ស្ថិតក្រោមរដ្ឋាភិបាលដែលគាំទ្រដោយសហរដ្ឋអាមេរិករបស់ប្រធានាធិបតីបណ្ដោះអាសន្ន លោកស្រី Delcy Rodriguez ការផលិត និងការនាំចេញប្រេងឆៅរបស់ប្រទេសវេណេស៊ុយអេឡា បានកើនឡើងយ៉ាងខ្លាំងនៅឆ្នាំនេះ ខណៈពេលដែលទីក្រុងវ៉ាស៊ីនតោន បានបន្ធូរបន្ថយទណ្ឌកម្ម និងក្រុមហ៊ុនបរទេសជាច្រើនបាននិងកំពុងពង្រីកគម្រោងប្រេង និងឧស្ម័ន នៅក្នុងប្រទេសអង្គការ OPEC។

យោងតាមក្រសួងប្រេងរបស់វេណេស៊ុយអេឡា បានព្យាករថាទិន្នផលប្រេងឆៅរបស់ខ្លួននឹងមានចំនួន ១,៣៧លានបារ៉ែលក្នុងមួយថ្ងៃ នៅចុងឆ្នាំនេះ ដែលនេះមានន័យនឹងកើនឡើង ២២% ធៀបទៅនឹងចុងឆ្នាំ២០២៥ និងជាចំនួនច្រើនបំផុតមិនធ្លាប់មាន គិតចាប់តាំងពីមានការដាក់ទណ្ឌកម្មថាមពលរបស់សហរដ្ឋអាមេរិក នៅឆ្នាំ២០១៩ មក។

យ៉ាងណាមិញ ជុំវិញកំណើននេះ ក៏បានអនុញ្ញាតឲ្យប្រទេសវេណេស៊ុយអេឡា បន្តការនាំចេញទៅកាន់ប្រទេសដែលពួកគេមិនអាចលក់ប្រេងឲ្យបាន ក្នុងរយៈពេលជាច្រើនឆ្នាំផងដែរ។

យោងតាមទិន្នន័យ និងឯកសារផ្លូវការបានបង្ហាញថា សហរដ្ឋអាមេរិកគឺជាគោលដៅដំបូងនៃការនាំចេញប្រេងរបស់ប្រទេសវេណេស៊ុយអេឡា ដែលមានប្រហែល ៥៥៨ ០០០ បារ៉ែលក្នុងមួយថ្ងៃ បន្ទាប់មកគឺប្រទេសឥណ្ឌា ដែលមាន ៤២៧ ០០០ បារ៉ែលក្នុងមួយថ្ងៃ និងអឺរ៉ុប ដែលមាន ១៦៩ ០០០ បារ៉ែលក្នុងមួយថ្ងៃ៕​

The post ការនាំចេញប្រេងរបស់វេណេស៊ុយអេឡា ហក់ឡើងខ្លាំង ចំពេលកំពុងមានវិបត្តិនៅមជ្ឈិមបូព៌ា appeared first on .

លោក Delcy បានប្រាប់អ្នកយកព័ត៌មាននៅខាងក្រៅតុលាការយុត្តិធម៌អន្តរជាតិ នៅប្រទេសហូឡង់ កាលពីថ្ងៃទី១១ ខែឧសភាថា ៖”យើងមិនដែលគិតពីលទ្ធភាពទាំងនោះទេ។ ប្រសិនបើមានរឿងមួយដែលប្រជាជនវេណេស៊ុយអេឡាតែងតែឱ្យតម្លៃ នោះគឺជាសេចក្តីស្រឡាញ់របស់ពួកគេចំពោះដំណើរការនៃការទទួលបានឯករាជ្យ និងការគោរពរបស់ពួកគេចំពោះវីរបុរសនៃឯករាជ្យភាពនោះ”។

