យោងតាមសេចក្ដីប្រកាសព័ត៌មានរបស់ក្រសួងការបរទេស បានឱ្យដឹងថា កិច្ចប្រជុំពិសេសនេះនឹងពិភាក្សាអំពីការវិវត្តថ្មីៗនៃស្ថានការណ៍ ក្នុងគោលដៅបង្កើនការយោគយល់ពីគ្នា និងជំនឿទុកចិត្តទៅវិញទៅមក ជំរុញការបន្ថយភាពតានតឹង និងស្តារឡើងវិញនូវសន្តិភាព ស្ថិរភាព និងទំនាក់ទំនងភាពជាអ្នកជិតខាងល្អ។ កម្ពុជានឹងបញ្ជាក់ជាថ្មីឡើងវិញនូវគោលជំហរយ៉ាងមុតមាំរបស់ខ្លួន ក្នុងការដោះស្រាយទំនាស់និងជម្លោះទាំងឡាយ តាមគ្រប់មធ្យោបាយសន្តិវិធី ការសន្ទនា និងផ្លូវការទូត ស្របតាមច្បាប់អន្តរជាតិ ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន។

សូមគូសបញ្ជាក់ថា នាឱកាសនៃកិច្ចប្រជុំនេះ លោក ប្រាក់ សុខុន នឹងជួបពិភាក្សាទ្វេភាគីជាមួយសមភាគីអាស៊ាន ផ្សេងទៀតផងដែរ ដើម្បីពង្រឹងកិច្ចសហប្រតិបត្តិការ និងជំរុញវិធានការកសាងទំនុកចិត្តបន្ថែមទៀត។ ការចូលរួមរបស់កម្ពុជានៅក្នុងកិច្ចប្រជុំអាស៊ានពិសេសនេះ ឆ្លុះបញ្ចាំងពីការប្តេជ្ញាចិត្តយ៉ាងមុតមាំ របស់រាជរដ្ឋាភិបាលកម្ពុជា ចំពោះសន្តិភាព សន្តិសុខ និងវិបុលភាព ក្នុងតំបន់ ក៏ដូចជាការលើកកម្ពស់ មជ្ឈភាព និងឯកភាពអាស៊ាន ដែលនឹងពង្រឹងដល់ការរួមចំណែកដ៏យូរអង្វែងរបស់អាស៊ានចំពោះ សហគមន៍អន្តរជាតិទាំងមូលផងដែរ៕

The post ឧបនាយករដ្ឋមន្ត្រី ប្រាក់ សុខុន ចូលរួមកិច្ចប្រជុំពិសេសរដ្ឋមន្ត្រីការបរទេសអាស៊ាន ស្តីពីស្ថានភាពបច្ចុប្បន្នរវាងកម្ពុជា-ថៃ នៅទីក្រុងគូឡាឡាំពួ appeared first on .

តាមរយៈសេចក្តីប្រកាសព័ត៌មាន ចុះថ្ងៃទី២១ ខែធ្នូ ក្រសួងការបរទេស ​បានឱ្យដឹងថា កិច្ចប្រជុំពិសេសនេះនឹងពិភាក្សាអំពីការវិវត្តថ្មីៗនៃស្ថានការណ៍ ក្នុងគោលដៅបង្កើនការយោគយល់ពីគ្នា និងជំនឿទុកចិត្តទៅវិញទៅមក ជំរុញការបន្ថយភាពតានតឹង និងស្តារឡើងវិញនូវសន្តិភាព ស្ថិរភាព និងទំនាក់ទំនងភាពជាអ្នកជិតខាងល្អ។ កម្ពុជានឹងបញ្ជាក់ជាថ្មីឡើងវិញនូវគោលជំហរយ៉ាងមុតមាំរបស់ខ្លួន ក្នុងការដោះស្រាយទំនាស់និងជម្លោះទាំងឡាយ តាមគ្រប់មធ្យោបាយសន្តិវិធី ការសន្ទនា និងផ្លូវការទូត ស្របតាមច្បាប់អន្តរជាតិ ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន។

នាឱកាសនៃកិច្ចប្រជុំនេះ លោក ប្រាក់ សុខុន នឹងជួបពិភាក្សាទ្វេភាគីជាមួយសមភាគីអាស៊ាន ផ្សេងទៀតផងដែរ ដើម្បីពង្រឹងកិច្ចសហប្រតិបត្តិការ និងជំរុញវិធានការកសាងទំនុកចិត្តបន្ថែមទៀត។ ការចូលរួមរបស់កម្ពុជានៅក្នុងកិច្ចប្រជុំអាស៊ានពិសេសនេះ ឆ្លុះបញ្ចាំងពីការប្តេជ្ញាចិត្តយ៉ាងមុតមាំ របស់រាជរដ្ឋាភិបាលកម្ពុជា ចំពោះសន្តិភាព សន្តិសុខ និងវិបុលភាព ក្នុងតំបន់ ក៏ដូចជាការលើកកម្ពស់ មជ្ឈភាព និងឯកភាពអាស៊ាន ដែលនឹងពង្រឹងដល់ការរួមចំណែកដ៏យូរអង្វែងរបស់អាស៊ានចំពោះ សហគមន៍អន្តរជាតិទាំងមូលផងដែរ៕

