យោងតាមការចុះផ្សាយពីសារព័ត៌មាន Financial Times បានបង្ហាញថា ធនាគារកំពូលនៅប្រទេសស្វីស គឺ UBS បានកាត់បន្ថយបុគ្គលិកច្រើនបំផុត ខណៈធនាគារ Wells Fargo នៅសហរដ្ឋអាមេរិកក៏បន្ថយបុគ្គលិករាប់ម៉ឹននាក់ផងដែរ។

កាលពីខែវិច្ឆិកា ធនាគារ UBS បានបង្ហាញរបាយការណ៍កាត់បន្ថយបុគ្គលិក រហូតដល់ ១៣ ០០០នាក់ ស្របពេលចំនួនបុគ្គលិកនៅធនាគារ Wells Fargo មានការថយចុះរហូតដល់ ១២ ០០០នាក់ឯណោះ។

សូមជម្រាបបន្ថែមថា ក្នុងចំណោមការកាត់បន្ថយបុគ្គលិកដ៏សំបើមនេះ ធនាគារខ្នាតយក្សនៅអាមេរិក មានការបន្ថយបុគ្គលិកច្រើនជាងធនាគារផ្សេងនៅតំបន់អឺរ៉ុប ពោលសរុបការកាត់បន្ថយបុគ្គលិកធនាគារនៅអាមេរិក មានយ៉ាងហោចណាស់ ៣០ ០០០នាក់ឯណោះ។

រំលឹកបន្តិចថា មូលហេតុដែលធ្វើឲ្យវិស័យធនាគារពិភពលោក កំពុងមានហានិភ័យ គឺដោយសារការដួលរលំរបស់ធនាគារកំពូល Silicon Valley Bank និង First Republic Bank ដែលមានកង្វះខាតលើការគ្រប់គ្រងហានិភ័យ និងខ្វះការត្រួតពិនិត្យយ៉ាងដិតដល់ ក៏ដូចជាស្ថានភាពសេដ្ឋកិច្ចពិភពលោកមិនអំណោយផល ស្របពេលវិស័យអចលនទ្រព្យនៅចិន​ជួបភាពរាំងស្ទះ បានធ្វើឲ្យវិស័យធនាគារពិភពលោក ក៏ផុងខ្លួនក្នុងរណ្ដៅបែបនេះផងដែរ៕

The post ធនាគារកំពូលៗ កាត់បន្ថយបុគ្គលិកច្រើនជាង ៦០ ០០០នាក់ ក្នុងឆ្នាំ២០២៣ appeared first on .

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៅរសៀលថ្ងៃទី១៥ ខែវិច្ឆិកានេះ ក្នុងពិធីសម្ពោធដាក់ឲ្យប្រើប្រាស់ជាផ្លូវការស្ពានខ្សែកាបតភ្ជាប់រវាងតំបន់អភិវឌ្ឍន៍កោះពេជ្រ និងតំបន់អភិវឌ្ឍន៍កោះនរា បានបង្ហាញនូវជំនឿថា ប្រតិបត្តិករក្នុងវិស័យធនាគារ និងវិស័យអចលនទ្រព្យក៏ដូចជា វិស័យផ្សេងៗ សូមជួយសម្រាលទៅដល់បងប្អូនប្រជាពលរដ្ឋ អតិថិជនរបស់ខ្លួន។

សម្តេចធិបតីថ្លែងថា៖ «កាលពីថ្ងៃទី ១៣ ខែវិច្ជិកា ខ្ញ៉ំបានជួបជាមួយវិស័យឯកជនហើយ និងបានប្រកាសពីគោលនយោបាយជួយលើគ្រប់វិស័យ»។ សម្តេចធិបតីបានសង្កត់ធ្ងន់ថា «យើងមិនចង់ឃើញខាងណាដួលរលំទេ បើតឹងពេកក៏ដាច់ ធូរពេកក៏មិនល្អដែរ»។

ជាមួយគ្នានេះដែរចំពោះបញ្ហាទំនាស់រឿងបញ្ហាដីធ្លីដែលកើតឡើង សម្តេចធិបតី ហ៊ុន ម៉ាណែត បានណែនាំឲ្យដោះស្រាយលើយន្តការពីរ ទីមួយ ក្រសួងដែនដីសូមពន្លឿនការចែកប័ណ្ណកម្មសិទ្ធិដីធ្លីនៅទូទាំងប្រទេស ទីពីរ យន្តការដោះស្រាយក្រៅប្រព័ន្ធតុលាការ ដែលមានអាជ្ញាធរជាតិដោះស្រាយវិវាទក្រៅប្រព័ន្ធតុលាការរួចហើយ។

សូមជម្រាបជូនថា វេទិការាជរដ្ឋាភិបាល-ផ្នែកឯកជន លើកទី១៩ បានធ្វើឡើងកាលថ្ងៃចន្ទ ទី១៣ ខែវិច្ឆិកា ឆ្នាំ២០២៣ ជាមួយដាក់ចេញវិធានការគន្លឹះមួយចំនួនដើម្បីជួយដល់វិស័យឯកជន។

