លោក Sir Konstantin (Kostya) S. Novoselov FRS បានលើកឡើងថា នេះជាលើកទី១សម្រាប់លោកដែលបានអញ្ជើញមកកាន់ប្រទេសកម្ពុជា ហើយក៏បានឃើញពីភាពរីកចម្រើនរបស់កម្ពុជាផងដែរ។ លោកធ្លាប់បានដឹងពីប្រវត្តិរបស់ប្រទេសកម្ពុជាដែលធ្លាប់បែកបាក់ ធ្លាប់ធ្លាក់ក្នុងភ្លើងសង្គ្រាម ហើយលោកមិនគួរឲ្យជឿសោះថា តាមរយៈការដឹកនាំរបស់សម្ដេចតេជោ អាចសង្គ្រោះប្រទេសជាតិចេញពីរបបប្រល័យពូជសាសន៍ ប៉ុល ពត ហើយនាំកម្ពុជាឱ្យមានការឯកភាពទឹកដី ឯកភាពជាតិ មានសន្តិភាព និងមានការអភិវឌ្ឍសេដ្ឋកិច្ច រហូតមានការរីកចម្រើនដល់ពេលបច្ចុប្បន្ននេះ។

ក្នុងន័យនេះ លោកក៏បានឆ្លៀតចោទសួរដោយស្នើឱ្យសម្ដេចតេជោ ចែករំលែកទាក់ទងទៅគន្លឹះក្នុងការដឹកនាំប្រទេសចេញពីសង្គ្រាមបែកបាក់ មកមានការឯកភាពជាតិ សន្តិភាព និងអភិវឌ្ឍប្រទេសបានរីកចម្រើនរហូតដល់សព្វថ្ងៃនេះ។

ជាការឆ្លើយតប សម្តេចតេជោ ហ៊ុន សែន បានមានប្រសាសន៍ពីប្រវត្តិនៃការខិតខំអភិវឌ្ឍឱ្យប្រទេសជាតិពីបាតដៃទទេ រួមទាំងការដាក់ចេញនូវយុទ្ធសាស្ត្រជាបន្តបន្ទាប់ ដើម្បីសម្រេចផែនការធ្វើយ៉ាងណាឲ្យប្រទេសជាតិមានសន្តិភាពនៅឆ្នាំ១៩៩៨ ជាពិសេសទាក់ទងទៅនឹងនយោបាយឈ្នះឈ្នះ  និងយុទ្ធសាស្ត្រនៃការអភិវឌ្ឍសេដ្ឋកិច្ចក្រោយកម្ពជាមានសន្តិភាពឱ្យមានការរីកចម្រើន។

លោក Sir Konstantin (Kostya) S. Novoselov FRS បានស្ដាប់ដោយយកចិត្តទុកដាក់ និងកោតសរសើរនូវការពលីកម្មនិងគតិបណ្ឌិតរបស់សម្តេចតេជោ ជាពិសេសនយោបាយ ឈ្នះឈ្នះ របស់សម្ដេចតេជោ ហ៊ុន សែន៕

The post ម្ចាស់ពានរង្វាន់ណូបែលរូបវិទ្យាសិង្ហបុរី ស្នើឱ្យសម្ដេចតេជោ ចែករំលែកគន្លឹះក្នុងការដឹកនាំប្រទេសចេញពីសង្គ្រាមបែកបាក់ មកមានការឯកភាពជាតិ សន្តិភាព appeared first on .

ដំណើរទស្សនកិច្ចផ្លូវការរបស់សម្តេចតេជោ នៅប្រទេសទីម័រឡេស្តេ ទទួលការស្វាគមន៍យ៉ាងសម្បើម ដោយ ប្រធានាធិបតី និងនាយករដ្ឋមន្ត្រី ចេញមកទទួលដោយផ្ទាល់នៅព្រលានយន្តហោះ និងបើកឡានជូន ដោយកិត្តិយសខ្ពង់ខ្ពស់និងស្និទ្ធស្នាល។ ឯកឧត្តម ចូហ្សេ រ៉ាមូស អរតា បានបង្ហាញសារលើបណ្តាញសង្គមហ្វេសប៊ុក នៅព្រឹកថ្ងៃទី៨ ខែឧសភានេះ ដូច្នេះថា៖ “ហ៊ុន សែន! មិត្តល្អ មិត្តល្អបំផុត មកលេងយើង។ លោក ហ៊ុន សែន ដែលជាអ្នករំដោះ និងជាស្ថាបនិកនៃប្រទេសកម្ពុជាសម័យទំនើប។ លោក ហ៊ុន សែន បានដឹកនាំប្រជាជនរបស់លោក ពីរបបប្រល័យពូជសាសន៍ ឆ្ពោះទៅរកសន្តិភាព និងវិបុលភាព។ ខ្ញុំជាអ្នកបើកបរកាលពីម្សិលមិញ”។

