កាន់តែពិសេស! ទទួលបានអត្ថប្រយោជន៍បន្ថែម!!

ក្រៅពីការបញ្ចុះតម្លៃ 8.8% លោកអ្នកនឹងទទួលបានការផ្តល់ជូនដ៏ពិសេសជាច្រើនរួមមាន៖

-អត្រាការប្រាក់ត្រឹមតែ 7%
-បង់រំលស់ឥតការប្រាក់រហូតដល់ 24 ខែ
-ការពិនិត្យសុខភាពដោយឥតគិតថ្លៃសម្រាប់ 2 នាក់ នៅមន្ទីរពេទ្យ អ៊ីនធើឃែរ (Intercare Hospital) ដែលជាមន្ទីរពេទ្យមានស្តង់ដារខ្ពស់។

ការផ្តល់ជូនដ៏អស្ចារ្យនេះ មានសុពលភាពចាប់ពីថ្ងៃទី 1 ដល់ថ្ងៃទី31 ខែសីហា ឆ្នាំ 2026 តែប៉ុណ្ណោះ។ កុំឱ្យឱកាសដ៏កម្រនេះកន្លងផុត!

Chroy Changvar Bay គឺជាគម្រោងអភិវឌ្ឍន៍ចម្រុះដ៏ទំនើបដែលមានទីតាំងយុទ្ធសាស្ត្រ ស្ថិតនៅតំបន់ជ្រោយចង្វារ និងតភ្ជាប់យ៉ាងងាយស្រួលទៅកាន់បណ្តាញផ្លូវជាតិលេខ ៦ និងផ្លូវជាតិលេខ៥ ដែលជាច្រកសំខាន់ឆ្ពោះទៅកាន់ខេត្តសៀមរាប បាត់ដំបង និងតំបន់សេដ្ឋកិច្ចសំខាន់ៗផ្សេងទៀត។ គម្រោងត្រូវបានអភិវឌ្ឍឡើងដោយផ្តោតលើគុណភាពនៃការរស់នៅ ការធ្វើអាជីវកម្ម និងការវិនិយោគរយៈពេលវែង ជាមួយនឹងហេដ្ឋារចនាសម្ព័ន្ធស្តង់ដារ ផ្លូវធំទូលាយ សួនច្បារបៃតង និងបរិយាកាសរស់នៅដ៏ស្រស់ស្រាយដែលហ៊ុំព័ទ្ធដោយទន្លេសាប និងទន្លេមេគង្គ។ តំបន់នេះក៏កំពុងក្លាយជាតំបន់អភិវឌ្ឍន៍ដ៏មានសក្តានុពល និងមានការរីកចម្រើនលឿនបំផុតនៅភាគខាងជើងរាជធានីភ្នំពេញ។

អត្ថប្រយោជន៍ដែលលោកអ្នកនឹងទទួលបាន

 បញ្ចុះតម្លៃពិសេស 8.8% ក្នុងឱកាសខែសីហា
 បញ្ចុះអត្រាការប្រាក់បន្ថែម 1%
 បង់រំលស់ឥតការប្រាក់រហូតដល់ 24 ខែ
 ទទួលបានការពិនិត្យសុខភាពឥតគិតថ្លៃ 2 នាក់ នៅមន្ទីរពេទ្យIntercare
 ទីតាំងមានសក្តានុពលខ្ពស់ សម្រាប់ការរស់នៅ និងការវិនិយោគរយៈពេលវែង
 ជម្រើសអចលនទ្រព្យចម្រុះ រួមមាន វីឡា ផ្ទះអាជីវកម្ម អគារពាណិជ្ជកម្ម និងដីសម្រាប់សាងសង់ ឬវិនិយោគ
 ហេដ្ឋារចនាសម្ព័ន្ធទំនើប និងបរិក្ខារសាធារណៈគ្រប់គ្រាន់
 សហគមន៍រស់នៅប្រកបដោយសុវត្ថិភាព ផាសុកភាព និងស៊ីវិល័យ

កុំរំលងប្រូម៉ូសិនដ៏កម្រនេះ!

