លោកលើកឡើងបែបនេះនៅក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាមនៅថ្ងៃទី១៦ ខែកញ្ញាឆ្នាំ២០២៥។ លោកបន្តថា ថវិកាបម្រុងចំនួន១០០លានដុល្លារដែលរាជរដ្ឋាភិបាលបានបញ្ចេញ លើកលើកទី១ មានចំនួន ២៨,៥លានដុល្លារ, លើកទី២ ចំនួន ៤០លានដុល្លារ ក្នុងឆ្នាំ២០២៤, លើកទី៣មានចំនួន ៣០លាន ដុល្លារនៅដើមឆ្នាំ២០២៥ និងលើកទី៤មានចំនួន ២០លានដុល្លារ ក្នុងរដូវប្រមូលផលចាប់ពី ខែសីហា កន្លងមកនេះ ដើម្បីគាំទ្រដល់បណ្តារោងម៉ាស៊ីនកិនស្រូវក្នុងស្រុក ក្នុងលក្ខណៈជាកម្ចី បង្វិលសងវិញជាបន្តបន្ទាប់ ក្នុងការបង្កើនការប្រមូលទិញស្រូវជួយដល់បងប្អូនកសិករ ដែលកំពុងជួបបញ្ហាស្រូវធ្លាក់ថ្លៃ ដោយសារការប្រែប្រួលនៃសេដ្ឋកិច្ច និងពាណិជ្ជកម្ម ពិភពលោក ជាពិសេសការធ្លាក់ថ្លៃអង្ករលើទីផ្សារអន្តរជាតិ ព្រមទាំងកិច្ចខិតខំប្រឹងប្រែងរបស់ក្រសួង ស្ថាប័ន ពាក់ព័ន្ធ ធនាគារអភិវឌ្ឍន៍ជនបទ និងកសិកម្ម សហព័ន្ធស្រូវអង្ករកម្ពុជា ម្ចាស់រោងម៉ាស៊ីន កិនស្រូវនិងមន្ត្រីកសិកម្មឃុំទាំងអស់ ដែលបាន និងកំពុងជួយរកទីផ្សារ និងសម្របសម្រួល ការលក់ស្រូវរបស់ប្រជាពលរដ្ឋនៅទូទាំងប្រទេស។

លោករដ្ឋមន្ត្រីលើកឡើងថា រាជរដ្ឋាភិបាលកម្ពុជាតែងតែចាត់ទុកវិស័យកសិកម្ម ក្នុងការធានាសន្តិសុខស្បៀង លើកកម្ពស់ជីវភាពប្រជាពលរដ្ឋ និងរួមចំណែកដល់ការលើកស្ទួយ កំណើនសេដ្ឋកិច្ចជាតិ។ សម្តេចតេជោ បានដឹកនាំឱ្យមានកំណែទម្រង់ជាបន្តបន្ទាប់ក្នុងវិស័យកសិកម្ម ដែលជាលទ្ធផលបានប្រែក្លាយប្រទេសកម្ពុជាពីប្រទេសដែលខ្វះស្បៀង និងពឹងផ្អែកលើជំនួយស្បៀងពីបរទេស ទៅជាប្រទេសកសិកម្មរីកចម្រើន មានសន្តិសុខស្បៀងពេញលេញ មានផលិតផលកសិកម្មសម្បូរបែប និងនាំចេញកសិផលរាប់លានតោនទៅបរទេស ដែលមិនត្រឹមតែនាំមកវិញនូវរូបិយបណ្ណបរទេស ដើម្បីជួយទ្រទ្រង់កំណើនសេដ្ឋកិច្ចជាតិប៉ុណ្ណោះទេ ប៉ុន្តែថែមទាំងរួមចំណែកធានាសន្តិស្បៀងក្នុងតំបន់ និងពិភពលោកថែមទៀតផង។

