នេះបើយោងតាមព្រះរាជសារ របស់ សម្តេចព្រះមហាក្សត្រី នរោត្តម​ មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសអបអរសាទរ ខួបលើកទី១១៥ ទិវាអន្តរជាតិនារី ៨ មីនា ២០២៦ ដែលផ្សាយចេញនៅថ្ងៃទី២ ខែមីនា ឆ្នាំ២០២៦។

ក្នុងឱកាសដ៏វិសេសវិសាលនេះ  ព្រះវររាជមាតាជាតិខ្មែរ យល់ឃើញថា រាជរដ្ឋាភិបាល នាអាណត្តិកន្លងមកក៏ដូចនាពេលបច្ចុប្បន្ន នៅតែបន្តវិនិយោគលើការលើកកម្ពស់សមភាព យេនឌ័រ និងការបង្កើនភាពអង់អាចរបស់ស្ត្រី និងក្មេងស្រីនៅក្នុងរបៀបវារៈគោលនយោបាយ និងយុទ្ធសាស្ត្រជាតិក្នុង គ្រប់វិស័យ សំដៅធានានូវគុណតម្លៃរបស់ស្ត្រីនៅក្នុងសង្គម ដូចបានកំណត់ក្នុងយុទ្ធសាស្ត្របញ្ចកោណដំណាក់ កាលទី១ សំដៅពង្រឹងភាពជាពលរដ្ឋ រស់នៅក្នុងសង្គមដែលមានអារ្យធម៌ខ្ពស់ ប្រកបដោយសីលធម៌ សមធម៌ និង បរិយាបន្ន ដែលក្នុងនោះ ស្ត្រីគឺជាស្នូល»។

សម្តេចម៉ែ សូមគាំទ្រទាំងស្រុងលើយុទ្ធសាស្ត្រដែលបានដាក់ចេញនេះ ដើម្បីឱ្យស្ត្រីនិងក្មេងស្រីគ្រប់រូប កាន់តែទទួលបាននូវកាលានុវត្តភាពពេញលេញ ប្រកបដោយសមធម៌ សមភាព ក្នុងគ្រប់ទិដ្ឋភាព ទាំងនយោបាយ សេដ្ឋកិច្ច និងសង្គមកិច្ច។

ឆ្លៀតក្នុងឱកាសដ៏វិសេសវិសាលនៃទិវាអន្តរជាតិនារី ៨មីនា ឆ្នាំ២០២៦នេះ ហ្លួងម៉ែ សូមសរសើរស្ត្រីទាំងអស់នៅទូទាំងប្រទេសដែលបានកំពុងបន្តចូលរួមចំណែកយ៉ាង សកម្មក្នុងការងារអភិវឌ្ឍន៍គ្រួសារ សេដ្ឋកិច្ចនិងសង្គមជាតិ សហគមន៍និងសង្គម ព្រមទាំងបានរួមចំណែកយ៉ាង អស្ចារ្យក្នុងវិស័យការពារជាតិ ជាពិសេសក្នុងបេសកកម្មថែរក្សាសន្តិភាពរបស់អង្គការសហប្រជាជាតិ ដែលធ្វើឱ្យព្រះ រាជាណាចក្រកម្ពុជាទទួលបានចំណាត់ថ្នាក់លេខ២ក្នុងអាស៊ាន និងលេខ១៤ក្នុងពិភពលោក ក៏ដូចរួមចំណែក យ៉ាងសកម្មក្នុងបេសកកម្មបោសសម្អាតយុទ្ធភណ្ឌមិនទាន់ផ្ទុះប្រកបដោយភាពក្លាហាន។

ជាថ្មីម្តងទៀត សម្តេចម៉ែ ក៏សូមសរសើរ និងគាំទ្រក្រសួងកិច្ចការនារី ក្រុមប្រឹក្សាជាតិកម្ពុជាដើម្បីស្ត្រី គណៈកម្មាធិការជាតិលើកកម្ពស់ សីលធម៌សង្គម តម្លៃស្ត្រី និងគ្រួសារខ្មែរ ក្រសួង ស្ថាប័ន អង្គការជាតិ អន្តរជាតិ និងវិស័យឯកជនទាំងអស់ដែលបាន និងកំពុងបន្តខិតខំប្រឹងប្រែងជំរុញការអនុវត្តនូវបេសកកម្មដ៏ថ្លៃថ្លា ដើម្បីស្ត្រី និងក្មេងស្រីឱ្យបានទទួលនូវកាលានុវត្ត ភាព និងសក្តានុពលពេញលេញ ដើម្បីចូលរួមចំណែកក្នុងការអភិវឌ្ឍសង្គមជាតិ ប្រកបដោយសមភាព សមធម៌ និង បរិយាបន្ន៕ អត្ថបទ៖ហ្សាលីន

The post ព្រះមាតាជាតិខ្មែរ៖ ស្ត្រីទាំងអស់នៅទូទាំងប្រទេស បានកំពុងបន្តចូលរួមចំណែកយ៉ាងសកម្មក្នុងការងារអភិវឌ្ឍន៍គ្រួសារ សេដ្ឋកិច្ចនិងសង្គមជាតិ appeared first on .

