នាឱកាសនោះ លោក សុខ លូ បានបង្ហាញពីស្ថានភាពភូមិសាស្រ្តខេត្តបាត់ដំបង សក្ដានុពលនៃវិស័យកសិកម្ម ទេសចរណ៍ សេវាកម្ម និងប្រព័ន្ធធារាស្រ្តយ៉ាងប្រទាក់ក្រឡាដែលអំណោយផលដល់ការវិនិយោគ។ លោក សង្កត់ធ្ងន់ថា ខេត្តបាត់ដំបងមានសក្ដានុពលខ្លាំងលើវិស័យកសិកម្ម ប៉ុន្តែការវិនិយោគលើការកែច្នៃវេចខ្ចប់នៅមានកម្រិត។ក្នុងន័យនេះលោក ស្នើឯកឧត្តមឯកអគ្គរដ្ឋទូតចិនជួយកៀរគរអ្នកវិនិយោគចិនមកបណ្ដាក់ទុនវិនិយោគលើការកែច្នៃកសិផលនិងឈានទៅបង្កើតឱ្យមានតំបន់សេដ្ឋកិច្ចពិសេសចិននៅខេត្តបាត់ដំបង។

ទន្ទឹមគ្នានេះ លោកក៏ស្នើភាគីចិនពិនិត្យលទ្ធភាពរៀបចំឱ្យមានការចងសម្ព័ន្ធមេត្រីភាពរវាងខេត្តបាត់ដំបង និងក្រុង ឬខេត្តណាមួយនៃប្រទេសចិនដើម្បីពង្រឹងកិច្ចសហប្រតិបត្តិការ និងទំនាក់ទំនងឱ្យកាន់តែស៊ីជម្រៅបន្ថែមទៀត។

ជាការឆ្លើយតប លោក វ៉ាង វិនពិន (Wang Wenbin) ក៏បានមើលឃើញច្បាស់ពីសក្ដានុពលខ្ពស់លើវិស័យស្រូវអង្ករ និងកសិផលផ្សេងៗនៅក្នុងខេត្តបាត់ដំបងហើយស្ថានទូតចិនប្រចាំកម្ពុជាបានចាត់ទុកការអភិវឌ្ឍលើច្រករបៀងមច្ឆា និងអង្កររវាងប្រទេសទាំងពីរជាកិច្ចការអាទិភាពដើម្បីជំរុញកិច្ចសហប្រតិបត្តិការលើវិស័យកសិកម្ម ផ្តោតលើការនាំចេញមច្ឆា និងកសិផលរបស់កម្ពុជាទៅកាន់ប្រទេសចិន។

ជុំវិញរឿងនេះ លោក ក៏បានលើកឡើងពីការជំរុញសភាពាណិជ្ជកម្មចិនប្រចាំប្រទេសកម្ពុជាឱ្យបង្កើនកិច្ចសហប្រតិបត្តិការជាមួយរដ្ឋបាលខេត្តបាត់ដំបងព្រមទាំងនាំយកសក្ដានុពលរបស់ខេត្តបាត់ដំបងទៅបង្ហាញដល់អ្នកវិនិយោគចិនដោយឯកឧត្តមចាត់ទុកខេត្តបាត់ដំបងជាខេត្តមួយដ៏សំខាន់ក្នុងការពង្រឹងទំនាក់ទំនង និងកិច្ចសហប្រតិបត្តិការររវាងប្រទេសចិននិងកម្ពុជា។

តាមរយៈជំនួបនេះដែរ ស្ថានទូតចិន ក៏បានអះអាងពីការជំរុញការចងសម្ព័ន្ធមេត្រីភាពរវាងខេត្ត ក្រុង នៃប្រទេសចិន និងរដ្ឋបាលខេត្តបាត់ដំបង ដើម្បីពង្រឹងទំនាក់ទំនង កិច្ចសហប្រតិបត្តិការឱ្យកាន់តែខ្លាំងថែមទៀត៕ អត្ថបទ៖ ហ្សាលីន

The post ចិន សម្លឹងឃើញសក្ដានុពលខ្ពស់លើវិស័យស្រូវអង្ករ និងកសិផលផ្សេងៗ នៅក្នុងខេត្តបាត់ដំបង appeared first on .