ជុំវិញសេចក្តីថ្លែងការណ៍នេះ បានកើតឡើងត្រឹមតែមួយថ្ងៃប៉ុណ្ណោះ បន្ទាប់ពីប្រធានាធិបតី លោក ដូណាល់ ត្រាំ បានប្រាប់ទៅកាន់សារព័ត៌មាន Fox News ថា លោកកំពុងពិចារណាយ៉ាងម៉ត់ចត់ ក្នុងការធ្វើឱ្យប្រទេសវេណេស៊ុយអេឡាក្លាយជារដ្ឋទី៥១ របស់សហរដ្ឋអាមេរិក។

ជម្រាបជូនថា ចាប់តាំងពីបើកការវាយឆ្មក់ដែលបានឈានដល់ការចាប់ខ្លួនប្រធានាធិបតី លោក Nicolas Maduro និងភរិយារបស់លោកកាលពីខែមករាមក លោក ត្រាំ តែងបានបញ្ជាក់ម្តងហើយម្តងទៀតអំពីចេតនារបស់លោកក្នុងការគ្រប់គ្រងទៅលើប្រទេសវេណេស៊ុយអេឡាទាំងមូល៕​

The post វេណេស៊ុយអេឡា ច្រានចោលគំនិតរបស់លោក ត្រាំ ដែលចង់ឲ្យក្លាយជារដ្ឋទី៥១ របស់សហរដ្ឋអាមេរិក appeared first on .

យោងតាម​ការ​បង្ហោះសារ​មួយ នៅ​លើ​គេហទំព័រ​របស់​ការិយាល័យ​គ្រប់គ្រង​ទ្រព្យសម្បត្តិ​បរទេស​នៃ​ក្រសួង​រតនាគារ​សហរដ្ឋអាមេរិក បានបង្ហាញថា ឈ្មោះ​របស់​ប្រធានាធិបតី​ស្តីទី​​វេណេស៊ុយអេឡា លោកស្រី Delcy Rodriguez ត្រូវ​បាន​លុប​ចេញ​ពី “បញ្ជី​ទណ្ឌកម្ម”។

គួរឲ្យដឹងថាមេដឹកនាំបណ្តោះអាសន្នរបស់​ប្រទេស​វេណេស៊ុយអេឡា​រូបនេះ បាន​បង្ហាញការស្វាគមន៍​យ៉ាងខ្លាំងចំពោះការប្រកាសនេះ។ លោកស្រី​ថែមទាំងបាន​សរសេរ​នៅ​លើ​ប្រព័ន្ធ​ផ្សព្វផ្សាយ​សង្គម​របស់ខ្លួនថា សកម្មភាព​នេះ​គឺ​ជា​ផ្នែក​មួយ​នៃ​ដំណើរការធ្វើ​ឲ្យ​មាន​ប្រក្រតីភាព និង​ពង្រឹងទំនាក់ទំនង​ទ្វេភាគី​ជាមួយ​សហរដ្ឋអាមេរិក។

ជម្រាបជូនថា លោកស្រី Rodriguez ធ្លាប់បានបម្រើការជាអនុប្រធានាធិបតីក្រោមការដឹកនាមរបស់ប្រធានាធិបតីវេណេស៊ុយអេឡា លោក Nicolas Maduro ហើយត្រូវបានដាក់ទណ្ឌកម្មដោយទីក្រុងវ៉ាស៊ីនតោន ចំពោះតួនាទីសំខាន់របស់លោកស្រី នៅក្នុងជួររដ្ឋាភិបាល។ ប៉ុន្តែបន្ទាប់ពីការវាយឆ្មក់របស់សហរដ្ឋអាមេរិក នៅទីក្រុង Caracas ដែលបណ្តាលឲ្យមានការចាប់ខ្លួនប្រធានាធិបតី លោក Maduro និងភរិយារបស់លោកមក លោកស្រី Rodriguez បានក្លាយជាប្រធានាធិបតីបណ្តោះអាសន្ននៃប្រទេសវេណេស៊ុយអេឡា៕​

The post អាមេរិក សម្រេចលុបចោលទណ្ឌកម្មលើប្រធានាធិបតីស្តីទីរបស់ប្រទេសវេណេស៊ុយអេឡា appeared first on .

