យោងតាមឯកសារពន្ធដែលទើបចេញផ្សាយថ្មី ហើយត្រូវបានពិនិត្យដោយកាសែត New York Times ក្នុងខែមករា ឆ្នាំ២០២៦ បានបង្ហាញឲ្យដឹងថា ការបរិច្ចាគនេះត្រូវបានធ្វើឡើង តាំងពីឆ្នាំ២០២៤ មកម្លេះ ដល់មូលនិធិ Pivotal Philanthropies ដែលជាអង្គការមិនស្វែងរកប្រាក់ចំណេញបង្កើតឡើងដោយលោកស្រី Melinda។

ហើយមិនតែប៉ុណ្ណោះ ចំពោះការបរិច្ចាគនេះផងដែរ ត្រូវបានធ្វើឡើង ដើម្បីជាការដោះស្រាយបណ្តឹងលែងលះ នៅក្នុងឆ្នាំ២០២១ របស់គូស្វាមីភរិយានេះ បន្ទាប់ពីការសម្រេចចិត្តរបស់ពួកគេក្នុងការបើកដំណើរការអង្គការសប្បុរសធម៌ឯករាជ្យ។

ជម្រាបជូនថា ការដោះស្រាយនេះ ក៏មានពាក់ព័ន្ធនឹងការបែងចែកទ្រព្យសម្បត្តិផ្ទាល់ខ្លួនយ៉ាងច្រើនផងដែរ រួមទាំងអចលនទ្រព្យដែលមានតម្លៃជាង ១៧០លានដុល្លារ ការប្រមូលស្នាដៃសិល្បៈចំនួន ១៣០លានដុល្លារ និងភាគហ៊ុនសំខាន់ៗរបស់ Microsoft។ បើយោងតាម Forbes បានប៉ាន់ប្រមាណថា ការផ្ទេរទាំងនេះបានធ្វើឱ្យលោកស្រី Melinda មានទ្រព្យសម្បត្តិសរុបប្រហែល ២៥ពាន់លានដុល្លារ៕​

The post លោក Bill Gates ផ្ទេរលុយជិត ៨ពាន់លានដុល្លារ ទៅអង្គការសប្បុរសធម៌ ដើម្បីដោះស្រាយបណ្តឹងលែងលះ appeared first on .

លោក Bill Gates ដែលជាសហស្ថាបនិករបស់ក្រុមហ៊ុន Microsoft បានប្រកាសកាលពីថ្ងៃទី៨ ខែឧសភាថា លោកគ្រោងនឹងលះបង់ទ្រព្យសម្បត្តិផ្ទាល់ខ្លួន ពោលគឺស្ទើតែទាំងស្រុង ដើម្បីផ្តល់ទៅកាន់មូលនិធិ Gates Foundation ហើយនឹងបិទវា ក្នុងរយ:ពេល ២០ឆ្នាំខាងមុខ។

គួរឲ្យដឹងថា យោងតាមទស្សនាវដ្ដី Forbes បានប៉ាន់ប្រមាណទ្រព្យសម្បត្តិរបស់លោក Gates មានចំនួនសរុបប្រមាណ ១១២ពាន់លានដុល្លារ ខណៈដែលសារព័ត៌មាននិយាយពីសេដ្ឋី Bloomberg ប៉ាន់ស្មានថាមានចំនួន ១៦៨ពាន់លានដុល្លារ។ ជាច្រើនឆ្នាំមកនេះ លោក Bill Gates បានសន្យាថានឹងលះបង់ទ្រព្យសម្បត្តិភាគច្រើនរបស់ខ្លួន តាមរយៈមូលនិធិសប្បុរសធម៌របស់គាត់។ ហើយកាលពីអំឡុងឆ្នាំ២០២២ លោកក៏ធ្លាប់បានបញ្ជាក់ផងដែរថា គោលដៅចុងក្រោយរបស់លោកគឺ ដកខ្លួនចេញពីបញ្ជីឈ្មោះអ្នកមានបំផុតរបស់ពិភពលោក។

ជម្រាបជូនផងដែរថា ចាប់តាំងពីការបង្កើតឡើងដំបូងក្នុងឆ្នាំ២០០០ មក មូលនិធិ Gates Foundation បានរួមចំណែកផ្តល់ជំនួយជាង ១០០ពាន់លានដុល្លាររួចមកហើយ ដើម្បីលុបបំបាត់ជំងឺ ភាពក្រីក្រ ប្រយុទ្ធប្រឆាំងនឹងការប្រែប្រួលអាកាសធាតុ និងពង្រីកលទ្ធភាពនូវការទទួលបានសុខភាព និងការអប់រំល្អ៕

The post កំពូលមហាសេដ្ឋី Bill Gates សន្យាផ្តល់ទឹកប្រាក់ ២០០ពាន់លានដុល្លារ ទៅក្នុងមូលនិធិសប្បុរសធម៌ appeared first on .

