ក្នុងបរិបទកម្ពុជា កំពុងឆ្ពោះទៅកាន់ការអភិវឌ្ឍសេដ្ឋកិច្ច ការរៀបចំប្រព័ន្ធ និងគោលការណ៍យុទ្ធសាស្ត្រដ៏សមស្រប គឺជាកិច្ចការមួយដ៏សំខាន់មិនអាចមើលរំលងបាន ក្នុងការជំរុញឱ្យសាលាភូមិន្ទរដ្ឋបាល បន្តពង្រឹងសមត្ថភាព គុណភាព និងនវានុវត្តន៍ឱ្យកាន់តែប្រសើរ ដើម្បីឆ្លើយតបទៅនឹងតម្រូវការសាធារណៈ។

មានប្រសាសន៍ចាប់ផ្តើមកិច្ចប្រជុំ ឯកឧត្តមឧបនាយករដ្ឋមន្ត្រី បានលើកឡើងថា “កិច្ចប្រជុំរបស់យើងនាពេលនេះ គឺជាការពិភាក្សា និងតម្រង់ទិសការងាររបស់សាលាភូមិន្ទរដ្ឋបាល ដើម្បីសម្រេចចក្ខុវិស័យក្លាយជាគ្រឹះស្ថានបណ្តុះបណ្តាលមន្ត្រីរាជការឈានមុខ ទាំងគុណភាព ទាំងនវានុវត្តន៍ ឆ្លើយតបទៅនឹងគោលនយោបាយអភិវឌ្ឍន៍របស់រាជរដ្ឋាភិបាល។ ក្នុងន័យនេះមតិយោបល់របស់ឯកឧត្តមបណ្ឌិតសភាចារ្យ ឯកឧត្តមបណ្ឌិត លោកជំទាវបណ្ឌិត ឯកឧត្តម លោកជំទាវ ជាសមាជិកក្រុមប្រឹក្សាទាំងអស់ នឹងក្លាយជាធាតុចូលដ៏មានតម្លៃ នឹងក្លាយទៅជាគោលបំណងរួមនៃការអភិវឌ្ឍសាលាភូមិន្ទរដ្ឋបាលឱ្យកាន់តែមានភាពរីកចម្រើន”។

កិច្ចប្រជុំនាព្រឹកនេះ បានពិនិត្យ និងពិភាក្សាទៅលើរបៀបវារៈចំនួន៧ រួមមាន៖ (១)របាយការណ៍វឌ្ឍនភាពការងាររយៈពេល៩ខែ របស់សាលាភូមិន្ទរដ្ឋបាល (ស.ភ.រ), (២)សេចក្ដីព្រាងផែនការយុទ្ធសាស្ត្រ៥ឆ្នាំ (២០២៦-២០៣០) របស់ស.ភ.រ, (៣)ការត្រៀមលក្ខណៈបែងចែកកន្លែងបំពេញការងាររបស់សិស្សមន្ត្រីក្រមការ ជំនាន់ទី១១, (៤)សំណើជ្រើសរើសសិស្សមន្ត្រីក្រមការ ជំនាន់ទី១២, (៥)សំណើជ្រើសរើសកម្មសិក្សាការីនៃវគ្គវិក្រឹតការ ឆ្នាំ២០២៦, (៦)ប្លង់ទីតាំងនៃអគារថ្មី របស់ស.ភ.រ. និង (៧)បញ្ហាផ្សេងៗ។

