ឧកញ៉ា តែ តាំងប៉ ប្រធានក្រុមប្រឹក្សាភិបាលនៃសម្ព័ន្ធសហគ្រាសធុនតូច និងមធ្យមនៅកម្ពុជា ដែលជាប្រធានដឹកនាំកិច្ចប្រជុំ បានលើកឡើងថា កន្លងមក FASMEC បានរៀបចំសិក្ខាសាលាពិគ្រោះយោបល់ផ្សេងៗ ដើម្បីប្រមូលបញ្ហាប្រឈមទាក់ទងនិយ័តករគណនេយ្យនិងសវនកម្ម ពន្ធដារ និងការចុះបញ្ជីអាជីវកម្មតាមប្រព័ន្ធបច្ចេកវិទ្យា ព្រមទាំងរៀបចំវគ្គបណ្តុះបណ្តាលចំនួន៤ ស្តីពីការកត់ត្រាបញ្ជីគណនេយ្យប្រកបដោយតម្លាភាព ដើម្បីផ្តល់ចំណេះដឹងដល់សហគ្រាសទាំងអស់ឱ្យយល់ដឹងអំពីនីតិវិធី និងការរៀបចំរបាយការណ៍ហិរញ្ញវត្ថុ និងគោលការណ៍នានា ក្នុងការរៀបចំរបាយការណ៍សំរាប់និយ័តករគណនេយ្យនិងសវនកម្មរួចមកហើយ។

តាមរយៈការរៀបចំកិច្ចប្រជុំ និងសិក្ខាសាលាពិគ្រោះនាពេលកន្លងទៅ លោកឧកញ៉ា តែ តាំងប៉ បានគូសបញ្ជាក់នូវបញ្ហាប្រឈមរបស់សហគ្រិន្តស្រ្តីជាអាទិភាពចម្បងចំនួន៣ ដូចជា បញ្ហាទី១៖ បន្ទុកសវនកម្មច្រើនពេក បូករួមទាំងបញ្ហាពន្ឋដារផង និយ័តករផង ធ្វើឱ្យសហគ្រាសមិនអាចរកចំណូលបានគ្រប់គ្រាន់។ លោកឧកញ៉ាថា កាលមុនមានតែសវនកម្មពន្ធដារទេ តែឥឡូវមានសវនកម្មពន្ធដារផងនិងនិយ័តករផង ដូច្នេះហើយទើបធ្វើឱ្យម្ចាស់សហគ្រាសខ្លះមានសម្ពាធពិបាកក្នុងការបង់ពន្ធ ដោយសារប្រាក់ចំណាយទៅពន្ធផង ទៅនិយ័តករផង មានការចំណាយច្រើន។ ទី២៖ កង្វះការយល់ដឹងអំពីរបាយការណ៍ហិរញ្ញវត្ថុ  សហគ្រាសខ្លះមិនមានរបាយការណ៍ហិរញ្ញវត្ថុត្រឹមត្រូវនិងមិនត្រូវស្តង់ដារ ដោយសារការយល់ដឹងរបស់សហគ្រាសមួយចំនួននៅមានកម្រិតនៅឡើយ។ ទី៣៖ កង្វះគម្រូបបញ្ជីស្នាមគ្រប់វិស័យ គឺសហគ្រិនត្រូវការគម្រូបញ្ជីស្នាម ដើម្បីងាយស្រួលក្នុងការរៀបចំបញ្ជី។

នៅក្នុងកិច្ចប្រជុំនាសណ្ឋាគារភ្នំពេញនោះដែរ  អគ្គនាយកនិយ័តករគណនេយ្យនិងសវានកម្ម លោក ប៊ូ ថារិន  បានលើកឡើងថា ជាលើកទី១ហើយដែលនិយ័តករស្នើខាង FASMEC ដើម្បីជួបពិភាក្សាជាមួយសហគ្រិនស្រ្តីដែលជាផ្នែកមួយនៃវិស័យឯកជនជាដៃគូស្របទៅនឹងគោលនយោបាយរបស់រាជរដ្ឋាភិបាល។

លោកបន្តថា  ធម្មតានៅគ្រប់វិស័យទាំងអស់តែងតែមានផលប៉ះពាល់ដល់ការរកស៊ី ហើយការប៉ះពាល់នេះមានលក្ខណៈជារួមនិងដោយឡែក។ ជារួមនិយ័តករចង់ឱ្យមានជំនួបពិភាក្សាគ្នាថាតើវិស័យឯកជនមានបញ្ហាប្រឈមអ្វីខ្លះតាមផ្នែក តាមវិស័យរៀងៗខ្លួន ប៉ុន្តែបញ្ហាប្រឈមនេះជាកម្មវត្ថុមួយសំខាន់ក្នុងវេទិកាពិភាក្សាក្នុងជំនួបនេះ តែទោះបីជាយ៉ាងណា វេទិការនេះក៏មិនទាន់អាចមានការសម្រេចចិត្តនៅឡើយទេ អាចគ្រាន់តែជាការដកស្រង់ពីបញ្ហាប្រឈម ហើយស្នើសុំការការសម្រេចពីថ្នាក់ដឹកនាំតាមឋានានុក្រមប៉ុណ្ណោះ។

