សម្រាប់ឆ្នាំ២០២៦ នេះ គឺជាការចូលរួមលើកទី៣ របស់សហព័ន្ធស្រូវអង្ករកម្ពុជា បន្ទាប់ពីការចូលរួមលើកទី១ នៅឆ្នាំ២០១៤ និងលើកទី២ នៅឆ្នាំ២០២៤។ ពិព័រណ៍ SIAL Paris គឺជាវេទិកាពាណិជ្ជកម្មអន្តរជាតិដ៏សំខាន់សម្រាប់ឧស្សាហកម្មម្ហូបអាហារពិភពលោក ដែលប្រមូលផ្តុំអ្នកផលិត អ្នកផ្គត់ផ្គង់ អ្នកទិញ និងអ្នកជំនាញមកពីបណ្តាប្រទេសនានា ដើម្បីបង្ហាញផលិតផល ចែករំលែកបទពិសោធន៍ ស្វែងយល់ពីនិន្នាការទីផ្សារ និងបង្កើតឱកាសសហប្រតិបត្តិការពាណិជ្ជកម្មថ្មីៗ។ ការចូលរួមក្នុងព្រឹត្តិការណ៍នេះ គឺជាឱកាសដ៏មានសារៈសំខាន់សម្រាប់កម្ពុជាក្នុងការផ្សព្វផ្សាយគុណភាព និងសក្តានុពលអង្ករកម្ពុជា ព្រមទាំងបង្កើនភាពទាក់ទាញរបស់អង្ករកម្ពុជានៅលើទីផ្សារអន្តរជាតិ។

ក្នុងឱកាសដ៏មានសារៈសំខាន់នេះ ពន្លាជាតិសហព័ន្ធស្រូវអង្ករកម្ពុជានៅពិព័រណ៍ SIAL Paris 2026 បានទទួលបានកិត្តិយសសម្ពោធជាផ្លូវការ ក្រោមអធិបតីភាពរបស់ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ឯកឧត្តម គី ច័ន្ទរំដួល អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទព្រមទាំងតំណាងសហគ្រិនខ្មែរ និងភ្ញៀវអន្តរជាតិជាច្រើនរូបទៀត។ ការអញ្ជើញចូលរួមទស្សនានេះ បង្ហាញពីការយកចិត្តទុកដាក់ និងការគាំទ្រចំពោះវិស័យស្រូវអង្ករកម្ពុជា ព្រមទាំងការខិតខំប្រឹងប្រែងរបស់សហព័ន្ធ និងក្រុមហ៊ុនសមាជិកក្នុងការជំរុញការនាំចេញអង្ករកម្ពុជាទៅកាន់ទីផ្សារអន្តរជាតិ។

ការចូលរួមរបស់សហព័ន្ធស្រូវអង្ករកម្ពុជា និងក្រុមហ៊ុនសមាជិកក្នុងពិព័រណ៍នេះ ទទួលបានការគាំទ្រពី ក្រសួងពាណិជ្ជកម្ម ធនាគារអភិវឌ្ឍន៍ជនបទ និងកសិកម្ម និងសហគ្រិនខ្មែរ (Khmer Enterprise) នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ ការគាំទ្រនេះបានរួមចំណែកជួយសម្រួលដល់ការផ្សព្វផ្សាយផលិតផលអង្ករកម្ពុជា និងបង្កើតឱកាសសម្រាប់ក្រុមហ៊ុននាំចេញក្នុងការស្វែងរកដៃគូពាណិជ្ជកម្មថ្មីៗ ពង្រឹងទំនាក់ទំនងជាមួយអ្នកទិញអន្តរជាតិ និងស្វែងយល់ពីតម្រូវការទីផ្សារនៅតំបន់អឺរ៉ុប និងទីផ្សារផ្សេងៗទៀត។

ការចូលរួមរបស់ក្រុមហ៊ុននាំចេញទាំង ១២ នេះ មិនត្រឹមតែជាការបង្ហាញពីភាពសម្បូរបែប និងគុណភាពនៃផលិតផលអង្ករកម្ពុជាប៉ុណ្ណោះទេ ប៉ុន្តែថែមទាំងបង្ហាញពីសមត្ថភាព និងការត្រៀមខ្លួនរបស់វិស័យស្រូវអង្ករកម្ពុជាក្នុងការប្រកួតប្រជែងលើទីផ្សារអន្តរជាតិ។ តាមរយៈវេទិកានេះ ក្រុមហ៊ុនសមាជិកមានឱកាសបង្ហាញសក្តានុពលផលិតផលរបស់ខ្លួន បង្កើនការទទួលស្គាល់ម៉ាកយីហោ និងស្វែងរកលទ្ធភាពពង្រីកទីផ្សារនាំចេញ ដើម្បីរួមចំណែកលើកកម្ពស់កេរ្តិ៍ឈ្មោះអង្ករកម្ពុជានៅលើឆាកអន្តរជាតិ។

