មន្ទីរពេទ្យគន្ធបុប្ផា ត្រូវបានដាក់ឈ្មោះតាមព្រះនាមព្រះអង្គម្ចាស់ក្សត្រីយ៍ នរោត្ដម គន្ធបុប្ផា ដែលជាព្រះរាជធីតាទី៨ របស់ព្រះករុណា ព្រះបាទសម្ដេចព្រះ នរោត្ដម សីហនុ។ មន្ទីរពេទ្យគន្ធបុប្ផាទី១ ត្រូវបានសាងសង់ឡើងនៅឆ្នាំ១៩៦៣ ក្រោមព្រះរាជបញ្ជាពីព្រះបាទសម្ដេចព្រះ នរោត្ដម សីហនុ។ បន្ទាប់ពីសង្គ្រាម លោកបណ្ឌិត បេអាត រិចឆ្នឺ (Beat Richner) ត្រូវបានរដ្ឋាភិបាលកម្ពុជាស្នើសុំឱ្យជួយជួសជុលមន្ទីរពេទ្យដែលរងការបំផ្លិចបំផ្លាញ ហើយលោកបានបង្កើតមូលនិធិគន្ធបុប្ផា នៅប្រទេសស្វីសនៅឆ្នាំ១៩៩២ ដើម្បីជួសជុល និងដាក់ឱ្យដំណើរការមន្ទីរពេទ្យឡើងវិញនៅឆ្នាំ១៩៩១។ មន្ទីរពេទ្យគន្ធបុប្ផា គឺជាមន្ទីរពេទ្យសប្បុរសធម៌ និងជាមន្ទីរពេទ្យកុមារថ្នាក់ជាតិដ៏ធំមួយនៅកម្ពុជា ដែលផ្ដល់សេវាពិនិត្យ និងព្យាបាលជំងឺជូនទារក កុមារ និងស្ត្រីមានផ្ទៃពោះ ដោយឥតគិតថ្លៃ និងមិនមានការរើសអើង។

គួររំឭកថា កាលថ្ងៃទី២៩ ខែកក្កដា ឆ្នាំ២០២៦ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋាន​កម្ពុជា ក៏បានដឹកនាំសមាជិក-សមាជិកា យកថវិកាបរិច្ចាគឧបត្ថម្ភជូន មូលនិធិគន្ធបុប្ផាកម្ពុជា ក្រោមយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ដែលជាគំនិតផ្តួចផ្តើមដ៏មានអត្ថន័យ និងពោរពេញដោយស្មារតីសប្បុរសធម៌ ដែល លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយសនៃមូលនិធិគន្ធបុប្ផាកម្ពុជា។

លោកអ្នកឧកញ៉ា លី ហួរ បានមានប្រសាសន៍ថា មន្ទីរពេទ្យគន្ធបុប្ផា បានដើរតួនាទីយ៉ាងសំខាន់ក្នុងការសង្គ្រោះ​អាយុជីវិត និងថែទាំសុខភាពកុមារកម្ពុជា រាប់លាននាក់ អស់រយៈពេលជាច្រើនទសវត្សរ៍មកហើយ ដូច្នេះការចូលរួម​របស់យើងម្នាក់ បន្តិចៗ នឹងក្លាយជាកម្លាំងដ៏ធំមួយ ដើម្បីធានាថា មន្ទីរពេទ្យនៅតែអាចបន្តបេសកកម្ម​ដ៏ឧត្តុង្គឧត្តម​នេះបាន។ ការចូលបរិច្ចាគថវិកាតិចឬច្រើន បានបង្ហាញឱ្យឃើញថា ការចែករំលែកមិនស្ថិតនៅលើទំហំទឹក​ប្រាក់​នោះទេ ប៉ុន្តែស្ថិតនៅលើទឹកចិត្ត និងការចូលរួមរបស់មនុស្សគ្រប់រូប៕

The post លោកអ្នកឧកញ៉ា លី ហួរ ឧបត្ថម្ភគ្រែសង្គ្រោះបន្ទាន់កុមារ ចំនួន៥គ្រែ សរុបថវិកា ១០,០០០ដុល្លារ ជូនដល់មន្ទីរពេទ្យគន្ធបុប្ផា appeared first on .

