ចំនួនសរុបចាប់ពីខែមករាដល់ខែមិថុនា ក៏នៅតែខ្ពស់ជាង ១៧,៧% ធៀបនឹងរយៈពេលដូចគ្នាក្នុងឆ្នាំ២០១៩ មុនពេលមានជំងឺរាតត្បាតកូវីដ ផងដែរ ដែលនេះបានបង្ហាញថាការងើបឡើងវិញនៃវិស័យទេសចរណ៍របស់ប្រទេសម៉ាឡេស៊ី នៅតែដំណើរការទៅមុខ។

គួរឲ្យដឹងផងដែរថា ជុំវិញកំណើនដ៏ច្រើននេះត្រូវបានជំរុញដោយយុទ្ធនាការទស្សនាប្រទេសម៉ាឡេស៊ីឆ្នាំ ២០២៦ ការតភ្ជាប់រវាងតំបន់និងតំបន់កាន់តែរឹងមាំ គំនិតផ្តួចផ្តើមទេសចរណ៍ក្នុងស្រុក ព្រឹត្តិការណ៍អន្តរជាតិសំខាន់ៗ និងការផ្សព្វផ្សាយផលិតផលទេសចរណ៍ជាច្រើនប្រភេទទូទាំងប្រទេសផងដែរ។

ប្រទេសសិង្ហបុរីនៅតែជាប្រភពទីផ្សារធំជាងគេ ដោយមានចំនួនអ្នកទស្សនាកើនឡើង ៤,៤% ខណៈភ្ញៀវទេសចរមកពីទីផ្សារកំពុងរីកចម្រើនផ្សេងទៀត រួមទាំងប្រទេសកម្ពុជា កើនឡើង ៥២,៣% ឡាវ (២៥,៤%) និងមីយ៉ាន់ម៉ា (៤៥,៩%)។

ជម្រាបជូនថា ប្រភពទីផ្សារប្រពៃណីសំខាន់ៗ រួមទាំងសិង្ហបុរី ឥណ្ឌូណេស៊ី និងចិន នៅតែជាទីផ្សារដែលរួមចំណែកធំបំផុត។ ការមកដល់របស់ភ្ញៀវទេសចរពីប្រទេសចិន នៅតែបន្តទទួលបានអត្ថប្រយោជន៍ពីវិធានការធ្វើសេរីភាវូបនីយកម្មទិដ្ឋាការ និងកិច្ចខិតខំប្រឹងប្រែងផ្សព្វផ្សាយទេសចរណ៍ប្រកបដោយចីរភាព៕​

The post ម៉ាឡេស៊ី បន្តរក្សាតំណែងជាប្រទេសមានភ្ញៀវទេសចរមកទស្សនាច្រើនបំផុត នៅអាស៊ីអាគ្នេយ៍ ក្នុងឆមាសទី១ appeared first on .

យោងតាមកាសែតប្រចាំថ្ងៃរបស់អេស្ប៉ាញ Democrata បានរាយការណ៍ថា ចក្រភពអង់គ្លេសនៅតែជាទីផ្សារធំបំផុតរបស់អេស្ប៉ាញ ក្នុងអំឡុងខែមករា ដល់ខែមិថុនា ឆ្នាំ២០២៦ ដោយមានភ្ញៀវទេសចរជាង ៩,៩ លាននាក់ ពោលគឺបានកើនឡើង ៤,៣% ពីឆ្នាំមុន។

ទន្ទឹមនឹងនេះ ​ប្រទេសអាល្លឺម៉ង់ជាប់ចំណាត់ថ្នាក់លេខពីរដែលទៅទស្សនាប្រទេសអេស្ប៉ាញច្រើនជាងគេ ដោយមានភ្ញៀវទេសចរចំនួន ៥,៧ លាននាក់ បន្ទាប់មកទៀតគឺប្រទេសបារាំងដែលមានភ្ញៀវទេសចរចំនួន ៥,៦ លាននាក់ ។

យោងតាមវិទ្យាស្ថានស្ថិតិជាតិ ក៏បានបង្ហាញឲ្យដឹងទៀតថា ប្រទេសធំៗទាំងបីនេះ ក៏ជាទីផ្សារចំណាយលុយច្រើនជាងគេបំផុតលើវិស័យទេសចរណ៍របស់អេស្ប៉ាញផងដែឬ ដោយការចំណាយសរុបសម្រាប់រយៈពេល ៦ខែដំបូងឆ្នាំនេះ បានកើនឡើង ៧% ដល់ប្រមាណ ៦៣,៨ពាន់លានអឺរ៉ូ (៧៣,៦ពាន់លានដុល្លារ)។