តាមរយៈវិដេអូខ្លីនេះភរិយាកំពូលតារាចម្រៀង ព្រាប សុវត្ថិ បានផ្តល់វិការផ្ទាល់ខ្លួនមួយចំនួនដល់បុរសពិការម្នាក់ដែលរស់នៅខេត្ត មណ្ឌលគីរី ក្នុងពេលដែលភរិយាលោកទៅមើលដីនិងដើរកម្សាន្ត ។

បើតាមប្រភពព័ត៌មានមួយបានបង្ហើបប្រាប់ថា នៅពេលដែលភរិយាលោក ព្រាប សុវត្ថិ ជួបបុរសពិការនោះ ឃើញថាគាត់ជួបនូវការលំបាកខ្លាំងពេក ក៏កើតចិត្តអាណិតនិងផ្តល់ថវិការផ្ទាល់ខ្លួនមួយចំនួន ទុកជួយសម្រួលជីវភាពរបស់គាត់និងកូនៗ ។

ប្រភពព័ត៌មាននោះបានបន្តទៀតថា បុរសពិការម្នាក់នោះបានជួបនូវបញ្ហាក្នុងគ្រួសារត្រូវភរិយាបោះបង់ចោល បន្ទាប់ពីគាត់ជួបគ្រោះថ្នាក់ចរាចររហូតពិការមួយចំហៀងខ្លួន ហើយត្រូវមើលថែទាំងកូនទាំង២ក្នុងបន្ទុកទៀត ។ ពេលនេះបុរសពិការនោះក៏មានបញ្ហាសតិអារម្មណ៍ផងដែរ ។

នេះមិនមែនជាលើកទី១នោះទេ ដែលភរិយាកំពូលតារាចម្រៀង ព្រាប សុវត្ថិ តែងតែលេចមុខក្នុងការងារសប្បុរសធម៌ និងជួយដល់ជនដែលខ្វះខាត ។ ទង្វើរដ៏ល្អរបស់ភរិយាយកំពូលតារាចម្រៀង ព្រាប សុវត្ថិ បានធ្វើឱ្យមហាជន និង អ្នកគាំទ្រជាច្រើនសរសើរមិនដាច់ពីមាត់ ៕

The post បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារ appeared first on .

ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ក៏បានបង្ហោះសារថា៖ «សូមអរគុណ អ្នកឧកញ៉ា ឈួន ហាវ៉ុន អគ្គនាយកហាងលក់រថយន្តប្រណិត Hawon Auto Car ដែលបានទិញអាវពីអង្គការមែកឈើចំនួន ១០០ អាវជូនដល់កងកម្លាំងនៃស្នងការនគរបាលខេត្តកំពត សូមជូនពរ អ្នកឧកញ៉ា កាន់តែរីកចំរីនក្នុងមុខជំនួញ»។

ថ្លែងប្រាប់ សារព័ត៌មាន Oknha News បន្ថែម អ្នកឧកញ៉ា ឈួន ហាវ៉ុន ពន្យល់ថា៖ «បាទបង នេះជាការចូលរួមបន្តិចបន្តួច! ការដែលខ្ញុំជាវអាវចំនួន ១០០អាវនេះ ព្រោះខ្ញុំចង់រួមចំណែកជួយដល់ក្មួយៗ កុមារកំព្រា និងខ្វះខាតជីវភាពនៅអង្គការមែកឈើ ហើយបន្តយកអាវដែលទិញទាំងនោះ ទៅជូនបងៗកងកម្លាំង នៃស្នងការដ្ឋាននគរបាលខេត្តកំពត ដើម្បីប្រើប្រាស់តាមតម្រូវការ»។

អង្គការមែកឈើ ជាមណ្ឌលមិនស្វែងរកប្រាក់ចំណេញ ដែលកំពុងទទួលចិញ្ចឹមបីបាច់កុមារ កំព្រា ខ្វះខាតជីវភាព គ្មានទីពឹង និងទទួលមើលថែទាំកុមារទាំងពីរភេទសរុបជិត ១៣០នាក់ រួមទាំងផ្ដល់អាហារបីពេលក្នុងមួយថ្ងៃ មានទាំងកន្លែងស្នាក់នៅសមរម្យ និងផ្ដល់ការអប់រំ ភាសាខ្មែរ និងអង់គ្លេស និងបំណិនជីវិតមួយចំនួនដូចជា ការរៀនជំនាញកាត់ ខោអាវ និងជំនាញវិជ្ជាជីវៈផ្សេងៗ ជាដើម។