The post ស្អែកនេះ! ឧបនាយករដ្ឋមន្រ្ដី ប្រាក់ សុខុន នឹងចូលរួមកិច្ចប្រជុំពិសេស រដ្ឋមន្ត្រីការបរទេសអាស៊ានស្ដីពីស្ថានភាពបច្ចុប្បន្នរវាងកម្ពុជា-ថៃ នៅម៉ាឡេស៊ី appeared first on .

តាមរយៈសេចក្ដីប្រកាសព័ត៌មាន ស្ដីពីលទ្ធផលនៃការអញ្ជើញចូលរួមរបស់ ឧបនាយករដ្ឋមន្រ្ដី ប្រាក់ សុខុន នៅក្នុងសន្និសីទថ្នាក់រដ្ឋមន្រ្ដីហ្វ្រង់កូហ្វូនីលើកទី៤៦ និងជំនួបទ្វេភាគីនៅទីក្រុងគីហ្គាលី នៃសាធារណរដ្ឋរវ៉ាន់ដា ចុះថ្ងៃទី២៨ ខែវិច្ឆិកា ឆ្នាំ២០២៥ បានឱ្យដឹងថា ក្នុងឱកាសនៃការចូលកាន់តំណែងប្រធានសន្និសីទCMF លើកទី៤៧ និងការប្រកាសពីកិច្ចប្រជុំកំពូលហ្វ្រង់កូហ្វូនីលើកទី ២០ កាលពីរសៀលថ្ងៃទី២០ ខែវិច្ឆិកា, ឧបនាយករដ្ឋមន្រ្ដី ប្រាក់ សុខុន បានមានមតិស្វាគមន៍ក្នុងនាមជាប្រធានសន្និសីទ CMF។ ក្នុងនោះ លោករដ្ឋមន្ត្រី ក៏បានថ្លែង អំណរគុណយ៉ាងកក់ក្ដៅចំពោះប្រទេសរវ៉ាន់ដាសម្រាប់ការរៀបចំ CMF លើកទី៤៦ ប្រកបដោយជោគជ័យ និងបានសាទរប្រទេសបារាំងសម្រាប់អាណត្តិជាប្រធាន CMF រយៈពេលពីរឆ្នាំ។

ជាមួយគ្នានោះ ឧបនាយករដ្ឋមន្រ្ដី ប្រាក់ សុខុន ក៏បាន ថ្លែងអំណរគុណដល់លោកស្រីអគ្គលេខាធិការ ចំពោះការបន្តប្តេជ្ញាចិត្តក្នុងការធ្វើឱ្យអង្គការ OIF ក្លាយ ជាស្ថាប័នមួយប្រកបដោយថាមវន្ត និងរក្សាបាននូវគុណតម្លៃហ្វ្រង់កូហ្វូនី។

ទន្ទឹមនឹងនោះ ឧបនាយករដ្ឋមន្ត្រី ប្រាក់ សុខុន បានបញ្ជាក់ជាថ្មីម្តងទៀត ចំពោះការប្តេជ្ញាចិត្តយ៉ាងមុតមាំរបស់កម្ពុជា ក្នុងការធានាឱ្យបាននូវភាពជោគជ័យនៃការរៀបចំសន្និសីទថ្នាក់រដ្ឋមន្ត្រីហ្វ្រង់កូហ្វូនីលើកទី៤៧ នៅថ្ងៃទី១៤ ខែវិច្ឆិកា និងកិច្ចប្រជុំកំពូលហ្វ្រង់កូហ្វូនីលើកទី២០ នៅថ្ងៃទី១៥ និង ១៦ ខែវិច្ឆិកា ឆ្នាំ២០២៦ នៅខេត្ត សៀមរាប ប្រទេសកម្ពុជា។