ក្នុងនីតិកាលទី៧ នៃរដ្ឋសភានេះ ក្រោមការដឹកនាំដ៏ឈ្លាសវៃ ស្វាហាប់ និងប្រកបដោយ ចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត រាជរដ្ឋាភិបាលកម្ពុជា នៅតែបន្តផ្តល់អាទិភាពដល់វិស័យកសិកម្ម ជាពិសេសការធានាសន្តិសុខស្បៀងក្នុងគ្រប់កាលៈទេសៈ។ ទោះបីជាសេដ្ឋកិច្ចកម្ពុជាបានឈានដល់កម្រិត និងដំណាក់កាលថ្មីនៃការអភិវឌ្ឍ តាមរយៈការស្ទុះឡើងក្នុងវិស័យនានា ដូចជា ឧស្សាហកម្មវាយនភណ្ឌ ទេសចរណ៍ សេវាកម្ម ហិរញ្ញវត្ថុ សំណង់ ក៏ដោយ ក៏រាជរដ្ឋាភិបាលកម្ពុជានៅតែបន្តចាត់ទុកសន្តិសុខស្បៀងគឺជាមូលដ្ឋានដ៏ សំខាន់ក្នុងការធានាស្ថិរភាពសេដ្ឋកិច្ច នយោបាយ និងសង្គមដដែល៕

The post លោក ហង់ជួន ណារ៉ុន៖ រាជរដ្ឋាភិបាលបានបញ្ចេញថវិកា១០០លានដុល្លារ ដើម្បីជួយរក្សាលំនឹងថ្លៃស្រូវជូនប្រជាពលរដ្ឋ appeared first on .

នេះបើតាមការលើកឡើងរបស់លោក ហង់ ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ឱ្យដឹងក្នុងពិធីជួបជុំអតីតនិស្សិតនៃមហាវិទ្យាល័យអប់រំ សាកលវិទ្យាល័យជូឡាឡុងកន កាលពីថ្ងៃទី២៥ ខែមិថុនា ឆ្នាំ២០២៤។

នាឱកាសនោះ លោក ហង់ ជួនណារ៉ុន បានឱ្យដឹងថា ជាងមួយទសវត្សរ៍កន្លងមកនេះ និស្សិតកម្ពុជាមានចំនួនប្រមាណជាង ២៥០០នាក់ បានទៅបន្តការសិក្សានៅតាមគ្រឹះស្ថានសិក្សាឧត្តមសិក្សានានាក្នុងព្រះរាជាណាចក្រថៃឡង់ដ៍ ដែលក្នុងនោះមាននិស្សិតចំនួនប្រមាណ ២១៣២នាក់ បានទទួលអាហារូបករណ៍ព្រះរាជទានដ៏ថ្លៃថ្លារបស់ព្រះអង្គម្ចាស់ក្សត្រី មហាចក្រី សិរិនថន។

លោកបន្តថា គិតត្រឹមដើមឆ្នាំ២០២៤ មាននិស្សិតអាហារូបករណ៍ព្រះរាជទានសិក្សាចាប់ពីថ្នាក់បរិញ្ញាបត្រ រហូតដល់ ថ្នាក់បណ្ឌិត ចំនួនប្រមាណ ១៩០៩នាក់ បានបញ្ចប់ការសិក្សាដោយជោគជ័យ ដែលក្នុងនោះមាននិស្សិតចំនួន ៣៧នាក់បានបញ្ចប់ការសិក្សាពីមហាវិទ្យាល័យអប់រំ សាកលវិទ្យាល័យជូឡាឡុងកន។ បច្ចុប្បន្ន អតីតនិស្សិត នៃមហាវិទ្យាអប់រំ សាកលវិទ្យាល័យជូឡាឡុងកនបានចូលរួមចំណែកយ៉ាងសកម្មក្នុងការអភិវឌ្ឍវិស័យអប់រំនៅកម្ពុជា ដោយពួកគេបានត្រឡប់មកបំពេញការងារនៅតាមអង្គភាពផ្សេងៗក្នុងប្រទេសកម្ពុជា ជាពិសេសបម្រើការងារក្នុងក្រសួងអប់រំ យុវជន និងកីឡា ក៏ដូចជានៅតាមបណ្តាគ្រឹះស្ថាននានាទូទាំងប្រទេស។

