លោកបញ្ជាក់ថា «វេទិកាធុរកិច្ចដែលបានចាប់ផ្តើមកាលពីថ្ងៃទី៧ខែកុម្ភៈកន្លងមកនេះ ចាប់ផ្តើមហុចផលបន្តើរៗហើយមកដល់ពេលនេះតាមព័ត៌មានដែលខ្ញុំទទួលបាន ហើយថ្មីៗនេះស្ថានទូតកម្ពុជា ប្រចាំនៅក្នុងប្រទេសថៃក៏បានរៀបចំឡើងនៅវេទិកា ផ្សព្វផ្សាយអំពីឱកាសវិនិយោគសម្រាប់ជនបរទេសដែលកំពុងធ្វើការវិនិយោគនៅក្នុងប្រទេសថៃឱ្យទទួលបានព័ត៌មានថ្មីៗពីកម្ពុជាងាយស្រួលសម្រេចចិត្តធ្វើការវិនិយោគនៅកម្ពុជា»។

លោកលើកឡើងថា ស្ថានទូតកម្ពុជាប្រចំានៅប្រទេសថៃ ដែលជាសេនាធិការរបស់ក្រសួងការបរទេស ហើយក្រសួងការបរទេសដែលជាសេនាធិការរបស់រាជរដ្ឋាភិបាល យើងនឹងខំប្រឹងប្រែងបន្តជំរុញគោលនាយបាយការទូតសេដ្ឋកិច្ចរបស់កម្ពុជាបន្តទៀតដើម្បីអ្នកធ្វើធុរកិច្ច អ្នកវិនិយោគដែលមានលទ្ធភាពអាចចូលមកវិនិយោគនៅថៃ ហើយទាក់ទាញវិនិយោគិនថៃទៅបណ្តាក់ទុននៅកម្ពុជាឱ្យកើនឡើងថែមទៀត។

លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃប្រចាំកម្ពុជា ​បានឱ្យដឹងថា «ក្នុងនាមប្រជាពលរដ្ឋថៃរកស៊ីនៅក្នុងស្រុកខ្មែរនិងក្នុងនាមជាអ្នកសម្របសម្រួលផ្នែកធុរកិច្ច ខ្ញុំមើលឃើញថា ដំណើរទស្សនៈកិច្ចរបស់សម្តេចធិបតី ហ៊ុន ម៉ាណែត ទៅកាន់ប្រទេសថៃកន្លងទៅថ្មីៗនេះគឺជាដំណើរទស្សនៈកិច្ចលើកដំបូង ហើយកន្លមកខាងនាយករដ្ឋមន្ត្រីថៃក៏បានមកទស្សនៈនៅកម្ពុជា។នៅក្នុងដំណើរទស្សនៈកិច្ចទៅវិញទៅមករបស់ថ្នាក់ដឹកនាំទាំងពីរប្រទេសវាបានធ្វើឱ្យប្រជាពលរដ្ឋទាំងសងខាងកាន់តែមានទំនុកចិត្តកាន់តែខ្ពស់ នឹងចូលរួមជំរុញឱ្យការធ្វើពាណិជ្ជកម្មទ្វេភាគីនឹងកើនឡើងជាងឆ្នាំមុនៗតាមការគ្រោងទុក»។

បើយោងតាមលោកស្រី ជីរ៉ាណាន់ វង្សមង្គល ក្នុងនាមពលរដ្ឋថៃ ក៏ដូចជាប្រជាជនថៃផ្សេងទៀតលោកស្រី ពិតជាមានការសប្បាយចិត្តពេលបានឃើញនាយករដ្ឋមន្ត្រីទាំងពីរបង្ហាញថា ប្រទេសទាំងកម្ពុជា-ថៃ ជាមិត្តដ៏ល្អនឹងគ្នា។

លោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ បានឱ្យដឹងថា ការទូតសេដ្ឋកិច្ចគឺជាគោលនយោបាយនិងជាយុទ្ធសាស្ត្ររបស់រាជរដ្ឋាភិបាលកម្ពុជា ទាំងអាណត្តិមុនដែលដឹកនាំដោយសម្តេចតេជោ ហ៊ុនសែន អតីតនាយករដ្ឋមន្ត្រី ហើយបច្ចុប្បន្នជាប្រធានក្រុមឧត្តមក្រុមប្រឹក្សាព្រះមហាក្សត្រ ហើយរហូតមកដល់ពេលនេះ យើងមានរាជរដ្ឋាភិបាលថ្មី អាណត្តិទី៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី គោលនយោបាយការទូតសេដ្ឋកិច្ចនេះ ក៏ត្រូវបានបន្តជំរុញកាន់តែខ្លាំងក្លាថែមទៀត ហើយនៅពេលកន្លងមករាល់ដំណើរទស្សនៈកិច្ចទៅក្រៅប្រទេសតែងតែមានវេទិកាធុរកិច្ចរៀបចំអមជាមួយជាប្រចាំ៕ តាកែវ

The post កម្ពុជាចាប់ផ្តើមទទួលផលបណ្តើៗខ្លះហើយពីវេទិការធុរកិច្ចជាមួយថៃ appeared first on .

លោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ បានលើកឡើងថា សម្រាប់សម្តេចធិបតីប្រហែលពួកគាត់មានការយល់ច្រឡំហើយថាចាំបាច់ទាល់តែមានការគៀងគរ ទើបមានប្រជាពលរដ្ឋមកគាំទ្រទទួលស្វាគមន៍ដំណើរសម្តេចធិបតីបំពេញបេសកកម្មផ្លូវការទៅប្រទេសថៃ។

លោក ហ៊ុន សារឿន ថ្លែងថា៖ «សម្តេចធិបតីគឺជាទីគោរពស្រឡាញ់របស់បងប្អូនខ្មែរទាំងក្នុងប្រទេសនិងក្រៅប្រទេស ជាពិសេសនៅក្នុងស្រទាប់យុវជនតែម្តង លោកមានប្រជាប្រិយភាពខ្ពស់ ដោយសារសមត្ថភាពសកម្មភាពរបស់លោកធ្វើការគិតអំពីប្រជាជនជាធំ ផលប្រយោជន៍ សុវត្ថិភាពប្រជាជន ហើយនឹងផលប្រយោជន៍ប្រទេសជាតិជាធំ។ ត្រង់ចំណុចនេះធ្វើឲ្យប្រជាជនខ្មែរនៅគ្រប់ទិសទីគោរពស្រឡាញ់លោក ចឹងដំណឹងលោកទៅគឺមានតែអ្នកទៅគាំទ្រស្វាគមន៍ដំណើរអញ្ជើញរបស់លោក និងលោកជំទាវបណ្ឌិត…! នេះជាការពិតដែលយើងបានដឹង ហើយការចោទប្រកាន់ថាមានការគំរាមគំហែងគៀងគរយ៉ាងណានោះគឺជាសេរីភាពក្នុងការនិយាយរបស់គេទេ ប៉ុន្តែការពិតនៅតែជាការពិត»។

លោក ហ៊ុន សារឿន បានបន្តថា​ សម្រាប់ការបំភ្លៃពីក្រុមប្រឆាំងនោះគឺជាសិទ្ធិរបស់គេក្នុងការបំភ្លៃ ហើយយើងក៏មានសិទ្ធិក្នុងការនិយាយការពិតផងដែរ។

ជុំវិញាការចោទប្រកាន់ពីក្រុមប្រឆាំងនេះដែរ អ្នកឧកញ៉ា ឡេង ប្រុស ដែលរងនូវការចោទប្រកាន់ថាដើរគៀងគរប្រជាពលរដ្ឋ និងនិស្សិតខ្មែរនៅក្រុងបាងកក ដើម្បីមកទទួលស្វាគមន៍គណៈប្រតិភូរាជរដ្ឋាភិបាលកម្ពុជាបំពេញបេសកកម្មនៅថៃនោះ លើកឡើងថា វិទ្យុភាសាខ្មែរដែលនៅក្រៅប្រទេសមួយចំនួននិយាយចោទប្រកាន់ដោយមិនមានមូលដ្ឋានច្បាស់លាស់នោះទេ ដំណើរទស្សនកិច្ចសម្តេចធិបតីនៅថៃក្នុងរយៈពេលខ្លីដូច្នេះសម្តេចមិនមានកម្មវិធីជួបជុំឡើយ ចឹងចោទដើរគៀងគរគឺជារឿងបំភ្លៃ។