ក្នុងនោះនៅវិមានសន្តិភាព សម្ដេចធិបតី ហ៊ុន ម៉ាណែត បានដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ដើម្បី ជួយដល់វិស័យឯកជន ក្នុងការលើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។ បន្ថែមលើនេះ សម្តេចធិបតីក៏បានប្រកាសដាក់ចេញកិច្ច អន្តរាគមន៍ ជាច្រើន ដើម្បីលើកកម្ពស់ការធ្វើធុរកិច្ចនៅកម្ពុជា ឆ្លើយតបនឹងវិបត្តិទាំងឡាយ ក៏ដូចជា រក្សាបានភាពធន់នៃសេដ្ឋកិច្ចរបស់កម្ពុជាផងដែរ៕

The post សម្តេចធិបតី ហ៊ុន ម៉ាណែត មិនចង់ឃើញខាងវិស័យណាដួលរលំទេ បើតឹងពេកក៏ដាច់ ធូរពេកក៏មិនល្អដែរ appeared first on .

យ៉ាងណា IMF ក៏បានបញ្ជាក់បន្ថែមថា បើទោះជាសេដ្ឋកិច្ចនៅអាស៊ីនឹង​មាន​សញ្ញាវិជ្ជមានឡើង​វិញ ប៉ុន្តែវិស័យធនាគារនៅលោកខាងលិច កំពុង​ជួប​ហានិភ័យធ្ងន់ធ្ងរ អាចធ្វើឲ្យសេដ្ឋកិច្ច​សកល​ជួបការកកស្ទះ។

“អាស៊ី និងប៉ាស៊ីហ្វិក នឹងក្លាយជាតំបន់ដែលមានថាមពលខ្លាំងបំផុត នៃតំបន់សំខាន់ៗរបស់ពិភពលោកនៅឆ្នាំ ២០២៣ ដែលភាគច្រើនត្រូវបានជំរុញដោយទស្សនវិស័យកើនឡើង សម្រាប់ប្រទេសចិន និងឥណ្ឌា”។ នេះបើតាមរបាយការណ៍ពី IMF។

​សេដ្ឋកិច្ចអាស៊ី​រំពឹង​មានកំណើនដល់ ៦,៤% នៅឆ្នាំនេះ បន្ទាប់ពីធ្លាប់កើន ៣,៨% កាលពីឆ្នាំ ២០២២ រួមចំណែកចំពោះកំណើនសេដ្ឋកិច្ចសកល​ប្រមាណ ៧០% ខណៈការព្យាករណ៍មួយនេះ កើនលើសពីការព្យាករណ៍កាលពីខែតុលា ០,៣%។

សូមជម្រាបដែរថា IMF ក៏​បាន​ជំរុញ​ឱ្យ​ធនាគារ​កណ្តាល​នៅ​អាស៊ី​ មិន​រាប់​បញ្ចូល​ប្រទេស​ជប៉ុន​និង​ចិន​ ​ឱ្យ​បន្តរក្សា​នូវគោលនយោបាយ​រូបិយវត្ថុ​ ឱ្យ​តឹងរ៉ឹង​ដើម្បី​នាំ​ឱ្យ​អតិផរណា​ធ្លាក់​ចុះ​ ដែល​អាច​នៅ​តែ​មាន​កម្រិត​ខ្ពស់​ ដោយសារ​ផ្នែក​មួយ​នៃ​តម្រូវការ​ក្នុងស្រុក​ដ៏​រឹងមាំ៕

The post IMF៖ ​កំណើនសេដ្ឋកិច្ចអាស៊ីអាចកើនឡើងខ្លាំង តែវិស័យធនាគារនៅអាមេរិកប្រឈមហានិភ័យ appeared first on .

សំណង់​អគារការិយាល័យ​កណ្តាល ដែលជាកន្លែងស្នូលធំធ្វើការរបស់បណ្ឌិត អ៉ិន ចាន់នី ប្រធានអគ្គនាយកប្រតិបត្តិ អេស៊ីលីដា ចាប់​ផ្តើមសាងសង់​ក្នុង​ខែ​មករា ឆ្នាំ​២០១៣ ដែល​មាន​កម្ពស់ ២០ជាន់ និង​អគារ​ក្រោមដី​ចំនួន ៤ជាន់ មាន​ផ្ទៃក្រឡា​បម្រើ​ការងារ​សរុប​ចំនួន ៤៣.០០០ ម៉ែត្រការ៉េ ហើយយចាយថវិកា​ចំនួនប្រមាណ ៧៦.៦៩៥.២២៤ ដុល្លារ​អាមេរិក។

អគារការិយាល័យ​កណ្តាល​នេះ គូស​ប្លង់​​ដោយ​ក្រុមហ៊ុន Aedas មាន​មូលដ្ឋាននៅ​ទីក្រុង​ហុងកុង និង​ក្រុមហ៊ុន iLi Consulting Engineers Mekong Ltd. ជា​ទីប្រឹក្សា​បច្ចេកទេស​ផ្នែក​វិស្វកម្ម, Optima Consultant Ltd. ជា​ទីប្រឹក្សា​បច្ចេកទេស​ផ្នែក​មេកានិក អគ្គិសនី និង​ប្រព័ន្ធ​បណ្តាញ​ទឹក និង BK Asia Pacific ជា​ទីប្រឹក្សា​ផ្នែក​គ្រប់គ្រង​ចំណាយ។