ប្រសិនបើលោកអ្នកកំពុងស្វែងរកគេហដ្ឋានសម្រាប់គ្រួសារ ឬអចលនទ្រព្យដែលមានសក្តានុពលកើនតម្លៃខ្ពស់នាពេលអនាគតនេះគឺជាពេលវេលាល្អបំផុតក្នុងការសម្រេចចិត្ត។

ចាប់យកឱកាសថ្ងៃនេះ ដើម្បីទទួលបានតម្លៃពិសេស និងក្លាយជាផ្នែកមួយនៃសហគមន៍រស់នៅដ៏ប្រណិតនៅ ChroyChangvar Bay។

 សម្រាប់ព័ត៌មានបន្ថែម សូមទាក់ទង៖
023 901 551 | 023 901 552 | 089 822 009 | 093 822 009

 ទីតាំងគម្រោង:https://maps.app.goo.gl/T1Hke3Hoa2hstQhz6

The post គម្រោងជ្រោយចង្វារបេយ៍ របស់លោកអ្នកឧកញ៉ា បណ្ឌិត ពុង ឃាវសែ ផ្តល់ជូនការបញ្ចុះតម្លៃពិសេសរហូតដល់ ៨.៨% លើគ្រប់ប្រភេទផ្ទះទាំងអស់ ជាមួយនឹងការបង់ឥតការប្រាក់រហូតដល់ ២៤ខែ!! appeared first on .

ក្នុងជំនួបនេះ ត្រូវបានធ្វើឡើងនៅអគារ Canadia Tower ដោយមានការអញ្ជើញចូលរួមពី អ្នកឧកញ៉ា លី ឃុនថៃ អនុប្រធានសមាគមសម្ព័ន្ធខ្មែរ-ចិននៅកម្ពុជា ព្រមទាំងសមាជិក សមាជិកា និងធុរជនសាធារណរដ្ឋប្រជាមានិត​ចិន​ ជាច្រើនរូបទៀត។

ក្នុងឱកាសនេះ ភាគីទាំងពីរបានធ្វើការផ្លាស់ប្តូរស៊ីជម្រៅលើប្រធានបទដូចជា ប្រវត្តិនៃការអភិវឌ្ឍន៍របស់ជនជាតិចិន​នៅក្រៅប្រទេស ពិសេសនៅកម្ពុជា បរិយាកាសធុរកិច្ច និងការវិនិយោគ និងការពង្រឹងកិច្ចសហប្រតិបត្តិការរវាង​សហគ្រិន​វ័យក្មេងនៃប្រទេសទាំងពីរ។

ទាក់ទងនឹងបរិយាកាសវិនិយោគ លោកអ្នកឧកញ៉ា ពុង ឃាវសែ បានថ្លែងថា ប្រទេសកម្ពុជាមានស្ថិរភាព​នយោបាយ កំណើនសេដ្ឋកិច្ចស្ថិរភាព ហើយរដ្ឋាភិបាលបានដាក់ចេញនូវគោលនយោបាយ​វិនិយោគអនុគ្រោះ​ជាច្រើន។ ជាមួយនឹងការពង្រឹងសហគមន៍អនាគតរួមចិន-កម្ពុជា និងការបន្តកើនឡើងនៃកិច្ចសហប្រតិបត្តិការ​សេដ្ឋកិច្ច និងពាណិជ្ជកម្មទ្វេភាគី ប្រទេសកម្ពុជាបានក្លាយជាគោលដៅសំខាន់មួយ សម្រាប់សហគ្រាសចិន ដែលកំពុង​ពង្រីកខ្លួនចូលទៅក្នុងទីផ្សារអាស៊ានផងដែរ៕

The post លោកអ្នកឧកញ៉ា ពុង ឃាវសែ ដឹកនាំសមាជិកសមាគមសម្ព័ន្ធខ្មែរ-ចិននៅកម្ពុជា ជួបសម្ដែងការគួរសមជាមួយ​សមាគមយុវជនពាណិជ្ជករក្វាំងចូវ appeared first on .

