នៅក្នុងបទសម្ភាស«កម្មវិធីសេដ្ឋី និងជំនួញ» ពេលថ្មីៗនេះ សហគ្រិនវ័យក្មេងលើវិស័យឌីជីថល លោកស្រី ហ៊ាង អូមួយ បានចែក រំលែកបទពិសោធន៍ភាពជាសហគ្រិន ដល់សហគ្រិនទាំងអស់នៅក្នុងស្រុក ដែលចូលប្រឡូកធ្វើអាជីវកម្មថា ក្នុងនាមជា សហគ្រិនមួយរូបគឺត្រូវឆ្លងកាត់រឿងលំបាកជាច្រើនណាស់ ព្រោះថាមានបញ្ហាជាច្រើនត្រូវដោះស្រាយ។

លោកស្រីពន្យល់ថា កាលពីមិនទាន់បោះជំហានចូលប្រឡូកក្នុងវិស័យជំនួញ យើងធ្លាប់គិតតែពីសេដ្ឋកិច្ចរបស់ខ្លួនឯង និងសេដ្ឋកិច្ចគ្រួសារ ប៉ុន្ដែជាសហគ្រិនគឺត្រូវគិតសេដ្ឋកិច្ចអ្នកគ្រប់គ្នាដែលធ្វើការជាមួយ អ្នកពាក់ព័ន្ធជាមួយយើងទាំងអស់ ហើយត្រូវសួរខ្លួនឯងជារើយៗថា តើយើងអាចរ៉ាប់រងបានឬអត់? ប្រសិនបើប្អូនជាអ្នកដោះស្រាយបញ្ហា ហើយប្អូនគិតថា ប្អូននឹងអាចនៅតែដើរទៅមុខបាន ដោយផ្ដោតលើគុណតម្លៃ ទោះបីជាមានរឿងអ្វីក៏ដោយក៏មិនបោះបង់ ប្អូនត្រូវសាកល្បងធ្វើទៅ។

លោកស្រីបន្ថែមថា ប្រសិនបើប្អូនមានចិត្តចង់ក្លាយជាសហគ្រិនហើយ ប៉ុន្ដែខ្វះបទពិសោធន៍ នៅមានរឿងជាច្រើនត្រូវស្វែងយល់ ប្អូនគួរទុកពេលឱ្យខ្លួនរៀនសូត្រសិន ព្រោះថាការចាប់ផ្ដើមធ្វើអាជីវកម្មពេលណាក៏បានដែរ។ ហើយបើទោះបីជាពេលនេះប្អូននៅធ្វើការឱ្យគេក្នុងស្ថាប័នណាមួយ ប្អូនត្រូវខិតខំនិងមានទំនួលខុសត្រូវចំពោះការងាររបស់ខ្លួន ព្រោះថាសហគ្រិនក៏ដោយ បុគ្គលិកក៏ដោយ គឺទាមទារឱ្យមានទំនួលខុសត្រូវ មនុស្សកើតមកផ្សេងៗគ្នា មានសមត្ថភាពផ្សេងគ្នា មានទំនួលខុសត្រូវផ្សេងគ្នា មានភាពប៉ិនប្រសប់ផ្សេងគ្នាអត់អាចអ្នកទាំងអស់គ្នាក្លាយជាអ្នកដឹកនាំកំពូលនៅស្ថាប័នបានទេ។

ក្នុងនាមជាសហគ្រិនដែលប្រឡូកក្នុងវិស័យឌីជីថលជាច្រើនឆ្នាំ លោកស្រី ហ៊ាង អូមួយ ផ្ដាំថាជា CEO សំខាន់ត្រូវ មាន បេះដូងជាសហគ្រិន បេះដូងជាអ្នកដឹកនាំ បេះដូងជាអ្នកដោះស្រាយបញ្ហា បេះដូងហ៊ានពលី លះបង់ ពុះពារជាមួយកិច្ចការងារ ដែលកំពុងតែធ្វើ ទោះបីជាធ្វើការនៅកន្លែងណា ទីណា សំខាន់ឱ្យតែធ្វើវាបានល្អ គុណតម្លៃគឺមានដូចៗគ្នា។

សូមជម្រាបជូនថា លោកស្រី ហ៊ាង អូមួយ ជាសហគ្រិនមួយរូបធ្វើការលើវិស័យឌីជីថលរយៈពេល៧ឆ្នាំមកហើយ ដោយ បានឆ្លងកាត់ការសហការជាមួយស្ថាប័នរដ្ឋនិងឯកជនក្នុងប្រទេស និងលើឆាកអន្ដរជាតិជាច្រើន ទើបបោះជំហានបង្កើត ក្រុមហ៊ុន ADITI ដោយខ្លួន៕

The post លោកស្រី ហ៊ាង អូមួយ៖ ជាសហគ្រិនត្រូវឆ្លងកាត់ការលំបាកជាច្រើនដែលទាមទារឱ្យមានការតស៊ូពុះពារ appeared first on .