ក្រោយពេលដែលបានស្តាប់មតិយោបល់របស់សមាជិកក្រុមប្រឹក្សាសាលាភូមិន្ទរដ្ឋបាល ក្នុងការពិភាក្សាយោបល់យ៉ាងផុលផុសលើគម្រោងផែនការយុទ្ធសាស្ត្រ និងទិសដៅការងារឆ្ពោះទៅមុខលើការពង្រឹងគុណភាពបណ្តុះបណ្តាលធនធានមនុស្ស តាមរយៈសាលាភូមិន្ទរដ្ឋបាលឱ្យកាន់តែល្អប្រសើរ រួចមក ឯកឧត្តមឧបនាយករដ្ឋមន្ត្រី បានបញ្ជាក់ថា អ្វីដែលជាកិច្ចពិភាក្សារបស់យើងជារួម ផ្គួបផ្សំនឹងផែនការយុទ្ធសាស្ត្រឆ្នាំ២០២៦-២០៣០ គឺឆ្លុះបញ្ចាំងបញ្ជាក់ថា យើងមិនមែនគិតត្រឹមតែមុំនៃវគ្គបណ្តុះបណ្តាល ទៅលើវិជ្ជាជីវៈ ឬសមត្ថភាពរបស់មន្ត្រីរាជការ ដែលត្រូវចេញទៅបម្រើប្រទេសជាតិតែមួយមុខនោះទេ គឺយើងបានគិតគូរទៅលើមនសិការ ស្មារតី និងឥរិយាបថរបស់មន្ត្រីបន្ថែមទៀត។

“សាលាភូមិន្ទរដ្ឋបាល ដើរតួសំខាន់ក្នុងការបណ្តុះបណ្តាលមន្ត្រីរាជការ ដែលជាឆ្អឹងខ្នងនៃការអនុវត្តកម្មវិធីគោលនយោបាយរបស់រាជរដ្ឋាភិបាល គឺត្រូវមានសមត្ថភាព ទាំង Hard skills ទាំង Soft skills និងចាំបាច់ណាស់ត្រូវយល់ពីបុព្វហេតុរួមក្នុងការបម្រើប្រជាជនខ្មែរ។” ឯកឧត្តមឧបនាយករដ្ឋមន្ត្រីបន្ថែម៕

The post ឧបនាយករដ្ឋមន្ត្រី ហ៊ុន ម៉ានី ដឹកនាំកិច្ចប្រជុំតម្រង់ទិសការងាររបស់សាលាភូមិន្ទរដ្ឋបាល កំណត់ចក្ខុវិស័យក្លាយជាគ្រឹះស្ថានបណ្តុះបណ្តាលមន្ត្រីរាជការឈានមុខគេ appeared first on .

ក្នុងខ្លឹមសារ​នៃ​ប្រកាស​ខាង​លើ ​​បាន​សម្រេច​តែង​តាំង​លោក សន ហុងសេង ​​ឋានន្តរស័ក្តិ​អនុមន្ត្រី ថ្នាក់​លេខ​១ ឱ្យ​កាន់​តំណែង​ជា​អភិបាល​រង នៃ​គណៈអភិបាល​​​ស្រុក​កៀនស្វាយ។ មុន​ទទួល​បាន​​ការ​តែងតាំង​នេះ ​​លោក សន ហុងសេង ​​គឺជា​មន្ត្រី​ម្នាក់​បម្រើ​ការ​នៅ​​សាលាខេត្ត​កណ្តាល ​​បន្ទាប់ពី​​​​រៀន​ចប់​វគ្គ​សិស្ស​មន្ត្រី​ជាន់​ខ្ពស់​ជំនាន់​ទី​១០ ​​​​ពី​សាលាភូមិន្ទរដ្ឋបាល​ កាល​​ដើម​ឆ្នាំ​២០២០។

សម្រាប់​ប្រវត្តិសិក្សា​ ​​យុវជន​វ័យ​២៧​ឆ្នាំ​ ដែល​មាន​ស្រុក​កំណើត​នៅ​ខេត្ត​កំពង់ឆ្នាំង​រូប​នេះ បាន​បញ្ចប់​បរិញ្ញាបត្រ​​ពីរ​គឺ បរិញ្ញាបត្រ​អក្សរសាស្ត្រ​អង់គ្លេស​ មក​ពី​សាកលវិទ្យាល័យវេស្ទើន កាល​ឆ្នាំ​២០១៧ និង​បរិញ្ញាបត្រ​​​ជំនាញ​រដ្ឋបាលសាធារណៈ ​ព្រម​ទាំង​អនុបណ្ឌិត​ជំនាញ​​រដ្ឋបាលសាធារណៈ នៅ​សាកល​វិទ្យាល័យ​​ភូមិន្ទនីតិសាស្ត្រ និង​វិទ្យាសាស្ត្រ​សេដ្ឋកិច្ច នៅ​ឆ្នាំ​២០២០។