ក្នុងអំឡុងទស្សនកិច្ចផ្លូវការនៅសាធារណរដ្ឋប្រជាធិបតេយ្យ ទីម័រឡេស្តេ សម្តេចតេជោប្រធានព្រឹទ្ធសភា នឹងមានជំនួបដាច់ដោយឡែកពីគ្នា ជាមួយ ឯកឧត្តម ចូហ្សេ រ៉ាមូស អរតា ប្រធានាធិបតី ទីម័រឡេស្តេ, ឯកឧត្តម កៃ រ៉ាឡា សាណាណា ហ្គូសម៉ៅ នាយករដ្ឋមន្ត្រីទីម័រឡេស្តេ, និងលោកជំទាវ ម៉ារៀ ហ្វើណាន់ដាឡៃ ប្រធានរដ្ឋសភាទីម័រឡេស្តេ។ ក្នុងឱកាសទស្សនកិច្ចនេះដែរ សម្តេចតេជោ នឹងអញ្ជើញថ្លែងសុន្ទរកថា ក្នុងសម័យប្រជុំពិសេស នៅរដ្ឋសភាទីម័រឡេស្តេ និងផ្តល់បាឋកថាលើប្រធានបទស្តីពី -មេរៀនរបស់ ហ៊ុន សែន៖ ពីរបបប្រល័យពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព-នៅវិមានប្រធានាធិបតី ដោយមានការចូលរួមពីសមាជិកសភា មន្ត្រីរដ្ឋាភិបាល អង្គទូត និស្សិត និងសង្គមស៊ីវិលទីម័រឡេស្តេ។

សូមជម្រាបថា ជាកិច្ចតបស្នងទៅនឹងគុណបំណាច់ និងវិភាគទាន ដ៏សំខាន់របស់ សម្តេចតេជោ ក្នុងការជួយគាំទ្រដល់ទីម័រឡេស្តេ ជាង ២ទសវត្សរ៍កន្លងមក ជាពិសេសចំពោះការជម្រុញទីម័រឡេស្ដេ ចូលជាសមាជិកពេញសិទ្ធិរបស់អាស៊ាន ឯកឧត្តម ប្រធានាធិបតីទីម័រឡេស្តេ នឹងបំពាក់គ្រឿងឥស្សរិយយស Grand Collar of the Order of Timor-Leste ដែលជាឥស្សរិយយសកម្រិតខ្ពស់បំផុត និងក៏ជាការផ្តល់កិត្តិយសដ៏ធំធេងបំផុតពីភាគីទីម័រឡេស្តេជូន សម្តេចតេជោ ប្រធានព្រឹទ្ធសភា៕

The post ប្រធានាធិបតីទីម័រឡេស្តេ អញ្ជើញបើករថយន្តដោយផ្ទាល់ ជូនដំណើរសម្ដេចតេជោ ហ៊ុន សែន ពីអាកាសយានដ្ឋាន ឆ្ពោះទៅកាន់សណ្ឋាគារ appeared first on .

សម្តេចតេជោ ហ៊ុន សែន ស្នើដូច្នេះ ក្នុងជំនួបសម្ដែងការគួរសម និងពិភាក្សាការងាររវាងសម្តេច ជាមួយលោក ដូមីនីក វីលៀមស៍ (Dominic Williams) ឯកអគ្គរាជទូតអង់គ្លេសប្រចាំកម្ពុជា នៅវិមានព្រឹទ្ធសភា រាជធានីភ្នំពេញ នាថ្ងៃទី៣០ ខែឧសភា ឆ្នាំ២០២៤នេះ។

ក្នុងជំនួបនេះដែរ សម្ដេចតេជោ ប្រធានព្រឹទ្ធសភា បានសម្ដែងនូវក្តីរីករាយដែលបានជួប ឯកអគ្គរដ្ឋទូតចក្រភពអង់គ្លេស បន្ទាប់ពីជំនួបដំបូងកាលពីអំឡុងខែកុម្ភៈឆ្នាំ២០២៣។ សម្ដេចតេជោ ក៏បានលើកទឹកចិត្តឱ្យ ឯកអគ្គរាជទូតអង់គ្លេសបន្តធ្វើការជាមួយរាជរដ្ឋាភិបាលថ្មី ដឹកនាំដោយសម្ដេចធិបតី ហ៊ុន ម៉ាណែត លើវិស័យពាណិជ្ជកម្ម និងការវិនិយោគនេះ ដើម្បីជំរុញទំហំពាណិជ្ជកម្មឱ្យមានការកើនឡើង។

ទន្ទឹមគ្នានេះ សម្ដេចតេជោបានបន្តថា៖«សូមស្នើឱ្យឯកឧត្តមឯកអគ្គរាជទូតអង់គ្លេស ជួយក្នុងបញ្ហាអធិការកិច្ច ដោយផ្ដល់នូវបច្ចេកវិទ្យាទំនើប ក្នុងការគ្រប់គ្រងធនធានមនុស្ស ក៏ដូចជាបច្ចេកវិទ្យាក្នុងការគ្រប់គ្រងអំពើអសកម្មផ្សេងៗជាដើម»។