ពន្លាសហព័ន្ធស្រូវអង្ករកម្ពុជា និងក្រុមហ៊ុនសមាជិក ស្ថិតនៅស្ដង់ C006 អាគារលេខ ៨ (Hall 8 ) ដែលជាទីតាំងសម្រាប់ទទួលភ្ញៀវ អ្នកទិញ និងដៃគូពាណិជ្ជកម្មអន្តរជាតិ ដើម្បីស្វែងយល់ពីផលិតផលអង្ករកម្ពុជា និងពិភាក្សាអំពីឱកាសសហប្រតិបត្តិការពាណិជ្ជកម្មនាពេលអនាគត។

សូមបញ្ជាក់ថា ក្រុមហ៊ុននាំចេញអង្ករទាំង ១២ ដែលបានចូលរួមតាំងបង្ហាញផលិតផលក្នុងពិព័រណ៍នេះ រួមមាន៖
១. ក្រុមហ៊ុន កំពង់ធំ រ៉ាយស៍ មីល លីមីធីត (D-017)
២. ក្រុមហ៊ុន អៀង ហ៊ាង អុីមផត អិចផត ខូអិលធីឌី (D-015)
៣. ក្រុមហ៊ុន ឥណ្ឌូ ឆាយណា រ៉ាយស៍ មីល លីមីធីត (D-013)
៤. ក្រុមហ៊ុន វង្ស ប៊ុនហេង អុីមផត អិចផត (D-011)
៥. ក្រុមហ៊ុន ស៊ីធី រ៉ាយស៍ អុីមផត អិចផត ខូអិលធីឌី (D-009)
៦. ក្រុមហ៊ុន ខ្មែរ ហ៊្វូត គ្រុប (D-007)
៧. ក្រុមហ៊ុន ហ្គោលដេន រ៉ាយស៍ (ខេមបូឌា) (C-008)
៨. ក្រុមហ៊ុន ហ្វេត រ៉ាយស៍ បាត់ដំបង អិលធីឌី (C-010)
៩. ក្រុមហ៊ុន ព្រីម្លិះ ខបភើរេសិន (C-012)
១០. ក្រុមហ៊ុន ឡ អៀកហេង សេកមាស រ៉ាយស៍ (C-014)
១១. ក្រុមហ៊ុន ប៊ីអអិម អាហ្រោ (C-016)
១២. ក្រុមហ៊ុន ដេលី ហ្រ្វេស ហ៊្វូដ (ខេមបូឌា) (C-020)

The post ឧកញ៉ា ឡាយ ឈុនហួរ ដឹកនាំក្រុមហ៊ុននាំចេញរបស់សហព័ន្ធស្រូវអង្ករកម្ពុជា ចូលរួមតាំងបង្ហាញអង្ករ និងផលិតផលកែច្នៃពីអង្កររបស់កម្ពុជា នៅក្នុងពិព័រណ៍ម្ហូបអាហារអន្តរជាតិលំដាប់ពិភពលោក នៅទីក្រុងប៉ារីស appeared first on .

ការចូលរួមក្នុងព្រឹត្តិការណ៍ពិព័រណ៍ម្ហូបអាហារ SIAL PARIS 2026 នេះ គឺជាលើកទី៣ សម្រាប់សហព័ន្ធស្រូវអង្ករកម្ពុជា បន្ទាប់ពីការចូលរួមលើកទី២ ក្នុងឆ្នាំ២០២៤ និងលើកទី១ ក្នុងឆ្នាំ២០១៤។ សម្រាប់ការចូលរួមព្រឹត្តិការណ៍ពិព័រណ៍លើកនេះ សហព័ន្ធស្រូវអង្ករកម្ពុជា នឹងដឹកនាំ ក៏ដូចជាសម្របសម្រួលការចូលរួមដល់វិស័យឯកជន ដោយមានការរៀបចំតាំងបង្ហាញ នូវផលិតផលរបស់ក្រុមហ៊ុននាំចេញអង្ករកម្ពុជាជាក្រុមរួមគ្នា ក្រោមពន្លារួមនៃទង់ជាតិកម្ពុជាដ៏ស្រស់ស្អាតមួយ ដែលមាន ទំហំ ៩៦ ម៉ែត្រការ៉េ។ បើតាមសហព័ន្ធស្រូវអង្ករកម្ពុជា គោលបំណងនៃការចូលរួមព្រឹត្តិការណ៍ពិព័រណ៍ម្ហូបអាហារ SIAL PARIS 2026 នេះ គឺដើម្បីផ្សព្វផ្សាយអំពីអង្ករ ក៏ដូចជា ផលិតផលធ្វើពីអង្ករ ដែលមានគុណភាព និងស្តង់ដាររបស់កម្ពុជា ជំរុញការនាំចេញដែលស្របទៅតាមគោលនយោបាយ រាជរដ្ឋាភិបាលកម្ពុជា និងធ្វើពិពិធកម្មទីផ្សារ ក្នុងការបង្កើនឱកាស និងផ្សារភ្ជាប់ទំនាក់ទំនងជាមួយអ្នកទិញនៃទីផ្សារអន្តរជាតិ ជាពិសេសអ្នកទិញនៅផ្សារអឺរ៉ុប។

