កញ្ញា គន់គីម កាលីឌីណា បច្ចុប្បន្នវ័យ ១៨ឆ្នាំ ជាកូនស្រីរបស់ឯកឧត្តម គីម រិទ្ធី អភិបាលខេត្តព្រះវិហារ និងលោកជំទាវ សុខា គងពិសី និងត្រូវជាចៅស្រីរបស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី និងជាអគ្គលេខាធិការសមាគមអតីតយុទ្ធជនកម្ពុជា។

ក្នុងឆ្នាំសិក្សា២០២៥នេះដែរ កញ្ញា គន់គីម កាលីឌីណា បានជាប់ឈ្មោះជាសិស្សពូកែឆ្នើមមួយរូប ដោយទទួលបានប័ណ្ណសរសើរលើមុខវិជ្ជាភាសាអង់គ្លេស ព្រមទាំងឈ្នះពានរង្វាន់ភាពជាអ្នកដឹកនាំ (Leadership Award) ដែលក្នុងមួយឆ្នាំសាលាជ្រើសរើសតែពីររូប (ប្រុស១រូប និងស្រី១រូប) ផងដែរ។

លោកជំទាវ សុខា គងពិសី បានបង្ហោះសារអបអរសាទរដល់កូនស្រី ក្នុងឱកាសដ៏រីករាយនេះ កាលពីចុងសប្តាហ៍កន្លងទៅដូច្នេះថា៖ “ថ្ងៃនេះជាថ្ងៃដែលម៉ែបានរង់ចាំអស់រយៈពេលជាច្រើនឆ្នាំ ដើម្បីមើលកូនបានបញ្ចប់ការសិក្សា ហើយបានក្លាយជាក្មេងឆ្លាត រឹងមាំ និងស្រស់ស្អាតរបស់ម៉ែ។ ពេលមើលកូនដើរទទួលសញ្ញាបត្រ ម៉ែមិនអាចទប់ទឹកភ្នែកបានទេ(តែជាទឹកភ្នែកសប្បាយចិត្ត)។ ភាពជោគជ័យរបស់កូន គឺបានខិតខំយ៉ាងខ្លាំង ដើម្បីឈានដល់ពេលនេ។ ម៉ែបានឃើញកូនខំប្រឹង និងភាពក្លាហ៊ានរបស់កូន កូនខំរៀនដល់យប់ជ្រៅ ហើយធ្វើឱ្យម៉ែមានមោទនភាពចំពោះកូនយ៉ាងខ្លាំង។ បន្ទាប់ពីនេះកូននឹងរៀបចំខ្លួនចាកចេញពីម៉ែប៉ា ប្អូនៗ ដើម្បី ចាប់ផ្តើមដំណើរថ្មីរបស់កូននៅសាកលវិទ្យាល័យ។ កូននឹងប្រឈមមុខនឹងបញ្ហាថ្មីៗ ប៉ុន្តែម៉ែដឹងថាកូនបានត្រៀមខ្លួនរួចរាល់ហើយ។ម៉ែសង្ឃឹមថាក្នុងពេល ៣ឆ្នាំទៀត ម៉ែនឹងបានទៅមើលកូនសម្រេចក្តីសុបិន្តមួយទៀត ក្នុងការបញ្ចប់ការសិក្សានៅសាកលវិទ្យាល័យ។ សូមអបអរសាទរកូនឌីណា កូនបានធ្វើអោយម៉ែមានមោទនភាពយ៉ាងខ្លាំង ម៉ែស្រលាញ់កូន”។

សូមជម្រាបថា សាលាភ្នំពេញអន្តរជាតិ (ISPP) មានទីតាំងនៅខណ្ឌមានជ័យ រាជធានីភ្នំពេញ បានបង្កើតឡើងតាំងពីឆ្នាំ១៩៨៩ ជាសាលាដ៏ល្បីបំផុតមួយនៅកម្ពុជា ដែលមានគុណភាពបណ្តុះបណ្តាលខ្ពស់កម្រិតអន្តរជាតិ និងមានតម្លៃសិក្សាខ្ពស់។ តាមទិន្នន័យឆ្នាំសិក្សា២០២៣-២០២៤ សាលា ISPP កម្រិតបាក់ឌុប មានតម្លៃសិក្សាប្រមាណជាង ២៨ម៉ឺនដុល្លារសហអាម៉េរិក៕

The post កូនស្រីឯកឧត្តម គីម រិទ្ធី អភិបាលខេត្តព្រះវិហារ បញ្ចប់ការសិក្សានៅសាលា ISPP appeared first on .

