បច្ចេកវិទ្យាទាំងនោះ អាច​ឱ្យ​យើងធ្វើការវាស់វែងកម្រិតនៃការបំភាយឧស្ម័ន និងអាចផ្សារភ្ជាប់ទៅនឹង​ក្រុមហ៊ុន​ដែលមានតម្រូវការក្នុងការទិញឧស្ម័ននោះផងដែរ។ គូសបញ្ជាក់ផងដែរថា ជាបទពិសោធន៍ការងារកន្លងមក ការគណនាកម្រិតឧស្ម័នដែលកាត់បន្ថយ ជាមធ្យម គឺមានបរិមាណ ៣,៥​តោន/ហិកតា ក្នុងមួយរដូវ និងមានតម្លៃ​ប្រមាណ​ ២០ដុល្លា/តោន។ យ៉ាងណាមិញ​ ភាគីទាំងពីរ នឹងពិភាក្សាលម្អិតអំពីគម្រោងសាកល្បងរួមគ្នា លើ​គម្រោងការបំភាយកាបូន និងការងារឥណទានកាបូន។

សូម​ជម្រាប​ថា លោកឧកញ៉ា ចាន់សុឃាំង ក្នុង​នាម​ជា​ប្រធានសហព័ន្ធស្រូវអង្ករកម្ពុជា ​​តែងតែ​​ខិតខំ​ធ្វើ​កិច្ច​សហការ​ជាមួយ​​ស្ថាប័ន​ជាតិ និង​អន្តរជាតិ ​​ដើម្បី​ធ្វើ​យ៉ាងណា​​​​​ចូល​រួម​ចំណែក​លើក​​កម្ពស់ ​ទិន្នផល​ស្រូវ​ អង្ករ​ របស់​ប្រជាពលរដ្ឋ​នៅ​គ្រប់​បណ្តា​ខេត្ត​ និង​ឱ្យ​មាន​ទីផ្សារ​កាន់​តែ​​លក់​បាន​ថ្លៃ​ជាង​មុន​ផង​ដែរ៕

The post ឧកញ៉ា ចាន់ សុឃាំង ជួបតំណាងអង្គការជប៉ុន សិក្សាបច្ចេកវិទ្យាទំនើបៗ ធ្វើឱ្យប្រសើរឡើងវិស័យកសិកម្ម appeared first on .

នាព្រឹកថ្ងៃទី១៤ ខែមីនានេះ ក្នុង​ឱកាស​ចុះ​ត្រួតពិនិត្យការដ្ឋានសាងសង់ទំនប់វារីអគ្គិសនីស្ទឹងពោធិ៍សាត់១ ស្ថិតក្នុងភូមិស្ទឹងថ្មី ឃុំប្រមោយ ស្រុកវាលវែង សម្ដេចតេជោ ហ៊ុន សែន បានថ្លែងថា «កម្ពុជានឹងមានប៉ូល​សេដ្ឋកិច្ចទី៤ ដែលមាន៤ខេត្ត គឺខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ និងខេត្តប៉ៃលិន»។ សម្តេចតេជោ ​​បាន​បញ្ជាក់​ថា គម្រោងប៉ូលសេដ្ឋកិច្ចទី៤នេះ ស្ថិតក្រោមគំនិតផ្តួចផ្តើមរបស់សម្តេច និងលោក​ប្រធានាធិបតីចិន ស៊ី ជីនពីង ដោយផ្តោតលើគម្រោងមច្ឆា និងអង្ករ ដោយសារខេត្តទាំង៤​នេះសម្បូរទៅ​ដោយ​ស្រូវ និងត្រី។

ចំពោះ​​គម្រោង​ខាង​លើ​នេះ លោក​ឧកញ៉ា ចាន់ សុឃាំង ​​​​បាន​ថ្លែង​ប្រាប់​ដល់​ឧកញ៉ា ញូស៍ ឱ្យ​ដឹង​ថា គម្រោងប៉ូល​សេដ្ឋកិច្ចទី៤ ដោយផ្តោតលើគម្រោងមច្ឆា និងអង្ករ ដែល​សម្តេច​តេជោ ហ៊ុន សែន នាយករដ្ឋមន្ត្រីកម្ពុជា បាន​ប្រកាស​បង្កើត​ឡើង​នេះ​ គឺជារឿងមួយល្អ ព្រោះជាយុទ្ធសាស្ត្រមួយ កាលណា​យើង​ដាក់​វា​ជា​តំបន់​មួយ​ច្បាស់​លាស់​​បែប​​នេះ នោះ​នឹង​ងាយស្រួល​ក្នុង​ការ​តម្រង់​គោលដៅ ហើយ​ណា​មួយ​ខេត្ត​ទាំង​៤​នេះ ជា​ខេត្ត​ដែល​មាន​សក្តានុពល​ផលិត​ស្រូវ​បាន​ច្រើន​ខ្លាំង។

គួរ​បញ្ជាក់​ថា បើតាមសម្តេចតេជោ ខេត្តទាំង៤នេះ ក៏ត្រូវបង្កើនផលិតផលផ្សេងៗទៀតផងដែរ ដើម្បីចូលរួម​ជាមួយ​ទីផ្សារតំបន់ និងពិភពលោក។ យ៉ាង​ណា​មិញ នៅក្នុងវេទិកាជំរុញពាណិជ្ជកម្មវិនិយោគនិង​ទេសចរណ៍​កម្ពុជា-ចិន កាលថ្ងៃទី១០ខែកុម្ភៈ ឆ្នាំ២០២៣ នៅទីក្រុងប៉េកាំង ប្រទេសចិន សម្តេចតេជោ ហ៊ុន សែន បានធ្វើ​ការណែនាំឲ្យវិនិយោគិនចិនចាប់យកឱកាសបណ្តាក់ទុននៅភូមិភាគពាយព្យប្រទេសកម្ពុជា ដែលនឹងត្រូវកំណត់​ជាប៉ូលសេដ្ឋកិច្ចទី៤ របស់ប្រទេសដែលគ្របដណ្តប់ លើខេត្តចំនួន៤នេះផងដែរ៕

The post ឧកញ៉ា ចាន់ សុឃាំង បង្ហាញការយល់ឃើញ ពីការបង្កើតប៉ូលសេដ្ឋកិច្ចទី៤ លើគម្រោងមច្ឆា និងអង្ករ appeared first on .