សូមជម្រាបជូនថា កិច្ចប្រជុំកំពូលហ្វ្រង់កូហ្វូនី ជាជំនួបរវាងប្រមុខរដ្ឋ ប្រមុខរដ្ឋាភិបាលដែលជាសមាជិកអង្គការអន្តរជាតិនៃក្រុមប្រទេសនិយាយភាសាបារាំង (OIF) ដើម្បីពិភាក្សា ផ្លាស់ប្តូរយោបល់លើបញ្ហាផ្សេងៗដូចជា នយោបាយអន្តរជាតិ សេដ្ឋកិច្ចពិភពលោក កិច្ចសហប្រតិបត្តិការហ្វ្រង់កូហ្វូនី សិទ្ធិមនុស្ស អប់រំ វប្បធម៌ និងប្រជាធិបតេយ្យ ជាដើម៕

The post តើឧបនាយករដ្ឋមន្រ្ដី​ ប្រាក់ សុខុន និយាយអ្វីខ្លះ ក្រោយទទួលបានតំណែងជាប្រធានសន្និសីទថ្នាក់រដ្ឋមន្ត្រីហ្វ្រង់កូហ្វូនី (CMF) លើកទី៤៧ ជាផ្លូវការ? appeared first on .

នេះបើយោងតាមសុន្ទរកថាខ្លីអបអរសាទររបស់ លោក ប្រាក់ សុខុន ក្នុងពិធីគម្រប់ខួបលើកទី៦០ នៃការបញ្ជូនអ្នកស្ម័គ្រចិត្តជប៉ុន សម្រាប់កិច្ចសហប្រតិបត្តិការក្រៅប្រទេស (Japan Overseas Cooperation Volunteers) នាថ្ងៃទី១៤ ខែតុលា ឆ្នាំ២០២៥។

លោក ប្រាក់ សុខុន បានថ្លែងថា ការប្រារព្ធខួបលើកទី៦០នៃការបង្កើតក្រុមអ្នកស្ម័គ្រចិត្តជប៉ុនសម្រាប់កិច្ចសហប្រតិបត្តិការ ក្រៅប្រទេស (JOCV) ដែលជាព្រឹត្តិការណ៍ដ៏សំខាន់មួយឆ្លុះបញ្ចាំងពីការប្តេជ្ញាចិត្តយ៉ាងមុតមាំ សាមគ្គីភាព អន្តរជាតិ និងការចូលរួមចំណែកដ៏មានអត្ថន័យចំពោះការអភិវឌ្ឍប្រកបដោយចីរភាពនៅទូទាំងពិភពលោក ក្នុងរយៈពេល៦ទសវត្សរ៍កន្លងមកនេះ។

លោកបន្តថា ប្រវត្តិរបស់អ្នកស្ម័គ្រចិត្តជប៉ុន ក៏ជាការឆ្លុះបញ្ចាំងពីទំនាក់ទំនងមិត្តភាពកាន់តែទូលំទូលាយ និងស៊ី ជម្រៅរវាងកម្ពុជា និងជប៉ុនផងដែរ។ ដោយប្រទេសយើងទាំងពីរជាដៃគូដ៏យូរអង្វែង និងប្រកបដោយថាមវ័ន្ត ដោយ ឈរលើមូលដ្ឋាននៃការគោរពគ្នាទៅវិញទៅមក ការជឿទុកចិត្ត និងបំណងប្រាថ្នារួមគ្នា ដើម្បីសន្តិភាព ស្ថិរភាព និង វិបុលភាព។ ជាច្រើនឆ្នាំកន្លងទៅនេះ កិច្ចសហប្រតិបត្តិការរវាងប្រទេសយើងទាំងពីរមានការរីកចម្រើនលើវិស័យ នានាជាច្រើន រួមមានជំនួយអភិវឌ្ឍន៍ ពាណិជ្ជកម្ម និងការវិនិយោគ អប់រំ សុខាភិបាល ហេដ្ឋារចនាសម្ព័ន្ធ ការដោះមីន ទឹកស្អាត និងការផ្លាស់ប្តូរវប្បធម៌។

លោកបានគូសបញ្ជាក់ថា ទំនាក់ទំនងកម្ពុជា-ជប៉ុន នឹងត្រូវបានបន្តពង្រឹងបន្ថែមទៀត តាមរយៈចំណងដ៏ជិតស្និទ្ធរវាងប្រជាជន និងប្រជាជន ការផ្លាស់ប្តូរទស្សនកិច្ចកម្រិតខ្ពស់ជាទៀងទាត់ ក្នុងនោះមានដំណើរទស្សនកិច្ចការងារផ្លូវការរបស់ សម្តេចធិបតីនាយករដ្ឋមន្ត្រី នៅប្រទេសជប៉ុនកាលពីខែឧសភាកន្លងទៅ ព្រមទាំងកិច្ចសហប្រតិបត្តិការយ៉ាងសកម្មនៅក្នុងវេទិកាតំបន់ និងអន្តរជាតិ ។