យ៉ាងណា បន្ទាប់ពីស្តាប់ការឡើងរបស់ប្រធានក្រុមប្រឹក្សាភិបាលនៃសម្ព័ន្ធសហគ្រាសធុនតូច និងមធ្យមនៅកម្ពុជា ក្នុងកិច្ចប្រជុំនេះរួចមក លោក សេង តុលា អគ្គនាយករងនិយ័តករគណនេយ្យនិងសវនកម្ម បានបញ្ជាក់ដែថា យោងតាមបញ្ហាប្រឈមរបស់សហគ្រិនស្រ្តីទាំងប៉ុនា្មនចំណុចនេះ មិនទាន់អាចចុះហត្ថលេខាទៅកាន់និយ័តករគណនេយ្យនិងសវានកម្មបាននៅឡើយទេ ដោយស្នើសុំឱ្យមានការពិភាក្សាឱ្យលម្អិតពីបញ្ហាប្រឈមទាំងនោះឡើងវិញ។

សូមជម្រាបផងដែរថា នៅក្នុងកិច្ចប្រជុំរវាងភាគីតំណាងវិស័យឯកជន និងរដ្ឋាភិបាលនៅពេលនេះ ក្រុមសហគ្រិនស្រ្តីក៏បានស្នើដល់និយ័តករលើបញ្ហាមួយចំនួន រួមមាន៖ សហគ្រិនមិនមានចំណេះដឹងពាក់ព័ន្ធគណនេយ្យអាជីវកម្ម ដោយម្ចាស់អាជីវកម្មទាំងនោះយល់ថាមានតែការបង់ពន្ធតែមួយមុខប៉ុណ្ណោះ។ នេះជាហេតុដែលនាំឱ្យម្ចាស់អាជីវកម្មគិតថាវាជាបន្ទុកអាជីវកម្មរបស់គាត់ ហើយរដ្ឋាភិបាលមិនគួរដាក់បន្ទុកដោយឡែកផ្សេងគ្នារវាងនិយ័តករគណនេយ្យនិងសវនកម្ម ជាមួយពន្ធដារដាច់ដោយឡែកពីគ្នានោះទេ ដែលជាការពិបាកធ្វើឱ្យអាជីវកម្មភាគច្រើនស្ថិតនៅក្រៅប្រព័ន្ធ៕

The post ឧកញ៉ា តែ តាំងប៉ ដឹកនាំសហគ្រិនស្រ្តីក្នុងវិស័យឯកជន លើកបញ្ហាប្រឈមក្នុងអាជីវកម្ម ដាក់ជូនអគ្គនាយកដ្ឋាននិយ័តករគណនេយ្យនិងសវនកម្ម ដើម្បីជួយសម្រួលដោះស្រាយ appeared first on .

យោងតាមសហគ្រិនស្រ្តីដែលជាម្ចាស់អាជីវកម្ម ចូលរួមនៅក្នុងពិព័រណ៍ផលិតផលសហគ្រិនស្រ្តីនៅកម្ពុជា ដែលរៀបចំឡើងពីថ្ងៃទី ២៩ ដល់ថ្ងៃទី ៣១ ខែ មីនា ឆ្នាំ ២០២៣ នៅផ្សារទំនើបអូឡាំព្យា បានឱ្យដឹងថា ការចូលរួមប្រមូលផ្តុំព្រឹត្តិការណ៍ពិពរណ័ នៅពេលនេះ  ពិតជាមានសារៈសំខាន់ណាស់ ក្នុងការដាក់តាំងបង្ហាញ ដើម្បីស្វែងរកទីផ្សារបន្ថែម  និងការផ្សព្វផ្សាយផលិតផល របស់ខ្លួន អំពីស្នាដៃដែលកើតឡើងដោយស្រ្តី, ស្រ្តីកម្ពុជាបានកំពុងចូលរួមយ៉ាងខ្លាំងក្លានៅក្នុងអាជីវកម្ម បង្កើតនូវមុខរបរ និងវិស័យការងារ ដែលជាផ្នែកមួយនៃការចូលរួមក្នុងការអភិវឌ្ឍន៍សេដ្ឋកិច្ច និងសង្គម។ 