គួរជម្រាបជូនថា ប្រទេសអេស្ប៉ាញបានស្វាគមន៍ភ្ញៀវទេសចរបរទេសចំនួន ៩៦,៨ លាននាក់កាលពីឆ្នាំមុន ដែលជាការកើនឡើង ៣,២% ពីឆ្នាំ២០២៤ និងបានធ្វើឲ្យប្រទេសនេះ ក្លាយជាកន្លែងមានភ្ញៀវទេសចរច្រើនជាងគេទីពីរនៅទូទាំងពិភពលោក តាមពីក្រោយប្រទេសបារាំង ដែលមានភ្ញៀវទេសចរសរុបចំនួន ១០៥ លាននាក់ នៅឆ្នាំមុន៕

The post អេស្ប៉ាញ ទទួលស្វាគមន៍ភ្ញៀវទេសចរជាង ៤៦ លាននាក់ នៅឆមាសទី១ ឈរលេខរៀងទី២ នៅលើលោក appeared first on .

នាឱកាសនោះ លោកប្រធានក្រុមហ៊ុន បានលើកឡើងពីគម្រោងរៀបចំព្រឹត្តិការណ៍រត់ប្រណាំងចម្ងាយឆ្ងាយឆ្លងកាត់ឧបសគ្គ «Angkor Ultra Trail» លើកទី១០ ដែលនឹងប្រព្រឹត្តទៅនាខែមករា ឆ្នាំ២០២៧ ខាងមុខ ដែលការរៀបចំព្រឹត្តិការណ៍​រត់ប្រណាំង​នេះ​ ក៏ជា​ឱកាសអបអរសាទរខួប​១០ឆ្នាំ នៃការរៀបចំព្រឹត្តិការណ៍នេះនៅកម្ពុជាផងដែរ។ លោក ក៏បានជម្រាបពីគំនិតផ្តួចផ្តើមក្នុងការរៀបចំព្រឹត្តិការណ៍កីឡា​ និងព្រឹត្តិការណ៍ផ្សេងៗជាច្រើនទៀត ដើម្បីចូលរួមចំណែកអភិវឌ្ឍវិស័យទេសចរណ៍នៅកម្ពុជា ព្រមទាំងបានបង្ហាញពីប្រតិបត្តិការអាជីវកម្ម និងផែនការបន្តពង្រីកការវិនិយោគរបស់ក្រុមហ៊ុននៅកម្ពុជាបន្ថែមទៀត។

លោក ក៏បានបញ្ជាក់អំពីការប្តេជ្ញាចិត្តបន្តកិច្ចសហការជាមួយក្រសួងស្ថាប័នពាក់ព័ន្ធ ដើម្បីលើកកម្ពស់ និងផ្សព្វផ្សាយវិស័យទេសចរណ៍ និងវប្បធម៌កម្ពុជាទៅកាន់ពិភពលោក សំដៅទាក់ទាញភ្ញៀវទេសចរអន្តរជាតិឱ្យមកទស្សនាកម្ពុជាកាន់តែច្រើន។

ជាការឆ្លើយតប សម្ដេចធិបតី បានវាយតម្លៃខ្ពស់ចំពោះការប្តេជ្ញាចិត្តរបស់ក្រុមហ៊ុនក្នុងការចូលរួមអភិវឌ្ឍវិស័យទេសចរណ៍ និងការផ្សព្វផ្សាយវប្បធម៌កម្ពុជាទៅកាន់ពិភពលោក តាមរយៈការរៀបចំព្រឹត្តិការណ៍ «Angkor Ultra Trail» ជាបន្តបន្ទាប់។ សម្ដេចធិបតី ក៏បានលើកទឹកចិត្តឱ្យក្រុមហ៊ុន​ បន្តសហការឱ្យបានជិតស្និទ្ធជាមួយក្រសួងស្ថាប័នពាក់ព័ន្ធ ដើម្បីរៀបចំព្រឹត្តិការណ៍ «Angkor Ultra Trail» នេះឱ្យទទួលបានជោគជ័យ និងបន្តរួមចំណែកដល់ការអភិវឌ្ឍវិស័យទេសចរណ៍នៅកម្ពុជាបន្ថែមទៀត។

សូមជម្រាបថា Phoenix Voyages Group គឺជាក្រុមហ៊ុនប្រតិបត្តិករទេសចរណ៍ឈានមុខគេមួយនៅអាស៊ី ដែលមានបទពិសោធន៍ជាង២៥ឆ្នាំក្នុងវិស័យទេសចរណ៍។ ក្រុមហ៊ុននេះមានជំនាញខ្ពស់ក្នុងការរៀបចំកញ្ចប់ទេសចរណ៍ចម្រុះ ទាំងលក្ខណៈឯកជន និងសម្រាប់ភ្នាក់ងារ ឬក្រុមហ៊ុនទេសចរណ៍នានាជុំវិញពិភពលោក ដោយផ្តោតសំខាន់លើគុណភាពសេវាកម្ម និងភាពច្នៃប្រឌិត៕ អត្ថបទ៖ហ្សាលីន

The post ក្រុមហ៊ុនឈានមុខគេមួយនៅអាស៊ី ប្តេជ្ញាផ្សព្វផ្សាយវិស័យទេសចរណ៍កម្ពុជាទៅកាន់ពិភពលោក appeared first on .

