តាមការបង្ហោះលើ Facebook នៅថ្ងៃទី៥ មិថុនា អតីតសមាជិកសភាខេត្ត Nakhon Si Thammarat រូបនេះក៏បាននិយាយដែរថា លោក ថាក់ស៊ីន គឺមានទំនុកចិត្តខ្ពស់ណាស់ ថាអាចនឹងទទួលបានសិទ្ធិរស់នៅក្រៅឃុំ ដូច្នេះហើយគ្មានហេតុផលអ្វី ធ្វើឲ្យគាត់រត់គេចខ្លួនទៀតនោះទេ។

យ៉ាងណាបើនិយាយអំពីការភៀសខ្លួន លោក ថាក់ស៊ីន បែរជាមិនត្រូវបានគេប្រទះឃើញជាសាធារណៈនោះឡើយ នារយៈពេលថ្មីៗ ចាប់តាំងពីអគ្គមេធាវីបានចេញដីកាចោទប្រកាន់កាលពីថ្ងៃទី២៩ ខែឧសភា ពីបទប្រមាថព្រះមហាក្សត្រ និងបទឧក្រិដ្ឋកម្មកុំព្យូទ័រ ដែលកើតចេញពីបទសម្ភាសន៍មួយជាមួយអ្នកកាសែតបរទេសកាលពីអំឡុងខែកុម្ភៈ ឆ្នាំ២០១៥ ។ ការបាត់មុខពីទីសាធារណៈដូច្នេះ បាននាំឲ្យមានការសង្ស័យថា គាត់ប្រហែលជាបានភៀសខ្លួនចេញពីប្រទេសជាលើកទីពីរ ដូចកាលពីឆ្នាំ២០០៨ មែនទែនហើយ។

ជុំវិញរឿងរ៉ាវនេះ លោកនាយករដ្ឋមន្ត្រីកាន់តំណែងអាណត្តិថ្មី សេដ្ឋា ថាវីស៊ីន បានប្រាប់ទៅកាន់អ្នកសារព័ត៌មានថា លោក ថាក់ស៊ីន កំពុងតែស្ថិតនៅក្នុងប្រទេស ហើយនឹងមិនភៀសខ្លួនទៅណាទៀតទេ។ ការលើកឡើងដូច្នេះ បន្ទាប់ពីរូបលោកបានជួបជាមួយកូនស្រីលោកថាក់ស៊ីន គឺលោកស្រី Paetongtarn កាលពីថ្ងៃអង្គារ ដែលបានអះអាងថា ឪពុករបស់ខ្លួនមិនអីឡើយ ដ្បិតគាត់កំពុងតែស្ថិតនៅវិមាននាទីក្រុងបាំងកក។

ក្រៅពីនោះ លោក សេដ្ឋា ក៏បានលើកឡើងថា លោក ថាក់ស៊ីន នឹងត្រៀមខ្លួនរួចជាស្រេច ក្នុងការប្រឆាំងតវ៉ាចំពោះការចោទប្រកាន់ពីបទប្រមាថព្រះមហាក្សត្រ ហើយការនិរទេសអស់រយៈពេល ១៧ឆ្នាំមកនេះ ល្មមគ្រប់គ្រាន់ហើយ គាត់មិនចង់រត់ភៀសខ្លួនទៅក្រៅប្រទេសម្តងទៀតឡើយ៕

The post លោក ថាក់ស៊ីន នឹងមិនភៀសខ្លួនទៅក្រៅប្រទេសទៀតទេ ទោះបីកំពុងប្រឈមការចោទប្រកាន់ ពីបទប្រមាថព្រះមហាក្សត្រក៏ដោយ appeared first on .