 ដោយមានការខិតខំប្រឹងប្រែងពីក្រសួងស្ថាប័នរបស់រាជរដ្ឋាភិបាល ក៏ដូចជា សមាគម ក្នុងការជួយជ្រោមជ្រែង លើកកម្ពស់ការកែច្នៃ និងវិចខ្ចប់ បានធ្វើឱ្យផលិតផលរបស់សហគ្រិនស្រ្តីជាច្រើន ដែលបានកើតឡើង មកនេះ សុទ្ធស៊ឹងជាផលិតផលដែលមានអនាម័យ និងមានគុណភាពខ្ពស់ មិនចាញ់បរទេសនោះឡើយ ហើយបច្ចុប្បន្នផលិតផលទាំង នេះកំពុងហូរចូលទីផ្សារ ជាពិសេសនៅថ្ងៃខាងមុខផលិតផលរបស់សហគ្រិនជាស្រ្តី នឹងហូរចេញទៅទីផ្សារខាងក្រៅកាន់តែច្រើន ខណៈនា ពេលកន្លង មកក៏ដូចបច្ចុប្បន្ន ផលិតផលដែលកើតចេញពីស្នាដៃស្រ្តីមួយចំនួន បានកំពុងនាំចេញទៅកាន់ទីផ្សារក្រៅស្រុក។

ប្រធានសមាគមសហគ្រិនស្រ្តីកម្ពុជាលោកជំទាវឧកញ៉ា កែវ មុំ មានប្រសាសន៍ថា «នៅក្នុងការរីករាលដាលជំងឺកូវីដ ១៩ ផលិតផលដែល វិចខ្ចប់ដោយស្រ្តី បានហូរចូលលើទីផ្សារយ៉ាងច្រើន ប៉ុន្តែបន្ទាប់ពីវិបត្តិបានធូរស្រាល ការហូរចូលទៅកាន់ទីផ្សារនៅមានកម្រិត គឺដោយសារ ការហូរចូលទំនិញមកពីក្រៅ។ ចំពោះបញ្ហានេះ សមាគមបានកំពុងខិតខំប្រឹងប្រែងរកទីផ្សារ ជាក់ស្តែងព្រឹត្តិការណ៍ពិពរណ៍នៅពេលនេះ ជាដើម, ក្រៅពីនេះការជំរុញឱ្យសហគ្រិនដែលជាសមាជិក សិក្សា ស្រាវជ្រាវ និងការអភិវឌ្ឍន៍ប្រព័ន្ធបច្ចេកវិទ្យាផ្សេងៗ សម្រាប់ជាយាន ពង្រីកទីផ្សារ និងក៏ដូចជាការជួយជ្រោមជ្រែងពីក្រសួងស្ថាប័ន ជា ពិសេសក្រសួងពាណិជ្ជកម្មដោយផ្ទាល់ ដើម្បីជួយលើកកម្ពស់ដល់ការធ្វើ អាជីវកម្មរបស់សហគ្រិនឱ្យកាន់តែរីកចម្រើន»។

យោងតាមលោកជំទាវឧកញ៉ា កែវ មុំ បច្ចុប្បន្នសមាគមសហគ្រិនស្រ្តីកម្ពុជា មានសមាជិកប្រមាណ ២ពាន់នាក់ ដោយមាន អាជីវកម្មចម្រុះរួមមាន៖ កសិកម្ម, ឧស្សាហកម្ម, ពាណិជ្ជកម្ម, សេវាកម្មជាដើម  ក្នុងនោះសមាគមមានសាខាចំនួនពីរ គឺនៅខេត្តសៀមរាប និងខេត្តបាត់ដំបង ហើយនៅក្នុងសហគ្រិនស្រ្តី ឲ្យតែស្រ្តីជាម្ចាស់អាជីវកម្ម គឺមានសិទ្ធចូលជាសមាជិកសមាគមសហគ្រិនស្រ្តីកម្ពុជាបាន៕អត្ថបទ៖សារេត

The post សហគ្រិនជាស្រ្តីមានក្តីរំពឹងខ្ពស់ទៅលើការហូរចូលផលិតផលរបស់ខ្លូនទៅក្នុងទីផ្សារកាន់តែច្រើន appeared first on .

ថ្មីៗ​នេះ​ លោក​ស្រី​ ប៉ែន បុប្ផា ជា​នាយិកា​ប្រតិបត្តិ ​ក្រុម​ហ៊ុន ឬទ្ធិពល​​និង​ជា​គ្រូ​បណ្តុះ​បណ្តាល​បំណិន​ជីវិត​ភាព​ជា​អ្នក​ដឹក​នាំ​ និង​ចំណេះ​ដឹង​ហិរញ្ញវត្ថុ បាន​ផ្តល់​ឱកាស​ពិសេស​ក្នុង​ការ​បើក​វគ្គ​សិក្សា​ស្តី​ពី​ “សិល្បៈ​និយាយ​ជា​សាធារណៈ​” ( Art of Public) ដែល​ជា​គោល​បំណង​ឆ្លើយ​តប​ទៅ​នឹង​ការ​ស្នើ​សុំ​របស់​បង​ប្អូន​នា​ពេល​កន្លង​​ទៅ។

