កម្មវិធីបំពាក់ឋានន្ដរសក្តិនៅព្រឹកនេះមានការចូលរួមពីថ្នាក់ដឹកនាំរាជរដ្ឋាភិបាល ថ្នាក់ដឹកនាំនៃក្រសួងការពារជាតិ ថ្នាក់ដឹកនាំនៃស្ថាប័នមួយចំនួន ព្រមទាំងភ្ញៀវកិត្តិយសជាច្រើនរូបទៀតផងដែរ។

សម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន បច្ចុប្បន្នជា ឧត្តមប្រឹក្សាផ្ទាល់ព្រះមហាក្សត្រ ដូចគ្នា។ សម្ដេចទាំង២រូប សុទ្ធសឹងតែជាឥស្សរជនឆ្នើមមានគុណបំណាច់ និងស្នាដៃដ៏ធំធេងរបស់ ដែលបានលះបង់កម្លាំងកាយចិត្ត ប្រាជ្ញាស្មារតី ពុះពារគ្រប់ឧបសគ្គប្រកបដោយឆន្ទៈមនសិការ ស្នេហាជាតិ និងគំរូវីរភាពខ្លាំងក្លា ក្នុងបុព្វហេតុរំដោះជាតិមាតុភូមិ ប្រជាជនពីរបបប្រល័យពូជសាសន៍ និងជាប្រតិបត្តិករមួយរូប មានសមត្ថភាពក្នុងការអនុវត្តគោលនយោបាយឈ្នះឈ្នះ នាំមកនូវការបង្រួបបង្រួមជាតិ ឯកភាពទឹកដី សន្តិភាព សុវត្ថិភាព របស់ប្រជាជន ហើយបាននិងកំពុងបំពេញបេសកកម្មយ៉ាងសកម្ម កសាងសមិទ្ធផលសង្គមជាច្រើន រួមចំណែកធ្វើឱ្យប្រទេសជាតិមានសុខសន្តិភាព វឌ្ឍនភាព ប្រជាធិបតេយ្យពេញលេញ ក្នុងដំណើរឆ្ពោះទៅកាន់នីតិរដ្ឋដ៏រឹងមាំ និងអភិបាលកិច្ចល្អ។

គួរបញ្ជាក់ជូនដែរថា សម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន បានទទួលនូវការសព្វព្រះទ័យប្រោសប្រទាន ពីព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ត្រាស់បង្គាប់ ដំឡើងឋានន្តរស័ក្តិថ្នាក់ «នាយឧត្តមសេនីយ៍ផុតលេខ ផ្កាយមាស៥ នៃកងយោធពលខេមរភូមិន្ទ» កាលពីថ្ងៃទី១៦ ខែមីនា ឆ្នាំ២០២៥កន្លងទៅ៕ 

The post សម្ដេចតេជោ ហ៊ុន សែន អញ្ជើញបំពាក់ឋានន្តរសក្តិ នាយឧត្តមសេនីយ៍ផុតលេខ ផ្កាយមាស៥ ជូនសម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន appeared first on .

អ្នកឧកញ៉ា ឡេង ប្រុស ប្រធានក្រុមប្រឹក្សាភិបាលជាន់ខ្ពស់ តំណាងដ៏ខ្ពង់ខ្ពស់អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ី ណាវ៉ាត្រា គ្រុប នៅរសៀលថ្ងៃព្រហស្បតិ៍ ទី២៣ ខែវិច្ឆិកានេះ បានដឹកនាំគណៈប្រតិភូថ្នាក់ដឹកនាំក្រុមហ៊ុន ចូលរួមដាក់កម្រងផ្កា និងគោរពវិញ្ញាណក្ខន្ធសពមហាឧបាសិកាពុទ្ធសាសនូបត្ថម្ភក៍ យិប ថាំកេសន ដែលបានទទួលមរណភាព កាលពីថ្ងៃទី២០ ខែវិច្ឆិកា ឆ្នាំ២០២៣ វេលាម៉ោង១២:២០នាទី ក្នុងជន្មាយុ៩៩ឆ្នាំ ដោយជរាពាធ ដែលសពត្រូវបានតម្កល់ទុកធ្វើបុណ្យនៅគេហដ្ឋាននៃសព ស្ថិតក្នុងភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។

សូមជម្រាបជូនថា មហាឧបាសិកាពុទ្ធសាសនូបត្ថម្ភក៍ យិប ថាំកេសន ត្រូវជាម្តាយក្មេករបស់សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និងត្រូវជាជីដូនបង្កើតរបស់ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ។

