ជាក់ស្តែងជុំវិញការបង្កើតក្រុងថ្មីនេះដែរ ត្រូវបានលោក ង៉ែត ជូ អ្នកវិភាគសេដ្ឋកិច្ចល្បីឈ្មោះមួយរូប បានលើកឡើងតាមរយៈបណ្តាញសង្គមហ្វេសបុកផ្ទាល់ខ្លួនថា ការបង្កើតក្រុងថ្មីអ្នកមិនអាចធ្វើអោយទីផ្សារដីធ្លីដែលកំពុងស្ងាត់កំរើកឡើងវិញភ្លាមៗបាននោះទេ ប៉ុន្តែវាគឺជាពេលវេលាដ៏ល្អបំផុតសំរាប់ការវិនិយោគរយៈពេលវែង (ចាប់ពី៥ឆ្នាំឡើង)។

ដោយក្នុងនោះ លោកបានបង្ហាញនៅអំណះអំណាង ដោយផ្អែកលើហេតុផល២សំខាន់ៗ គឺ ៖១. អ្នកវិនិយោគអាចទិញដីដែលល្អៗក្រោមតម្លៃទីផ្សារ។ គឺតម្លៃគួរក្រោមទីផ្សារយ៉ាងហោចណាស់២០%-៣០%។

និង២. ការបង្កើតក្រុងថ្មីនឹងនាំមកនូវការអភិវឌ្ឍហេដ្ឋារចនាសម្ពន្ធ័ (ទឹក ភ្លើង ផ្លូវ សាលារៀន មន្ទីរពេទ្យ) និងសេវាសាធារណៈកាន់តែខិតទៅជិតប្រជាពលរដ្ឋដែលជាហេតុនាំអោយជំរុញល្បឿននៃការអភិវឌ្ឍក្នុងតំបន់កាន់តែលឿន។

ជារួម អ្នកវិភាគសេដ្ឋកិច្ចរូបនេះ បានអះអាងថា ហេតុនេះចំណុចគន្លឹះគឺ៖ ចេះទិញដីដែលល្អ ទិញក្រោមតម្លៃទីផ្សារ និងមានលុយគ្រប់គ្រាន់ ឬខ្ចីធនាគារតិចតួចដើម្បីបង្រ្គប់។

សូមរម្លឹកថា រដ្ឋាភិបាល​កម្ពុជា ​កាល​ថ្ងៃ​ទី២៣​ ធ្នូ បាន​សម្រេច​បង្កើត​ក្រុង​ថ្មី​ចំនួន​បី​បន្ថែម​ទៀត​ និង​ពង្រីក​ស្រុក​ថ្មី​ពីរបន្ថែម​។ ក្រុង​សំពៅពូន​និង​ក្រុង​អរិយក្សត្រ ​ស្ថិត​ក្នុង​ខេត្ត​កណ្ដាល ​ រីឯ​ក្រុង​ឧដុង្គម៉ែជ័យ​ស្ថិត​ក្នុង​ស្រុក​ឧដុង្គ​ខេត្ត​កំពង់ស្ពឺ។​ ស្រុក​ឧដុង្គ​ក៏​ត្រូវ​បាន​ពង្រីក​ស្រុក​មួយ​បន្ថែម​ទៀត​ដែរ​គឺ​ស្រុក​សាមគ្គីមុនីជ័យ​  ខណៈ​ស្រុក​ថ្មី​មួយ​ទៀត​ត្រូវ​បាន​បង្កើត​នៅ​ខេត្ត​ក្រចេះ​ឈ្មោះ​ថា ​ស្រុក​អូរគ្រៀងសែនជ័យ។​

យ៉ាងណាមិញ បើតាមអនុក្រឹតរបស់ប្រមុខរាជរដ្ឋាភិបាលកម្ពុជា សម្តេច ហ៊ុន សែន បានឱ្យដឹងថា ការសម្រេចកំណត់ចំនួនគណៈអភិបាលក្រុង ស្រុក ដែលបំបែក និងបង្កើតថ្មីនៃខេត្តកណ្តាល ខេត្តកំពង់ស្ពឺ និងខេត្តក្រចេះ គឺធ្វើឡើងដោយអនុលោមតាមមាត្រា ១៤០ថ្មី នៃច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ ដូចខាងក្រោម៖ ១-ខេត្តកណ្តាលសម្រាប់ក្រុងអរិយក្សត្រ មានគណៈអភិបាលចំនួន ៧នាក់ និងក្រុងសំពៅពូន មានចំនួនគណៈអភិបាល៧នាក់។ ២-ខេត្តកំពង់ស្ពឺ សម្រាប់ក្រុងឧដុង្គម៉ែជ័យ មានចំនួនគណៈអភិបាល ៧នាក់ និងស្រុកសាមគ្គីមុនីជ័យ មានចំនួនគណៈអភិបាល៧នាក់។ និង៣-ខេត្តក្រចេះ សម្រាប់ស្រុកអូរគ្រៀងសែនជ័យ មានចំនួនគណៈអភិបាល ៧នាក់៕