ចំពោះ​ការ​សិក្សា​នូវ​វគ្គ​ពិសេស​នេះ​ ដោយ​មាន​ការ​ចំណាយ​ត្រឹម​តែ​ ២៩ ដុល្លារ​សម្រាប់​ ៥០ នាក់​ប៉ុណ្ណោះ ដែល​អ្នក​ចូល​រួម​សិក្សា​ទទួល​បាន​នូវ​អត្ថប្រយោជន៍​ជា​ច្រើន​រួម​មាន​៖១. អ្វី​ជា​ការ​និយាយ​ជា​សាធារណៈ​ ២. តើ​ត្រូវ​ត្រៀម​អ្វី​ខ្លះ​ដើម្បី​​ឲ្យ​ការ​និយាយ​ជា​សាធារណៈ​បាន​ល្អ​ ៣. អ្វី​ដែល​គួរ​ អ្វី​ដែល​មិន​គួរ​នៅ​ពេល​និយាយ​ជា​សាធារណៈ​ ៤. តើ​ការ​និយាយ​ជា​សាធារណៈ​ដែល​ល្អ​មាន​ចំណុច​សំខាន់​អ្វី​ខ្លះ​?​ ដោយ​អនុវត្ត​ការ​និយាយ​ជា​សាធារណៈ​ដោយ​ផ្ទាល់​និង​ទទួល​បាន​យោបល់​កែ​លម្អ​ពី​គ្រូ​បណ្តុះ​បណ្តាល​។​

វគ្គ​សិក្សា​និយាយ​ជា​សាធារណៈ​នេះ​ធ្វើ​ឡើង​នៅ​ថ្ងៃ​ទី​ ២០ ខែ​ វិច្ឆិកា ឆ្នាំ២០២២ វេលា​ម៉ោង​ ៩:០០ ព្រឹក​ ដល់​ ៤:០០ រសៀល ស្ថិត​នៅ​ ហ្វែក​ធឺ​រី​ភ្នំ​ពេញ​ (Factory Phnom Penh)។

គួរ​ឲ្យ​ដឹង​ផង​ដែរ​ថា​ លោក​ស្រី​ ប៉ែន បុប្ផា ក្រៅ​ពី​ នាយិកា​ប្រតិបត្តិ ​ក្រុម​ហ៊ុន ឬទ្ធិពលនិង​ជា​គ្រូ​បណ្តុះ​​បណ្តាល​បំណិន​ជីវិត​ភាព​ជា​អ្នក​ដឹក​នាំ​ និង​ចំណេះ​ដឹង​ហិរញ្ញវត្ថុ​ លោក​ស្រី​ ​ក៏​ធ្លាប់​​ទទួល​បាន​ជ័យ​លាភី​លេខ១ ក្នុង​វេទិកា​ “ស្រ្តី​ជជែក​ដេញ​ដោល​ជា​សាធារណៈ​” ពី​ភាព​ជា​អ្នក​ដឹក​នាំ​ប្រចាំ​ឆ្នាំ​ ២០២២ និង​ជា​ទូត​សុច្ឆន្ទៈ​ជា​អ្នក​ដឹក​នាំ​នៅ​កម្ពុជាផង​ដែរ​៕

The post សហគ្រិនស្រ្តីឆ្នើមមួយរូប ផ្តល់ឱកាសពិសេសក្នុងវគ្គសិក្សាស្តីពី “សិល្បៈនិយាយជាសាធារណៈ” appeared first on .

ដើម្បីដោះស្រាយនូវបញ្ហាប្រឈមនេះ ក៏ដូចជាបំផុសសក្តានុពលសហគ្រិនស្ត្រី និងបង្កភាពងាយស្រួលក្នុងការចាប់យកនូវកាលានុវត្តភាព និងសក្តានុពលថ្មីៗនានា សម្តេចតេជោនាយករដ្ឋមន្ត្រី ហ៊ុន សែន ក្នុងពេលបើកកិច្ចប្រជុំកំពូលស្ត្រីអាស៊ាន លើកទី២ ក្រោមប្រធានបទ «ការកសាងអនាគតប្រកបដោយចីរភាព បរិយាបន្ន និងកាន់តែរឹងមាំ៖ បំផុសសហគ្រិនភាពរបស់ស្ត្រីនៅក្នុងអាស៊ាន» នៅរសៀលថ្ងៃទី១២ ខែតុលា ឆ្នាំ២០២២នេះ បានលើកឡើងថា គួរពិនិត្យ និងផ្តល់ការយកចិត្តទុកដាក់លើការរៀបចំប្រព័ន្ធអេកូឡូស៊ី (Ecosystem) ដែលឆ្លើយតបទៅនឹងតម្រូវការរបស់សហគ្រាសធុនមីក្រូ តូច និងមធ្យម និងសហគ្រិនស្ត្រី រួមទាំងការកែលម្អនូវក្របខណ្ឌគតិយុត្ត និងផ្នត់គំនិតសង្គមដែលរារាំងដល់សក្តានុពលរបស់ស្ត្រីនៅក្នុងវិស័យសេដ្ឋកិច្ច។

