លោក សុខ សូកេន រដ្ឋមន្ត្រីក្រសួងទេសចរណ៍និងជាប្រធានគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ បានថ្លែងថា៖ វេទិកានេះ ជាឱកាសនៃការជួបជុំដ៏សំខាន់មួយ ដោយមានការអញ្ជើញចូលរួមពីគ្រប់ភាគីពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ វិស័យឯកជន រួមជាមួយស្ថាប័នដៃគូអភិវឌ្ឍន៍ជាតិ-អន្តរជាតិ និងបងប្អូនប្រជាសហគមន៍មកពីបណ្តារាជធានី ខេត្តទូទាំងប្រទេស ដើម្បីពិភាក្សាអំពីការជំរុញការអភិវឌ្ឍវិស័យទេសចរណ៍សហគមន៍ និងអេកូទេសចរណ៍នៅតំបន់បឹងទន្លេសាប តាមរយៈយន្តការស្ថាប័នមួយក្រោមចំណុះគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ (គ.ជ.អ.អ.) និងក្រសួងទេសចរណ៍ គឺ “បណ្តាញអេកូទេសចរណ៍បឹងទន្លេសាប”។

លោកបានបញ្ជាក់បន្ថែមថា៖វេទិកានេះផងដែរក៏ជាឱកាសក្នុងការផ្សព្វផ្សាយទៅដល់ប្រជាសហគមន៍នៅទូទាំងប្រទេសអំពីអត្ថប្រយោជន៍សង្គមនិងសេដ្ឋកិច្ចនៃគម្រោងព្រែកជីកហ្វូណនតេជោ ដែលជាសមិទ្ធផលជាប្រវត្តិសាស្ត្ររបស់ប្រទេសជាតិយើង។

មិនតែប៉ុណ្ណោះប្រជាសហគមន៍ក៏ដូចជាប្រតិបត្តិករទេសចរណ៍ ក្នុងឧស្សាហកម្មទេសចណ៍ទាំងអស់បានសាទរនូវសមិទ្ធផលក្នុងរយៈពេល១ឆ្នាំដំបូងរបស់រាជរដ្ឋាភិបាលនីតិកាលទី៧នេះជាពិសេសគឺការគាំទ្រនិងជឿជាក់លើកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA របស់រាជរដ្ឋាភិបាលកម្ពុជា៕​

The post រដ្ឋាភិបាលពង្រឹងសេវាកម្មទេសចរណ៍ និងអេកូទេសចរណ៍ appeared first on .

ដំណើរកម្សាន្ត​របស់​បុគ្គលិក​ក្រុមហ៊ុន​ សោម៉ា គ្រុប​ នេះ គឺជា​ការបើកទំព័រឆ្នាំថ្មី​នៃដំណើរកម្សាន្ត ជួបជុំបុគ្កលិក​របស់ក្រុមគ្រួសារ សោម៉ា គ្រុប ឆ្នាំ២០២៤ ជាមួយនេងការរៀបចំសហការរួមគ្នា​ បង្កើតជាក្រុម​ និងលេងហ្គេម​សប្បាយជុំគ្នា (Team Building) ក្នុង​គោលបំណង ដើម្បីពង្រឹងចំណងមិត្តភាព ឱ្យ​កាន់តែមានភាពជិតស្និត។

សូមជម្រាបថា ក្នុង​ដំណើរ​កម្សាន្ត​របស់​ក្រុមហ៊ុន សោម៉ា គ្រុប នេះ​ បាន​​​​​រៀបចំ​សកម្មភាព​កម្សាន្ត​នៅ​​ឆ្នេរ​ចំនួន​ពីរ​ គឺ​​កោះស្តេច រីស៊ត និង​កោះអភិជន​រីស៊ត ​​ខេត្តកោះកុង ដែល​សុទ្ធសឹង​តែ​ជា​គម្រោង​អភិវឌ្ឍន៍​ដោយ​​​អ្នកឧកញ៉ា សួរ វីរៈ។

សោម៉ា គ្រុប មានបុត្រសម្ព័ន្ធប្រមាណចំនួន ១០ក្រុមហ៊ុនក្នុងដៃ ដែលធ្វើការក្នុងវិស័យផ្សេងគ្នា រួមមាន៖ វិស័យសំណង់ កសិកម្ម បច្ចេកវិទ្យា ពាណិជ្ជកម្ម អប់រំ បដិសណ្ឋារកិច្ច និងអភិវឌ្ឍអចលនវត្ថុ ជាដើម។ លោកស្រី ចម ក្រស្នា បានបម្រើការនៅ សោម៉ា គ្រុប រយៈពេលជាង ១៥ឆ្នាំមកហើយ ខណៈដែលលោកស្រី បានឡើងកាន់តួនាទីជា CEO ចាប់ពីឆ្នាំ២០១៨ មក៕

The post ភរិយារដ្ឋមន្ត្រីក្រសួងទេសចរណ៍ ដឹកនាំបុគ្គលិកធ្វើដំណើរកម្សាន្ត ទៅកាន់រីស៊ត២កន្លែងរបស់អ្នកឧកញ៉ា សួរ វីរៈ appeared first on .