លោកឧកញ៉ា ចាន់សុឃំាង ប្រធានសហព័ន្ធស្រូវអង្ករកម្ពុជា មានប្រសាសន៍ថា យើងនៅមានសក្តានុពលធ្វើការនាំចេញអង្ករបានច្រើនជាងនេះ ហើយសហព័ន្ធស្រូវអង្ករកំពុងតែស្វែងរកទីផ្សារថ្មីផ្សេងៗទៀតដើម្បីជួយធ្វើម៉េចឱ្យទំហំនៃការនាំចេញរបស់យើងបានច្រើនជាងមុន។

លោកឧកញ៉ាលើកឡើងថា បរិមាណអង្ករនាំចេញបានជិត១០ម៉ឺនតោន ហើយគិតជាទឹកប្រាក់មានជាង៧២លានដុល្លារអាមេរិកនៅក្នុងរយៈពេល២ខែដើមឆ្នាំ២០២៣នេះបើប្រៀបធៀបទៅនិងឆ្នំាមុនវាប្រហាក់ប្រហែលគ្នា គ្រាន់តែយើងឃើញនៅក្នុងនោះទីផ្សារចិនមានការធ្លាក់ចុះបន្តិច តែទីផ្សារអឺរ៉ុបមានការកើនឡើង។

លោកឧកញ៉ាសង្កត់ធ្ងន់ថា «គិតថានៅដើមឆ្នំាដំបូងនេះបរិមាណអង្ករនាំចេញនិងទំហំទឹកបានមកពីការនាំចេញអង្កររយៈពេល២ខែដំបូងនេះវាជាសញ្ញាមួយល្អសម្រាប់ពាក់កណ្តាលឆ្នំានិងចុងឆ្នំា២០២៣»។
បើយោងតាមប្រធានសហព័ន្ធស្រូវអង្ករកម្ពុជាចាត់ទុកថា ទីផ្សារនៅខាងក្រៅសុទ្ធតែមានសារសំខាន់ទំាងអស់សម្រាប់ស្រូវអង្ករកម្ពុជា ហើយពិសេសជាងគេនោះគឺទីផ្សារចិន។

លោកឧកញ៉ា មានប្រសាសន៍ថា ខ្ញុំគិតថាទីផ្សារមិនថាទីផ្សារចិននៅប្រទេសណាទេសុទ្ធតែមានសារសំខាន់ទំាងអស់ស្រាប់ស្រូវអង្ករកម្ពុជាដោយសារតែសក្តានុពលស្រូវរបស់ប្រជាជនយើងតំាងពីមុនឆ្នំា២០១០មកឃើញថាមានកម្រិតនៅទាបនៅឡើយ ប៉ុន្តែរហូតមកដល់រាជរដ្ឋាភិបាលដាក់ចេញនៅគោលនយោបាយហើយឃើញថាសន្ទុះនៃការផលិតស្រូវនៅសល់ជិត៦លានតោន។អីចឹងខ្ញុំគិតថាសក្តានុពលនៃការនាំចេញអង្ករកម្ពុជាទៅទីផ្សារអន្តរជាតិតាមច្រកផ្លូវការនៅមានសក្តានុពលច្រើនទៀតដែលយើងអាចធ្វើបាន។

លោកឧកញ៉ា ចាន់ សុឃំាង គូសបញ្ជាក់ថា «ខ្ញុំគិតថាទីផ្សារចិនមានសក្តានុពលខ្លំាងព្រោះអ្វីដែលបានជជែកពិភាក្សារជាមួយខាងភាគីចិននោះ យើងឃើញថាប្រភេទអង្ករយើងបានបែងចែកនៅមានចំនួនតិចនៅតាមខេត្តនៅក្នុងប្រទេសចិនដោយសារទំហំនៃការលក់វាត្រូវការពេលលក់វាត្រូវការពេលកសាងកេរ្តិ៍ឈ្មោះក៏ដូចជាបណ្តាញចែកចាយ។ដូចនេះបើការចែកចាយមានការរីកសាយបន្តទៀតនៅក្នុងប្រទេសចិនមានកាន់តែច្រើនទៅៗវានិងធ្វើឱ្យអង្ករកម្ពុជាយើងកើនឡើងរឹតតែច្រើននៅទីផ្សារចិន»។

យោងតាមសហព័ន្ធស្រូវអង្ករកម្ពុជាបានបង្ហាញថា ក្នុងរយៈពេល២ខែដើមឆ្នាំ២០២៣ ប្រទេសកម្ពុជាតាមរយៈក្រុមហ៊ុននាំចេញអង្ករចំនួន៤០ក្រុមហ៊ុនបាននាំចេញអង្ករចំនួនជិត១០ម៉ឺនតោន ដែលគិតជាទឹកប្រាក់មានចំនួន ៧២.៦៧លានដុល្លារសហរដ្ឋអាមេរិក ទៅកាន់ទីផ្សារចំនួន ៣៨ប្រទេស ដែលក្នុងនោះ ប្រទេសចិន និងតំបន់ស្វយ័តហុងកុងចំនួន ៤៩ ០៥៦ តោន ឬស្មើនឹង ៥០.៣៣% គិតជាទឹកប្រាក់ចំនួន ៣៣.៩៣ លានដុល្លារសហរដ្ឋអាមេរិក ប្រទេសនៅក្នុងទ្វីបអ៊ឺរ៉ុបចំនួន ២១ បានចំនួន ៣៨ ៤៥៦ តោនដែលគិតជាទឹកប្រាក់មានចំនួន ២៧.២៦ លានដុល្លារសហរដ្ឋអាមេរិក ប្រទេសម៉ាឡេស៊ី និងសិង្ហបូរីចំនួន ៤ ៤០៩ តោន ដែលគិតជាទឹកប្រាក់មានចំនួន ៣.០២ លានដុល្លារសហរដ្ឋអាមេរិក និងប្រទេសផ្សេងៗ នៅអាហ្វ្រិក អូស្ត្រាលី មជ្ឈិមបូព៌ា តួគី រុស្សីសហរដ្ឋអាមេរិក និងបណ្តាប្រទេសផ្សេងៗ បានចំនួន ៥ ៥៤៦ តោន ដែលគិតជាទឹកប្រាក់មានចំនួន ៨.១៤ លានដុល្លសហរដ្ឋអាមេរិក។

អង្ករក្រអូបប្រណិតដែលមានពូជស្រូវផ្ការំដួលបានចំនួន ៤៩ ៣៨១ តោន អង្ករសែនក្រអូប ចំនួន ៣៦ ៤៩៥ តោន អង្ករសចំនួន ៦ ៤៦១តោន អង្ករចំហុយចំនួន២៨៩០ តោន និងអង្ករសរីរាង្គចំនួន២២៨៤តោន។ ក្នុងរយៈពេល ២ខែដើមឆ្នាំ២០២៣កម្ពុជាបាននាំចេញស្រូវទៅកាន់ប្រទេសជិតខាងបានចំនួន៨៧១៣១៩តោនដែលគិតជាទឹកប្រាក់ប្រមាណជា ២១៧.៨២ លានដុល្លារសហរដ្ឋអាមេរិក៕ អត្ថបទ៖សារេត

The post ឧកញ៉ា ចាន់ សុឃំាង៖ យើងមានសក្តានុពលធ្វើការនាំចេញអង្ករបានច្រើនជាងនេះ ខណៈ២ខែដំបូងមានជិត១០ម៉ឺនតោនប៉ុណ្ណោះ appeared first on .

