លោករដ្ឋមន្ត្រីបានគូសបញ្ជាក់ថា ការគ្រប់គ្រងព័ត៌មាន និងសាធារណមតិមានសារៈសំខាន់ខ្លាំងណាស់ ព្រោះវាពាក់ព័ន្ធដោយផ្ទាល់នឹងសតិអារម្មណ៍ និងទំនុកចិត្តរបស់ប្រជាពលរដ្ឋមកលើរាជរដ្ឋាភិបាល។ លោកបានសង្កត់ធ្ងន់ថា ប្រសិនបើគ្មានការយកចិត្តទុកដាក់ និងគ្រប់គ្រងឱ្យបានម៉ត់ចត់លើប្រភពព័ត៌មាននានា ជាពិសេសលើបណ្តាញសង្គមទេនោះ ភាពអាណាធិបតេយ្យព័ត៌មាននឹងកើតមានឡើង។

ទន្ទឹមនឹងការកោតសរសើរចំពោះសមិទ្ធផល ៣ឆ្នាំកន្លងមក លោករដ្ឋមន្ត្រីក៏បានណែនាំឱ្យរៀបចំផែនការការងារឆ្នាំ២០២៧-២០២៨ ឱ្យបានច្បាស់លាស់ ដោយផ្អែកលើផែនការយុទ្ធសាស្ត្រអភិវឌ្ឍន៍វិស័យព័ត៌មាន និងសោតទស្សន៍ ឆ្នាំ២០២៤-២០២៨ ព្រមទាំងបន្តលើកកម្ពស់ក្រមសីលធម៌ និងវិជ្ជាជីវៈសារព័ត៌មានឱ្យកាន់តែប្រសើរឡើង៕

The post លោក នេត្រ ភក្ត្រា ជំរុញឱ្យពង្រឹងសមត្ថភាពធនធានមនុស្ស និងបច្ចេកវិទ្យា AI ដើម្បីគ្រប់គ្រងព័ត៌មាន និងសាធារណមតិ appeared first on .

នៅលើបណ្ដាញសង្គមផ្ទាល់ខ្លួន ថ្ងៃទី៧ ខែសីហា ឆ្នាំ២០២៦នេះ លោក នេត្រ ភត្រ្ដា បានបញ្ជាក់ថា រណ្តៅគ្រាប់បែកដែលបន្សល់ទុកក្រោយការវាយប្រហារតាមអាកាសដោយយន្តហោះចម្បាំង F-16 និង Gripen, សំណល់គ្រាប់បែកចង្កោម និងគ្រាប់យុទ្ធភណ្ឌផ្សេងៗ, ស្លាកស្នាមនៃការខូចខាតលើប្រាង្គប្រាសាទបុរាណខ្មែរ រួមទាំងប្រាសាទព្រះវិហារ និងប្រាសាទតាក្របី, ផ្ទះសម្បែង និងទ្រព្យសម្បត្តិរបស់ប្រជាពលរដ្ឋដែលត្រូវបានបំផ្លិចបំផ្លាញ, ក៏ដូចជាការស្លាប់ និងរបួសរបស់ជនស៊ីវិល គឺជាសាក្សីស្ងៀមស្ងាត់ដែលមិនអាចកែប្រែដោយវោហារសាស្ត្រណាមួយបានឡើយ។

លើសពីនេះ រូបភាព និងឯកសារដែលកត់ត្រាសកម្មភាពលួចយកទ្រព្យសម្បត្តិរបស់ប្រជាពលរដ្ឋខ្មែរ ការដាក់តុងតឺន័រ ការរាយលួសបន្លា ការបិទផ្លូវ និងការបង្កើតស្ថានភាព fait accompli នៅតំបន់ដែលមានវិវាទ បន្តបង្ហាញពីផលវិបាកដែលនៅសេសសល់ក្រោយការប្រើប្រាស់កម្លាំងប្រដាប់អាវុធ។