ក្នុងបរិយាកាសដ៏សែនក្រៀមក្រំនេះ អ្នកឧកញ៉ា ថ្នាក់ដឹកនាំ និងបុគ្គលិកទាំងអស់ សូមចូលរួមរំលែកទុក្ខជាមួយក្រុមគ្រួសារសព មហាឧបាសិកាពុទ្ធសាសនូបត្ថម្ភក៏ យិប ថាំកេសន ចំពោះការបាត់បង់ម្តាយ ម្តាយក្មេក ជីដូន ជីដូនទូត ប្រកបដោយព្រហ្មវិហារធម៌ ដែលបានខិតខំចិញ្ចឹមបីបាច់ថែរក្សា និងអប់រំបុត្រធីតា និងចៅៗ រហូតក្លាយជាបញ្ញវន្ត និងជាធនធានមនុស្សដ៏មានតម្លៃ ប្រកបដោយគុណធម៌សម្រាប់សង្គមជាតិ។ ការបាត់បង់ មហាឧបាសិកាពុទ្ធសាសនូបត្ថម្ភក៏ យិប ចាំកេសន គឺជាការបាត់បង់ពុទ្ធសាសនិកមួយរូប ដែលបានបូជាអស់ កម្លាំងកាយចិត្ត ប្រាជ្ញា ស្មារតី រួមចំណែកលើកកម្ពស់ដល់វិស័យព្រះពុទ្ធសាសនានៅកម្ពុជាយ៉ាងច្រើន ដើម្បីបម្រើផលប្រយោជន៍ជូនជាតិ មាតុភូមិ។

ថ្នាក់ដឹកនាំ និងបុគ្គលិកទាំងអស់នៃក្រុមហ៊ុន ហ្គាឡាក់ស៊ី ណាវ៉ាត្រា ចូលរួមរំលែកនូវមរណទុក្ខជាមួយក្រុមគ្រួសារនៃសពដោយសេចក្តីសង្វេគបំផុត និងសូមឧទ្ទិសបួងសួងឱ្យវិញ្ញាណក្ខន្ធរបស់មហាឧបាសិកាពុទ្ធសាសនូបត្ថម្ភក៏ យិប ថាំកេសន  បានទៅកាន់ឋានបរមសុខ កុំបីឃ្លៀងឃ្លាតឡើយ៕

The post អ្នកឧកញ៉ា ឡេង ប្រុស ដឹកនាំគណៈប្រតិភូក្រុមហ៊ុន Galaxy Navatra Group ចូលរួមដាក់កម្រងផ្កា និងគោរពវិញ្ញាណក្ខន្ធសពមហាឧបាសិកាពុទ្ធសាសនូបត្ថម្ភក៍ យិប ថាំកេសន ម្តាយក្មេកសម្តេចពិជ័យសេនា ទៀ បាញ់ appeared first on .

ប្រសាសន៍សម្តេចតេជោ ហ៊ុន សែន នាយករដ្ឋមន្ត្រី កាលពីពេលថ្មីៗនេះបានបង្ហាញសមាសភាពរាជរដ្ឋាភិបាល និងនាយករដ្ឋមន្ត្រីអាណត្តិទី៧ ដោយឯកឧត្តម ហ៊ុន ម៉ាណែត ជានាយករដ្ឋមន្ត្រីអាណត្តិថ្មីនេះ។ បើទោះបីជាសម្តេចតេជោ ហ៊ុន សែន មិនទាន់បង្ហើបឲ្យដឹងពីសមាសភាពរាជរដ្ឋាភិបាលអាណត្តិថ្មីនេះក៏ដោយចុះ ប៉ុន្តែលិខិតមិនផ្លូវការមួយបានបង្ហាញពីការរៀបចំសមាសភាពដឹកនាំរាជរដ្ឋាភិបាលនីតិកាលទី៧នេះ សុទ្ធសឹងតែជាអ្នកបន្តវេនរបស់គណបក្សប្រជាជនកម្ពុជា វ័យក្រោម៦០ឆ្នាំ។

លិខិតចំនួន២ទំព័របង្ហាញពីការរៀបចំសមាសភាពរាជរដ្ឋាភិបាលបម្រុងទុក កាលពីខែមីនាឆ្នាំ២០២៣នេះ តែមិនទាន់ច្បាស់ការនៅឡើយបានឲ្យដឹងថា ឯកឧត្តម ហ៊ុន ម៉ាណែត កាន់តំណែងនាយករដ្ឋមន្ត្រី, លោក ស សុខា កាន់តំណែងនាយរដ្ឋមន្ត្រីក្រសួងមហាផ្ទៃ ជាកូនប្រុសច្បងសម្តេចក្រឡាហោម ស ខេង, លោក ទៀ សីហា ជារដ្ឋមន្ត្រីក្រសួងការពារជាតិ កូនប្រុសសម្តេចពិជ័យសេនា ទៀ បាញ់, លោក សាយ សំអាល់ ជារដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ជាកូនប្រុសសម្តេចវិបុលភក្តី សាយ ឈុំ ប្រធានព្រឹទ្ធសភា និងមានកូនឥស្សរជនជាច្រើនរូបទៀត។