លោកអ្នកឧកញ៉ា លី ហួរ បានមានប្រសាសន៍ថា មន្ទីរពេទ្យគន្ធបុប្ផា បានដើរតួនាទីយ៉ាងសំខាន់ក្នុងការសង្គ្រោះ​អាយុជីវិត និងថែទាំសុខភាពកុមារកម្ពុជា រាប់លាននាក់អស់រយៈពេលជាច្រើនទសវត្សរ៍មកហើយ ដូច្នេះការចូលរួម​របស់យើងម្នាក់ បន្តិចៗ នឹងក្លាយជាកម្លាំងដ៏ធំមួយ ដើម្បីធានាថា មន្ទីរពេទ្យនៅតែអាចបន្តបេសកកម្ម​ដ៏ឧត្តុង្គឧត្តម​នេះបាន។ យុទ្ធនាការ «១ម៉ឺនរៀល ១ម៉ឺននាក់» បានបង្ហាញឱ្យឃើញថា ការចែករំលែកមិនស្ថិតនៅលើទំហំទឹក​ប្រាក់​នោះទេ ប៉ុន្តែស្ថិតនៅលើទឹកចិត្ត និងការចូលរួមរបស់មនុស្សគ្រប់រូប ក្នុងនោះផងដែរសមាគមអ្នកអភិវឌ្ឍន៍​លំនៅឋានកម្ពុជាក៏បានចូលរួមយ៉ាងសកម្មជាមួយមន្ទីរពេទ្យ និងរដ្ឋាភិបាល ក្នុងការផ្សព្វផ្សាយ និងកៀរគរសមាជិក​របស់ខ្លួនដើម្បីចូលរួមគាំទ្រ និងឧបត្ថម្ភក្នុងបេសកកម្មដ៍មានអត្ថន័យ និងសារៈសំខាន់មួយ។

ជាក់ស្តែង នេះជាលើកទី៣ ហើយដែលសមាគមអ្នកអភិវឌ្ឍន៍លំនៅឋានកម្ពុជា បានចូលរួមកៀរគរ និងប្រគល់​ថវិកា​បរិច្ចាគជូនមូលនិធិគន្ធបុប្ផាកម្ពុជា ដោយ៖

– លើកទី១ បានបរិច្ចាគថវិកាចំនួន ៥៩ ៩៩៩ ដុល្លារអាម៉េរិក កាលពីឆ្នាំ២០២៤

– លើកទី២ បានបរិច្ចាគថវិកាចំនួន ១០០ ០០០ ដុល្លារអាម៉េរិក កាលពីឆ្នាំ២០២៥

– លើកទី៣ នៅឆ្នាំ២០២៦ នេះបរិច្ចាគថវិកាចំនួន ៥០ ៩៩៩.៩៩ ដុល្លារអាម៉េរិក។

បន្ថែមលើនេះ លោកអ្នកឧកញ៉ា លី ហួរ ក៏ជាសមាជិកស្ថាបនិក ១រូប ក្នុងចំណោមសមាជិកស្ថាបនិកទាំង ១៣៣ រូប របស់មូលនិធិគន្ធបុប្ផាកម្ពុជា ដោយលោកអ្នកឧកញ៉ា លី ហួរ បានបរិច្ចាគថវិកាចំនួន ៥០ ០០០ដុល្លារអាម៉េរិក ជូនមូលនិធិគន្ធបុប្ផាកម្ពុជា ក្នុងអំឡុងពិធីសម្ពោធដាក់ឱ្យដំណើរការជាផ្លូវការ “មូលនិធិគន្ធបុប្ផាកម្ពុជា” កាលពី​ថ្ងៃទី១១ ខែមេសា ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់ សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សហប្រធានស្ថាបនិកនៃមូលនិធិគន្ធបុប្ផាកម្ពុជា។