នៅថ្ងៃអង្គារ​នេះ​ដែរ លោកជំទាវ តឹករ៉េត កំរង រដ្ឋលេខាធិការ ក្រសួងពាណិជ្ជកម្ម បានដឹកនាំគណៈប្រតិភូ​អន្តរ​ក្រសួង ធ្វើការទស្សនកិច្ចតាមស្តង់ របស់សហព័ន្ធស្រូវអង្ករកម្ពុជា។ លោកជំទាវ​ជាប្រធានក្រុមចចារ​របស់កម្ពុជា​ក្នុងការរៀបចំកិច្ចព្រមព្រៀង​ពាណិជ្ជកម្មសេរី កម្ពុជា-អារ៉ាប់រួម។

ដើម្បីចូលរួមលើកស្ទួយ និងជំរុញដល់ផលិត​ផល​កម្ពុជា នៅក្នុងទីផ្សារមជ្ឈឹមបូព៌ា ក៏ដូចទីផ្សារផ្សេងៗ នៅក្នុង​ពិភពលោក ទោះបីជាកម្មវិធីដ៏មមាញឹក លើកិច្ចប្រជុំចចារ លោកជំទាវរដ្ឋលេខាធិការ បានដឹកនាំគណៈប្រតិភូ​អន្តរ​ក្រសួងរួមមាន​ក្រសួងការបរទេស និងកិច្ចសហប្រតិបត្តិការអន្តរជាតិ ក្រសួងពាណិជ្ជកម្ម ក្រសួង​ឧស្សាហកម្ម បច្ចេកវិទ្យា និងនរវានុវត្តន៍ ក្រសួងកសិកម្ម រុក្ខាប្រមាញ់ និងនេសាទ អគ្គនាយកដ្ឋានគយ និងរដ្ឋាករកម្ពុជា ចំនួន ១៥រូប ទៅ​ទស្សនាស្តង់របស់សហព័ន្ធស្រូវ​អង្ករកម្ពុជា​ដោយផ្ទាល់។

លោកឧកញ៉ា ចាន់ សុឃាំង បាន​​បញ្ជាក់​ឱ្យ​ដឹង​ថា ការចូលរួមរបស់សហព័ន្ធស្រូវអង្ករកម្ពុជា នៅក្នុងព្រឹត្តការណ៍ ពិព័រណ៍ចំណីអាហារ GULFOOD FAIR គឺកំពុងអនុវត្តន៍ឱ្យទាន់ពេលវេលា​ ដែល​រាជរដ្ឋាភិបាលកំពុងខិតខំ​ប្រឹង​ប្រែងបើកទីផ្សារ ជូនប្រទេសកម្ពុជា នៅតំបន់មជ្ឈឹមបូព៌ា។

គួរ​បញ្ជាក់​ផង​ដែរ​ថា ​លោក​ឧកញ៉ា ចាន់ សុឃាំង ​​បាន​កំណត់​ទិសដៅ​សម្រាប់​ឆ្នាំ២០២៣ របស់​សហព័ន្ធ​ស្រូវ​អង្ករ​កម្ពុជា ចំនួន​២​ធំៗ​គឺ ១)ជំរុញការនាំចេញអង្ករឱ្យបាន ៧៥ម៉ឺនតោននៅក្នុងឆ្នាំ២០២៣ និងឈានដល់ ១ លានតោនអង្ករនៅ​ឆ្នាំ​២០២៥ និង ២)បង្ករភាពងាយស្រួល ក្នុងការប្រកបរបរអាជីវកម្មក្នុងវិស័យស្រូវអង្ករ ប្រកបដោយប្រាក់ចំណេញ ភាពធន់ និរន្តភាព និងបរិយាបន្ន៕

The post ឧកញ៉ា ចាន់ សុឃាំង រៀបស្តង់តាំងពិព័រណ៍ស្រូវអង្ករកម្ពុជា នៅទីក្រុងឌូបៃ appeared first on .

លោកឧកញ៉ាមានប្រសាសន៍ថា ទីផ្សារប្រទេសហ្វីលីពីនេះនាំចូលប្រភេទអង្ករក្រអូបនេះមានតម្លៃខ្ពស់នេះមានចំនួនតិចបំផុត ដែលភាគច្រើនគាត់ប្រើប្រាស់ប្រភេទអង្ករសធម្មតា និងមានតម្លៃមធ្យមសម្រាប់ប្រជពលរដ្ឋទូទៅរបស់គាត់។

លោកឧកញ៉ាសង្កត់ធ្ងន់ថា«យើងមានក្តីសង្ឃឹមខ្ពស់ ឱ្យមានការរៀបចំឱ្យមានការឯកភាពគ្នាទៅលើការលក់និងទិញអង្ករកម្ពុជា ហើយនាំចេញនាំចូលទៅប្រទេសហ្វីលីពីននៅក្នុងពេលឆាប់ៗខាងមុខនេះ។ តាមអ្វីដែលខ្ញុំរំពឹងទុកយើងនឹងមានការនាំចេញអង្ករសបាយទន់ចំនួន១ពាន់តោននាពេលខាងមុខឆាប់ៗនេះ ហើយយើងកំពុងតែរងចំាមើលការចរចារជាមួយគ្នាបន្ថែមទៀត។ចំពោះការនំាចំចេញអង្ករសបាយទន់នេះគឺជាការសាកល្បងនំាចូលទៅប្រទេសហ្វីលីពីនតែប៉ុណ្ណោះ ដើម្បីពិនិត្យមើលទំាងទៅលើគុណភាព នីតិវិធីនាំចេញនាំចូលក៏ដូចជាការបង្កើតទំនាក់ទំនងថ្មីក្នុងក្របខណ្ឌអាស៊ាននៃប្រទេសទាំងពីរ កម្ពុជា-ហ្វីលីពីន»។