យោងតាមប្រសាសន៍សម្តេចតេជោ ហ៊ុន សែន បង្ហើបពីការរៀបចំអ្នកបន្តវេនអាណត្តិទី៧ ដែលមានឯកឧត្តម ហ៊ុន ម៉ាណែត ជានាយករដ្ឋមន្ត្រីនោះគឺមានការប្រកាសគាំទ្រយ៉ាងពេញទំហឹង។​ ទន្ទឹមនឹងនេះ មជ្ឈដ្ឋាននានាក៏បាននាំគ្នាជជែកពីរឿងសមាសភាពរដ្ឋមន្ត្រីក្រសួងមហាផ្ទៃ និងរដ្ឋមន្រ្តីក្រសួងការពារជាតិ ថាតើអាចនឹងមានការដាក់កូនរបស់ឥស្សរជនជាដឹកនាំក្រសួងនេះឫយ៉ាងណា គឺលោក ស សុខា និងលោក ទៀ សីហា។ ការដែលអ្នកបន្តវេនទាំង២នេះ ទទួលការចាប់អារម្មណ៍ក៏ព្រោះថា នៅក្នុងជួរគណបក្សប្រជាជនកម្ពុជា សម្តេចក្រឡាហោម ស ខេង និងសម្តេចពិជ័យសេនា ទៀ បាញ់ ជាអនុប្រធានគណបក្ស និងជាឥស្សរជនដែលមានអំណាចដឹកនាំកងកម្លាំងនៅប្រទេសកម្ពុជា។

កូនប្រុសច្បងរបស់សម្តេចក្រឡាហោម ស ខេង គឺលោក ស សុខា បញ្ចប់ បញ្ចប់ការសិក្សាថ្នាក់ឧត្តមសិក្សាពីប្រទេសបារាំង បច្ចុប្បន្នជាអ្នកតំណាងរាស្ត្រមណ្ឌលខេត្តព្រៃវែង លំដាប់លេខរៀងទី២ ហើយមានតួនាទីជារដ្ឋលេខាធិការក្រសួងអប់រំ យុវជន និងកីឡា ដែលមានក្របខ័ណ្ឌដើមជានាយនគរបាលជាតិថ្នាក់ឧត្តមសេនីយ៍ក្រសួងមហាផ្ទៃ។ លោក ស សុខា ទទួលបានការដំឡើងឋានន្តរស័ក្តិថ្នាក់ឧត្តមសេនីយ៍ឯក (ផ្កាយ៣) ដោយព្រះរាជក្រឹត្យលេខ នស/រកត/០៩១៨/៩៩៣ ចុះថ្ងៃទី២២ ខែកញ្ញា ឆ្នាំ២០១៨។

រាជរដ្ឋាភិបាលកាលពីថ្ងៃទី៣ ខែមេសា ឆ្នាំ២០២៣ សម្រេចតែងតាំងលោក ស សុខ ជាអនុប្រធានក្រុម ការងាររាជរដ្ឋាភិបាល ចុះមូលដ្ឋានខេត្តព្រៃវែង។ តួនាទីថ្មីនេះលោកមានភារកិច្ចត្រួតពិនិត្យ និងគាំទ្រ ការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាល និងជាតំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តព្រៃវែង។

ក្រៅពីកិច្ចការនយោបាយ បច្ចុប្បន្នលោក ស សុខា ជាអនុប្រធានសហភាពសហព័ន្ធ យុវជនកម្ពុជាទទួលបន្ទុកខេត្តព្រៃវែង និងខេត្តបាត់ដំបង។

ចំណែកលោក ទៀ សីហា ជាកូនប្រុសទី២ សម្តេចពិជ័យសេនា ទៀ បាញ់ ឧបនាយកនាយករដ្ឋមន្ត្រី រដ្ឋមន្ត្រីក្រសួងការពារជាតិ បច្ចុប្បន្នលោកកាន់តំណែងជាអភិបាលខេត្តសៀមរាប។ លោកបានបញ្ចប់ការសិក្សាផ្នែកពាណិជ្ជកម្មពីមហាវិទ្យាល័យ Passy Saint-Honoré នាទីក្រុងប៉ារីស ក្នុងឆ្នាំ២០០១ នៅទីក្រុង បារីសនិងសាលាបណ្ឌិត្យសភាយោធាបារាំង។

លោក ទៀ សីហា អតីតមន្ត្រីកងរាជអាវុធរាជធានីភ្នំពេញ ជាអតីតប្រធានក្រុមនិស្សិតស្ម័គ្រចិត្តវាស់វែងដីធ្លីទូទាំងប្រទេស ប្រចាំខេត្តសៀមរាប។ ហើយកាលណោះលោកត្រូវបានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា តែងតាំងធ្វើប្រធាន ស.ស.យ.ក ខេតសៀមរាបផងដែរ។