សូមជម្រាបដែរថា អ្នកឧកញ៉ា ឈួន ហាវ៉ុន គឺជាអ្នកជំនួញក្នុងវិស័យទិញ លក់រថយន្ត និងនាំចូលរថយន្តប្រណីតប្រេនល្បីៗមកពីជុំវិញពិភពលោក។ ជារឿយៗ អ្នកឧកញ៉ា តែងតែចូលរួមក្នុងសកម្មភាពសប្បុរសធម៌ជួយសង្គមនានា ដោយផ្ទាល់ផង និងតាមរយៈ “សមាគមឧកញ៉ាកម្ពុជា” ផង ។ បច្ចុប្បន្ន Hawon Auto Car មាន ២ទីតាំង គឺទីតាំងទី១ ស្ថិតនៅផ្លូវសុធារស ជិតផ្សារទំនើប AEON I ក្បែរកោះពេជ្រ និងទីតាំងទី២ ស្ថិតនៅផ្លូវលេខ៣៧៤ សង្កាត់ទួលស្វាយព្រៃ ៕

The post អ្នកឧកញ៉ា ឈួន ហាវ៉ុន ទិញអាវពីអង្គការមែកឈើចំនួន ១០០ អាវជូនកងកម្លាំងនៃស្នងការនគរបាលខេត្តកំពត appeared first on .

លោកបណ្ឌិត ស្ថាបនិក មូលនិធិអប់រំកុមារ មានប្រសាសន៍ថា៖ “ខ្ញុំបាទ បណ្ឌិត គី សេរីវឌ្ឍន៍ តំណាងមូលនិធិអប់រំកុមារ(មអក) រួមដំណើរដោយឯកឧត្តម លោក លោកស្រី អ្នកនាងកញ្ញាជាសប្បុរសជន បាននាំយកនៅអំណោយ ជាសម្លៀកបំពាក់ និងសម្ភារៈសិក្សាសរុប ចំនួន 50 ឈុត គ្រឿងឧបភោគ បរិភោគ ជូនដល់កុមារកំព្រា និងលោកគ្រូ អ្នកគ្រូ នៅមណ្ឌលកុមារកំព្រាព្រៃជុំ នៃសមាគមក្តីសង្ឃឹមរបស់ជនក្រីក្រ ស្ថិតនៅភូមិព្រៃជុំ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ សរុបចំនួន ៨៥ នាក់ ក្នុងនោះរួមមានះ។”

ជំនួយឧបត្ថម្ភពីសប្បុរសជនតាមរយៈ មូលនិធិអប់រំកុមារ ជូនមណ្ឌលកុមារកំព្រាព្រៃជុំ នាពេលនោះ រួមមាន៖ កង់ ចំនួន ៩ គ្រឿង អង្ករ ចំនួន ១០ បាវ (៥០គក/បាវ) កាតាប ៥០ សៀវភៅសរសេរ ៣៥០ សៀវភៅអានភាសាអង់គ្លេស ប៊ិច ១០០ ខ្មៅដៃ ១០០ ជ័រលុប ១០០ ខោ អាវ សាប៊ូ ថ្នាំងដុសធ្មេញ ទឹកដោះគោ មី ទឹកត្រី ទឹកស៊ីអុីវ អំបិល ស្ករស ក្ងានពូជ ១គូ និងជូនថវិកាដល់លោកគ្រូវ អ្នកគ្រូ និងអ្នកថែទាំក្មេងៗ ចំនួន ១៦ នាក់ (១០$/នាក់) សរុបជាថវិការួម មានចំនួន ១០០០ ដុល្លារអាមេរិក ដែលជាថវិកាទទួលបានពីសប្បុរសជននានា។

ក្នុងឱកាសនោះដែរ លោកបណ្ឌិត គី សេរីវឌ្ឍន៍ និងសប្បុជន ក៏បានចុះពិនិត្យស្វែងយល់បន្ថែមពី ទិដ្ឋភាពអគារសិក្សា បន្ទប់រៀន បណ្ណាល័យ អគារស្នាក់នៅ ផ្ទះបាយ និងប្រព័ន្ធចម្រោះទឹកស្អាត ក្នុងបរិវេន មណ្ឌលកុមារកំព្រាព្រៃជុំ ផងដែរ។