រីឯ​ដំណើរ​ឈាន​​ចូល​អាជីព​ជា​អ្នក​រាជការ ​​​​លោក សន ហុងសេង ​​បាន​ប្រឡង​ជាប់​ជា​ «សិស្ស​មន្ត្រី​ក្រមការ​ជំនាន់​ទី​៧» កាល​​ឆ្នាំ​២០១៧ ​​និង​បន្ត​ប្រឡង​ជាប់​វគ្គ​ «សិស្ស​មន្ត្រី​ជាន់​ខ្ពស់​ជំនាន់​ទី១០» ជំនាញ​រដ្ឋបាល​សាធារណៈ ​​​​ដែល​តម្រូវ​​ឱ្យ​បន្ត​​សិក្សា​រយៈពេល​២​ឆ្នាំ​ទៀត នៅ​សាលាភូមិន្ទរដ្ឋបាល ចន្លោះ​ឆ្នាំ​២០១៨-២០២០។ ក្រោយ​​សិក្សា​ចប់​២​ឆ្នាំ ជាមួយ​នឹងលទ្ធផល​ល្អ​ឥតខ្ចោះ (​ចំណាត់ថ្នាក់​​លេខ​១ ប្រចាំជំនាញ) ​​​​លោក​ ហុង សេង ក៏​មាន​ឱកាស​ចាប់​ប៉ុស្តិ៍​​ចូល​បម្រើការងារ​នៅ​ក្រសួង​មហាផ្ទៃ និង​សម្រេច​ជ្រើសរើស​ទៅ​បម្រើ​ការងារ​​នៅ​​​រដ្ឋបាល​ថ្នាក់​ក្រោម​ជាតិ នៃ​រដ្ឋបាលខេត្តកណ្តាល៕​

The post សិស្សមន្ត្រីសាលាភូមិន្ទរដ្ឋបាលម្នាក់ ទទួលបានការតែងតាំងជា «អភិបាលរង» ស្រុកកៀនស្វាយ appeared first on .

ព្រឹត្តិការណ៍​នៃ​ការ​ប្រារព្វពិធីនេះ ​ជា​លើក​ទី​១​ហើយ​សម្រាប់​សាលាភូមិន្ទរដ្ឋបាល បន្ទាប់ពី​ស្ថានភាព​នៃ​ជំងឺ​កូវីដ-១៩ នៅកម្ពុជា​បាន​ធូរ​ស្បើយ ហើយ​ការ​រស់​នៅ និង​ការ​ប្រកប​ការងារ​ប្រចាំថ្ងៃ​របស់​ប្រជាជន​ទូទៅ​​ បាន​វិល​ត្រឡប់​មក​ប្រក្រតីភាព​ឡើង​វិញ​ស្ទើរ​តែ​ទាំង​ស្រុង។

គួរ​បញ្ជាក់​ថា ​​ចាប់​តាំងពី​ឆ្នាំ​១៩៩២ ​​រហូតមក​ទល់​បច្ចុប្បន្ន​ សាលាភូមិន្ទរដ្ឋបាល បាន​បណ្តុះបណ្តាល​មន្ត្រីរាជការ​​សរុប​ចំនួន ១៦៦០៦អង្គ/នាក់ ដែល​មាន​ទាំង​វគ្គ​បណ្តុះបណ្តាល​រយៈពេលវែង និង​វគ្គ​បណ្តុះបណ្តាល​រយៈពេល​ខ្លី ហើយ​​សមិទ្ធផល​ទាំង​នេះ​ បាន​ឆ្លុះបញ្ចាំង​ឱ្យ​ឃើញ​ពី​ផល​វិជ្ជមាន​ និង​ដំណើរ​បន្ត​ឆ្ពោះ​ទៅ​មុខ នៃ​កិច្ចខិតខំ​ប្រឹងប្រែង ក្នុង​ការ​កសាង និង​ការ​អភិវឌ្ឍធនធានមនុស្ស​សម្រាប់​វិស័យ​សាធារណៈ និង​បញ្ជាក់ពី​ជំហរ​របស់​រាជរដ្ឋាភិបាល ក្នុង​ការ​គាំទ្រ​ដល់​ការ​បណ្តុះបណ្តាល​សមត្ថភាព​មន្ត្រីរាជការ ក្នុង​មុខ​តំណែង​ដឹក​នាំ និង​គ្រប់គ្រង​អង្គភាព​នៅ​គ្រប់​កម្រិត៕