សូមជម្រាបជូនថា ភរិយាលោក គីម រិទ្ធី គឺលោកស្រី សុខា គងពិសី នាយិកាប្រតិបត្តិក្រុមហ៊ុន ទឹកពិសាធម្មជាតិ អរុណា៕

The post កូនប្រុសច្បង លោក គន់ គីម តែងតាំងជាជំនួយការសម្តេចតេជោនាយករដ្ឋមន្ត្រី appeared first on .

កូនប្រុស​របស់​លោក​ទេសរដ្ឋមន្ត្រី​ គន់ គីម ​​​ដែល​ជា​កូន​កំលោះ​មាន​ឈ្មោះ​ថា «គីម រតនៈ» ​​​​បាន​​រៀប​អាពាហ៍​ពិពាហ៍​ជាមួយ​នឹង​កូន​ក្រមុំ​ឈ្មោះ «អ៊ឹង អ៊ីលី» ​​នៅ​ថ្ងៃទី​១៨ ខែ​ធ្នូ ឆ្នាំ២០២២នេះ។ ក្នុង​ពិធី​​​​​មង្គល​ការ​​កូន​ប្រុស​​​របស់​ថ្នាក់ដឹកនាំ​ជាន់​ខ្ពស់​នៃ​ជួរ​រាជរដ្ឋាភិបាលកម្ពុជា​នេះ ​​សម្តេចតេជោ និង​សម្តេច​កិត្តិបណ្ឌិត​ បាន​ផ្តល់​កិត្តិយស​អញ្ជើញ​​ចូល​រួម​ដោយ​ផ្ទាល់ ​​ហើយ​ក្នុង​នោះ​​កូនៗ​របស់​សម្តេច​ដូចជា លោក ហ៊ុន ម៉ាណែត លោក ហ៊ុន ម៉ានី លោក ហ៊ុន ម៉ានិត និងលោកជំទាវ ហ៊ុន ម៉ាណា និង​ស្វាមី លោក ឌី វិជ្ជា ព្រម​ទាំង​កូនប្រសារ​របស់​សម្តេច​មួយ​ចំនួន​ទៀត ក៏​បាន​អញ្ជើញ​ចូល​រួម​ផងដែរ។

សូម​ជម្រាប​ជូន​ថា នាយឧត្តមសេនីយ៍ ​ទេសរដ្ឋមន្ត្រី​ គន់ គីម បច្ចុប្បន្ន​ក៏​មានតួនាទីជា​អនុប្រធាន​ទី​១ នៃ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ។ លោកទេសរដ្ឋមន្ត្រី គន់ គីម ទើប​ត្រូវ​បាន​ព្រះមហាក្សត្រនៃកម្ពុជា ត្រាស់បង្គាប់ផ្តល់​គោរម្យ​ងារ​កិត្តិយស​នៃរាជបណ្ឌិត្យសភាកម្ពុជា ជា «កិត្តិសង្គហបណ្ឌិត» កាល​ពី​ថ្ងៃទី២៩ ខែតុលា ឆ្នាំ២០២២។ ដោយឡែក ​​កូនប្រុស​របស់​លោក គន់ គីម ម្នាក់​ទៀត​​គឺ​ លោក គីម រិទ្ធី ដែល​ត្រូវ​ជា​បង​ប្រុស​​កូនកំលោះ គីម រតនៈ ​​ត្រូវ​បាន​​ទទួល​ការ​តែងតាំង​ជា អភិបាលខេត្ត​ព្រះវិហារ ជំនួស​​លោក​ប្រាក់ សុវណ្ណ ដែល​បាន​ចូល​និវត្តន៍ កាលពី​ថ្ងៃទី​២៧ ខែ​កក្កដា ឆ្នាំ២០២២៕

The post ព្រឹកនេះ សម្តេចតេជោ ហ៊ុន សែន នាំកូនៗទាំងអស់ ចូលរួមមង្គលការកូនប្រុសទេសរដ្ឋមន្ត្រី គន់ គីម appeared first on .