សូមបញ្ជាក់ថា មណ្ឌលកុមារកំព្រាព្រៃជុំ នៃសមាគមក្តីសង្ឃឹមជនរបស់ក្រីក្រ បានបង្កើតឡើងតាំងពីឆ្នាំ ២០០៤ ដោយទទួលស្គាល់ពីក្រសួងមហាផ្ទៃនាឆ្នាំ២០០៧ ក្នុងបេសកកម្មជួយសង្គ្រោះកុមារ កុមារកំព្រា កុមាររងគ្រោះ និងកុមារមានជីវភាពខ្វះខាត ដោយផ្តល់នូវលក្ខខណ្ឌរស់នៅសមរម្យ ការអប់រំ និងជំនាញចាំបាច់ប្រកបដោយសន្តិភាពតាមរយះគាំទ្រដ៏សប្បុរស ។ សព្វថ្ងៃ មានក្មេងរស់នៅមណ្ឌល ចំនួនសរុប ៦៥ នាក់ (ស្រី ២៣នាក់) ។ មណ្ឌលនេះមានសកម្មភាពជួយគាំពារដល់កុមារកំព្រា និងជនក្រីក្រ ព្រមទាំងបានបង្រៀនភាសាខ្មែរ អង់គ្លេស ចិន សិល្បះ កីឡា និងកុំព្យូទ័រដល់កូនៗក្នុងមណ្ឌល និងកូនប្រជាពលរដ្ឋរស់នៅជុំវិញមណ្ឌល បានជាង ១៧៤ នាក់ ជារៀងរាល់ថ្ងៃ។

មូលនិធិអប់រំកុមារ (មអក) បានបង្កើតឡើង កាលពីថ្ងៃទី០៧ ខែមករា ឆ្នាំ២០២៤ ក្រោមគំនិតផ្ដួចផ្ដើមរបស់ លោកបណ្ឌិត គី សេរីវឌ្ឍន៍ និងជាប្រធានវិទ្យាស្ថានសិក្សាចិន នៃរាជបណ្ឌិត្យសភាកម្ពុជា ដើម្បីជួយគាំទ្រដល់កុមារខ្វះលទ្ធភាពសិក្សា កុំឱ្យពួកគាត់បោះបង់ការសិក្សា។ បេសកកម្មរបស់មូលនិធិអប់រំកុមារ គឺកៀរគរថវិកា សម្ភារសិក្សាពីសប្បុរសជន ប្រើប្រាស់ប្រកបដោយតម្លាភាព ត្រឹមត្រូវ និងចំគោលដៅសម្រាប់ជួយដល់កុមារខ្វះលទ្ធភាពសិក្សាពិតប្រាកដ ៕

The post លោកបណ្ឌិត គី សេរីវឌ្ឍន៍ និងសប្បុរសជន នាំយកជំនួយឧបត្ថម្ភ កុមារ និងលោកគ្រូ អ្នកគ្រូ សរុប ៨៥ នាក់ នៅមណ្ឌលកុមារកំព្រាព្រៃជុំ ខេត្តកំពង់ស្ពឺ appeared first on .

ជុំវិញការបរិច្ចាគរបស់លោក Buffett សារនេះ បានធ្វើឲ្យចំនួននៃការបរិច្ចាគសរុបរបស់លោក ជូនដល់អង្គការសប្បុរសធម៌កើនឡើងដល់ទៅប្រហែល ៥៧ពាន់លានដុល្លារ។

គួរឲ្យដឹងផងដែរថា ការបរិច្ចាគលើកចុងក្រោយបំផុតដែលលោក Buffett បានប្រកាសកាលពីថ្ងៃសុក្រសប្តាហ៍មុន រួមមានភាគហ៊ុនប្រភេទ Class B នៅក្នុងក្រុមហ៊ុន Berkshire ប្រហែល ១៣ លានហ៊ុន ផងដែរ។

Berkshire គឺជាក្រុមហ៊ុនសាជីវកម្មដ៏ធំបំផុតមួយមានតម្លៃប្រមាណ ៨៨០ពាន់លានដុល្លារ ដែលគ្រប់គ្រងទៅលើអាជីវកម្មផ្សេងៗរាប់សិប រួមទាំងផ្លូវដែក BNSF ក្រុមហ៊ុនធានារ៉ាប់រងរថយន្ត Geico និងកាន់កាប់ភាគហ៊ុន ក្នុងក្រុមហ៊ុនលដាប់កំពូលៗជាច្រើនទៀត ដូចជា Apple និង​ BYD ជាដើម។

ជម្រាបជូនផងដែរថា លោក Warren Buffett បច្ចុប្បន្នជាប់ចំណាត់ថ្នាក់លេខ១០ នៅក្នុងបញ្ជីអ្នកមានបំផុតនៅលើពិភពលោករបស់ទស្សនាវដ្តី Forbes ជាមួយទ្រព្យសម្បត្តិសរុបប្រមាណ ១២៨,៤ពាន់លានដុល្លារ៕

The post មហាសេដ្ឋី Warren Buffett ​បរិច្ចាគ​លុយជាង ៥ពាន់លានដុល្លារ ជូនដល់អង្គការសប្បុរសធម៌ appeared first on .

អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន SUN & MOON GROUP និងជាម្ចាស់សណ្ឋាគារ Sun & Moon, Riverside Hotel បានជូនដំណឹងនៅលើទំព័រហ្វេសប៊ុកថា៖ «ខ្ញុំបាទ និងភរិយា សូមគោរពជម្រាបជូនដំណឹងដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ជាសប្បុរសជនទាំងអស់ ដែលបានចូលរួមជួយ “មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា” ព្រមទាំងសប្បុរសជននានា ដើម្បីជួយទ្រងទ្រង់ជនពិការកំបុតដៃទាំងពីរ មេត្តាជ្រាបថា មូលនិធិ នឹងរៀបចំកម្មវិធីជួបជុំបងប្អូនជនពិការកំបុតដៃទាំង២ នៅទូទាំងប្រទេស ឆ្នាំ២០២៤ នាថ្ងៃសៅរ៍ ទី២២ ខែមិថុនា ឆ្នាំ២០២៤ វេលាម៉ោង ៧:៣០នាទីព្រឹក នៅសណ្ឋាគារ សាន់ & មូន រីវើសាយ ជាប់ស្ពានអាកាសក្បាលថ្នល់»។

អ្នកឧកញ៉ាបណ្ឌិត បញ្ជាក់បន្ថែមថា នេះចាត់ទុកជាសេចក្តីជូនដំណឹងដល់ជនពិការកំបុតដៃទាំង២ទាំងអស់ ដើម្បីអញ្ជើញចូលរួមតាមកាលបរិច្ឆេទ និងពេលវេលាខាងលើ។ ហើយក្នុងនាមម្ចាស់មូលនិធិ អ្នកឧកញ៉ា ក៏សូមគោរពថ្លែងអំណរគុណទុកជាមុន ជូនចំពោះ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ដែលបានចូលរួមឧបត្ថម្ភគាំទ្រដល់មូលនិធិជាបន្តបន្ទាប់។ 

សូមជម្រាបជូនថា មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា តែងតែខិតខំកៀរគរថវិកាពីសប្បុរសជននានា ទាំងក្នុង និងក្រៅប្រទេស ដើម្បីជួយទ្រងទ្រង់ និងជួយសម្រាលបន្ទុកដល់ជនពិការកំបុតដៃទាំង២ទូទាំងប្រទេសកម្ពុជា។ កន្លងមក ក្រោមគំនិតផ្ដួចផ្ដើមរបស់ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា មូលនិធិ បានជួយឧបត្ថម្ភជាថវិកា និងសម្ភារៈផ្សេងៗ ដល់ជនពិការកំបុតដៃទាំង២ ជារៀងរាល់ឆ្នាំ ដើម្បីធ្វើជាដើមទុនបង្កើតមុខរបរ ផ្គត់ផ្គង់ការរៀនសូត្រ ពង្រីកចំណេះជំនាញវិជ្ជាជីវៈ សម្រាប់អនាគតពួកគាត់ជាដើម។

គួររំឭកដែរថា កាលពីថ្ងៃទី២៥ ខែឧសភា ឆ្នាំ២០២៣ កន្លងទៅ មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ក៏ទើបតែបានជួបជុំបងប្អូនជនពិការកំបុតដៃទាំង២ ទូទាំងប្រទេសកម្ពុជាលើកទី១២ សរុបចំនួន ១៤៩នាក់ ដោយបានជួយឧបត្ថម្ភ ពីថវិកា ក្នុងម្នាក់ ចំនួន ១លានរៀល អាវយឺត១ និងរៀបចំអាហារថ្ងៃត្រង់យ៉ាងយកចិត្តទុកដាក់ ព្រមទាំង រៀបចំពិធីសាសនា រាប់បាត្រ និងនិមន្តព្រះសង្ឃ ១០៨ អង្គ សូត្រមន្តចម្រើនព្រះបរិត្ត អាយុវឌ្ឍនមង្គល ផងដែរ។

អាស្រ័យហេតុនេះ ប្រសិនបើ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញាជាសប្បុរសជនមានបំណងចង់ចូលរួមឧបត្ថម្ភ សូមមេត្តាទាក់ទងតាមប្រព័ន្ធទូរសព្ទដូចខាងក្រោម៖

– 012 699 999 – 095 959 697 

– គណនីធនាគារ ABA 011266828 ឈ្មោះ Lak Chendarith

The post មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា នឹងរៀបចំកម្មវិធីជួបជុំបងប្អូនជនពិការកំបុតដៃទាំង២ទូទាំងប្រទេសនៅសណ្ឋាគារ សាន់ & មូន រីវើសាយ appeared first on .