គួរបញ្ជាក់ថា ព្រឹត្តិការណ៍ពិព័រណ៍ម្ហូបអាហារ SIAL PARIS 2026 គឺជាពិព័រណ៍ម្ហូបអាហារដ៏ធំបំផុតមួយនៅលើពិភពលោក ដែលប្រមូល ផ្តុំអ្នកតាំងពិព័រណ៍ជាង ៨០០០ ក្រុមហ៊ុន និងអ្នកជំនាញក្នុងវិស័យម្ហូបអាហារប្រមាណ ២៨៥ ០០០ នាក់។ លើសពីនេះ ព្រឹត្តិការណ៍នេះ គឺជាវេទិកាដ៏សំខាន់សម្រាប់ការបង្ហាញនូវនវានុវត្តន៍ម្ហូបអាហារថ្មីៗ ការបង្កើតភាពជាដៃគូអាជីវកម្ម និងការស្វែងយល់អំពីនិន្នាការទីផ្សារ។ SIAL PARIS 2026 ត្រូវបានរៀបចំឡើងជារៀងរាល់ពីរឆ្នាំម្តង និងសម្រាប់ឆ្នាំ២០២៦ ព្រឹត្តិការណ៍នេះ ត្រូវបានរៀបចំឡើងនៅក្នុងតំបន់ Paris Nord Villepinte នាទីក្រុងប៉ារីស ប្រទេសបារាំង។ សម្រាប់ពន្លា សហព័ន្ធស្រូវអង្ករកម្ពុជា មានទីតាំងស្ថិតនៅស្តង់លេខ C006 អាគារលេខ ៨។

The post សហព័ន្ធស្រូវអង្ករកម្ពុជា នឹងដឹកនាំក្រុមហ៊ុននាំចេញអង្ករកម្ពុជា ចំនួន ១២ ចូលរួមតាំងបង្ហាញផលិតផលអង្ករកម្ពុជានៅ SIAL PARIS 2026 appeared first on .

កម្មវិធីនេះ មានការអញ្ជើញចូលរួមពីថ្នាក់ដឹកនាំក្រសួងពាណិជ្ជកម្ម លោកស្រី Genina Marion Rafal លេខាទី៣ នៃស្ថានទូតសាធារណរដ្ឋហ្វីលីពីនប្រចាំព្រះរាជាណាចក្រកម្ពុជា សមាជិក សមាជិកាសហព័ន្ធស្រូវអង្ករកម្ពុជា ព្រមទាំងភ្ញៀវកិត្តិយសជាច្រើនរូប។

ក្នុងឱកាសនោះ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានលើកទឹកចិត្តដល់ក្រុមហ៊ុនទាំងពីរ ឱ្យបន្តអនុវត្តកិច្ចសន្យាឱ្យបានពេញលេញ ប្រកបដោយប្រសិទ្ធភាព វិជ្ជាជីវៈ ការទទួលខុសត្រូវ តម្លាភាព និងភាពស្មោះត្រង់ ព្រមទាំងធានាឱ្យបាននូវការទូទាត់ត្រឹមត្រូវ ការដឹកជញ្ជូនទាន់ពេលវេលា គុណភាព និងស្ថិរភាពនៃការផ្គត់ផ្គង់។