លោក ទៀ សីហា ជានាយទាហានជាន់ខ្ពស់នៃកងយោធពលខេមភូមិន្ទក្រសួងការពារជាតិ ទទួលការតែងតាំងជាឧត្តមសេនីយ៍ត្រី កាលឆ្នាំ២០១១ ជាឧត្តមសេនីយ៍ទោ ក្នុងឆ្នាំ២០១៤ និងតែងតាំងជាឧត្តមសេនីយ៍ឯកផ្កាយ ៣ កាលពីថ្ងៃទី ៧ ខែមករាឆ្នាំ ២០២២។ បច្ចុប្បន្ន លោក ទៀ សីហា ជាសមាជិកគណៈកម្មាធិការកណ្តាល គណបក្សប្រជាជនកម្ពុជា និងជាប្រធានគណបក្សប្រជាជនកម្ពុជាខេត្តសៀមរាប ប្រធានយុវជនគណបក្សប្រជាជនកម្ពុជាខេត្តសៀមរាប៕

The post កូនឧបនាយករដ្ឋមន្ត្រី ២រូប ស្ថិតក្នុងក្រសែភ្នែកមជ្ឈដ្ឋានជាតិ ក្រោយរៀបចំអ្នកបន្តវេន appeared first on .

សម្តេច​ពិជ័យសេនា ទៀ បាញ់ មានប្រសាសន៍កោតសរសើរពីស្នាដៃ និងសមិទ្ធផលជាច្រើនដែលកងរាជអាវុធហត្ថបានកសាងនៅក្នុងរយៈពេល៣០ឆ្នាំ របស់កងរាជអាវុធហត្ថ ដែលបានរួមចំណែកយ៉ាងសំខាន់ ក្នុងកិច្ចការពារសន្តិភាព សន្តិសុខ សណ្តាប់ធ្នាប់សង្គម ធានាបាននូវស្ថិរភាពនយោបាយ និងការពារបានយ៉ាងរឹងមាំនូវខឿនការពារជាតិ, បង្កើតបានស្នាដៃ សមិទ្ធផលជាច្រើនឥតគណនា ដើម្បីបុព្វហេតុជាតិ និងភាពសុខសាន្តរបស់ប្រជាពលរដ្ឋ និងជាអង្គភាពគម្រូមួយក្នុងកងយោធពលខេមរភូមិន្ទ អនុវត្តភារកិច្ចដែលប្រគល់ជូន ដូចជា ការកែទម្រង់ កសាងកម្លាំង អប់រំហ្វឹកហ្វឺននិងបណ្ដុះបណ្ដាល ការងារភស្តុភារនិងបច្ចេកទេស ការសាងសង់សំណង់ ជំរំជម្រក ពិសេសការអនុវត្តតួនាទីភារកិច្ចរបស់ខ្លួន “បង្ការ បង្ក្រាប និងសង្គ្រោះ” និងការចូលរួមពង្រឹងអនុវត្តច្បាប់ប្រកបដោយប្រសិទ្ធភាព។

កងរាជអាវុធហត្ថ គឺជាអង្គភាពទ័ពជំនាញមួយ ជាផ្នែកមួយនៃកងយោធពលខេមរភូមិន្ទ មានការអភិវឌ្ឍគ្រប់ផ្នែកដូចជា ការកសាងកម្លាំង ការកសាងហេដ្ឋារចនាសម្ព័ន្ធជំរំជម្រក ការអប់រំហ្វឹកហ្វឺនរៀនសូត្រ ការងារប្រតិបត្តិការតួនាទីភារកិច្ច ជាពិសេសក្រោមការដឹកនាំបញ្ជារបស់នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស រយៈកន្លងទៅនេះ មានការលេចធ្លោបង្កើតបាននូវស្នាដៃ និងសមិទ្ធផលធំៗជាច្រើន។

សូមជម្រាបជូនថា នាយឧត្តមសេនីយ៍ សៅ សុខា គឺជាអ្នកដឹកនាំមួយរូបដែលមានទស្សនវិស័យវែងឆ្ងាយ មានសេចក្តីក្លាហាន មានការទទួលខុសត្រូវខ្ពស់ ចំពោះភារកិច្ចដែលថ្នាក់លើប្រគល់ជូន ជាពិសេស ចូលរួមពង្រឹងការអនុវត្តច្បាប់ ការពាររដ្ឋធម្មនុញ្ញ ការពាររាជរដ្ឋាភិបាលក្រោមការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា៕

The post សម្ដេចពិជ័យសេនា ទៀ បាញ់ កោតសរសើរពីស្នាដៃ និងសមិទ្ធផលជាច្រើនដែលកងរាជអាវុធហត្ថបានកសាងនៅក្នុងរយៈពេល៣០ឆ្នាំ appeared first on .