លោកឧកញ៉ា បាន​​បង្ហាញ​ឱ្យដឹង​តាមរយៈ​ទំព័រហ្វេសប៊ុក នៅថ្ងៃទី២៩ ខែឧសភា ឆ្នាំ២០២៤ យ៉ាងដូច្នេះថា៖​ “ខ្ញុំបាទ ឧកញ៉ា ចិន សំណាង បានជួយឧបត្ថម្ភដល់វត្ត និងព្រះសក់ ជាទឹកប្រាក់ចំនួន ៣០០០ដុល្លារ និង អង្ករចំនួន ១តោនជូនទៅដល់ព្រះសង្ឃ និងពុទ្ធបរិស័ទ​ នៅវត្តសុវណ្ណគិរី បរទ្បយ”។

តាមរយៈការ​បង្ហើប​ប្រាប់​ដល់​ ឧកញ៉ាញូស៍ លោកឧកញ៉ា ម្ចាស់ហាងពេជ្រ និងគ្រឿងអលង្ការ CSNJ ក៏គ្រោងចំណាយថវិកាផ្ទាល់ខ្លួនប្រមាណជាង ៩មុឺនដុល្លារ បន្ថែមទៀត ដើម្បី​ជួយសាងសង់សាលាឆាន់ ក៏ដូចជា សមិទ្ធផលផ្សេងៗ​មួយ​ចំនួន​ទៀត ​ក្នុង​ទីវត្ត​អារ៉ាម​ខាង​លើ ក្នុង​អំឡុងខែ កញ្ញា ខាងមុខនេះផងដែរ។

“ខ្ញុំឧស្សាហ៍ឡើងចុះខេត្តរតនគីរី ដើម្បីទិញដូរត្បូងរតនគីរី យកមកច្នៃធ្វើម៉ូដគ្រឿងអលង្ការជូនភ្ញៀវ គាប់ជួន ក៏ទទួលដំណឹងថា វត្តអារាម សុវណ្ណគិរី បរឡយ ដែលមានចម្ងាយជាង ៥០គីឡូម៉ែត្រ ពីទីរួមខេត្ត ព្រះសង្ឃ លោកតា លោកយាយ ជួបការលំបាកខ្វះខាត ជីវភាពប្រចាំថ្ងៃខ្លាំង ខ្ញុំក៏ធ្វើដំណើរទៅដល់ផ្ទាល់ ហើយក៏មានសទ្ធាជួយជាថវិកា ៣ពាន់ដុល្លារ និងអង្ករចំនួន ១តោន សិន “។

លោកឧកញ៉ា ចិន សំណាង បញ្ជាក់បន្ថែមថា ក្រៅត្រៀមជួយសាងសង់សាលាឆាន់ជូនព្រះសង្ឃ ក្នុងខែកញ្ញា ខាងមុខនេះ លោកឧកញ៉ា ក៏មានគម្រោងថា នឹងសហការជាមួយអាជ្ញាធរមូលដ្ឋាន ក៏ដូចជាគណៈអភិបាលខេត្តរតនគិរី សិក្សាលម្អិតបន្ថែម តាមលទ្ធភាពជាក់ស្ដែង ដើម្បីឈានទៅធ្វើផ្លូវបន្ថែមមួយខ្សែទៀតជូនបងប្អូនប្រជាពលរដ្ឋនៅតំបន់ដាច់ស្រយាលនោះ ផងដែរ។

សូមរំឮកដែរថា លោកឧកញ៉ា ចិន សំណាង គឺជាសប្បុរសជន​មួយ​រូប​ដែល​តែងតាំ​ជួយគាំទ្រ ​និង​បរិច្ចាគ​ធនធាន​ជួយ​ដល់​ខេត្ត​រតនគិរី។ ជាក់ស្តែង កាល​ដើមខែវិច្ឆិកា ឆ្នាំ២០២៣ លោកឧកញ៉ា ក៏​បាន​នាំ​យក​អំណោយ​មួយ​ចំនួន​ប្រគល់ជូន​លោក ញ៉ែម សំអឿន អភិបាលខេត្តរតនគិរី សម្រាប់ប្រើប្រាស់ក្នុងព្រះ​រាជពិធី​បុណ្យអុំទូក បណ្តែតប្រទីប សំពះព្រះខែ ជាមួយ​បងប្អូនប្រជាពលរដ្ឋ ជាពិសេសបង​ប្អូន​ជនជាតិភាគតិច ក្នុងខេត្តរតនគិរី ផងដែរ។ ក្នុងបេសកកម្មមនុស្សធម៌ និងក្នុងនាមជា សមាជិកទ្រទ្រង់មួយរូប នៃសមាគមឧកញ៉ាកម្ពុជា ដោយមាន លោកអ្នកឧកញ៉ា លី យ៉ុងផាត់ ជាប្រធាន លោកឧកញ៉ា ចិន សំណាង តែងតែចូលរួមធនធានថវិកា និងការចុះផ្ទាល់ ជាមួយថ្នាក់ដឹកនាំសមាគម ក៏ដូចជា បានចូលរួមការងារជួយសង្គម ជាហូរហែមិនដែលខាន ជាមួយរដ្ឋាភិបាល ៕

The post ម្ចាស់ហាងពេជ្រ CSNJ លោកឧកញ៉ា ចិន សំណាង ជួយឧបត្ថម្ភថវិកា ៣ពាន់ដុល្លារ និងអង្ករ១តោន ជូនដល់វត្តសុវណ្ណគិរី បរឡាយ appeared first on .