ជាមួយគ្នានេះ លោកជំទាវរដ្ឋមន្ត្រី បានជំរុញឱ្យតួអង្គពាក់ព័ន្ធក្នុងខ្សែច្រវាក់តម្លៃស្រូវអង្ករ ក៏ដូចជាសហព័ន្ធស្រូវអង្ករកម្ពុជា បន្តពង្រឹងគុណភាព និងសុវត្ថិភាពផលិតផល និងចូលរួមអនុវត្តឱ្យបានពេញលេញនូវ «យុទ្ធសាស្ត្រពង្រីក និងពិពិធកម្មទីផ្សារនាំចេញអង្ករកម្ពុជា ២០២៥-២០៣០» ដើម្បីបង្កើនភាពប្រកួតប្រជែង និងពង្រីកចំណែកទីផ្សារអង្ករកម្ពុជានៅលើទីផ្សារអន្តរជាតិ។

The post ឧកញ៉ា ៣រូប ចូលរួមពិធីចុះហត្ថលេខាលើកិច្ចសន្យាទិញ-លក់អង្ករកម្ពុជារវាងក្រុមហ៊ុន City Rice Import Export Co., Ltd. និងក្រុមហ៊ុន DILAI Trading Co. Pte. Ltd. សម្រាប់នាំចេញអង្ករទៅកាន់ប្រទេសហ្វីលីពីន appeared first on .

សហព័ន្ធស្រូវអង្ករកម្ពុជា បានឲ្យដឹងថា ក្នុងរយៈពេល ៨ខែ នៃឆ្នាំ២០២៦ កម្ពុជាបាននាំចេញអង្ករបានចំនួន ៧៩២ ២១២ តោន តាមរយៈក្រុមហ៊ុននាំចេញអង្ករចំនួន៦១ក្រុមហ៊ុន ទៅកាន់គោលដៅចំនួន៦៦។ ក្នុងនោះទៅកាន់បណ្តាប្រទេស ក្នុងតំបន់អឺរ៉ុបចំនួន៣៣ បានបរិមាណអង្ករចំនួន ២៣២ ៣១៩តោន គិតជាទឹកប្រាក់ចំនួន១៧៥,៥៧ លានដុល្លារសហរដ្ឋអាមេរិក ទៅកាន់ប្រទេសចិន និងហុងកុងចំនួន១៧៧ ៧៨៣តោន គិតជាទឹកប្រាក់ចំនួន១០៥,៣៤លានដុល្លារ សហរដ្ឋអាមេរិក, ទៅកាន់ប្រទេសក្នុងអាស៊ានចំនួន៥ប្រទេស បានបរិមាណចំនួន៣១៥ ០៨៨តោន គិតជាទឹកប្រាក់ចំនួន១២២,៩៣លានដុល្លារសហរដ្ឋអាមេរិក និងទៅកាន់គោលដៅ២៥ប្រទេសផ្សេងទៀតមាន អាហ្វ្រិក, មជ្ឈឹម, បូព៌ា, អាមេរិក, កាណាដា, អូស្ត្រាលី, ញ៉ូហ្សេឡេនបានចំនួន៦៧ ០២២តោន គិតជាទឹកប្រាក់ចំនួន៦០,៣៣លានដុល្លារសហរដ្ឋអាមេរិក។

ជាមួយគ្នានោះប្រភេទអង្ករ ដែលបាននាំចេញមាន អង្ករក្រអូបចំនួន ៥៧.៩៦% ប្រភេទអង្ករសគ្រាប់វែង ២៤.៤០% អង្ករចំហុយ ១.៩១% អង្ករសរីរាង្គចំនួន ១.២៨% អង្ករបាក់គ្រប់ប្រភេទ ១៤.២៦% និងអង្ករផ្សេងៗចំនួន ០.១៩% ។ប្រទេសកម្ពុជាក៏បាននាំចេញស្រូវចំនួន ៣ ៣៥៦ ៩៦៩ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៧៥៣.៤១ លានដុល្លារ។

សូមជម្រាបថា រាជរដ្ឋាភិបាលបានដាក់ចេញនូវគោលនយោបាយជំរុញផលិតកម្មស្រូវ និងការនាំចេញអង្ករ នៅឆ្នាំ២០១០ ដោយជំរុញឱ្យការនាំចេញអង្ករឱ្យបាន ១លានតោននៅឆ្នាំ២០១៥ ប៉ុន្តែបរិមាណនេះ នៅមិនទាន់បានសម្រេចតាមផែនការនៅឡើយទេ៕អត្ថបទ៖ហ្សាលីន

The post កម្ពុជា រកចំណូលបាន ៤៦៤ លានដុល្លារ ពីនាំចេញអង្ករជិត ៨០ម៉ឺនតោន ក្នុងរយៈពេល៨ខែ ឆ្នាំ២០២៦ appeared first on .