ជាមួយគ្នានោះ លោកក៏បានគូសបញ្ជាក់ថា ក្នុងបរិបទបរិវត្តកម្មឌីជីថលដែលសង្គមសេដ្ឋកិច្ចមានការវិវត្តឥតឈប់ឈរ ចំណេះដឹង បទពិសោធន៍របស់អតីតនិស្សិតដែលទទួលបានពីសាកលវិទ្យាល័យ គឺជាមូលដ្ឋានគ្រឹះដ៏រឹងមាំសម្រាប់អនុវត្តការងារ និងបន្តការសិក្សាពេញមួយជីវិត ក្នុងគោលដៅ ដើម្បីចូលរួមលើកកម្ពស់ភាពជាពលរដ្ឋជាតិ និងពលរដ្ឋសាកល។ ទំនាក់ទំនងរវាងអតីតនិស្សិតទាំងអស់ នឹងជំរុញឱកាសបង្កើតឱ្យមានកិច្ចសហប្រតិបត្តិ ឈានទៅលើកកម្ពស់នវានុវត្តន៍ ដែលចូលរួមចំណែកជំរុញដល់ការអភិវឌ្ឍសង្គមជាតិបានប្រកបដោយចីរភាព៕

The post ជាងមួយទសវត្សន៍មកនេះ និស្សិតកម្ពុជាជាង២ពាន់នាក់ បានទៅបន្តរៀននៅឧត្តមសិក្សាប្រទេសថៃ appeared first on .

ក្នុងសេចក្តីណែនាំ ដែលចុះហត្ថលេខាដោយរដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន នៅថ្ងៃទី១៣ ខែកុម្ភៈនេះ បានបញ្ជាក់ថា ណែនាំបែបនេះ គឺដើម្បីលើកកម្ពស់ការបង្រៀនភាសាខ្មែរ និងការយល់ដឹងពីវប្បធម៌ និងអរិយធម៌ខ្មែរ ដល់សិស្សានុសិស្ស ដែលមានសញ្ញាតិខ្មែរ ចាប់ពីឆ្នាំសិក្សា ២០២២-២០២៣ នេះតទៅ។
ក្រសួងអប់រំ យុវជន និងកីឡា ក៏ណែនាំ តម្រូវឱ្យសិស្សានុសិស្សដែលមានសញ្ជាតិខ្មែរ ជ្រើសរើសមុខវិជ្ជាភាសាខ្មែរ ជាមុខវិជ្ជាកាតព្វកិច្ច ហើយគ្រឹះស្ថានសិក្សាត្រូវរៀបចំ និងបង្រៀនមុខវិជ្ជាចំណេះដឹងទូទៅស្តីពី វប្បធម៌ និងអរិយធម៌ខ្មែរ ផងដែរ។
ជាមួយគ្នាក្នុងពិធីប្រកាសសមាសភាពក្រុមប្រឹក្សាភិបាលអាណត្តិថ្មី និងប្រគល់បណ្ណសរសើរគ្រូឆ្នើមប្រចាំឆ្នាំ២០២២ ដល់លោកគ្រូ អ្នកគ្រូ បុគ្គលិកអប់រំ នៃសហព័ន្ធសេវាអប់រំនៅកម្ពុជា កាលពីថ្ងៃទី១២ ខែកុម្ភៈ ឯកឧត្តមបណ្ឌិត ហ៊ុន ម៉ាណែត ក៏លើកឡើងដែរថា ការជួយថែរក្សាអត្តសញ្ញាណជាតិខ្មែរតាមរយៈដាក់ការបណ្តុះបណ្តាលភាសាខ្មែរជាភាសាកាតព្វកិច្ច នៅក្នុងគ្រឹះស្ថានអប់រំឯកជន គឺជាកត្តាអាទិភាពចម្បង។