ក្នុងឱកាសនេះផងដែរ លោកជំទាវអ្នកឧកញ៉ា ចាន់ សុទ្ធា ទីប្រឹក្សាជាន់ខ្ពស់ សមាគម និងជាអគ្គនាយិកា ក្រុមហ៊ុន សេនជូរី គ្រុប បានឧបត្ថមបន្ថែមនូវ គ្រែសម្រាកព្យាបាលចំនួន ២០០គ្រែ និងគ្រែសង្គ្រោះបន្ទាន់កុមារចំនួន ៥គ្រែ ក្នុងគ្រែមួយមានតម្លៃ ២០០០ដុល្លារ និងឯកឧត្តម សាស្រ្តាចារ្យ ទូស សាភឿន សមាជិកសមាគម និងជាប្រធាន​ក្រុមប្រឹក្សាភិបាល ខេមបូឌាន អង្គរ លែន ប្រផឹធី អេន មេនេច ម៉ិន ឯ.ក បានចូលរួមឧបត្ថមគ្រែសង្គ្រោះបន្ទាន់​កុមារចំនួន ៥គ្រែ ក្នុងមួយគ្រែមានតម្លៃ ២០០០ ដុល្លារ៕

The post លោកអ្នកឧកញ៉ា លី ហួរ ដឹកនាំសមាជិកសមាគមអ្នកអភិវឌ្ឍន៍លំនៅឋានកម្ពុជា នាំយកថវិកាបរិច្ចាគជូន មូលនិធិគន្ធបុប្ផាកម្ពុជា ក្រោមយុទ្ធនាការ «១ម៉ឺនរៀល ១ម៉ឺននាក់» appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជន​របួសនិងពលីក្នុងសមរភូមិ។

The post លោកអ្នកឧកញ៉ា លី ហួរ និងអ្នកឧកញ៉ា ស៊ាង លីម បរិច្ចាគថវិកា ១០,០០០ ដុល្លារអាម៉េរិក ជូនកាកបាទក្រហមកម្ពុជា appeared first on .

ក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់សមាគមអ្នកអភិវឌ្ឍន៍លំនៅឋានកម្ពុជា ក្រោមអធិបតី លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោកអ្នកឧកញ៉ាប្រធានសមាគម បានមានប្រសាសន៍ថា សម្រាប់ទិសដៅយុទ្ធសាស្រ្តឆ្នាំ២០២៦ សមាគមអ្នកអភិវឌ្ឍន៍លំនៅឋានកម្ពុជា នឹងអនុវត្តនូវយុទ្ធសាស្ត្រអាទិភាពគោលចំនួន ៥ ដែលមានលក្ខណៈជាក់ស្តែង ប្រទាក់ក្រឡាគ្នា អាចវាស់វែងបាន និងស្របតាមតថភាពនៃទីផ្សារ ដើម្បីផ្តល់តម្លៃប្រកបដោយតុល្យភាព តាមរយៈសាមគ្គីភាព និងចូលរួមគាំទ្រក្នុងចំណោមសមាជិក និងកិច្ចសហប្រតិបត្តិការជិតស្និទ្ធជាមួយរាជរដ្ឋាភិបាល ព្រមទាំងដៃគូ អន្តរជាតិ។

លោកអ្នកឧកញ៉ា បានបញ្ជាក់ថា «គោលបំណងរបស់យើង មិនត្រឹមតែដើម្បីឆ្លើយតបទៅនឹងបញ្ហាប្រឈមប៉ុណ្ណោះទេ ប៉ុន្តែ គឺដើម្បីកសាងទំនុកចិត្តឡើងវិញ និងពង្រឹងគ្រឹះនៃវិស័យលំនៅឋាន និងបុរីសម្រាប់រយៈពេលវែង»។ យុទ្ធសាស្ត្រអាទិភាពគោលទាំង ៥ចំណុច រួមមាន៖

១.ស្ថិរភាពទីផ្សារលំនៅឋាន៖ យើងនឹងផ្តល់អាទិភាពដល់ស្ថិរភាពទីផ្សារ។ យើង ជាពិសេសការកំណត់តម្លៃប្រកប នឹងលើកទឹកចិត្តដល់ការអភិវឌ្ឍប្រកបដោយការទទួលខុសត្រូវ ដោយតថភាព ការបែងចែកដំណាក់កាលគម្រោងដោយហ្មត់ចត់ និងការគ្រប់គ្រងស្តុកលំនៅឋានឱ្យ បានល្អប្រសើរ។ យើងចង់ស្តារទំនុកចិត្តក្នុងចំណោមអ្នកទិញ និងវិនិយោគិន ដោយធានាថាទីផ្សារ មានសណ្តាប់ធ្នាប់ តម្លាភាព និងនិរន្តរភាព។