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានឱ្យដឹងតាមរយៈហ្វេសប៊ុកថា ទូលព្រះបង្គំ និងថ្នាក់ដឹកនាំរាជរដ្ឋាភិបាលបានចូលរួមដង្ហែ សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈ ដ៏ខ្ពង់ខ្ពស់បំផុត ក្នុងព្រះរាជពិធីបួងសួងសូមចម្រើនសេចក្តីសុខ និងភាពសម្បូរសប្បាយដល់ព្រះរាជាណាចក្រកម្ពុជា នៅមុខព្រះមហាចេតិយ ព្រះករុណាព្រះបរមរតនកោដ្ឋ នៃព្រះបរមរាជវាំង។

នៅក្នុងព្រះរាជពិធីនេះដែរសម្តេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងមន្រ្តីជាន់ខ្ពស់នៃស្ថាប័នព្រឹទ្ធសភា ក៏បានអញ្ជើញដង្ហែ សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះរាជតំណាងដ៏ខ្ពង់ខ្ពស់បំផុត របស់ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងព្រះរាជពិធីចម្រើនសេចក្តីសុខជូនព្រះរាជាណាចក្រកម្ពុជាផងដែរ។

យាង និមន្ត និងអញ្ជើញចូលរួមក្នុងព្រះរាជពិធីនេះ ក្រៅពីសម្ដេចធិបតី ហ៊ុន ម៉ាណែត, សម្តេចតេជោ ហ៊ុន សែន ក៏មាននូវការយាង និមន្ត ពីសម្ដេច ព្រះអង្គម្ចាស់ អ្នកអង្គម្ចាស់ ឯកឧត្ដម ជាឧត្ដមប្រឹក្សាផ្ទាល់ព្រះមហាក្សត្រ  បណ្តាអង្គទូតប្រចាំព្រះរាជាណាចក្រកម្ពុជា ថ្នាក់ដឹកនាំសង្ឃទាំងពីរគណៈ និងមន្ត្រីរាជការជាច្រើនរូបទៀត។ 

សូមជម្រាបថា ព្រះរាជពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា បានប្រព្រឹត្តទៅតាមគន្លងប្រពៃណីព្រះពុទ្ធសាសនា និងបានផ្តល់នូវការប្រោះព្រំសព្ទសាធុការពរជ័យ សិរីបវរថ្លៃថ្លា មហាប្រសើរ ដល់ទឹកដីព្រះរាជាណាចក្រកម្ពុជា ក្រោមម្លប់ព្រះបារមីនៃ ព្រះករុណាអម្ចាស់ជីវិតលើត្បូង ដែលនឹងផ្ដល់នូវសេចក្តីសុខចម្រើន ដល់ប្រជារាស្រ្ត ជាកូនចៅ ចៅទួត របស់ព្រះអង្គជារៀងដរាបតរៀងទៅ៕

The post ថ្នាក់ដឹកនាំរាជរដ្ឋាភិបាល មន្រ្តីជាន់ខ្ពស់នៃស្ថាប័នកំពូលៗកម្ពុជា ចូលរួមដង្ហែសម្តេចព្រះមហាក្សត្រី ក្នុងព្រះរាជពិធីបួងសួងសូមចម្រើនសេចក្តីសុខជូនកម្ពុជា appeared first on .

នាឱកាសយាងចេញដំណើរនោះដែរ នៅក្នុងព្រះរាជសារព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជបន្ទូលថា៖«ទូលព្រះបង្គំ ខ្ញុំព្រះករុណា ខ្ញុំ និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សូមព្រះអនុញ្ញាត និងអនុញ្ញាតពីសម្ដេចព្រះមហាសង្ឃរាជ ទាំងពីរគណៈ និងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ អស់លោក លោកសី លោកតា លោកយាយ មាមីង បងប្អូន ក្មួយៗ ជនរួមជាតិទាំងអស់ អវត្តមានពីមាតុប្រទេស ចាប់ពីថ្ងៃទី២៨ ខែសីហា ឆ្នាំ២០២៣តទៅ ធ្វើដំណើរទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យព្រះរាជសុខភាព»។