ក្នុងឱកាសនៃជំនួបនេះ លោក Alan Wurman Rodrich និងលោក Lars Aage Haaland Christiansen បានលើកឡើងពីគោលបំណងចូលរួមផ្សព្វផ្សាយសក្តានុពលទេសចរណ៍កម្ពុជា តាមរយៈការផលិតវីដេអូ និងមាតិកាឌីជីថល ការចែករំលែកបទពិសោធន៍ធ្វើដំណើរពិតប្រាកដ ការផ្សព្វផ្សាយវប្បធម៌ ប្រពៃណី ជីវភាពរស់នៅសហគមន៍មូលដ្ឋាន និងភាពរួសរាយរាក់ទាក់របស់ប្រជាជនកម្ពុជា ទៅកាន់ទស្សនិកជនជុំវិញពិភពលោក ព្រមទាំងការលើកកម្ពស់ការយល់ដឹងអំពីទេសចរណ៍ប្រកបដោយចីរភាព និងការធ្វើដំណើរប្រកបដោយការទទួលខុសត្រូវ។

ជាមួយគ្នានេះ​ ភាគីទាំងពីរ បានឯកភាពបន្តពង្រឹងកិច្ចសហប្រតិបត្តិការលើការផ្សព្វផ្សាយវិស័យទេសចរណ៍កម្ពុជា តាមរយៈការបង្កើត និងផ្សព្វផ្សាយមាតិកាឌីជីថលដែលបង្ហាញពីសក្តានុពលទេសចរណ៍ បេតិកភណ្ឌវប្បធម៌ ធនធានធម្មជាតិ និងរូបភាពពិតរបស់កម្ពុជា ព្រមទាំងចូលរួមគាំទ្រយុទ្ធនាការ «ទស្សនាកម្ពុជា នារដូវបៃតង» និងទិសស្លោក «ម្នាក់ៗជាផ្សព្វផ្សាយទេសចរណ៍កម្ពុជាម្នាក់» ដើម្បីទាក់ទាញភ្ញៀវទេសចរអន្តរជាតិកាន់តែច្រើន។

លោក ហួត ហាក់ បានកោតសរសើរ និងវាយតម្លៃខ្ពស់ចំពោះបេសកកម្មរបស់ក្រុម Cyberlocos និង Alan’s Theory ក្នុងការប្រើប្រាស់ប្រព័ន្ធផ្សព្វផ្សាយឌីជីថល ដើម្បីភ្ជាប់ការយល់ដឹងរវាងប្រជាជន និងលើកកម្ពស់ទេសចរណ៍ប្រកបដោយចីរភាព ព្រមទាំងបានស្នើក្រុមអ្នកផលិតមាតិកាបន្តជួយផ្សព្វផ្សាយស្ថានភាពពិតរបស់កម្ពុជា ជាពិសេសសន្តិសុខ សុវត្ថិភាព និងបរិយាកាសប្រកបដោយភាពកក់ក្តៅរបស់ប្រជាជនកម្ពុជា ព្រមទាំងបង្កើតវីដេអូ និងមាតិកាខ្លីៗ ដែលបង្ហាញពីបេតិកភណ្ឌវប្បធម៌ ធនធានធម្មជាតិ គោលដៅទេសចរណ៍ល្បីៗ និងបទពិសោធន៍ទេសចរណ៍ពិតប្រាកដ ដើម្បីជំរុញឱ្យភ្ញៀវទេសចរអន្តរជាតិមកទស្សនាកម្ពុជាកាន់តែច្រើន។

គួរបញ្ជាក់ផងដែរថា Cyberlocos គឺជាគម្រោងធ្វើដំណើរជុំវិញពិភពលោកដោយរថយន្តអគ្គិសនី ដែលរហូតមកដល់ពេលនេះបានធ្វើដំណើរជាង ១០០,០០០ គីឡូម៉ែត្រ ឆ្លងកាត់ប្រទេសជាង ៨០ ប្រទេស និងកំពុងបន្តបេសកកម្មបំបែកកំណត់ត្រាពិភពលោក Guinness World Records។ ចំណែក Alan’s Theory គឺជាវេទិកាផលិតមាតិកាធ្វើដំណើរអន្តរជាតិ ដែលលោក Alan បានធ្វើដំណើរទៅកាន់ប្រទេសជាង ១១៥ ប្រទេស និងមានអ្នកតាមដានលើបណ្តាញសង្គមជាង ១,៨ លាននាក់ ដោយខ្លឹមសាររបស់លោកបានទៅដល់ទស្សនិកជនរាប់រយលាននាក់នៅទូទាំងពិភពលោក៕

The post ក្រុមអ្នកផលិតមាតិកាអន្តរជាតិថា កម្ពុជា គឺជាតារាដែលកំពុងរះយ៉ាងភ្លឺចិញ្ចោចទាក់ទាញការចាប់អារម្មណ៍យ៉ាងខ្លាំងក្នុងតំបន់អាស៊ីអាគ្នេយ៍ appeared first on .