ក្នុងនោះ លោកនាយករដ្ឋមន្ត្រីក៏បានចេញមុខសុំទោសលោក Parnpree ដែលជាសមាជិកម្នាក់របស់គណបក្សភឿថៃ ហើយក៏បានថ្លែងអំណរគុណចំពោះការរួមចំណែករបស់លោក ចាប់តាំងពីរដ្ឋាភិបាលចម្រុះបានឡើងកាន់អំណាចកាលពីខែសីហាឆ្នាំមុន។ លោកបន្ត​ថា យើង​ទាំង​ពីរ​បាន​ស្គាល់​គ្នា​ ១០​ឆ្នាំ​មក​ហើយ ហើយក៏​ជា​មិត្ត​ជិតស្និទ្ធ​នឹង​គ្នាផងដែរ​។

លោក សេដ្ឋា បានបន្ថែមថា លោក Phumtham ដែលជាឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្ម នឹងចូលកាន់តំណែងជារដ្ឋមន្ត្រីការបរទេសស្តីទី រហូតដល់គណៈកម្មាធិការជ្រើសរើសបាន អ្នកដែលសាកសមអង្គុយលើកៅអីជំនួសលោក Parnpree ។

ទោះជាយ៉ាងណាក៏ដោយ លោកមិនបានបញ្ជាក់ឲ្យស៊ីជម្រៅ ទាក់ទិននឹងឈ្មោះអ្នកដែលចូលមកជំនួសតំណែងនោះទេ ដោយគ្រាន់តែនិយាយថា បេក្ខជន​មាន​បទពិសោធន៍​ក្នុង​ផ្នែក​ការទូត និង​នយោបាយ ព្រម​ទាំង​មាន​សាវតារ​ដែល​ធ្វើ​ការ​នៅ​ពី​ក្រោយ​ឆាកនយោបាយ​របស់គណ​បក្ស​ភឿថៃ។

គួរបញ្ជាក់ផងដែរថា កាលពីថ្ងៃទី២៨ ខែមេសា លោក Parnpree បានសម្រេចលាលែងចេញពីតំណែងជារដ្ឋមន្ត្រីការបរទេស បន្ទាប់ពីរូបលោកត្រូវបានរបូតតំណែងជាឧបនាយករដ្ឋមន្ត្រី ក្រោមការរុះរើគណៈរដ្ឋមន្ត្រីរបស់អាណត្តិលោក សេដ្ឋា ៕

The post នាយករដ្ឋមន្ត្រីថៃ ជ្រើសបានរដ្ឋមន្ត្រីការបរទេសបណ្តោះអាសន្ន appeared first on .

អ្នកនាំពាក្យរដ្ឋាភិបាលលោក Chai Wacharonke បាននិយាយថា នាយករដ្ឋមន្ត្រីលោក សេដ្ឋា ថាវីស៊ីន បានទទួលយល់ព្រមលិខិតលាលែងពីតំណែងរបស់លោក Parnpree ហើយ។ លោកបន្ថែមទៀតថា ការលាលែងពីតំណែងរបស់លោក Parnpree នឹងមិនប៉ះពាល់ដល់ការងាររបស់រដ្ឋាភិបាលក្នុងកិច្ចការបរទេសនោះទេ ព្រោះលេខាធិការអចិន្ត្រៃយ៍របស់ក្រសួងការបរទេស និងមន្ត្រីអាចធ្វើការជំនួសបាន។

ទន្ទឹមនឹងនោះ បើយោងតាមលិខិតលាលែង ដែលចេញផ្សាយដោយប្រព័ន្ធផ្សព្វផ្សាយក្នុងស្រុក លោក Parnpree បានលើកឡើងថា ការដកតំណែងឧបនាយករដ្ឋមន្ត្រីរបស់លោកយ៉ាងដូច្នេះ មិនមែនដោយសារតែការងារធ្វើមិនបានល្អនោះទេ​ ផ្ទុយទៅវិញរូបគាត់ផ្ទាល់ធ្វើបានល្អខ្លាំងណាស់​ ព្រមទាំងបានជួយលើកកំពស់មុខមាត់ប្រទេសជាតិលើឆាកអន្តរជាតិថែមទៀតផង។

គួរជម្រាបផងដែរថា ការលាលែងចេញពីតំណែងរបស់លោកបែបនេះ បានធ្វើឲ្យក្រសួងការបរទេសមានភាពស្រពិចស្រពិល ដ្បិតអីកន្លងមកលោកបានធ្វើកិច្ចការជាច្រើន តួយ៉ាងកាលពីខែមុន លោកបានស្វែងរកការត្រួសត្រាយផ្លូវសម្រាប់កិច្ចពិភាក្សា ពាក់ព័ន្ធនឹងវិវាទអស្ថិរភាពដែលបង្កឡើងដោយរដ្ឋប្រហារមីយ៉ាន់ម៉ា និងក៏ជាអ្នកធានាលើការដោះលែងចំណាប់ខ្មាំងថៃរាប់សិបនាក់ ដែលត្រូវបានចាប់ខ្លួនពីសំណាក់ក្រុមហាម៉ាសនៅហ្គាហ្សាផងដែរ៕

The post រដ្ឋមន្ត្រីការបរទេសថៃលាលែងពីតួនាទី ក្រោយរបូតតំណែងជាឧបនាយករដ្ឋមន្ត្រី appeared first on .