ក្នុងន័យនេះ គឺ ឯកឧត្តមបណ្ឌិត ជំរុញឱ្យមានការរៀនភាសាខ្មែរឱ្យបានជ្រៅជ្រះសម្រាប់សិស្សដែលមានសញ្ជាតិខ្មែរ ព្រមទាំងបញ្ចូលបន្ថែមនូវចំណេះដឹងផ្នែកវប្បធម៌ ប្រពៃណីដ៏ល្អផូរផង់ដែលជាតិខ្មែរយើងតែងបានប្រកាន់រៀងមក ដើម្បីធ្វើយ៉ាងណាឱ្យកូនចៅជំនាន់ក្រោយរបស់យើង អាចរក្សាបានទាំងចំណេះដឹង និងអត្តសញ្ញាណពិតប្រាកដរបស់ខ្លួន៕

The post ក្រសួងអប់រំ កំណត់ឱ្យគ្រឹះស្ថានសិក្សាឯកជន បញ្ចូលមុខវិជ្ជាភាសាខ្មែរ និងមុខវិជ្ជាវប្បធម៌ និងអរិយធម៌ខ្មែរក្នុងកម្មវិធីសិក្សា appeared first on .

សេចក្តីប្រកាសរបស់ក្រសួងអប់រំយុវជន និងកីឡា ចុះហត្ថលេខានៅថ្ងៃទី២២​ ខែវិច្ឆិកា​ ឆ្នាំ២០២២ ដោយលោក ហង់ជួន ណារ៉ុន បានបញ្ជាក់ថា ជំនាញថ្នាក់បណ្ឌិតទាំង ៧ជំនាញនេះ ត្រូវសិក្សារយៈពេលយ៉ាងតិច ៣ឆ្នាំ សមមូលនឹង ៤៥ក្រេឌីតយ៉ាងតិច។

ក្រសួងអប់រំបានបញ្ជាក់បន្ថែមថា និស្សិតដែលរៀនចប់កម្មវិធីសិក្សា ហើយបានទទួលជោគជ័យក្នុងការការពារនិក្ខេបបទបញ្ចប់ការសិក្សាត្រូវទទួលសញ្ញាបត្របណ្ឌិតតាមមុខជំនាញដែលបានសិក្សាជ្រាវជ្រាវ ហើយត្រូវផ្តល់ដោយសាកលវិទ្យាល័យភូមិន្ទនីតិសាស្រ្ត និងវិសាស្រ្តសេដ្ឋកិច្ច ដែលទទួលស្គាល់ដោយក្រសួងអប់រំយុវជន និងកីឡា។

គួររម្លឹកថា សាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច RULES ត្រូវបានបង្កើតឡើងដំបូងនៅឆ្នាំ ១៩៤៨ ដោយមានឈ្មោះថាវិទ្យាស្ថានជាតិនីតិសាស្ត្រ នយោបាយ និង សេដ្ឋកិច្ច ហើយត្រូវបានប្តូរឈ្មោះដូចបច្ចុប្បន្ននៅឆ្នាំ២០០៣។

បច្ចុប្បន្នសាកលវិទ្យាល័យ RUES បើកបណ្តុះបណ្តាលត្រឹមថ្នាក់អនុបណ្ឌិតប៉ុណ្ណោះលើ ១១ជំនាញ ដែលសហការជាមួយសាកលវិទ្យាល័យបរទេសល្បីៗ ដូចជា សាកលវិទ្យាល័យ បារីស, សាកលវិទ្យាល័យ លីយ៉ុង សាកលវិទ្យាល័យ ប្រ៉ុយសែល ប្រទេសបែលស្សីក, ស្វីស និងកាណាដា៕

The post លោក ហង់ជួន ណារ៉ុន ឲ្យសាកលវិទ្យាល័យ RULE បើកថ្នាក់បណ្ឌិត ៧ជំនាញលើកដំបូង appeared first on .