លោក ហួត ហាក់ រដ្ឋមន្ត្រីក្រសួងទេសចរណ៍ និងជាប្រធានក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា បានដឹក​នាំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ របស់ក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (ក.ផ.ផ.) និងលើកទិសដៅការងារបន្ត។ កិច្ចប្រជុំនេះ មានការអញ្ជើញចូលរួមពី សមាជិក ក.ផ.ផ. ដែលមាន ឯកឧត្តម លោកជំទាវ មកពីក្រសួង ស្ថាប័នរដ្ឋ និង លោកឧកញ៉ា ឧកញ៉ា លោក លោកស្រី ដែលមកពីផ្នែកឯកជន ព្រមទាំងអង្គភាពប្រតិបត្តិរបស់ ក.ផ.ផ. សរុបប្រមាណ ៣០រូប។

សូមបញ្ជាក់ជូនថានេះក៏ជាកិច្ចប្រជុំលើកទី១០របស់ក្រុមប្រឹក្សាភិបាល ដែលរៀបចំឡើងដើម្បីវាយតម្លៃពីស្ថានភាព និងបញ្ហាប្រឈមសំខាន់ៗដែលកំពុងប៉ះពាល់ដល់វិស័យទេសចរណ៍ រួមមានបញ្ហាព្រំដែនកម្ពុជា-ថៃ, ឥទ្ធិពលព័ត៌មានអវិជ្ជមាន និងបទល្មើសឆបោកតាមប្រព័ន្ធបច្ចេកវិទ្យា, ព្រមទាំងសង្គ្រាមនៅអ៊ីរ៉ង់ដែលធ្វើឱ្យកើនឡើងថ្លៃប្រេងឥន្ធនៈដែលជះឥទ្ធិពលដល់ការធ្វើដំណើរអន្តរជាតិ។

ដើម្បីឆ្លើយតបនឹងបញ្ហាប្រឈមទាំងនេះ អង្គប្រជុំបានឯកភាពដាក់ចេញនូវយុទ្ធសាស្ត្រសំខាន់ៗ ដើម្បីស្តារទំនុកចិត្ត និងទាក់ទាញទេសចរអន្តរជាតិមកកម្ពុជា ដែលមានជាអាទិ៍៖ ការពង្រីកទីផ្សារទេសចរណ៍ផ្ទាល់ និងទីផ្សារ «បូក១» តាមរយៈវៀតណាម និងសិង្ហបុរី និងទីផ្សារសក្តានុពលផ្សេងទៀត, ការកសាងទំនុកចិត្តរបស់ទេសចរអន្តរជាតិ តាមរយៈការពង្រឹងការផ្សព្វផ្សាយជាមួយស្ថាប័នសារព័ត៌មានអន្តរជាតិធំៗ និងការអញ្ជើញអ្នកសារព័ត៌មានអន្តរជាតិ ក្រុមហ៊ុនទេសចរណ៍អន្តរជាតិ និងអ្នកបង្កើតមាតិកាបរទេសល្បីៗមកទស្សនាកម្ពុជា ព្រមទាំងការជំរុញការងារភាពយន្តទេសចរណ៍។ ជាមួយគ្នានេះ, យើងត្រូវទាញយកអត្ថប្រយោជន៍ពីគោលនយោបាយលើកលែងទិដ្ឋាការចិនរយៈពេល៤ខែ, កិច្ចប្រជុំកំពូលហ្វ្រង់កូហូនី, ព្រមទាំងការនាំយកព្រឹត្តិការណ៍អន្តរជាតិសំខាន់ៗមកកម្ពុជានៅពេលខាងមុខ ដូចជា ការប្រកួតវគ្គផ្តាច់ព្រ័តកីឡាវាយកូនគោលលំដាប់ពិភពលោក Legend Tours 2026, ព្រឹត្តិការណ៍កីឡាទេសចរណ៍ និង ព្រឹត្តិការណ៍ប្រគំតន្ត្រីអន្តរជាតិមួយចំនួនទៀតនៅអំឡុងឆមាសទី២ ឆ្នាំ២០២៦ និង ដើមឆ្នាំ២០២៧។  