លោកឧកញ៉ា ចាន់ សុឃាំង លើកឡើងថា ក្នុងដំណើរទស្សនៈកិច្ចសិក្សាទីផ្សារអង្ករនៅប្រទេសហ្វីលីពីនកន្លងទៅយើងបានជួបជាមួយរដ្ឋមន្ត្រីក្រសួងពាណិជ្ជកម្មខាងហ្វីលីពីនដើម្បីពិភាក្សាការងារទូទៅ និងស្វែងយល់អំពីទីផ្សារអង្ករនៅក្នុងប្រទេសហ្វីលីពីន ហើយបន្ទាប់មកយើងក៏បានជួបជាមួយវិស័យឯកជនចំនួន៤ក្រុមដាច់ពីគ្នា ដើម្បីស្វែងយល់អំពីទិដ្ឋភាពរួមនិងភាពជាក់ស្តែងនៅលើទីផ្សារក៏ដូចជាលទ្ធភាពដែលយើងអាចចូលទៅក្នុងទីផ្សារប្រទេសហ្វីលីពីនេះបាន ពិសេសទៅលើប្រភេទអង្ករ ទៅលើតម្លៃនិងលក្ខណ្ឌផ្សេងៗទៀត។

យោងតាមសហព័ន្ធស្រូវអង្ករកម្ពុជាកាលថ្មីៗនេះបានធ្វើដំណើរទស្សនកិច្ចសិក្សាទីផ្សារអង្ករនៅប្រទេសហ្វីលីពីន នៅថ្ងៃទី១ ដល់ថ្ងៃទី៣ ខែកុម្ភៈ ឆ្នាំនៅក្នុងដំណើរទស្សនកិច្ចសិក្សារទីផ្សារនេះ ប្រតិភូកម្ពុជាបានជួបជាមួយ រដ្ឋមន្ត្រីក្រសួងពាណិជ្ជកម្ម ប្រទេសហ្វីលីពីន និងភាគីពាក់ព័ន្ធលើការនាំចូលអង្ករ។ ភាគីប្រទេសហ្វីលីពីន មានការចាប់អារម្មណ៍ទៅលើគុណភាពអង្ករកម្ពុជាយ៉ាងខ្លាំង ដែលភាគីប្រទេសហ្វីលីពីនបានគូសបញ្ជាក់ថា ការនាំចូលអង្កររបស់ប្រទេសហ្វីលីពីន គឺមានការប្រែប្រួលដោយមិនតម្រូវឱ្យនាំចូលតាមរយៈក្រុមហ៊ុនរដ្ឋដូចពីមុននោះទគឺវិស័យឯកជន និងឯកជនធ្វើកិច្ចសន្យាពាណិជ្ជកម្មដោយផ្ទាល់តែម្ដងទៅតាមបរិមាណ គុណភាព និងតម្លៃដែលបានឯកភាពរវាងភាគីទាំងពីរ។ 

បើតាមសហព័ន្ធស្រូវអង្ករកម្ពុជាបញ្ជាក់ថា ប្រទេសហ្វីលីពីនជាប្រទេសផលិតស្រូវ ហើយក៏ជាប្រទេសនាំចូលអង្ករដ៏ធំមួយនៅក្នុងតំបន់អាស៊ីផងដែរ ដែលជាក់ស្ដែងក្នុងឆ្នាំ២០២២ កន្លងទៅប្រទេសហ្វីលីពីនបាននាំចូលអង្ករចំនួន ៣.៨២លានតោន ពីប្រទេសនានា ដែលប្រភេទអង្ករភាគច្រើនបំផុតជាប្រភេទអង្ករសធម្មតា៕ អត្ថបទ៖សារេត

The post សហព័ន្ធស្រូវអង្ករកម្ពុជា គ្រោងនាំចេញអង្ករសបាយទន់១ពាន់តោនទៅទីផ្សារហ្វីលីពីន appeared first on .

ក្នុង​ដំណើរទស្សនកិច្ច​សិក្សា​ទីផ្សារ​នេះ ប្រតិភូកម្ពុជា​បាន​ជួប​ជាមួយ​លោក Alfedo E. Pascual រដ្ឋមន្ត្រី​ក្រសួង​ពាណិជ្ជកម្ម ប្រទេសហ្វីលីពីន និង​ភាគី​ពាក់ព័ន្ធ​លើ​ការ​នាំ​ចូល​អង្ករ។ ភាគី​ប្រទេស​ហ្វីលីពីន មាន​ការ​​ចាប់​អារម្មណ៍​ទៅ​លើ​គុណភាព​អង្ករកម្ពុជា​​យ៉ាង​ខ្លាំង និង​បាន​គូស​បញ្ជាក់​ថា ការ​នាំ​ចូល​អង្ករ​របស់​​ហ្វីលីពីន ​មាន​ការ​ប្រែប្រួល ដោយ​មិន​តម្រូវ​ឱ្យ​នាំ​ចូល​តាម​រយៈ​ក្រុមហ៊ុន​រដ្ឋ​ដូច​ពី​មុន​នោះ​ទេ ​ពោល​គឺ​​អាស្រ័យ​លើ​វិស័យ​ឯកជន និង​ឯកជន​ធ្វើ​កិច្ចសន្យា​ពាណិជ្ជកម្ម​ដោយ​ផ្ទាល់ ទៅ​តាម​បរិមាណ គុណភាព និង​តម្លៃ ​​ដែល​ភាគី​ទាំង​ពីរ​ឯកភាព​គ្នា។