ការដំឡើងកម្រិតនៃទំនាក់ទំនងទ្វេភាគីទៅជាភាពជាដៃគូយុទ្ធសាស្ត្រ គ្រប់ជ្រុងជ្រោយនៅឆ្នាំ២០២៣ គឺជាទំព័រថ្មីមួយក្នុងដំណើររួមគ្នារបស់ប្រទេសយើងទាំងពីរ ដែលបញ្ជាក់សាជា ថ្មីនូវការប្តេជ្ញាចិត្តក្នុងការជំរុញកិច្ចសហប្រតិបត្តិការឱ្យកាន់តែស៊ីជម្រៅ ដើម្បីផលប្រយោជន៍ទៅវិញទៅមក និង ស្ថិរភាពក្នុងតំបន់។

បើតាមលោក ប្រាក់ សុខុន ជប៉ុនជាមិត្តជិតស្និទ្ធរបស់កម្ពុជាតាំងពីយូរលង់ណាស់មកហើយ ហើយបានដើរតួនាទីយ៉ាងសំខាន់ ក្នុងការគាំទ្រដំណើរការសន្តិភាពរបស់កម្ពុជានៅក្នុងទសវត្សរ៍ឆ្នាំ៩០ និងការកសាងឡើងវិញ និងការអភិវឌ្ឍកម្ពុជា ក្រោយជម្លោះ។ ជំនួយអភិវឌ្ឍន៍ផ្លូវការរបស់ជប៉ុន (ODA) បាន និងកំពុងដើរតួនាទីយ៉ាងសំខាន់ក្នុង ការផ្លាស់ប្តូរជីវភាពរស់នៅរបស់ប្រជាជន ព្រមទាំងជំរុញការអភិវឌ្ឍនៅកម្ពុជា។

សូមជម្រាបជូនដែរថា កម្ពុជាបានក្លាយជាប្រទេសមួយក្នុងចំណោមប្រទេសចំនួន៥ ដំបូងគេ ដែលបានទទួលអ្នកស្ម័គ្រចិត្ត JOCV នៅឆ្នាំ ១៩៦៥ ។ ការទទួលអ្នកស្ម័គ្រដំបូងនេះ គឺជាមូលដ្ឋានគ្រឹះរឹងមាំ សម្រាប់មិត្តភាពដ៏ស៊ីជម្រៅ និងយូរអង្វែងរវាងកម្ពុជានិងជប៉ុន ហើយមិត្តភាពនេះបាននិងកំពុងបន្តរីកចម្រើន ប្រកបដោយភាពរឹងមាំ និងមានខ្លឹមសារ ក្នុងរយៈពេលជាច្រើនឆ្នាំកន្លងមកនេះ។ ការរួមចំណែករបស់អ្នកស្ម័គ្រចិត្តទាំងនេះក្នុងវិស័យសំខាន់ៗដូចជា៖ អប់រំ អភិបាលកិច្ច សុខាភិបាល កសិកម្ម កីឡា សាធារណៈការ និងទឹកស្អាត/អគ្គិសនី បាននិងកំពុងគាំទ្រដល់ការអភិវឌ្ឍ សង្គម-សេដ្ឋកិច្ចរបស់កម្ពុជា៕

The post លោក ប្រាក់ ​សុខុន៖ កម្ពុជា-ជប៉ុន ជាដៃគូដ៏យូរអង្វែង និងប្រកបដោយថាមវ័ន្ត appeared first on .

នាឱកាសនោះ ឧបនាយករដ្ឋមន្ត្រី បានគូសបញ្ជាក់អំពីការប្តេជ្ញាចិត្តដ៏ម៉ឺងម៉ាត់របស់កម្ពុជាក្នុងការគោរពបទឈប់បាញ់រវាងកម្ពុជា-ថៃ ដែលបានព្រមព្រៀងកាលពីថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាចាយ៉ា។ ឯកឧត្តមឧបនាយករដ្ឋមន្ត្រីក៏បានជម្រាបជូនអំពីលទ្ធផលនៃកិច្ចប្រជុំវិសាមញ្ញរបស់គណៈកម្មាធិការព្រំដែនទូទៅកម្ពុជា-ថៃ កាលពីថ្ងៃទី៧ ខែសីហា ឆ្នាំ២០២៥ នៅទីក្រុងគូឡាឡំពួរ ប្រទេសម៉ាឡេស៊ី។ 