កិច្ចប្រជុំនេះធ្វើឡើងក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ដោយមានការអញ្ជើញ​ចូលរួមពីឯកឧត្តម វ៉ាង វិនពីន ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន​ប្រចាំព្រះរាជាណាចក្រកម្ពុជា, ព្រមទាំងថ្នាក់ដឹកនាំក្រសួង-ស្ថាប័នពាក់ព័ន្ធ គណៈប្រតិភូធុរជនចិនទៀជីវ វិនិយោគិន និងភ្ញៀវកិត្តិយសជាតិ និងអន្តរជាតិប្រមាណជាង ៤០០នាក់ មកពីបណ្តាប្រទេសនានា​ជុំវិញ​ពិភពលោក។

ក្នុងឱកាសនេះដែរ ឯកឧត្តមរដ្ឋមន្ត្រី បានគូសបញ្ជាក់ថា មហាសន្និបាតធុរជនចិនទៀជីវពិភពលោក លើកទី១១ ដែលគ្រោងនឹងប្រព្រឹត្តទៅនៅព្រះរាជាណាចក្រកម្ពុជា ចាប់ពីថ្ងៃទី២ ដល់ថ្ងៃទី៥ ខែធ្នូ ឆ្នាំ២០២៦ គឺជាព្រឹត្តិការណ៍​អន្តរជាតិដ៏មានសារៈសំខាន់ និងជាលើកទី១ ក្នុងប្រវត្តិសាស្ត្រដែលមហាសន្និបាតនេះ​ត្រូវបានរៀបចំឡើងនៅ​ក្រៅប្រទេសចិន។ ព្រឹត្តិការណ៍នេះនឹងក្លាយជាឱកាសដ៏មានតម្លៃសម្រាប់កម្ពុជា ក្នុងការបង្ហាញពីសក្តានុពល​សេដ្ឋកិច្ច បរិយាកាសវិនិយោគ និងភាពទាក់ទាញនៃវិស័យទេសចរណ៍កម្ពុជាទៅកាន់ឆាកអន្តរជាតិ ព្រមទាំង​ពង្រឹងចំណងមិត្តភាព និងកិច្ចសហប្រតិបត្តិការរវាងកម្ពុជា និងចិនឱ្យកាន់តែរឹងមាំ។

សូមជម្រាបជូនថា បើតាមស្ថិតិទេសចរណ៍ ឆ្នាំ២០២៥ កម្ពុជាបានទទួលភ្ញៀវទេសចរអន្តរជាតិប្រមាណ ៦,៧លាននាក់ ដែលក្នុងនោះមានភ្ញៀវទេសចរចិនជាង ១,២លាននាក់ កើនឡើងប្រមាណ ៤២ភាគរយ។ ដោយឡែក ក្នុងរយៈពេលប្រាំខែដំបូងនៃឆ្នាំ២០២៦នេះ ភ្ញៀវទេសចរចិនបានឈរនៅលំដាប់ទី១ ក្នុងចំណោមភ្ញៀវ​ទេសចរ​អន្តរជាតិដែលធ្វើដំណើរមកកម្ពុជា ដែលឆ្លុះបញ្ចាំងពីសក្តានុពលខ្ពស់នៃទីផ្សារទេសចរ​ចិនសម្រាប់វិស័យ​ទេសចរណ៍កម្ពុជា៕

The post លោកអ្នកឧកញ៉ា ពុង ឃាវសែ ចូលរួមកិច្ចប្រជុំទូលាយប្រធានសមាគមនៃមហាសន្និបាតធុរជន ចិនទៀជីវពិភពលោក លើកទី១១ appeared first on .

ក្នុងឱកាសនោះ លោកអ្នកឧកញ៉ា ពុង ឃាវសែ បានទទួលស្វាគមន៍យ៉ាងកក់ក្តៅ ក្រុមអ្នកវិនិយោគ ជនជាតិចិនទៀជីវ ដែលធ្វើដំណើរមកប្រទេសកម្ពុជា ដើម្បីត្រៀមចូលរួមមហាសន្និបាតធុរកិច្ច ចិនទៀជីវ និង បានស្វែងយល់ពី ឱកាសវិនិយោគ ទេសចរណ៍ ក្នុងប្រទេសកម្ពុជា។