លោកប្រធានក្រុមប្រឹក្សាភិបាល ក៏បានគូសបញ្ជាក់បន្ថែមថានៅក្នុងកាលៈទេសៈដ៏លំបាក គឺទាមទារឱ្យមានការចូលរួមពីគ្រប់ផ្នែក គ្រប់ថ្នាក់ ក្នុងស្មារតីសាមគ្គីភាពរួបរួម​ឯកភាពជាធ្លុងមួយក្រោមដំបូលរបស់រាជរដ្ឋាភិបាល ដើម្បីពង្រឹងសមត្ថភាពបន្ថែមទៀត, ពង្រឹងភាពធន់បន្ថែមទៀត និងពង្រឹងភាពម្ចាស់ការបន្ថែមទៀត សំដៅម៉្យាង បន្តរក្សាឱ្យបាននូវភាពធន់នៃវិស័យទេសចរណ៍កម្ពុជា, និងម៉្យាងទៀតបន្តជំរុញសន្ទុះវិស័យទេសចរណ៍ ដើម្បីរក្សានូវភាពប្រកួតប្រជែងខ្ពស់ក្នុងតំបន់ ប្រកបដោយភាពជឿជាក់ ច្នៃប្រឌិត និងបត់បែនឱ្យទាន់សភាពការណ៍ សំដៅជំរុញកំណើនសេដ្ឋកិច្ចជាតិឱ្យមានភាពរឹងមាំ និងនិរន្តរភាព។

The post ទប់ទល់នឹងការធ្លាក់ចុះភ្ញៀវទេសចរក្នុងឆមាសទី១ ឆ្នាំនេះ! រដ្ឋ-ឯកជន បើកកិច្ចប្រជុំបន្ទាន់ រួមគ្នាដាក់ចេញយុទ្ធសាស្ត្រ  និងវិធានការគន្លឹះ ដើម្បីស្តារវិស័យទេសចរណ៍កម្ពុជា appeared first on .

ដោយឡែក ក្នុងរយៈពេល ៤ ខែដំបូង នៃឆ្នាំ២០២៦ កម្ពុជា ទទួលបានភ្ញៀវទេសចរអន្តរជាតិជាង ១,៣ លាននាក់ ក្នុងនោះ ភ្ញៀវទេសចរចិនមានជាង ៣៣០,០០០ នាក់ ឈរនៅលំដាប់ទី១ បន្ទាប់មកភ្ញៀវទេសចរវៀតណាម ប្រមាណ ៣១២,០០០ នាក់ ឈរនៅលំដាប់ទី២ និងភ្ញៀវទេសចរមីយ៉ាន់ម៉ាជាង ១០,០០០ នាក់ ឈរនៅលំដាប់ទី៣។

នេះជាការឱ្យដឹងពី លោក ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតីក្នុងពិធីបើកកម្មវិធី Cambodia Travel Match 2026 Mini-Series ដើម្បីជំរុញការផ្សព្វផ្សាយ និងជំរុញទេសចរណ៍កម្ពុជាទៅកាន់ពិភពលោក កាលពីថ្ងៃទី២៦ ខែឧសភា ឆ្នាំ២០២៦។

នាឱកាសនោះ លោកក៏បានបញ្ជាក់ថា កម្ពុជា គឺជាគោលដៅទេសចរណ៍ និងវិនិយោគប្រកបដោយសុវត្ថិភាព។  កម្ពុជា សម្បូរទៅដោយបេតិកភណ្ឌវប្បធម៌ល្បីល្បាញលើពិភពលោក ជាពិសេសតំបន់អង្គរ ទីក្រុងដ៏រស់រវើក តំបន់ឆ្នេរសមុទ្រដ៏ស្រស់ស្អាត ទេសភាពទន្លេមេគង្គ និងបឹងទន្លេសាប តំបន់អេកូទេសចរណ៍ សហគមន៍ទេសចរណ៍ និងម្ហូបអាហារខ្មែរដែលមានអត្តសញ្ញាណពិសេស។

សូមបញ្ជាក់ថា រាជរដ្ឋាភិបាលកម្ពុជា បានអនុម័តជាគោលការណ៍លើកម្មវិធីសាកល្បងលើកលែងទិដ្ឋាការ (Visa Exemption Pilot Program) សម្រាប់ភ្ញៀវទេសចរចិន រយៈពេល ៤ ខែ ចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ ដែលជាការសម្រេចចិត្តជាប្រវត្តិសាស្ត្រសម្រាប់វិស័យទេសចរណ៍កម្ពុជា និងជាឱកាសដ៏សំខាន់សម្រាប់ប្រតិបត្តិករទេសចរណ៍ក្នុងការផ្សព្វផ្សាយ និងទាក់ទាញភ្ញៀវទេសចរបន្ថែមមកកម្ពុជា។

The post ភ្ញៀវទេសចរ៣ប្រទេស មកទស្សនាកម្ពុជាច្រើនជាងគេ ក្នុងរយៈពេល៤ខែ ដំបូងឆ្នាំ២០២៦ appeared first on .