ទន្ទឹមនឹងនោះ ឯកឧត្តមឧបនាយករដ្ឋមន្ត្រី បានជម្រាបជូនអង្គប្រជុំអំពីស្ថានភាពមីននៅប្រទេសកម្ពុជា ជាពិសេសនៅតាមបណ្តោយព្រំដែនកម្ពុជា-ថៃ ព្រមទាំងបានអះអាងសារជាថ្មីថា កម្ពុជាបានគោរពយ៉ាងម៉ឺងម៉ាត់នូវអនុសញ្ញាស្តីពីការហាមប្រាមការប្រើប្រាស់មីនប្រឆាំងនឹងមនុស្ស (អនុសញ្ញាអូតាវ៉ា)។ ឯកឧត្តមឧបនាយករដ្ឋមន្ត្រីក៏បានជម្រាបជូនអង្គប្រជុំអំពីការរៀបចំដំណើរទស្សនកិច្ចទៅកាន់ខេត្តបន្ទាយមានជ័យ និងខេត្តឧត្តមានជ័យ ដែលនឹងប្រព្រឹត្តទៅនៅថ្ងៃទី ២២-២៣ ខែសីហា ឆ្នាំ២០២៥ ផងដែរ៕

The post ឧបនាយករដ្ឋមន្រ្តី ប្រាក់ សុខុន ដឹកនាំកិច្ចប្រជុំ ជម្រាបជូនពីការវិវត្តថ្មីៗនៃបញ្ហាជម្លោះព្រំដែនកម្ពុជា-ថៃ ដល់សមាជិកអង្គទូតបរទេសចំនួន៤២ប្រទេស appeared first on .

ក្នុងកិច្ចប្រជុំរដ្ឋមន្ត្រីការបរទេសអាស៊ាន-ឥណ្ឌា, អាស៊ានបានស្វាគមន៍ការចូលរួមរបស់ឥណ្ឌាក្នុងតំបន់ តាមរយៈគោលនយោបាយឆ្ពោះមកទិសខាងកើត និងភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ឥណ្ឌា និងបានកោតសរសើរពីវឌ្ឍនភាពក្នុងការអនុវត្តផែនការសកម្មភាព ដើម្បីអនុវត្តភាពជាដៃគូអាស៊ាន-ឥណ្ឌា សម្រាប់សន្តិភាព វឌ្ឍនភាព និងវិបុលភាពរួម (ឆ្នាំ២០២១-២០២៥)។

ក្នុងកិច្ចប្រជុំនៅរដ្ឋធានីហ្សាការតា រដ្ឋមន្ត្រីការបរទេស បានអនុម័តឧបសម្ព័ន្ធ បន្ថែមលើផែនការសកម្មភាព ដែលជាការតាមដានការបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ឥណ្ឌាកាលពីឆ្នាំមុន។

សូមជម្រាបជូនថា អំឡុងបំពេញទស្សនកិច្ចនៅក្រុងភ្នំពេញ កាលពីដើមខែសីហា ឆ្នាំ២០២២ ជំនួបជាមួយនាយករដ្ឋមន្ត្រីកម្ពុជា លោក Subrahmanyam Jaishankar រដ្ឋមន្រ្តីការបរទេសឥណ្ឌា បានបញ្ជាក់ប្រាប់កម្ពុជាពីគោលបំណងនៃការពង្រឹង និងពង្រីកកិច្ចសហប្រតិបត្តិការលើការតភ្ជាប់ហេដ្ឋារចនាសម្ព័ន្ធ ការតភ្ជាប់ផ្លូវពីប្រទេសឥណ្ឌា ឆ្លងកាត់ប្រទេសមីយ៉ាន់មា ប្រទេសថៃ និងមកដល់ប្រទេសកម្ពុជា។

គួររំលឹកថា នាយករដ្ឋមន្ត្រីឥណ្ឌា លោក នរិន្ទត្រា ម៉ូឌី ក៏បានប្រកាសថា ឥណ្ឌានឹងផ្ដល់ឥណទានចំនួន១ពាន់លានដុល្លារអាមេរិកមកដល់កម្ពុជា សម្រាប់ប្រើប្រាស់ក្នុងគម្រោងតភ្ជាប់ផ្លូវល្បឿនលឿន (Highway) ត្រីភាគី (ឥណ្ឌា មីយ៉ាន់ម៉ា ថៃ) ដែលជាការតភ្ជាប់ដ៏សំខាន់មកកម្ពុជា។

នាយករដ្ឋមន្ត្រីឥណ្ឌា នរិន្ទត្រា ម៉ូឌី បានគូសបញ្ជាក់ថា ការតភ្ជាប់ផ្លូវមកកាន់កម្ពុជានេះ ជាការសមស្របជាមួយនឹងផែនការមេរបស់អាស៊ាន ទៅលើផែនការនៃការតភ្ជាប់។  នេះបើតាមជំនួបពិភាក្សាការងាររវាងនាយករដ្ឋមន្រ្តីនៃប្រទេសទាំងពីរកាលពីខែឧសភា ឆ្នាំ២០២២កន្លងទៅ តាមរយៈប្រព័ន្ធទូរស័ព្ទ។