The post សម្តេចតេជោ នឹងចែកសញ្ញាបត្រជូនដល់សិស្សមន្ត្រីសាលាភូមិន្ទរដ្ឋបាល នៅថ្ងៃចន្ទស្អែកនេះ appeared first on .

ថ្លែងទៅកាន់សិស្សមន្ត្រីដែលនឹងបំពេញមុខងារតាមក្រសួង-ស្ថាប័ននានាពេលខាងមុខ លោក ព្រុំ សុខា រដ្ឋមន្ត្រីក្រសួងមុខងារសាធារណៈ មានប្រសាសន៍ថា ក្នុងរដ្ឋបាលសាធារណៈ យើងត្រូវធ្វើឱ្យមានការប្រែក្លាយពីមន្រ្តីផ្តល់សេវាសាធារណៈ ទៅជាអ្នកបម្រើសេវាសាធារណៈជូនប្រជាពលរដ្ឋ ដែលនេះគឺស្របតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថា «មន្រ្តីជាអ្នកបម្រើប្រជាពលរដ្ឋ»។

ក្នុងន័យនេះ លោក ព្រុំ សុខា ចង់មានន័ថា មន្រ្តីមុខងារសាធារណៈត្រូវការកែទម្រង់ ជាពិសេសត្រូវកែប្រែឥរិយាបទរបស់ខ្លួន ដោយត្រូវមានភាពរួសរាយរាក់ទាក់ និងមានឥរិយាបទឱនលំទោនជានិច្ចទៅកាន់ប្រជាពលរដ្ឋដែលមកទទួលសេវាសាធារណៈ។

លោកបន្ថែមថា បើចង់ធ្វើជាមន្ត្រីត្រូវរក្សាតម្លៃជាមន្ត្រី។ ពាក់ព័ន្ធនឹងការជ្រើសរើសកន្លែងបំពេញមុខងារ របស់សិស្សមន្ត្រីជាន់ខ្ពស់ជំនាន់ទី១១ លោកគូសបញ្ជាក់ថា អនាគតជាមន្ត្រីសាធារណៈ គឺធ្វើការងារនៅក្រសួង-ស្ថាប័នណាក៏មានតម្លៃដែរ ព្រោះតម្លៃស្ថិតនៅលើបុគ្គលយើងផ្ទាល់តែម្តង។

សូមបញ្ជាក់ថា គិតមកដល់ពេលបច្ចុប្បន្ននេះ សាលាភូមិន្ទរដ្ឋបាល បានធ្វើការបណ្តុះបណ្តាលសម្រាប់សិស្សមន្ត្រីជាន់ខ្ពស់បានចំនួន ១១ជំនាន់ ស្មើនឹង ៥៥០នាក់ សិស្សមន្ត្រីមធ្យមបានចំនួន ៣ជំនាន់ស្មើនឹង ១៧៤នាក់ និងសិស្សមន្ត្រីក្រមការបានចំនួន៩ជំនាន់ ស្មើនឹង ៦៧៩នាក់៕

The post លោក ព្រុំ សុខា ស្នើឱ្យមន្រ្តីមុខងារសាធារណៈត្រូវការកែទម្រង់ និងកែប្រែឥរិយាបទរបស់ខ្លួន appeared first on .