អគារ​នេះសាងសង់ដោយ​ក្រុមហ៊ុន HYUNDAI Eengineering Co., Ltd. ប្រើប្រាស់​រយៈពេល​សាងសង់​ចំនួន ៣៤ខែ បំពាក់​ទៅ​ដោយ​ឧបករណ៍​​សម្ភារ​ការិយាល័យ​ទំនើប និង​ទាន់សម័យ ព្រមទាំង​មានប្រព័ន្ធ​ការពារ​សន្តិសុខ ការសន្សំសំចៃ​ថាមពល​ប្រើប្រាស់ ការបង្ការ​អគ្គិភ័យ បណ្តាញ​ត្រួតពិនិត្យ និង​ប្រព័ន្ធ​ទូរគមនាគមន៍ ហើយនិង​ប្រព័ន្ធ​គាំទ្រ​បច្ចេកវិជ្ជា​ព័ត៌មាន រួមទាំង​មានកន្លែង​សម្រាប់​ចតយានយន្ត​គ្រប់ប្រភេទ​ចំនួន ១.២៣៩ គ្រឿង និងមាន​អាហារដ្ឋាន​សម្រាប់​បុគ្គលិក​ដែលប្រកបដោយ​ផាសុកភាព​ខ្ពស់៕

The post តើបណ្ឌិត អ៉ិន ចាន់នី ចាយលុយអស់ប៉ុន្មានសង់អគារការិយាល័យកណ្តាល ធនាគារ អេស៊ីលីដា? appeared first on .

សញ្ញាបត្របណ្ឌិតនេះ ត្រូវបានផ្តល់ជូនដោយពិនិត្យឃើញយ៉ាងជាក់ច្បាស់លើស្នាដៃព្រមទាំងសមិទ្ធផលដ៏ធំធេង ដែលលោកបានរួមចំណែកក្នុងវិស័យសេដ្ឋកិច្ច ការគ្រប់គ្រងអាជីវកម្ម និងសង្គមកិច្ចពោរពេញដោយទេពកោសល្យ ចំណេះដឹង ជំនាញនិងប្រកបដោយវិជ្ជាជីវៈ។

លោក លឹម អូន បច្ចុប្បន្នកំពុងកាន់តំណែងជាសមាជិកក្រុមប្រឹក្សាភិបាល និងជាអគ្គនាយកនៃធនាគារសហគ្រាសធុនតូច និងមធ្យម កម្ពុជា។ ក្រៅពីនេះ លោកធ្លាប់កាន់ដំណែងជា ប្រធាននាយកប្រតិបត្តិធនាគារ ស្ថាបនា ដោយនៅទីនោះ លោកមានភារកិច្ចដឹកនាំ និងទទួលខុសត្រូវលើស្ថាប័នហិរញ្ញវត្ថុដ៏ធំមួយនៅកម្ពុជា ដែលមានទ្រព្យសកម្មជាង ២ពាន់លានដុល្លារអាមេរិក។

លោកក៏មានបទពិសោធន៍ជាង ២០ឆ្នាំជាមួយគ្រឹះស្ថានហិរញ្ញវត្ថុ និងក្រុមហ៊ុនសវនកម្មអន្តរជាតិដោយកាន់តួនាទីជាសវនករជាន់ខ្ពស់នៅក្រុមហ៊ុន ខេភីអឹមជី នៅកម្ពុជា និងប្រទេសម៉ាឡេស៊ី ចាប់ពីឆ្នាំ១៩៩៧ រហូតដល់ឆ្នាំ២០០២។

ក្នុងឆ្នាំ២០០២ លោកបានចាប់ផ្តើមបម្រើការងារនៅធនាគារវឌ្ឍនៈ របស់មហាសេដ្ឋី សំ អាង អគ្គនាយកក្រុមហ៊ុន វឌ្ឍនៈ កាលពីតាល់ ដោយត្រូវបានតែងតាំងក្នុងមុខតំណែងជាច្រើនដូចជា៖ អ្នកគ្រប់គ្រងជាន់ខ្ពស់របស់សាខាកណ្តាល ជានាយកនាយកដ្ឋានហិរញ្ញវត្ថុ និងរតនាគារ ជានាយកនាយកដ្ឋានប្រតិបត្តិការ និងចុងក្រោយកាន់តំណែងជាអគ្គនាយករងរបស់ធនាគារវឌ្ឍនៈរហូតដល់ចុងឆ្នាំ២០១២។

តាមរយៈពេលជាង ២០ឆ្នាំក្នុងការបំពេញការងារនេះហើយ លោក លឹម អូន ត្រូវបានសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា សម្រេចតែងតាំងជាសមាជិកក្រុមប្រឹក្សាភិបាល និងជាអគ្គនាយកនៃធនាគារសហគ្រាសធុនតូច និងមធ្យម កម្ពុជា ឬ ធ.ស.ក តាមរយ:អនុក្រឹត្យ ចុះថ្ងៃទី ១៧ សីហា ឆ្នាំ២០២១៕

The post អតីតអគ្គនាយករងធនាគារ វឌ្ឍនៈ ទទួលបានសញ្ញាបត្របណ្ឌិតផ្នែកគ្រប់គ្រង ពីប្រទេសបារាំង appeared first on .