ក្នុងជំនួបនោះដែរ ឯកអគ្គរដ្ឋទូតអង់គ្លេស បានបង្ហាញក្តីរីករាយដែលមើលឃើញថាទំហំពាណិជ្ជកម្មរវាងប្រទេសទាំងពីរ មានការកើនឡើងជាបន្តបន្ទាប់ និងមានការបង្កើតវេទិកាវិនិយោគ ដើម្បីទាក់ទាញការវិនិយោគពីអង់គ្លេសមកកម្ពុជា។ ជាចុងក្រោយ ឯកឧត្តមឯកអគ្គរាជទូតចក្រភពអង់គ្លេស ក៏បានសម្ដែងការអរគុណចំពោះសម្តេចតេជោ ដែលបានអនុញ្ញាតឱ្យមានជំនួបនាពេលនេះ ដែលបង្ហាញពីភាពត្រង់ទៅត្រង់មក ដែលជាការយកចិត្តទុកដាក់ចំពោះទំនាក់ទំនងរវាងប្រទេសទាំងពីរ ដើម្បីឱ្យទំនាក់ទំនងរវាងប្រទេសទាំងពីរកាន់តែមានភាពជិតស្និទ្ធ និងបន្តនូវភាពរីកចម្រើនជាបន្តបន្ទាប់ទៀត៕ អត្ថបទ៖ រង្សី

The post សម្ដេចតេជោ ស្នើចក្រភពអង់គ្លេសជួយផ្ដល់នូវបច្ចេកវិទ្យាទំនើប ក្នុងការគ្រប់គ្រងធនធានមនុស្សកម្ពុជា appeared first on .

សម្តេចតេជោ ថ្លែងបែបនេះ ក្នុងជំនួបសម្តែងការគួរសម និងជម្រាបលារបស់ឯកអគ្គរដ្ឋទូតធារណរដ្ឋប្រជាមានិតបង់ក្លាដែស លោក Mohammed Abdul Hye ជាមួយសម្តេចតេជោ កាលថ្ងៃទី២៧ ខែឧសភា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ។

នាឱកាសនោះ សម្ដេចតេជោ ហ៊ុន សែន បានថ្លែងអំណរគុណយ៉ាងជ្រាលជ្រៅដល់ឯកអគ្គរដ្ឋទូតបង់ក្លាដែស ដែលបានចូលរួមចំណែកពង្រឹងនិងពង្រីកទំនាក់ទំនងកម្ពុជា-បង់ក្លាដែស ក្នុងអាណត្តិរបស់លោក ខណៈសម្តេចតេជោ បានធ្វើការជាមួយគ្នាយ៉ាងច្រើនក្នុងការពង្រឹងទំនាក់ទំនងរវាងប្រទេសទាំងពីរ។

សម្តេចបានលើកឡើងថា សម្តេច និងប្រជាជនកម្ពុជាខិតខំប្រឹងប្រែងណាស់ ដើម្បីសម្រេចបានសន្តិភាពដោយខ្លួនឯង ហើយសន្តិភាពបែបនេះ មិនមានទេនៅកម្ពុជា ក្នុងរយៈពេល៥០០ឆ្នាំចុងក្រោយនេះ ។

សម្តេចតេជោ បានបញ្ជាក់បន្តថា៖« ពេលបញ្ចប់សង្គ្រាមបានទាំងស្រុង សម្តេចបានប្រមូលកម្លាំងមនុស្ស និង ប្រាជ្ញា ដើម្បីខិតខំសម្រេចកំណើនសេដ្ឋកិច្ច ជាង៧% ក្នុងរយៈពេលជាងពីរទសវត្សរ៍ ។ រហូតដល់ឆ្នាំ២០០៤ ទីក្រុងភ្នំពេញ មានអគារខ្ពស់ត្រឹមតែប្រាំពីរជាន់ តែមួយគត់ប៉ុណ្ណោះ តែឥឡូវមានអគារខ្ពស់ ម្ភៃ សាមសិបជាន់ រាប់រយ។ ផ្ទៃដីទីក្រុងភ្នំពេញ បានកើនឡើងពី៣០០គម២ មកជាង ៧០០គម២ រីឯ ប្រជាជនក៏មានការកើនឡើងខ្លាំងក្លាដែរ។

ជុំវិញការលើកឡើងរបស់សម្តេចតេជោ ឯកអគ្គរដ្ឋទូតបង់ក្លាដែស បានអបអរសារនិងកោតសរសើរកម្ពុជា ដែលក្រោមការដឹកនាំរបស់ សម្តេចតេជោ បានប្រែក្លាយពីប្រទេសក្រីក្រខ្លាំងនិងមានជម្លោះរ៉ាំរ៉ៃ មកជាប្រទេសដែលមានសន្តិភាព ស្ថិរភាព និងការអភិវឌ្ឍរីកចម្រើនឆាប់រហ័ស ដែលជាមេរៀននិងគម្រូល្អសម្រាប់ប្រទេសដទៃ។ មេដឹកនាំដូចប្រទេសកម្ពុជាមាន មិនមានច្រើនទេនៅក្នុងពិភពលោក។

លោកបន្តថា ទាំងនេះ គឺដោយសារ កម្ពុជាមានសន្តិភាព ស្ថិរភាព ទើបមានការអភិវឌ្ឍ។ រដ្ឋាភិបាលបង់ក្លាដែស ជាពិសេស លោកជំទាវនាយករដ្ឋមន្ត្រី Sheikh Hasina បានចាត់ទុកតំបន់អាស៊ីអាគ្នេយ៍ រួមមានកម្ពុជា ថៃ ឡាវ មីយ៉ាន់ម៉ា … ជាភូមិផងរបងជាមួយ។ នៅពេលប្រទេសមីយ៉ាន់ម៉ា មានស្ថិរភាព តំបន់អាស៊ីអាគ្នេយ៍នឹងកាន់តែស្ថិរភាព សន្តិភាព និងការអភិវឌ្ឍបន្ថែមទៀតជាមិនខាន។ ដូចនេះ ត្រូវរក្សាសន្តិភាពឱ្យស្ថិតស្ថេរជាដរាប។