លោកអភិបាលខេត្តសៀមរាប ​​បាន​បង្ហោះរូបភាព​និង​សារ​លើ​ទំព័រ​ហ្វេសប៊ុក​ផ្លូវការ​របស់​លោក កាល​ពី​ម្សិល​មិញ​ថា៖ “សង្ក្រាន្ត និងកល្យាណី មានប្អូនហើយ។ សូរ្យកាន្ត បើកភ្នែកឃើញពន្លឺព្រះអាទិត្យ ជាលើកទីមួយ​នៃ​ការចាប់ផ្តើមជីវិតរបស់គេ។ ពេលវេលាពិតជាដើរលឿនមែន មួយរំពេចសោះ រៀបការបាន៧ឆ្នាំបាន​កូន​៣។ ល្មមសម្រាប់ខ្ញុំ និងអាចល្មមសម្រាប់ប្រពន្ធដែរ មិននឹកស្មានថា ខ្ញុំនិងប្រពន្ធអាចមានកូនដល់តែ៣​បាន”។

លោក ទៀ សីហា ​​បាន​លើក​ឡើង​ពី​ប្រវត្តិ​របស់​លោក ជាមួយ​នឹង​កូនៗ​ទាំង​៣​ដូច​​ខាង​ក្រោម៖

កូនទី១ (សង្ក្រាន្ត) បានធ្វើ​ឱ្យ​លោក​យល់ពី ប៉ា និងម៉ាក់ច្រើន មិនថាការស្រឡាញ់ ការមើលថែ ព្រមទាំង​ក្តីបារម្ភពីកូនគ្រប់ពេល។ លោកប៉ាជាទាហាន រវល់សឹងតែរកពេលជួបកូនមិនបាន (ចាប់ពីការរំដោះ​របប​ប្រល័យពូជសាសន៍រួច រហូតបន្តមានសង្គ្រាមសុីវិលក្នុងប្រទេសកម្ពុជា និងត្រូវការកសាងប្រទេសឡើងវិញ ចាប់ពីចំណុចសូន្យ លោកប៉ាមិនដែលមានពេលនោះទេ។

កូនទី២ (កល្យាណី) ដោយសារតែជំងឺកូវីដ-១៩ ធ្វើឱ្យ​លោក​មិនអាចនៅក្បែរបាន តាំងពីកើតមក ជិត៦ខែ​បានអាចឱបថើបកូនបាន បារម្ភការឆ្លងកូវីដ និងមេរោគផ្សេងៗ។ ចំណុចនេះក៏នឹកដល់ប៉ារបស់​លោក​ថែម​ទៀត ពេលត្រូវបំពេញបេសកកម្មឆ្ងាយពីគ្រួសារ ដើម្បីស្វែងរកសន្តិភាព ក៏ប៉ាត្រូវនៅឆ្ងាយពីកូនដែរ។

ដល់កូនទី៣ (សូរ្យកាន្ត) យើងមានសន្តិភាពគ្រប់គ្រាន់ កូន​របស់​លោក​មានសុខភាពល្អ ដៃជើងគ្រប់ មុខ​មាត់​សង្ហារដូចឪពុក។

ទោះ​យ៉ាងណា ​​ដោយ​សារ​លោក​ជា​អភិបាលខេត្តសៀមរាប ​​និង​មាន​ភារកិច្ច​ច្រើន​ត្រូវ​បំពេញ លោក​នឹង​វិល​ត្រឡប់​ទៅ​បំពេញ​ការងារ​នៅ​​សាលា​ខេត្ត​សៀមរាប​វិញ​ ជាមួយបងប្អូនមន្ត្រីរាជការគ្រប់ថ្នាក់ ទុកឱ្យ​ប្រពន្ធ និងបងៗស្រី ជួយ​មើលកូនទាំង៣សិន។

គួរ​បញ្ជាក់​ផង​ដែរ​ថា លោក ទៀ សីហា កូនប្រុសបង្កើតសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ទើប​ត្រូវបានព្រះមហាក្សត្រ​ត្រាស់បង្គាប់តែងតាំងមុខតំណែង​ជាអភិបាល​ខេត្ត​សៀមរាប សម្រាប់អាណត្តិទី២បន្តក្នុងដែនសមត្ថកិច្ចដដែល កាលពី​ថ្ងៃទី​១៦ ខែ​វិច្ឆិកា ឆ្នាំ២០២២។