២.ពង្រឹងអភិបាលកិច្ច និងវិជ្ជាជីវៈ ៖ យើងនឹងពង្រឹងអភិបាលកិច្ច និងវិជ្ជាជីវៈនៅតាមបណ្តាក្រុមហ៊ុនជាសមាជិក។ កិច្ចការនេះ រួមមានការពង្រឹងវប្បធម៌អនុលោមភាព ការកែលម្អការ គ្រប់គ្រងគម្រោង ការធានាគុណភាពសំណង់ឱ្យកាន់តែប្រសើរ និងការអនុវត្តអាជីវកម្មឱ្យកាន់តែមាន តម្លាភាព។ វិស័យដែលមានវិជ្ជាជីវៈខ្ពស់នឹងទទួលបានទំនុកចិត្តពីសាធារណជន ហើយទំនុកចិត្តនេះ គឺជាគ្រឹះដ៏រឹងមាំបំផុតសម្រាប់ការរីកចម្រើនរយៈពេលវែង។

៣.កែលម្អលទ្ធភាពទទួលបានហិរញ្ញប្បទាន៖ យើងនឹងខិតខំកែលម្អលទ្ធភាពទទួលបាន ហិរញ្ញប្បទាន។ សមាគម នឹងបន្តកិច្ចសន្ទនាជាមួយធនាគារជាតិនៃកម្ពុជា និងគ្រឹះស្ថានធនាគារនិង ហិរញ្ញវត្ថុ ដើម្បីស្វែងរកដំណោះស្រាយជាក់ស្តែងដែលគាំទ្រទាំងអ្នកទិញផ្ទះ និងអ្នកអភិវឌ្ឍន៍ ជា ពិសេសលទ្ធភាពទទួលបានឥណទានគេហដ្ឋាន យន្តការផ្តល់កម្ចីដែលសមស្រប និងរចនាសម្ព័ន្ធ ហិរញ្ញប្បទានដែលឆ្លុះបញ្ចាំងពីស្ថានភាពទីផ្សារជាក់ស្តែង។

៤.លើកកម្ពស់ការអភិវឌ្ឍបៃតង និងនិរន្តរភាព៖ យើងនឹងលើកកម្ពស់ការអភិវឌ្ឍបៃតង និងនិរន្តរភាព។ សមាគម នឹងលើកទឹកចិត្តសមាជិកឱ្យអនុវត្តការប្រើប្រាស់ថាមពលប្រកបដោយ ប្រសិទ្ធភាព និងទំនួលខុសត្រូវចំពោះបរិស្ថាន ដែលជួយកែលម្អគុណភាពរស់នៅ កាត់បន្ថយចំណាយ ប្រតិបត្តិការសម្រាប់ម្ចាស់ផ្ទះ និងស្របតាមស្តង់ដារសកលដែលកំពុងលេចឡើង។ នេះមិនមែនគ្រាន់ តែជានិន្នាការនោះទេ ប៉ុន្តែវាគឺជាទិសដៅចាំបាច់សម្រាប់ការអភិវឌ្ឍទីក្រុងទំនើប និងបរិដ្ឋានល្អ

៥.បង្កើនកិច្ចសហប្រតិបត្តិការជាមួយរាជរដ្ឋាភិបាល និងដៃគូអន្តរជាតិ៖ យើងនឹងពង្រឹងកិច្ចសហប្រតិបត្តិការឱ្យកាន់តែស៊ីជម្រៅជាមួយរាជរដ្ឋាភិបាល និងពង្រីកការផ្សារភ្ជាប់ជាមួយដៃ គូអន្តរជាតិ។ ក្នុងស្រុក យើងនឹងបន្តគាំទ្រដល់ការអនុវត្តគោលនយោបាយ និងការសម្របសម្រួល ប្រកបដោយការស្ថាបនាជាមួយក្រសួងពាក់ព័ន្ធ។

The post លោកអ្នកឧកញ៉ា លី ហួរ ដាក់ចេញយុទ្ធសាស្ត្រ ៥ចំណុច របស់សមាគមអ្នកអភិវឌ្ឍន៍លំនៅឋានកម្ពុជា ដើម្បីកសាងទំនុកចិត្ត និងពង្រឹងគ្រឹះនៃវិស័យលំនៅឋាន និងបុរី រយៈពេលវែង appeared first on .