សូមរម្លឹកដែរថា បើតាមមន្ត្រី​ជំនាញធ្លាប់​បានឱ្យដឹង​ទៀតថា ទាក់ទិន​ទៅនឹង​កំណើនថ្មីៗនេះ និង​បើ​យោងតាម​ព្រះរាជក្រឹត្យ​របស់​ចុះ​ថ្ងៃទី២២ ខែតុលា ឆ្នាំ២០២០របស់​ព្រះមហាក្សត្រ​បាន​ត្រាស់បង្គាប់​ក្នុង​មាត្រា១ ត្រូវបាន​កែសម្រួល​ព្រំប្រទល់​រដ្ឋបាល​រវាង​រាជធានី​ភ្នំពេញ និង​ខេត្តកណ្តាល ដោយ​កាត់​យក​ភូមិ​ចំនួន៥គឺ ភូមិ​ស្ទឹង​ជ្រៅ និង​ភូមិ​ព្រែក​តា​ពៅ នៃ​សង្កាត់​ដើម​មៀន ភូមិ​ព្រែក​អញ្ចាញ នៃ​សង្កាត់​ព្រែក​ឫស្សី ភូមិ​ព្រែ​កឡុង នៃ​សង្កាត់​តា​ក្តុល និង​ភូមិប​ត្តា​ជី នៃ​សង្កាត់​ព្រែក​ហូរ ដែលមាន​ផ្ទៃដី​ទំហំ ៣០២ហិកតា ៩៣៩១ម៉ែត្រការ៉េ ពី​ក្រុង​តាខ្មៅ​ខេត្តកណ្តាល មកឱ្យ​ស្ថិតក្រោម​ការគ្រប់គ្រងរ​បស់​សង្កាត់​ជើងឯក ខណ្ឌដង្កោ រាជធានី​ភ្នំពេញ និង​កាត់​យក​ផ្ទៃដី​ទំហំ ២ហិកតា៥១៥៥ម៉ែត្រការ៉េ(ចំណែក​ដី​នៃ​វត្ត​បុ​ទុម​សាគរ ហៅ​វត្ត​ទួល​តា​ក្របៅ) ពី​សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ឱ្យមក​ស្ថិតក្រោម​ការគ្រប់គ្រងរ​បស់​សង្កាត់​ដើម​មៀន ក្រុង​តាខ្មៅ ខេត្តកណ្តាល។

ជាងនេះទៀត បើ​យោងតាម​ព្រះរាជក្រឹត្យ របស់​ព្រះមហាក្សត្រ​ខាងលើនេះ រាជធានី​ភ្នំពេញ អាចមាន​កំណើន​ផ្ទៃដី​កើនឡើង​បន្ថែមទៀត ព្រោះ​បាន​កាត់​ផ្ទៃដី​ពី​ខេត្តកណ្តាល និង​កាត់​ខ្លះ​ពី​រាជធានី​ភ្នំពេញ​ទៅឱ្យ​ខេត្តកណ្តាល​វិញ ដូចនេះ​អាច​កើន​ដល់ជាង៧០០គីឡូម៉ែត្រ​ការ៉េ៕ អត្ថបទ៖ រង្សី

The post សម្ដេចតេជោ ហ៊ុន សែន៖ បច្ចុប្បន្ននេះ ផ្ទៃដីទីក្រុងភ្នំពេញ បានកើនឡើងដល់ជាង៧០០គីឡូម៉ែត្រការ៉េ appeared first on .

នាឱកាសនោះ លោក Shohrat Zakir អនុប្រធានគណៈកម្មាធិការអចិន្ត្រៃយ៍នៃសភាប្រជាជនចិន បាន បញ្ជាក់ថា ភាគីចិន និងជំរុញកិច្ចសហប្រតិបត្តិការលើវិស័យពាណិជ្ជកម្ម ខិតខំជំរុញការនាំចូលផលិតផលកសិកម្មពីកម្ពុជា។ជាមួយគ្នានេះ ភាគីចិន ក៏នឹងខិតខំជំរុញការអភិវឌ្ឍន៍ច្រករបៀងមច្ឆា និងអង្ករ ច្រករបៀងឧស្សាហកម្ម និងបច្ចេកវិទ្យា និងកិច្ចសហប្រតិបត្តិការក្នុងការធ្វើទំនើបកម្មផ្លូវថ្នល់ ផ្លូវដែក អគ្គិសនី ប្រព្រឹត្តិកម្មទឹកកខ្វក់ជាដើម។

ជាមួយគ្នានេះ គណៈប្រតិភូភាគីចិន ក៏បានចាត់ទុកកម្ពុជាជាប្រទេសអាទិភាព ហើយគាំទ្រកម្ពុជាយ៉ាងមុតមាំនូវមាគ៌ាអភិវឌ្ឍន៍របស់ខ្លួន ស្របតាមសភាពការណ៍ជាក់ស្ដែង។ ប្រទេសចិន ក៏បានប្តេជ្ញាសហការក្នុងកិច្ចសហប្រតិបត្តិការត្បូងពេជ្រ និងខិតខំជំរុញច្រករបៀងមច្ឆា និងអង្ករ និងច្រករបៀងឧស្សាហកម្ម និងបច្ចេកវិទ្យា ឱ្យមានការរីកចម្រើនដើម្បីផលប្រយោជន៍ទៅវិញទៅមកថែមទៀត។