លើកឡើងក្នុងពិធីបិទមហាសន្និបាតរបស់សហព័ន្ធស្រូវអង្ករកម្ពុជា អាណត្តិទី៤ កាលពីថ្ងៃទី២៦ ខែសីហា ឆ្នាំ២០២៥ លោក ហែម វណ្ណឌី លើកឡើងថា សមត្ថភាពផលិតស្រូវអង្ករ ការកិន និងការកែច្នៃទៅជាផលិតផលមានតម្លៃបន្ថែម ដោយប្រើប្រាស់បច្ចេកវិទ្យា និងនវានុវត្តន៍ថ្មីៗ ព្រមជាមួយភាពប្រជែងឈ្នះផ្សេងទៀត និងកេរ្តិ៍ឈ្មោះលើឆាកអន្តរជាតិ គឺជានិមិត្តរូបនៃមោទនភាពសម្រាប់វិស័យដ៏មានសារៈសំខាន់នៃសេដ្ឋកិច្ចជាតិ។

លោកក៏បានជំរុញ និងលើកទឹកចិត្តក្រសួង-ស្ថាប័ន ដែលជាប្រធានគណៈកម្មការបច្ចេក​ទេសពាក់ព័ន្ធឧស្សាហកម្មស្រូវអង្ករនៃក្រុមប្រឹក្សាស្តង់ដារជាតិ និងផ្នែកឯកជន ឱ្យចូលរួមអភិវឌ្ឍស្តង់ដាថ្មីៗបន្ថែមទៀត។

ជាមួយគ្នានោះ លោករដ្ឋមន្រ្តក៏បានរំលេចពីការរួមចំណែករបស់ក្រសួងឧស្សាហកម្ម ដល់ឧស្សាហកម្មស្រូវអង្ករ រួមទាំងការងារសុវត្ថិភាពនិងបច្ចេកទេសផលិតកម្ម ការលើកកម្ពស់ផលិតភាពតាម រយៈគ្រឿងម៉ាស៊ីនទំនើបៗ និងការផ្តល់សេវាហេដ្ឋារចនាសម្ព័ន្ធគុណភាពជាតិ ដើម្បីគាំទ្រដល់រោងម៉ាស៊ីនកិនស្រូវ និងសហគ្រាសធុនតូចនិងមធ្យម។

កំណែទម្រង់ថ្មីៗរបស់ក្រសួងឧស្សាហកម្ម វិទ្យាសាស្ត្រ បច្ចេវិទ្យា និងនវានុវត្តន៍ ដូចជាការប្រែក្លាយមន្ទីរពិសោធន៍ជាតិវិទ្យាសាស្ត្រ បច្ចេកវិទ្យា និងនវានុវត្តន៍ ទៅជាគ្រឹះស្ថានសាធារណៈរដ្ឋបាលដែលមានសមត្ថភាពធ្វើតេស្តវិភាគជាអន្តរជាតិ និងការសម្ពោធមជ្ឈមណ្ឌលបច្ចេកវិទ្យាកែច្នៃអាហារ កម្ពុជា-កូរ៉េ នាពេលថ្មីៗនេះ មានគោលដៅបង្កើនភាពប្រកួតប្រជែង និងជំរុញការនាំចេញ រួមទាំងផលិតផលអង្កររបស់កម្ពុជា។

លើសពីនេះ ក្រសួងក៏កំពុងជំរុញភាពជាដៃគូ និងកិច្ចសហប្រតិបត្តិការជាមួយវិស័យឯកជន វិស័យឧត្តមសិក្សាស្រាវជ្រាវ និងវិស័យសាធារណៈនានា ដើម្បីឆ្លើយតបនឹងតម្រូវការក្នុងការពង្រឹងសក្តានុពលនៃវិស័យកសិឧស្សាហកម្ម ចំណីអាហារ ភេសជ្ជៈ និងលើកម្ពស់អធិបតេយ្យភាពស្បៀងអាហារ និងសន្តិសុខស្បៀងរបស់កម្ពុជាផងដែរ។