លោក ទៀ សីហា ធ្លាប់ជាអតីតអភិបាលរងខេត្តសៀមរាប ជា​នាយទាហានជាន់ខ្ពស់​នៅ​ក្រសួងការពារជាតិ​ ដែល​មាន​ឋានន្តរ​សក្តិឧត្តមសេនីយ៍ទោ ត្រូវ​បានតែងតាំង​ជា​អភិបាលខេត្ត​សៀមរាប​ កាលពីថ្ងៃទី១៦ ខែធ្នូ ឆ្នាំ២០១៨ ជំនួស​លោក ឃឹម ប៊ុ​ន​សុង ដែល​ត្រូវ​បាន​​ដំឡើង​ឋានន្តរ​សក្តិថ្នាក់​នាយ​ឧត្តមសេនីយ៍ ​(​ផ្កាយ​៤) និងតែង​តាំង​​ជា​រដ្ឋលេខាធិការ​ក្រសួងការពារជាតិ​វិញ៕

The post មកស្គាល់ឈ្មោះកូនទាំង៣ របស់លោក ទៀ សីហា អភិបាលខេត្តសៀមរាប appeared first on .

បើតាមព្រះរាជក្រឹត្យដែលឡាយព្រះហស្តលេខា ដោយអង្គព្រះមហាក្សត្រ នៅថ្ងៃទី១៦ ខែវិច្ឆិកា ឆ្នាំ២០២២ ក៏មានតែងតាំងមុខដំណែងលោក ប៉ែន កុសល្យ ជាអភិបាលខេត្តឧត្តរមានជ័យ សម្រាប់អាណត្តិទី២ បន្តទៀតផងដែរ។

លោក ទៀ សីហា ធ្លាប់ជាអតីតអភិបាលរងខេត្តសៀមរាប ជា​នាយទាហានជាន់ខ្ពស់​នៅ​ក្រសួងការពារជាតិ​ ដែល​មាន​ឋានន្តរ​សក្តិឧត្តមសេនីយ៍ទោ ត្រូវ​បានតែងតាំង​ជា​អភិបាលខេត្ត​សៀមរាប​ កាលពីថ្ងៃទី១៦ ខែធ្នូ ឆ្នាំ២០១៨ ជំនួស​លោក ឃឹម ប៊ុ​ន​សុង ដែល​ត្រូវ​បាន​​ដំឡើង​ឋានន្តរ​សក្តិថ្នាក់​នាយ​ឧត្តមសេនីយ៍​(​ផ្កាយ​៤) និងតែង​តាំង​​ជា​រដ្ឋលេខាធិការ​ក្រសួងការពារជាតិ​វិញ។

ចំណែកឯលោក ជាម ច័ន្ទសោភ័ណ លោក ជាម ច័ន្ទសោភ័ណ្ឌ ត្រូវបានតែងតាំងជាអភិបាលខេត្តត្បូងឃ្មុំ កាលពីថ្ងៃទី១៣ ខែវិច្ឆិកា ឆ្នាំ ២០១៨ ជំនួសលោក ប្រាជ្ញ ច័ន្ទ បច្ចុប្បន្នជាប្រធានគណៈកម្មាធិការជាតិរៀបចំការបោះឆ្នោត គ.ជ.ប។ លោក ជាម ច័ន្ទសោភ័ណ្ឌ អតីតអភិបាលរងខេត្តត្បូងឃ្មុំ និងធ្លាប់ជាអភិបាលរងខេត្តបាត់ដំបង។

សូមជម្រាបថា សម្រាប់អភិបាលខេត្តពោធិ៍សាត់ លោក ជាវ តាយ ឯណោះដែលមិនទាន់ដល់អាណត្តិផង ត្រូវបានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស្នើសុំសម្តេចតេជោ ហ៊ុន សែន នាយករដ្ឋមន្ត្រី ផ្លាស់ប្ដូរមុខដំណែងមកកាន់រដ្ឋលេខាធិការក្រសួងមហាផ្ទៃ ដោយដាក់លោក ខួយ រីដា អភិបាលរងខេត្តបាត់ដំបង មកកាន់អភិបាលខេត្តពោធិ៍សាត់ ជំនួសលោក ជាវ តាយ ដែលទើបផ្លាស់ប្តូរពីខេត្តកំពត ជំនួសលោក ម៉ៅ ធនិន ត្រូវទៅកាន់ខេត្តកំពតវិញ។

ការផ្លាស់ប្ដូរលោក ជាវ តាយ មកកាន់ក្រសួងមហាផ្ទៃ សម្តេចក្រឡាហោម ស ខេង បានថ្លែងប្រាប់ក្រុមអ្នកសារព័ត៌មាននាពេលថ្មីៗនេះថា៖ លោក ជាវ តាយ មិនមានកំហុសអ្វីនោះ ប៉ុន្តែជាការស្នើសុំពីក្រុមគ្រួសារដើម្បីសម្រាកព្យាបាលជំងឺ ហើយក្រសួងមហាផ្ទៃសម្រេចស្នើសុំទៅសម្តេចនាយករដ្ឋមន្ត្រី ធ្វើការផ្លាស់ប្តូរឱ្យមកកាន់រដ្ឋលេខាធិការនៃក្រសួងមហាផ្ទៃវិញ៕

The post កូនប្រុសបង្កើតមន្រ្តីជាន់ខ្ពស់ ២រូបបន្តកាន់ដំណែងអភិបាលខេត្តសម្រាប់អាណត្តិទី២ appeared first on .