លោកស្រី ហ៊ាង អូមួយ នាយកប្រតិបត្តិនៃក្រុមហ៊ុនបច្ចេកវិទ្យា អាឌីទី លើកឡើងនៅក្នុងវេទិកាលើកទឹកចិត្តកុមារនិងយុវតី និងចំណាប់អារម្មណ៍លើការសិក្សាស្តែម (Stem) ក្នុងពិធីបើកទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី១ ក្រោមប្រធានបទ«កសាងមូលដ្ឋានគ្រឹះ ដើម្បីទាំងអស់គ្នា» នៅថ្ងៃទី ២៦ ខែ មីនា ឆ្នាំ២០២៣នេះថា ដោយសារមានការជំរុញលើកកម្ពស់ពីរាជរដ្ឋាភិបាល ធ្វើឱ្យស្រ្តីនៅក្នុងបច្ចេកវិទ្យាមានការកើនឡើងច្រើន ក្នុងនោះក្រុមហ៊ុនបច្ចេកវិទ្យា អាឌីទី ក៏ជាផ្នែកមួយយ៉ាងសំខាន់ ក្នុងការពិគ្រោះ ផ្តល់យោបល់ និងជួយជ្រោមជ្រែងបច្ចេកវិទ្យាដល់ស្ត្រី ដើម្បីឱ្យស្រី្តក្នុងធុរកិច្ច ក៏ដូចស្រី្តក្នុងអាជីវកម្ម អាចប្រើប្រាស់បច្ចេកវិទ្យាជាយាន សម្រាប់កិច្ចប្រតិបត្តិការអាជីវកម្មរបស់ពួកគាត់។

លោកស្រីមានប្រសាសន៍ថា« ស្តី្រដែលមានអាជីវកម្ម បានបត់បែនទម្លាប់របស់ខ្លួនជាច្រើនក្នុងការចាប់យកបច្ចកវិទ្យាសម្រាប់ការធ្វើអាជីវកម្ម ដូចជាការធ្វើអាជីវកម្មតាមអនឡាញជាដើម ទោះបីពួកគាត់មិនមែនអ្នកបច្ចេកវិទ្យា តែពួកគាត់កំពុងប្រើប្រាស់បច្ចេកវិទ្យាសម្រាប់អាជីវកម្ម ដើម្បីជួយសម្រួលដល់កិច្ចទំនាក់ទំនងក្នុងពាណិជ្ជកម្ម និងសម្រួលដល់លក់ដូរជាដើម។ បច្ចុប្បន្នយើងឃើញការប្រើប្រាស់បច្ចេកវិទ្យាកំពុងមានសម្ទុះរីកចម្រើនច្រើន ហើយយើងរំពឹងថា ស្រ្តីនៅក្នុងវិស័យបច្ចេកវិទ្យា នៃយុគសម័យបដិវត្តន៍ឧស្សាហកម្ម ៤.០ នឹងមានភាពលូតលាស់ការីកចម្រើនកាន់តែខ្លាំងក្លាថែមទៀត»។

លោកស្រី ជា រដ្ឋា អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងថា យុវជន ជាពិសេសយុវនារី គឺចូលចិត្តណាស់លើផ្នែកបច្ចេកវិទ្យា និងមានភាពវ័យឆ្លាតក្នុងការចាប់យកបច្ចេកវិទ្យាសម្រាប់អាជីពរបស់ពួកគាត់ផ្សេងៗ ហើយសម្រាប់បញ្ហានេះ ក្រសួងក៏បានខិតខំប្រឹងប្រែងយ៉ាងខ្លាំង ជាក់ស្តែងព្រឹត្តិការណ៍ពិរពណ័នេះ ជាការបង្ហាញឱ្យឃើញពីការរីកច្រើន នៃការចូលរួមទាំងបុរសនិងស្រី្ត ក្នុងវិស័យបច្ចេកវិទ្យា ដើម្បីរួមគ្នាធ្វើឲ្យប្រទេសជាតិកាន់តែរីកចម្រើន៕អត្ថបទ៖សារេត

The post ស្រ្តីប្រើប្រាស់បច្ចេកវិទ្យាក្នុងអាជីវកម្មកំពុងមានការរីកចម្រើនកាន់តែច្រើនក្នុងយុគសម័យបដិវត្តន៍ឧស្សាហកម្ម ៤.០ appeared first on .