បន្ថែមពីនេះ សម្តេចតេជោណែនាំឱ្យផ្តោតការយកចិត្តទុកដាក់លើការអភិវឌ្ឍធនធានមនុស្ស តាមរយៈកម្មវិធីលើកកម្ពស់ជំនាញ (Upskiling) និងបណ្ដុះបណ្តាលជំនាញថ្មី (Re-skilling) ដល់ស្ត្រី និងក្មេងស្រី រួមទាំងកម្មវិធីអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម និង គណិតវិទ្យា (STEM) ។

ទន្ទឹមនឹងនោះសម្តេចនាយករដ្ឋមន្ត្រី ក៏បានបញ្ជាក់ពីការលើកកម្ពស់បរិយាបន្នហិរញ្ញវត្ថុ និងឌីជីថល សម្រាប់ស្ត្រី និងក្មេងស្រី និងការពង្រីកវិសាលភាពគ្របដណ្តប់នៃប្រព័ន្ធគាំពារសង្គម, វិធានការគោលនយោបាយនានាផ្នែកគាំពារសុខុមាភាពគ្រួសារ និងការឆ្លើយតបលើការងារថែទាំគ្រួសារ និងការងារផ្ទះរបស់ស្ត្រី ព្រមទាំងការវិនិយោគសាធារណៈលើវិស័យសេវាថែទាំ និងសុខុមាលភាពសង្គមផងដែរ៕

The post សម្តេច ហ៊ុន សែន៖ សហគ្រិនភាពរបស់ស្ត្រីនៅក្នុងតំបន់អាស៊ាន បាននិងកំពុងប្រឈមនឹងឧបសគ្គជាច្រើន appeared first on .

នៅក្នុងវេទិកាថ្នាក់ជាតិស្តីពី៖«ការលើកកម្ពស់សហគ្រិនភាពរបស់ស្ត្រីនៅតំបន់អាស៊ាន តាមរយៈគោលនយោបាយគាំពារគ្រួសារនិងសង្គម» កាលពីដើមខែកញ្ញានេះ លោកជំទាវ អ៊ឹង កន្ថាផាវី រដ្ឋមន្ត្រីក្រួសងកិច្ចការនារី បានគូសបញ្ជាក់ថា ឧបសគ្គដែលសហគ្រិននិងម្ចាស់អាជីវកម្មជាស្រ្តីប្រឈមនោះ គឺការទទួលបាននិងការគ្រប់គ្រងលើធនធាន រួមទាំងសមត្ថភាពផលិតភាព និងការលំបាកនៅគ្រប់ដំណាក់កាលនៃការទទួលបានឱកាសសម្រាប់ការអភិវឌ្ឍអាជីវកម្មរបស់ខ្លួន ជាពិសេសតាមតំបន់ទីជនបទ។

លោកជំទាវ អ៊ឹង កន្ថាផាវី ថ្លែងយ៉ាងដូច្នេះថា៖«សហគ្រិន និងអាជីវករជាស្ត្រីភាគច្រើននៅតែដំណើរការ និងចាប់ផ្តើមអាជីវកម្មនៅកម្រិតមីក្រូ និងមិនទាន់ផ្លូវការ»។

សូមជម្រាបថា នៅក្នុងប្រទេសកម្ពុជា សហគ្រាសធុនតូចនិងមធ្យម (SME) ប្រមាណ៩៨% នៃធុរកិច្ចទាំងអស់ បានចូលរួមចំណែកដល់សេដ្ឋកិច្ចជាតិប្រមាណ៥៨% និងបានផ្តល់ការងារប្រមាណ៧៣% នៃការងារទាំងអស់ផងដែរ។ ក្នុងនោះមានស្ត្រីប្រមាណ៦១% ជាម្ចាស់និងថ្នាក់ដឹកនាំសហគ្រាសធុនមីក្រូ តូច និងមធ្យម (MSME) ប៉ុន្តែពួកគាត់នៅតែ មានបញ្ហាប្រឈមជាច្រើន និងកាន់តែប្រឈមខ្លាំងក្នុងអំឡុងពេលវិបត្តិកូវីដ១៩៕

The post រដ្ឋមន្ត្រីក្រសួងកិច្ចការនារី៖ សហគ្រិនស្រ្តីស្ថិតក្នុងចំណុចងាយរងផលប៉ះពាល់ខ្ពស់ និងតម្រូវឱ្យគិតគូរ appeared first on .