ក្រុមហ៊ុននេះវិនិយោគ និងគ្រប់គ្រងដោយផ្ទាល់ពីលោកស្រី សុខា គងពិសី ក្នុងតួនាទីជានាយិកាប្រតិបត្តិ។ លោកស្រីបានបញ្ចប់ការសិក្សាពីទីក្រុងកាលីហ្វ័រញ៉ា នៃសហរដ្ឋអាមេរិក និងជាសហគ្រិនស្រ្តីវ័យក្មេងមួយរូប ដែលតែងតែចូលរួមជំរុញលើកទឹកចិត្តដល់ស្រ្តីឱ្យមានភាពរឹងមាំក្នុងជីវិត និងជំនួញ។

ទន្ទឹមនឹងនេះ លោកស្រី គងពិសី ជាភរិយាអភិបាលខេត្តព្រះវិហារ លោក គីម រិទ្ធី កូនប្រុសលោក គន់ គីម ទេសរដ្ឋមន្ដ្រី
អនុប្រធានទី១គណៈកម្មាធិការគ្រប់គ្រងគ្រោះមហន្តរាយ។ លោកស្រីមានបុត្រចំនួន៣នាក់ ក្នុងនោះស្រី២នាក់ ជាចំណងដៃអាពាហ៍ពិពាហ៍។

សូមជម្រាបថា ក្រុមហ៊ុនទឹកបរិសុទ្ធរបស់លោកស្រី គងពិសី ជានិច្ចកាលតែងតែចូលរួមជាមួយរាជរដ្ឋាភិបាលដោយបានចូលរួមបរិច្ចាគទឹកបរិសុទ្ធរាប់ម៉ឺនកេស និងគ្រឿងឧបភោគបរិភោគជាច្រើនទៀតផងដែរ៕

The post តើភរិយាអភិបាលខេត្តព្រះវិហារ គីម រិទ្ធី កំពុងកាន់ជំនួញអ្វី? appeared first on .

បន្ទាប់ពីការប្រកាសចូលកាន់តំណែងជាអភិបាលខេត្តព្រះវិហារ លោកបានទៅជួបសំណេះសំណាលជាមួយកងកំលាំងការពារព្រំដែនតំបន់ប្រាសាទព្រះវិហារ នាថ្ងៃសៅរ៍ ទី៦ ខែសីហានេះ។

ក្នុងដំណើរសួរសុខទុក្ខកងទ័ព លោក គីម រិទ្ធី បានបង្ហាញអារម្មណ៍ថា លោកពិតជាមាន ក្តីរំភើបរីករាយ ដែលបានជួបយុទ្ធមិត្តចាស់ ហើយបានធ្វើបដិសណ្ឋារកិច្ចស្វាគមន៍យ៉ាងកក់ក្តៅចំពោះលោក។

លោក គីម រិទ្ធី បានឲ្យដឹងថា លោកបានមកដល់តំបន់ប្រាសាទព្រះវិហារ នាចុងឆ្នាំ២០០៨ អំទ្បុងពេលដែលថៃឈ្លានពានមកលើតំបន់ប្រាសាទ ក្នុងនាមលោកជាអតីតនាយទាហានជាន់ខ្ពស់យោធា និងជាក្រុមចលនាយុវជនសមរភូមិក្រោយ នៃសមាគមយុវជនកម្ពុជា (បច្ចុប្បន្ន សសយក)។