លោក នេត្រ ភត្រ្ដា សង្កត់ធ្ងន់ថា គេអាចបដិសេធរឿរ៉ាវផ្សេងៗ ប៉ុន្តែរណ្តៅគ្រាប់បែកមិនអាចត្រូវបានបដិសេធបានឡើយ។ ការឃោសនាអាចកែប្រែរឿងរ៉ាវ ប៉ុន្តែមិនអាចកែប្រែស្លាកស្នាមនៃការបំផ្លិចបំផ្លាញបានទេ។​ សេចក្តីថ្លែងការណ៍អាចបង្វែរការយកចិត្តទុកដាក់ ប៉ុន្តែមិនអាចធ្វើឱ្យជនរងគ្រោះរស់ឡើងវិញ ឬធ្វើឱ្យផ្ទះដែលត្រូវបានបំផ្លាញត្រឡប់មកដូចដើមបានឡើយ។

ភស្តុតាងទាំងនេះត្រូវតែត្រូវបានរក្សាទុក កត់ត្រា ផ្ទៀងផ្ទាត់ និងបង្ហាញទៅកាន់សហគមន៍អន្តរជាតិ ដើម្បីឱ្យការពិតត្រូវបានការពារ ការទទួលខុសត្រូវត្រូវបានធានា និងដើម្បីកុំឱ្យការប្រើកម្លាំងបង្កើតការពិតថ្មីនៅលើដី ក្លាយជាមធ្យោបាយជំនួសច្បាប់អន្តរជាតិ។ ការពិតមិនត្រូវការសំឡេងខ្លាំងដើម្បីឈ្នះទេ។ ភស្តុតាងគ្រប់គ្រាន់ ពិភពលោកនឹងវិនិច្ឆ័យ៕

The post រដ្ឋមន្រ្ដីក្រសួងព័ត៌មាន៖ សំឡេងនៃភស្តុតាង ឮខ្លាំងជាងសំឡេងនៃការកុហក និងការបដិសេធ appeared first on .

សមាសភាពថ្នាក់ដឹកនាំក្រុមការងារនេះ រួមមាន ឯកឧត្តម ទេព អស្នារិទ្ធ ជាប្រធាន ព្រមទាំងឯកឧត្តម ជា លីសែ និងឯកឧត្តម ស្លេះ អាល់ហ៊ីន ជាអនុប្រធាន។

ក្រុមការងារនេះ មានភារកិច្ចចម្បងក្នុងការកំណត់បទដ្ឋានបច្ចេកទេស និងពង្រឹងសុវត្ថិភាពប្រព័ន្ធ (Cybersecurity) ដើម្បីការពារការជ្រៀតជ្រែកពីខាងក្រៅ។ ទន្ទឹមនឹងនេះ ក្រុមការងារត្រូវជួយសម្របសម្រួល ពិនិត្យគុណភាពខ្លឹមសារព័ត៌មាន រូបភាព និងវីដេអូ ឱ្យមានភាពត្រឹមត្រូវ ច្បាស់លាស់ ទាន់ពេលវេលា និងប្រកបដោយវិជ្ជាជីវៈ ព្រមទាំងរៀបចំវគ្គបណ្តុះបណ្តាលបច្ចេកទេសជូនដល់មន្ត្រីទទួលបន្ទុកតាមមន្ទីរព័ត៌មានរាជធានី-ខេត្តទាំង២៥ ផងដែរ៕

The post ឯកឧត្តម នេត្រ ភក្ត្រា បង្កើតក្រុមការងារពង្រឹងគុណភាពនិងសុវត្ថិភាពគេហទំព័រមន្ទីរព័ត៌មានទូទាំងប្រទេស! appeared first on .

ក្នុងកិច្ចប្រជុំតម្រង់ទិសស្ដីពីការពាក់ព័ន្ធនានាមុខតំណែងទៅតាមរចនាសម្ព័ន្ធចំណុះឱ្យក្រសួងព័ត៌មាននៅថ្ងៃទី២១ខែ ឧសភា ឆ្នាំ២០២៦ លោក នេត្រ ភក្ត្រា បានលើកឡើងថា អ្នកគ្រប់គ្រង អាចកំណត់បានពីតម្រូវការ និងគុណវុឌ្ឍិដែលមន្ត្រីត្រូវមានសម្រាប់បំពេញការងារ ព្រមទាំងជួយសម្រួលដល់ការរៀបចំផែនការបណ្តុះបណ្តាល អភិវឌ្ឍសមត្ថភាព និងផែនការបន្តវេន ដើម្បីធានាបានថា ការជ្រើសរើសមន្ត្រីឱ្យកាន់មុខតំណែង គឺពិតជាឆ្លើយតប និងស្របតាមតម្រូវការជាក់ស្ដែងនៃមុខតំណែងនោះ។