The post អ្នកស្រី យូ បូរី បោះបង់ការងារពីក្រុមហ៊ុនអ្នកឧកញ៉ា ពុង ឃាវសែ ចេញបើកក្រុមហ៊ុនខ្លួនឯង appeared first on .

អ្នកស្រី ស៊ូ សោភា ជា​អ្នក​ជំនួញ​ដែល​បាន​ចាប់មុខរបរតូចតាចរហូតក្លាយជាម្ចាស់ក្រុមហ៊ុន​ ដែលមាន​តម្លៃ​ទុន​វិនិយោគ​រាប់​ម៉ឺន​ដុល្លារ។

កាលពីថ្ងៃទី១៩ ខែមីនា ឆ្នាំ២០២២នេះ ក្រុមហ៊ុន ផ្សារធម្មជាតិ ២៤ របស់អ្នកស្រីស៊ូ សោភា បានបើកដំណើរការជាផ្លូវការដែលមានការចូលរួមពីឧកញ៉ា អ្នកឧកញ៉ាជាច្រើនរូប ក្នុងនោះក៏មានការចូលរួមពីលោកជំទាវ ហ៊ុន ស៊ីណាតផងដែរ។

មុននឹងប្រែក្លាយលោកស្រី ស៊ូ សោភាពីអ្នកលក់ផ្លែឈើ បន្លែ ត្រីសាច់តាមសំយាបផ្ទះគេ គឺលោកស្រីបានបញ្ជាក់ប្រាប់ថា ការលក់របស់លោកស្រីគឺផ្សាភ្ជាប់នឹងការស្រឡាញ់ ចូលចិត្ត រស់រាយរាក់ទាក់ដាក់អតិថិជន រហូតមានការគាំទ្រខ្លាំងធ្វើឲ្យលោកស្រីមានដើមទុនឈានដល់ការជួលតូបតូចមួយដើម្បីលក់។

​បើ​តាម​អ្នក​ជំនួញ​ស្រ្តី​វ័យ​ក្មេង​រូប​នេះ ការ​លក់​មាន​ទាំងក្នុងទីតាំងផ្ទាល់ព្រមទាំងលក់តាមបណ្ដាញអនឡាញផងដែរ​។ បន្ទាប់​ពី​មាន​សមត្ថភាពជួលផ្ទះមួយល្វែងដើម្បីដាក់លក់ផលិតធម្មជាតិមានដូចជា បន្លែ ត្រីសាច់ជាដើម ព្រមទាំងមានលក់ផលិតផលថែរក្សារសម្រស់ផងដែរ ឥឡូវនេះលោកស្រីបានដើរមកដល់កន្លែងមួយជាទីមោទនគឺលោកស្រីអាចបើកក្រុមហ៊ុនផ្ទាល់ ដែល​ចំណាយដើមទុនប្រមាណជាងសាមសិបម៉ឺនដុល្លារ។

ក្នុងការលក់លោកស្រីបានបញ្ជាក់ប្រាប់ថា លោកស្រីលក់មិនបានសម្លឹងលើផលចំណេញច្រើនពេកទេ គឺតែងតែគិតជានិច្ចលើផលប្រយោជន៍ស្មើគ្នារវាងអ្នកទិញនិងអ្នកលក់ ព្រមទាំងគុណភាពនៃផលិតផលធម្មជាតិជូនដល់អតិថិជន​។

លោកស្រីបានបញ្ជាក់ផងដែរថា នៅពេលឆាប់ៗនេះលោកស្រីនឹងជ្រើសរើសតំណាងចែកចាយ២៥ខេត្តក្រុងទៅលើផលិតផលថែរក្សា​សម្រស់ដែលនាំចូលមកពីប្រទេសកូរ៉េ៕

The post ប្រែពីអ្នកលក់បន្លែ ត្រី សាច់តាមសំយាបផ្ទះ ទៅជាម្ចាស់ក្រុមហ៊ុនតម្លៃ​រាប់ម៉ឺន​ដុល្លារ appeared first on .