សូមបញ្ជាក់ផងដែរថា បើតាមរបាយការណ៍របស់សហព័ន្ធស្រូវអង្ករកម្ពុជា ក្នុងរយៈពេល៧ខែ ឆ្នាំ២០២៥នេះ កម្ពុជាបាននាំចេញអង្ករបានចំនួន ៤២០ ៥៧២តោន​ តាមរយៈក្រុមហ៊ុននាំចេញអង្ករចំនួន ៥១ ក្រុមហ៊ុន ទៅកាន់គោលដៅចំនួន ៦៥  គិតជាទឹកប្រាក់​បានចំនួន ៣០៩.៣២ លានដុល្លារសហរដ្ឋអាមេរិក។ កម្ពុជាក៏បាននាំចេញស្រូវចំនួន ៣ ៨៧៣ ០៧៨ តោនស្រូវសើម ដែលគិតជាទឹកប្រាក់បានប្រមាណ ៩១៤.២១ លានដុល្លារសហរដ្ឋអាមេរិកផងដែរ៕

The post រដ្ឋមន្រ្តីក្រសួងឧស្សាហកម្ម ជំរុញការចាប់យកនវានុវត្តន៍ និងស្តង់ដាក្នុងការអភិវឌ្ឍឧស្សាហកម្មស្រូវអង្ករកម្ពុជា appeared first on .

របាយការណ៍ខាងលើ បានឱ្យដឹងថា ការនាំចេញទៅកាន់បណ្តាប្រទេសនៅក្នុងតំបន់អឺរ៉ុបចំនួន ​២៦ ​បានបរិមាណអង្ករចំនួន ២០០ ៧៧២ តោន គិតជាទឹកប្រាក់ចំនួន ១៥៦.៩២​ លានដុល្លារសហរដ្ឋអាមេរិក  ទៅកាន់ប្រទេសចិន ​និងហុងកុង ចំនួន ១០៥ ៦២១ តោន គិតជាទឹកប្រាក់ចំនួន ៦២.១៣ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ាន ចំនួន ៧ ប្រទេសបានបរិមាណចំនួន  ៥៧ ១៧៩ តោន​ គិតជាទឹកប្រាក់ចំនួន ៤០.១៤ លានដុល្លារសហរដ្ឋអាមេរិក។

លើសពីនេះ ក៏បាននាំចេញទៅកាន់គោលដៅ ៣២ ប្រទេសផ្សេងទៀត រួមមាន អាហ្វ្រិក   មជ្ឈឹម បូព៌ា អាមេរិក  កាណាដា  អូស្ត្រាលី  ញ៉ូហ្សេឡេន ។ល។ បានចំនួន   ៥៧ ០០០ តោន គិតជាទឹកប្រាក់ចំនួន  ៥០.១៣ លានដុល្លារសហរដ្ឋអាមេរិក។

បើតាមសហព័ន្ធស្រូវអង្ករ ចំពោះប្រភេទអង្ករ បាននាំចេញអង្ករក្រអូបចំនួន ៧៧.៦៥% ប្រភេទអង្ករសគ្រាប់វែង ១៥.៦១% អង្ករចំហ៊ុយ ៣.២៧% អង្ករសរីរាង្គចំនួន ២.៦១%  និងអង្ករផ្សេងៗចំនួន ០.៨៦% ។

គូសបញ្ជាក់ថា ប្រទេសកម្ពុជាក៏បាននាំចេញស្រូវចំនួន ៣ ៨៧៣ ០៧៨ តោនស្រូវសើម ដែលគិតជាទឹកប្រាក់បានប្រមាណ ៩១៤.២១ លានដុល្លារសហរដ្ឋអាមេរិក ៕

The post រយៈពេល៧ខែ ឆ្នាំ​២០២៥ កម្ពុជានាំចេញអង្ករជាង៤២ម៉ឺនតោន គិតជាទឹកប្រាក់​ជាង ៣០០លានដុល្លារ appeared first on .