ឱកាស​ទស្សនកិច្ច​សិក្សា​នេះ​ដែរ គណៈប្រតិភូ​កម្ពុជា បាន​ជួប​ជាមួយ​បណ្តា​ក្រុមហ៊ុន​នាំ​ចូល សមាគមន៍​រោង​ម៉ាស៊ីន​កិនស្រូវ របស់​ហ្វីលីពីន ដែល​មាន​ការ​ចាប់​អារម្មណ៍​លើ​គុណភាព​អង្ករកម្ពុជា ហើយ​មាន​ការ​ពិភាក្សា​ និង​ចចារ​លើ​តម្លៃ​សម្រាប់​ផ្គត់ផ្គង់​ផង​ដែរ។ យ៉ាងណាមិញ គណៈប្រតិភូកម្ពុជា ក៏​បាន​អញ្ជើញ​ភាគី​ហ្វីលីពីន ​ឱ្យ​មក​ទស្សនកិច្ចសិក្សា​លើ​រោង​ម៉ាស៊ីន​កិនស្រូវ​កម្ពុជា​​​​ដោយ​ផ្ទាល់​វិញ ​​ដើម្បី​បង្កើន​ទំនុក​ចិត្ត និង​ទំនាក់ទំនង​ឱ្យ​កាន់​តែ​ប្រសើរ​ឡើង និង​មាន​ភាព​យូរអង្វែង ដែល​គ្រោង​ធ្វើ​ឡើង​នៅ​​ចុង​ខែ​កុម្ភៈ ឬ​ដើម​ខែ​មីនា ឆ្នាំ២០២៣ ​ហើយ​ក្នុង​កំឡុង​ពេល​ទស្សនៈកិច្ច​សិក្សា​នេះ​ អាច​នឹង​ឈាន​ដល់​ការ​ចុះ​កិច្ចសន្យា​ទិញ-លក់ តែម្តង។

សូម​បញ្ជាក់​ផង​ដែរ​​ថា ប្រទេសហ្វីលីពីន ជា​ប្រទេស​ផលិតស្រូវ ហើយ​ក៏​ជា​ប្រទេស​នាំ​ចូល​អង្ករ​ដ៏​ធំ​មួយ​ នៅ​ក្នុង​តំបន់​អាស៊ី ដែល​ជាក់ស្តែង​ក្នុង​ឆ្នាំ២០២២ កន្លងទៅ ប្រទេសមួយនេះ​​បាន​នាំចូល​អង្ករ​ចំនួន ៣.៨២​លាន​តោន ពី​ប្រទេស​នានា ដែល​ប្រភេទ​អង្ករ​ភាគ​ច្រើន​បំផុត ជា​ប្រភេទ​អង្ករ​ស​ធម្មតា៕

The post ឧកញ៉ា ចាន់ សុឃាំង ទៅចូលរួមទស្សនកិច្ចសិក្សាស្វែងរកទីផ្សារអង្ករ នៅប្រទេសហ្វីលីពីន appeared first on .

ក្នុង​ឱកាស​ចូលរួមធ្វើបទអន្តរាគមន៍នៅក្នុងកម្មវិធីសន្និបាតបូករុបការងារពាណិជ្ជកម្មឆ្នាំ២០២២ និងលើក​ទិសដៅ​ការងារពាណិជ្ជកម្ម​ឆ្នាំ២០២៣ របស់ក្រសួងពាណិជ្ជកម្ម កាលពី​ថ្ងៃទី​៣០ ខែមករា ឆ្នាំ២០២៣ ​លោក​ឧកញ៉ា ចាន់ សុឃាំង បានលើកឡើងអំពីសម្មិទ្ធផលដែលអនុវត្តន៍បានក្នុងឆ្នាំ ២០២២ និងទិសដៅឆ្នាំ២០២៣ ដូចជាការសហប្រតិបត្តិការជាមួយគ្រប់ស្ថាប័ន ជាពិសេសជាមួយក្រសួងសេដ្ឋកិច្ច និងហិរញ្ញវត្ថុ ព្រមទាំង​ការងារ​ចរចារទីផ្សារជាមួយនិងបណ្ដាប្រទេសនានា។

សម្មិទ្ធផលឆ្នាំ​២០២២​កន្លង​ទៅ ក្រោមការសម្របសមួលរបស់ក្រសួងពាណិជ្ជកម្ម សហព័ន្ធស្រូវអង្ករកម្ពុជា បានរៀបចំការបោះឆ្នោត​ដោយ​ជ្រើសរើស​បានថ្នាក់ដឹកនាំសហព័ន្ធស្រូវអង្ករកម្ពុជា សម្រាប់អណត្តិទី០៤ បាន​យ៉ាងដោយរលូនប្រកបដោយ​តម្លាភាព និងគណនេយ្យភាព។

ឧកញ៉ា ចាន់ សុឃាំង បាន​បន្ត​ថា ចំណែកឯទិសដៅសម្រាប់ឆ្នាំ​២០២៣ សហព័ន្ធស្រូវអង្ករកម្ពុជា បានកំណត់​យកគោលដៅចំនួន ២ ធំៗគឺ៖

១. ជំរុញការនាំចេញអង្ករឱ្យបាន ៧៥ម៉ឺនតោននៅក្នុងឆ្នាំ២០២៣ និងឈានដល់ ១ លានតោនអង្ករនៅ​ឆ្នាំ​២០២៥។

២. បង្ករភាពងាយស្រួល ក្នុងការប្រកបរបរអាជីវកម្មក្នុងវិស័យស្រូវអង្ករ ប្រកបដោយប្រាក់ចំណេញ ភាពធន់ និរន្តភាព និងបរិយាបន្ន ដោយដាក់ចេញនូវសកម្មភាពសំខាន់ដូចខាងក្រោម៖
– បន្តពង្រឹងអភិបាលកិច្ច នៃកិច្ចដឹកនាំរបស់សហព័ន្ធស្រូវអង្ករកម្ពុជាឱ្យកាន់តែប្រសើរឡើង និងទទួលបាន​ការ​ទុកចិត្តពីសមាជិក និងភាគីពាក់ព័ន្ធ និងរៀបចំផែនការយុទ្ធសាស្ត្ររយៈពេល ៥ឆ្នាំ (២០២៣-២០២៧)។
– បន្តសហការជាមួយក្រសួងពាណិជ្ជកម្ម តាមរយៈក្រុមហ៊ុន ហ្គ្រីនត្រេដ ក្នុងការបើកច្រកទីផ្សារថ្មី ជាពិសេស​ប្រទេសហ្វីលីពីន និងពង្រីកសក្តានុពលទីផ្សារផ្សេងទៀត តាមរយៈការចូលរួមតាំងពិព័រណ៍ពាណិជ្ជកម្ម​នៅ​មជ្ឈឹមបូព៌ា សហគមន៍អឺរ៉ុប។ លើសពីនេះសហព័ន្ធស្រូវអង្ករកម្ពុជាក៏បន្តការពង្រីកសក្តានុពល និងស្នើបង្កើន​បរិមាណនាំចេញ​ទៅកាន់ទីផ្សារ​ប្រទេសចិន​ឱ្យបានច្រើនជាង៤០ម៉ឺនតោន នៅក្នុងឆ្នាំ២០២៣ នេះតទៅ និង​ចូលរួមក្នុងការដោះស្រាយ​បញ្ហាការ​គ្រប់គ្រងសន្និធិស្បៀងក្នុងស្រុកជាមួយក្រសួងបន្ថែមទៀត។
– បន្តចូលរួមសហការណ៍ជាមួយ ក្រសួងកសិកម្ម រុក្ខាប្រមាញ់ និងនេសាទ លើផែនការផលិតកម្ម និងការផ្គត់ផ្គង់​ពូជ រួមជាមួយកិច្ចសន្យាកសិកម្ម។
– ជំរុញ និងធ្វើកិច្ចសហប្រតិបត្តិការលើការរៀបចំកញ្ចប់តម្លៃផ្នែកភស្តុភារកម្ម និងដឹកជញ្ជូនជូនដល់សមាជិក ដើម្បី​ឱ្យថ្លៃដើមកាន់តែទាប និងមានភាពប្រកួតប្រជែងជាងមុន។ល។
– រៀបចំឱ្យមានមូលនិធិសម្រាប់ការធ្វើការស្រាវជ្រាវ និងអភិវឌ្ឍន៍ពូជស្រូវ ដែលឆ្លើយតបទៅនឹងភាព​ប្រកួតប្រជែង​ទីផ្សារ ភាពធន់ និងការប្រែប្រួលអាកាសធាតុ។ល។