អត្ថបទ៖ ពិសី

The post តើពេលនេះគួរវិនិយោគដីធ្លីនៅទីក្រុងដែលទើបបង្កើតថ្មីដែរ ឬទេ? appeared first on .

ជាក់ស្តែងទាក់ទិននឹងការលើកឡើងនេះ ថ្លែងក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ កាលពីថ្ងៃទី៣តុលា សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ថា សាកលវិទ្យាល័យឯកជន បានជួយបណ្តុះបណ្តាលធនធានមនុស្សកម្ពុជាច្រើនគិតមកដល់ពេលនេះ។ សម្តេចបន្តថា នេះជាមោទនភាពដែលមានធនធានមនុស្សកាន់តែច្រើនឡើងៗ។

ជាងនេះទៅទៀត សម្តេចបន្តថា ការដែលមានធនធានមនុស្សកាន់តែច្រើននេះ គឺដោយសារជាការសម្រេចចិត្តដ៏ត្រឹមត្រូវរបស់សម្តេចក្នុងការបើកឪកាសឲ្យវិស័យឯកជនចូលរួមវិនិយោគក្នុងវិស័យអប់រំ។ សម្តេច បញ្ជាក់ថា វិស័យឯកជនជាក្បាលម៉ាស៊ីនរថភ្លើងដ៏សំខាន់ផ្នែកសេដ្ឋកិច្ច ដើម្បីឈានទៅបណ្តុះបណ្តាលគុណភាពធនធានមនុស្សកាន់តែទូលាយ។

ជុំវិញករណីនេះដែរ អ្នកជំនាញសេដ្ឋកិច្ច និងហិរញ្ញវត្ថុ លោក ង៉ែត ជូ ក៏បានលើកឡើងដែរថា ក្នុងទ្រឹស្តីកុម្មុយនីសគេថាសម្ភារកំណត់ស្មារតី។ ទ្រឹស្តីនេះហួសសម័យកាល និងមិនត្រូវកាលៈទេសៈរបស់ប្រទេសកម្ពុជានាពេលបច្ចុប្បន្ន និងរបៀបនៃការអភិវឌ្ឍរបស់អរិយប្រទេសនានាក្នុងពិភពលោកនោះទេ។ លោកបន្តថា ស្មារតីនេះ គួរតែជាអ្នកកំណត់សម្ភារ និងនៅអោយខ្ពស់ជាងសម្ភារ។ លោកថា និយាយអោយងាយយល់ទៅ យើងមិនអាចកសាងកម្ពុជាអោយក្លាយជាអរិយប្រទេសបាននោះទេ ប្រសិនបើគុណភាពរបស់មនុស្សមានកំរិត។

ឧកញ៉ា វណ្ណ សុខហេង ប្រធានសភាពាណិជ្ជកម្មកម្ពុជាខេត្តព្រះសីហនុ បានលើកឡើងថា ដើម្បីធានាបាននូវភាពជោគជ័យ នៃក្រុមហ៊ុនវិនិយោគ ឬស្ថាប័នវិស័យឯកជន ប្រកបដោយចីរភាព និងបរិយាបន្ន អ្នកដឹកនាំត្រូវមានលក្ខណៈសម្បត្តិបីយ៉ាងជាចំបង ទី១ គោរពច្បាប់, ឯករាជ្យ, និងភាពជាអ្នកដឹកនាំ ទី២ ការអភិវឌ្ឍវិស័យឯកជននិងការងារ និង ទី៣ រាជរដ្ឋាភិបាលកម្ពុជាបានកំណត់ថាវិស័យឯកជន គឺជាក្បាលម៉ាស៊ីននៃកំណើនសេដ្ឋកិច្ច។