លោកអ្នកឧកញ៉ា ប្រធានសមាគមសម្ព័ន្ធខ្មែរចិននៅកម្ពុជា បានមានប្រសាសន៍ថា៖ “ការជួបជុំគ្នានៅយប់នេះ មិនត្រឹមតែជាការជួបជុំមិត្តភក្តិចាស់ៗប៉ុណ្ណោះទេ ប៉ុន្តែក៏ជាការពិភាក្សាអំពីអនាគត និងការប្តេជ្ញាចិត្តក្នុងការធ្វើការ​ជាមួយគ្នាផងដែរ”។

លោកអ្នកឧកញ៉ា ពុង ឃាវសែ បានបន្ថែមថា ប្រទេសកម្ពុជាកំពុងរីកចម្រើននៅក្នុងគ្រប់ឧស្សាហកម្មទាំងអស់ ហើយពោរពេញដោយឱកាស ហើយលោកសូមអញ្ជើញដោយស្មោះស្ម័គ្រដល់អ្នកជំនួញ​ជនជាតិទៀជីវ ទូទាំងពិភព​លោកឲ្យមកកម្ពុជា ស្វែងយល់ពីប្រទេសកម្ពុជា សម្រាប់កិច្ចសហប្រតិបត្តិការអាជីវកម្ម​ ដែលកំពុងរីកចម្រើន។ លោកអ្នកឧកញ៉ាជឿជាក់យ៉ាងមុតមាំថា សន្និបាតសហគ្រិនជនជាតិទៀជីវពិភពលោក លើកទី១១ នឹងមិនត្រឹមតែ​ជាព្រឹត្តិការណ៍ជួបជុំគ្នាដ៏កក់ក្តៅ និងគួរឱ្យចាប់អារម្មណ៍ប៉ុណ្ណោះទេ ប៉ុន្តែក៏ជាស្ពានដ៏រឹងមាំមួយដែលភ្ជាប់ឱកាស​អាជីវកម្ម និងបង្រួបបង្រួមកម្លាំងផងដែរ៕

The post លោកអ្នកឧកញ៉ា អ្នកឧកញ៉ាៗច្រើនរូប ចូលរួមពិធីជួបជុំគ្នាអាហារសាមគ្គី ក្នុង «មហាសន្និបាត ធុរជន ចិនទៀជីវ» appeared first on .

លោកអ្នកឧកញ៉ា អ្នកឧកញ៉ា ឧកញ៉ាៗ ២៨ រូប ដែលត្រូវបានទទួលស្គាល់ជាសមាជិកទីប្រឹក្សាសភាពាណិជ្ជកម្ម​រាជធានីភ្នំពេញ សម្រាប់អាណត្តិទី៤ លើកទី២ រួមមាន៖ លោកអ្នកឧកញ៉ា ពុង ឃាវសែ, ឧកញ៉ា វ៉ាន់ ឆារស៍ជួន, ឧកញ៉ា ហេង វ៉ាន់ដា, អ្នកឧកញ៉ា ជាម ឃុនណាត, ឧកញ៉ា លូ ម៉េង, ឧកញ៉ា ស៊ិន ចន្ធី, ឧកញ៉ា ថៃ វ៉ាន់, អ្នកឧកញ៉ា សំ សុខនឿន, អ្នកឧកញ៉ា តេង ហឿង, អ្នកឧកញ៉ា គួច ម៉េងលី, អ្នកឧកញ៉ា សុខ ឡេង, ឧកញ៉ា ជា សុខឃាង, អ្នកឧកញ៉ា អុឹង លីហេង, ឧកញ៉ា ចាន់ សុឃាំង, ឧកញ៉ា ម៉ុង រិទ្ធថា, អ្នកឧកញ៉ា ស៊ី ហ៊ូហ៊ុយ, ឧកញ៉ា ម៉ី តារារិទ្ធ, ឧកញ៉ា ឡេង ឫទ្ធី, ឧកញ៉ា សុង សារ៉ន, ឧកញ៉ា ប៉ិច បូឡែន, លោកជំទាវឧកញ៉ា ស៊្រាត មុំសុភា, លោក​ជំទាវឧកញ៉ា ស៊ន សុទ្ធី, ឧកញ៉ាបណ្ឌិត គីម ហ៊ាង, ឧកញ៉ា សុធី សុវិត្យា, ជំទាវឧកញ៉ា កែវ ចំរើន, ឧកញ៉ា អន ប៊ុនហាក់, លោកជំទាវឧកញ៉ា ចាន់ ធានី និងលោកជំទាវអ្នកឧកញ៉ា អុឹង ស៊ាងរិទ្ធី។