សូម​ជម្រាប​ជូន​ថា ក្នុង​ឱកាស​បិទបញ្ចប់​សន្និបាតបូកសរុបការងារពាណិជ្ជកម្មឆ្នាំ២០២២ និងទិសដៅ​ការងារ​ពាណិជ្ជកម្មឆ្នាំ២០២៣ របស់ក្រសួងពាណិជ្ជកម្ម ​កាលពី​រសៀល​ថ្ងៃទី​៣១ ខែមករា ឆ្នាំ២០២៣ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ​​បាន​​សង្ខេបអំពីសកម្មភាពការងារ និងសមិទ្ធផលសំខាន់ៗ​ជា​ច្រើន​ ដែល​ក្រសួង​ពាណិជ្ជកម្មសម្រេចបានក្នុងរយៈពេលមួយឆ្នាំកន្លងមក។ ក្នុងនោះ ​លោក​​ក៏​បាន​លើក​ឡើង​ផង​ដែរ​ថា ​ ក្រសួង​បានចូលរួមអនុវត្តយ៉ាង​សកម្មនូវគោលនយោបាយបង្កើនផលិតកម្ម និងជំរុញការនាំចេញ​កសិផល​សំខាន់ៗ ស្របតាមគោលនយោបាយរបស់រាជរដ្ឋាភិបាល រួមមាន៖ គោលនយោបាយជាតិស្តីពីដំឡូងមី និងគោលនយោបាយជាតិស្តីពីស្វាយចន្ទីឆ្នាំ២០២២-២០២៧ រួម​ទាំង​វិស័យ​ស្រូវអង្ករ​ផងដែរ៕

The post ឧកញ៉ា ចាន់ សុឃាំង៖ សហព័ន្ធស្រូវអង្ករកម្ពុជា បានកំណត់គោលដៅធំៗ២ សម្រាប់ឆ្នាំ២០២៣ appeared first on .

កម្មវិធី​នេះ​ បាន​ប្រារព្វ​ធ្វើ​ឡើង​នៅ​សួន​ច្បារ ទល់​មុខ​ព្រះរាជដំណាក់​ខេត្ត​សៀមរាប មាន​រយៈពេល​៣​ថ្ងៃ ចាប់​ពី​ថ្ងៃទី​២៧ ដល់​ថ្ងៃទី​២៩ ខែ​មករា ឆ្នាំ២០២៣។ ពិធីបុណ្យ​អង្ករ​លើក​ទី​១ នៅ​ខេត្ត​សៀមរាប​នេះ ​​​​បាន​បើក​សម្ពោធ​ជា​ផ្លូវការ​​ដោយ​លោក ពិន ប្រាកដ អភិបាលរង​ខេត្ត​សៀមរាប និង​មាន​ភ្ញៀវ​កិត្តិយស​​ចូល​រួម​សរុប​ប្រមាណ​ជាង ៣០០នាក់។

គោលបំណង​សំខាន់​នៃ​ពិធី «បុណ្យ​អង្ករ» គឺ​ដើម្បី​ផ្សព្វផ្សាយ​សក្តានុពល​វិស័យ​ស្រូវ​អង្ករ​កម្ពុជា ដែល​ជា មាស «ស» ហើយ​កន្លង​ទៅ​ថ្មីៗ​នេះ​ដែរ អង្ករ​កម្ពុជា​បាន​ឈ្នះ​ពាន​រង្វាន់ «អង្ករ​ល្អ​ដាច់គេ​របស់​ពិភពលោក» ដែល​ជា​ប្រភេទ​អង្ករ​ម៉ាក «ម្លិះ​អង្គរ» និង​ផលិត​ចេញ​​​ពី​ពូជ​ស្រូវ​ឈ្មោះ «ផ្កា​រំដួល»។ បន្ថែម​ពី​នេះ កម្មវិធី​នេះ ក៏​មាន​បំណង​ដើម្បី​ជំរុញ​ចលនា​ទេសចរណ៍​ផ្ទៃ​ក្នុង​ឱ្យ​បាន​កាន់​តែ​ច្រើន ក្រោម​ស្មារតី​នៃ​យុទ្ធនាការ «ទស្សនា​ស្រុក​យើង កម្ពុជា​ស្អាត និង​ទីក្រុង​ស្អាត រមណីយដ្ឋាន​ស្អាត សេវាកម្ម​ល្អ និង​បដិសណ្ឋារកិច្ច​ល្អ»។

ឧកញ៉ា ចាន់ សុឃាំង ​​បាន​លើក​ឡើង​ថា ​កម្ពុជា​បាន​ចាប់​ផ្តើម​នាំ​ចេញ​អង្ករ​ជា​លើក​ដំបូង​នៅ​ឆ្នាំ​២០០៩ ដែល​មាន​បរិមាណ​ប្រមាណ​ជា ៦០០​តោន ហើយ​បាន​បន្ត​កើន​ឡើង​ជា​បន្ត​បន្ទាប់​រហូត​ដល់​ជាង ៦៣​ម៉ឺន​តោន​ជា​មធ្យម នៅ​ក្នុង​រយៈពេល ៥​ឆ្នាំ​ចុង​ក្រោយ​នេះ។