លោកឧកញ៉ា ពន្យល់ថា វិស័យឯកជនមានតួនាទីគន្លឹះក្នុងការជំរុញកំណើន និងការអភិវឌ្ឍសង្គមកិច្ច សេដ្ឋកិច្ច ជាពិសេសការធ្វើឱ្យសម្រេចនូវគោលដៅរបស់រាជរដ្ឋាភិបាលក្នុងការធ្វើពិពិធកម្មមូលដ្ឋានផលិតកម្ម ការបញ្ចូលបច្ចេកវិទ្យាទំនើប និងគំនិតច្នៃប្រឌិតសំដៅបង្កើនប្រសិទ្ឋភាព និងពង្រឹងភាពប្រគួតប្រជែងនៃសេដ្ឋកិច្ចជាតិ ព្រមទាំងការបង្កើតការងារ ។

ដោយឡែក ជុំរឿងនេះដែរ ថ្លែងក្នុងសន្និសីទសហប្រជាជាតិស្ដីពីពាណិជ្ជកម្ម និងការអភិវឌ្ឍ (UNCTAD) កាលពីថ្ងៃទី៣ ខែតុលា ឆ្នាំ២០២២ លោក គង់ សុខហេង អនុព័ន្ធពាណិជ្ជកម្មប្រចាំស្ថានបេសកកម្មកម្ពុជា បានសំដែងនូវការគាំទ្រដល់ការងាររបស់អង្គការ UNCTAD ក្នុងការជួយដល់ប្រទេសកំពុងអភិវឌ្ឍន៍ និងប្រទេសអភិវឌ្ឍន៍តិចតួច។

ជាមួយគ្នានេះ លោកថា ភាគច្រើនប្រទេសកំពុងអភិវឌ្ឍន៍ និងប្រទេសអភិវឌ្ឍន៍តិចតួច គឺចាំបាច់ត្រូវការគុណភាពធនធានមនុស្សដែលខ្លាំង ព្រោះប្រទេសទាំងនោះនៅមានភាពខ្វះខាតជាច្រើនដូចជា ការប្រកួតប្រជែងនៅមានកម្រិត កង្វះខាតផលិតភាព និងការអភិវឌ្ឍន៍សមត្ថភាព និងកម្រិតទាបនៃឧស្សាហភាវូបនីយកម្មជាដើម។

គួរបញ្ជាក់ដែរថា នៅក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ ប្រមុខរដ្ឋាភិបាលកម្ពុជា សម្តេច ហ៊ុន សែន ក៏បានថ្លែងកោតសរសើរនិស្សិត ពិសេសធនធានមនុស្សកម្ពុជាទាំងអស់ ដែលបានជម្នះការលំបាក ដើម្បីទទួលចំណេះដឹងនានា និងរួមចំណែកជាមួយរដ្ឋាភិបាលជួយអភិវឌ្ឍន៍កម្ពុជានាពេលកន្លងមក។ យ៉ាងណាសម្តេចតេជោនៅតែថ្លែងអះអាងថា ចំណេះដឹង គឺជាទ្រព្យដែលចាយមិនចេះអស់នោះឡើយ៕ អត្ថបទ៖ រង្សី

The post នាយករដ្ឋមន្រ្តី និងអ្នកសេដ្ឋកិច្ច៖ គុណភាពធនធានមនុស្សជាក្បាលម៉ាស៊ីនដ៏សំខាន់ជួយជំរុញសេដ្ឋកិច្ចជាតិ appeared first on .

បើតាមការលើកឡើងពីអ្នកជំនាញហិរញ្ញវត្ថុ លោក ង៉ែត ជូ នៅថ្ងៃទី៣ ខែតុលានេះ បានលើកឡើងថា ក្នុងទ្រឹស្តីកុម្មុយនីសគេថាសម្ភារកំណត់ស្មារតី។ ទ្រឹស្តីនេះហួសសម័យកាល និងមិនត្រូវកាលៈទេសៈរបស់ប្រទេសកម្ពុជានាពេលបច្ចុប្បន្ន និងរបៀបនៃការអភិវឌ្ឍរបស់អរិយប្រទេសនានាក្នុងពិភពលោកនោះទេ។ លោកបន្តថា ស្មារតីនេះ គួរតែជាអ្នកកំណត់សម្ភារ និងនៅអោយខ្ពស់ជាងសម្ភារ។

លោកថា និយាយអោយងាយយល់ទៅ យើងមិនអាចកសាងកម្ពុជាអោយក្លាយជាអរិយប្រទេសបាននោះទេ ប្រសិនបើគុណភាពរបស់មនុស្សមានកំរិត។