លោករដ្ឋមន្ត្រី បានបញ្ជាក់ទៀតថា ការបង្កើតដេប៉ាតឺម៉ង់សិក្សាវៀតណាម សម្រាប់បណ្តុះបណ្តាលលើមុខជំនាញសិក្សាវៀតណាម មុខជំនាញ​ការបក​ប្រែភាសាវៀតណាម និងមុខជំនាញភាសាវៀតណាម សម្រាប់ទំនាក់ទំនងធុរកិច្ច នឹងជួយដល់ការបង្កើតការងារធ្វើសម្រាប់ប្រជាជនកម្ពុជា ដែលរស់នៅតាមខេត្តជាប់ព្រំដែន តាមរយៈការបង្កើនទំហំពាណិជ្ជកម្មជាមួយវៀតណាម និងវិនិយោគពីប្រទេសវៀតណាមនៅកម្ពុជា។

ជាមួយគ្នានេះ លោករដ្ឋមន្ត្រី បន្តថាដេប៉ាតឺម៉ង់សិក្សាវៀតណាមនឹងជួយបណ្ដុះបណ្ដាលភាសាវៀតណាមរយៈពេល ១ ឆ្នាំ ដល់និស្សិតកម្ពុជា ដែលបាន​ទទួលអាហារូបករណ៏ទៅរៀននៅសាធារណរដ្ឋសង្គមនិយមវៀតណាមជាង ១០០ នាក់ ចាប់ពី ថ្នាក់បរិញ្ញាបត្ររហូតដល់ថ្នាក់បណ្ឌិតក្នុងមួយឆ្នាំ។ នាពេលកន្លងទៅ និស្សិតកម្ពុជាមានការលំបាកក្នុងការ សិក្សា ដោយសារពួកគេទៅរៀនដោយមិនបានរៀនភាសាវៀតណាមជាមុន។

គួរបញ្ជាក់ថា ដេប៉ាតឺម៉ង់សិក្សាវៀតណាម បង្កើតឡើងដោយដាក់ក្រោម វិទ្យាស្ថានសិក្សាអន្តរជាតិ និងគោលនយោ​បាយ សាធារណៈ​នៃសាកលវិទ្យាល័យភូមិន្ទភ្នំពេញ ដើម្បីពង្រឹងការបណ្ដុះបណ្តាលធនធានមនុស្ស ក្នុងវិស័យកិច្ចការអន្តរជាតិ និងវិភាគគោលនយោបាយ។

វិទ្យាស្ថាននេះ មានតួនាទី និងភារកិច្ចដូចជា៖ ស្រាវជ្រាវ ផ្សព្វផ្សាយ និងបណ្តុះបណ្តាលកម្រិតបរិញ្ញាបត្រ និងក្រោយបរិញ្ញាបត្រលើជំនាញ ទំនាក់ទំនងអន្តរជាតិ សេដ្ឋកិច្ច វិទ្យាសាស្ត្រនយោបាយ និងគោលនយោបាយសាធារណៈ ស្រាវជ្រាវលើបញ្ហាក្នុងប្រទេសតំបន់ និងពិភពលោក សហការជាមួយស្ថាប័នជាតិ អន្តរជាតិ និងដៃគូអភិវឌ្ឍ បង្កើតវេទិកាចែករំលែកចំណេះដឹងនិងរៀបចំព្រឹត្តិការណ៍ជាតិនិងអន្តរជាតិ ព្រមទាំងគោលនយោបាយ សំខាន់ៗ ផ្សព្វផ្សាយលទ្ធផលនៃការសិក្សា ការស្រាវជ្រាវ និងបម្រើជាវេទិកា និងមជ្ឈមណ្ឌលសម្រាប់បញ្ញវន្ត និងអ្នកស្រាវជ្រាវកម្ពុជា និងបរទេស ដើម្បីធ្វើការសិក្សាអំពីបញ្ហាសំខាន់ៗដែលប្រទេសកម្ពុជា តំបន់និងពិភពលោកកំពុងប្រឈម ៕

The post លោក ហង់ជួន ណារ៉ុន៖​​ ការបង្កើតដេប៉ាតឺម៉ង់សិក្សា​វៀត​ណា​ម គឺធ្វើតាមតម្រូវការរបស់កម្ពុជា មិនមែនធ្វើតាមបង្គាប់បញ្ជារបស់វៀតណាមនោះទេ appeared first on .