ពិធីចុះហត្ថលេខាលើកិច្ចព្រមព្រៀងដាក់ឱ្យអនុវត្តគំនិតផ្ដួចផ្ដើម «ការធ្វើឱ្យប្រសើរឡើងស្រូវ-អង្ករនៅកម្ពុជា (BRIC)» បានធ្វើឡើងកាលថ្ងៃទី១៦ ខែកក្កដា ឆ្នាំ២០២៦ ក្រោមវត្តមានលោក យ៉ង សាំង កុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក អ៊ុក រ៉ាប៊ុន ទេសរដ្ឋ​មន្ត្រី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ។

គំនិតផ្ដួចផ្ដើម«ការធ្វើឱ្យប្រសើរឡើង​ស្រូវ-អង្ករនៅកម្ពុជា (BRIC)»នឹងរួមចំណែក៖ លើកកម្ពស់​ជីវភាព និងប្រាក់ចំណូលរបស់ប្រជាកសិករ អភិវឌ្ឍការផលិតស្រូវ-អង្ករប្រកបដោយនិរន្តរភាព និងភាពធន់នឹងការប្រែប្រួលអាកាសធាតុ កាត់បន្ថយការបំភាយឧស្ម័នផ្ទះកញ្ចក់ និងលើកកម្ពស់កសិកម្មបៃតង ពង្រឹងសមត្ថភាពមន្ត្រីកសិកម្មឃុំ និងសហគមន៍កសិកម្ម ដើម្បីផ្តល់​សេវាកម្មកសិកម្មកាន់តែមានប្រសិទ្ធភាព។

សូមជម្រាប់ដែរថា ក្នុងរយៈពេល៥ខែនៃឆ្នាំ២០២៦ កម្ពុជាបាននាំចេញអង្ករបានចំនួន ៥៦៨ ៩១២តោន​ តាមរយៈក្រុមហ៊ុននាំចេញអង្ករចំនួន ៦១ ក្រុមហ៊ុន ទៅកាន់គោលដៅចំនួន ៦៣ ប្រទេស។ចំណែកឯកស្រូវវិញកម្ពុជាក៏បាននាំចេញស្រូវចំនួន ២ ៧៥៣ ៨១៦ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៥៩១.៤១ លានដុល្លារសហរដ្ឋអាមេរិក។ នេះបើយោងតាមរបាយការណ៍របស់សហព័ន្ធស្រូវអង្ករកម្ពុជា ចេញផ្សាយកាលពីពេលថ្មីៗនេះ៕ អត្ថបទ៖ ហ្សាលីន

The post ស្ថាប័នជាតិ និងអន្តរជាតិ រួមគ្នាធ្វើឱ្យប្រសើរឡើង​ស្រូវ-អង្ករនៅកម្ពុជា ដើម្បីបង្កើនប្រាក់ចំណូល​កសិករ appeared first on .

សហព័ន្ធស្រូវអង្ករកម្ពុជា បានឱ្យដឹងថា កម្មវិធីនេះត្រូវបានរៀបចំឡើងក្នុងគោលបំណងពង្រឹងទំនាក់ទំនង និងបង្កើតឱកាសសហប្រតិបត្តិការពាណិជ្ជកម្មរវាងវិស័យស្រូវអង្ករកម្ពុជា ជាមួយអ្នកនាំចូល អ្នកចែកចាយ និងដៃគូអាជីវកម្មនៅសហរដ្ឋអាមេរិក ព្រមទាំងស្វែងយល់អំពីប្រព័ន្ធដឹកជញ្ជូន និងភស្តុភាររបស់កំពង់ផែ Long Beach ដែលជាច្រកទ្វារពាណិជ្ជកម្មដ៏សំខាន់មួយរវាងអាស៊ី និងសហរដ្ឋអាមេរិក។

ក្នុងឱកាសនេះ គណៈប្រតិភូកម្ពុជាទទួលបានការស្វាគមន៍ពីថ្នាក់ដឹកនាំកំពង់ផែ Long Beach រួមមាន លោក Noel Hacegaba នាយកប្រតិបត្តិផ្នែកពាណិជ្ជកម្មនៃកំពង់ផែ Long Beach, លោក Steven Neal អនុប្រធាន​គណៈកម្មការកំពង់ផែ Long Beach និង ឯកឧត្តម គឹម ឆាលហួត កុងស៊ុលកម្ពុជាប្រចាំទីក្រុង Long Beach។