យោងតាមការចុះផ្សាយពីសារព័ត៌មាន Forbes បានបង្ហាញថា នាយកប្រតិបត្តិនៃស្ថាប័នមួយនេះ គឺលោក Mark Suzman បាននិយាយថា បើសិនជាមហាសេដ្ឋីពិភពលោក បរិច្ចាគទឹកប្រាក់ត្រឹម ៦១ពាន់លានដុល្លារ ដែលមានចំនួនតិចជាង ១%នៃទ្រព្យសម្បត្តិរបស់ពួកគេ នោះវិបត្តិសកលជាច្រើននឹងត្រូវបានដោះស្រាយ ហើយថែមទាំងនៅសល់លុយចំនួន ៤៩ពាន់លានដុល្លារថែមទៀត។

CEO រូបនេះបន្ថែមទៀតថា ត្រឹមទឹកប្រាក់ ១ពាន់លានដុល្លារ អាចជួយដល់ម្ដាយ និងទារក ប្រមាណ ២លាននាក់ត្រឹមឆ្នាំ២០៣០ ខណៈ ៤ពាន់លានដុល្លារអាចជួយដល់កសិករខ្នាតតូច ប្រហែល ៥០០លាននាក់ ទប់ទល់នឹងវិបត្តិបម្រែបម្រួលអាកាសធាតុ និងបង្កើនផលកសិកម្ម​រាប់សែនតោន នៅក្នុងឆ្នាំ២០៣០ ដូចគ្នា។

អ្វីដែលកាន់តែអស្ចារ្យនោះគឺ ទឹកប្រាក់ប្រមាណ ៧ពាន់លានដុល្លារ នឹងជួយដល់វិស័យសុខាភិបាល ក្នុងការស្រាវជ្រាវរកវ៉ាក់សាំងនានា សម្រាប់ផ្ដល់ជូនមនុស្ស ៣០០លាននាក់ និងទប់ស្កាត់អត្រាមរណៈដល់ទៅ ៧លាននាក់ណោះ។

គូសរំលឹកបន្តិចថា កាលពីឆ្នាំ២០២៣ ទស្សនាវដ្ដី Forbes បានចេញផ្សាយថា មានមហាសេដ្ឋីពិភពលោកប្រមាណ ២ ៦៤០នាក់កាលពីឆ្នាំមុន និងមានទ្រព្យសម្បត្តិសរុបរហូត ១២,២ទ្រីលានដុល្លារ។

ជម្រាបបន្ថែមថា ដើម្បីឆ្លើយតបទៅនឹងវិបត្តិសកលនានាដែលកំពុងកើតមាន មូលនិធិ Gates ក៏បានប្រកាសពីកញ្ចប់ចំណាយថ្មីក្នុងឆ្នាំ២០២៤ ប្រមាណ ៨,៦ពាន់លានដុល្លារ ដែលជាចំនួនច្រើនបំផុតមិនធ្លាប់មាន និងថែមទាំងបានអំពាវនាវឲ្យមហាសេដ្ឋីមានលុយគ្រាក់ៗ​ជាច្រើន ងាកមកចាប់អារម្មណ៍ ក៏ដូចជាជួយបរិច្ចាគទឹកប្រាក់ ដោះស្រាយបញ្ហាដែលកំពុងកើតមានសព្វថ្ងៃផងដែរ៕

The post មូលនិធិ Bill Gates៖ ទឹកប្រាក់ត្រឹម ០,៥% របស់មហាសេដ្ឋីពិភពលោក អាចជួយជីវិតមនុស្សរាប់លាននាក់ appeared first on .

ថវិកាសប្បុរសធម៌របស់ លោកឧកញ៉ា នាពេលនេះ បានរួមចំណែកថ្មីបន្ថែមទៀត ជាមួយអាជ្ញាធរមូលដ្ឋាន ក្នុងការលើកកម្ពស់ហេដ្ឋារចនាសម្ព័ន្ធ ផ្លូវថ្នល់ធ្វើដំណើរឱ្យកាន់តែប្រសើរឡើង ជាពិសេសពង្រឹងសុវត្ថិភាពភូមិ ឃុំ តាមរយៈអំពូលសូឡាបំភ្លឺតាមដងផ្លូវថែមទៀតផង។ 