បន្ទាប់ពីចាកចេញពីអាកាសយានដ្ឋានអន្តរជាតិភ្នំពេញ សម្តេចធិបតីនាយករដ្ឋមន្រ្តី បានដល់អាកាសយានដ្ឋានយោធា ដនមឿន រាជធានីបាងកក ប្រកបដោយសុវត្ថិភាព ដោយមានការទទួលបដិសណ្ឋារកិច្ចពីសំណាក់លោក ប៉ានព្រី បាហិថានុការ៉ា (Parnpree Bahiddha-Nukara) ឧបនាយករដ្ឋមន្ត្រី រដ្ឋមន្ត្រីការបរទេសថៃ។

ក្នុងដំណើរអញ្ជើញដល់សម្តេចធិបតី ហ៊ុន ម៉ាណែត ត្រូវបាននាយករដ្ឋមន្រ្តីថៃ លោក សេដ្ឋា ថាវីស៊ីន ទទួលបដិសណ្ឋារកិច្ចផ្លូវការយ៉ាងកក់ក្តៅ អមដោយកម្មវិធីត្រួតពលដែលប្រារព្ធធ្វើឡើងនៅវិមានរាជរដ្ឋាភិបាលថៃ ក្នុងរាជធានីបាងកក។

បន្ទាប់ពីពិធីត្រួតពលកងកិត្តិយស នៃកងភូមិន្ទថៃរួចមកសម្តេចធិបតី ហ៊ុន ម៉ាណែត ដែលអមដំណើរដោយផ្ទាល់ពីនាយករដ្ឋមន្ត្រីថៃ លោក សេដ្ឋា ថាវីស៊ីន អញ្ជើញធ្វើគារវកិច្ចដោយផ្ទាល់ចំពោះលោក លោកស្រី ជាឥស្សរជនជាន់ខ្ពស់រាជរដ្ឋាភិបាលថៃ-កម្ពុជា និងលោក លោកស្រីជាឥស្សរជនការទូត នៃបណ្តាប្រទេសជាមិត្តនានាប្រចាំនៅថៃផងដែរ៕

The post នាយករដ្ឋមន្រ្តីថៃ រៀបចំពិធីបដិសណ្ឋារកិច្ចផ្លូវការយ៉ាងកក់ក្តៅស្វាគមន៍វត្តមានសម្តេចធិបតី ហ៊ុន ម៉ាណែត appeared first on .

ក្នុងឱកាសនេះ លោក ឆឺតកៀត អាត់ថាកន បានលើកទ្បើងអំពីភាពរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការល្អកម្ពុជា-ថៃ នាពេលកន្លងមក និងបានបញ្ជាក់អំពីការបេ្តជ្ញាចិត្តក្នុងការជំរុញទំនាក់ទំនងនេះឱ្យកាន់តែរឹងមាំ និង ជិតស្និទ្ធបន្ថែមទៀត ។ ទនឹ្ទមនឹងនេះ លោកឯកអគ្គរាជទូត បានថ្លែងអំណរគុណជូនចំពោះសម្តេចធិបតី និងរាជរដ្ឋាភិបាលកម្ពុជា ដែលបានទទួលបដិសណ្ឋារកិច្ចស្វាគមន៍យ៉ាងកក់ក្តៅជូននាយករដ្ឋមន្ត្រីថៃ លោក សេដ្ឋា ថាវីសុីន ក្នុងដំណើរទស្សនកិច្ចផ្លូវការនៅកម្ពុជា កាលពីខែកញ្ញា ឆ្នាំ២០២៣កន្លងទៅ។

លើសពីនេះ លោក ឆឺតកៀត អាត់ថាកន បានបញ្ជាក់អំពីការទន្ទឹងរង់ចាំទទួលបដិសណ្ឋារកិច្ចដំណើរទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត ទៅកាន់ថៃ នាពេលខាងមុខនេះ។ 