លោក យ៉ង សាំងកុមា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងកាលពីពេលថ្មីៗនេះថា បើប្រៀបធៀបការនាំចេញស្រូវ៧ខែ ដើមឆ្នាំ២០២២-២០២៤ ឃើញថាក្នុងរយៈពេល៧ខែ ឆ្នាំ២០២៤នេះ ការនាំចេញស្រូវរបស់កម្ពុជាកើនដល់ប្រមាណ២,៧១១,១៩៧តោន ខណៈឆ្នាំ២០២២ បានជាង២លាន៤៩ម៉ឺនតោន និងឆ្នាំ២០២២ ត្រឹមតែជា១លាន ៩៥ម៉ឺនតោនប៉ុណ្ណោះ។

លោកបន្តថា ការនាំស្រូវអង្ករចេញរបស់កម្ពុជានៅតែបន្តកើនឡើងនៅឆ្នាំ ២០២៤ បើធៀបនឹងឆ្នាំ២០២២ និងឆ្នាំ២០២៣ ដែលបង្ហាញពីជោគជ័យវិស័យស្រូវអង្ករក្នុងការធានាបានសន្តិសុខស្បៀង និងចូលរួមចំណែកដល់កំណើនសេដ្ឋកិច្ចជាតិ។

បើតាមសហព័ន្ធស្រូវអង្ករកម្ពុជា ក្នុងរយៈពេល៧ខែមកនេះ កម្ពុជាបាននាំចេញស្រូវទៅកាន់ប្រទេសជិតខាងបានប្រមាណជាង ២លាន ៧១ម៉ឺនតោន គិតជាទឹកប្រាក់ប្រមាណជាង៧៨៤លានដុល្លារ ដែល៨០,៥០% បានឆ្លងកាត់ការស្នើសុំការបញ្ជាក់នាំចេញពីអាជ្ញាធរមានសមត្ថកិច្ច។ជាមួយគ្នានេះ កម្ពុជាក៏បានសម្រេចការនាំចេញអង្ករបានជាង៣៧៩ពាន់តោន ទៅកាន់៦៤ប្រទេស ក្នុងទំហំទឹកប្រាក់ប្រមាណ២៨០លានដុល្លារផងដែរ។

សូមបញ្ជាក់ថា កម្ពុជាក្លាយជាប្រទេសនាំអង្ករចេញ(ទាំងស្រូវនិងអង្ករ) លេខរៀងទី៧លើពិភពលោក នៅឆ្នាំ ២០២៣/២០២៤។ក្នុងមួយឆ្នាំៗកម្ពុជាផលិតស្រូវបានជាង ១២ លានតោន ឬជាង ៧លានតោនអង្ករ ដែលលើសពីតម្រូវការក្នុងស្រុកប្រមាណ ៥០ ភាគរយ។លើសពីនេះវិស័យស្រូវអង្ករកម្ពុជាមិនត្រឹមតែជោគជ័យក្នុងការផលិតស្បៀងសម្រាប់ធានាបានសន្តិសុខស្បៀងជូនជាតិទេគឺថែមទាំងចូលរួមចំណែកដល់សន្តិសុខស្បៀងពិភពលោកផងដែរ៕

The post ការនាំស្រូវអង្ករចេញរបស់កម្ពុជានៅតែបន្តកើនឡើងនៅឆ្នាំ២០២៤នេះ ដែលបង្ហាញពីជោគជ័យក្នុងការធានាបានសន្តិសុខស្បៀង appeared first on .

