ប្រភពដដែលនេះ​ បានរាយការណ៍ទៀតថា លោក ត្រាំ នឹងបង្ហាញពីព័ត៌មានលម្អិតបន្ថែមទៀត នៃការផ្តួចផ្តើមការវិនិយោគថ្មីៗនេះ​នៅក្នុងព្រឹត្តិការណ៍មួយ ធ្វើឡើងនៅជិតទីក្រុង Pittsburgh ដោយមានការចូលរួមពីសំណាក់សមាជិកព្រឹទ្ធសភាមកពីគណបក្សសាធារណរដ្ឋ លោក David McCormick នៅក្នុងកិច្ចប្រជុំកំពូលថាមពល និងនវានុវត្តន៍ដំបូងបំផុត របស់រដ្ឋ Pennsylvania ។

គួរឲ្យដឹងផងដែរថា ជុំវិញការវិនិយោគនៅក្នុងចំនួនទឹកប្រាក់ដ៏ច្រើនបែបនេះ​ នឹងទទួលបានពីបណ្តាក្រុមហ៊ុនធំៗជាច្រើន រួមបញ្ចូលទាំងការសាងសង់មជ្ឈមណ្ឌលផ្ទុកទិន្នន័យថ្មី​ ការពង្រីកផលិតកម្មថាមពល និងការធ្វើឲ្យប្រសើរឡើងនូវហេដ្ឋារចនាសម្ព័ន្ធបណ្តាញ កម្មវិធីបណ្តុះបណ្តាល AI និងកម្មសិក្សា ជាដើម។

ជម្រាជូនថា កិច្ចប្រជុំកំពូលនេះដែរ ត្រូវបានគេរំពឹងថានឹងទាក់ទាញនាយកប្រតិបត្តិប្រហែល ៦០ នាក់ មកពីបណ្តាក្រុមហ៊ុនធំៗ រកស៊ីផ្នែក AI និងថាមពល។ ក្នុងចំណោមនោះ នាយកប្រតិបត្តិក្រុមហ៊ុនកំពូលៗមួយចំនួន ដែលរំពឹងមកចូលរួម មានដូចជា លោក Larry Fink មកពី BlackRock Inc , Alex Karp មកពី Palantir Technologies Inc, Dario Amodei មកពី Anthropic, Darren Woods មក Exxon Mobil Corp និងលោក Mike Wirth មកពីក្រុមហ៊ុន Chevron Corp ផងដែរ៕​

The post លោក ត្រាំ គ្រោងប្រកាសពីការវិនិយោគ ៧០ពាន់លានដុល្លារ ក្នុងវិស័យ AI និងថាមពល នៅសហរដ្ឋអាមេរិក appeared first on .

ការបញ្ជាក់របស់ក្រុមហ៊ុនដូច្នេះ ធ្វើឡើងនៅក្នុងជំនួបពិភាក្សាការងាររវាងសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាមួយលោក Keith Magnus ប្រធានក្រុមហ៊ុន Evercore Asia នារសៀលថ្ងៃទី០៨ ខែមករា ឆ្នាំ២០២៥។

នាឱកាសនោះ លោកប្រធានក្រុមហ៊ុន Evercore Asia បានកោតសរសើរភាពជោគជ័យនៃការអភិវឌ្ឍរីកចម្រើនលើគ្រប់វិស័យរបស់កម្ពុជា និងបានវាយតម្លៃខ្ពស់ចំពោះការដាក់ចេញនូវយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល ដើម្បីឈានទៅសម្រេចបាននូវចក្ខុវិស័យកម្ពុជាឆ្នាំ២០៥០។ទន្ទឹមគ្នានេះ លោកបានបង្ហាញអំពីចំណាប់អាម្មណ៍របស់ក្រុមហ៊ុន ក្នុងការជំរុញកិច្ចសហប្រតិបត្តិការវិនិយោគជាមួយកម្ពុជា ដោយផ្តោតលើវិស័យថាមពលកកើតឡើងវិញ វិស័យសុខាភិបាល និងវិស័យទេសចរណ៍ជាដើម។

ជាការឆ្លើយតប សម្ដេចធិបតី បានស្វាគមន៍ចំណាប់អារម្មណ៍ក្រុមហ៊ុន និងគូសបញ្ជាក់ពីការដាក់ចេញនូវគោលនយោបាយអភិវឌ្ឍវិស័យថាមពលរបស់កម្ពុជា ដោយកម្ពុជាបច្ចុប្បន្នកំពុងប្រើប្រាស់ថាមពលកកើតឡើងវិញចំនួនជាង ៦២% និងបានដាក់គោលដៅឆ្ពោះទៅសម្រេចការប្រើប្រាស់ថាមពលកកើតឡើងវិញឱ្យបាន៧០%នៅឆ្នាំ២០៣០។