អ្នកជំនាញហិរញ្ញវត្ថុ និងជាវិនិយោគិនមួយរូបនៅកម្ពុជា បានផ្តល់នៅឧទាហរណ៍ចំនួន៥ ដូចខាងក្រោម៖
១) ប្រជាជនខ្លះកាត់របាំងផ្លូវល្បឿនលឿនដើម្បីលក់ដូរ ឬយកទៅលក់អេតចាយ។
២) ប្រជាជនខ្លះគិតថាការកេងប្រវញ្ច័ ឬលួចបន្លំដើម្បីផលប្រយោជន៏ផ្ទាល់ខ្លួនថាជាការឆ្លាតវៃ។ បង្កប់ក្នុងពាក្យថាកន្លែងខ្លាញ់ កន្លែងត្រូវប៉ាន់។ល។
៣) ប្រជាជនខ្លះជិះរថយន្តថ្លៃប៉ុន្តែមិនបង់ពន្ធនាំចូលអោយបានត្រឹមត្រូវ។
៤) ប្រជាជនជាច្រើននៅបោះសំរាមពាសវាលពាសកាល។ល។
៥) ប្រជាជនគោរពផ្លាកសញ្ញាចរាចរតែនៅពេលមានវត្តមានប៉ូលីសចរាចរ៕

The post អ្នកជំនាញ៖ ចង់អភិវឌ្ឍកម្ពុជាឱ្យក្លាយជាអរិយប្រទេស ចាំបាច់ត្រូវពង្រឹងគុណភាពមនុស្ស appeared first on .

១) ការធ្វើការ និងការខិតខំសន្សំប្រាក់មិនគ្រប់គ្រាន់សំរាប់ការទ្រទ្រង់ជីវភាពអោយបានធូរធារនោះទេ

ជីវិតរស់នៅសម័យនេះគឺត្រូវការចំណាយសព្វបែបយ៉ាងដែលខុសពីសម័យមុន។ សម័យមុន អ្នកជនបទអាចរស់នៅពឹងផ្អែកលើធម្មជាតិ រកត្រី បរបាញ់សត្វ មិនចំណាយថ្លៃទឹក ថ្លៃភ្លើង។ល។ ដូច្នេះបើគ្រាន់តែធ្វើការ និងសន្សំប្រាក់មួយមុខគឺប្រៀបដូចជាមានដៃតែម្ខាងអញ្ចឹង។ មនុស្សត្រូវមានដៃម្ខាងទៀតគឺត្រូវចេះយកប្រាក់ដែលសន្សំបានទៅវិនិយោកដើម្បីបង្កើតចំណូលឬផលចំណេញបន្ថែម។ ការវិនិយោគនេះហើយដែលទាមទារអោយអ្នកមានចំណេះដឹងហិរញ្ញវត្ថុទូលំទូលាយព្រោះជម្រើសនៃការវិនិយោគកាន់តែមានភាពសំបូរបែប និងតែងមានហានិភ័យ។ ជម្រើសទាំងនោះរួមមានដូចជា ការវិនិយោគលើផ្សារហ៊ុន ការវិនិយោគលើអចលនទ្រព្យ ការវិនិយោគលើអាជីវកម្មបង្កើតថ្មី ការវិនិយោគលើក្រុមហ៊ុនដែលជាសហគ្រាសខ្នាតតូច និងមធ្យម។ល។

២) អតិផរណា និងភាពមិនប្រាកដប្រជានៃសេដ្ឋកិច្ចពិភពលោក

ពិភពលោកបានឆ្លងកាត់ និងបន្តឆ្លងកាត់នូវភាពមិនប្រាកដប្រជាជាច្រើនដូចជាការបម្រែបម្រួលអាកាសធាតុ ការបំផ្លាញធនធានធម្មជាតិ ជំងឺរាតត្បាតសាកល សង្រ្គាម និងភាពតានតឹងនៃនយោបាយពិភពលោក។ល។ កត្តាទាំងនេះសុទ្ធតែបានគំរាមកំហែងដល់ការឡើងថ្លៃទំនិញ និងបង្កនូវភាពមិនប្រាកដប្រជានៃសេដ្ឋកិច្ចក្នុងពិភពលោក។ ការមានចំណេះដឹងហិរញ្ញវត្ថុអាចអោយអ្នកត្រៀមខ្លួន និងអាចប្រឈមនឹងបញ្ហាទាំងនេះបានល្អប្រសើរ។