លោកបានលើកឡើងបែបនេះ នៅក្នុងឱកាសអញ្ជើញដឹកនាំកិច្ចប្រជុំបូកសរុបលទ្ធផលការងាររបស់ក្រសួងទេសចរណ៍ប្រចាំខែឧសភា និងលើកទិសដៅការងារខែមិថុនា ឆ្នាំ២០២៦ កាលពីថ្ងៃទី២៧ ខែឧសភា ដើម្បីពិនិត្យនិងវាយតម្លៃវឌ្ឍនភាពការងារ ស្តាប់របាយការណ៍ ចំណុចខ្លាំង ចំណុចខ្វះខាត បញ្ហាប្រឈម សំណូមពរ សម្រាប់បន្តជំរុញការអនុវត្តកម្មវិធី និងផែនការសកម្មភាពសំខាន់ៗនៃវិស័យទេសចរណ៍ ឱ្យកាន់តែមានប្រសិទ្ធភាព និងសម្រេចបានលទ្ធផលកាន់តែល្អប្រសើរ។

តាមរយៈកិច្ចប្រជុំដ៏មានសារៈសំខាន់នេះ ក៏បានពិភាក្សាទៅលើសេចក្តីរាយការណ៍ស្តីពីការធ្វើបច្ចុប្បន្នភាពរចនាសម្ព័ន្ធ ជំរឿនមន្ត្រី និង វឌ្ឍនភាពនៃសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់ក្រសួងទេសចរណ៍, សេចក្តីព្រាងគោលការណ៍ណែនាំការប្រឡងប្រណាំងអង្គភាព ស្អាត ឆ្នើម,  សេចក្តីរាយការណ៍ស្តីពីការត្រៀមរៀបចំផែនការថវិកាឆ្នាំ២០២៧ និងផែនការយុទ្ធសាស្រ្តថវិកា ២០២៧-២០២៩។

លើសពីនេះ ក៏ពិភាក្សាលើសេចក្តីព្រាងវិធានការគន្លឹះអភិវឌ្ឍន៍ទេសចរណ៍ឧទ្យានជាតិភ្នំគូលែន ២០២៦-២០២៨ ព្រមទាំងលទ្ធផលនៃការចុះតាមដាន ត្រួតពិនិត្យ និង វាយតម្លៃសមិទ្ធកម្ម «បញ្ចប់អណត្តិ» លើការអនុវត្តផែនការអភិវឌ្ឍទេសចរណ៍បច្ចុប្បន្នកម្ម ២០២១-២០២៥ និងការរៀបចំផែនការអភិវឌ្ឍន៍ទេសចរណ៍ ២០២៦-២០៣០ ផងដែរ។

The post លោក ហួត ហាក់៖ ការអភិវឌ្ឍវិស័យទេសចរណ៍ប្រកបដោយប្រសិទ្ធភាព ទាមទារឱ្យមានសាមគ្គីភាព កិច្ចសហការល្អ ការអនុវត្តការងារប្រកបដោយភាពម្ចាស់ការ និងការទទួលខុសត្រូវ appeared first on .

ការលើកឡើងបែបនេះរបស់រដ្ឋមន្រ្ដីក្រសួងទេសចរណ៍ ធ្វើឡើងក្នុងឱកាសលោករដ្ឋមន្រ្ដីអញ្ជើញដឹកនាំកិច្ចប្រជុំពិនិត្យវឌ្ឍនភាព និងពង្រឹងការងារទំនាក់ទំនងសាធារណៈនិងព័ត៌មាន​ កាលពីថ្ងៃទី២២ ខែមេសា ឆ្នាំ២០២៦។

បើតាមការបញ្ជាក់ពីក្រសួងទេសចរណ៍ កិច្ចប្រជុំនេះធ្វើឡើងក្នុងគោលបំណងចំនួន៣ គឺ៖  (១) បន្ពពង្រឹង និងដាក់ចេញនូវយុទ្ធសាស្រ្តថ្មីៗ សម្រាប់ក្រុមការងារចំនួន ៤ មានក្រុមអ្នកនាំពាក្យ, ក្រុមការងារ influencers, ក្រុមការងារ Media, ក្រុមការងារបរិវត្តកម្មឌីជីថល,(២) ពង្រឹងសង្គតិភាពនិងសុខដុមនីយកម្មនៃក្រុមការងារ និង (៣) ពង្រឹងប្រសិទ្ធភាពការងារជាលក្ខណៈជវភាពជាប្រព័ន្ធតែមួយ ដោយបានវាយតម្លៃលើចំណុចខ្លាំង ចំណុចខ្វះខាត បញ្ហាប្រឈមកន្លងមក ការឆ្លើយតបនឹងសំណូមពរ និងដាក់ចេញនូវទិសដៅការងារបន្តលើបញ្ហាប្រឈមថ្មីៗ ចំពោះមុខ។