សូមជម្រាបថា​ សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅទូទាំង​ប្រទេស ព្រមទាំងដៃគូកម្រិតតំបន់ និងពិភពលោក។ សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមាន​លក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជន​លើផ្នែក​ពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែន​សមត្ថកិច្ចរបស់ខ្លួន និងនៅទូទាំងប្រទេស។ បច្ចុប្បន្ន សភាពាណិជ្ជកម្មកម្ពុជា ដឹកនាំដោយ អ្នកឧកញ៉ា គិត ម៉េង ជាប្រធាន៕

The post លោកអ្នកឧកញ៉ា អ្នកឧកញ៉ា ឧកញ៉ាៗ ២៨ រូប ត្រូវបានទទួលស្គាល់ជាសមាជិកទីប្រឹក្សាសភាពាណិជ្ជកម្ម​រាជធានីភ្នំពេញ សម្រាប់អាណត្តិទី៤ លើកទី២ appeared first on .

ការព្រមព្រៀងទើបត្រូវបានសម្រេច បន្ទាប់ពីការសិក្សាវាយតម្លៃយ៉ាងយកចិត្តទុកដាក់ ក្នុងនោះរួមមាន សមិទ្ធលទ្ធភាពនៃគម្រោង លើតថភាពលក្ខណៈបច្ចេកទេស ប្រតិបត្តិការ ការវាយតម្លៃហេតុនិងផល​ប៉ះពាល់​បរិស្ថាន និងសង្គម (ESIA)។ ស្របតាមការអនុវត្តនីតិវីធីកន្លងមក នីតិវិធីជាបន្តរបន្ទាប់នឹងត្រូវបំពេញ រួមបញ្ចូលទាំងដំណើរការជូនដំណឹងរបស់សភាជាន់ខ្ពស់ផងដែរ មុននឹងហិរញ្ញប្បទាននេះ ត្រូវទទួលបានភតិសន្យា​និងចូលជាស្ថាពរបាន។

ការសម្រេចបានដ៏សំខាន់នេះ គឺបានមកពីការខិតខំនិងទំនាក់ទំនងរយះពេលជាច្រើនឆ្នាំ រវាងក្រុមហ៊ុនសម្ព័ន្ធ​កាណាឌីយ៉ា និង OCIC ជាមួយស្ថាប័នផ្សេងៗរបស់សហរដ្ឋអាមេរិក រួមមានស្ថានទូតសហរដ្ឋអាមេរិក សភាពាណិជ្ជកម្មអាមេរិកនៅកម្ពុជា និងបណ្តាក្រុមហ៊ុនអាមេរិកជាច្រើនផ្សេងទៀតដូចជា General Electric, OTIS, Caterpillar, Ford និង Apple។

ប្រធានក្រុមប្រឹក្សាភិបាល របស់ក្រុមហ៊ុនសម្ព័ន្ធកាណាឌីយ៉ា និង OCIC លោកអ្នកឧកញ៉ា ពុង ឃាវសែ បានប្រសាសន៍ថា “យើងមានសេចក្តីសោមនស្សរីករាយស្វាគមន៍ សាជីវកម្មហិរញ្ញវត្ថុអភិវឌ្ឍន៍អន្តរជាតិ​របស់សហរដ្ឋអាមេរិក (DFC) ក្នុងនាមជាដៃគូក្នុងគម្រោងអាកាសយានដ្ឋានអន្តរជាតិតេជោ។ នេះគឺជាការប្តេជ្ញា​ចិត្តរួមគ្នារវាងកម្ពុជា និងសហរដ្ឋអាមេរិក ដើម្បីឆ្ពោះទៅរកការអភិវឌ្ឍន៍ហេដ្ឋារចនាសម្ព័ន្ធ​ដែលគាំទ្រដល់ការ​រីកចម្រើននិងលើកកម្ពស់ការតភ្ជាប់ក្នុងតំបន់ និងពិភពលោក”។

