លោករដ្ឋមន្រ្តីបានបន្តថា កម្ពុជា បាននាំចេញផលិតផលជលផល ទាំងស្រស់ និងកែច្នៃជាង ៣ ៨០០តោន។  ជាមួយគ្នានេះ កម្ពុជាសម្រេចបានផលនេសាទទឹកសាបជិត ៤៧ម៉ឺនតោន កើនឡើង៩,៥% ធៀបនឹងឆ្នាំ២០២៣ ដែលនេះបញ្ជាក់ឱ្យឃើញពីប្រសិទ្ធភាពនៃការងារគ្រប់គ្រង និងអភរិក្សរបស់រដ្ឋបាលជលផល ដោយមានការចូលរួមគាំទ្រយ៉ាងសកម្មពីក្រសួង-ស្ថាប័នថ្នាក់ជាតិ និងក្រោមជាតិ ជាពិសេសអាជ្ញាធរមូលដ្ឋាន ក្នុងការចូលរួមទប់ស្កាត់ និងបង្ក្រាបបទល្មើសនេសាទ ដែលមានលក្ខណៈបំផ្លិចបំផ្លាញធ្ងន់ធ្ងរ។

សម្ដេចធិបតី ហ៊ុន ម៉ាណែត នាយករដ្ឋមន្រ្ដី ក៏បានថ្លែងបញ្ជាក់ថា កំណើនផលត្រីនៅកម្ពុជា បានបញ្ជាក់យ៉ាងច្បាស់ថា វិស័យកសិកម្មកម្ពុជាមានភាពធន់ទៅនឹងការប្រែប្រួលអាកាសធាតុ ខណៈសម្ដេចចូលរួមអបអរសាទរចំពោះសេចក្ដីព្រាងច្បាប់ ស្ដីពីជលផលត្រូវបានយល់ព្រមពីគណៈរដ្ឋមន្រ្ដី និងអនុម័តពីរដ្ឋសភានាពេលកន្លងទៅផងដែរ។

សូមបញ្ជាក់ដែរថា សេចក្តីព្រាងច្បាប់ស្តីពី ជលផល រួមមាន១៥ជំពូក ១០៤មាត្រា និងមាន២ឧបសម្ព័ន្ធ។រាជរដ្ឋាភិបាលកម្ពុជាជឿជាក់ថា ច្បាប់នេះនឹងក្លាយជាឧបករណ៍គតិយុត្តមានលក្ខណៈពេញលេញនិងគ្រប់ជ្រុងជ្រោយ ដោយផ្តល់នូវអត្ថប្រយោជន៍ជាច្រើន រួមមាន១-)គ្រប់គ្រង ការពារ អភិរក្ស និងអភិវឌ្ឍធនធានជលផលឱ្យមាននិរន្តរភាព។ ២)-ការពារផលប្រយោជន៍ប្រជានេសាទ សហគមន៍នេសាទ វារីវប្បករ និងអាជីវករដែលធ្វើអាជីវកម្ម ផល ផលិតផលជលផល។ ៣)-គាំទ្រការអនុវត្តផែនការយុទ្ធសាស្ត្រវិស័យជលផល ស្របតាមគោលនយោបាយរបស់រាជរដ្ឋាភិបាល ដើម្បីចូលរួមចំណែកដល់កំណើនសេដ្ឋកិច្ច ជួយកាត់បន្ថយភាពក្រីក្រ និងលើកកម្ពស់ជីវភាពប្រជាពលរដ្ឋនិង៤)-បំពេញនូវលក្ខខណ្ឌតម្រូវនិងស្តង់ដា ឱ្យមានសង្គតិភាពទៅនឹងលិខិតុបករណ៍អន្តរជាតិ ដើម្បីឆ្លើយតបទៅនឹងបរិបទថ្មីៗ ក្នុងការធ្វើសកលភាវូបនីយកម្មនិងសមាហរណកម្មទៅថ្នាក់តំបន់និង អន្តរជាតិ៕

The post ក្នុងឆ្នាំ២០២៤ ផលវារីវប្បកម្មកម្ពុជាសម្រេចបានជាង៣០ម៉ឺនតោន កើនឡើងក្នុងរង្វង់២% appeared first on .