ជាការថ្លែងអំណរគុណ ដល់ទឹកចិត្ត និងបេះដូងសប្បុរធម៌ដ៏ប្រពៃ រដ្ឋបាលឃុំបែកចាន តាមរយៈលោកមេឃុំផ្ទាល់ បានចេញនូវលិខិតថ្លែងអំណរគុណ និងកោតសរសើរដោយស្មោះ ជូនចំពោះ លោកឧកញ៉ា ហេង បូរិន និងក្រុមគ្រួសារ ដែលជានិច្ចជាកាល តែងតែបានរួមចំណែកជាមូលអាជ្ញាធរមូលដ្ឋាន ចំណាយធនធានថវិកា កសាងផ្លូវថ្នល់ ពង្រីកផ្លូវ ដើម្បីប្រយោជន៍សាធារណជន។ 

លោកឧកញ៉ា ហេង បូរិន មានប្រសាសន៍ថា មុនឱកាសនៃពិធីបុណ្យភ្ជុំបិណ្ឌ ប្រពៃណីខ្មែរនេះ ខ្ញុំមានឱកាសបានចូលរួមអភិវឌ្ឍន៍ពង្រីកផ្លូវ ជួសជុលផ្លូវ និងដាក់អំពូលសូឡាតាមផ្លូវជូនពុកម៉ែបងប្អូននៅមូលដ្ឋានឃុំបែកចានបន្ថែមទៀត។ ខ្ញុំ ពិតជាជ្រះថ្លា និងរំភើបខ្លាំងណាស់ ដែលបានឃើញស្នាមញញឹមពួកគាត់ ជាពិសេសបានចូលរួមពង្រឹងសុវត្ថិភាពធ្វើដំណើរទាំងយប់ ទាំងថ្ងៃ របស់ពួកគាត់ នោះជាអ្វីដែលខ្ញុំគិតដល់។ 

រំឮកថយក្រោយបន្តិច កាលពីចុងឆ្នាំ ២០២១ កន្លងទៅ ថវិកាជាង ១០០,០០០ដុល្លារ អគ្គនាយកក្រុមហ៊ុន បុរី ហេង បូរិន គ្រុប លោកឧកញ៉ា ហេង បូរិន បានជូនកាដូដ៏ភ្ញាក់ផ្អើលមួយ ដល់បងប្អូនប្រជាពលរដ្ឋរាប់ពាន់គ្រួសារ ដែលកំពុងរស់នៅក្នុងភូមិរការធំ សង្កាត់បែកចាន ខណ្ឌកំបូល រាជធានីភ្នំពេញ តាមរយៈការឈូសឆាយ ចាក់ដី ធ្វើផ្លូវ រៀបចំប្រព័ន្ធលូ ផ្លូវបេតុងមួយខ្សែ ប្រវែងជិត ៤០០ម៉ែត្រ ផងដែរ ។

គួរបញ្ជាក់ថា លោកឧកញ៉ា ហេង បូរិន បច្ចុប្បន្ន គឺជាម្ចាស់គម្រោងអភិវឌ្ឍន៍ បុរី ហេង បូរិន និងជាអគ្គនាយកស្ថាប័នមីក្រូហិរញ្ញវត្ថុដ៏សកម្មមួយ។ តាមរយៈសកម្មភាពសប្បុរធម៌ ជួយសង្គមទាំងផ្ទាល់ខ្លួន និងជាមួយរាជរដ្ឋាភិបាល លោកត្រូវបានសម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា ទូលថ្វាយ ព្រះមហាក្សត្រ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ត្រាស់បង្គាប់ផ្ដល់គោរមងារជា “ឧកញ៉ា” កាលពីថ្ងៃទី ២៧ ខែកុម្ភៈ ឆ្នាំ២០២១ តាមព្រះរាជក្រឹត្យលេខ នស/រកត/០២២១/២១៦ ។ 

ក្រៅពីជាអ្នកជំនួញលើវិស័យអចលនទ្រព្យ ក្នុងស្រុកដ៏លេចធ្លោមួយរូប លោកឧកញ៉ា ហេង បូរិន ក៏មានតួនាទីផ្សេងទៀត ដូចជា ជាសមាជិកនៃសភាពាណិជ្ជកម្មកម្ពុជា របស់ អ្នកឧកញ៉ា គិត ម៉េង និងជាសមាជិកសកម្ម នៃ “សមាគមឧកញ៉ាកម្ពុជា” ដែលមាន អ្នកឧកញ៉ា លី យ៉ុងផាត់ ជាប្រធានសមាគម ផងដែរ ៕

The post ចំណងដៃរដូវភ្ជុំ ឧកញ៉ា ហេង បូរិន បរិច្ចាគថវិកាផ្ទាល់ខ្លួន ៨០០០ដុល្លារ ពង្រីកផ្លូវ និងដាក់អំពូលសូឡា ក្នុងឃុំបែកចាន  appeared first on .