លោកឧកញ៉ា ឡាយ ឈុនហួ បានលើកឡើងថា កម្មវិធីនេះមានសារៈសំខាន់ក្នុងការពង្រីកទីផ្សារ​អង្ករកម្ពុជា​នៅសហរដ្ឋអាមេរិក ជំរុញការភ្ជាប់ទំនាក់ទំនងដោយផ្ទាល់រវាងអ្នកនាំចេញកម្ពុជា និងអ្នកទិញអន្តរជាតិ ព្រមទាំង​ស្វែងរកដំណោះស្រាយដើម្បីបង្កើនប្រសិទ្ធភាពនៃការដឹកជញ្ជូន កាត់បន្ថយថ្លៃដើម និងពង្រឹងសមត្ថភាពប្រកួត​ប្រជែង​របស់អង្ករកម្ពុជានៅលើទីផ្សារពិភពលោក។

ជំនួប និងការផ្គូផ្គងពាណិជ្ជកម្មនេះ ក៏បានផ្តល់ឱកាសឱ្យក្រុមហ៊ុនសមាជិកទាំង ១០ ធ្វើការពិភាក្សាផ្ទាល់​ជាមួយ​ដៃគូអាជីវកម្ម អ្នកនាំចូល និងអ្នកចែកចាយ ចំនួនប្រមាណជាង ២០ ក្រុមហ៊ុន ដើម្បីបង្កើតទំនាក់ទំនងថ្មី និង​ពង្រីកកិច្ចសហប្រតិបត្តិការអាជីវកម្មនាពេលអនាគត ដែលនឹងរួមចំណែកលើកកម្ពស់ការនាំចេញ​អង្ករកម្ពុជា​ទៅកាន់ទីផ្សារសហរដ្ឋអាមេរិក និងទីផ្សារអន្តរជាតិ។

នៅក្នុងកម្មវិធីនេះដែរ លោកឧកញ៉ាប្រធានសហព័ន្ធ ក៏បានទទួលនូវកិត្តិយស នូវលិខិតសរសើរ ពី លោក Fiona Ma អគ្គរតនាគា របស់រដ្ឋ California ( California State Treasurer) និងកុងស៊ុល កិត្តិយសរបស់កម្ពុជា​ប្រចាំក្រុង ឡុងប៊ិច អំពីការរៀបចាំដឹកនាំសមាជិក លើការបង្កើតព្រឹត្តិការជំនួប និងផ្គូផ្គងពាណិជ្ជកម្មនេះផងដែរ៕

The post ឧកញ៉ា ឡាយ ឈុនហួ ដឹកនាំគណៈប្រតិភូ ១០ក្រុមហ៊ុន ចូលរួមកម្មវិធីជំនួបនិងផ្គូផ្គងពាណិជ្ជកម្ម នៅកំពង់ផែ ឡុងប៊ិច រដ្ឋកាលីហ្វ័រញ៉ា appeared first on .

ពិព័រណ៍ម្ហូប​អាហារ​ប្រចាំឆ្នាំនេះមានឈ្មោះថា Summer Fancy Food Show 2026 ហើយកម្មវិធីនេះរៀបចំ​ឡើងនៅក្នុង មជ្ឈមណ្ឌលពិព័រណ៍ Javits ក្នុងទីក្រុងញូវយ៉ក សហរដ្ឋអាមេរិក។ សហព័ន្ធស្រូវអង្ករកម្ពុជា បានឱ្យដឹងថា ពន្លាសហព័ន្ធស្រូវអង្ករកម្ពុជា ស្ថិតនៅ STAND No-3512-3521, HALL 1E។ សម្រាប់ក្រុមហ៊ុនទាំង១០នោះរួមមាន៖

១.ក្រុមហ៊ុន ហ្គោលដេន ស្ដារ រ៉ាយស៍ មីល អេន អ៊ីមផត អិចផត  (៣៥១២) (3512)

២.ក្រុមហ៊ុន ឡ អៀកហេង សេកមាស រ៉ាយស៍ (៣៥១4) (3514)

៣.ក្រុមហ៊ុន ស៊ីធី រ៉ាយស៍ អ៊ីមផត អិចផត ខូអិលធីឌី (៣៥១៥)  (3515)

៤.ក្រុមហ៊ុន ស៊ីកនេតឈ័រ រ៉ាយស៍ ឯ.ក (៣៥១៦)  (3516)

៥.ក្រុមហ៊ុន ដេលី ហ្រ្វេស ហ៊្វូដ (ខេមបូឌា) ឯ.ក (៣៥១៧)  (3517)