សម្តេចមើលឃើញថា ក្នុងរយៈពេល១០០ថ្ងៃមកនេះ រដ្ឋមន្ត្រីក្រសួងទេសចរណ៍ថ្មី មិនមែននៅស្ងៀមទេ ឯកឧត្តម សុខ សូកេន គឺថាអ្នកនិយាយតិចធ្វើច្រើន មិនសូវលឺនិយាយទេ ប៉ុន្តែឃើញចុះទៅជួបសហគមន៍កំពង់ភ្លុក បឹងទន្លេសាប ជួបប្រតិបត្តិករទេសចរណ៍នៅសៀមរាប កែប ចុះជួបផ្ទាល់ ក្តាបស្ថានការណ៍ផ្ទាល់ ដើម្បីរៀបចំផែនការផ្ទាល់ រៀបចំជាមួយមន្ត្រីរបស់ខ្លួន ដូចសម្តេចតេជោធ្លាប់មានប្រសាសន៍ថា កុំឲ្យដូចមន្ត្រីជើង១០ មន្ត្រីជើង២ ហើយ១០០ថ្ងៃនេះ សរបញ្ជាក់ថាក្រសួងទេសចរណ៍ គឺដឹកនាំដោយរដ្ឋមន្ត្រីជើង២ ចុះគ្រប់កន្លែង ដែលសកម្មភាពនេះត្រូវតែបន្ត។

ការថ្លែងកោតសរសើររបស់សម្តេចធិបតីនាយករដ្ឋមន្ត្រីបែបនេះ ក្នុងពិធីបិទជាផ្លូវការពិធីបុណ្យសមុទ្រលើកទី១០ ជុំទី៣ ឆ្នាំ២០២៣ ក្រោមប្រធានបទ «ទាំងអស់គ្នាដើម្បីទេស​ចរណ៍» នៅខេត្តកែប នារាត្រីថ្ងៃអាទិត្យ ទី៣ ខែធ្នូ ឆ្នាំ២០២៣៕

អត្ថបទ៖ អក្ខរា

The post សម្តេចធិបតី ហ៊ុន ម៉ាណែត កោតសរសើររដ្ឋមន្ត្រីក្រសួងទេសចរណ៍ថ្មី ដែលនិយាយតិចធ្វើច្រើន appeared first on .

កិច្ចប្រជុំកាលពីថ្ងៃពុធ ទី២៥ ខែតុលាម្សិលមិញនៃវេទិការាជរដ្ឋាភិបាល-ផ្នែកឯកជន ដឹកនាំដោយលោក សុខ សុកេន រដ្ឋមន្ត្រីក្រសួងទេសចរណ៍ និងជាសហប្រធានក្រុមការងារ «ខ» តំណាងផ្នែករដ្ឋាភិបាល និងឧកញ៉ា លូ ម៉េង សហប្រធានក្រុមការងារ «ខ» តំណាងផ្នែកឯកជន។

បើតាមសភាពាណិជ្ជកម្ម គោលបំណងនៃកិច្ចប្រជុំនេះ គឺដើម្បីពិគ្រោះ ពិភាក្សា និងដោះស្រាយទៅលើបញ្ហាប្រឈមដែលពាក់ព័ន្ធនឹងវិស័យទេសចរណ៍ នៅក្នុងប្រទេសកម្ពុជាដែលលើកឡើងដោយ ផ្នែកឯកជន មាន១៩បញ្ហា ដូចជា៖ ១. យុទ្ធសាស្រ្តទីផ្សារ (A strong innovative offer), ២. ការក្រុមប្រឹក្សាទេសចរណ៍ឯករាជ្យ, ៣. ការពង្រឹងទៅលើបទប្បញ្ញត្តិ(អនុលោមតាមស្របច្បាប់), ៤. មគ្គុទេសចរណ៍ភាគច្រើន បានទិញផ្ទះក្នុងបុរីបង់រំលោះ ប្រឈមនឹងការផាកពិន័យ ឬការយកវិញពីម្ចាស់បុរី, ៥. សុវត្ថិភាព ភ្ញៀវទេសចរនៅក្នុង រាជធានីភ្នំពេញ, ៦. ការបណ្តុះបណ្តាល ជាដើម។