លោកសុខ រ៉ាដែន ប្រធានក្រុមប្រឹក្សាភិបាលសមាគមវារីវប្បករកម្ពុជាបានឱ្យដឹងថា «ក្នុងនាមអ្នកវារីវប្បករយើងសប្បាយរីករាយ នៅពេលដែលផលិតផលជលខ្មែរធ្វើការនាំចេញបានដោយជោគជ័យទៅកាន់ទីផ្សារប្រទេសចិនហើយ ខ្ញុំគិតថានឹងមានអ្នកចាប់អារម្មណ៍ច្រើន ពិសេសអ្នកមានលុយ មានធនធានគេអាចវិនិយោគនៅក្នុងវិស័យវារីវប្បកម្មនេះដែរនៅពេលខាងមុខ»។

តាមលោកសុខ រ៉ាដែន ការនាំចេញផលិតផលជលផលទំាងពីរប្រភេទខាងលើទទួលបានជោគជ័យ នេះគឺជាសញ្ញាល្អហើយ ជាការលើកទឹកចិត្តនិងជំរុញឱ្យបងប្អូនវារីវប្បករក្នុងស្រុកទំាងអស់បន្តយកចិត្តទុកដាក់ឱ្យបានខ្ពស់ជាពិសេសគុណភាពផលិតផលរបស់ខ្លួនផងដែរ។

លោកបន្តថា នៅពេលការនាំចេញលើកទី១ទទួលបានជោគជ័យ សម្រាប់ក្រុមហ៊ុនដែលបាននាំចេញគាត់និងបញ្ជាទិញពីអ្នកចិញ្ចឹមជាបន្តបន្ទាប់ទៀត ហើយធ្វើឱ្យក្រុមវារីវប្បករមានលទ្ធភាពចិញ្ចឹម ឬត្រូវច្នៃប្រឌិតយ៉ាងម៉េចឱ្យត្រូវទៅតាមមុខទំនិញដែលគេត្រូវការ។

លោក សុខ រ៉ាដែន សង្កត់ធ្ងន់ថា «ក្រៅពីអន្ទង់បង្កក និងកំពឹសទឹកសាបបង្កកដែលបាននាំចេញទៅប្រទេសចិន នៅមានផលិតផលផ្សេងៗទៀត ហើយក្រុមវារីវប្បករ គាត់បានដឹងថាត្រូវការអ្វីទៀត ហើយខ្ញុំជឿថាអ្នកចិញ្ចឹមត្រី គាត់យល់និងជ្រើសរើសយកមុខណាមួយដែលខ្លួនអាចធ្វើបានទៅតាមទីផ្សារដែលគេតម្រូវ»។

យោងតាមមន្ត្រីអ្នកនាំពាក្យរបស់ក្រសួងកសិកម្ម រុក្ខាប្រមាញ់និងនេសាទ បានបញ្ជាក់ថា«ការនាំចេញផលិតផលជលផលកម្ពុជាទៅកាន់ទីផ្សារប្រទេសចិនជាលើកដំបូងនេះ ធ្វើឡើងដោយក្រុមហ៊ុន Kim Chou Co., Ltd Import Export and International Transportation ។ ចំណែកផលិតផលជលផលដែលនាំចេញមាន២ប្រភេទគឺ អន្ទង់បង្កក និងកំពឹសទឹកសាបបង្កក ក្នុងបរិមាណសរុប ១០ តោន»។

កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថាពេលដែលសេចក្ដីត្រូវការនៅទីផ្សារចិនកើនឡើង ការនាំចេញផលិតផលជលផលពីកម្ពុជាទៅកាន់ប្រទេសចិននឹងមានកំណើន។ ចំណែកវារីវប្បករ អ្នកចិញ្ចឹមត្រីនៅស្រុកខ្មែរ នឹងមានការងារធ្វើកាន់តែច្រើន។តាមរយៈការជំរុញការនាំចេញផលិតផលជលផលខ្មែរទៅកាន់ទីផ្សារប្រទេសចិននេះ ក្រសួងសង្ឃឹមថា វានឹងអាចជួយបង្កើនជីវភាពបងប្អូនវារីវប្បករនៅស្រុកខ្មែរយើងឲ្យកាន់តែមានការរីកចម្រើនទៅមុខ និងរួមចំណែកជួយដល់កំណើនសេដ្ឋកិច្ចជាតិផងដែរ៕ អត្ថបទ៖សារេត

The post ក្រុមវារីវប្បករមានទឹកចិត្តនិងបន្តក្តីសង្ឃឹមបន្ទាប់ពីកម្ពុជាបាននាំចេញកំពឹស-អន្ទង់ជោគជ័យទៅទីផ្សារចិន appeared first on .