DFC បានបញ្ជាក់ថា “ការវិនិយោគនេះនឹងគាំទ្រដល់ការពង្រីកហេដ្ឋារចនាសម្ព័ន្ធ​អាកាសចរណ៍របស់​ព្រះរាជា​ណាចក្រកម្ពុជា និងលើកកម្ពស់ឱកាសសេដ្ឋកិច្ចកាន់តែទូលំទូលាយសម្រាប់ពាណិជ្ជកម្ម កំណើនសេដ្ឋកិច្ច និងការអភិវឌ្ឍន៍។ ការសម្រេចបាននេះ បានគូសបញ្ជាក់ពីតួនាទីរបស់ DFC ក្នុងនាមជាដៃគូដែលមានសមត្ថភាព​ក្នុងការផ្តល់ទុនហិរញ្ញវត្ថុ ជំនាញពិសោធន៍ និងការច្នៃប្រឌិត ដើម្បីពង្រឹងហេដ្ឋារចនាសម្ព័ន្ធដ៏សំខាន់​បំផុតមួយនេះ​របស់ព្រះរាជាណាចក្រកម្ពុជា”៕

The post ក្រុមហ៊ុន OCIC លោកអ្នកឧកញ៉ា ពុង ឃាវសែ ទទួលបានហិរញ្ញប្បទាន ១០០ លានដុល្លារ ពីសាជីវកម្ម​ហិរញ្ញវត្ថុអភិវឌ្ឍន៍អន្តរជាតិអាមេរិក សម្រាប់គម្រោងអាកាសយានដ្ឋានអន្តរជាតិតេជោ appeared first on .

លោកស្រី លឹម លីណា ត្រូវបានសម្តេចតេជោ ហ៊ុន សែន ប្រមុខរដ្ឋស្តីទី ចេញព្រះរាជក្រឹត្យ​ត្រាស់បង្គាប់​ផ្តល់​គោរមងារ​ជា «ឧកញ៉ា» នៅថ្ងៃទី០៦ ខែមីនា ឆ្នាំ២០២៦ យោងតាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

សូមជម្រាបថា ឧកញ៉ាវេជ្ជបណ្ឌិត លឹម លីណា កំពុងកាន់តួនាទីធំៗជាច្រើនក្នុងមុខជំនួញពហុវិស័យនៅកម្ពុជា រួមមានដូចជា អនុប្រធាន​ក្រុមប្រឹក្សាភិបាលក្រុមហ៊ុន OCIC, អភិបាលរបស់ធនាគារ កាណាឌីយ៉ា, អនុប្រធានក្រុម​ប្រឹក្សាភិបាលក្រុមហ៊ុនកាណាឌីយ៉ា អ៊ិនធើហ្គ្រេធីត គ្រុប, សហស្ថាបនិក និងជា CEO មន្ទីរពេទ្យ អុីនធ័រឃែរ (Intercare Hospital) និងជាអនុប្រធានក្រុមប្រឹក្សាភិបាល ធនាគារ ប្រៃសណីយ៍កម្ពុជា (CPBank)​ផងដែរ៕

The post ដឹងអត់ថា លោកស្រី លឹម លីណា អនុប្រធាន​ក្រុមប្រឹក្សាភិបាលក្រុមហ៊ុន OCIC ទទួលបានគោរមងារ «ឧកញ៉ា» តាំងពីពេលណា? appeared first on .

នាព្រឹកថ្ងៃទី២៨ ខែឧសភា ឆ្នាំ២០២៦នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយស​នៃមូលនិធិគន្ធបុប្ផាកម្ពុជា អញ្ជើញជាអធិបតី «ពិធីបើកយុទ្ធនាការ ១ម៉ឺនរៀល ១ម៉ឺននាក់» ឆ្នាំ២០២៦ «ពិធីសំណេះសំណាលជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជា» និង «ពិធីសំណេះសំណាល និងប្រគល់-ទទួលថវិកាបរិច្ចាគពីវិស័យឯកជន ជូនមូលនិធិគន្ធបុប្ផាកម្ពុជា»។