ថ្លែងនាឱកាសនោះ សម្ដេចតេជោ ហ៊ុន សែន បានស្វាគមន៍ចំពោះគណៈប្រតិភូសភាចិនដែលបានអញ្ជើញមកបំពេញទស្សនកិច្ចនៅកម្ពុជា ខណៈសម្ដេចបានសម្តែងនូវក្តីរីករាយដោយឃើញទំនាក់ទំនងរវាងប្រទេសទាំងពីរ ជាពិសេសរវាងស្ថាប័ននីតិបញ្ញត្តិ នៃប្រទេសទាំងពីរមានការរីកចម្រើនផងដែរ។

ទន្ទឹមគ្នានេះ សម្ដេចតេជោ ក៏បានអរគុណចំពោះការលើកពីកិច្ចសហប្រតិបត្តិការ ជាពិសេសការជំរុញកិច្ចសហប្រតិបត្តិការច្រករបៀង ឧស្សាហកម្ម និងបច្ចេកវិទ្យា ច្រករបៀងមច្ឆា និងអង្ករ។ល ហើយសម្តេចតេជោ ចាត់ទុកថា រាល់កិច្ចសហប្រតិបត្តិការទាំងអស់បានផ្ដល់ប្រយោជន៍ដល់កម្ពុជាយ៉ាងច្រើន។

តាមរយៈជំនួបខាងលើនេះដែរ កម្ពុជា-ចិន ក៏បានប្តេជ្ញាថា នឹងជំរុញការផ្លាស់ប្ដូរ ប្រជាជន និងប្រជាជនដោយសារឆ្នាំនេះជាឆ្នាំដែលប្រទេសទាំងពីរបានកំណត់ ជាពិសេសជំរុញ វិស័យទេសចរណ៍រវាងទាំងពីរ។ ក្នុងនោះប្រទេសទាំងពីរ ក៏នឹងពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងឧក្រិដ្ឋកម្មឆ្លងដែន ហ្គេមតាមអនឡាញ ការជួញដូរមនុស្ស និងការផ្សព្វផ្សាយព័ត៌មានវិជ្ជមានជាដើម៕ អត្ថបទ៖ រង្សី

The post អនុប្រធានសភាចិន ប្តេជ្ញាខិតខំជំរុញការនាំចូលផលិតផលកសិកម្មពីកម្ពុជាទៅកាន់ទីផ្សារចិនបន្ថែមទៀត appeared first on .

 
កាលពីថ្ងៃទី០៥ ខែឧសភា ឆ្នាំ២០២៤ កន្លងមកនេះ តារាចម្រៀង ខេម និងក្រុមបាល់ទាត់ តារាកម្ពុជា(Cambodia football super stars) បាននាំថវិការចំនួន ៥០ម៉ឺនដុល្លារ ទៅជូនដល់មន្ទីរពេទ្យកុមារអង្គរ ។

ក្នុងនាមជាប្រធានក្រុម Cambodia football super stars  លោក ខេម បានបង្ហោះសារនៅលើ ហ្វេសប៊ុក របស់ខ្លួនថា « ទឹកប្រាក់ 50ម៉ឺនដុល្លារ របស់សប្បុរសជនតាមរយៈសម្ដេចតេជោហ៊ុន សែន ផ្ដល់ជូនទៅមន្ទីរពេទ្យកុមារអង្គរ ខេត្តសៀមរាប តាមរយៈការប្រកួតបាល់ទាត់សប្បុរសធម៌ទាំងបួនក្រុមក្រោមមូលបទ រួមគ្នាដើម្បីមនុស្សធម៌ និងប្រយុទ្ធប្រឆាំងគ្រឿងញៀន កាលពីថ្ងៃទី1 ខែឧសភាឆ្នាំ 2024 ពហុកីឡដ្ឋានជាតិអូឡាំពិកចូលរួមធ្វើការងារសប្បុរសធម៌ដើម្បីស្នាមញញឹមកុមារ កម្ពុជា » ។លោក ខេម ពិតជារំភើបចិត្តខ្លាំងដែលក្រុមបាល់ទាត់របស់ខ្លួនអាចរកថវិការបានច្រើន ដើម្បីជួយដល់ការងារសង្គម ។

សម្រាប់ការប្រកួតបាល់ទាត់សប្បុរសធម៌ទាំងបួនក្រុមក្រោមមូលបទ រួមគ្នាដើម្បីមនុស្សធម៌ និងប្រយុទ្ធប្រឆាំងគ្រឿងញៀន កាលពីថ្ងៃទី1 ខែឧសភា ឆ្នាំ2024 ពហុកីឡដ្ឋានជាតិអូឡាំពិកចូលរួមធ្វើការងារសប្បុរសធម៌ដើម្បីស្នាមញញឹមកុមារកម្ពុជា គឺរកបានប្រាក់ពីសប្បុរសជនប្រមាណ ជិត 5លានដុល្លារ ។ លោកនិងក្រុមការងារនឹងបែងចែកថវិការទាំងនោះទៅតាមគោលដៅដែលបានកំណត់ជាបន្តបន្ទាប់ បន្ទាប់ពីបានផ្តល់ថវិការ ៥០ ម៉ឺនដុល្លារដល់មន្ទីរពេទ្យ កុមារអង្គរ ។