៣) តំរូវការជីវិតរស់នៅបែបទាន់សម័យ និងសម្ភារនិយម

សម័យនេះមានសម្ភារសំបូរបែប អ្នកអាចគិតថាអ្នកត្រូវការសម្ភារទាំងនោះដើម្បីបំរើសេចក្តីត្រូវការ និងការរស់នៅរបស់អ្នក។ តាមពិតទៅអ្នកត្រូវចេះបែងចែកអោយដាច់នូវអ្វីដែលជាសេចក្តីត្រូវការចាំបាច់ និងការចង់បាន (needs and wants)។ ការចង់បានដែលមិនមានព្រំដែន ឬលើសពីលទ្ធភាពរបស់ខ្លួនគឺជាជំងឺរ៉ាំរ៉ៃតាមព្យាបាទ និងបំផ្លាញសុខុមាលភាពហិរញ្ញវត្ថុរបស់បុគ្គលដែលខ្វះចំណេះដឹង។ ពោលគឺមិនចេះពេញចិត្ត និងស្កប់ស្កល់ជាមួយអ្វីដែលខ្លួនមាន។

៤) តំរូវការនៃជីវិតជោគជ័យនៅពេលចូលនិវត្តន៍

ក្រៅពីការដឹកនាំគ្រួសារអោយបានល្អ ជារួមជីវិតមនុស្សម្នាក់ៗត្រូវការភាពជោគជ័យ៣ដំណាក់កាល។ ដំណាក់កាលជាសិស្សនិស្សិត អ្នកត្រូវការភាពជោគជ័យក្នុងការសិក្សា។ ដំណាក់កាលនៃជីវិតការងារ (ទោះជាបុគ្គលិកក្តី ជាម្ចាស់អាជីវកម្មក្តី ជាអ្នកវិនិយោគក្តី) អ្នកត្រូវការភាពជោគជ័យក្នុងការងារទាំងនោះ។ ដំណាស់កាលទី៣គឺជាដំណាក់កាលចុងក្រោយនៃជីវិតគឺការរស់នៅក្នុងជីវិតជានិវត្តន៍ជនប្រកបដោយអត្ថន័យ និងសុខភាពល្អ។ មនុស្សជាច្រើនមិនបានគិតដល់ និងត្រៀមខ្លួនសំរាប់ភាពជោគជ័យក្នុងដំណាក់កាលទី៣នេះទេបើទោះជាសំបូរទ្រព្យធនប៉ុណ្ណាក៏ដោយ។ អ្នកត្រូវមានចំណេះដឹងហិរញ្ញវត្ថុអាចប្រើធនធានដែលអ្នកមានដើម្បីបំរើជីវិតចុងក្រោយអោយមានន័យបំផុតដូចជាការវិនិយោគលើសហគ្រាសសង្គម ការធ្វើទានបរិច្ចាគ ការចំណាយពេលជួយកិច្ចការសង្គមនានា។ល។

The post លោក ង៉ែត ជូ៖ ហេតុអ្វីបានជាយុវជនសម័យនេះត្រូវមានចំណេះដឹងហិរញ្ញវត្ថុប្រសើរជាងយុវជនសម័យមុន? appeared first on .

ចំណុចទាំង៤រួមមាន៖

១) តែងតែចំណាយប្រាក់ទិញអ្វីៗបំពេញចិត្តកូនៗ។
២) មិនបានបង្ហាត់បង្រៀនកូនៗពីភាពខុសគ្នារវាងការចង់បាន និងសេចក្តីត្រូវការចាំបាច់ (want and need)។
៣) មិនបានបង្ហាត់បង្រៀនកូនៗពីមូលដ្ឋានគ្រឹះនៃហិរញ្ញវត្ថុដូចជាការសន្សំ ការចំណាយ បំណុល។ល។
៤) មិនផ្តល់ឱកាសអោយកូនៗស្វែងយល់ និងចូលរួមចំណែកក្នុងសំរេចចិត្តធំៗលើបញ្ហាហិរញ្ញវត្ថុក្នុងគ្រួសារ៕

The post លោក ង៉ែត ​ជូ ​៖ កំ​ហុ​ស​ឆ្គង​៤យ៉ាង​រប​ស់​ឪពុ​ក​ម្តាយ នាំអោយ​កូនៗ​ជួ​​ប​បញ្ហាហិរញ្ញវត្ថុ appeared first on .