លោកបន្ថែមថា ចំណុចនេះគឺជាអ្វីដែលយើងបានធ្វើនៅក្នុងកំណែទម្រង់ ទៅលើប្រសិទ្ធភាពស្ថាប័ន ការជ្រើសរើសមន្ត្រី និងការលើកទឹកចិត្តមន្ត្រី គឺជាកិច្ចការដ៏សំខាន់ ព្រមទាំងការដាក់ពង្រាយមន្ត្រីឱ្យត្រូវទៅតាមឧបនិស្ស័យជំនាញរបស់ខ្លួននៅក្នុងការបំពេញការងារឱ្យត្រូវចំគោលដៅ។

លោក នេត្រ ភក្រ្ដា សង្កត់ធ្ងន់ថា ការកំណត់ និងពិពណ៌នាមុខតំណែងជំរុញឱ្យមន្ត្រីដឹងពីចំណុចខ្វះខាត និងខិតខំបង្កើនសមត្ថភាពជំនាញ ដើម្បីឆ្លើយតបនឹងតម្រូវការមុខតំណែង ព្រមទាំងត្រួសត្រាយផ្លូវសម្រាប់ការអភិវឌ្ឍអាជីពទៅថ្ងៃមុខ ហើយរួមចំណែកយ៉ាងសំខាន់ក្នុងការជំរុញប្រសិទ្ធភាពនៃការអនុវត្តការងារប្រចាំថ្ងៃឱ្យកាន់តែមានភាពរលូន និងទទួលបានលទ្ធផលល្អប្រសើរ៕

The post រដ្ឋមន្រ្ដីក្រសួងព័ត៌មាន៖ ការកំណត់មុខតំណែងមន្រ្តីច្បាស់លាស់ជាកិច្ចការសំខាន់ដែលមិនអាចខ្វះបាន appeared first on .

ការបញ្ជាក់បែបនេះរបស់លោករដ្ឋមន្ត្រី នេត្រ ភក្ត្រា បានធ្វើឡើងនៅរសៀលថ្ងៃទី១៨ ខែឧសភា ឆ្នាំ២០២៦ ក្នុងឱកាសបានអញ្ជើញជាអធិបតីបើកកិច្ចប្រជុំតម្រង់ទិសស្តីពីការអនុវត្តយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន»​

លោករដ្ឋមន្ត្រី នេត្រ ភក្ត្រា បានឱ្យដឹងថា នៅឆ្នាំ២០២៥កន្លងទៅ នៅក្នុងយុទ្ធនាការប្រឆាំងព័ត៌មានក្លែងកា្លយកាលពីឆ្នាំ២០២៥ ក្រសួងបានកត់សម្គាល់ឃើញមានព័ត៌មានក្លែងក្លាយជិត ៤០០០ព័ត៌មាន ត្រូបានកត់សម្គាល់។ ចំពោះព័ត៌មានដែលត្រូវបានកត់សម្គាល់ គឺជាប្រភេទព័ត៌មានដែលប៉ះពាល់ដល់សង្គម ប៉ះពាល់ដល់ស្ថិរភាព សន្តិភាព សន្តិសុខសង្គម ហើយព័ត៌មានដែលត្រូវបានជនទុច្ចរិតបង្កើតឡើងក្នុងចេតនាបង្កចលាចលនៅក្នុងសង្គម។ ខណៈចំនួនព័ត៌មានក្លែងក្លាយនេះមិនទាន់ធ្លាក់ចុះនោះទេ​ បើប្រៀបធៀបនឹងឆ្នាំ២០២៣ (មានចំនួន ៣ ២០០ និងឆ្នាំ២០២៤ មានចំនួន ៣ ៦០០ ព័ត៌មានក្លែងក្លាយ។