នៅក្នុងឱកាសអវត្តមានរបស់ព្រះអង្គ  ខាងលើនេះ ព្រះអង្គទ្រង់បានមានព្រះរាជបន្ទូលថា សម្ដេចវិបុល សេនាភក្តី សាយ ឈុំ ប្រធានព្រឹទ្ធសភា នឹងទទួលជួយព្រះអង្គ ក្នុងឋានៈ ជាប្រមុខរដ្ឋស្តីទី នៃព្រះរាជាណាចក្រកម្ពុជា៕

អត្ថបទ៖ ពិសី

The post ព្រះមហាក្សត្រខ្មែរ អវត្តមានពីមាតុប្រទេសមួយរយៈ ដើម្បីយាងទៅពិនិត្យព្រះរាជសុខភាពនៅប្រទេសចិន appeared first on .

ឱកាសដ៏ល្អវិសេសវិសាលនៃខួបលើកទី ១១២. ទិវាអន្តរជាតិនារី ៨មីនា ឆ្នាំ២០២៣ នេះ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ បានមានព្រះរាជបន្ទូលថា បច្ចុប្បន្ននេះស្ដ្រី មានកាលានុវត្តភាព ក្នុងការអនុវត្តសិទ្ធិ អភិវឌ្ឍចំណេះដឹង ជំនាញ និងបច្ចេកទេស ដែលជាមូលដ្ឋានគ្រឹះ ក្នុងការចូលរួមប្រកួតប្រជ្រែង ប្រកបដោយសក្តានុពល ក្នុងទីផ្សារសេដ្ឋកិច្ចជាតិ និងនៅក្នុងតំបន់ ។

សម្តេចព្រះមហាក្សត្រី បានមានព្រះរាជបន្ទូលទៀតថា «ខ្ញុំសូមសម្តែងនូវការកោតសរសើរ និងសូមគាំទ្រការលើក យកប្រធានបទ “ស្រ្តីរួមគ្នា រក្សាសុខសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល» គឺពិតជាមានសារៈសំខាន់ ដែលជាប្រធានបទឆ្លើយតបនឹងបរិបទបច្ចុប្បន្ន ក្នុងគោលបំណងបន្តរំលេចពីតម្លៃន ការចូលរួមរបស់ស្ត្រីដែលមិនអាចកាត់ថ្លៃបាន ក្នុងការថែរក្សាសុខសន្តិភាព ក៏ដូចជាកំពុងចូលរួមយ៉ាងសកម្ម ក្នុងការពន្លឿនកិច្ចអភិវឌ្ឍលើគ្រប់វិស័យ ជាពិសេសនៅក្នុងយុគសម័យឌីជីថលនេះ»។

ក្រោមម្លប់នៃសន្តិភាព និងកិច្ចអភិវឌ្ឍ សម្តេចព្រះមហាក្សត្រី  មានព្រះរាជបន្ទូលបន្ថែមថា ការចូលរួមរបស់ស្ត្រីនៅគ្រប់កម្រិត គឺជាគុណតម្លៃ ដើម្បី ធានាថាប្រជាជនគ្រប់រូបមានសិទ្ធិ និងឱកាសពេញលេញក្នុងការទទួលបានជម្រើស ភាពជាតំណាង និងចូល រួមប្រកបដោយសក្តានុពល ក្នុងការអភិវឌ្ឍសេដ្ឋកិច្ច និងសង្គមជាតិ ដែលបាននឹងកំពុងវិវត្តន៍ទៅជាសេដ្ឋកិច្ច និងសង្គមឌីជីថល ប្រកបដោយចីរភាព និងបរិយាប័ន្ន។ ក្នុងន័យនេះ ការបន្តរក្សាបាននូវសុខសន្តិភាព នៅតជាអាទិភាពចម្បងទីមួយ និងមានតម្លៃមិនអាចកាត់ថ្លៃបានសម្រាប់ពលរដ្ឋកម្ពុជាគ្រប់រូប។