ជាការឆ្លើយតប សម្តេចធិបតី បានគូសបញ្ជាក់អំពីការបេ្តជ្ញាចិត្តក្នុងការជួយលើកកម្ពស់កិច្ចសហប្រតិបត្តិការរវាងប្រទេសទាំងពីរកម្ពុជា-ថៃ ឱ្យកាន់តែល្អរឹងមាំ និងលូតលាស់បន្ថែមទៀត។ សម្តេចធិបតី ក៏បានលើកទ្បើងផងដែរ អំពីវឌ្ឍនភាពរីកចម្រើននៃកិច្ចសហប្រតិបត្តិការក្នុងវិស័យសក្តានុពលជាច្រើន រួមមានជាអាទិ៍ វិស័យពាណិជ្ជកម្ម, ទេសចរណ៍ និងទំនាក់ទំនងរវាងប្រជាជន និងប្រជាជនជាដើម៕

The post ទូតថៃ៖ លោក សេដ្ឋា ថាវីសុីន ទន្ទឹងរង់ចាំទទួលបដិសណ្ឋារកិច្ចដំណើរទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅក្រុងបាងកក appeared first on .

សេចក្ដីប្រកាសមួយនេះធ្វើឡើង បន្ទាប់ពីការិយាល័យក្រុមប្រឹក្សារដ្ឋ រកមិនឃើញហេតុផលណាមួយក្នុងការហាមប្រាម មិនឲ្យគណៈរដ្ឋមន្ត្រីរបស់លោក Srettha ខ្ចីប្រាក់ពីរដ្ឋ ដើម្បីបន្តអនុវត្តផែនការចែកលុយឌីជីថលនោះឡើយ។

រំលឹកបន្តិចថា ផែនការមួយនេះ នឹងផ្ដល់ប្រាក់ ១០ ០០០បាត ឬប្រហែល ២៨៥ដុល្លារសម្រាប់មនុស្សម្នាក់ ទៅកាន់ប្រជាជនប្រហែល ៥០លាននាក់ ដើម្បីចំណាយនៅក្នុងសហគមន៍រៀងៗខ្លួន ខណៈផែនការនេះផងដែរ ក៏ជាចំណុចលេចធ្លោរមួយដែលជួយឲ្យលោក Srettha ក្លាយជានាយករដ្ឋមន្ត្រីថៃ ដ្បិតគណបក្សភឿថៃបានប្រើប្រាស់ផែនការនេះ ក្នុងការឃោសនារកសន្លឹកឆ្នោតកាលពីពេលកន្លងទៅ។

នាយករដ្ឋមន្ត្រី និងជារដ្ឋមន្ត្រីហិរញ្ញវត្ថុរូបនេះ បានបង្ហាញថា ផែនការចែកលុយឌីជីថល នឹងអាចជួយបង្កើនកំណើនសេដ្ឋកិច្ចរបស់ថៃ ឲ្យឡើងដល់ចំណុច៥% យ៉ាងតិចក្នុងមួយឆ្នាំ ប៉ុន្តែសេដ្ឋកិច្ចវិទូ និងអតីតទេសាភិបាលធនាគារកណ្ដាលមួយចំនួន បានចេញមុខប្រតិកម្មជាមួយផែនការមួយនេះ ដោយអះអាងថា វានឹងជំរុញឲ្យអត្រាអតិផរណាកាន់តែកើនឡើងជាងពេលបច្ចុប្បន្ន៕

The post នាយករដ្ឋមន្ត្រីថៃ៖ គម្រោងចែកលុយឌីជីថល ១៤ពាន់លានដុល្លារ នឹងអនុវត្តពីខែឧសភាតទៅ appeared first on .