ទន្ទឹមនឹងនេះ លោករដ្ឋមន្ត្រី នេត្រ ភក្ត្រា បានបន្តណែនាំដល់អ្នកសារព័ត៌មាន អ្នកបង្កើតមាតិការួមគ្នាផ្សព្វផ្សាយព័ត៌មានពិត ដើម្បីលុបបំបាត់ព័ត៌មានក្លែងក្លាយនៅក្នុងសង្គម ជាពិសេសនៅក្នុងស្រទាប់យុវវ័យ។ ជាពិសេសត្រូវបន្សុទ្ធព័ត៌មានពិត នៅក្នុងប្រព័ន្ធផ្សព្វផ្សាយ និងបណ្តាញសង្គមរបស់ខ្លួន ឱ្យបានច្រើន សំដៅលុបបំបាត់ចោលនូវព័ត៌មានមិនប្រាកដប្រជា, ព័ត៌មានដែលគ្មានប្រភពច្បាស់លាស់ ព័ត៌មានចរាមអារ៉ាម ដែលត្រូវបន្តសកម្មភាពរួមគ្នាលុបបំបាត់នៅលើបណ្តាញសង្គម ដើម្បីផ្តល់ព័ត៌មានពិតដល់ប្រជាពលរដ្ឋ៕

The post លោក​ នេត្រ ភក្ត្រា៖ យើងរួមគ្នាប្រយុទ្ធប្រឆាំងព័ត៌មានក្លែងក្លាយ និងផ្តល់នូវសុវត្ថិភាពព័ត៌មានជូនដល់ប្រជាពលរដ្ឋ appeared first on .

ការរំដោះប្រទេសនៅថ្ងៃទី ៧ មករា ១៩៧៩ ដឹកនាំដោយរណៈសិរ្សសាមគ្គីសង្គ្រោះជាតិកម្ពុជា ក្រោមការជួយគាំទ្រពីកងទ័ពស្ម័គ្រចិត្តវៀតណាម គឺជាចំណុចរបត់ប្រវត្តិសាស្ត្រដែលបានសង្គ្រោះជាតិ និងប្រជាជនកម្ពុជាចេញពីរបបប្រល័យពូជសាសន៍។ ការដាក់ចុះនូវនយោបាយឈ្នះឈ្នះដោយសម្តេចតេជោ ហ៊ុន សែន បិតាសន្តិភាពនៅកម្ពុជា បានបំផ្លាញចោលទាំងស្រុងនូវអង្គការចាត់តាំងនយោបាយ និងយោធាខ្មែរក្រហម នាំមកនូវសុខសន្តិភាពពេញលេញជូនជាតិនិងប្រជាជនកម្ពុជាដែលមិនដែលធ្លាប់មានក្នុងប្រវត្តិសាស្ត្រជាង ៥០០ ឆ្នាំចុងក្រោយរបស់ខ្លួន។ ការនាំយកមេខ្មែរក្រហមមកកាត់ទោសតាមរយៈការបង្កើតអង្គជំនុំជម្រះវិសាមញ្ញក្នុងតុលាការកម្ពុជា (សាលាក្តីខ្មែរក្រហម) ដែលជាគំនិតផ្តួចផ្តួចរបស់សម្តេចតេជោ ហ៊ុន សែន ក៏ជាជំហានដ៏សំខាន់មួយក្នុងការស្វែងរក និងនាំមកនូវយុត្តិធម៌ជូនជនរងគ្រោះនៃរបបខ្មែរក្រហម និងបញ្ជាក់ថា ឧក្រិដ្ឋកម្មដ៏សាហាវបែបនេះ មិនត្រូវអនុញ្ញាតឱ្យកើតឡើងម្តងទៀតឡើយ។

ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានថ្លែងថា យើងចងចាំអតីតកាល ដើម្បីការពារសន្តិភាព ថែរក្សាយុត្តិធម៌ និងកសាងអនាគតមួយដែលគ្មានអំពើប្រល័យពូជសាសន៍។ អ្វីដែលប្រជាជនចងចាំនោះគឺតួនាទីរបស់សម្តេចតេជោ ដែលបានដើរតួនាទីយ៉ាងសំខាន់ក្នុងការរំដោះប្រទេសចេញពីរបបខ្មែរក្រហម នាំយកសុខសន្តិភាពពេញលេញជូនជាតិនិងប្រជាជនកម្ពុជា និងនាំយកនូវយុត្តិធម៌ជូនជនរងគ្រោះនៃរបបខ្មែរក្រហមទាំងអ្នកដែលបានស្លាប់បាត់បងជីវិត និងអ្នកដែលនៅរស់រានមានជីវិត។

តាមរយៈការលើកឡើងលើបណ្តាញសង្គមដោយភ្ជាប់ជាមួយសំណេរបែបនេះ របស់ ឯកឧត្តម នេត្រ ភក្រ្តា ក៏បានភ្ជាប់ជាមួយរូបភាព ដែលថតកាលខែវិច្ឆិកា ឆ្នាំ២០១៨ ក្នុងនាមប្រធានផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជាដែលជាតុលាការជាតិដោយមានការចូលរួមពីអង្គការសហប្រជាជាតិ ធ្វើសន្និសីទសារព័ត៌មានដើម្បីប្រកាសសាលក្រមលើសំណុំរឿង ០០២/០២ ដែលអង្គជំនុំជម្រះសាលាដំបូងកាត់ទោសអតីតមេដឹកនាំខ្មែរក្រហម នួន ជា ប្រធានសភាតំណាងប្រជាជន និងខៀវ សំផន អតីតប្រធានគណៈប្រធានរដ្ឋនៃរបបកម្ពុជាប្រជាធិបតេយ្យ (ខ្មែរក្រហម) ឱ្យជាប់ពន្ធនាគារមួយជីវិតលើបទចោទឧក្រិដ្ឋកម្មប្រឆាំងនឹងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មប្រល័យពូជសាសន៍។ ក្នុងសំណុំរឿង ០០២/០១ អតីតមេដឹកនាំទាំងពីរក៏ត្រូវបានកាត់ទោសឱ្យជាប់ពន្ធនាគារមួយជីវិតដែរពីបទឧក្រិដ្ឋកម្មប្រឆាំងនឹងមនុស្សជាតិដែលមានអង្គហេតុនៃការជម្លៀសប្រជាជនដោយបង្ខំចេញពីភ្នំពេញនៅថ្ងៃទី១៧ មេសាផងដែរ។

លោករដ្ឋមន្រ្តីបន្តថា បច្ចុប្បន្ន អតីតមេដឹកនាំខ្មែរក្រហមដែលនៅរស់រានមានជីវិតនិងកំពុងអនុវត្តទោសជាប់ពន្ធនាគារមួយជីវិតរបស់ខ្លួននៅពន្ធនាគារខេត្តកណ្តាល គឺខៀវ សំផន (ឈ្មោះបដិវត្ត ហែម) ដែលបច្ចុប្បន្ន គាត់មានអាយុ ៩៥ ឆ្នាំ (កើតខែកក្កដា ឆ្នាំ១៩៣១ នៅឃុំរំចេក ស្រុករំដួល ខេត្តស្វាយរៀង)។ ខៀវ សំផន ត្រូវបានចាប់ខ្លួនដោយសហចៅក្រមស៊ើបអង្កេតសាលាក្តីខ្មែរក្រហមនៅថ្ងៃទី១៩ ខែវិច្ឆិកា ឆ្នាំ២០០៧។

The post ឯកឧត្តម នេត្រ ភក្រ្តា៖ យើងចងចាំអតីតកាល ដើម្បីការពារសន្តិភាព ថែរក្សាយុត្តិធម៌ appeared first on .

លោករដ្ឋមន្រ្ដីគូសបញ្ជាក់ថា នៅព្រឹកថ្ងៃទី២៧ ខែកក្កដា ឆ្នាំ២០២៥ នេះ, សកម្មភាពឈ្លានពានប្រដាប់អាវុធរបស់កងទ័ពថៃ បានបាញ់កាំភ្លើងធុនធ្ងន់ និងការបាញ់មកលើប្រាសាទព្រះវិហារ បង្កឱ្យមានការខូចខាតច្រើនកន្លែង។

សកម្មភាពនេះ លោករដ្ឋមន្រ្ដីបានប្រកាសថ្កោលទោសយ៉ាងដាច់អហង្ការបំផុត ចំពោះការបំផ្លិចបំផ្លាញនេះ!