នៅក្នុងកិច្ចប្រជុំនេះសហប្រធានទាំងពីរបានសម្រេចយក ៧បញ្ហា ត្រូវបានអង្គប្រជុំពិភាក្សា នឹងសម្រេចយកធ្វើលទ្ធផល ដើម្បីធ្វើរបាយការណ៍រួមរវាងវិស័យឯកជន និងរដ្ឋាភិបាល នឹងរាយការណ៍ក្នុងវេទិការាជរដ្ឋាភិបាល-ផ្នែកឯកជន លើកទី១៩ ក្នុងវិច្ឆិកា នាពេលឆាប់ៗខាងមុខនេះផងដែរ។ លទ្ធផលពីការសម្រេចស្វែងរកចំណុចរួមគ្នាមួយ លើបញ្ហាដែលមាន ត្រូវបានវិស័យឯកជន ឯកភាពនិងទទួលយកអំណះអំណាងត្រឹមពីអង្គប្រជុំក្រុមការងារ «ខ»នេះ៕

The post ឧកញ៉ា លូ ម៉េង បើកកិច្ចប្រជុំពិភាក្សា និងដោះស្រាយបញ្ហាប្រឈមវិស័យទេសចរណ៍ appeared first on .

កូនប្រុសបង្កើតសម្តេចវិបុលបញ្ញា សុខ អាន គឺលោក សុខ សូកេន រដ្ឋមន្រ្តីថ្មីក្រសួងទេសចរណ៍ បានបញ្ជាក់ថា ការដាក់ចេញនូវគំនិតផ្តួចផ្តើមសុទ្ធសាសន្រ្តនេះ ដើម្បីសំដៅធ្វើឱ្យកម្ពុជាក្លាយជាគោលដៅទេសចរណ៍សកលឈានមុខប្រកបដោយភាពសម្បូរបែប ពោរពេញដោយកាលានុវត្តភាព និងភាពកក់ក្ដៅ ក្នុងការរួមចំណែកលើកកម្ពស់កិត្យានុភាព និងភាពធន់របស់កម្ពុជា។

ក្នុងពិធីសំណេះសំណាលជាមួយថ្នាក់ដឹកនាំ-មន្ត្រីរាជការក្រសួងទេសចរណ៍ ពេលថ្មីៗនេះ លោក សុខ សូកេន បានបញ្ជាក់បន្ថែមថា លោកក៏នឹងដាក់ចេញគោលដៅយុទ្ធសាស្រ្តចំនួន៣ រួមមាន៖ ១-ភាពប្រកួតប្រជែងទេសចរណ៍ ២-ចីរភាពទេសចរណ៍ និង៣-បរិយាបន្នទេសចរណ៍ និងមានសសរស្ដម្ភយុទ្ទសាស្រ្តចំនួន៥ ហៅកាត់ថា «បង្កើន៥ -BUILD» ព្រមទាំងមានសមាសធាតុគាំទ្រដោយការងារអាទិភាពចំនួន៣ ហៅកាត់ថា «អភិវឌ្ឍ៣ -3Ds» ដើម្បីធ្វើយ៉ាងណាសំដៅជំរុញការអភិវឌ្ឍវិស័យទេសចរណ៍កម្ពុជា ព្រមទាំងបង្កើនប្រសិទ្ធភាព សុខដុមនីយកម្មក្នុងការងារសម្របសម្រួលរវាងក្រសួងស្ថាប័នពាក់ព័ន្ធ និងតួអង្គទាំងអស់ ដែលមានតួនាទីចូលរួមអភិវឌ្ឍន៍វិស័យទេសចរណ៍កម្ពុជា។

ក្នុងឪកាសនោះដែររដ្ឋមន្រ្តីវ័យក្មេងដែលមានឈាមជ័រជាកូនមន្រ្តីជាន់ខ្ពស់មួយរូបផងដែរនោះ បានអំពាវនាវឱ្យមានការចូលរួមពីគ្រប់ភាគីទាំងអស់ ដោយឈរលើអភិក្រមភាពជាដៃគូចតុភាគី «រដ្ឋ-ឯកជន-ប្រជាពលរដ្ឋ-ដៃគូអភិវឌ្ឍន៍» ធ្វើយ៉ាងណាបង្កើនសកម្មភាពវិស័យទេសចរណ៍កម្ពុជាឱ្យកាន់តែមានភាពប្រកួតប្រជែង ចីរភាព និងបរិយាបន្ន។

គួរជម្រាបថា ក្រសួងទេសចរណ៍មានចក្ខុវិស័យនៅឆ្នាំ២០២៥ នឹងទទួលបានទេសចរអន្តរជាតិ៦.៤លាននាក់ ជាមួយទេសចរជាតិ១៦.៧លាននាក់ ហើយនៅឆ្នាំ២០២៦ នឹងទទួលបានទេសចរអន្តរជាតិ៧លាននាក់ ជាមួយទេសចរជាតិ១៧លាននាក់៕

The post កូនប្រុសសម្តេច សុខ អាន ដាក់យុទ្ធសាស្រ្តអ្វីខ្លះដើម្បីអភិវឌ្ឍន៍វិស័យទេសចរណ៍កម្ពុជា ក្នុនាមរដ្ឋមន្រ្តីថ្មី appeared first on .