ជាក់ស្តែងតាមការបង្ហោះសាររបស់សម្តេចតេជោ ហ៊ុន សែន បានរៀបរាប់ថា «អរគុណសប្បុរសជនទាំងអស់ដែលបានចូលរួមជាថវិកាដែលគិតត្រឹមថ្ងៃទី ១ឧសភា២០២៤ នេះ មានប្រាក់រៀល ៦០៥,000,000រៀល ជាដុល្លារ ៤,៨៥០,០០០ដុល្លារ ។ សរុបគិតជាប្រាក់ដុល្លារចំនួន(5,001,250)។ ដូចបានជំរាបជូន៣ថ្ងៃមុននេះថាថវិកាត្រូវបានបែងចែកសម្រាប់មន្ទីរពេទ្យកុមារអង្គរ500,000$ មជ្ឈមណ្ឌលព្យាបាលកុមារបេះដូងជប៉ុន300,000$ គ្រួសារយុទ្ធជនពលី២០គ្រួសារ 200,000$សរុប1,000,000$ ។ សម្រាប់មន្ទីរពេទ្យគន្ធបុប្ផានិងទទួលបាន4,001,250$ ជាបណ្តោះអាសន្ននិងប្រសិនជាទទួលបានបន្ថែមទៀតក៏នឹងប្រគល់ជូនមន្ទីរពេទ្យគន្ធបុប្ផាទាំងអស់ » ៕

The post ក្រុមបាល់ទាត់តារាកម្ពុជា របស់ខេម បាននាំយកថវិកា ៥០ម៉ឺនដុល្លារ ជូនមន្ទីរពេទ្យកុមារអង្គរ appeared first on .

តាមរយៈវិញ្ញាបនប័ត្រនេះ បានឱ្យដឹងថា កម្មវិធីប្រកួតប្រជែងគណិតវិទ្យា «CARIBOU» នេះ មានអ្នកចូលរួមប្រកួតប្រជែងក្នុងតំបន់ និងលើពិភពលោកប្រមាណ ១៧៣០នាក់។ ជាលទ្ធផលកុមារា ហ៊ុន ពេជមុន្នីរិទ្ធិសិដ្ឋ ទទួលបានចំណាត់ថ្នាក់លេខ១។

សូមជម្រាបជូនថា នេះមិនមែនជាលទ្ធផលលើកដំបូងនោះទេ កន្លងទៅ កុមារា ពេជមុន្នីរិទ្ធិសិដ្ឋ ក៏ធ្លាប់ដណ្តើមបានចំណាត់ថ្នាក់កំពូលតារាងពីកម្មវិធីប្រកួតនេះផងដែរ៕

The post កូនប្រុសសម្តេចធិបតី ហ៊ុន ម៉ាណែត ទទួលបានលេខ១ ពីការប្រកួតគណិតវិទ្យាកម្រិតតំបន់ និងពិភពលោក appeared first on .

នៅក្នុងជំនួបនេះ សម្ដេចតេជោ ហ៊ុន សែន បានបង្ហាញភាពសប្បាយរីករាយព្រមទាំងបានបញ្ជាក់ថា នេះជាលើកទី១ ដែលសម្ដេចបានទទួលគណៈប្រតិភូក្រុមហ៊ុនបរទេស នៅវិមានព្រឹទ្ធសភា។ សម្ដេចក៏បានប្រាប់ទៅគណៈប្រតិភូក្រុមហ៊ុន តូយ៉ូតា ស៊ុយស៊ូ គ្រុប (Toyota Tsusho Corporation) ផងដែរថា ការបើកសម្ពោធក្រុមហ៊ុន Toyota នៅកម្ពុជា កាលពីថ្ងៃទី២ ខែឧសភា គឺជាសមិទ្ធផលមួយដែលកម្ពុជាទទួលបាន បន្ទាប់ពីមានការផ្លាស់ប្តូរថ្នាក់ដឹកនាំពីជំនាន់ចាស់ទៅថ្នាក់ជំនាន់ថ្មីដែលបានប្រព្រឹត្តទៅត្រឹមត្រូវ ហើយមិនមានចលាចល ឬការប្រែប្រួល ផ្ទុយទៅវិញគឺមានដំណើរការអភិវឌ្ឍស្ថិរភាពនយោបាយ កំណើនសេដ្ឋកិច្ចនៅដំណើរការល្អប្រសើរ។

ឧកញ៉ា គង់ នួន បានជម្រាបជូនសម្ដេចតេជោថា ការសម្ពោធរោងចក្រឲ្យដំណើរការដំឡើងរថយន្តនេះ គឺជាមោទនភាពមួយទៀតសម្រាប់កម្ពុជា ពីព្រោះ ឡានផលិតនៅកម្ពុជានេះ គឺនឹងដាក់លេខកូដនៅលើស៉ាក់ស៊ីបញ្ជាក់ថា «ផលិតនៅកម្ពុជា»។