ជាមួយគ្នានេះ សម្ដេចធិបតី ក៏បានគូសបញ្ជាក់ពីការដាក់ចេញគោលនយោបាយគាំទ្រដល់វិស័យសុខាភិបាល ដូចជាការពង្រឹងនិងពង្រីកសេវាសុខាភិបាលនៅក្នុងក្របខ័ណ្ឌទូទាំងប្រទេស។បន្ថែមពីនេះ សម្ដេច បានបន្តទៀតថា កម្ពុជានៅមានសក្ដានុពលលើវិស័យជាច្រើនទៀត ដែលក្រុមហ៊ុនអាចពិចារណា​ ដែលរួមមាន ដូចជា៖ វិស័យកសិកម្ម, កម្មន្តសាល, ហិរញ្ញវត្ថុ និងធនាគារ។

ជាថ្មីម្តងទៀត ប្រមុខរាជរដ្ឋាភិបាលកម្ពុជា សម្ដេចធិបតី ក៏បានលើកទឹកចិត្តឱ្យក្រុមហ៊ុនខាងលើ ឱ្យបន្តពិភាក្សាជាមួយក្រសួង-ស្ថាប័ន និងជំរុញការភ្ជាប់ទំនាក់ទំនង និងកិច្ចសហការរវាងវិស័យឯកជននៅក្រៅប្រទេស និង វិស័យឯកជននៅកម្ពុជា ដើម្បីសម្រេចបំណងនេះ៕ អត្ថបទ៖ ហ្សាលីន

The post ក្រុមហ៊ុន Evercore Asia មានបំណងវិនិយោគនៅកម្ពុជា លើវិស័យថាមពលកកើតឡើងវិញ appeared first on .

ក្នុងជំនួបនោះ លោក សួន សុផល បានគូសរំលេចអំពីកិច្ចខិតខំប្រឹងប្រែងរបស់ថ្នាក់ដឹកនាំកំពូលនៃប្រទេសទាំងពីរក្នុងការពង្រឹងមិត្តភាពដែកថែប និងលើកកម្ពស់កិច្ចសហប្រតិបត្តិការភាពជាដៃគូយុទ្ធសាស្ត្រដើម្បីធ្វើឱ្យកាន់តែស៊ីជម្រៅកិច្ចសហប្រតិបត្តិការត្បូងពេជ្រ និងជំរុញការកសាងសហគមន៍វាសនារួមកម្ពុជា-ចិនក្នុងយុគសម័យថ្មី។ ក្នុងស្មារតីនេះ ការចូលរួមចំណែកនៃរំហូរវិនិយោគផ្ទាល់ពីប្រទេសចិនបានដើរតួនាទីដ៏សំខាន់ក្នុងការដុសខាត់កិច្ចសហប្រតិបត្តិការត្បូងពេជ្រឱ្យកាន់តែភ្លឺចែងចាំងមួយកម្រិតបន្ថែមទៀត។

នា​ឱកាសនោះ លោកក៏បានលើកទឹកចិត្តឱ្យសមភាគីបន្តពិគ្រោះយោបល់ជាមួយក្រសួងរ៉ែ និងថាមពលនៃព្រះរាជាណាចក្រកម្ពុជា ក្នុងគោលដៅសិក្សាសមិទ្ធិលទ្ធភាព និងទទួលបានគោលការណ៍ជាលក្ខណៈបច្ចេកទេសពីក្រសួងជំនាញ ហើយក្រុមប្រឹក្សាអភិវឌ្ឍន៍កម្ពុជាបើកទ្វារចំហស្វាគមន៍ជានិច្ចក្នុងការរង់ចាំផ្តល់កិច្ចសម្រួល និងការលើកទឹកចិត្តនានាស្របតាមច្បាប់ និងប្បញ្ញត្តិជាធរមាន។

ជាការឆ្លើយតប លោកប្រធានផ្នែកអភិវឌ្ឍន៍នៃក្រុមហ៊ុន Windey Energy Technology Group Co., Ltd.  បានសម្តែងនូវការកត់សម្គាល់អំពីថាមភាពរបស់កម្ពុជាក្នុងការពង្រឹងបន្ថែមនូវទំនាក់ទំនងមិត្តភាពដែកថែបរវាងកម្ពុជា-ចិន ព្រមទាំងភាពសកម្មក្នុងក្របខ័ណ្ឌនៃកិច្ចសហប្រតិបត្តិការក្រោមគំនិតផ្តួចផ្តើមផ្លូវ និងខ្សែក្រវាត់ ហើយលោកជឿជាក់ថា ការវិនិយោគផ្ទាល់ពីប្រទេសចិនពិតជាបានជះផលវិជ្ជមានលើកិច្ចសហប្រតិបត្តិការត្បូងពេជ្រប្រាកដមែន។