អ្នកឧកញ៉ា ឡេង ប្រុស ថ្លែងថា៖ «ជាក់ស្តែងសម្តេចមហាបវរធិបតីអញ្ជើញមកប្រទេសថៃនេះរយៈពេលតែមួយថ្ងៃទេ…ហើយមានកិច្ចប្រជុំ និងកិច្ចកិច្ចពិភាក្សាចង្អៀតច្រើន ចឹងលោកមិនមានគម្រោងជួបសហគមន៍បងប្អូនជនជាតិខ្មៅនៅក្រុងបាងកកនោះទេ។ យើងអត់មានគៀងគរ ព្រោះដោយសារអត់មានការជួបជុំ…! ចឹងអ្វីដែលវិទ្យុទាំងនោះធ្វើការផ្សព្វផ្សាយមិនមានជាការពិតនោះ»។

ជាមួយគ្នានេះដែរ សម្រាប់ដំណើរទស្សនកិច្ចសម្តេចធិបតី ហ៊ុន ម៉ាណែត នាយករដ្ឋមន្រ្តីនៅប្រទេសថៃ ហើយមានប្រជាពលរដ្ឋ និស្សិតខ្មែរថៃ បានធ្វើការចេញវីដេអូគាំទ្រនោះលោក ហ៊ុន សារឿន បានបញ្ជាក់ថា ជាសិទ្ធិគាំទ្រ និងការស្រឡាញ់ពេញចិត្តរបស់បងប្អូនអ្នកគាំទ្រ។

លោកបន្ថែមថា លោកពិតជារំភើបខ្លាំងណាស់នៅពេលបានឃើញវីដេអូរបស់បងប្អូនរបស់យើងគ្រប់ស្រទាប់ទាំងអស់កំពុងរស់នៅប្រទេសថៃបានផលិតវីដេអូចេញពីឆន្ទៈដោយខ្លួនឯងស្វាគមន៍នូវដំណើរទស្សនកិច្ចរបស់សម្តេចធិបតីមកកាន់ប្រទេសថៃ ទាំងអស់នេះជាការបង្ហាញនូវទឹកចិត្តគោរពស្រលាញ់របស់ពួកគាត់មកកាន់សម្តេចធិបតី និងលោកជំទាវបណ្ឌិត។

ក្នុងនាមឯកអគ្គរាជទូតកម្ពុជា ប្រចាំប្រទេសថៃ​ លោក ហ៊ុន សារឿន សូមសំដែងនូវការអរគុណយ៉ាងជ្រាលជ្រៅជូនចំពោះបងប្អូនទាំងអស់ដែលបានបង្ហាញតាមរយៈវីដេអូ និងបងប្អូនមួយចំនួនធំទៀតក៏មានការគាំទ្រដំណើរទស្សនកិច្ចសម្តេចធិបតីយ៉ាងខ្លាំង៕

The post ស្ថានទូត និងអ្នកគាំទ្របដិសេដការចុះផ្សាយពីក្រុមវិទ្យុបំរើបរទេសរឿងគៀងគរប្រជាពលរដ្ឋឲ្យគាំទ្រសម្តេចធិបតី​ ហ៊ុន ម៉ាណែត ទស្សនកិច្ចផ្លូវការនៅថៃ appeared first on .