លោក លឹម ចុក ហ៊ុយ គឺជាមន្ត្រីជាន់ខ្ពស់របស់រដ្ឋាភិបាលព្រុយណេ ​ធ្លាប់​ធ្វើ​ជា​រដ្ឋលេខាធិការ​អចិន្ត្រៃយ៍​នៅ​ក្រសួង​ការ​បរទេស និង​ពាណិជ្ជកម្ម ប្រទេស​ព្រុយណេដារូសាឡឹម ចាប់តាំងពីឆ្នាំ ២០០៦ មក។

លោកបានបញ្ចប់ការសិក្សាផ្នែកសេដ្ឋកិច្ចពីសាកលវិទ្យាល័យពហុបច្ចេកទេសទីក្រុងឡុងដ៍ ក្នុងឆ្នាំ១៩៧៦។

ចាប់ពីឆ្នាំ២០០១ ដល់ឆ្នាំ២០០៥ លោកត្រូវបានតែងតាំងជាអគ្គនាយកទំនាក់ទំនងអន្តរជាតិ និងអភិវឌ្ឍន៍ពាណិជ្ជកម្មនៃក្រសួងឧស្សាហកម្ម និងធនធានបឋម ហើយនៅខែកញ្ញា ឆ្នាំ ២០០៥ លោកត្រូវបានតែងតាំងជាអនុរដ្ឋលេខាធិការក្រសួងការបរទេស និងពាណិជ្ជកម្ម ។

ទន្ទឹមនឹងនោះ នៅក្នុងឆ្នាំ២០០១ លោកក៏ជាសមាជិកនៃក្រុមការងារកម្រិតខ្ពស់ស្តីពីសមាហរណកម្មសេដ្ឋកិច្ចអាស៊ាន (HLTF-EI) រហូតដល់បានបម្រើការជាប្រធាន HLTF-EI ក្នុងឆ្នាំ ២០១៧ ហើយលោកក៏ជាប្រធានអ្នកចរចារបស់ព្រុយណេសម្រាប់កិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) ផងដែរ ។

នៅអំឡុងឆ្នាំ២០១១ ដល់ឆ្នាំ ២០១៧ លោកជាប្រធានក្រុមប្រឹក្សាភិបាលនៃវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) ។ លោក​ក៏​ស្ថិត​ក្នុង​ក្រុម​ប្រឹក្សា​យោបល់​ខាង​ក្រៅ​សម្រាប់​ការ​សិក្សា​អាស៊ាន​ឆ្នាំ ​២០៣០ ដែល​ត្រូវ​បាន​ធ្វើ​ឡើង​ដោយ​ធនាគារ​អភិវឌ្ឍន៍​អាស៊ី (ADB) ៕

The post កូនសម្តេចវិបុលបញ្ញាភក្តី សុខ អាន ទៅទទួលអគ្គលេខាធិការអាស៊ាន ដោយផ្ទាល់នៅព្រលានយន្តហោះ appeared first on .

លោក សុខ សូ​កាន ត្រូវបានតែងតាំង​ជា​រដ្ឋលេខាធិការ​ក្រសួង​រៀបចំ​ដែនដី នគរូបនីយកម្ម និង​សំណង់ តាមព្រះរាជក្រឹត្យចុះថ្ងៃទី១៦ ខែធ្នូឆ្នាំ២០២០។

លោក សុខ សូកេន បានឡើងជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិតាមព្រះរាជក្រឹត្យចុះថ្ងៃទី១៨ ខែធ្នូឆ្នាំ២០២០។

ចំណែក​លោក សុខ សង្វារ ត្រូវ​តែងតាំង​ជា​អនុរដ្ឋលេខាធិការ​ក្រសួងទេសចរណ៍​​តាមព្រះរាជក្រឹត្យ​កាលពីថ្ងៃទី១៥ ខែធ្នូឆ្នាំ២០២០ បន្ទាប់ពីលោកបានកាន់ជាអគ្គនាយករង​នៃ​អាជ្ញាធរ​ជាតិ​អប្សរាអស់រយៈពេល៧ឆ្នាំរួចមក​។​

The post ក្រសួង​ចំនួន៣ កូនប្រុសសម្តេចវិបុលបញ្ញា សុខ អាន ទទួលបាន​តំណែងព្រមគ្នា appeared first on .