គណកម្មាធិការជាតិប្រឆាំងអំពើពុករលួយបាននិយាយនៅថ្ងៃព្រហស្បតិ៍ថា លោក ស្រេតថា តម្រូវឲ្យប្រកាសទ្រព្យសម្បត្តិ និងបំណុលទាំងអស់របស់លោក នៅពេលដែលចូលកាន់តំណែងជានាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុកាលពីថ្ងៃទី៥ ខែកញ្ញា។

មកទល់ពេលនេះលោក ស្រេតថា មានទ្រព្យសម្បត្តិសរុប ៦៥៩,៣៩លានបាត ចំណែកឯភរិយាគឺបណ្ឌិត Pakpilai មានទ្រព្យសម្បត្តិសរុបចំនួន ៣៦១,០៨លានបាត ស្របពេលពួកគេទាំងពីរមានប្រាក់ចំនួន ៩,៧៣លានបាតនៅក្នុង Bank Overdrafts។

គួរបញ្ជាក់ដែរថា​ អ្នកទាំងពីរមានប្រាក់សុទ្ធចំនួន ២,៨លានបាត និងមានប្រាក់ ១១៦,០១លានបាតទៀតក្នុងគណនីបញ្ញើចំនួន៨៥ រីឯការវិនិយោគមានចំនួន ៥៣,៦៥លានបាត និងមានដីនៅសង្កាត់ Phra Khanong នាទីក្រុងបាងកកមានតម្លៃ ១៥៨,៤លានបាត ព្រមទាំងខុនដូដែលមានតម្លៃ ១៥៦,៤២លានបាតនៅក្នុងខេត្ត Prachuap Khiri Khan និងផ្ទះបីជាន់នៅទីក្រុងបាងកក។

ជាមួយគ្នានោះ លោក ស្រេតថា មានរថយន្ត Aston Martin DB5 ដែលចុះបញ្ជីនៅប្រទេសអង់គ្លេសតម្លៃ ៥០លានបាត ខណៈលោកស្រី Pakpilai មានរថយន្តចំនួន ៣គ្រឿងរួមមាន Toyota Alphard, Fiat និង Tesla Model Y ដែលមានតម្លៃសរុប ៧៨លានបាត។

នាយករដ្ឋមន្ត្រីរូបនេះ ក៏បានប្រកាសថាលោកមាននាឡិកាចំនួន ៣៨គ្រឿងក្នុងតម្លៃសរុប ១២៧,៩៥លានបាត ចំណែកឯនាឡិកាចំនួន ៣១គ្រឿងរបស់ភរិយារបស់លោកត្រូវបានគេប៉ាន់ស្មានថាមានតម្លៃ ៨៤,៨៧លានបាត។ មួយវិញទៀត លោកស្រីមានកាបូបចំនួន៤៨ ដែលមានតម្លៃ ៣៧,០១លានបាត ហើយលោក ស្រេតថា មានកាបូប Louis Vuitton X តម្លៃ ៦លានបាត។ ចុងក្រោយបង្អស់នោះ អ្នកទាំងពីរមានគ្រឿងអលង្ការត្បូងពេជ្រ សរុបចំនួន ១៣១,០៥លានបាតផងដែរ។

មិនត្រឹមតែប៉ុណ្ណោះ លោក ស្រេតថា​បានប្រាប់ NACC ថា លោករកចំណូលបានប្រមាណ ២៥៣,៦៤លានបាតក្នុងមួយឆ្នាំ ហើយចំណាយប្រាក់ទៅវិញប្រហែល ៥១,៦៣លានបាត។ ដោយឡែក លោកស្រី Pakpilai បានរាយការណ៍មកផងដែរថា លោកស្រីរកចំណូលបានប្រហែល ៣,២១លានបាតក្នុងមួយឆ្នាំ ក៏ប៉ុន្តែត្រូវចំណាយត្រឡប់ទៅវិញរហូតដល់ទៅ ២០,៦៧លានបាត។

ជម្រាបបន្ថែមថា លោក ស្រេតថា ថាវីស៊ីន គឺជាអ្នកនយោបាយ ហើយបច្ចុបន្ននេះលោកកំពុងកាន់តំណែងជានាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុ ខណៈមុនពេលដែលលោកចូលកាន់តំណែង លោក ស្រេតថា ក៏ធ្លាប់ជានាយកប្រតិបត្តិ និងជាប្រធានក្រុមហ៊ុនអចលនទ្រព្យដ៏ធំបំផុតមួយរបស់ប្រទេសថៃ Sansiri ផងដែរ៕

The post នាយករដ្ឋមន្ត្រីថៃលោកស្រេតថា និងភរិយា ប្រកាសទ្រព្យសម្បត្តិផ្ទាល់ខ្លួន appeared first on .