ថ្លែងក្នុងឱកាសនេះ លោក ហួត ហាក់ បានមានប្រសាសន៍ថា ការងារទំនាក់ទំនងសាធារណៈនិងព័ត៌មាន គឺត្រូវតែពង្រឹងឱ្យមានភាពប្រទាក់ក្រឡាជាប្រព័ន្ធតែមួយ និងមានកិច្ចសហការឱ្យបានគ្រប់ជ្រុងជ្រោយ ជាពិសេសការត្រៀមខ្លួនរួចជាស្រេចជាលក្ខណៈបុរេសកម្ម សកម្ម និងជាប់ជាប្រចាំនៅក្នុងសមរភូមិព័ត៌មានទេសចរណ៍ ដោយ «ចាក់ទឹកថ្លា ក្នុងទឹកល្អក់»។

ក្នុងន័យនេះ យើងត្រូវយកចិត្តទុកដាក់ទាំងលើការផ្សព្វផ្សាយសក្តានុពលទេសចរណ៍នៅតាមទីផ្សារគោលដៅ, ពង្រីកការផ្សព្វផ្សាយអំពីកិត្តិនាមកម្ពុជា និងព័ត៌មានវិជ្ជមានឱ្យកាន់តែខ្លាំងបន្ថែមទៀត ព្រមទាំងការឆ្លើយតបនិងវាយបក ឱ្យបានទាន់ពេលវេលា ប្រកបដោយភាពច្នៃប្រឌិត និងប្រសិទ្ធិភាពខ្ពស់។

បន្ថែមពីនេះ លោករដ្ឋមន្រ្ដី ក៏បានណែនាំផងដែរ ត្រូវយកចិត្តទុកដាក់លើការតាមដាន និងឆ្លើយតបចំពោះការលាបពណ៌ពីការផ្សព្វផ្សាយព័ត៌មានក្លែងក្លាយ និងអវិជ្ជមាន ដែលប៉ះពាល់ដល់កិត្តិនាមកម្ពុជា រួមទាំងអត្ថបទមួយចំនួនដែលបានប្រើប្រាស់ពាក្យ “scambodia”៕

The post លោក ហួត ហាក់៖ វិស័យទេសចរណ៍ ជាវិស័យងាយរងផលប៉ះពាល់ពីព័ត៌មានក្លែងក្លាយ appeared first on .

នេះបើតាមការឱ្យដឹងពី លោក ហួត ហាក់ រដ្ឋមន្រ្តីក្រសួងទេសចរណ៍ ក្នុងកិច្ចប្រជុំកំពូលធុរកិច្ចកម្ពុជា-អាស៊ានឆ្នាំ២០២៦ រៀបចំដោយសភាពាណិជ្ជកម្មកម្ពុជា ក្រោមមូលបទ ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម (Transforming ASEAN: Innovation, Integration, and Industrial Evolution) កាលពីថ្ងៃទី៤ ខែមីនា ឆ្នាំ២០២៦។

ក្នុងឱកាសថ្លែងសុន្ទរកថា លោក ហួត ហាក់ បានបញ្ជាក់ថា កម្ពុជាស្វាគមន៍យ៉ាងកក់ក្តៅការវិនិយោគជាយុទ្ធសាស្ត្រលើចំណែកទីផ្សារជាច្រើនដូចជារមណីយដ្ឋានបែបនិរន្តរភាព រមណីយដ្ឋានបែបអេកូឡូស៊ី ការអភិរក្សបេតិកភណ្ឌ ថ្នាលសេវាកម្មទេសចរណ៍ឌីជីថល សេវាកម្មដឹកជញ្ជូន និងទេសចរណ៍ជំនួបធុរកិច្ច (MICE)។

លើសពីនេះ លោកក៏បានលើកឡើងពីកាលានុវត្តភាពវិនិយោគក្នុងវិស័យទេសចរណ៍ដ៏ល្អប្រសើរ និងប្រៀបដូចជាទីផ្សារថ្មីដែលកំពុងរះចិញ្ចាំងចិញ្ចាចជាមួយកំណើនភ្ញៀវទេសចរដែលស្នាក់នៅរយៈពេលយូរថ្ងៃ និងនិយមចំណាយច្រើន កាន់តែកើនឡើងប្រចាំឆ្នាំ។ ដោយនៅក្នុងឆ្នាំ២០២៥ កន្លងមក គម្រោងវិនិយោគក្នុងវិស័យទេសចរណ៍មានជាង៤៧ គម្រោងជាមួយដើមទុនសរុបជាង៧១០លានដុល្លារអាមេរិក បង្កើតការងារជាង៥.០០០កន្លែង។