សហព័ន្ធស្រូវអង្ករកម្ពុជា បានឲ្យដឹងថា អង្ករដែលបាននាំចេញនេះ គឺតាមរយៈក្រុមហ៊ុននាំចេញអង្ករចំនួន ៤៩ក្រុមហ៊ុន ទៅកាន់គោលដៅចំនួន ៦៣ ដែលក្នុងនោះ នាំទៅកាន់ប្រទេសចិន និងតំបន់រដ្ឋបាលស្វយ័ត ៧៣ ៣២០តោន គិតជាទឹកប្រាក់ ៤៦.២០លានដុល្លារ ,ទៅកាន់បណ្តាប្រទេសសមាជិកអាស៊ាន៧ ចំនួន ៦៥ ៤១២តោន គិតជាទឹកប្រាក់ ៤៦.៣៤លានដុល្លារ, ទៅកាន់២៦ប្រទេសក្នុងទ្វីបអឺរ៉ុប ចំនួន ១៣៦ ៥២៨តោន គិតជាទឹកប្រាក់ ១០៤.៨០លានដុល្លារ និងនាំចេញទៅកាន់២៧ប្រទេសផ្សេងៗទៀត នៅអាហ្វ្រិក និងមជ្ឈិមបូព៌ា ចំនួន២៧ ៣៣០តោន គិតជាទឹកប្រាក់ ២២.៩៦លានដុល្លារ។

សហព័ន្ធស្រូវអង្ករកម្ពុជា បានឲ្យដឹងទៀតថា ចំពោះប្រភេទអង្ករ បាននាំចេញអង្ករក្រអូបគ្រប់ប្រភេទចំនួន ៧១.១៣% អង្ករគ្រាប់វែង ២៤.៧៥% អង្ករចំហ៊ុយ ២.៤៣% អង្ករសរីរាង្គ ១.៤៣% និងអង្ករផ្សេងៗទៀត ០.២៦%។

ជាមួយគ្នានេះ កម្ពុជា ក៏នាំចេញស្រូវទៅកាន់ប្រទេសជិតខាងបានចំនួនជាង ២លាន ៤៧ម៉ឺនតោន ដែលគិតទឹកប្រាក់ប៉ាន់ប្រមាណជាង ៧១០លានដុល្លារអាមេរិក ដែលក្នុងនោះ ៧២% បាននាំចេញដោយឆ្លងកាត់ ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ច។

សូមជម្រាបជូនថា ថ្មីៗនេះក៏មានក្រុមហ៊ុនអាមេរិកដ៏ធំមួយ បានមកសិក្សាអំពីសក្តានុពលស្រូវអង្ករនៅកម្ពុជា ក្នុងគោលបំណងនាំចេញអង្ករកម្ពុជាទៅសហរដ្ឋអាមេរិកនាពេលអនាគតផងដែរ ស្របពេលដែលផលិតផលអង្ករកម្ពុជាធានាបាននូវគុណភាព និងបរិមាណដែលទទួលយកបាន។

លើសពីនោះ ក្រុមហ៊ុនមួយផ្សេងទៀតដែលមានមូលដ្ឋាននៅសហរដ្ឋអាមេរិកក៏បានបង្ហាញពីចំណាប់អារម្មណ៍របស់ពួកគេក្នុងការទិញអង្ករពីប្រទេសកម្ពុជាផងដែរ៕

The post កម្ពុជារកចំណូលបានជាង២១៩លានដុល្លារ ពីការនាំចេញអង្ករក្នុងរយៈពេល៥ខែ ឆ្នាំនេះ appeared first on .