ការបោះឆ្នោតនេះធ្វើឡើងក្នុងមហាសន្និបាតប្រចាំឆ្នាំលើកទី១៦ របស់សមាគមមីក្រូហិរញ្ញវត្ថុកម្ពុជា នៅសណ្ឋាគារភ្នំពេញ នាថ្ងៃទី១១ ខែកុម្ភៈ ឆ្នាំ២០២២ ដែលមានការចូលរួមពីសមាជិកសមាជិកាជាង ១០០ស្ថាប័ននៅកម្ពុជា។

បេក្ខជន១១រូបផ្សេងៗទៀត ដែលកំពុងថ្នាក់ដឹកនាំធនាគារ និងគ្រឹះស្ថានហិរញ្ញវត្ថុ ក៏ត្រូវបានបោះឆ្នោតជ្រើសរើសធ្វើជាសមាជិកក្រុមប្រឹក្សាភិបាលសមាគមសម្រាប់អាណត្តិ ២០២២ដល់២០២៣ រួមមាន៖

១. លោក គា បូរាណ ជាសមាជិក មកពីគ្រឹះស្ថានមីក្រូហិរញ្ញវត្ថុ អេអឹមខេ
២. លោក ដុស ឌីន មកពីគ្រឹះស្ថានមីក្រូហិរញ្ញវត្ថុ អម្រឹត
៣. ឧកញ៉ា ប៊ុន មុន្នី មកពីគ្រឹះស្ថានមីក្រូហិរញ្ញវត្ថុ វិថី
៤. លោក អ៊ុំ សមអឿន មកពីគ្រឹះស្ថានមីក្រូហិរញ្ញវត្ថុ ប្រាសាក់
៥. លោក ចាន់ ម៉ាច មកពីធនាគារ ហ្វីលីព
៦. ឧកញ៉ា ហួត អៀងតុង មកពីធនាគារ ហត្ថា
៧. អ្នកស្រី តុប សុក្រសម្ភារ មកពីធនាគារអ៊ូរី
៨. លោក ប៉ា ប៉ុណ្ណរិទ្ធី មកពីគ្រឹះស្ថានមីក្រូហិរញ្ញវត្ថុ ម៉ាក់ស៊ីម៉ា
៩. លោក ឃូ ប៊ុនទ្រី មកពីគ្រឹះស្ថានមីក្រូហិរញ្ញវត្ថុ ហ្វូណន
១០. លោក ឡាវ ប៉ូគៀត មកពីគ្រឹះស្ថានភតិសន្យា អាយហ្វាយណាន់
១១. លោក ផេង ភាព មកពីគ្រឹះស្ថានឥណទានជនបទ ស៊ីខេអិលអេស

សូមជម្រាបជូនថា សមាគមមីក្រូហិរញ្ញវត្ថុកម្ពុជា គឺជាសមាគមវិជ្ជាជីវៈមិនរកប្រាកចំណេញ មានគោលដៅធានាឲ្យបានថា ប្រជាជនកម្ពុជាគ្រប់រូបទទួលបាននូវសេវាហិរញ្ញវត្ថុផ្លូវការប្រកបដោយភាពសំបូរបែបទាន់ពេលវេលាតាមរយៈការប្រព័ន្ធហិរញ្ញវត្ថុប្រកបដោយនិរន្តរភាព។

ដើម្បីអាចសម្រេចគោលដៅនេះបាន សមាគម នឹងសម្របសម្រួលជាមួយប្រតិបត្តករ ព្រមទាំងពង្រឹងទំនាក់ទំនងជាមួយអាជ្ញាធរ ម្ចាស់ជំនួយ អ្នកផ្តល់ឥណទាន និងវិនិយោគគិន៕

The post សមាគមមីក្រូហិរញ្ញវត្ថុកម្ពុជា តែងតាំងសមាសភាពថ្នាក់ដឹកនាំថ្មី ចំនួន ១៣រូបជាម្ចាស់ធនាគារ និងគ្រឹះស្ថានហិរញ្ញវត្ថុល្បីៗ appeared first on .

