៉ាស៊ីនកិនស្រូវ ហ្គោលដេនស្តាររ៉ាយស៍មីល Golden Star Rice Mill ដែលនឹងទទួលទិញស្រូវបងប្អូនជារៀងរាល់ថ្ងៃ ដែលមានទីតាំងភូមិកគោ ឃុំជ្រៃ ស្រុកថ្មគោល ខេត្តបាត់ដំបង។

The post ស៊ែមួយ! រោងម៉ាស៊ីនកិនស្រូវមួយកន្លែង នៅបាត់ដំបង ប្រកាសធានាទិញស្រូវពីកសិករដែលកំពុងប្រមូលផល appeared first on .