សហព័ន្ធស្រូវអង្ករកម្ពុជា បានឱ្យដឹងថា៖« រយៈពេល៤ខែ ពោលចាប់ពីខែមករា ដល់ខែមេសា កម្ពុជាបាននាំចេញអង្ករបានចំនួន ២៤៨ ៤៩១ តោន ទៅកាន់ទីផ្សារអន្តរជាតិ ទទួលបានចំណូលជាងជាង១៧០លានដុល្លារ»។

ចំពោះការនាំចេញអង្ករជាង២៤ម៉ឺនតោននេះ សហព័ន្ធស្រូវអង្ករកម្ពុជា បន្តថា គឺធ្វើឡើងតាមរយៈក្រុមហ៊ុននាំចេញអង្ករចំនួន៤៨ ក្រុមហ៊ុន ទៅកាន់គោលដៅចំនួន ៦០ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ១០៥,៧៩៩ តោន គិតជាទឹកប្រាក់ចំនួន ៨១.៦២ ដុល្លារសហរដ្ឋអាមេរិក ទៅកាន់ប្រទេសចិនរួមទាំងហុងកុង និងម៉ាកាវចំនួន ៦៧,៤៥៧ តោន គិតជាទឹកប្រាក់ ៤២.២៨ លាន ដុល្លារសហរដ្ឋអាមេរិក។

ជាងនេះទៀត បាននាំចេញទៅកាន់ប្រទេសក្នុងអាស៊ាន រួមទាំងទីម័រខាងកើតចំនួន ៧ប្រទេសបានបរិមាណចំនួន ៥៣,៧៦៦ តោន គិតជាទឹកប្រាក់ ២៧.៧៤ លានដុល្លារសហរដ្ឋអាមេរិក។ នឹងបានទៅកាន់គោលដៅ២៤ ផ្សេងទៀតអាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ ក្នុងចំនួន ២១,៤៦៩ តោន គិតជាទឹកប្រាក់ចំនួន ១៨.៥៧ លានដុល្លារសហរដ្ឋអាមេរិក។

ចំពោះប្រភេទអង្ករដែលបាននាំចេញ ក្នុងនោះ៖ អង្ករក្រអូបចំនួន៧៣.០៧ % ប្រភេទអង្ករស ធម្មតា ចំនួន ២៣.១៨% អង្ករចំហ៊ុយចំនួន ២.២១ % អង្ករសរីរាង្គចំនួន ១.៣២% និងអង្ករផ្សេងៗចំនួន ០.២២% ។

ទន្ទឹមគ្នានេះ ក្នុងរយៈពេល៤ខែនេះដែរ សហព័ន្ធស្រូវអង្ករកម្ពុជា ក៏បានបញ្ជាក់ថា៖«កម្ពុជាក៏បាននាំចេញស្រូវចំនួន ២,៤១៩,៣១៧តោន(ស្រូវសើម) ដែលគិតជាទឹកប្រាក់បានប៉ាន់ប្រមាណជាង ៦៩៣.៣៩ លានដុល្លារសហរដ្ឋអាមេរិក ដែលក្នុងនោះ ៧២% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ចផងដែរ»៕ អត្ថបទ៖ រង្សី

The post កម្ពុជា រកចំណូលបានជិត៩០០លានដុល្លារពីការនាំចេញស្រូវ អង្ករ ទៅកាន់ ៦០ប្រទេស ត្រឹម៤ខែឆ្នាំនេះ appeared first on .

យោងតាមរបាយការណ៍របស់អគ្គនាយដ្ឋានកសិកម្មកសិកម្មកាលពីថ្ងៃទី២៩ ខែធ្នូ ឆ្នាំ២០២៣ បានបង្ហាញថាក្នុងឆ្នាំ២០២៣នេះ ការនាំចេញកសិផលទៅក្រៅប្រទេសដែលអគ្គនាយកដ្ឋានកសិកម្ម ទទួលបានផ្អែកលើប្រព័ន្ធទិន្នន័យគ្រឹះភូតគាមអនាម័យជាតិ មានបរិមាណសរុបជាង ៨លានតោន ក្នុងនោះអង្ករមានជាង៦៥ម៉ឺនតោន, ស្រូវមានជាង២លាន ៧៣ម៉ឺនតោន និងកសិផលផ្សេងទៀតមានជាង៥លានតោន ទៅកាន់ទិសដៅ៧៨ប្រទេស ដោយមានការថយចុះ១,៩០% បើប្រៀបធៀបនឹងរយៈពេលដូចគ្នាឆ្នាំ២០២២។