ជាមួយគ្នានេះ សម្តេចតេជោ ហ៊ុន សែន ក៏បានរំលឹកពីភាពល្បីល្បាយរបស់ក្រុមហ៊ុន តូយ៉ូតា និងការគាំទ្ររបស់ប្រជាពលរដ្ឋនៅក្នុងប្រទេសកម្ពុជា ដែលកាលពីសម្ដេចចូលមកដល់ភ្នំពេញដំបូង គឺអត់ឃើញមានសេសសល់រថយន្ត Toyota នោះទេ ដោយវត្ដមានរថយន្ត Toyota ដំបូងនៅកម្ពុជាដែលរាជរដ្ឋាភិបាលបញញ្ជាទិញ មានចំនួន១២គ្រឿងប៉ុណ្ណោះ ដើម្បីទុកទទួលភ្ញៀវបរទេសដែលមកចូលរួមរំលឹកខួបដប់ឆ្នាំនៃការរំដោះកម្ពុជាចេញពីរបបខ្មែរក្រហម។
សម្ដេចតេជោសូមឱ្យអ្នកវិនិយោគក្រុមហ៊ុនបរទេស មើលឃើញថា កម្ពុជាគឺមានស្ថិរភាពយូរអង្វែងតទៅទៀត ដោយសារថាគណបក្សប្រជាជននៅតែបន្តដឹកនាំកម្ពុជា កម្ពុជានៅតែបន្តមានសន្តិភាពទៅមុខទៀត ដើម្បីឱ្យអ្នកវិនិយោគជឿជាក់លើកម្ពុជា ដែលប្រទេសមួយចំនួនក្នុងតំបន់មិនមាន ហើយអ្នកវិនិយោគគួរមកវិនិយោគនៅកម្ពុជា។

ទន្ទឹមនឹងនោះ សម្ដេចតេជោក៏បានលើកទឹកចិត្ដដល់ក្រុមហ៊ុន តូយ៉ូតាដែលបានបើករោងចក្រថ្មីៗនេះ គួរផលិតរថយន្ដសម្រាប់ផ្គត់ផ្គង់ទីផ្សារក្នុងប្រទេសកម្ពុជាផង និងសម្រាប់នាំចេញទៅផ្គត់ផ្គង់ទីផ្សារខាងក្រៅប្រទេសផង។

ជាការឆ្លើយតប លោក ICHIRO KASHITANI បានថ្លែងអំណរគុណចំពោះពាក្យពេជន៍ដ៏មានអត្ថន័យរបស់សម្ដេចតេជោ និងបានមានប្រសាសន៍ថា បើពិភពលោកនេះមានអ្នកដែលមានគំនិតដូចសម្ដេចតេជោ ប្រទេសនានានឹងមានសុខសន្តិភាពដូចកម្ពុជា។

ប្រធាននាយកប្រតិបត្តិក្រុមហ៊ុន តូយ៉ូតា ក៏បានប្ដេជ្ញានឹងចូលរួមយ៉ាងសកម្មអនុវត្តតាមអនុសាសន៍របស់ប្រមុខដឹកនាំកម្ពុជា ចូលរួមជាមួយរាជរដ្ឋាភិបាល បង្កើនការផលិត និងផ្ដល់ការហ្វឹកហ្វឺនជំនាញរថយន្តដល់ប្រជាជនកម្ពុជា៕

The post សម្ដេចតេជោ ហ៊ុន សែន លើកទឹកចិត្ដដល់ក្រុមហ៊ុនរបស់ឧកញ៉ា គង់ នួន ផលិតរថយន្ដសម្រាប់ផ្គត់ផ្គង់ទីផ្សារនៅកម្ពុជាផង និងនាំចេញទៅក្រៅប្រទេសផង appeared first on .

តាមរយៈទំព័រហ្វេសប៊ុកសម្តេចតេជោ ហ៊ុន សែន កាលពីយប់ថ្ងៃទី១ ខែឧសភា ឆ្នាំ២០២៤ បានលើកឡើងថា អរគុណសប្បុរសជនទាំងអស់ដែលបានចូលរួមជាថវិកាដែលគិតត្រឹមថ្ងៃទី១ឧសភា២០២៤នេះ មាន​ប្រាក់​រៀល​ចំនួន​ ៦០៥ 000 000រៀល និង​ជា​ប្រាក់​ដុល្លារអាមេរិក​ចំនួន ៤ ៨៥០ ០០០ដុល្លា។ បើ​សរុប​គិត​ជា​ប្រាក់​ដុល្លារ​មាន​ចំនួន ៥ ០០១ ២៥០។

ជាមួយគ្នានេះ សម្តេចតេជោ ហ៊ុន សែន បានបញ្ជាក់បន្ថែមថា៖«ថវិកា​ទាំងនេះ​ត្រូវ​បាន​បែងចែក​សម្រាប់​មន្ទីរពេទ្យ​កុមារ​អង្គរ​ចំនួន ៥០០ ០០០ ដុល្លារ មជ្ឈមណ្ឌល​ព្យាបាល​កុមារ​បេះដូង​ជប៉ុន​ចំនួន ៣០០ ០០០​ដុល្លា គ្រួសារ​យុទ្ធជន​ពលី ២០ គ្រួសារ​ចំនួន ២០០ ០០០​ដុល្លារ ដែល​សរុប​មាន ១ ០០០ ០០០ ដុល្លារ។ ក្រៅ​ពី​នោះ​មន្ទីរពេទ្យ​គន្ធបុប្ផា​និង​ទទួល​បាន​ថវិកា​ចំនួន ៤ ០០១ ២៥០​ដុល្លារ​ជា​បណ្តោះ​អាសន្ន ហើយ​ប្រសិន​ជា​ទទួល​បាន​បន្ថែម​ទៀត​ក៏​នឹងប្រគល់​ជូន​មន្ទីរពេទ្យ​គន្ធបុប្ផា​ទាំងអស់​ផងដែរ។លទ្ធផលចុងក្រោយរបស់យើងគឺជីវិត សុខភាពនិងស្នាមញញឹមរបស់កុមារ»។