លោកថ្លែងថា៖ ខ្ញុំសូមថ្លែងអំណរគុណនិងដឹងគុណយ៉ាងជ្រាលជ្រៅ ចំពោះវីរភាពអង់អាចក្លាហានរបស់កងកំលាំងប្រដាប់អាវុធយើង ក្នុងការការពារបូរណភាពដែនដី និងការពារសុខសន្តិភាពជូនកម្ពុជា។

ទន្ទឹមនឹងនោះ លោកអភិបាលខេត្តថ្មីរូបនេះ ក៏ឆ្លៀតពេល គោរពនិងដឹងគុណយ៉ាងជ្រាលជ្រៅបំផុត ចំពោះសម្តេចតេជោ ដែលបានដឹកនាំនាវាកម្ពុជា ស្វែងរកសន្តិភាព បណ្តុះបណ្តាលធនធានមនុស្ស និង ផ្តល់សេចក្តីទុកចិត្ត ចំពោះលោកជាយុវជនជំនាន់ក្រោយ ជាអភិបាលខេត្តព្រះវិហារ។

លោកថ្លែងបន្តថា៖ ខ្ញុំបាទសូមប្តេជ្ញា “ប្រឹងធ្វើការអោយបានល្អ កុំអោយខូចតម្លៃនៃការតែងតាំង” និង “បំរើប្រជាជនប្រកបដោយយុត្តិធម៌” និងគុណធម៌បំផុត។

គួររំលឹកថា លោក គីម រិទ្ធី ជាកូនប្រុសលោក គន់ គីម សមាជិកណៈអចិន្ត្រៃយ៍ នៃគណកម្មាធិការកណ្តាល និងជាប្រធានក្រុមការងារចុះជួយខេត្តឧត្តរមានជ័យរបស់គណបក្សប្រជាជនកម្ពុជា។

មុនឡើងកាន់ដំណែងអភិបាលខេត្តព្រះវិហារ លោក គីម រិទ្ធី អតីតជាអភិបាលរងខេត្តកណ្ដាល និងជាអគ្គនាយករង នៃអគ្គនាយកដ្ឋានរដ្ឋបាលក្រសួងមហាផ្ទៃ។

សម្រាប់ការងារបក្សវិញ លោក គីម រិទ្ធី ក៏កំពុងកាន់តួនាទីជាប្រធានផ្នែកទំនាក់ទំនងនិងសហប្រតិបត្តិការជាតិ-អន្តរជាតិ នៃយុវជនគណបក្សថ្នាក់កណ្តាល គណបក្សប្រជាជនកម្ពុជាផងដែរ៕

The post អភិបាលខេត្តព្រះវិហារថ្មី អះអាងថា ប្រឹងធ្វើការឱ្យបានល្អ កុំឱ្យខូចតម្លៃនៃការតែងតាំង appeared first on .

ក្រោយថ្ងៃរំដោះ៧ មករា ឆ្នាំ​១៩៧៩ កម្ពុជាទទួលបាននូវពន្លឺនៃសុខសន្តិភាព​ជាបណ្តើរក្រោមការដឹកនាំ​របស់​សម្តេចអគ្គមហាសេនាបតី​តេជោ ហ៊ុន សែន និងជាប្រធានគណបក្សប្រជាជនកម្ពុជា ។ ដោយគិត​ចាប់ពីឆ្នាំ១៩៧៩ រហូត​ដល់​ឆ្នាំ​២០២២ នេះមានថ្នាក់ដឹកនាំសរុប១១រូប ដូច​ខាង​ក្រោម៖