កិច្ចប្រជុំដ៏​ធំ​នេះ​ ក៏​មាន​ការ​អញ្ជើញ​ចូល​រួម​ពី​លោក​ ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួង​រៀបចំ​ដែនដី នគរូបនីយកម្ម និងសំណង់, រដ្ឋលេខាធិការ អនុរដ្ឋលេខាធិការ ព្រម​ទាំង​មាន​វត្តមាន​លោក គួច ចំរើន អភិបាល​ខេត្ត​ព្រះសីហនុ​ផង​ដែរ។

គួរ​រំលឹក​ថា កាលពី​ថ្ងៃទី​០៨ ខែ​មិថុនា ឆ្នាំ២០២២ ប្រទេសចិន​បានសម្រេចផ្តល់ជំនួយសាងសង់​រោងជាង​ជួសជុល​នាវា ផែសំចត និងស្តារឃ្លង នៅមជ្ឈមណ្ឌលទំនើបកម្មមូលដ្ឋានសមុទ្ររាម ដើម្បីចូលរួមធ្វើ​ទំនើប​កម្មកងទ័ពជើងទឹកនៅកម្ពុជា។​ ពិធីបើការដ្ឋាននេះ ធ្វើឡើងក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងលោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា។

សម្តេច​ ទៀ បាញ់ ​បានគូសបញ្ជាក់ថា មូលដ្ឋានទ័ពជើងទឹករាម មានទំហំតូច ដូច្នេះហើយ យើងត្រូវពង្រឹង​មូលដ្ឋានរបស់យើង ដើម្បីការពារជាតិ ទឹកដី និងអធិបតេយ្យភាពរបស់យើង។ ​លោក​គូសបញ្ជាក់​ថា គម្រោង​ទំនើបកម្ម​មូលដ្ឋានទ័ព​ជើងទឹក​រាម គឺជា​យុទ្ធសាស្ត្រ​ដ៏​សំខាន់​មួយ​សម្រាប់​ការអភិវឌ្ឍ​ន៍កងទ័ព ស្របតាម​សៀវភៅ​ស​របស់​ក្រសួងការពារជាតិ។

រដ្ឋមន្ត្រីក្រសួងការពារជាតិបានបញ្ជាក់​បន្ថែមថា ការធ្វើទំនើបកម្មមូលដ្ឋានទ័ពជើងទឹករាម គឺស្របតាម​រដ្ឋធម្មនុញ្ញ ហើយកម្ពុជាគ្មានចេតនាអ្វីក្រៅពីការបង្កើនសមត្ថភាពការពារខ្លួនប្រឆាំងនឹងសម្ពាធ និងបញ្ហា​ប្រឈមភូមិសាស្ត្រនយោបាយដែលពិភពលោកកំពុងតែប្រឈមនោះទេ។ សម្តេច​ក៏​បានច្រានចោល​ទាំង​ស្រុង​នូវរបាយការណ៍របស់កាសែតអន្តរជាតិមួយ​ ដោយលោកបាននិយាយថា ទំនើបភាវូបនីយកម្ម​នៃមូលដ្ឋាន​ទ័ព​ជើងទឹករាម មិនមែនសម្រាប់ប្រទេសចិនទេ គឺសម្រាប់ការពារជាតិកម្ពុជា៕

The post សម្តេច ទៀ បាញ់ ដឹកនាំកិច្ចប្រជុំធំមួយនៅទីស្តីការក្រសួងដែនដី ទាក់ទងមូលដ្ឋានទ័ពជើងទឹក appeared first on .

សូមអានសេចក្តីប្រកាស ចុះហត្ថលេខាដោយសម្តេចកពិជ័យសេនា ទៀ បាញ់ ដូចខាងក្រោម៖

The post សម្តេចពិជ័យសេនា ទៀ បាញ់ សម្រេចផ្លាស់ប្តូរ និងតែងតាំងមុខដំណែង មេប៉េអឹមខេត្តមួយចំនួន appeared first on .