លោក ត្រាំ បានថ្លែងនៅក្នុងសន្និសីទសារព័ត៌មានមួយនៅរដ្ឋ Florida នៅថ្ងៃទី៩ ខែមីនាថា ៖”យើងបាននាំយកប្រេងចំនួន ១០០ លានបារ៉ែលរួចមកហើយ ដោយមាននៅក្នុងទីក្រុង Houston ។ ឥឡូវនេះពួកគេកំពុងបញ្ជូនប្រេងចំនួន ១០០ លានបារ៉ែលមកបន្ថែមទៀត។ វាដូចជាភាពជាដៃគូ។ យើងមានទំនាក់ទំនងល្អណាស់ជាមួយពួកគេ”។

គួរឲ្យដឹងថា កាលពីពីរថ្ងៃមុននេះ លោក ត្រាំ ក៏បានថ្លែងនៅក្នុងសន្និសីទមួយនៅរដ្ឋ Florida ថា សហរដ្ឋអាមេរិកកំពុងទទួលបានប្រេងយ៉ាងច្រើន ពីប្រទេសវេណេស៊ុយអេឡា។ ប្រធានាធិបតីរូបនេះ ថែមទាំងបានបង្ហាញទៀតថា ក្រុមហ៊ុនប្រេងធំៗជាច្រើនបានចូលរួម ហើយកំពុងរកលុយបានយ៉ាងច្រើនច្រើន ដូច្នេះសហរដ្ឋអាមេរិកក៏ទទួលបានផលខ្លះៗដែរ។

ជម្រាបជូនថា កាលពីចុងសប្តាហ៍មុន រដ្ឋមន្ត្រីក្រសួងមហាផ្ទៃ លោក Doug Burgum បាននិយាយថា រដ្ឋបាលលោក ត្រាំ កំពុងប្រែក្លាយប្រទេសវេណេស៊ុយអេឡាទៅជាអ្នកផ្គត់ផ្គង់ប្រេងដ៏សំខាន់មួយសម្រាប់សហរដ្ឋអាមេរិក។ ចលនានេះជួយទូទាត់ការរំខានដល់ការផ្គត់ផ្គង់ពីមជ្ឈិមបូព៌ា និងបន្ធូរបន្ថយសម្ពាធនៃវិបត្តិដឹកជញ្ជូនសកលបានមួយផ្នែក៕​

The post សហរដ្ឋអាមេរិក នឹងទទួលបានប្រេងរបស់ប្រទេសវេណេស៊ុយអេឡាចំនួន ១០០ លានបារ៉ែលបន្ថែមទៀត appeared first on .

អាជ្ញាប័ណ្ណ ដែលចេញដោយក្រសួងរតនាគារសហរដ្ឋអាមេរិកនេះ អនុញ្ញាតឲ្យមានសកម្មភាពមួយចំនួនដែលទាក់ទងនឹងការលក់ ការរក្សាទុក ឬការដឹកជញ្ជូនមាសមានដើមកំណើតនៅវេណេស៊ុយអេឡាសម្រាប់នាំចូលទៅក្នុងទឹកដីសហរដ្ឋអាមេរិក។

គួរឲ្យដឹងថាប្រតិបត្តិការដែលទាក់ទងនឹងការចម្រាញ់មាសនៅទឹកដីសហរដ្ឋអាមេរិក រួមទាំងការលក់បន្ត ឬការនាំចេញមាស ដោយអង្គភាពអាមេរិក ក៏ត្រូវបានអនុញ្ញាតផងដែរ។

យ៉ាងណាមិញ ជុំវិញការប្រកាសនេះបានកើតឡើងភ្លាមៗបន្ទាប់ពីរដ្ឋមន្ត្រីក្រសួងមហាផ្ទៃសហរដ្ឋអាមេរិក លោក Doug Burgum បានបញ្ចប់ដំណើរទស្សនកិច្ចរយៈពេលពីរថ្ងៃទៅកាន់ប្រទេសវេណេស៊ុយអេឡា ខណៈពេលប្រទេសទាំងពីរបាននិយាយថាពួកគេកំពុងស្តារទំនាក់ទំនងការទូតឡើងវិញ។