ជំនួបនោះដែរ សម្តេចតេជោ ហ៊ុន សែន នាយករដ្ឋមន្រ្តីបានប្រកាសស្វាគមន៍ចំពោះការអនុវត្តន៍គម្រោងផ្លូវល្បឿនលឿនត្រីភាគី ឥណ្ឌា មីយ៉ាន់ម៉ា ថៃ និងការពង្រីកមកកាន់ប្រទេសកម្ពុជា ឡាវ និងវៀតណាម៕

The post នៅរដ្ឋធានីហ្សាការតា កម្ពុជា រង់ចាំលទ្ធផលគម្រោងតភ្ជាប់ផ្លូវល្បឿនលឿន (Highway) ត្រីភាគីពីឥណ្ឌាមកកម្ពុជា appeared first on .

បើតាម​សេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានបង្ហាញថា លទ្ធផលជាផ្លែផ្កាដ៏​ត្រចះត្រចង់នៃដំណើរទស្សនកិច្ចផ្លូវការ គឺកម្ពុជា និងអេហ្ស៊ីប បានចុះហត្ថលេខា លើឯកសារសំខាន់ៗចំនួន ៣ ។ ឯកសារ​សំខាន់ៗទាំងនោះរួមមាន (១) អនុស្សរណៈនៃការយោគយល់​គ្នាស្ដីពីកិច្ច​សហប្រតិបត្តិការ វប្បធម៌ (២)អនុស្សរណៈនៃការ​យោគយល់គ្នាស្តីពីកិច្ចសហប្រតិបត្តិការ​លើផ្នែក​​បុរាណវិទ្យា សារមន្ទីរ និងបេតិកភណ្ឌ និង (៣) អនុស្សរណៈនៃការ​យោគ​យល់​​គ្នាស្ដី​ពីកិច្ច​​សហប្រតិ​ប​ត្តិកា​រ​​រវាង​វិទ្យាស្ថាន ជាតិការទូត និងទំនាក់ទំនងអន្តរជាតិកម្ពុជា និងវិទ្យាស្ថានសិក្សាការ​ទូត​អេហ្ស៊ីប។

ក្នុងជំនួបទ្វេភាគីរវាង រដ្ឋមន្ត្រីការបរទេស និងសហប្រតិ​បត្តិការអន្តរជាតិ​នៃកម្ពុជា និង រដ្ឋមន្ត្រីការ​បរ​ទេស​នៃ​សាធារណ​រដ្ឋអារ៉ាប់​អេហ្ស៊ីប ភាគីទាំង២​ក៏បានឯកភាពពិចារណាបង្កើតឲ្យមាននូវកិច្ច​ពិគ្រោះ​យោបល់ទ្វេភាគីរវាងក្រសួង ការបរ​ទេ​ស​​​​ទាំងពីរ ដែលជាយន្តការមួយ ដើម្បីរិះរកវិធី និងមធ្យោបាយ​នានា សំដៅពង្រឹងនិងពង្រីក កិច្ចសហប្រតិបត្តិការលើគ្រប់​វិស័យ​។ ក្នុងន័យនេះ រដ្ឋមន្ត្រីការបរទេស​ទាំងពីរ បានឯកភាពជំរុញឲ្យ មានការចុះហត្ថលេខាលើអនុស្សរណៈ ស្ដីពីកិច្ច​ពិគ្រោះយោបល់នេះ នាពេលខាងមុខ។ ឆ្លើយតបទៅនឹងការរីកចម្រើននៃទំនាក់ទំនង លោក Sameh_SHOUKRY បាន​បញ្ជាក់ថា អេហ្ស៊ីបនឹង​ពិចារ​​ណាបើកស្ថានទូតរបស់ខ្លួននៅភ្នំពេញ។

លោក ប្រាក់ សុខុន បានអំពាវនាវឲ្យប្រទេសអេហ្ស៊ីបទាញយក ប្រយោជន៍នៃភាពទាក់ទាញ និងសក្តានុពលរបស់កម្ពុជា ក្នុងក្របខណ្ឌនៃកិច្ចព្រមព្រៀងពាណិជ្ជកម្ម សេរីអាស៊ាន កិច្ចព្រមព្រៀ ងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ កិច្ច​ព្រម​ព្រៀងពាណិជ្ជកម្មសេរី កម្ពុជា-ចិន កិច្ចព្រមព្រៀង​ពាណិជ្ជកម្មសេរីកម្ពុជា-សាធារណរដ្ឋកូរ៉េនិងច្បាប់វិនិយោគ​ថ្មីរប​ស់​កម្ពុជា ៕

The post កម្ពុជា និងអេហ្ស៊ីប ចុះហត្ថលេខា​លើអនុស្សរណៈនៃ​ការ​យោ​គ​​​យ​ល់​គ្នាចំ​នួន​៣ appeared first on .