ប្រធាន​វិទ្យាស្ថាន TUX Global ​​រូប​នេះ​ បាន​ថ្លែង​ក្នុង​​កម្មវិធី​តម្រង់ទិស​អំពី​ជំនាញ​សហគ្រិន​ ជូន​ដល់​និស្សិត​វិស្វកម្ម​​សាលា​តិចណូ ​នៅ​រសៀល​ថ្ងៃ​ទី​០៨ ខែ​មិថុនា ឆ្នាំ​២០២២​នេះ​ថា ​ការ​ក្លាយ​ជា​សហគ្រិន​ ឬ​ CEO ម្នាក់​គឺ​ជា​ដំណើរ​ផ្លូវ​ដ៏​វែង​ឆ្ងាយ ប៉ុន្តែ​លោកស្រី​សូម​ចែក​រំលែក​នូវ​គន្លឹះ​សំខាន់​ចំនួន​៣ ​​ដើម្បី​ក្លាយ​ជា​សហគ្រិន​ដ៏​ជោគជ័យ​ ដែល​មាន​ដូច​ជា៖

១. ធ្វើ​អ្វី​ដែល​អ្នក​កំពុង​ធ្វើ​ឱ្យ​បាន​ល្អ​បំផុត៖ បើ​អ្នក​កំពុង​នៅ​ទីណា កំពុង​តែ​ធ្វើ​រឿង​អ្វី គឺ​ត្រូវ​តែ​ប្រមូល​អារម្មណ៍ និង​ផ្តោត​ធ្វើ​តែ​ការងារ​នោះ​ឱ្យ​បាន​ល្អ​បំផុត កុំ​​បណ្តោយ​អារម្មណ៍​ទៅ​គិត​រវើររវាយ​​រឿង​ផ្សេងៗ​ច្រើន​ពេក។

២. ជាសហគ្រិន​ មិនមែន​​ដើម្បី​ឡូយ​នោះ​ទេ តែ​ត្រូវ​គិត​ជួយ​ដល់​សង្គម​ជាតិ និង​រក​វិធី​ដោះស្រាយ​បញ្ហា​ជូន​អតិថិជន និង​សង្គម។

៣. សហគ្រិន​ តែងតែ​ចាប់​ផ្តើម​គំនិត​ថ្មី មិន​មែន​ចម្លង​ពី​គេ​នោះ​ទេ។

លោកស្រី ហ៊ាង អូមួយ ក៏​បាន​បញ្ជាក់​បន្ថែម​ផង​ដែរ​ថា ដើម្បី​ក្លាយ​ជា​សហគ្រិន​បាន មិនមែន​ចាប់​ផ្តើម​ភ្លាម​អាច​ក្លាយ​ជា​សហគ្រិន​នោះ​ទេ តែ​ជំហាន​ដំបូង​គឺ​ត្រូវ​ទៅ​ធ្វើការ​នៅ​ស្ថាប័ន​ធំៗ​ណា​មួយ​សិន ដើម្បី​រៀន​សូត្រ និង​បាន​បទពិសោធន៍​ពី​គេ។ ក្នុង​នាម​ជា​សហគ្រិន​ ​​ចាប់​អ្វី​ត្រូវ​ចាប់​ឱ្យ​ច្បាស់ ហើយ​ចំណុច​ពិសេស​ទៀត​នោះ​ ត្រូវ​មាន​អាកប្បកិរិយា​ល្អ មាន​គុណធម៌ មាន​វិន័យល្អ និង​ចេះ​បង្កើត​ទំនាក់ទង​ ឬ​បណ្តាញ​ឱ្យ​បាន​ច្រើន៕

The post CEO ក្រុមហ៊ុន Camsolution ចែករំលែកគន្លឹះ៣ចំណុច បើចង់ក្លាយជាសហគ្រិនជោគជ័យ appeared first on .