វិស័យ​ស្រូវ​អង្ករ​នៅ​កម្ពុជា បាន​ដើរ​តួនាទី​យ៉ាង​សំខាន់​សម្រាប់​ទ្រទ្រង់​ដល់​វិស័យ​សេដ្ឋកិច្ច​ជាតិ ដែល​​បាន​ធ្វើ​ការ​នាំ​ចេញ​អង្ករ​ក្នុង​ឆ្នាំ​កន្លង​ទៅ​បាន​ចំនួន​ជាង ៦៣​​ម៉ឺន​តោន គិត​ជា​ទឹក​ប្រាក់​បាន​ចំនួន​ជាង ៤១៨​លាន​ដុល្លារ និង​នាំ​ចេញ​ស្រូវ​បាន​ចំនួន​ជាង ៣.៤​លាន​តោន​ស្រូវ គិត​ជា​ទឹក​ប្រាក់​​បាន​ចំនួន​ជាង ៨៨១​លាន​ដុល្លារ។ បើ​សរុប​ទាំង​ការ​នាំ​ចេញ​អង្ករ និង​ស្រូវ បាន​ទឹក​ប្រាក់​សរុប​ប្រមាណ​ជាង ១២០០ លាន​ដុល្លារ​ក្នុង​មួយ​ឆ្នាំ ដែល​ជា​ចំណែក​មួយ​ដ៏​សំខាន់ សម្រាប់​ជួយ​ទ្រទ្រង់​សេដ្ឋកិច្ច​ជាតិ៕

​

The post ឧកញ៉ា ចាន់ សុឃាំង បើកពិធីបុណ្យអង្ករលើកទី១ នៅខេត្តសៀមរាប មានការចូលរួមពីបវរកញ្ញា ២៦ប្រទេស appeared first on .

ជាមួយនេះដែរ កាលពីថ្ងៃទី២២ ខែធ្នូ ឆ្នាំ២០២២ សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ នៃព្រះរាជាណាចក្រកម្ពុជា ក៏​បាន​ផ្ញើសារ​លិខិត​ថ្លែង​អំណរគុណ ចំពោះ​លិខិត​ថ្វាយ​ព្រះពរ​របស់​ឧកញ៉ា ចាន់ សុឃាំង នៅ​ក្នុង​ឱកាស​បុណ្យ​ចូល​ឆ្នាំ​ថ្មី ឆ្នាំ​សកល ២០២៣ ​ព្រម​ទាំង​បាន​ជូនពរ​លោក​ឧកញ៉ា ថ្នាក់ដឹកនាំ សមាជិក សមាជិកា សហព័ន្ធស្រូវអង្ករកម្ពុជា​ទាំង​អស់ និង​សហគមន៍​កសិករ​នៅ​ទូទាំង​ព្រះរាជាណាចក្រកម្ពុជា ​​បាន​ប្រកប​តែ​នឹង​ព្រះពុទ្ធពរ​គ្រប់​ប្រការ​ផង​ដែរ។

គួរ​រំលឹក​ថា តាមរយៈកម្មវិធីមហាសន្និបាតបូកសរុបការងារឆ្នាំ២០២២ និងលើកទិសដៅការងារឆ្នាំ២០២៣ និង​កម្មវិធីបោះឆ្នោតក្រុមប្រឹក្សាភិបាល អាណត្តិទី៤ ដែលប្រព្រឹត្តឡើងនាថ្ងៃទី២៣ ខែវិច្ឆិកា ឆ្នាំ២០២២​ នៅ​សណ្ឋាគារ សូហ្វីតែល ឧកញ៉ា ចាន់ សុឃាំង ទទួលនូវសេចក្តីទុកចិត្តពីសមាជិក សមាជិកា ក្រុមប្រឹក្សា​ភិបាល​សហព័ន្ធស្រូវអង្ករកម្ពុជា ក្នុងការបោះឆ្នោត​គាំទ្រឱ្យក្លាយជា​ប្រធាន​សហព័ន្ធស្រូវអង្ករកម្ពុជា សម្រាប់​អាណត្តិទី៤៕

The post ព្រះមហាក្សត្រ ផ្ញើសារលិខិតជូនពរឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា appeared first on .

ក្នុងសន្និសីទសារព័ត៌មានស្តីពីទស្សនទានក្នុងវិស័យកសិកម្ម កាលពីថ្ងៃទី៥ខែមករាឆ្នាំ២០២៣ថ្មីៗនេះ លោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានលើកឡើងថា តាមប្រសាសន៍ណែនាំរបស់សម្តេចតេជោ ហ៊ុន សែន នៅក្នុងការចែកពូជស្រូវពេលដែលរងគ្រោះដោសារទឹកជំនន់នោះគឺយើងបានកំណត់នៅពូជស្រូវ២ប្រភេទដែលពេញនិយមហើយមានទីផ្សារល្អគឺពូជស្រូវសែនក្រអូបនិងពូជស្រូវ OM(៥៤,៥១)។

លោករដ្ឋមន្ត្រីក្រសួងកសិកម្មបញ្ជាក់ថា នៅក្នុងពូជស្រូវសែនក្រអូបបង្កើតឡើងដោយស្ថាប័នរបស់ខ្មែរសុទ្ធសាធ ហើយជាប្រភេទពូជស្រូវមិនប្រកាន់រដូវ និងផ្តល់ផលនៅក្នុងរយៈពេលខ្លី ហើយមានរសជាតិក្រអូបស្ទើរតែដូចទៅនិងស្រូវផ្ការំដួលយើង។នៅក្នុងវគ្គនេះយើងជំរុញការផលិតពូជទៅលើស្រូវសែនក្រអូបនិងការចែកចាយពូជស្រូវOM ដែលជាពូជស្រូវមកពីប្រទេសវៀតណាមក្នុងតម្លៃសមរម្យជូនកសិករ។

លោក ឌិត ទីណា មានប្រសាសន៍ថា «នៅពេលពូជស្រូវនេះយើងផលិតបាន យើងនឹងធ្វើការងារចងក្រងឱ្យស្របទៅតាមទស្សនៈទានជាមួយនិងសហព័ន្ធស្រូវអង្ករកម្ពុជាដែលជាអ្នកកែច្នៃទិញស្រូវនេះឡើង។ដូចនេះអ្វីដែលជាទស្សនៈទានទៅមុខ ចេញពីវិស័យស្រូវអង្ករ ប្រជាពលរដ្ឋទៅថ្ងៃមុខបើគាត់ចូលរួមនៅក្នុងទស្សនៈទានថ្មីនេះ គាត់នឹងអាចមានទីផ្សារមុនពេលគាត់ចាប់ផ្តើមដាំដុះ គាត់ដឹងពេលគាត់ដាំហើយអាចលក់ជូនរោងម៉ាស៊ីនកិនស្រូវណាមួយ ក្នុងបរិមាណស្រូវប៉ុន្មាន»។