ជម្រាបជូនថា ក្រៅពីប្រេង ប្រទេសវេណេស៊ុយអេឡា ក៏សម្បូរទៅដោយរ៉ែសំខាន់ៗជាច្រើន ដូចជាមាស និងពេជ្រ ក៏ដូចជាបុកស៊ីត កូលតាន និងវត្ថុធាតុដើមដ៏កម្រផ្សេងទៀតដែលប្រើសម្រាប់ផលិតកុំព្យូទ័រ និងទូរស័ព្ទចល័ត៕

The post រដ្ឋបាលលោក ត្រាំ​ អនុញ្ញាតឲ្យវេណេស៊ុយអេឡា លក់ចេញមាសមួយចំនួនរបស់ខ្លួន appeared first on .

លោក Wright បាននិយាយកាលពីថ្ងៃទី២៦ ខែកុម្ភៈថា អតិថិជនជាច្រើននៅអាស៊ី និងអឺរ៉ុបកំពុងចរចាកិច្ចព្រមព្រៀងនាំចូលប្រេងនាពេលអនាគតដ៏ខ្លីខាងមុខ ដោយប្រេងចំនួន ៤០ លានបារ៉ែលនឹងត្រូវលក់ចេញ នៅចុងខែកុម្ភៈ ក្នុងតម្លៃប្រហែល ៥០ដុល្លារក្នុងមួយបារ៉ែល។

លើសពីនេះ លោក Wright បញ្ជាក់ទៀតថា​៖”ប្រេងភាគច្រើននឹងត្រូវបានដឹកជញ្ជូនទៅកាន់ទឹកដីសហរដ្ឋអាមេរិកដែលមានព្រំប្រទល់ជាប់ឈូងសមុទ្រម៉ិកស៊ិក ក៏ដូចជាប្រទេសឥណ្ឌា អាស៊ី និងអឺរ៉ុប។ រាល់ប្រេងដែលផលិតបាននឹងត្រូវលក់ចេញ ដូច្នេះសំណួរតែមួយគត់គឺថាតើវានឹងត្រូវលក់នៅឯណា” ។ លោកបន្ថែមថា ប្រាក់ចំណូលពីកិច្ចព្រមព្រៀងផ្គត់ផ្គង់ប្រេងរវាងសហរដ្ឋអាមេរិក និងប្រទេសវេណេស៊ុយអេឡាត្រូវបានគេរំពឹងថានឹងឈានដល់ ២ពាន់លានដុល្លារនៅខែនេះ។

ជម្រាបជូនផងដែរថា សហរដ្ឋអាមេរិក បានរឹបអូសការគ្រប់គ្រងការនាំចេញប្រេងរបស់វេណេស៊ុយអេឡា បន្ទាប់ពីចាប់ផ្តើមប្រតិបត្តិការដើម្បីចាប់ខ្លួនប្រធានាធិបតីលោក Nicolas Maduro និងភរិយារបស់លោក កាលពីដើមខែមករាកន្លងទៅ។ ហើយសម្រាប់ប្រាក់ចំណូលនឹងត្រូវផ្ទេរទៅកាន់មូលនិធិដែលត្រួតពិនិត្យដោយសហរដ្ឋអាមេរិក នៅប្រទេសកាតា៕

The post អាមេរិក ថាការលក់ប្រេងរបស់ប្រទេសវេណេស៊ុយអេឡាកើនឡើងជិត ២ពាន់លានដុល្លារ appeared first on .