សម្តេចពិជ័យសេនា បញ្ជាក់ទៀតថា ដំណើរទស្សនកិច្ចនេះ ធ្វើឡើងដោយសារតែកម្ពុជា-ចិន បានរៀបចំគណៈ​កម្មការ​ចម្រុះផ្នែកយោធាជាមួយគ្នា ហើយ​កិច្ច​ប្រជុំលើកដំបូងរបស់គណកម្មការនេះ​នៅ​ប្រទេសចិន ដើម្បីពិភាក្សាការ​ងារ​ពង្រឹងកិច្ចសហប្រតិបត្តិការ។ ដោយឡែកសម្រាប់កម្ពុជា បានរៀបចំអនុគណៈកម្មការចំនួន២ដែរ គឺអនុគណៈកម្មការសម្រាប់កិច្ចសហប្រតិបត្តិការយោធា និង​អនុគណៈ​កម្មការកិច្ច​ស​ហ​ការ​ប្រតិបត្តិ​ខាងបច្ចេកទេសយោធា។

សម្តេចពិជ័យសេនា សង្កត់ធ្ងន់ថា​ កម្ពុជាស្វាគមន៍ចំពោះមិត្តភក្តិទាំងឡាយនៅក្នុងតំបន់ ក៏ដូចជាពិភពលោក បើសិនជាចង់ជួយអភិវឌ្ឍន៍ ឬជំរុញវិស័យយោធាឱ្យដំណើរការទៅមុខបានជឿនលឿន គឺកម្ពុជាស្វាគមន៍ទាំងអស់។

គួរបញ្ជាក់ថា សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់នៃកងយោធពលខេមរភូមិន្ទ ទៅបំពេញទស្សនកិច្ចផ្លូវការនៅសាធារណរដ្ឋប្រជាមានិតចិន រយៈពេល៤ថ្ងៃ គឺចាប់ពីថ្ងៃទី១៣-១៦ ខែសីហា ឆ្នាំ២០២២ ។ ទស្សនកិច្ចរបស់សម្ដេចពិជ័យសេនា ក្នុងគោលបំណង ដើម្បីពង្រឹងកិច្ចសហប្រតិបត្តិការយោធា និងបច្ចេកទេសយោធារវាងប្រទេសចិននិងកម្ពុជា។

The post កម្ពុជា-ចិន បន្តសហការគ្នាអភិវឌ្ឍន៍លើកកម្ពស់វិស័យយោធា appeared first on .

សេចក្ដីប្រកាសព័ត៌មានរបស់ក្រសួងការពារជាតិ បានឲ្យដឹងថា អំឡុងទស្សនកិច្ចផ្លូវការនេះ សម្តេចពិជ័យសេនា ទៀ បាញ់ និងសមាជិកក្រុមទីប្រឹក្សារដ្ឋ និងជារដ្ឋមន្ត្រីក្រសួងការពារប្រទេសចិន នាយឧត្តមសេនីយ៍ Wei Feng He នឹងធ្វើសហប្រធានក្នុងកិច្ចប្រជុំលើកដំបូងរបស់គណៈកម្មការចម្រុះកិច្ចសហប្រតិបត្តិការយោធា និងបច្ចេកកងទ័ពប្រទេសទាំងពីរ នៅទីក្រុងក្វាងចូវ។

ជាមួយគ្នានេះ សម្តេចពិជ័យសេនា ទៀ បាញ់ នឹងមានជំនួបពិភាក្សាផ្លាស់ប្តូរទស្សនៈគ្នាអំពីបញ្ហាតំបន់ និងអន្តរជាតិ ជាមួយនាយឧត្តមសេនីយ៍ Xu Qi Leang ដែលនឹងជាអធិបតីភាពក្នុងពិធីចុះហត្ថលេខាលើពិធីសារចំនួន ២ គឺ កិច្ចសហប្រតិបត្តិការយោធា និងកិច្ចសហប្រតិបត្តិបច្ចេកទេសយោធា សំដៅលើកកម្ពស់សមត្ថភាពកងទ័ព និងធ្វើទំនើបកម្មហេដ្ឋារចនាសម្ព័ន្ធផ្នែកទន់-រឹង ដើម្បីឲ្យវិស័យការពារជាតិកាន់តែរីកចម្រើនមួយកម្រិតថែមទៀត។

នៅក្នុងកំឡុងទស្សនកិច្ចរបស់គណៈប្រតិភូកងយោធពលខេមរភូមិន្ទកម្ពុជា ភាគីចិនក៏នឹងរៀបចំអាហារថ្ងៃត្រង់ ដើម្បីពង្រឹងចំណងសាមគ្គីភាព មិត្តភាព និងកិច្ចសហប្រតិបត្តិការកងទ័ពកម្ពុជា-ចិន ឲ្យកាន់តែរឹងមាំ និងរីកចម្រើនថែមទៀត ក្រោយវិបត្តិជំងឺសកលកូវីដ១៩៕

The post តើទស្សនកិច្ច ៤ថ្ងៃនៅចិន សម្តេចពិជ័យសេនា ទៀ បាញ់ ជួបឥស្សរជន និងពិភាក្សាប្រធានរឿងធំៗអ្វីខ្លះ? appeared first on .