នៅក្នុងដំណើរទស្សនៈកិច្ចសិក្សាពិសោធន៍ទៅលើប្រព័ន្ធចិញ្ចឹមត្រីក្នុងស្រែរបស់ក្រុមការងារអ្នកវិទ្យាសាស្ត្រនៃមជ្ឈមណ្ឌលត្រីពិភពលោក, វិទ្យាស្ថានស្រាវជ្រាវកសិកម្មនិងអភិវឌ្ឍន៍បារំាង ធ្វើឡើងនៅទីតំាងកសិដ្ឋានរបស់កសិក សាប់ សារុន កាលពីថ្ងៃទី៥ ខែកញ្ញានេះ លោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា យើងបានមើលការចិញ្ចឹមត្រី បង្កងក្នុងស្រែ និងក្នុងស្រះរួមជាមួយនិងការដំាដូងនៅជុំវិញស្រែឬស្រះ ដើម្បីបង្កើនប្រាក់ចំណូលដល់កសិករ ហើយយើងអាចសម្រេចនូវគោលបំណងរបស់រាជរដ្ឋាភិបាល ដែលថានៅត្រឹមឆ្នំា២០៣០ឱ្យប្រទេសយើងក្លាយជាប្រទេសមានប្រាក់ចំណូលកម្រិតមធ្យម ដែលអាចឱ្យគ្រួសារកសិករម្នាក់មានប្រាក់ចំណូលបានដល់៥ពាន់ដុល្លារអាមេរិក ។

លោកបន្តថា «ឃើញបែបនេះ យើងបង្កើនផលិតភាពដីស្រែក្នុងមួយហិកតា ឱ្យបានចំណូលខ្ពស់ជាជាងធ្វើស្រូវតែមួយមុខ។បើយើងធ្វើបាន ជួយកាត់បន្ថយការប្រើប្រាស់ថ្នាំពុលកសិកម្មឬជីគីមីផ្សេងៗ ដែលបានប្រើប្រាស់ពីមុននោះជួយឱ្យប្រព័ន្ធអេកូស៊ីស្ទឹមវាលស្រែយើងមានភាពល្អប្រសើរឡើង តាមរយៈការឈប់ប្រើប្រាស់ថ្នំាពុលកសិកម្ម»។

បើតាមមន្ត្រីជំនាញខាងវារីវប្បកម្មរូបនេះ ថា នៅក្នុងដំណើរទស្សនៈកិច្ចសិក្សាពិសោធន៍ទៅលើប្រព័ន្ធចិញ្ចឹមត្រីក្នុងស្រែនេះ រដ្ឋាបាលជលផលបានផ្តល់អនុសាសន៍ឱ្យក្រុមស្រាវជ្រាវមើលព្រៃទំាងមូល ពិសេសធ្វើយ៉ាងម៉េចឱ្យការពិសោធន៍នេះបានលទ្ធផល អាចអនុវត្តជាក់ស្តែងបាន ដោយប្រជាជននៅតាមមូលដ្ឋានជនបទ។

លោកលើកឡើងថា «ពីមុនមកខាងវិទ្យាស្ថានស្រាវជ្រាវកសិកម្ម និងអភិវឌ្ឍន៍បារំាងនេះ ធ្លាប់ធ្វើការស្រាវជ្រាវនៅខាងខេត្តសៀមរាប និងខេត្តកំពង់ធំ ប៉ុន្តែមានទ្រុងទ្រាយតូច។វិទ្យាស្ថានស្រាវជ្រាវអភិវិឌ្ឍន៍បារំាងនេះ បានធ្វើការពិសោធន៍៣ឆ្នំាមុន លើការចិញ្ចឹមបង្កងក្នុងស្រែជាមួយកសិករ សាប់ សារុន ដោយឃើញថាទទួលបានលទ្ធផលល្អ ទើបគាត់ពង្រីកការចិញ្ចឹមបន្តទៀត តាមរយៈការគំាំទ្រពីនាយកដ្ឋានអភិវឌ្ឍន៍វារីវប្បកម្មយើង ជាមួយខណ្ឌរដ្ឋបាលជលផល ដែលតែងតែចុះជាប់ជាមួយប្រជាកសិករក្នុងខេត្តតាកែវ»៕