ទន្ទឹមនឹងនោះ លោកក៏បានទទួលយកអនុសាសន៍ណែនាំរបស់លោក សួន សុផល និងបានបង្ហាញសុទិដ្ឋិនិយមថា Windey Energy Technology Group Co., Ltd. នឹងអាចមាន​ឱកាសបណ្តាក់ទុនវិនិយោគនៅកម្ពុជាលើវិស័យថាមពលស្អាតនាពេលខាងមុខផងដែរ៕

The post ក្រុមហ៊ុន Windey Energy Technology Group របស់ចិន បង្ហើបពី​ឱកាសបណ្តាក់ទុនវិនិយោគនៅកម្ពុជាលើវិស័យថាមពលស្អាត appeared first on .

លោក Arifin បាននិយាយទៀតថា វិស័យប្រេង និងហ្គាស់ នៅតែទទួលបានចំណែកធំបំផុតនៃការវិនិយោគ ជាមួយនឹងចំនួនទឹកប្រាក់សរុប ១៥,៦ពាន់លានដុល្លារ ហើយបន្ទាប់មកគឺឧស្សាហកម្មរ៉ែ និងធ្យូងថ្មដែលមានការវិនិយោគសរុបចំនួន ៧,៤៦ពាន់លានដុល្លារ។

ទន្ទឹមនឹងនេះ ​ឧស្សាហកម្មលើផ្នែកថាមពលអគ្គិសនីវិញ បានស្រូបទាញការវិនិយោគសរុបបានចំនួន ៥,៨ពាន់លានដុល្លារអាមេរិក ស្របពេលវិស័យថាមពលថ្មី និងកកើតឡើងវិញ (EBT) មានចំនួនវិនិយោគ ១,៥ពាន់លានដុល្លារ។

ជម្រាបជូនផងដែរថា ចំពោះការវិនិយោគទៅលើវិស័យថាមពលថ្មី និងកកើតឡើងវិញ បានឈានដល់ ១៣,១% នៅក្នុងទិន្នផលថាមពលសរុប គិតត្រឹមដំណាច់ឆ្នាំ២០២៣ ឬស្មើទៅនឹង ២៣៨,១ លានបារ៉ែលនៃប្រេង ខណ:លោក Arifi បាននិយាយទៀតថា បច្ចុប្បន្ននេះរដ្ឋាភិបាលឥណ្ឌូនេស៊ី កំពុងខិតខំប្រឹងប្រែងបន្ថែមទៀត ដើម្បីសម្រេចបាននូវគោលដៅឈានដល់ ២៣% ដែលត្រូវបានកំណត់សម្រាប់ឆ្នាំ២០២៥ ខាងមុខ៕

The post ឥណ្ឌូនេស៊ី ទទួលបានការវិនិយោគជាង ៣០ពាន់លានដុល្លារ នៅក្នុងវិស័យថាមពល កាលពីឆ្នាំមុន appeared first on .

ដូចដែលបានរាយការណ៍ដោយសារព័ត៌មាន Khmer Times បានបង្ហាញឲ្យដឹងថា ដើម្បីជាផ្នែកនៃកិច្ចខិតខំប្រឹងប្រែងក្នុងការបំពេញតម្រូវការថាមពលដែលកំពុងមានការកើនឡើង កម្ពុជា បាននាំចូលប្រហែល ២៥% នៃតម្រូវការថាមពលរបស់ខ្លួនពីប្រទេសឡាវ វៀតណាម និងប្រទេសថៃ។

បច្ចុប្បន្ននេះ ប្រទេសកម្ពុជា ​បាន​នាំ​ចូល​ថាមពលអគ្គិសនីប្រមាណ ៤៤៥ មេហ្គាវ៉ាត់ ​ពី​ប្រទេស​ឡាវ ខណ:ការជួញដូរថាមពល​រវាងប្រទេសទាំងពីរ ​ត្រូវ​បាន​គេ​ព្យាករ​ថាអាចនឹងមានការ​​កើន​ដល់ ៦០០០ មេហ្គាវ៉ាត់​ នៅ​ឆ្នាំ២០៣០ ខាងមុខ។