ពាក់ព័ន្ធនិងការជំរុញការផលិតពូជស្រូវនេះរបស់ក្រសួងកសិកម្មរុក្ខាប្រមាញ់និងនេសាទនេះ ទទួលបានការគាំទ្រជាខ្លាំងពីប្រធានសហព័ន្ធស្រូវអង្ករកម្ពុជា។

លោកឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា មានប្រសាសន៍ថា យើងមានការគាំទ្រខ្លាំងហើយយើងបានចូលរួមជាយន្តការដោយធ្វើការជាមួយគ្នាហើយយើងបានពិភាក្សាទៅលើពូជស្រូវសែនក្រអូបនេះទាំងការប្រជុំផ្លូវការផងនិងការប្រជុំផ្តាស់ប្តូរបទពិសោធន៍ឬប្តូរយោបល់គ្នានៅលើការទំនាក់ទំនងជាប្រចាំថ្លៃ។

លោកឧកញ៉ា ចាន់ សុឃាំង សង្កត់ធ្ងន់ថា«បើកម្ពុជាជំរុញការផលិតពូជស្រូវល្អប្រណិតឱ្យបានច្រើនវានឹងជួយឱ្យប្រជាកសិករនៅក្នុងស្រុកកាត់បន្ថយថ្លៃដើមផលិតដោយក្នុងមួយហិកតានិងមានការថយចុះតាមរយៈពូជសុទ្ធ,យើងបានអង្ករប្រណិតរបស់យើងដែលមានប្រភពសុទ្ធនៃអង្ករនីមួយៗមានកម្រិតខ្ពស់ទៅតាមស្តង់ដាដែលយើងចង់បាន។លើសពីនេះទីផ្សារក៏មានតម្រូវការឬលក្ខណ្ឌទៅលើស្តង់ដាដែលគេចង់បានដូចគ្នា»។

បើតាមប្រធានសហព័ន្ធស្រូវអង្ករកម្ពុជាថា ប្រភេទពូជស្រូវសែនក្រអូបនេះកម្ពុជាធ្លាប់បាននាំចេញកន្លងមកហើយ ហើយឃើញថាបរិមាណនៃនាំចេញបានច្រើននៅក្នុងកម្រិតប្រភេទពូជធំៗទំាង៣របស់កម្ពុជាដែលបាននាំចេញទៅ។ប៉ុន្តែនៅក្នុងនោះយើងបានបន្សុតពូជនេះឱ្យចេញទៅជាពូជថ្មីជាពូជសែនក្រអូបដដែល តែយើងដាក់ថា០១ មានន័យថាវាមានលក្ខណៈបន្សុត មានភាពសមក៏ដូចជាសម្រួលឱ្យប្រជាកសិករដែលធ្វើការដំាដុះនោះរឹតតែមានប្រសិទ្ធភាពនិងចំណាយទុនអស់តិចជាងមុន។

លោកឧកញ៉ា ចាន់ សុឃាំង មានប្រសាសន៍ថា នៅឆ្នំា២០២៣នេះយើងសង្ឃឹមថាការនាំចេញអង្ករទៅទីផ្សារខាងក្រៅនឹងមានភាពប្រសើរជាងឆ្នំាមុនៗ ព្រោះយើងនិងធ្វើសកម្មទីផ្សារនៅក្នុងតំបន់គោលដៅមួយចំនួនដែលបានកំណត់ទុក។

យោងតាមសហព័ន្ធស្រូវអង្ករកម្ពុជាបានបង្ហាញថាក្នុងរយៈពេល ១២ខែ នៃឆ្នាំ២០២២ ប្រទេសកម្ពុជា តាមរយៈក្រុមហ៊ុននាំចេញអង្ករចំនួន ៦១ បាននាំចេញអង្ករទៅកាន់ទីផ្សារអន្តរជាតិចំនួន ៥៩ ប្រទេស ដែលក្នុងនោះ ប្រទេសចិនរួមទាំងតំបន់ស្វយ័តហុងកុង ម៉ាកាវ បានចំនួន ២៨៨ ៨៣០ តោន ឬស្មើនឹង ៤៥% ប្រទេសនៅទ្វីបអឺរ៉ុបចំនួន ២៥ បានបរិមាណសរុបចំនួន ២២១ ៥០៤ តោន ឬស្មើនឹង ៣៥% ប្រទេសសមាជិកអាស៊ានចំនួន ៤ បានបរិមាណសរុបចំនួន ៦៤ ៧៣៣ តោន ឬស្មើនឹង ១០% និងបណ្តាគោលដៅផ្សេងៗ នៅអាហ្វ្រិក អាមេរិក អូស្ត្រាលី រុស្សី អ៊ុយក្រែន ។ល។ ចំនួន ២៧ ប្រទេស និងដែនកោះបានបរិមាណសរុបចំនួន ៦១ ៩៣៧ តោន ឬស្មើនឹង ១០% នៃការនាំចេញសរុបចំនួន ៦៣៧ ០០៤តោន ដែលមានតម្លៃសរុបចំនួន ៤១៤.២៩ លានដុល្លារសហរដ្ឋអាមេរិក។

កម្ពុជា បាននាំចេញអង្ករក្រអូបប្រណិត បានចំនួន ២៧៧ ៧៣៩ តោន ឬស្មើនឹង ៤៤% អង្ករសែនក្រអូប បានចំនួន ១៧៩ ០៧០ តោន ឬស្មើនឹង ២៨% អង្ករសបានចំនួន ១៥៣ ៤២៨ តោន ឬស្មើនឹង ២៤% អង្ករចំហុយបានចំនួន ១៥ ៧៨១ តោន ឬស្មើនឹង ២% អង្ករសរីរាង្គបានចំនួន ១០ ៩៦៣ តោន ឬជិត ២% និងអង្ករដំណើបចំនួន ២៣តោន៕ អត្ថបទ៖ ឧកញ៉ា សារេត

The post ឧកញ៉ា ចាន់ សុឃាំង៖ បើកម្ពុជាជំរុញការផលិតពូជស្រូវល្អប្រណិតឱ្យបានច្រើនវានឹងជួយឱ្យប្រជាកសិករនៅក្នុងស្រុកកាត់បន្ថយថ្លៃដើម appeared first on .