កម្មវិធីប្រគួតជ្រើសរើសពានរង្វាន់នេះ ត្រូវបានវាយតម្លៃ និងដាក់ពិន្ទុ គឺអាស្រ័យលើចំនួនការចូលចិត្ត (Like) តាមរយៈប្រព័ន្ធហ្វេសប៊ុក ទៅលើវីដេអូរបស់សហគ្រិននីមួយៗ ដោយមានថេរវេលានៃការបោះឆ្នោតគិតចាំពី ថ្ងៃទី០១-១៤ ខែវិច្ឆិកា ឆ្នាំ២០២១។

ពិធីប្រគល់ជ័យលាភីពានរង្វាន់សហគ្រិនវ័យក្មេងកម្ពុជា ក្រោមអធិបតីភាព លោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សារបរធនបាលនៃមូលនិធិអភិវឌ្ឍន៍សហគ្រិនភាព លោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមប្រឹក្សាបរធនបាលនៃមូលនិធិអភិវឌ្ឍន៍សហគ្រិនភាព លោក ហេង សុគង់ រដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោក គង់ ម៉ារី អនុរដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាសមាជិកក្រុមប្រឹក្សាបរធនបាលនៃមូលនិធិអភិវឌ្ឍន៍សហគ្រិនភាព និងឧកញ៉ា ប៉ិច បូឡែន អនុប្រធានប្រតិបត្តិសមាគមសហគ្រិនវ័យក្មេងកម្ពុជា និង ជាអគ្គនាយកនៃក្រុមហ៊ុន Westline Education Group។

តើអ្នកណាជាម្ចាស់ជ័យលាភីសហគ្រិនវ័យក្មេងឆ្នើមទាំង៥ប្រចាំឆ្នាំ២០២១?

ទី១ ពានរង្វាន់សហគ្រិនឆ្នើមវ័យក្មេងប្រចាំឆ្នាំ២០២១ បានទៅ លោក យៀប សុគន្ធថៃ នៃក្រុមហ៊ុន ចតុមុខ ផេស សឺវិស ឯ.ក Orkin Cambodia

ទី២ ពានរង្វាន់សហគ្រិនស្រ្តីឆ្នើមវ័យក្មេង បានទៅ អ្នកស្រី នុន ចាន់នី នៃក្រុមហ៊ុន រាជនី បាណាណា សំឡូត​ រាជិនី-Reacheny

ទី៣ ពានរងា្វន់សហគ្រិនឆ្នើមវ័យក្មេងផ្នែកសង្គម ស៊ន ឌីប៉ង់ នៃក្រុមហ៊ុន អេសស៊ីដាប់បែលយូ3ភីអេស ឯ.ក SCW3ps Co.,LTD

ទី៤ ពានរង្វាន់សហគ្រិនឆ្នើមវ័យក្មេងផ្នែកធុរកិច្ចបរិយាប័ន្ន បានទៅ លោក យ៉ង់ ប៉ាក់ នៃក្រុមហ៊ុន អាហ្គ្រីប៊ី (ខេមបូឌា) ម.ក Agribee Cambodia Plc

ទី៥ ពានរងា្វន់សហគ្រិនឆ្នើមវ័យក្មេងផ្នែកបច្ចេកវិទ្យា បានទៅ លោក តេង ស៊ាវប៉ោ នៃក្រុមហ៊ុន ហ្វីកស៍មី ឯ.ក Fixh.me

The post តើអ្នកណាជាម្ចាស់ជ័យលាភីសហគ្រិនវ័យក្មេងឆ្នើមទាំង៥រូបប្រចាំឆ្នាំ២០២១? appeared first on .

ថៅកែស្រីវ័យក្មេង អូន ដាវ គឺជាសហគ្រិនដ៏ស្រស់ស្អាតនិងមានទេពកោសល្យម្នាក់ដែលជាម្ចាស់ហាងនំ The Cake ដ៏ល្បីល្បាញមួយនៅក្នុងប្រទេសកម្ពុជា កំពុងប្រកាសផ្ដល់ឱកាសសម្រាប់អ្នកដែលយកចិត្តទុកដាក់នឹងការងារក៏ដូចជាចូលចិត្តនឹងមុខជំនួញនំខេក ដោយ​ជ្រើសរើស​សិស្ស​ ១០ ឬ ១៥ នាក់ទៀតលើ​ការ​បណ្តុះ​ចំណេះជំនាញដែលហៅថា Special squad ។ ក្រុមពិសេសនេះគឺនឹងទទួលបានការហ្វឹកហាត់ការងារ រយៈពេលមួយខែពេញព្រមទាំងទទួលបានប្រាក់ខែ 200 ដុល្លារ ហើយ on file រយៈពេលមួយឆ្នាំ។

ការបណ្ដុះបណ្ដាលនេះនឹងបង្រៀនទាំងការរៀបចំហាង ការធ្វើនំខេក ការគ្រប់គ្រងហាង ហើយនិងការធ្វើទីផ្សារលក់ផងដែរ និយាយរួមទៅគឺបង្ហាត់បង្រៀនជំនាញទាំងអស់ទាក់ទងទៅនិងហាងនំខេកតែម្ដង។ បន្ទាប់ពីទទួលបានការបណ្ដុះបណ្ដាល ក៏​នឹង​ទទួលបាន ចំណេះដឹង បទពិសោធន៍ រួមទាំងអត្ថប្រយោជន៍ជាច្រើនពីសហគ្រិនជោគជ័យរូបនេះ ព្រោះ ដាវគឺជាសហគ្រិនស្ត្រីដ៏លេចធ្លោមួយរូបនាពេលបច្ចុប្បន្ន ដែលមានមានហាងលក់នំខេក The Cake ជាច្រើនសាខាទាំងនៅទីក្រុងភ្នំពេញនិងខេត្តបាត់ដំបង។