គួរឲ្យដឹងថា ជាមួយនឹងការដាក់ឲ្យដំណើរការខ្សែបណ្តាញបញ្ជូនថាមពលអគ្គិសនីថ្មី​ កម្លាំង ៥០០ គីឡូវ៉ុល ដែលតភ្ជាប់ពីស្ថានីយអគ្គិសនីនៅភូមិមួយ ក្នុងខេត្តចំប៉ាសាក់ភាគខាងត្បូងនៃប្រទេសឡាវ ទៅកាន់តំបន់ព្រំដែននៃប្រទេសកម្ពុជាកាលពីឆ្នាំមុន ទំនាក់ទំនងលើវិស័យថាមពលរវាងប្រទេសទាំងពីរ បានឈានដល់កម្រិតថ្មីមួយបន្ថែមទៀត។

ជម្រាបជូនទៀតផងដែរថា នៅឆ្នាំ២០៣០ ប្រទេសឡាវ ត្រូវបានគេរំពឹងថានឹងបង្កើតថាមពលអគ្គិសនីបន្ថែមដល់ ៥ ៥៥៩ មេហ្គាវ៉ាត់​​ ដោយក្នុងនោះ ៧៧.៥៩% នឹងបានមកពីប្រភពវារីអគ្គិសនី និងប្រភពថាមពលសេសសល់នឹងទទួលបាន ពីរោងចក្រថាមពលពន្លឺព្រះអាទិត្យ ខ្យល់ និងធ្យូងថ្ម៕

The post កម្ពុជា-ឡាវ បេ្តជ្ញាបន្តពង្រឹងកិច្ចសហប្រតិបត្តិការលើវិស័យថាមពលជាមួយគ្នាបន្ថែមទៀត appeared first on .

តាមការបង្ហាញអំពីសមិទ្ធផលធំៗនៃការអភិវឌ្ឍវិស័យថាមពល រ៉ែ និង​ប្រេងកាតនៅកម្ពុជារបស់ក្រសួងរ៉ែ និងថាមពល បានឱ្យដឹងថា ត្រឹមឆ្នាំ២០២៣ កម្ពុជាមានគម្រោងផ្គត់ផ្គង់អគ្គិសនីធំៗ ២៦គម្រោង ត្រូវបានអភិវឌ្ឍ និងមានកម្លាំងផលិតសរុបប្រមាណ ៣៤៥១មេហ្គាវ៉ាត់ ដែលក្នុងនោះប្រភពថាមពលកកើតឡើងវិញមានប្រមាណ ៦២% និងមានគោលដៅបង្កើនឱ្យបាន ៧០%នៅក្នុងឆ្នាំ២០៣០។

បន្ថែមពីនេះ តាមរយៈខ្សែបណ្តាញជាតិបញ្ជូនអគ្គិសនីឱ្យដល់២៥រាជធានី ខេត្ត បច្ចុប្បន្នយើងបានផ្តល់ការផ្គត់ផ្គង់អគ្គិសនីដល់ភូមិចំនួនជាង ៩៨% និងលំនៅដ្ឋានចំនួនជាង ៨៨% ហើយភូមិទាំងអស់នៃកម្ពុជានឹងទទួលបានការផ្គត់ផ្គង់អគ្គិសនីឱ្យបាន១០០%នៅឆ្នាំ២០៣០ផងដែរ។

គួរបញ្ជាក់ថា បច្ចុប្បន្នកម្ពុជាកំពុងបន្តអភិវឌ្ឍពង្រឹង និងពង្រីកសមត្ថភាព និងគុណភាពនៃការផ្គត់ផ្គង់ថាមពលអគ្គិសនីបន្ថែមទៀត ដោយយកចិត្តទុកដាក់ធ្វើការអភិវឌ្ឍទាំងប្រព័ន្ធបណ្តាញជាតិ ប្រភពអគ្គិសនី បណ្តាញបញ្ជូនរង និងបណ្តាញចែកចាយ។ ក្នុងពេលជាមួយគ្នានោះ ក៏បានយកចិត្តទុកដាក់ដោះស្រាយឱ្យមានការផ្គត់ផ្គង់អគ្គិសនីដល់ភូមិដាច់ស្រយាល ដែលការផ្គត់ផ្គង់របស់ប្រព័ន្ធបណ្តាញជាតិទៅពុំទាន់ដល់ជាបណ្តើរៗផងដែរ ដោយធ្វើការអភិវឌ្ឍប្រព័ន្ធផ្គត់ផ្គង់អគ្គិសនីខ្នាតតូច ប្រើប្រាស់ថាមពលពន្លឺព្រះអាទិត្យផ្គុំជាមួយប្រព័ន្ធអាគុយស្ដុកថាមពល៕

The post បច្ចុប្បន្ន កម្ពុជាមានគម្រោងផ្គត់ផ្គង់អគ្គិសនីធំៗ ២៦គម្រោង មានកម្លាំងផលិតបាន ៣៤៥១មេហ្គាវ៉ាត់ appeared first on .