អត្ថបទ៖សារេត

The post ការចិញ្ចឹមត្រី-បង្កងក្នុងស្រែ ជួយបង្កើនប្រាក់ចំណូលដល់កសិករ និងកាត់បន្ថយការប្រើប្រាស់ជី និងថ្នាំពុលកសិកម្មតាមវាលស្រែ appeared first on .

មន្ត្រីជំនាញនៃខណ្ឌរដ្ឋបាលជលផលនៃមន្ទីរកសិកម្មខេត្តតាកែវ លោក អុកហាក់ បានចាត់ទុកថាដំណើរទស្សនៈកិច្ចរបស់ថ្នាក់ដឹកនាំក្រសួងកសិកម្មកន្លងមកនេះក៏ដូចជាប្រធានគណកម្មការទី២នៃព្រឹទ្ធសភាដែលដឹកនាំដោយលោក ជា ជេដ្ឋ ចុះមកនៅកន្លែងចិញ្ចឹមបង្កងនិងត្រីនាពេលនេះ ក្នុងគោលបំណងសំខាន់គឺចង់លើកទឹកចិត្តទៅដល់ប្រជាកសិករនៅតំបន់ជនបទក៏ដូចជានៅក្នុងទឹកដីខេត្តតាកែវទាំងមូល ដែលជាតំបន់មួយដ៏ប្រសើរសម្រាប់យើងធ្វើការផ្សព្វផ្សាយទៅពលរដ្ឋផ្សេងទៀតក្នុងខេត្តនិងនៅទូទាំងប្រទេស។

លោក អុកហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវ មានប្រសាសន៍ថាគោលបំណងសំខាន់របស់តំណាងព្រឹទ្ធសភាគឺគាត់ចង់សិក្សាស្វែងយល់អំពីការចិញ្ចឹមបង្កងនៅក្នុងខេត្តតាកែវ សម្រាប់យកទៅផ្សព្វផ្សាយនៅខេត្តដទៃទៀត ហើយតាមគោលការណ៍របស់រាជរដ្ឋាភិបាលក៏ដូចជាក្រសួងកសិកម្មតែងតែយកចិត្តទុកដាក់ទៅលើការងារផ្សព្វផ្សាយក៏ដូចជាគាំទ្រទៅដល់វារីវប្បករដែលចង់ធ្វើអាជីវកម្មទាក់ទងទៅនិងវារីវប្បកម្មតាមមូលដ្ឋានជនបទ ភូមិគោលដៅ ហើយនៅពេលកន្លងមកជាយុទ្ធសាស្ត្ររបស់ក្រសួងកសិកម្មរុក្ខាប្រមាញ់និងនេសាទបានជំរុញការនេះមកខាងមន្ទីរកសិកម្មខេត្តតាកែវ និងខណ្ឌរដ្ឋបាលជលផលដែលចំណុះឱ្យមន្ទីរកសិកម្មលើការងារចិញ្ចឹមនេះឱ្យមានការរីកចម្រើននិងធ្វើការផ្សព្វផ្សាយឱ្យបានកាន់តែច្រើននាពេលអនាគត។

លោក អុកហាក់ មានប្រសាសន៍ថា«ខ្ញុំគិតថាអ្វីដែលរាជរដ្ឋាភិបាល ក្រសួងកសិកម្មរុក្ខាប្រមាញ់និងនេសាទនិងមន្ទីរកសិកម្មយល់ឃើញថាការជំរុញលើវិស័យកសិកម្មក៏ដូចជាវិស័យវារីវប្បកម្មនៅក្នុងខេត្តតាកែវគឺមានសក្តានុពលទាក់ទងនិងការចិញ្ចឹមបង្កងនេះយើងមានតំបន់ជាប់ដែនទឹកដូចជាស្រុកបូរីជលសារ កោះអណ្តែត ទ្រាំង អង្គរបូរី និងស្រុកព្រៃកាបាស់ជាដើម។ នៅពេលអនាគតនិងយើងមានផែនការយុទ្ធសាស្ត្រសម្រាប់ពង្រីកផលិតកម្មចិញ្ចឹមបង្កងឱ្យកាន់តែរីកដុះដាលឡើងនៅគ្រប់ស្រុក»។