លោក ផល វ៉ាន់ឌី បានបញ្ជាក់យ៉ាងដូច្នេះថា ៖ ” ខ្ញុំសូមអំពាវនាវដល់បងប្អូនប្រជាពលរដ្ឋ ឱ្យប្រើប្រាស់សេវាហិរញ្ញវត្ថុ ដែលមានការទទួលស្គាល់ ដោយធនាគារជាតិនៃកម្ពុជា ដែលជាសេវាហិរញ្ញវត្ថុ មានកិច្ចគាំពារដល់អតិថិជន ” ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងនោះដែរ នាយកប្រតិបត្តិសមាគមមីក្រូហិរញ្ញវត្ថុកម្ពុជា បានបន្ថែមទៀតថា ការចូលរួមរបស់បងប្អូន គឺដើម្បីការពារភាពរឹងមាំ នៃវិស័យមីក្រូហិរញ្ញវត្ថុ ដើម្បី​ចៀសវាងការប្រើប្រាស់សេវាមិនផ្លូវការ ដែលអាចផ្តល់​ហានិភ័យ​ខ្ពស់ ។

សមាគមហីក្រូហិរញ្ញវត្ថុកម្ពុជា គឺជាស្ថាប័នដែលមិនរកប្រាក់ចំណេញ មានគោលដៅធានាឱ្យបានថាប្រជាជានកម្ពុជាគ្រប់រូបទទួលបាន សេវាហិរញ្ញវត្ថុផ្លូវការប្រកបដោយ​​​និរន្តរភាព​។   

គួរបញ្ជាក់ថា គិតត្រឹមថ្ងៃទី៦ ខែមេសា ឆ្នាំ២០២១ គ្រឹះស្ថានមីក្រូហិរញ្ញវត្ថុទាំងអស់នៅកម្ពុជា មានអតិថិជនសរុបប្រមាណជាង ២លាននាក់ ដែលខ្ចីប្រាក់សរុបប្រមាណ ៦ពាន់លានដុល្លារសហរដ្ឋអាមេរិក។ ក្នុងចំណោមអតិថិជនប្រមាណ ២លាននាក់នោះ គឺមានអតិថិជនប្រមាណ៣០ម៉ឺននាក់ ពួកគាត់បានស្នើសុំគ្រឹះស្ថានមីក្រូហិរញ្ញវត្ថុជួយរៀបចំឥណទានឡើងវិញ ដោយមានទំហំទឹកប្រាក់ជាង១ ៤០០លានដុល្លារសហរដ្ឋអាមេរិក។ នេះបើតាមការបញ្ជាក់ឱ្យដឹងរបស់លោក កាំង តុងងី ប្រធាននាយកដ្ឋានទំនាក់ទំនង និងជាអ្នកនាំពាក្យសមាគមមីក្រូហិរញ្ញវត្ថុកម្ពុជា ៕

The post ហេតុអ្វីប្រជាជនកម្ពុជា ត្រូវប្រើសេវាហិរញ្ញវត្ថុណាទទួលស្គាល់ដោយធនាគារជាតិ? appeared first on .

ដោយឡែកសម្រាប់វិស័យធនាគារ និងហិរញ្ញវត្ថុ វិញក៏ជួបបញ្ហាប្រឈមនឹងការកាត់បន្ថយបុគ្គលិក ហើយអាចឈានទៅបិទទ្វារតែម្តង ប្រសិនបើស្ថានភាពកូវីដ១៩ អូសបន្លាយពេលយូតទៅទៀត។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ទាក់ទងនឹងបញ្ហាប្រឈមផ្នែកឯកជនពាក់ព័ន្ធនឹងវិស័យសេវាធនាគារ និងហិរញ្ញវត្ថុ ដែលមានការប៉ះពាល់ក្នុងបរិបទនៃជំងឺរាតត្បាតសកលកូវីដ-១៩ ត្រូវបានសភាពាណិជ្ជកម្មកម្ពុជា រៀបចំកិច្ចប្រជុំក្រុមការងារក្រុមការងារ “ង” “ផ្នែកសេវាធនាគារ និងហិរញ្ញវត្ថុ” ផ្នែកឯកជន នៃវេទិការាជរដ្ឋាភិបាល-ផ្នែកឯកជន ដើម្បីប្រមូលយកបញ្ហាប្រឈម កង្វល់ សំណូមពរ របស់ផ្នែកឯកជនទាំងអស់ ដើម្បីស្នើសុំដំណោះស្រាយពីសំណាក់ដៃគូគឺធនាគារជាតិ នៃកម្ពុជា និងស្ថាប័នរដ្ឋពាក់ព័ន្ធមួយចំនួនទៀតនាពេលខាងមុខ។

កិច្ចប្រជុំនេះធ្វើឡើងនៅថ្ងៃទី៩ ខែកក្កដានេះ តាមប្រព័ន្ធវីដេអូអនឡាញហ្សូម ដឹកនាំដោយលោកបណ្ឌិត អ៉ិន ចាន់នី សហប្រធានក្រុមការងារ “ង” “ផ្នែកសេវាធនាគារ និងហិរញ្ញវត្ថុ” ផ្នែកឯកជន ក៏មានការចូលរួមពីសំណាក់ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា និងអ្នកសម្របសម្រួលក្រុមការងារទាំង១៣ផ្នែកឯកជន លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា តំណាងសមាគមគ្រឹះស្ថានធនាគារ-មីក្រូហិរញ្ញវត្ថុ នឹង តំណាងក្រុមហ៊ុន សមាគមធានារាប់រង និងសមាជិក សមាជិកាពាក់ព័ន្ធនឹងវិស័យនេះជាច្រើនទៀតផងដែរ។