៦.ក្រុមហ៊ុន ហ្គោលដេន រ៉ាយស៍ (ខេមបូឌា) (៣៥១៨) (3518)

៧.ក្រុមហ៊ុន ព្រីម្លិះ ខបភើរេសិន អិលធីឌី  (៣៥១៩) (3519)

៨.ក្រុមហ៊ុន ខ្មែរ ហ៊ូត គ្រុប  (៣៥២០) (3520)

៩.ក្រុមហ៊ុន ឥណ្ឌូឆាយណា រ៉ាយស៍ មីល លីមីធីត  (៣៥២១) (3521)

១០. ក្រុមហ៊ុន អេមរុ រ៉ាយស៍ (ខេមបូឌា) (២៥៦៥) (សាល ៣)។

កម្មវិធីនេះត្រូវបានយកចិត្តទុកដាក់ពីរាជរដ្ឋាភិបាលកម្ពុជា ដែលមានក្រសួងពាណិជ្ជកម្ម ជាអាណាព្យាបាលបច្ចេកទេសរបស់សហព័ន្ធស្រូវអង្ករកម្ពុជា និង​ទទួលបានការចូលរួមឧបត្ថម្ភថវិកា​ពីធនាគារ​អភិវឌ្ឍន៍ជនបទ និងកសិកម្មដល់សហព័ន្ធស្រូវអង្ករកម្ពុជា ដែលផ្តល់លទ្ធភាពឱ្យក្រុមហ៊ុនដែលជាសមាជិកចូលរួម​តាំងពិពណ៌ចំណីអាហារនេះ ក្នុងគោលបំណង ដើម្បីផ្សព្វផ្សាយអង្ករដ៏មានគុណភាពរបស់កម្ពុជា និងធ្វើ​ពិពិធកម្មទីផ្សារក្នុងការបង្កើនឱកាស និងផ្សារភ្ជាប់ទំនាក់ទំនង ជាមួយអ្នកទិញអន្តរជាតិ ជាពិសេសអ្នកទិញ​នៅសហរដ្ឋអាម៉េរិក។ នេះគឺជាលើកដំបូងរបស់ប្រទេសកម្ពុជា ក្នុងការចូលរួមនៅក្នុងព្រឹត្តិការណ៍​ពិព័រណ៍ពាណិជ្ជកម្ម​ម្ហូបអាហារ Summer Fancy Food Show 2026 ដែលការចូលរួមនេះ មានការតាំងបង្ហាញនូវ​ផលិតផលរបស់វិស័យឯកជនរួមគ្នាជាក្រុម នៅក្រោមដំបូលនៃពន្លារួមនៃទង់ជាតិកម្ពុជា។

សូមជម្រាបថា Summer Fancy Food Show 2026 គឺជាព្រឹត្តិការណ៍ពិព័រណ៍ពាណិជ្ជកម្ម​ម្ហូបអាហារ​ដ៏ធំបំផុតមួយនៅសហរដ្ឋអាមេរិក ដែលផ្ដោតសំខាន់លើការបង្ហាញផលិតផលដែលមានគុណភាពខ្ពស់ និងការច្នៃប្រឌិតថ្មីៗ ដូចជាផលិតផលសរីរាង្គ និងផលិតផលប្រកបដោយនិរន្តរភាព ដែលធ្វើឱ្យព្រឹត្តិការណ៍នេះ​ក្លាយជាវេទិកាដ៏សំខាន់សម្រាប់ក្រុមហ៊ុនទាំងឡាយណាដែលចង់ពង្រីកទីផ្សារអន្តរជាតិ និងស្វែងរកកិច្ចសន្យាលក់​ក្នុងបរិមាណធំ។ Summer Fancy Food Show 2026  ត្រូវបានរៀបចំឡើងជារៀងរាល់ឆ្នាំ ហើយសម្រាប់ឆ្នាំនេះ ព្រឹត្តិការណ៍នេះ ត្រូវបានរៀបចំនៅមជ្ឈមណ្ឌល Javits ក្នុងទីក្រុងញូវយ៉ក ដែលមានក្រុមហ៊ុនផ្នែកម្ហូបអាហារចំនួន 2500 ក្រុមហ៊ុន មកពីបណ្តាលប្រទេសនានានៅជុំវិញពិភពលោក៕

The post ឧកញ៉ា ឡាយ ឈុនហួ ដឹកនាំក្រុមហ៊ុនចំនួន ១០ ចូលរួមតាំងពិព័រណ៍ម្ហូបអាហារ​ប្រចាំឆ្នាំ នៅទីក្រុងញូវយ៉ក​ សហរដ្ឋអាមេរិក appeared first on .