The post កងទ័ពថៃបានបន្ដឈ្លានពានមកលើប្រាសាទព្រះវិហារ ដោយប្រើប្រាស់កាំភ្លើងធុនធ្ងន់ ធ្វើឱ្យប្រាង្គប្រាសាទ រងការបំផ្លិតបំផ្លាញយ៉ាងធ្ងន់ធ្ងរ appeared first on .

តាមរយៈទំព័រហ្វេសប៊ុកផ្លូវការ ឯកឧត្តម នេត្រ ភត្រ្តា បានជម្រាបជូនដល់បងប្អូនសាធារណជននិងអ្នកសារព័ត៌មានមេត្តាជ្រាបថា៖ សម្រាប់ប្រភពព័ត៌មានផ្លូវការទាក់ទងនឹងសមរភូមិយោធានៅតំបន់ព្រំដែន, ប្រភព ៤ សំខាន់ដែលជាប្រភពផ្លូវការ​ គឺ១-ថ្នាក់ដឹកនាំកំពូលរបស់ជាតិ​​ ២-ក្រសួងការពារជាតិ ៣-ក្រសួងការបរទេស​និងសហប្រតិបត្តិការអន្តរជាតិ និង ៤-អង្គភាពអ្នកនាំពាក្យរាជរដ្ឋាភិបាលកម្ពុជា ដែលជាប្រភពផ្លូវ ក្រៅពីនោះ គឺមិនមែនជាព័ត៌មានផ្លូវការទេ។

ជាមួយគ្នានេះ ឯកឧត្តមក៏សូមអំពាវនាវដល់បងប្អូនអ្នកសារព័ត៌មាន និងអ្នកប្រើប្រាស់បណ្តាញសង្គមគ្រប់ប្រភេទសូមកុំចែករំលែកព័ត៌មាន រូបភាព វីដេអូ ដែលមិនមានប្រភពច្បាស់លាស់ ជាពិសេសរូបភាព ឬព័ត៌មានដែលបង្ហាញពីសកម្មភាពកងទ័ព លេណដ្ឋាន និងការចល័តកម្លាំងទ័ព និងគ្រឿងសព្វាវុធគ្រប់ប្រភេទ។​ សូមបងប្អូនចូលរួមសហការឱ្យបានម៉ឺងម៉ាត់។

សូមជម្រាបជូនថា ជុំវិញបញ្ហាផ្ទុះអាវុធរវាងកងទ័ពថៃនិងកម្ពុជា ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត ក៏ចេញសារបានប្រាប់ទៅកាន់ជនរួមជាតិ សូមរក្សាភាពស្ងាត់ស្ងៀមនិងមានលំនឹងក្នុងចិត្ត និងសូមបន្តការងារប្រចាំថ្ងៃជាប្រក្រតី។

កម្ពុជាតែងតែប្រកាន់ជំហរចង់ដោះស្រាយបញ្ហាដោយសន្តិវិធី ប៉ុន្តែក្នុងករណីនេះយើងគ្មានជម្រើសអ្វីក្រៅពីការឆ្លើយតបដោយកម្លាំងប្រដាប់អាវុធប្រឆាំងនឹងការឈ្លានពានដោយប្រដាប់អាវុធនោះទេ។

សម្តេចធិបតី បានគូសបញ្ជាក់ថា រាជរដ្ឋាភិបាលកម្ពុជា ក្រសួងស្ថាប័ន រដ្ឋបាលខេត្តពាក់ព័ន្ធ ជាពិសេសកងកម្លាំងប្រដាប់អាវុធរបស់កម្ពុជាបាននិងកំពុងធ្វើកិច្ចការយ៉ាងសកម្ម និងប្រកបដោយភាពក្លាហានមោះមុត ក្នុងការការពារដែនអធិបតេយ្យភាពនិងបូរណភាពទឹកដី និងឧត្តមប្រយោជន៍របស់ជាតិយើងទាំងលើសមរភូមិយោធា និងសមរភូមិការទូត ក៏ដូចជាជួយដល់បងប្អូនប្រជាពលរដ្ឋដែលរងផលប៉ះពាល់ដោយសារការឈ្លានពានរបស់កងទ័ពថៃនៅពេលនេះ៕