១. ១៩៧៩-១៩៨១ ឯកឧត្តម វេង ឃូន ប្រធានគណៈកម្មាធិការ ប្រជាជនបដិវត្តន៍​ខេត្ត
២. ១៩៨១-១៩៨២ ឯកឧត្តម នៃ ប៉េណា ប្រធានគណៈកម្មាធិការ ប្រជាជនបដិវត្តន៍​ខេត្ត
៣. ១៩៨៣-១៩៨៥ ឯកឧត្តម ស៊ុក សំអេង ប្រធានគណៈកម្មាធិការ ប្រជាជនបដិវត្តន៍​ខេត្ត
៤. ១៩៨៥-១៩៨៨ ឯកឧត្តម អោក មុនី ប្រធានគណៈកម្មាធិការ ប្រជាជនបដិវត្តន៍​ខេត្ត
៥. ១៩៨៨-១៩៩៤ ឯកឧត្តម ស៊ុក សំអេង ប្រធានគណៈកម្មាធិការ ប្រជាជនបដិវត្តន៍​ខេត្ត
៦. ១៩៩៤-១៩៩៨ ឯកឧត្តម មាន សារិន អភិបាលខេត្ត
៧. ១៩៩៩-២០០៩ ឯកឧត្តម ព្រាប តាន់ អភិបាលខេត្ត
៨. ២០០៩-២០១៦ ឯកឧត្តម អ៊ុំ ម៉ារ៉ា អភិបាលខេត្ត
៩. ២០១៦-២០១៩ ឯកឧត្តម អ៊ុន ចាន់ដា អភិបាលខេត្ត
១០. ២០១៩-២០២២ ឯកឧត្តម ប្រាក់​សុវណ្ណ អភិបាលខេត្ត
១១. ២០២២-បច្ចុប្បន្ន ឯកឧត្តម គីម រិទ្ធី អភិបាលខេត្ត (ថ្មី)

លោក គីម រិទ្ធី ដែលកូនប្រុសលោក គន់ គីម សមាជិកណៈអចិន្ត្រៃយ៍ នៃគណកម្មាធិការកណ្តាល និងជា​ប្រធានក្រុមការងារចុះជួយខេត្តឧត្តរមានជ័យរបស់គណបក្សប្រជាជនកម្ពុជា ត្រូវបាន​តែងតាំងជាអភិបាល​ខេត្តព្រះវិហារ មានឋានន្ដរស័ក្ដិឧត្តមមន្ដ្រី ថ្នាក់លេខ៣ ជំនួសលោក ប្រាក់ សុវណ្ណ ត្រូវបានដាក់ឲ្យ​ចូល​និវត្តន៍ នៅថ្ងៃទី២៧ ខែកក្កដា ឆ្នាំ២០២២នេះ។ ​

សាវតាខេត្តព្រះវិហារ

ខេត្តព្រះវិហារ ត្រូវបានបង្កើតឡើងដោយក្រមលេខ១៩៤-ប-រ នាថ្ងៃទី២២ ខែកក្កដាឆ្នាំ១៩៦៤ គឺក្រោយ​ពេលព្រះរាជាណាចក្រកម្ពុជាឈ្នះក្តីលើប្រទេសថៃតាមសាលក្រមចុះថ្ងៃទី១៥ ខែមិថុនា ឆ្នាំ១៩៦២ នៅ​តុលាការអន្តរជាតិនៅទីក្រុងឡាអេ ប្រទេសហូឡង់ ដោយបានដាក់ឈ្មោះថា ខេត្តព្រះវិហារ។

ខេត្តព្រះវិហារកាលនោះមានតែចំនួន​​០៤ស្រុក គឺស្រុករវៀង, ឆែប, ស្រុកជាំក្សាន្ត ដែលកាត់ចេញ​ពីខេត្ត​​​កំពង់ធំ និងស្រុកអង្គរធំ ដែលកាត់​ចេញ​ពី​ខេត្ត​​សៀមរាប​​​មាន០៣ឃុំគឺឃុំអន្លង់វែង,ថ្កូវ និងកោះកែរ ។ ខេត្ត​ព្រះវិហារ​​​មានទីរួមខេត្តនៅកំពង់ប្រណាកឲ្យឈ្មោះថា ភ្នំត្បែងមានជ័យ។

១/ស្រុកជាំក្សាន្តមាន០៧ឃុំ គឺឃុំជាំក្សាន្ត ឃុំទឹកក្រហម ឃុំប្រមេរ ឃុំយាង ឃុំព្រីងធំ និងឃុំត្រាវ ។