កិច្ចប្រជុំបានពិគ្រោះពិភាក្សាទៅលើបញ្ហាប្រឈម កង្វល់ សំណើសំណូមពរដែលនៅសេសសល់ពុំទាន់ដោះស្រាយជាច្រើន និងឯកភាពគ្នាក្នុងការដាក់បញ្ចូលថ្មីៗមួយចំនួនទៀតទៅក្នុងការស្នើសុំដំណោះស្រាយ ការបំភ្លឺពីសំណាក់ដៃគូរដ្ឋាភិបាលពាក់ព័ន្ធ។

គួររម្លឹកជូនថា នៅដើមខែមេសា ឆ្នាំ២០២១នេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុនៅកម្ពុជា សម្រេចលើកលែងដល់អតិថិជនមិនឱ្យបង់ការប្រាក់ ពន្យារបង់ប្រាក់ដើម និងរួចពីការផាកពិន័យចាប់ពី១ខែដល់៦ខែ បើអតិថិជនទាំងនោះមានជាប់​ពាក់ព័ន្ធនឹងជំងឺកូវីដ-១៩។

ការសម្រេចនេះ ធ្វើឡើងបន្ទាប់ពីក្រុមអង្គការសង្គមស៊ីវិល​ សហជីព និងសមាគមជាង១០០ បានស្នើសុំទៅរាជរដ្ឋាភិបាល ចេញវិធានការណែនាំដល់គ្រឹះស្ថានមីក្រូហិរញ្ញវត្ថុ និងធនាគារ ក្នុងការផ្អាកបង់សងប្រាក់កម្ចី​ និងការប្រាក់ទាំងអស់សម្រាប់​រយៈពេល​យ៉ាងតិច ៣ខែ​ ដើម្បី​ឲ្យ​អ្នកខ្ចីប្រាក់​មានឱកាស​ក្នុងការ​ស្នាក់នៅផ្ទះ​ និង​រក្សាសុវត្ថិភាពរបស់ពួកគេ​ក្នុងអំឡុងពេល​ផ្ទុះឡើង​នៃវីរុសកូវីដ១៩នេះ​។

ស្របពេលដែលជំងឺកូវីដ-១៩ កំពុងឆ្លងរាលដាលខ្លាំងក្នុងព្រឹត្តិការណ៍សហគមន៍២០កុម្ភៈនេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុនៅកម្ពុជា ក៏បានសម្រេច​​រៀបចំឥណទានឡើងវិញ ពន្យារពេល​បង់ប្រាក់ដើម លើកលែងបង់ការប្រាក់ និងមិនធ្វើការផាកពិន័យចាប់ពី១ខែដល់៦ខែ បើសិនជាអតិថិជនទាំងនោះជាប់ធ្វើចត្តាឡីស័ក ឬឆ្លងជំងឺកូវីដ-១៩ ឬទទួលមរណភាពដោយជំងឺកូវីដ-១៩ ជាដើម៕

The post បញ្ហាប្រឈមផ្នែកឯកជនពាក់ព័ន្ធនឹងវិស័យសេវាធនាគារ និងហិរញ្ញវត្ថុ ត្រូវបានសភាពាណិជ្ជកម្មកម្ពុជា លើកមកជជែករកដំណោះស្រាយហើយ appeared first on .

ធនាគារ វឌ្ឍនៈ ទទួលបានចំណាត់ថ្នាក់ជាធនាគារដែលមាន “សុវត្ថិភាព” ពីធនាគារជាតិនៃកម្ពុជា ក្រោយចុះត្រួតពិនិត្យ និងវាយតម្លៃដោយផ្ទាល់។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ឧកញ៉ាញូស៍ សូមណែនាំប្រិយមិត្តមកស្គាល់ CEO ធនាគារ វឌ្ឍនៈ ដែលកំពុងសាងភាពល្បីល្បាញជាង ២ទស្សវត្សន៍មកហើយ តើគាត់ជានរណា? គ្មាននរណាក្រៅពីលោក ចាន់ កុកចយ ដែលជាជនជាតិម៉ាឡេស៊ី ជានាយក​ប្រតិបត្តិនៃធនាគារ វឌ្ឍនៈ (Chief Executive Officer of Vattanac Bank) ជាថ្នាក់ដឹកនាំដ៏ឆ្នើមក្នុងការនាំមកនូវភាពជោគជ័យដ៍អស្ចារ្យ ហើយរក្សាកិត្តិនាមល្បាញល្បី និងឈរលើលេខរៀងលំដាប់កំពូលមួយក្នុងឧស្សាហកម្មធនាគារនៅប្រទេសកម្ពុជា។

លោក ចាន់ កុកចយ បានចូលបំរើការងារជាអគ្គនាយកប្រតិបត្តិនៅធនាគារ វឌ្ឍនៈ ក្នុងខែកក្ដដា ឆ្នាំ ២០០២ បន្ទាប់មកក៏ត្រូវបានតែងតាំងជានាយកប្រតិបត្តិនៃក្រុមប្រឹក្សាភិបាល នៅខែមិថុនា ឆ្នាំ ២០០៧។