លោកបន្តថា ការចិញ្ចឹមបង្កងនៅក្នុងខេត្តតាកែវនេះបើប្រៀបធៀបទៅនិងបណ្តាខេត្តផ្សេងទៀតគឺខេត្តតាកែវមានសក្តានុពលជាងគេ ដោយសារខេត្តតាកែវនៅជិតសមុទ្រដោយសារដែននេសាទរបស់ខេត្តវាជាប់ទៅនិងដៃសមុទ្រវាធ្វើឱ្យចរន្តទឹកជោ ឬទឹកនាជវាមានពេលវេលាផ្លាស់ប្តូរ ជាហេតុធ្វើឱ្យការចិញ្ចឹមបង្កងទទួលបានជោគជ័យ។

បើតាមមន្ត្រីជំនាញជលផលនៃមន្ទីរកសិកម្មខេត្តតាកែវថា ក្នុងខេត្តតាកែវនៅរយៈពេលប៉ុន្មានឆ្នាំចុងក្រោយនេះការចិញ្ចឹមត្រីលក្ខណៈគ្រួសារវាហាក់ដូចនៅទ្រឹងប៉ុន្តែបើយើងចិញ្ចឹមបែបវារីវប្បករ មានន័យថាគាត់ចាប់អាជីពចិញ្ចឹមត្រីសម្រាប់លក់មានការរីកដុះដាលច្រើន ដោយសារគាត់ប្រៀបធៀបការធ្វើស្រែចំការទៅនិងវារីវប្បកម្មនេះគាត់បានចំណូលខ្ពស់៕ អត្ថបទ៖សារេត

The post មន្ត្រីជំនាញជលផលចាត់ទុកដំណើរទស្សនៈកិច្ចនៅក្នុងវិស័យវារីវប្បកម្មជាការលើកទឹកចិត្តនិងជួយផ្សព្វផ្សាយដល់កសិករ appeared first on .

នាឱកាសនោះ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានឱ្យដឹងថា អ្វីដែលជាគោលការណ៍សំខាន់របស់ខេត្តកំពង់ឆ្នាំង ក៏ដូចជាចក្ខុវិស័យជាចម្បង គឺចង់ពង្រឹងវារីវប្បកម្មកាន់តែខ្លាំង ដោយសារខេត្តកំពង់ឆ្នាំងជាខេត្តដែលនៅកណ្តាលគេ ដែលជាកម្លាំងស្នូល។ ដូច្នេះ ទស្សន ចក្ខុវិស័យរបស់ខេត្តគឺចង់ពង្រីងវារីវប្បកម្ម ដោយសារ ប្រជាជនអ្នកកំពង់ឆ្នាំងចិញ្ចឹមត្រីបានច្រើន ដែលមានប្រមាណ៨០០ ស្រះ និងបែរជាង ៧០០បែរ។ ដែលជាការចិញ្ចឹមផ្គត់ផ្គង់ទាំងក្នុងប្រទេស និងក្រៅប្រទេសផងដែរ រួមមាន ថៃ និងវៀតណាម។ លោក បន្តថា ខេត្តកំពង់ឆ្នាំងបានធ្វើការជាច្រើនឆ្នាំជាមួយភាគីមិត្តផងដែរ ដែលភាគីនោះនឹងធានាលើការបច្ចេកទេសភ្ញាស់កូនត្រី ដើម្បីលក់ឱ្យប្រជាពលរដ្ឋក្នុងតំបន់ផ្ទាល់ និងលក់នៅខេត្តជុំវិញបឹងទន្លេសាបបន្ថែមទៀត។