២/ ស្រុកឆែប មានឃុំចំនួន០៩ គឺឃុំឆែប, ឃុំម្លូព្រៃ, ឃុំក្រខឹក, ឃុំថ្មី, ឃុំច្រាច់, ឃុំពើក,​ ឃុំកំពង់ស្រឡៅ​ឃុំកំពង់ជ្រៃ​, ឃុំសាលា។ (ឃុំមួយចំនួនកាត់ចេញពីខេត្តស្ទឹងត្រែង)

៣/ស្រុករវៀង កាត់ចេញពីស្រុកមួយចំនួននៃខេត្តកំពង់ធំរួមមានស្រុកកំពង់ស្វាយដែលរួមមាន ឃុំស្តៅ ឃុំព្រំទេព, ឃុំភ្នំត្បែង និងឃុំធ្មាកាត់ចេញពីស្រុកសណ្តាន់ខេត្តកំពង់ធំ ។

ក្រុងត្បែងមានជ័យគឺជាទីរួមខេត្តរបស់ខេត្តព្រះវិហារ ដែលត្រូវបានបង្កើតឡើងនៅក្នុងឆ្នាំ១៩៨២ រហូត​ដល់ថ្ងៃទី២៥ ខែកុម្ភៈ ឆ្នាំ២០០៩។ ស្រុកត្បែងមានជ័យត្រូវបានប្តូរទៅជាក្រុងព្រះវិហារវិញ​នៅ​ថ្ងៃទី​១៧​ខែឧសភា ឆ្នាំ២០០៩ ហើយខេត្តនេះមានស្ទឹងមួយដែលហូរកាត់គឺស្ទឹងសែន៕

The post ណែនាំឱ្យស្គាល់អភិបាលខេត្តព្រះវិហារ ១១រូប ចាប់ពីឆ្នាំ១៩៧៩ ដល់បច្ចុប្បន្ន appeared first on .

ឧកញ៉ា សុខ ស្រស់ និងលោកជំទាវ ព្រមទាំងក្រុមគ្រសារ សូមគោរពជូនពរឯកឧត្តម គីម រិទ្ធី សូមមានសុខភាពបរិបូរណ៍ កម្លាំងពលំមាំមួន ឈ្នះអស់មារសត្រូវគ្រប់ទិសទី ដើម្បីបន្តដឹកនាំខេត្តព្រះវិហារឆ្ពោះទៅរកភាពរឹងមាំ និងរីកចម្រើនតរៀងទៅ។

សូមបួងសួងដល់វត្ថុស័ក្ដិសិទ្ធិ ទាំងអស់ក្នុងលោក សូមប្រសិទ្ធពរបវរមហាប្រសើរជូន ឯកឧត្តម គីម រិទ្ធី និងលោកជំទាវ ព្រមទាំងក្រុមគ្រួសារទាំងអស់ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ ផ្ញើសារអបអរសាទរ ឯកឧត្តម គីម រិទ្ធី ឡើងជាអភិបាលខេត្តព្រះវិហារ appeared first on .

លោក គីម រិទ្ធី អតីតជាអភិបាលរងខេត្តកណ្ដាល និងបច្ចុប្បន្នមុនត្រូវបានតែងតាំងជាអភិបាលខេត្តព្រះវិហារនេះ លោកមានតួនាទីជាអគ្គនាយករង នៃអគ្គនាយកដ្ឋានរដ្ឋបាលក្រសួងមហាផ្ទៃ កាលពីថ្ងៃទី១៤ ខែកុម្ភៈ ឆ្នាំ២០២២។

ជាមួយគ្នានេះ លោក គីម រិទ្ធី ក៏កំពុងកាន់តួនាទីជាប្រធានផ្នែកទំនាក់ទំនងនិងសហប្រតិបត្តិការជាតិ-អន្តរជាតិនៃយុវជនគណបក្សថ្នាក់កណ្តាល គណបក្សប្រជាជនកម្ពុជាផងដែរ៕

The post កូនលោកទេសរដ្ឋមន្រ្តី គន់ គីម ឡើងជាអភិបាលខេត្តព្រះវិហារ appeared first on .