ក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់សមាគមអ្នកអភិវឌ្ឍន៍លំនៅឋានកម្ពុជា ក្រោមអធិបតី លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោកអ្នកឧកញ៉ាប្រធានសមាគម បានលើកឡើងសមិទ្ធផលធំៗចំនួន ៥ ដូចខាងក្រោម៖

១.រក្សាបាននូវសមាជិកភាពរហូតដល់ ៥៥ក្រុមហ៊ុន ដែលឆ្លុះបញ្ចាំងពីការកើនឡើងនៃទំនុកចិត្តលើសមាគមក្នុងការជួយពង្រឹងកេរ្តិ៍ឈ្មោះ និងឥទ្ធិពលរបស់សមាគមក្នុងវិស័យអចលនទ្រព្យនៅកម្ពុជា។

២.បានចូលរួមយ៉ាងសកម្មជាមួយធនាគារជាតិនៃកម្ពុជា និងក្រសួងពាក់ព័ន្ធ ដើម្បីតស៊ូមតិ និងគាំទ្រដល់កញ្ចប់វិធានការគាំទ្រ ៨ចំណុចរបស់រាជរដ្ឋាភិបាល ការអនុគ្រោះពន្ធសម្រាប់អចលនទ្រព្យ ដែលមានតម្លៃក្រោម ៧ម៉ឺនដុល្លារអាមេរិក និងការលើកទឹកចិត្តសម្រាប់អ្នកទិញលំនៅឋានដំបូង ដែលមានតម្លៃរហូតដល់ ២១ម៉ឺនដុល្លារអាមេរិក។

៣.បានផ្តល់មតិយោបល់ស៊ីជម្រៅលើច្បាប់ និងបទប្បញ្ញត្តិពាក់ព័ន្ធនឹងវិស័យនេះ ដើម្បីធានាឱ្យបាននូវការអនុវត្តលើការអភិវឌ្ឍប្រកបដោយចីរភាព មានសណ្តាប់ធ្នាប់ និងត្រឹមត្រូវតាមច្បាប់ ក្នុងចំណោមសមាជិក។

៤.បានរៀបចំកិច្ចប្រជុំចំគោលដៅ ដើម្បីដោះស្រាយបញ្ហាប្រឈមក្នុងវិស័យសំណង់ បញ្ហាពន្ធដារ និងឧបសគ្គនៃការអភិវឌ្ឍនានា ដែលប៉ះពាល់ដល់ក្រុមហ៊ុនសមាជិក។

៥.បានបំពេញកាតព្វកិច្ចសង្គម តាមរយៈការបរិច្ចាគសប្បុរសធម៌ជូនមូលនិធិគន្ធបុប្ផា និងការគាំទ្រ ស្មារតីសាមគ្គីជាតិដល់វីរកងទ័ពជួរមុខ និងសហគមន៍ដែលរងផលប៉ះពាល់ជាដើម។

ក្នុងឱកាសនោះដែរ លោកអ្នកឧកញ៉ា បានមានប្រសាសន៍ថា សមាគមអ្នកអភិវឌ្ឍន៍លំនៅឋានកម្ពុជា បានខិតខំប្រឹងប្រែងដោយភាពហ្មត់ចត់ និងការប្តេជ្ញាចិត្តខ្ពស់ ដើម្បីពង្រឹងការសម្របសម្រួលក្នុងចំណោមសមាជិក-សមាជិកា លើកកម្ពស់ការអនុវត្តតាមបទប្បញ្ញត្តិនានា គាំទ្រដល់កិច្ចសន្ទនាគោលនយោបាយប្រកបដោយការស្ថាបនា ជាមួយក្រសួងពាក់ព័ន្ធ និងធនាគារជាតិនៃកម្ពុជា ព្រមទាំងតស៊ូមតិដើម្បីទទួលបានវិធានការគាំទ្រជាក់ស្តែង សម្រាប់អ្នកអភិវឌ្ឍន៍ និងអ្នកទិញលំនៅឋាន៕

The post លោកអ្នកឧកញ៉ា លី ហួរ បង្ហាញសមិទ្ធផលធំៗចំនួន៥ របស់សមាគមអ្នកអភិវឌ្ឍន៍លំនៅឋានកម្ពុជា ក្នុងឆ្នាំ២០២៥ appeared first on .