កាលពីថ្ងៃទី ២២ ខែមីនា ឆ្នាំ២០២៣ លោក ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានចូលជួបសម្តែងការគួរសម ជាមួយលោក វ៉ វ៉ាន់ធឿន និងលោក ផាម មិញជិញ នាយករដ្ឋមន្រ្តីនៃសាធារណរដ្ឋសង្គមនិយមវៀតណាម ក្នុងអំឡុងបំពេញទស្សនកិច្ចផ្លូវការ និងធ្វើជាសហប្រធានកិច្ចប្រជុំលើកទី២០ របស់គណៈកម្មការចម្រុះកម្ពុជា-វៀតណាម ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកវិទ្យា នៅរដ្ឋធានីហាណូយ សាធារណរដ្ឋសង្គមនិយមវៀតណាម។

ថ្លែងនៅក្នុងជំនួបនោះ ភាគីទាំងពីរ បានកត់សម្គាល់ថា វៀតណាមស្ថិតក្នុងចំណោមដៃគូពាណិជ្ជកម្មដ៏ធំបំផុតមួយរបស់កម្ពុជានៅក្នុងតំបន់ភាគីទាំងពីរ និងបានឯកភាពថាកិច្ចសហប្រតិបត្តិការសេដ្ឋកិច្ចគឺជាវិស័យអទិភាពមួយនៅក្នុងកិច្ចសហប្រតិបត្តិការទ្វេភាគីរបស់ប្រទេសទាំងពីរ។ ជាមួយគ្នានោះ ទំហំពាណិជ្ជកម្មទ្វេភាគីបានកើនឡើងខ្ពស់គួរឱ្យកត់សម្គាល់រហូតដល់ប្រមាណ ១០,៥៧ ពាន់លានដុល្លារអាមេរិក នៅក្នុងឆ្នាំ២០២២ មានការកើនឡើង ១០,៨៨% បើធៀបនឹងឆ្នាំ២០២១។

ជាមួយគ្នានោះ ដើម្បីរក្សានូវសន្ទុះកើនឡើងនេះ ភាគីទាំងពីរបានឯកភាពលើកិច្ចសហប្រតិបត្តិការ និងពន្លឿនការបញ្ចប់ផែនការមេស្តីពីការតភ្ជាប់សេដ្ឋកិច្ចកម្ពុជា-វៀតណាមឆ្នាំ២០៣០ នៅក្នុងឆ្នាំនេះ។

លើសពីនោះ ភាគីទាំងពីរបានឯកភាពអនុវត្តឱ្យមានប្រសិទ្ធភាពនូវអនុស្សរណៈនៃការយោគយល់គ្នា និងកិច្ចព្រមព្រៀងនានាដែលបានចុះហត្ថលេខារួច រួមទាំងកិច្ចព្រមព្រៀងស្តីពីការដឹកជញ្ជូនទំនិញឆ្លងកាត់រវាងកម្ពុជា និងវៀតណាម ព្រមទាំងបន្តធ្វើការសម្រួលដល់ទំនិញឆ្លងកាត់ក្រោមបទបញ្ញត្តិនៃកិច្ចព្រមព្រៀងទ្វេភាគី តំបន់ និងអន្តរជាតិ ជាពិសេសកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP)៕

The post ទំហំពាណិជ្ជកម្ម កម្ពុជា-វៀតណាម មានទំហំទឹកប្រាក់ប្រមាណជាង ១០ពាន់លានដុល្លារ នៅឆ្នាំ២០២២ appeared first on .

ក្នុងជំនួបនោះ លោក ចាស្ទីន ខេវីន វ៉ាយអេត (Justin Kevin Whyatt) ឯកអគ្គរដ្ឋទូតថ្មីរបស់អូស្ត្រាលីប្រចាំកម្ពុជា មានបំណងលើកទឹកចិត្ត ឱ្យមានការវិនិយោគប្រកបដោយគុណភាព មកកាន់កម្ពុជា ខណៈដែលរដ្ឋាភិបាលអូស្ត្រាលី កំពុងរៀបចំ “យុទ្ធសាស្ត្រ សេដ្ឋកិច្ចអាស៊ីអាគ្នេយ៍រហូតដល់ឆ្នាំ ២០៤០”។