ក្នុងឆ្នាំ ១៩៨៤ លោកទទួលបានបរិញ្ញាបត្រកិត្តិយស ផ្នែកសេដ្ឋកិច្ច និងគ្រប់គ្រង ពីសាកលវិទ្យាល័យ Sains នៅប្រទេសម៉ាឡេស៊ី។ លោកមានបទពិសោធន៍ជោគជាំក្នុងវិស័យធនាគារជាង ៣៦ ឆ្នាំ ដូចជាកាន់តួនាទីជាអ្នកគ្រប់គ្រងតាមបណ្តាលសាខាធនាគារ Public Bank Berhad ប្រទេសម៉ាឡេស៊ី ពីឆ្នាំ ១៩៨៨ ដល់ ឆ្នាំ ១៩៩១។ ហើយពីឆ្នាំ ១៩៩៩ ដល់ឆ្នាំ២០០២ ជាអគ្គនាយកធនាគារកម្ពុជាសាធារណៈ Cambodian Public Bank នៅប្រទេសវៀតណាម។

ធនាគារ វឌ្ឍនៈ ក្រោមការដឹកនាំ និងគ្រប់គ្រងដោយផ្ទាល់ជាមួយយុទ្ធសាស្រ្តដ៏វែងឆ្ងាយរបស់លោក ចាន់ កុកចយ និងថ្នាក់ដឹកនាំសំខាន់ជាច្រើនទៀត បានប្រែក្លាយជាធនាគារឈានមុខគេមួយ និងទទួលបានជោគជ័យជាជំហានៗក្នុងពិភពជំនួញនៅកម្ពុជា មកឲ្យមហាសេដ្ឋី សំ អាង ប្រធានក្រុមប្រឹក្សាភិបាល ជាសហស្ថាបនិក ភាគទុនិកបង្កើត ធនាគារ វឌ្ឍនៈ។

មួយវិញទៀត បើទោះស្ថិតជាស្ថិតក្នុងកាលៈទេសៈដ៏លំបាកនៃវិបត្តិកូវីដ-១៩ យ៉ាងណាក៏ដោយ ធនាគារ វឌ្ឍនៈ បានបន្តបង់ពន្ធជូនរដ្ឋតាមជាច្បាប់ជាធរមាន រហូតត្រូវបានទទួលស្គាល់ជាសហគ្រាសបង់ពន្ធច្រើនជាងគេលំដាប់ទី៧០ នៅកម្ពុជា ហើយត្រូវបានអគ្គនាយកដ្ឋានពន្ធដារកម្ពុជាផ្តល់វិញ្ញាបនបត្រអនុលោមភាពសារពើពន្ធប្រភេទ “មាស” សម្រាប់ឆ្នាំ២០២០ និង២០២១ ជាធនាគារដែលបានបំពេញកាតព្វកិច្ចសារពើពន្ធបានគ្រប់លក្ខណៈវិនិច្ឆ័យ ស្របតាមបទប្បញ្ញត្តិជាធរមាន។

គួររម្លឹកជូនថា កាលពីថ្ងៃសៅរ៍ ទី១៩ ខែមិថុនា ឆ្នាំ២០២១ ធនាគារ វឌ្ឍនៈ បានប្រារព្ធពិធីបើកដំណើរការសាខានៅខេត្តរតនគិរីបន្ថែម ដែលស្ថិតនៅគារលេខ ០២៩ ផ្លូវលេខ ៧៨ ភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។

បច្ចុប្បន្ន ធនាគារ វឌ្ឍនៈ មានចំនួន ២៥ សាខា ដែលនៅរាជធានីភ្នំពេញមាន ១២សាខា និងនៅតាមបណ្តាខេត្តមាន ១៣សាខា ដូចជា ខេត្តសៀមរាប ខេត្តបាត់ដំបង ខេត្តកំពង់ស្ពឺ ខេត្តពោធិ៍សាត់ ខេត្តតាកែវ ខេត្តកំពង់ចាម ខេត្តត្បូងឃ្មុំ ខេត្តកំពង់ធំ ខេត្តបៃលិន ខេត្តបន្ទាយមានជ័យ ខេត្តកំពង់ឆ្នាំង ខេត្តក្រចេះ និងខេត្តរតនគិរី។

មុនដំណាច់ឆ្នាំ២០២១ នេះ ធនាគារ វឌ្ឍនៈ គ្រោងនឹងបើកឱ្យដំណើរការសាខាចំនួន ៤ ទៀត រួមមាន សាខាខេត្តព្រះវិហារ សាខាខេត្តបន្ទាយមានជ័យ សាខាខេត្តព្រៃវែង និងសាខាខេត្តឧត្តរមានជ័យផងដែរ៕