របាយការណ៍បញ្ជាក់ថា «សម្រាប់ឆ្នាំ២០២៣ តាមការប៉ាន់ស្មានតម្លៃគិតជាទឹកប្រាក់ ដែលទទួលបានពីការនាំចេញកសិផល ផ្អែកតាមវិក្កយបត្ររបស់អ្នកនាំចេញសម្រាប់តម្លៃបានមកពីការនាំចេញអង្ករមានជាង ៥៦៧លានដុល្លារអាមេរិក, តម្លៃបានមកពីការនាំចេញស្រូវមានជាង ៩៣៩លានដុល្លារអាមេរិក»។

ពាក់ព័ន្ធនិងវិស័យស្រូវអង្ករកម្ពុជានៅឆ្នាំ២០២៤នេះ ត្រូវបានអ្នកជំនាញមើលឃើញថាតម្លៃស្រូវនិងបន្តរក្សាបានខ្ពស់ដូចឆ្នំា២០២៣ដែរ។

ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានឱ្យដឹងថាជាង១៥ឆ្នាំកន្លងមកនេះមិនដែលធ្លាប់ឃើញតម្លៃស្រូវឡើងខ្ពស់ដូចសព្វថ្ងៃនេះទេ ហើយកត្តាដែលនាំឱ្យស្រូវឡើងថ្លៃ៖(ទី១)- ដោយសារការបម្រែបម្រួលអាកាសធាតុបានធ្វើឱ្យប្រទេសមួយចំនួននៅក្នុងតំបន់អាស៊ីខ្វះខាតស្បៀង ដែលតម្រូវឱ្យ ប្រទេសទំាងនោះត្រូវការស្បៀងស្តុកបម្រុងដើម្បីទប់ទល់ទៅនិងការបម្រែបម្រួលអាកាសធាតុដែលបណ្តាលមកពីការកើនឡើងនៅកំដៅ។ ជាក់ស្តែងប្រទេសឥណ្ឌូនេស៊ី និងប្រទេសហ្វីលីពីនបានទិញអង្ករច្រើនជាងគេនៅក្នុងតំបន់ ដើម្បីស្តុកទុកនៅក្នុងឃ្លំាង សម្រាប់រក្សាស្ថិរភាពស្បៀងនៅក្នុងប្រទេសរបស់ខ្លួន។ (ទី២)-នៅប្រទេសឥណ្ឌា បានបិទខ្ទប់មិនឱ្យមានការនាំចេញអង្ករសរបស់ខ្លួនទៅទីផ្សារខាងក្រៅ ក៏ដោយសារតែទទួលរងឥទ្ធិពលពីការបម្រែបម្រួល អាសធាតុនេះ ខ្លាចធ្វើឱ្យទិន្នផលស្រូវក្នុងស្រុករបស់ខ្លួនប្រទេសថយចុះ។

ឧកញ៉ា សុង សារ៉ន លើកឡើងថា « តម្លៃស្រូវរបស់ប្រជាកសិករក្នុងពេលកន្លងមកកើនឡើងជាង៣៥% បើប្រៀបធៀបនិងឆ្នំាមុនៗ អាចឱ្យកសិករទទួលយកបាន។បន្ថែមលើសពីនេះឆ្នាំ២០២៤កសិករអាចរក្សាការដាំដុះស្រូវតាមបែបពូជស្រូវពីមុនៗបាន ក៏នៅតែអាចលក់បានតម្លៃខ្ពស់នៅលើទីផ្សារបាន ប៉ុន្តែនៅឆ្នាំ២០២៥ត្រូវតែមានការប្រុងប្រយ័ត្ន»៕ តាកែវ

The post កម្ពុជាទទួលបានប្រាក់ពីការនាំចេញស្រូវ-អង្ករបានជាង១ ៥០០លានដុល្លារ ក្នុងឆ្នាំ២០២៣ appeared first on .