សូមបញ្ជាក់ថា បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ក្នុងឆ្នាំ២០២៥ CDC បានអនុម័តគម្រោងវិនិយោគសរុបប្រមាណ ៦៣០គម្រោង ក្នុងទុនសរុប១០ប៊ីលានដុល្លារ។ ក្នុងនោះទុនវិនិយោគតាមវិស័យ ដូចជា វិស័យឧស្សាហកម្មច្រើនជាងគេរហូតដល់ ៥,៦ប៊ីលានដុល្លារ, ហេដ្ឋារចនាសម្ព័ន្ធ ៣,៨ប៊ីលានដុល្លារ, វិស័យកសិកម្ម និងកសិឧស្សាហកម្មមាន ៤៣៦លានដុល្លារ, ខណៈវិស័យទេសចរណ៍មាន ១៧៥លានដុល្លារ៕

The post ក្នុងឆ្នាំ២០២៥ កម្ពុជាទទួលបានគម្រោងវិនិយោគក្នុងវិស័យទេសចរណ៍ជិត៥០គម្រោង ជាមួយដើមទុនសរុបជាង៧១០លានដុល្លារ appeared first on .

អាកាសយានដ្ឋានមជ្ឈិមបូព៌ា រួមទាំងទីក្រុងឌុយបៃ ដែលជាមជ្ឈមណ្ឌលធ្វើំណើរអន្តរជាតិដ៏មមាញឹកបំផុតរបស់ពិភពលោក និងនៅទីក្រុងដូហា ប្រទេសអារ៉ាប់រួម បានបន្តបិទដល់ថ្ងៃទីបី ដែលធ្វើឲ្យអ្នកដំណើររាប់ម៉ឺននាក់ជាប់គាំង។

យ៉ាងណាមិញ​ភាគហ៊ុននៅក្នុង TUI ដែលជាក្រុមហ៊ុនទេសចរណ៍ធំជាងគេរបស់អឺរ៉ុប បានធ្លាក់ចុះអស់ ៧% នៅក្នុងការជួញដូរដំបូង ខណៈពេលដែល IAG ដែលជាម្ចាស់ក្រុមហ៊ុនអាកាសចរណ៍ British Airways បានធ្លាក់ចុះ ៩% ។ ជាមួយគ្នានេះ ក្រុមហ៊ុនអាកាសចរណ៍ Lufthansa និង Air France-KLM ក៏បានធ្លាក់ចុះ ៧% ដូចគ្នាផងដែរ។

មិនតែប៉ុណ្ណោះ ភាគហ៊ុនក្រុមហ៊ុនអាកាសចរណ៍អាមេរិក បានធ្លាក់ចុះប្រហែល ៥% នៅក្នុងការជួញដូរមួយមុនទីផ្សារបើក ខណៈពេលដែលភាគហ៊ុនរបស់ម្ចាស់សណ្ឋាគារ Accor និងក្រុមហ៊ុននាវាកម្សាន្ត Carnival ក៏បានធ្លាក់ចុះយ៉ាងខ្លាំងផងដែរ។

គួរឲ្យដឹងផងដែរថា នៅក្នុងជម្លោះដ៏ធំនេះ បានធ្វើឲ្យក្រុមហ៊ុនអាកាសចរណ៍ធំៗនៅមជ្ឈិមបូព៌ា បន្តលុបចោលជើងហោះហើរជាច្រើន ខណៈពេលដែលអ្នកវិភាគបានព្រមានថា ការរំខានអាចមានរយៈពេលជាច្រើនសប្តាហ៍។

ជម្រាបជូនថា ក្រុមហ៊ុនអាកាសចរណ៍អាស៊ីក៏រងផលប៉ះពាល់ខ្លាំងផងដែរ ដោយក្នុងនោះភាគហ៊ុនក្រុមហ៊ុន ANA Holdings របស់ប្រទេសជប៉ុន ក្រុមហ៊ុន Air China ក្រុមហ៊ុន China Southern Airlines ក្រុមហ៊ុន China Eastern Airlines ក្រុមហ៊ុន AirAsia X របស់ម៉ាឡេស៊ី រួមទាំងក្រុមហ៊ុន China Airlines និង EVA Airways របស់តៃវ៉ាន់ សុទ្ធតែបានធ្លាក់ចុះយ៉ាងហោចណាស់ ៤%៕​

The post ភាគហ៊ុនក្នុងវិស័យទេសចរណ៍ធ្លាក់ដាំក្បាលចុះ ខណៈជម្លោះនៅអ៊ីរ៉ង់ រំខានដល់ជើងហោះហើរ appeared first on .