គួរបញ្ជាក់ដែរថា ព្រឹត្តិការណ៍បាល់ទាត់មិត្តភាពសប្បុរសធម៌ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» ត្រូវសម្តេចតេជោ ហ៊ុន សែន អះអាងថា នឹងផ្តល់ស្នាមញញឹមដល់កុមារកម្ពុជា និងជំរុញឱ្យបងប្អូនងាកមកលេងកីឡាជៀសវាងការប្រើប្រាស់គ្រឿងញៀន។

តាមរយៈព្រឹត្តិការណ៍នេះដែរ ក៏បានជំរុញមហាជនគ្រប់ស្រទាប់វណ្ណៈចូលរួមបរិច្ចាគជាហូរហែរ សំដៅរួមចំណែកលើកស្ទួយវិស័យកីឡា និងរឹតចំណងសាមគ្គីភាពស្របតាមពាក្យស្លោករបស់សម្តេចតេជោ ហ៊ុន សែន កីឡារស់ក្នុងសន្តិភាព ព្រមទាំងជួយជំរុញសកម្មភាពឱ្យបានផុលផុសការងារសង្គមនានាសំដៅចូលរួមអប់រំពលរដ្ឋគ្រប់រូបឱ្យចាកចេញពីគ្រឿងញៀន និងធានាបានឱកាសនៃការកសាងអភិវឌ្ឍន៍ប្រទេសកម្ពុជាចំពោះថ្ងៃអនាគត៕

The post សម្តេចតេជោ៖ ត្រឹមថ្ងៃ១ ឧសភា ព្រឹត្តិការបាល់ទាត់មនុស្សធម៌ បានទទួលថវិកាពីសប្បុរសជនសរុប ជាង៥លានដុល្លារ appeared first on .

សម្ដេចតេជោ ហ៊ុន សែន បានបញ្ជាក់ថា ថវិកាចំនួន៤,៨លានដុល្លារនេះ នឹងបែងចែកដល់មន្ទីពេទ្យកុមារអង្គរ ខេត្តសៀមរាប ចំនួន៥០ម៉ឺនដុល្លារ , មជ្ឈមណ្ឌលព្យាបាលកុមារបេះដូងជប៉ុនខេត្តកំពង់ស្ពឺ ៣០ម៉ឺនដុល្លារ, មន្ទីរពេទ្យ គន្ធបុប្ផា ៣,៨លានដុល្លារ និងគ្រួសារយុទ្ធជនពលីករណីផ្ទុះគ្រាប់នៅយោធភូមិភាគ៣ ចំនួន២០គ្រួសារ ក្នុងមួយ គ្រួសារចំនួន ១ម៉ឺនដុល្លារផងដែរ។

សូមជម្រាបជូនថា ព្រឹត្ដិការណ៍ប្រកួតបាល់ទាត់មនុស្សធម៌របស់ក្រុមបាល់ទាត់តារាកម្ពុជា (Cambodia football super stars) ដែលដឹកនាំដោយ សម្តេចតេជោ ហ៊ុន សែន ប្រធានព្រឹទ្ធសភា នឹងធ្វើឡើងនៅពហុកីឡដ្ឋានជាតិអូឡាំពិក នាថ្ងៃទី ០១ ខែឧសភា ឆ្នាំ២០២៤ ខាងមុខនេះ ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និង ដើម្បីប្រមូលថវិកា ជួយមន្ទីរពេទ្យគន្ធបុប្ផា។

បើតាមការបញ្ជាក់របស់ តារាចម្រៀងខេម បានផ្ដល់បទសម្ភាសន៍ជាមួយឧកញ៉ាញូស៍ថា Cambodia football super stars បង្កើតឡើងក្នុងគោលបំណង ជំរុញលើកស្ទួយនិងបំផុសចនាចូលរួមគាំទ្រវិស័យកីឡាបាល់ទាត់ជម្រើសជាតិខ្មែរ ឱ្យកាន់តែប្រសើរឡើង និងមានឆន្ទះខ្ពស់ប្រកួតប្រជែងកាន់តែខ្លាំង, ចូលរួមបំផុសការគាំទ្រលីគកំពូលក្នុងប្រទេសកម្ពុជា ឱ្យកាន់តែខ្លាំងក្លា, ចូលរួមលេងកីឡាដើម្បីសប្បុរសធម៌ និងរឹតចំណងមិត្តភាព ការរាប់អានរវាងសិល្បៈ និងសិល្បៈដូចគ្នា៕

The post ថវិកា៤,៨លានដុល្លារដែលសប្បុរសជនចូលរួមក្នុងកម្មវិធីបាល់ទាត់ដើម្បីសប្បុរសធម៌ សម្ដេចតេជោ ហ៊ុន សែន នឹងប្រគល់ជូនមន្ទីពេទ្យចំនួន៣ appeared first on .