The post រដ្ឋមន្រ្តីក្រសួងព័ត៌មានអំពាវដល់អ្នកប្រើប្រាស់បណ្តាញសង្គមគ្រប់ប្រភេទកុំចែករំលែកព័ត៌មាន រូបភាព វីដេអូ ដែលមិនមានប្រភពច្បាស់លាស់ ពិសេសរូបភាព ឬព័ត៌មានបង្ហាញពីសកម្មភាពកងទ័ព appeared first on .

ឯកឧត្តមរដ្ឋមន្ត្រី បានគូសបញ្ជាក់ទៀតថា ក្នុងចំណោម ១,៦២០ អង្គភាពនោះ រួមមាន៖

ក. ប្រព័ន្ធផ្សព្វផ្សាយទំនើប៖ គេហទំព័រសារព័ត៌មានអនឡាញចំនួន ៨៣៩ អង្គភាព, ទូរទស្សន៍ឌីជីថល​ចំនួន ១២ស្ថានីយ, ទូរទស្សន៍អនឡាញចំនួន ៩ អង្គភាព, ទូរទស្សន៍ប្រភេទ OTT (Over-The-Top media service) ចំនួន ១២ ស្ថានីយ, ទូរទស្សន៍ផ្កាយរណបចំនួន ៣ ស្ថានីយ។

ខ. ប្រព័ន្ធផ្សព្វផ្សាយប្រពៃណី៖ កាសែតចំនួន ១២៥ អង្គភាព, សមាគមសារព័ត៌មានចំនួន ២៦ អង្គភាព, ទស្សនាវដ្តីចំនួន ៦ អង្គភាព, ព្រឹត្តិបត្រចំនួន ១២ អង្គភាព, ទីភ្នាក់ងារសារព័ត៌មានបរទេស និងការិយាល័យ​តំណាងអចិន្ត្រៃយ៍ចំនួន ១៨ អង្គភាព, រោងពុម្ពចំនួន ៨៩, សៀវភៅចំនួន ២២ អង្គភាព, ភ្នាក់ងារផ្សាយពាណិជ្ជ​កម្មចំនួន ៣ ក្រុមហ៊ុន, វិទ្យុអ៊ែហ្វអ៊ឹមចំនួន ២៨០ ស្ថានីយ និងវិទ្យុអាអ៊ឹមចំនួន ១ ស្ថានីយ, ទូរទស្សន៍អាណាឡូកផ្សាយផ្ទាល់មាន ១៦ ស្ថានីយ, ទូរទស្សន៍ផ្សាយបន្តចំនួន ១០១ ស្ថានីយ, ទូរទស្សន៍ខ្សែកាបចំនួន ៤៦ ស្ថានីយ។

សូមជម្រាបថា ក្នុងឱកាសទិវាសេរីភាពសារព័ត៌មានពិភពលោក លើកទី៣២ នៅថ្ងៃទី០៣ ខែឧសភានេះ សម្តេច​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានចេញសារលិខិតផ្តល់អនុសាសន៍មួយចំនួនជូនដល់​បងប្អូន​អ្នក​សារព័ត៌មាន​ផង​ដែរ រួមមាន៖

១. សូមបន្តផលិត និងផ្សព្វផ្សាយតែព័ត៌មានពិត សុក្រឹតត្រឹមត្រូវ មានប្រភពច្បាស់លាស់ និង​ត្រូវផ្ទៀងផ្ទាត់​ឱ្យ​បាន​ច្បាស់លាស់នូវព័ត៌មានទាំងឡាយមុននឹងផ្សព្វផ្សាយ ប៉ុន្តែសូមចៀសវាងការផ្សព្វផ្សាយ​ព័ត៌មាន ដែល​គ្មាន​ប្រភពច្បាស់លាស់ ព័ត៌មានក្លែងក្លាយ ព័ត៌មានមានចរិតញុះញង់​ធ្វើឱ្យប៉ះពាល់ដល់សន្តិភាព សណ្តាប់ធ្នាប់​សាធារណៈ និងវប្បធម៌ សង្គម សេចក្តីថ្លៃថ្នូររបស់មនុស្សជាតិ និងឯកជនភាពរបស់បុគ្គលដែល​ត្រូវបាន​ការពារ​ដោយ​ច្បាប់។