លោក ត្រាំ បាននិយាយប្រាប់ទៅកាន់អ្នកយកព័ត៌មាននៅសេតវិមានកាលពីថ្ងៃទី១៣ ខែកុម្ភៈថាលោកនឹងធ្វើដំណើរទេស្សនកិច្ចវេណេស៊ុយអេឡា ប៉ុន្តែមិនទាន់បានកំណត់កាលបិរច្ឆេទជាក់លាក់សម្រាប់ទស្សនកិច្ចនេះនៅលើយនោះទេ។

យ៉ាងណាមិញ​ ប្រសិនបើផែនការនេះដំណើរការទៅមុខ នោះលោក ត្រាំ នឹងក្លាយជាប្រធានាធិបតីអាមេរិកដំបូងគេដែលបានទៅទស្សនកិច្ចប្រទេសវេណេស៊ុយអេឡា ពោលគឺគិតចាប់តាំងពីដំណើរទស្សនកិច្ចរបស់ប្រធានាធិបតី Bill Clinton ក្នុងឆ្នាំ១៩៩៧ មក។

មិនតែប៉ុណ្ណោះ លោក ត្រាំ បាននិយាយសំដៅលើប្រធានាធិបតីបណ្តោះអាសន្នរបស់វេណេស៊ុយអេឡា លោកស្រី Delcy Rodriguez ថា៖”​ យើងមានទំនាក់ទំនងជាមួយគ្នាល្អណាស់ ហើយអាមេរិកកំពុងធ្វើការយ៉ាងជិតស្និទ្ធជាមួយលោកស្រី Rodriguez លើការទទួលបានប្រេងរបស់ប្រទេសក្នុងតំបន់អាមេរិកខាងត្បូងមួយនេះ”។

គួរឲ្យដឹងផងដែរថា ក្នុងថ្ងៃដដែលនោះ ក្រសួងរតនាគារសហរដ្ឋអាមេរិកបានប្រកាសពីការបន្ធូរបន្ថយទណ្ឌកម្មមួយចំនួនលើវិស័យថាមពលរបស់ប្រទេសវេណេស៊ុយអេឡា ដែលជាការបន្ធូរបន្ថយភាពតានតឹងដ៏ធំបំផុតចាប់តាំងពីមានការវាយឆ្មក់របស់ទីក្រុងវ៉ាស៊ីនតោនកាលពីខែមុន ដែលបានចាប់ខ្លួនលោក Maduro និងភរិយារបស់លោកមក។

ជម្រាបជូនថា ចាប់តាំងពីការចាប់ខ្លួនលោក Maduro ក្នុងប្រតិបត្តិការយោធានៅថ្ងៃទី៣ ខែមករា សហរដ្ឋអាមេរិក និងរដ្ឋាភិបាលបណ្តោះអាសន្នរបស់វេណេស៊ុយអេឡា បានឈានដល់កិច្ចព្រមព្រៀងជាច្រើន រួមទាំងកិច្ចសហប្រតិបត្តិការលើប្រេងដែលមានតម្លៃប្រហែល ២ពាន់លានដុល្លារ និងផែនការកសាងឡើងវិញចំនួន ១០០ពាន់លានដុល្លារសម្រាប់ឧស្សាហកម្មនេះ ផងដែរ៕​

The post លោក ត្រាំ ប្រកាសថានឹងធ្វើដំណើរទស្សនកិច្ចទៅកាន់ប្រទេសវេណេស៊ុយអេឡាជាលើកដំបូង appeared first on .

យោងតាមលោកស្រី Rodriguez បានិយាយនៅក្នុងព្រឹត្តិការណ៍មួយ កាលពីថ្ងៃទី២០ ខែមករា នៅទីក្រុង Caracas ថា៖ “ខ្ញុំមានសេចក្តីសោមនស្សរីករាយក្នុងការប្រកាសថា យើងបានទទួលទឹកប្រាក់ចំនួន ៣០០ លានដុល្លារដំបូងពីប្រាក់ចំណូលពីការលក់ប្រេងរបស់យើង”។

លោកស្រី Rodriguez ក៏សង្កត់ធ្ងន់ទៀតថា មូលនិធិនេះនឹងត្រូវបានប្រើប្រាស់ដើម្បីពង្រឹងរូបិយប័ណ្ណរបស់ប្រទេសវេណេស៊ុយអេឡា ដោយវានឹងជួយការពារប្រាក់ចំណូល និងអំណាចនៃការទិញរបស់កម្មករ។