The post មកស្គាល់ CEO ធនាគារ វឌ្ឍនៈ របស់មហាសេដ្ឋី សំ អាង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តាម​រយៈ​​កិច្ច​​សម្ភាស​ជាមួយ​នឹង​គេហទំព័រ​Okhna News ​ អ្នក​ឧកញ៉ា ឡេង ​ណាវ៉ាត្រា​ បាន​បង្ហាញ​ពី​គោល​បំណង​ធំ​របស់​លោក​ ក្នុង​ការ​បង្កើត​គ្រឹះ​ស្ថាន​មីក្រូហិរញ្ញវត្ថុនាពេលនេះថា៖ “គោល​ដៅ​របស់​ខ្ញុំ​គឺ​ត្រូវ​សាង​សង់​គម្រោង​លំនៅឋាន​តម្លៃ​ ក្រោម​មធ្យម​នៅ​​ ​២៥ខេត្ត​ក្រុង​។ ដូច្នេះ​ហើយ​យើង​បង្កើត​គ្រឹះ​ស្ថាន មីក្រូហិរញ្ញវត្ថុ​នេះ​ ដើម្បី​ជួយ​សម្រួល​ដល់​អតិថិជន​ ដែល​ត្រូវ​បង់​រំលស់​រយៈ​ពេល​វែង​”​​។

គ្រឹះ​ស្ថានមីក្រូហិរញ្ញវត្ថុ ឡេង ណាវ៉ា​ត្រា ឃែភីថល ម.ក ​មាន​​ទី​ស្នាក់​ការ​កណ្ដាល​ស្ថិត​នៅ​លើ​អាគារ​លេខ H07 B នៃ​មហាវិថី​ អូស៊ី​ អាយ​ស៊ី​ ភូមិ គៀន​ឃ្លាំង​ សង្កាត់​ជ្រោយ​ចង្វា​ខណ្ឌ​ជ្រោយ​ចង្វា​ រាជ​ធានី​ភ្នំពេញ។

អភិបាល និង​ជា​នាយក​ប្រតិបត្តិ​ នៃ​គ្រឹះ​ស្ថាន​មីក្រូហិរញ្ញវត្ថុ ឡេង ណាវាត្រា ឃែភីថល ម.ក លោក សេង សុខុម មានប្រសាសន៍ថា៖ “ជា​ជំហាន​ដំបូង ​របស់​គ្រឹះ​ស្ថាន​មីក្រូហិរញ្ញវត្ថុ​​យើង​ខ្ញុំ​ គឺ​ផ្ដល់​សេវា​ឥណទាន ​សម្រាប់​អតិថិជន ដែល​ទិញ​លំនៅឋាន​របស់ ​បុរី ឡេង ណាវ៉ាត្រា”។​

លោក​បន្ត​ថា ​យើង​នឹង​រួម​សហការ​ ជាមួយ​នឹង​ដៃ​គូ ​ដែល​មាន​កន្លង​មក​ដើម្បី​អភិវឌ្ឍន៍​ និង​​ជួយ​សង្គម​ជាតិ​យើង​។ ជា​ការ​ពិត​ណាស់ វិស័យ​ហិរញ្ញវត្ថុ (មីក្រូហិរញ្ញវត្ថុ) គឺ​ជា​កាតាលីករ​ដ៏​សំខាន់​សម្រាប់​​ជួយ​អភិវឌ្ឍន៍​សេដ្ឋកិច្ច​សង្គម​កម្ពុជា ​យើង​ឱ្យ​មាន​ការ​ជឿន​លឿន​ដូច​ប្រទេស​ដទៃ​ទៀត​។ 

លោក​​បាន​បន្ថែម​ទៀត​ថា​ ៖ “អ្នកឧកញ៉ា ឡេង​ ណាវ៉ា​ត្រា​ ​បង្កើត​គ្រឹះ​ស្ថាន​មីក្រូហិរញ្ញវត្ថុ ​ឡេង ណាវ៉ា​ត្រា ឡើង​ដើម្បី ​ជួយ​សម្រួល​ដល់​បង​ប្អូន​ប្រជាពលរដ្ឋ​យើង ​ដែល​មាន​ចំណូល​ទាប​ (ក្រោម​មធ្យម)​ អាច​ទិញ​លំនៅឋាន​បាន​ស្នាក់​នៅ ​និង​បន្ត​ប្រកប ការងារ​បាន​ដោយ​រលូន​ និង​មាន​ភាព​កក់​ក្ដៅ ដល់​ការ​រស់​នៅ​ពិសេស​ដល់​ស្រទាប់​យុវវ័យ​”។​​ ​

គិតត្រឹមឆ្នាំ២០២១នេះ កម្ពុជា​មាន​គ្រឹះ​ស្ថាន​មីក្រូ ហិរញ្ញ​វត្ថុ​ ដែល​កំពុង​ប្រតិបត្តិការ​សរុប​ចំនួន​ ៨៣​គ្រឹះ​ស្ថាន ក្នុង​នោះ​ក៏​មាន​គ្រឹះ​ស្ថានមីក្រូហិរញ្ញវត្ថុ ឡេង ណាវ៉ាត្រា ឃែភីថល ម.ក ដែល​កំពុង​ត្រៀម​ខ្លួន​បម្រើ​ដល់​អតិថិជន​ផង​ដែរ​៕

The post មហាសេដ្ឋី​វ័យ​​​ក្មេង ឡេង ណាវ៉ាត្រា ​បោះទុន​វិនិយាគ​ក្នុង​វិស័យ​​មីក្រូហិរញ្ញវត្ថុ​​​ appeared first on .