ក្រៅពី​មាន​ទទួលរៀបចំនំអាពាហ៍ពិពាហ៍គ្រប់ខ្នាតតូចធំទាំងអស់ ម្ចាស់​ហាង​វ័យក្មេ​ង​រូប​នេះ​ក៏មានរោងចក្រផលិតនំ The Cake Factory បោះដុំទូទាំងរាជធានីភ្នំពេញ ផ្គត់ផ្គង់នៅតាមហាងកាហ្វេ ម៉ាត និងហាងនំតូចៗផ្សេងទៀត ។ ដាវក៏ជាស្ថាបនិកសាលាបង្រៀនធ្វើនំដែលមានឈ្មោះថា សាលានំ-Salanum ផងដែរ ។ មិនតែប៉ុណ្ណោះរយះចុងក្រោយនេះក៏បង្កើតជា Showroom ថ្មីមួយទៀត ដែលធំជាងគេ ខ្ពស់ជាងគេ នៅកម្ពុជាទៀតផង។

គួររំលឹកផងដែរថា សហគ្រិនតូច ម៉ៅ សាលីន ហៅ អូនដាវ មានកំណើតនៅលើទឹកដីខេត្តបាត់ដំបងនៃទឹកដី​ដងស្ទឹងសង្កែរ ហើយដោយអំណាចនៃការស្រលាញ់លើនំខេកខ្លាំង ក្មេងស្រីតូចរូបនេះក៏សម្រេចចិត្តចេញរកស៊ីទាំងវ័យក្មេង បង្កើតហាងនំខេកនៅខេត្តបាត់ដំបងរីកចម្រើន រហូតឈានជើងបោះជំហានចូលក្រុងភ្នំពេញ។ សព្វថ្ងៃនេះអាជីវកម្មរបស់ដាវ គឺកំពុងតែទទួលបានការគាំទ្រយ៉ាងខ្លាំងពីអតិថិជនជាមួយនឹងរសជាតិ តម្លៃ និងការរចនាដ៏ទាក់ទាញ។

The post តោះ​មក​រៀនជំនាញ​ធ្វើ​នំខេក ពី​ម្ចាស់​ហាង​នំខេក​ល្បីឈ្មោះ ថែមទាំង​បាន​ប្រាក់​ខែ ២០០ ដុល្លារទៀត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សហគ្រិនស្ត្រីវ័យក្មេងនៅកម្ពុជានឹងទទួលបានអត្ថប្រយោជន៍ពីសេវាកម្មហិរញ្ញវត្ថុពិសេសដែលជាលទ្ធផលនៃការចុះហត្ថលេខាលើអនុស្សរណៈនៃការយោគយល់គ្នារវាងគម្រោងសហគ្រិននារីសកម្ម (WE Act) ដែលគាំទ្រថវិកាដោយទីភ្នាក់ងារជំនួយអាមេរិក USAID និងអនុវត្តដោយអង្គការផេក (Pact) និង ធនាគារ វីង (ខេមបូឌា) ម.ក ។

តាមរយៈការចុះអនុស្សរណៈនៃការយោគយល់គ្នានេះបានផ្តល់នូវសេវាកម្ម និងផលិតផលហិរញ្ញវត្ថុ ដែលមានតំលៃសមរម្យដើម្បីបង្កើនលទ្ធភាពទទួលបានហិរញ្ញប្បទានសម្រាប់សហគ្រិនស្ត្រីដែលមិនទាន់ទទួលបានសេវាហិរញ្ញវត្ថុគ្រប់គ្រាន់នៅកម្ពុជា ជាពិសេស សហគ្រិនស្ត្រីវ័យក្មេងដែលមានអាជីវកម្មខ្នាតមីក្រូ និងខ្នាតតូច ដែលច្រើនតែមិនត្រូវនឹងលក្ខខណ្ឌរបស់គ្រឹះស្ថានហិរញ្ញវត្ថុ ហើយបានរងផលប៉ះពាល់យ៉ាងធ្ងន់ធ្ងរពីវិបត្តិនៃជំងឺរាតត្បាតកូវីដ-១៩៕

The post សហគ្រិនស្ត្រីវ័យក្មេងនៅកម្ពុជានឹងទទួលបានអត្ថប្រយោជន៍ជាច្រើនពីសេវាកម្មហិរញ្ញវត្ថុ តាមរយៈធនាគារ វីង និងអង្គការផេក appeared first on .