ឯកអគ្គរដ្ឋទូតថ្មីរបស់អូស្ត្រាលីប្រចាំកម្ពុជា បានប្តេជ្ញាពង្រឹង ទំនាក់ទំនងទ្វេភាគីជាមួយកម្ពុជា និងស្វែងរកកាលានុវត្តនានា ដើម្បីពង្រឹងភាពជាដៃគូ ក្នុង ក្របខ័ណ្ឌអាស៊ានអូស្ត្រាលី និងបានបញ្ជាក់ជាថ្មីថា អូស្ត្រាលី បន្តកិច្ច សន្ទនាដោយការគោរព ឈរលើមូលដ្ឋានស្មើភាព និងអធិបតេយ្យភាព សម្រាប់ទំនាក់ទំនងប្រទេសទាំងពីរ។

ជាមួយគ្នានេះ លោក ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បាន ថ្លែងអំណរគុណចំពោះជំនួយ របស់ប្រជាជន និងរដ្ឋាភិបាលអូស្ត្រាលី ដែលបានផ្ដល់ដល់កម្ពុជា គាំទ្រវិស័យនានា ដែលក្នុងនោះ រួមមានវិស័យកសិកម្ម ហេដ្ឋារចនាសម្ព័ន្ធ ការអប់រំ ការដោះមីន ទំនាក់ទំនងរវាងប្រជាជននិង ប្រជាជន និងសុខាភិបាល រួមទាំងវ៉ាក់សាំងកូវីដ-១៩ ផងដែរ។

ភាគីទាំង២ក៏បានពិភាក្សាអំពីអភិក្រមនានាក្នុងការពង្រីកបន្ថែមទៀតនូវកិច្ចសហប្រតិបត្តិការទ្វេភាគី ក្នុងវិស័យ ពាណិជ្ជកម្មនិងវិនិយោគ សុខាភិបាល កសិកម្ម សមភាពយេនឌ័រ ព្រមទាំងសន្តិសុខនិង ការពារជាតិ ៕

អត្ថបទ៖ ស៊ីណាត

The post ឯកអគ្គរដ្ឋទូតថ្មីអូស្រ្តាលី បង្ហាញបំណងចង់ឱ្យមានការវិនិយោគប្រកបដោយគុណភាព មកកាន់កម្ពុជា appeared first on .

នៅក្នុងដំណើរទស្សនកិច្ចនោះ ភាគីទាំងពីរ បានលើកពីផលប្រយោជន៍ នៃការបើកដំណើរការសាកល្បងស្ពានមិត្តភាពកម្ពុជា-ថៃ (ស្ទឹងបត់-បានណងអៀន)នេះ ថានឹងជាការចូលរួមចំណែកបង្កើនលំហូរពាណិជ្ជកម្មឆ្លងដែន និងវិនិយោគ ក៏ដូចជាការធ្វើឱ្យប្រសើរឡើងនូវការតភ្ជាប់ និងសុខមាលភាពនៃប្រជាជនទាំងពីរ។

លើសពីនោះ ភាគីទាំងពីរ បានពិភាក្សាយ៉ាងទូលំទូលាយ ដោយបានពិនិត្យឡើងវិញ និងដាក់ចេញនូវវិធានការថ្មី សម្រាប់កិច្ចសហប្រតិបត្តិការពហុវិស័យ ដើម្បីកំណើន និងវិបុលភាពរួមរវាងប្រទេសទាំងពីរ ដែលក្នុងនោះរួមមាន ពាណិជ្ជកម្ម និងវិនិយោគ ការអប់រំ ទេសចរណ៍ ការងារ ការតភ្ជាប់ សន្តិសុខ និងការការពារជាតិជាដើម។

ជាមួយគ្នានោះ ភាគីទាំងពីរ ក៏បានខិតខំប្រឹងប្រែងរួមគ្នា ដើម្បីសម្រេចឱ្យបាននូវគោលដៅនៃទំហំពាណិជ្ជកម្មទ្វេភាគីចំនួន ១៥ពាន់លានដុល្លារអាមេរិក នៅឆ្នាំ២០២៥ផងដែរ។

ទន្ទឹមនឹងនោះ លោក ប្រាក់ សុខុន បានលើកទឹកចិត្តដល់ភាគីថៃ ឱ្យពង្រីកទីផ្សារថៃ លុបរបាំងបច្ចេកទេសពាណិជ្ជកម្ម ដើម្បីអនុគ្រោះដល់កសិផលកម្ពុជា៕

The post ស្ពានមិត្តភាពកម្ពុជា-ថៃ(ស្ទឹងបត់-បានណងអៀន)ផ្តល់ផលប្រយោជន៍ជាច្រើនដល់សេដ្ឋកិច្ចប្រទេសទាំងពីរ appeared first on .