សម្រាប់ពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារសម្រាប់ឆ្នាំ២០២៦ សមាគមអ្នកអភិវឌ្ឍន៍លំនៅឋានកម្ពុជា នឹងត្រូវធ្វើឡើងនៅពេលរសៀល ក្រោមអធិបតីភាពដ៏ខ្ពង់ខ្ពស់ពី ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អមដោយថ្នាក់ដឹកនាំ​ក្រសួងជាច្រើនរូបទៀត។

សូមជម្រាបថា ក្នុងពិធីបិទសន្និបាតខាងលើនេះ លោកអ្នកឧកញ៉ា លី ហួរ ប្រធានសមាគម នឹងឡើងអានរបាយការណ៍ស្វាគមន៍ បន្ទាប់មកនឹងមានប្រសាសន៍ណែនាំបិទដោយ ឧបនាយករដ្ឋមន្ត្រី សាយ សំអាល់។ តាមកម្មវិធី នៅពេល​ល្ងាចក៏មានកម្មវិធីថតរូបអនុស្សាវរីយ៍ និងពិធីពិសារភោជនាហារសាមគ្គីផងដែរ៕

The post លោកអ្នកឧកញ៉ា លី ហួរ នឹងដឹកនាំរៀបចំពិធីសន្និបាតបូកសរុបលទ្ធផលការងារប្រចាំឆ្នាំ របស់សមាគមអ្នកអភិវឌ្ឍន៍លំនៅឋានកម្ពុជា នៅថ្ងៃស្អែកនេះ appeared first on .

ការចូលរួមឧបត្ថម្ភថវិការបស់ លោកអ្នកឧកញ៉ា លី ហួរ និងលោកជំទាវ គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post លោកអ្នកឧកញ៉ា លី ហួរ ចូលរួមឧបត្ថម្ភថវិកា ២០០,០០០ដុល្លារ (២០មុឺនដុល្លារ) ដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា appeared first on .

ពិធីអាពាហ៍ពិពាហ៍គូស្វាមីភរិយាថ្មីនេះ កូនប្រុសឈ្មោះ អូន ព័ន្ធមុនីរាជសក្តិ ត្រូវជាកូនប្រុស ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងកូនស្រីឈ្មោះ ងី វិនីកា ជាកូនស្រីឯកឧត្ដមសាស្ត្រាចារ្យវេជ្ជបណ្ឌិត ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត។

ពិធីមង្គលការរវាងកូនប្រុសស្រីថ្នាក់ដឹកនាំកំពូល និងក្រុមគ្រួសារអភិជនដ៏ធំនាឆ្នាំ២០២៥នេះ ត្រូវបានអញ្ជើញចូលរួមជាកិត្តិយសពីសំណាក់សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ, សម្តេចធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ្រ ចន្ទមុនី ព្រមទាំងថ្នាក់ដឹកនាំកំពូល នៃរាជរដ្ឋាភិបាលកម្ពុជា ជាច្រើនរូប។

ជាមួយគ្នានោះ គេឃើញមានវត្តមាន លោកអ្នកឧកញ៉ា អ្នកឧកញ៉ា ឧកញ៉ា ដូចជា លោកអ្នកឧកញ៉ា ភាព ហៀក, លោកអ្នកឧកញ៉ា ហុងសួន ស៊ីគង់ទ្រីវ, លោកអ្នកឧកញ៉ា លី ហួរ និងលោកជំទាវអ្នកឧកញ៉ា, អ្នកឧកញ៉ា ឡេង ប្រុស, លោកជំទាវឧកញ៉ា ហ៊ុន ស៊ីណាត ព្រមទាំងថ្នាក់ដឹកនាំ អ្នកមុខអ្នកការ និងភ្ញៀវកិត្តិយសជាច្រើនរូបទៀតផងដែរ៕

The post លោកអ្នកឧកញ៉ា អ្នកឧកញ៉ា ឧកញ៉ារូបណាខ្លះ អញ្ជើញចូលរួមពិធីមង្គលការកូនប្រុសឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ appeared first on .