ចំពោះប្រភេទអង្ករដែលបាននាំចេញមាន អង្ករក្រអូបចំនួន ៥៩.២០% ប្រភេទអង្ករសគ្រាប់វែង ២២.២៨% អង្ករចំហុយ ១.៧២%  អង្ករសរីរាង្គចំនួន ១.០៤%  អង្ករបាក់គ្រប់ប្រភេទ ១៥.៥៨% និងអង្ករផ្សេងៗចំនួន ០.១៨% ។

ប្រទេសកម្ពុជាក៏បាននាំចេញស្រូវចំនួន ២ ៧៥៣ ៨១៦ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៥៩១.៤១ លានដុល្លារសហរដ្ឋអាមេរិក ៕

The post រយៈពេល ៥ខែ ឆ្នាំនេះ កម្ពុជាបាននាំចេញអង្ករជាង៥៦​ម៉ឺនតោន គិតជាទឹកប្រាក់​ ៣២៧.៤៣ លានដុល្លារ appeared first on .

លោក វ៉ាង វិនពីន ឯកអគ្គរាជទូត វិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំនៅកម្ពុជា បានឱ្យដឹងថា តួលេខនេះបង្ហាញពីតួនាទីដ៏សំខាន់នៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីចិន-កម្ពុជា (CCFTA) ក្នុងការលើកកម្ពស់ពាណិជ្ជកម្មកសិកម្មរបស់កម្ពុជា។

សូមរម្លឹកថា ក្នុងឆ្នាំ២០២៥ កន្លងទៅនេះ ប្រទេសចិននៅតែជាដៃគូពាណិជ្ជកម្មលំដាប់ទី១របស់កម្ពុជា ដែលទំហំពាណិជ្ជកម្មកម្ពុជា ចិន សម្រេចបានក្នុងទឹកប្រាក់ប្រមាណ ១៩,៧ ពាន់លានដុល្លារ កើនឡើងជិត ៣០% បើធៀបរយៈពេលដូចគ្នាក្នុងឆ្នាំ២០២៤៕

The post ៤ខែដំបូង ឆ្នាំ២០២៦ កម្ពុជាបាននាំចេញអង្ករជាង១២ម៉ឺនតោន ទៅកាន់ប្រទេសចិន កើនឡើងជាង៨០% appeared first on .

​កិច្ចពិភាក្សានេះ ក៏បានផ្តោតជាសំខាន់លើការជំរុញការតភ្ជាប់ខ្សែច្រវាក់តម្លៃកសិកម្មរវាងសហគមន៍កសិកម្មទំនើប ភាគីអ្នកទិញ និងគ្រប់តួអង្គពាក់ព័ន្ធទាំងអស់ ជាការផ្តោតលើការជំរុញការតភ្ជាប់ខ្សែច្រវាក់តម្លៃកសិកម្មរវាងសហគមន៍កសិកម្មទំនើប អ្នកទិញ និងគ្រប់តួអង្គពាក់ព័ន្ធ តាមរយៈយន្តការសម្របសម្រួលដូចជា ការគាំទ្រផ្នែកហិរញ្ញវត្ថុ ការប្រើប្រាស់បច្ចេកវិទ្យាដើម្បីធានាគុណភាព និងការរៀបចំផលិតកម្មតាមកិច្ចសន្យាដើម្បីធានាទំនុកចិត្តនិងស្ថិរភាពតម្លៃ។

គួរឱ្យដឹងថា ក្នុងបរិបទដែលពិភពលោកកំពុងជួបប្រទះវិបត្តិសកល ការតភ្ជាប់ខ្សែច្រវាក់តម្លៃជាកញ្ចប់បែបនេះ គឺផ្ដល់ភាពច្បាស់លាស់និងប្រាកដប្រជាសម្រាប់ការផលិតរបស់ប្រជាកសិករ និងការកែច្នៃរបស់វិស័យឯកជន សំដៅលើកកម្ពស់ប្រសិទ្ធភាពសេដ្ឋកិច្ច និងសន្តិសុខស្បៀងជាតិប្រកបដោយចីរភាព៕

The post ក្រសួងកសិកម្ម និងសហព័ន្ធស្រូវអង្ករកម្ពុជា ពិភាក្សាយន្តការតភ្ជាប់ខ្សែច្រវាក់តម្លៃ ដើម្បីធានាស្ថិរភាពទីផ្សារកសិកម្ម appeared first on .