អភិបាលខេត្តកំពង់ឆ្នាំង បានលើកឡើងបន្តថា ខេត្តកំពង់ឆ្នាំងនឹងមានក្រុមហ៊ុនផលិតចំណីនៅទីកន្លែងផ្ទាល់ ដែលមានការទិញវត្ថុធាតុដើមពីប្រជាជនក្នុងតំបន់ និងខេត្តជិតបឹងទន្លេសាប ដើម្បីកែច្នៃលក់ជូនប្រជាពលរដ្ឋ។ ជាមួយគ្នានេះ ក៏មានក្រុមហ៊ុនទិញមកវិញ ដើម្បីកែច្នៃកសិផល សម្រាប់ការនាំចេញនៅក្រៅប្រទេសផងដែរ។

លើសពីនោះ អភិបាលខេត្តកំពង់ឆ្នាំង បានបញ្ជាក់ថា ថ្មីៗនេះ ផងដែរ រដ្ឋាភិបាលបានកាត់ឆ្កៀលដីប្រមាណជាង៣០០ហិកតា ឱ្យក្រសួងកសិកម្ម៦៧ ហិកតា និងរដ្ឋបាលខេត្តចំនួន២២២ហិកតា ដើម្បីទ្រទ្រង់វារីវប្បកម្ម។ លោក បានគូសបញ្ជាក់ថា «យើងនឹងយកទីតាំងនេះ ដើម្បីធ្វើជាមជ្ឈមណ្ឌលសម្រាប់វារីវប្បកម្មផង ក៏ដូចជាតំបន់ទេសចរណ៍ផង» ក្រៅពីនោះ នឹងពង្រីកធ្វើជាស្រែ ដើម្បីចិញ្ចឹមបង្កងសាកល្បង ក្រោយពេលប្រមូលផលស្រូវហើយ៕

The post ខេត្តកំពង់ឆ្នាំងមានចក្ខុវិស័យនឹងពង្រីកវារីវប្បកម្មឱ្យកាន់តែខ្លាំងថែមទៀត appeared first on .

ស្ថិតក្នុងស្ថានភាពបែបនេះក្តី ក៏គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា តាមសំណើសុំវិនិយោគរបស់ក្រុមហ៊ុន និងបានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុន FIRST AQUATIC INDUSTRIAL CO., LTD. ដែលជាគម្រោងបង្កើតវារីវប្បកម្ម មានទីតាំងវិនិយោគស្ថិតនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ និងភូមិតោតម៉ា ឃុំកណ្តោក ស្រុកកណ្តាលស្ទឹង ខេត្តកណ្តាល។

គម្រោងបង្កើតវារីវប្បកម្មចំនួនពីរតាំងរបស់ FIRST AQUATIC INDUSTRIAL CO., LTD. បោះទុនវិនិយោគប្រមាណ ២៥,២លានដុល្លារអាមេរិក និងអាចបង្កើតការងារបានចំនួន ១៥៥កន្លែង។

The post លែងនាំចូលទៀតហើយ បន្ទាប់ពីគម្រោងវារីវប្បកម្ម​នេះរួចរាល់ ដែលបោះទុនវិនិយោគប្រមាណ ២៥,២លានដុល្លារ appeared first on .

សូមជម្រាបថាកិច្ចប្រជុំពិភាក្សានេះ រៀបចំជាលើកទី២ហើយ ដើម្បីសិក្សាលម្អិតលើផែនការវារីវប្បកម្ម។ ទន្ទឹមនេះ ក្នុងចំណោមទំហំដីចំនួន ៣៦៩ ហិកតា នឹងគ្រោងអនុវត្តជា ៣ ដំណាក់កាល ដោយក្នុងដំណាក់កាលទី១ អាចនឹងអនុញ្ញាតជូនសាកល្បង ១០០ ហិកតា សិន។

ជម្រាបផងថា គម្រោងនេះនឹងជួយបំពេញតម្រូវការទីផ្សារ នៃប្រទេសកម្ពុជា បង្កើនការងារលើកកម្ពស់សេដ្ឋកិច្ចមូលដ្ឋាន និងជួយការពារព្រៃកោងកាង រក្សាលំនឹងស្ថានប្រព័ន្ធ និងជីវចម្រុះនៅក្នុងតំបន់៕

The post ក្រុមហ៊ុនឯកជនមួយ​ ជួលដីរដ្ឋទំហំ ៣៦៩ ហិកតា សម្រាប់វិនិយោគវារីវប្បកម្ម នៅស្រុកស្រែអំបិល ខេត្តកោះកុង appeared first on .