២. ត្រូវគោរព និងអនុវត្តឱ្យបានខ្ជាប់ខ្ជួន​ធម្មនុញ្ញ​វិជ្ជាជីវៈសារព័ត៌មាន ដែលជាមូលដ្ឋានគ្រឹះ​នៃក្រមសីលធម៌វិជ្ជា​ជីវៈ និងត្រូវចូលរួមលុបបំបាត់ជនឱកាសនិយម ដែលជ្រកក្រោមស្លាកសារព័ត៌មាន។

៣. ត្រូវចូលរួមប្រយុទ្ធប្រឆាំងព័ត៌មានក្លែងក្លាយ ដែលមានចរិតបំពុលសង្គម ដែលអាចកើតចលាចល ភាព​វឹកវរ បាត់បង់សណ្តាប់ធ្នាប់សង្គម ឬប៉ះពាល់ដល់ស្ថិរភាពជាតិ និងត្រូវចូលរួមថែរក្សាសុខសន្តិភាព ការអភិវឌ្ឍប្រទេស​ជាតិ។

៤. ត្រូវបន្តពង្រឹងសមត្ថភាពជំនាញបច្ចេកទេស និងវិជ្ជាជីវៈ ជាពិសេសធ្វើអក្ខរកម្មឌីជីថល អក្ខរកម្មព័ត៌មាន និង​ប្រព័ន្ធផ្សព្វផ្សាយ ដើម្បីលើកកម្ពស់​គុណភាព​ព័ត៌មាន សណ្តាប់ធ្នាប់ព័ត៌មាន សុវត្ថិភាពព័ត៌មាន និងកិត្យានុភាព​ស្ថាប័ន​សារព័ត៌មាន ក៏ដូចជា​កសាង​ជំនឿ​ទុកចិត្ត​កាន់តែខ្លាំង​របស់​ពលរដ្ឋ​លើសារព័ត៌មាន។

The post គិតត្រឹមត្រីមាសទី១ ឆ្នាំ២០២៥ ក្រសួងព័ត៌មានបានចុះបញ្ជីសារព័ត៌មានជាតិ-បរទេស សរុបចំនួន ១,៦២០ អង្គភាព appeared first on .

ជាលទ្ធផល ពិធីករឈ្មោះ ជួប វុត្ថា ហៅ MC Vutha បង្ហាញការសោកស្តាយនិងសូមអភ័យទោសជាសាធារណៈចំពោះកញ្ញា ឆឹង ច័ន្ទមុនីរស្មី និងស្ត្រីគ្រប់រូបព្រមទាំងសាធារណជនចំពោះកំហុសឆ្គងដោយខ្វះការពិចារណាទៅកាន់ស្ត្រី ដែលធ្វើឱ្យប៉ះពាល់កិត្តិយសស្ត្រី។

សូមជម្រាបជូនថា កាលពីថ្ងៃទី១ ខែមីនា ពិធីករឈ្មោះ ជួប វុត្ថា ហៅ MC Vutha បានប្រើប្រាស់ពាក្យសម្ដីលេបខាយ បៀតបៀនលើកញ្ញា ឆឹង ច័ន្ទមុនីរស្មី ដែលជានារីលើកស្លាកទឹកប្រដាល់ នៅស្ថានីយទូរទស្សន៍ Town៕

The post រដ្ឋមន្ត្រីក្រសួងព័ត៌មាន ហៅ MC Vutha មកណែនាំ និងឱ្យសុំទោសចំពោះការប្រើពាក្យសម្ដីលេបខាយ បៀតបៀនលើស្ត្រីភេទ ដាក់នារីលើកស្លាកទឹកប្រដាល់ម្នាក់ appeared first on .