ការចូលរួមឧបត្ថម្ភថវិកានេះ គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post លោកអ្នកឧកញ៉ា លី ហួរ និងលោកជំទាវ ឧបត្ថម្ភថវិកាចំនួន ៥,០០០ដុល្លារអាម៉េរិក ជូនកងទ័ពការពារព្រំដែនកម្ពុជា-ថៃ ទិសទី១ ខេត្តព្រះវិហារ appeared first on .

នៅក្នុងកិច្ចប្រជុំនេះ មានការអញ្ជើញចូលរួមពីក្រុមការងារក្រសួងរៀបចំដែនដី នគរូបនីយកម្ម និងសំណង់ និងវិស័យឯកជន ដែលមានតំណាងធនាគារជាតិ សមាគមអ្នកអភិវឌ្ឍន៍លំនៅឋាន សមាគមធនាគារនៅកម្ពុជា សមាគមមីក្រូហិរញ្ញវត្ថុ សមាគមអ្នកសាងសង់កម្ពុជា ធនាគារចិន (Bank Of China)។ ជាលទ្ធផល កិច្ចប្រជុំបានលើកនូវជម្រើសថ្មីជូនអ្នកអភិវឌ្ឍលំនៅឋាន និងអ្នកដែលបានទិញផ្ទះ និងមានបំណងទិញផ្ទះ ដោយធនាគារនឹងផ្តល់នូវអត្រាការប្រាក់ដែលមានភាពប្រកួតប្រជែងពី ៦,២% ទៅ ៦,៥%។

គួររំឭកថា កាលខែធ្នូ ឆ្នាំ២០២៤ លោកឧបនាយករដ្ឋមន្ត្រី សាយ សំអាល់ បានដឹកនាំកិច្ចប្រជុំជាមួយតំណាងធនាគារជាតិនៃកម្ពុជា, ធនាគារអេស៊ីលីដា, ធនាគារ ABA, ធនាគារ PPCB, ធនាគារ J Trust, ធនាគារ RHB, ធនាគារ First Commercial Bank, ធនាគារ FTB, ធនាគារ Agri-Bank និងធនាគារ SBI LY HOUR Bank ព្រមទាំងបានសម្រេចគាំទ្រគំនិតផ្តួចផ្តើម ក្នុងការបន្ធូរបន្ថយការប្រាក់លើកម្ចីសម្រាប់ការអភិវឌ្ឍលំនៅឋាន និងទិញអចលនទ្រព្យ មកត្រឹម ៨% ក្នុងមួយឆ្នាំ ដែលអត្រាការប្រាក់ថ្មីនេះ នឹងផ្តល់ឱ្យអតិថិជន ទិញលំនៅឋាននូវលទ្ធភាពអនុវត្តកាតព្វកិច្ចសងត្រឡប់ កាន់តែមានភាពងាយស្រួល។

គួរបញ្ជាក់ថា កាលពីព្រឹកថ្ងៃទី១៩ ខែធ្នូ ឆ្នាំ២០២៤ ក្នុងឱកាសអញ្ជើញជាអធិបតីភាព ក្នុងសិក្ខាសាលាចែករំលែកបទពិសោធន៍ដល់យុវជនក្រសួងរៀបចំដែនដី នគរូបនីយកម្ម និងសំណង់ ប្រមាណ ១៦០នាក់ លោកឧបនាយករដ្ឋមន្ត្រី សាយ សំអាល់ ក៏បានបញ្ជាក់ផងដែរថា លោកនឹងព្យាយាមចរចាជាមួយតំណាងធនាគារនានានៅកម្ពុជា ធ្វើយ៉ាងណាជួយទម្លាក់អត្រាការប្រាក់ឱ្យទាបជាងមុន សម្រាប់កម្ចីបង់រំលស់ផ្ទះ ឬទិញអចលនវត្ថុ ដើម្បីជំរុញឱ្យវិស័យអចលនទ្រព្យកម្ពុជា មានសន្ទុះងើបឡើងវិញ នៅឆ្នាំ២០២៥នេះ៕

The post លោកអ្នកឧកញ៉ា ២រូប ចូលរួមកិច្ចប្រជុំជាមួយឧបនាយករដ្ឋមន្ត្រី សាយ សំអាល់ កំណត់អត្រាការប្រាក់កម្ចីទិញផ្ទះ ត្រឹម ៦,២% ទៅ ៦,៥% appeared first on .