មិនតែប៉ុណ្ណោះ នៅថ្ងៃដដែលនោះ ប្រធានាធិបតីអាមេរិក លោក ដូណាល់ ត្រាំ បានប្រកាសថា ទីក្រុងវ៉ាស៊ីនតោនបានទទួលប្រេងចំនួន ៥០ លានបារ៉ែល ពីទីក្រុង Caracas ហើយកំពុងលក់ដាក់មួយចំនួននៅលើទីផ្សារ។ តែទោះជាយ៉ាងណាក៏ដោយ យោងតាម Reuters បានរាយការណ៍ថា ប្រេងទាំងនោះនៅមិនទាន់ចាកចេញពីកំពង់ផែនៅឡើយទេ។

គួរឲ្យដឹងថា បន្ទាប់ពីមានប្រតិបត្តិការវាយប្រហារតាមផ្លូវអាកាសរបស់អាមេរិក ដែលបានចាប់ខ្លួនប្រធានាធិបតី លោក Nicolas Maduro និងភរិយារបស់លោក កាលពីថ្ងៃទី៣ ខែមករា មក ប្រធានាធិបតី លោក ត្រាំ និងមន្ត្រីសេតវិមានបានប្រកាសថាពួកគេនឹងគ្រប់គ្រងការលក់ប្រេងរបស់វេណេស៊ុយអេឡាដោយគ្មានការកំណត់ ប៉ុន្តែបានទទូចថាសហរដ្ឋអាមេរិក មិនលួចប្រេងពីប្រទេសនេះនោះឡើយ។

ជម្រាបជូនថា ប្រាក់ចំណូលពីការលក់ប្រេងនឹងត្រូវបានផ្ទេរទៅគណនីដែលគ្រប់គ្រងដោយរដ្ឋាភិបាលសហរដ្ឋអាមេរិក ហើយបន្ទាប់មកផ្ទេរត្រឡប់ទៅប្រទេសវេណេស៊ុយអេឡាវិញដើម្បីបម្រើប្រជាជន៕​

The post វេណេស៊ុយអេឡា ទទួលបានលុយ ៣០០លានដុល្លារ​ ក្រោមកិច្ចព្រមព្រៀងលក់ប្រេងដំបូងឲ្យអាមេរិក appeared first on .

នៅពេលត្រូវបានសួរនាំថាតើរដ្ឋបាលរបស់លោក នៅតែបន្តគាំទ្រដល់ប្រទេសវេណាស៊ុយអេឡាឲ្យនៅតែស្ថិតនៅក្នុងអង្គការ OPEC ឬអត់ ខណៈលោក លោក ត្រាំ​ បានឆ្លើយតបវិញថា​៖”​ ខ្ញូំគិតថាវាគឺជារឿងល្អប្រសើរសម្រាប់ពួកគេ ប្រសិនបើពួកគេធ្វើវា”។

ប៉ុន្តែទោះជាយ៉ាងណាក៏ដោយ លោក ត្រាំ ក៏បាននិយាយបន្ថែមទៀតថា លោកមិនច្បាស់លាស់នៅឡើយទេថា តើស្ថានភាពនោះអាចជារឿងល្អប្រសើរសម្រាប់អាមេរិកឬអត់នោះឡើយ។

គួរឲ្យដឹងថា ប្រទេសវេណេស៊ុយអេឡា ដែលជាសមាជិកស្ថាបនិកនៃអង្គការប្រេង ស្ថិតនៅលើកំពូលគេដែលជាប្រទេសមានទុនបំរុងប្រេងឆៅធំជាងគេរបស់ពិភពលោក ប៉ុន្តែទិន្នផលប្រេងរបស់ពួកគេបានធ្លាក់ចុះយ៉ាងខ្លាំង ក្នុងពេលប៉ុន្មានឆ្នាំថ្មីៗនេះ ដោយសារតែភាពចលាចលសេដ្ឋកិច្ច និងទណ្ឌកម្ម។