យោងតាមព្រះរាជសារអបអរសាទរខួបលើកទី១១២ ទិវាអន្តរជាតិនារី ៨ មីនា ឆ្នាំ២០២៣ សម្តេចព្រះមហាក្សត្រី នរោត្តម មុនិនាថ សីហនុ ​មាន​ព្រះរាជ​បន្ទូល​ថា៖ «ខ្ញុំសូមអំពាវនាវ និងលើកទឹកចិត្តឱ្យរដ្ឋាភិបាល និងដៃគូរពាក់ព័ន្ធបន្តអនុវត្តការងារនេះ និងបន្តយកចិត្តទុកដាក់ ព្រមទាំងបង្កឱកាសឱ្យស្ដីនិងក្មេងស្រី បានចូលរួម និងទទួលបាននូវអត្ថប្រយោជន៍ក្នុងយុគសម័យឌីជីថល ដើម្បីវិបុលភាព និងសេចក្តីសុខចម្រើន របស់ជនរួមជាតិយើងបន្ថែមទៀត៕

The post <strong>ព្រះវររាជមាតាជាតិខ្មែរ៖ ស្រី្តកម្ពុជា ជាកម្លាំងចលករ ដែលបានរួមចំណែកជំរុញកំណើនសេដ្ឋកិច្ច</strong> appeared first on .

ព្រះរាជអំណោយជាថវិកាក្នុងការព្រះរាជទានដល់មន្ទីរពេទ្យ ហ្លួងម៉ែ នៅពេលនេះមិនមែនជាលើកទីមួយនោះ ខណៈសម្តេចព្រះមហាក្សត្រី នៅថ្ងៃទី៣០ ខែមីនា ឆ្នាំ២០២១ ព្រះសព្វព្រះរាជហឫទ័យព្រះរាជទានព្រះរាជទ្រព្យចំនួន ២០ម៉ឺនដុល្លារជូនមន្ទីរពេទ្យ ហ្លួងម៉ែ មានទីតាំងនៅខណ្ឌដង្កោ ត្រូវបានរដ្ឋាភិបាលសម្រេចឲ្យរៀបចំទៅជាមន្ទីរពេទ្យទុកសម្រាប់ព្យាបាលអ្នកជំងឺកូវីដ១៩ ដែលអាចផ្ទុកអ្នកជំងឺសម្រាកព្យាបាលជំងឺកូវីដ១៩បាន៥០០នាក់ បន្ទាប់ពីមន្ទីរពេទ្យមិត្តភាពខ្មែរ-សូវៀត សណ្ឋាគារអាំងទែកុងទីណង់តាល់ និងមន្ទីរពេទ្យមួយចំនួនទៀតនៅរាជធានីភ្នំពេញ។

សូមជម្រាបថា នៅថ្ងៃទី២៧ ខែមីនាដដែល សម្តេចនាយករដ្ឋមន្រ្តី ហ៊ុន សែន បានសម្រេចបង្កើតក្រុមការងារអន្តរក្រសួងមកពីចំណុះស្ថាប័នក្រសួងសុខាភិបាល និងក្រសួងសេដ្ឋកិច្ច ដើម្បីសិក្សាវាយតម្លៃលើបច្ចេកទេស និងហិរញ្ញវត្ថុ ដែលរដ្ឋត្រូវចំណាយក្នុងការទិញយកមន្ទីរពេទ្យស្ត្រី«នគរទេព» ហើយនឹងប្តូរឈ្មោះទៅជាមន្ទីរពេទ្យរដ្ឋដោយមានឈ្មោះថាមន្ទីរពេទ្យ«ហ្លួងម៉ែ» បន្ទាប់ពីគណៈកម្មការចំពោះកិច្ចចែងចាត់ចរចា និងទិញយកមន្ទីរពេទ្យឯកជននេះរួចរាល់។

ក្រោយការប្រកាសពីសម្តេច ហ៊ុន សែន ក្នុងការទិញយកមន្ទីរពេទ្យឯកជនស្រ្តី «នគរទេព» មកធ្វើជាមន្ទីរពេទ្យរដ្ឋ មានឧកញ៉ាមួយចំនួនក្នុងស្រុក មន្ត្រីរាជការការ ប្រជាពលរដ្ឋ បានចំណាយថវិកាផ្ទាល់ខ្លួនក្នុងការទំនុកបម្រុងដល់រដ្ឋាភិបាល ដើម្បីទិញយកមន្ទីរពេទ្យហ្លួងម៉ែ៕

The post សម្តេចម៉ែ ប្រោសព្រះរាជទានថវិកា ១០មុឺនដុល្លារដល់មន្ទីរពេទ្យហ្លួងម៉ែ appeared first on .

The post ក្រុមការងារ Oknha News សូមក្រាបបង្គំទូលថ្វាយព្រះពរ សម្ដេចព្រះមហាក្សត្រី នរោត្តម មនិនាថ សីហនុ ព្រះវររាជមាតាជាតិខ្មែរ នាឱកាសបុណ្យចូលឆ្នាំថ្មី ឆ្នាំសកល២០២២ appeared first on .