លោកជំទាវបណ្ឌិត ក៏បានកោតសរសើរ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្រសួង-ស្ថាប័ន បណ្តាវិស័យឯកជន ដៃគូពាក់ព័ន្ធ និងប្រជាពលរដ្ឋ ដែលមានទឹកចិត្តសប្បុរសយ៉ាងធំធេង ចូលរួមគាំទ្រមូលនិធិ​គន្ធបុប្ផា ទាំងកម្លាំងកាយចិត្ត និងធនធាន នាពេលកន្លងមក ដែលការរៀបចំយុទ្ធនាការនេះ គឺដើម្បីចូលរួមអបអរ​សាទរទិវាកុមារអន្តរជាតិ ១ មិថុនា ការបំផុសសកម្មភាពកៀរគរមូលនិធិសប្បុរសធម៌ ជាពិសេស គឺការបំផុសស្មារតី ខ្មែរជួយខ្មែរដល់ប្រជាពលរដ្ឋខ្មែរគ្រប់ស្រទាប់វណ្ណៈទាំងក្នុង និងក្រៅប្រទេស។

ធនាគារ កាណាឌីយ៉ា បានបន្ថែមថា តាមរយៈការចូលរួមនេះ ក្រុមហ៊ុនសង្ឃឹមថា ជាផ្នែកមួយរួមចំណែករក្សា​និរន្តរភាព​នៃកិច្ចដំណើការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក និងកុមារនៅកម្ពុជា។ ក្រុមហ៊ុនក៏សង្ឃឹមថា តាមរយៈការចូលរួមនេះនឹងបង្កើតឱ្យមានចលនាបំផុសបំផុល និងលើកទឹកចិត្តឱ្យមានការ​ចូលរួម​បរិច្ចាគជាច្រើនទៀតពីសាធារណជនគ្រប់មជ្ឈដ្ឋានផងដែរ។ ទាំងអស់គ្នាដើម្បីទារក និងកុមារនៅកម្ពុជា៕

The post ឧកញ៉ាវេជ្ជបណ្ឌិត លឹម លីណា នាំយកថវិកា ១០ម៉ឺនដុល្លារ បរិច្ចាគក្នុង «យុទ្ធនាការ ១ម៉ឺនរៀល១ម៉ឺននាក់» ប្រគល់ជូនលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត appeared first on .

ជាផ្នែកមួយនៃការបន្តគាំទ្រដល់សកម្មភាពមនុស្សធម៌ និងគំនិតផ្តួចផ្តើមសម្រាប់សហគមន៍នៅកម្ពុជា ក្រុមហ៊ុន​កាណាឌីយ៉ា អ៊ិនធើហ្គ្រេធីត គ្រុប បានចូលរួមឧបត្ថម្ភជាលើកទី២៦ ចំនួន ២០០,០០០ ដុល្លារអាមេរិក ជូនកាកបាទក្រហមកម្ពុជា ក្នុងបេសកកម្មមនុស្សធម៌របស់កាកបាទក្រហមកម្ពុជា ក្នុងការផ្តល់ជំនួយសង្គ្រោះបន្ទាន់ ការឆ្លើយតបគ្រោះមហន្តរាយ ការអភិវឌ្ឍសហគមន៍ និងការជួយឧបត្ថម្ភដល់ប្រជាជន និងសហគមន៍ងាយរងគ្រោះ​នៅ​ទូទាំងប្រទេសកម្ពុជា។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

The post ឧកញ៉ាវេជ្ជបណ្ឌិត Carolyne Pung តំណាងក្រុមហ៊ុន​ OCIC Group ប្រគល់ថវិកាបរិច្ចាគជូន​កាកបាទក្រហមកម្ពុជា ២០ម៉ឺនដុល្លារ ដល់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុត​ចំពោះ លោកអ្នកឧកញ៉ា ពុង ឃាវសែ និងលោកជំទាវ ដែលបានបរិច្ចាគថវិកាចំនួន ២០ម៉ឺនដុល្លារអាមេរិក ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារ​យុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់​ក្នុងការលើកកម្ពស់ស្មារតី​វប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post លោកអ្នកឧកញ៉ា ពុង ឃាវសែ និងលោកជំទាវ បរិច្ចាគថវិកា ២០ម៉ឺនដុល្លារអាមេរិក ជូនកាកបាទក្រហមកម្ពុជា appeared first on .