ក្នុងចំណោមពលករ​ធ្វើការនៅក្រៅប្រទេស​ទាំង​អស់នេះ ក្នុងមួយឆ្នាំបានផ្ញើប្រាក់ត្រលប់មក​ឱ្យបងប្អូន​សាច់ញាតិ​ក្នុងប្រទេស​វិញ​មានចំនួន​២,៧ពាន់លានដុល្លារ​អាមេរិក ក្នុងនោះប្រាក់ដែលផ្ញើពីប្រទេសថៃ​ក៏មានចំនួនច្រើនជាង​គេ​ដែរ​ក្នុងមួយឆ្នាំៗ។

លោក សេដ្ឋា ថាវីស៊ីន នាយករដ្ឋមន្ត្រីថៃ បានថ្លែងអំណរគុណចំពោះពលករកម្ពុជាដែលបានទៅធ្វើការនៅប្រទេសថៃ ដែលបានរួមចំណែកដល់សេដ្ឋកិច្ចរបស់ថៃ ហើយលោកបានធានាអះអាងថា នឹងយកចិត្តទុកដាក់ចំពោះពលករខ្មែរទាំងនោះ។ ការលើកឡើងយ៉ាងដូច្នេះរបស់នាយករដ្ឋមន្រ្តីថៃថ្មីរូបនេះ ធ្វើឡើងក្នុងជំនួបជាមួយអតីតនាយករដ្ឋមន្រ្តី សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ នារសៀលថ្ងៃទី២៨ ខែកញ្ញានេះ ក្នុងដំណើរទស្សនកិច្ចផ្លូវការលើកដំបូងមកកាន់កម្ពុជា។

ក្នុងជំនួបជាមួយសម្តេចតេជោ ហ៊ុន សែន លោក សេដ្ឋា ថាវីស៊ីន បានប្រាប់ពីលទ្ធផលនៃការពិភាក្សាប្រកបដោយផ្លែផ្កា ជាមួយសម្តេចធិបតីនាយករដ្ឋមន្ត្រី ហ៊ុន ម៉ាណែត ស្តីពីកិច្ចសហប្រតិបត្តិការលើគ្រប់វិស័យទាំងអស់ ដើម្បីជំរុញទំនាក់ទំនងល្អប្រសើររវាងប្រទេសទាំងពីរឲ្យកាន់តែរឹងមាំនិងរីកចម្រើនថែមទៀត។  

សម្តេចតេជោប្រធានគណបក្សប្រជាជនកម្ពុជា បានវាយតម្លៃខ្ពស់ចំពោះលទ្ធផល នៃការចរចាទ្វេភាគីរវាងនាយករដ្ឋមន្ត្រីនៃប្រទេសទាំងពីរ។ សម្តេចតេជោបន្តថា ក្នុងរយៈពេល២៥ឆ្នាំចុងក្រោយនេះ សម្ដេចជាអតីតនាយករដ្ឋមន្ត្រី បានធ្វើការយ៉ាងខ្លាំងក្នុងការធ្វើទំនាក់ទំនងល្អ ជាមួយបណ្ដាប្រទេសជិតខាង បង្កើនកិច្ចសហប្រតិបត្តិការជាបណ្តាខេត្តជាប់គ្នា រវាងកងកម្លាំងប្រដាប់អាវុធទាំងសងខាង មានទំនាក់ទំនងពាណិជ្ជកម្មឆ្លងព្រំដែន រវាងប្រទេសទាំងពីរ ក៏ដូចជាជាមួយបណ្ដាប្រទេសឡាវនិងវៀតណាមផងដែរ។

សម្តេចតេជោមានប្រសាសន៍ថា៖ ប្រទេសជាប់ភូមិផងរបងជាមួយត្រូវមានកិច្ចសហការល្អលើគ្រប់វិស័យ ពិសេសវិស័យពាណិជ្ជកម្ម ការឆ្លងកាត់ ទៅវិញទៅមករបស់ប្រជាជន ក៏ដូចជាការធ្វើសមយុទ្ធក្នុងការជួយសង្គ្រោះគ្នា ក្នុងគ្រោះមហន្តរាយធម្មជាតិ មានភ្លើងឆេះព្រៃ មានទឹក ជំនន់ និងការជួយគ្នាទៅវិញទៅវិញទៅមកជាពិសេសចំពោះប្រជាជននៅតាមបណ្ដាព្រំដែនសម្រួលការឆ្លងកាត់ទំនាក់ទំនងរវាងប្រជាជននិងប្រជាជន ការចេញចូលដើម្បីធ្វើពាណិជ្ជកម្ម ក៏ដូចជាការទៅព្យាបាលជំងឺ។ល៕