ទន្ទឹមនឹងនេះ​ លោក ត្រាំ ធ្លាប់បានព្យាយាមអះអាងចំពោះការគ្រប់គ្រងលើការផ្គត់ផ្គង់ប្រេងរបស់ប្រទេសវេណេស៊ុយអេឡា បន្ទាប់ពីសហរដ្ឋអាមេរិកបានបណ្តេញប្រធានាធិបតី នីកូឡាស ម៉ាឌូរ៉ូ ចេញពីតំណែង ក្នុងប្រតិបត្តិការមួយកាលពីដើមខែនេះ។

រដ្ឋបាលរបស់លោក ត្រាំ បាននិយាយថា ខ្លួននឹងត្រូវការគ្រប់គ្រងធនធានប្រេងរបស់ប្រទេសវេណេស៊ុយអេឡាដោយគ្មានកំណត់ ខណៈដែលខ្លួនកំពុងស្វែងរកការកសាងឡើងវិញនូវឧស្សាហកម្មប្រេងរបស់ប្រទេស និងដាក់សម្ពាធលើរដ្ឋាភិបាលទីក្រុងការ៉ាកាស៕​

The post លោក ត្រាំ​ គាំទ្រប្រទេសវេណេស៊ុយអេឡា ឲ្យនៅតែធ្វើជាសមាជិករបស់អង្គការនាំចេញប្រេង OPEC appeared first on .

យោងតាមច្បាប់ថ្មីដែលត្រូវបានចុះហត្ថលេខាលើដោយលោក ត្រាំ នេះ គឺមានន័យថាប្រាក់ចំណូលពីប្រទេសរបស់ប្រទេសវេណេស៊ុយអេឡា ដែលបច្ចុប្បន្នត្រូវបានរក្សាទុកនៅក្នុងគណនីសហរដ្ឋអាមេរិក នឹងត្រូវបានរក្សាទុកសម្រាប់តែគោលបំណងអធិបតេយ្យភាពប៉ុណ្ណោះ។ ហើយចំពោះដំណើរការតុលាការណាមួយដែលគោលបំណងរឹបអូសចំពោះមូលនិធីទាំងនេះ នឹងត្រូវបានចាត់ទុកថាជាការខូចខាតយ៉ាងធ្ងន់ធ្ងរដល់សន្តិសុខជាតិ និងគោលនយោបាយការបរទេសរបស់សហរដ្ឋអាមេរិក។

មិនតែប៉ុណ្ណោះ នៅក្នុងបទបញ្ជាប្រតិបត្តិនោះ លោក ត្រាំ បានប្រកាសពីភាពអាសន្នជាតិ ដោយបញ្ជាក់ថាមូលនិធិទាំងនេះគឺជាទ្រព្យសម្បត្តិអធិបតេយ្យភាពរបស់ប្រទេសវេណេស៊ុយអេឡាដែលកាន់កាប់ដោយសហរដ្ឋអាមេរិក សម្រាប់គោលបំណងរដ្ឋាភិបាល និងការទូត មិនមែនជាទ្រព្យសម្បត្តិឯកជនទេ។

ជម្រាបជូនផងដែរថា ច្បាប់ថ្មីនេះត្រូវបានធ្វើឡើង ពោលគឺបន្ទាប់ពីកងកម្លាំងអាមេរិកបានវាយឆ្មក់ចូលទីក្រុងការ៉ាកាស និងចាប់ខ្លួនប្រធានាធិបតីវេណេស៊ុយអេឡា លោក Nicolas Maduro និងភរិយារបស់លោក ក្រោមការចោទប្រកាន់ពីបទឧក្រិដ្ឋជាច្រើន រួមទាំងការជួញដូរគ្រឿងញៀនផងដែរ៕

The post លោក ត្រាំ ចុះហត្ថលេខាលើញត្តិការពារប្រាក់ចំណូលទទួលបានពីប្រេងរបស់ប្រទេសវេណេស៊ុយអេឡា appeared first on .