បើយោងតាមឯកអគ្គរាជទូតកម្ពុជាប្រចាំប្រទេសថៃ ក្រៅពីសម្តែងការគំាំទ្រចំពោះការបើកនៅក្រុមហ៊ុនដឹកជញ្ជូន «ស្រលាញ់អ្នក»​ លោកឃើញនៅវត្តមានរបស់វិនិយោគិនខ្មែរជាច្រើនផ្សេងទៀត ដែលមានលទ្ធភាពចូលរួមសហការជាមួយវិនិយោគិនថៃ បើកអាជីវកម្មនៅក្នុងប្រទេសថៃនេះ ពិសេសចង់ឃើញម្ចាស់អាជីវកម្មល្បីៗដូចជាហាងលក់ម្ហូបអាហារខ្មែរ និងហាងលក់កាហ្វេ ធ្វើការពង្រីកមុខរបរខ្លួនទៅក្នុងទីផ្សារថៃ។

លោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ បានលើកឡើងថា ពាក់ព័ន្ធទិន្នន័យក្រុមហ៊ុនខ្មែរដែលបានមករកស៊ីក៏ដូចជាសហការជាមួយវិនិយោគិនថៃដែលបានបើកក្រុមហ៊ុននៅប្រទេសថៃ មកដល់ពេលនេះមិនទាន់ដឹងថាមានចំនួនជាក់លាក់ប៉ុន្មាននោះទេ ប៉ុន្តែស្ថានទូតកម្ពុជាប្រចំានៅក្នុងប្រទេសថៃនេះ កំពុងសហការជាមួយនិងក្រសួងពាណិជ្ជកម្មថៃ ដើម្បីទទួលបានទិន្នន័យ។

លោកសង្កត់ធ្ងន់ថា «មកដល់ពេលនេះ ខ្ញុំអាចនិយាយបានថាក្រៅពីមានក្រុមហ៊ុនផ្តល់សេវាដឹកជញ្ជូនរបស់កូនខ្មែរសហការជាមួយវិនិយោគិនថៃ កន្លងទៅក៏មានក្រុមហ៊ុនកូនខ្មែរលើវិស័យដឹកជញ្ជូន និងផ្នែកភោជនីយដ្ឋានដែលលក់នៅមុខម្ហូបខ្មែរ ក្រុមហ៊ុននាំចេញ នាំចូលទំនិញផ្សេងទៀតផងដែរ។តែក្នុងឱកាសនេះ ខ្ញុំសូមលើកទឹកចិត្តដល់ប្រជាពលរដ្ឋខ្មែរ ពិសេសអ្នកដែលមានធនធាន ដែលមានលទ្ធភាពអាចចូលមកស្វែងរកឱកាសសហការជាមួយដៃគូជាជនជាតិថៃ ដើម្បីបើកដំណើរការអាជីវកម្មរបស់ខ្លួននៅក្នុងប្រទេសថៃ ហើយខ្ញុំគិតថាអាជីវកម្មដែលយើងកំពុងត្រូវការនៅទីនេះគឺចង់ឱ្យមានវត្តមាន ហាងលក់មុខម្ហូបខ្មែរយើង ដើម្បីបង្ហាញពីវប្បធម៌ខ្មែរ និងហាងលក់កាហ្វេជារបស់ខ្មែរល្បីៗ ដែលជនបរទេសរួមនិងជនជាតិថៃ ធ្លាប់ចូលទៅប្រទេសកម្ពុជា ពួកគាត់ចង់ឃើញវត្តនៅក្នុងប្រទេសថៃនេះ»។

លោក ហ៊ុន សារឿន មានប្រសាសន៍ដោយមានទំនុកចិត្តដូច្នេះថា៖ «ខ្ញុំគិតថានៅថ្ងៃក្រោយទៅអ្នកឧកញ៉ា ឡេង ប្រុស គាត់នឹងបង្កើតនៅអាជិវកម្មថ្មីៗរបស់ខ្មែរយើងថែមទៀតនៅក្នុងប្រទេសថៃ ដើម្បីរឹតចំណងមិត្តភាពរវាងប្រជាជនទំាងពីរប្រទេស ក្នុងការចូលរួមជំរុញកំណើនពាណិជ្ជកម្ម ការវិនិយោគ និងវិស័យទេសចរណ៍»៕ តាកែវ

The post មន្ត្រីទូតកម្ពុជាចង់ឃើញម្ចាស់អាជីវកម្មល្បីៗក្នុងស្រុកបោះជំហ៊ានចូលទៅក្នុងទីផ្សារថៃ appeared first on .