The post លោក សេដ្ឋា ថាវីស៊ីន ថ្លែងអំណរគុណពលករកម្ពុជាដែលបានទៅធ្វើការនៅប្រទេសថៃបានរួមចំណែកដល់សេដ្ឋកិច្ចរបស់ថៃ appeared first on .

ក្នុងជំនួបជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៅវិមានសន្តិភាព លោក សេដ្ឋា ថាវីស៊ីន (Srettha Thavisin) នាយករដ្ឋមន្រ្តីថៃ បានអបអរសាទរដោយផ្ទាល់ចំពោះ សម្តេចធិបតី ដែលត្រូវបានជ្រើសតាំងជានាយករដ្ឋមន្រ្តីកម្ពុជា នីតិកាលទី៧ នៃរដ្ឋសភា ដែលស្របគ្នានៅថ្ងៃតែមួយនឹងការជ្រើសតាំងលោកជានាយករដ្ឋមន្រ្តីថៃផងដែរ។

នៅក្នុងជំនួបនោះ ប្រមុខរាជរដ្ឋាភិបាលទាំងពីរ បានពិភាក្សាគ្នាអំពីវិស័យនៃកិច្ចសហការទ្វេភាគីកម្ពុជា-ថៃ ដែលមានភាពសម្បូរបែប និងទូលំទូលាយ ។ កិច្ចពិភាក្សាបានផ្តោតជាសំខាន់ទៅលើវិស័យគន្លឹះ ដោយរាប់ចាប់ពី វិស័យពាណិជ្ជកម្ម, វិនិយោគ, ទេសចរណ៍, ការអប់រំ, ការបណ្ដុះបណ្ដាលវិជ្ជាជីវៈ, កិច្ចការទូត, ទំនាក់ទំនងធុរកិច្ច, ទំនាក់ទំនង ប្រជាជន និង ប្រជាជន, ការតភ្ជាប់រវាងប្រទេសទាំងពីរ តាមផ្លូវអាកាស, ផ្លូវរថភ្លើង និង ផ្លូវថ្នល់, សេដ្ឋកិច្ចឌីជីថល និងសេដ្ឋកិច្ចបៃតង, កិច្ចការពាក់ព័ន្ធនឹងអន្តោប្រវេសន៍ រហូតដល់វិស័យសន្តិសុខឆ្លងដែននិង សន្តិសុខអនឡាញ។

ជាមួយគ្នានេះ ថ្នាក់ដឹកនាំទាំងពីរក៏បានណែនាំឱ្យក្រសួង-ស្ថាប័នពាក់ព័ន្ធនៃប្រទេសទាំងពីរ បន្តពិភាក្សា និងសហការគ្នា ដើម្បីឱ្យកិច្ចសហប្រតិបត្តិការកម្ពុជា-ថៃ ទទួលបានផ្លែផ្កា សម្រាប់ជាឧត្តមប្រយោជន៍ទាំងសងខាង ។

ជំនួបនោះដដែលនៅវិមានសន្តិភាព នាទីក្រុងភ្នំពេញនេះ ថ្នាក់ដឹកនាំទាំងពីរក៏បានវាយតម្លៃខ្ពស់ទៅវិញទៅមក និងមានជំនឿដ៏មុតមាំថា កិច្ចសហប្រតិបត្តិការកម្ពុជា-ថៃ ដែលនឹងកាន់តែរីកចម្រើន និងរឹងមាំថែមទៀត៕

The post ជំនួបសម្តេចធិបតី ហ៊ុន ម៉ាណែត និងនាយករដ្ឋមន្រ្តីថៃ ក្រៅពីជជែកលើរឿងទេសចរណ៍ តើផ្តោតសំខាន់លើវិស័យគន្លឹះអ្វីខ្លះ? appeared first on .