យោងតាមរបាយការណ៍ អគ្គនាយកដ្ឋានកៅស៊ូ បានឱ្យដឹងថា នៅឆមាសទី១ ឆ្នាំ២០២៥នេះ កម្ពុជាបាននាំចេញជ័រកៅស៊ូ ឈើកៅស៊ូ និងផ្គត់ផ្គង់ជ័រកៅស៊ូ ដល់រោងចក្រផលិតសំបកកង់ឡានក្នុងស្រុក គិតជាទឹកប្រាក់ប្រមាណ ៣០៤លានដុល្លារ។ ការនាំចេញនេះ មានការកើនឡើង ៤១.៦១% បើធៀបនឹងរយៈពេលដូចគ្នាកាលពីឆ្នាំ២០២៤។

របាយការណ៍ខាងលើបានបញ្ជាក់ថា រយៈពេល៦ខែនេះ កម្ពុជាបាននាំចេញជ័រកៅស៊ូក្នុងបរិមាណ ១១២ ៥៩៥តោន បានចំណូល ២០៨ ៦៣៣ ៨២៦ដុល្លារ, នាំចេញឈើកៅស៊ូចំនួន ៩៩៤៣ ម៉ែត្រគូប បានចំណូល ២ ៣៥៥ ៤៣៨ដុល្លារ និងលក់ជ័រកៅស៊ូសម្រាប់រោងចក្រក្នុងស្រុក ៥៣ ៣៦១តោន បានចំណូល ៩៣ ៥៤១ ៨៣៣ដុល្លារ។

គួរឱ្យដឹងថា តម្រូវការកៅស៊ូនៅកម្ពុជាកំពុងតែកើនឡើងខ្ពស់ សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា ដែលសព្វថ្ងៃមានចំនួន៣ បានកំពុងស្រូបទាញកៅស៊ូនៅក្នុងស្រុក។

បច្ចុប្បន្ន កម្ពុជាមានផ្ទៃដីកៅស៊ូសរុប ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៨.៦៤% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១.៣៦%។

កាលពីឆ្នាំ២០២៤ កន្លងទៅកម្ពុជាទទួលចំណូលសរុបពីការនាំចេញផលិតផលកៅស៊ូមានចំនួន ៦៧១,៧លានដុល្លារ កើនឡើងជាង១៥០លានដុល្លារ ធៀបឆ្នាំ២០២៣៕

The post ៦ខែមកនេះ កម្ពុជារកចំណូលបានជាង៣០០លានដុល្លារពីផលិតផលកៅស៊ូ appeared first on .

នេះបើតាមរយៈកិច្ចប្រជុំពិភាក្សាការងាររវាង លោក ឃុន កក្កដា អគ្គនាយកស្តីទី នៃអគ្គនាយកដ្ឋានកៅស៊ូ ជាមួយគណៈប្រតិភូក្រុមហ៊ុន HAINAN NATURAL RUBBER INDUSTRY GROUP CO.,LTD ដឹកនាំដោយលោក Pakun Cai នាថ្ងៃទី៦ ខែឧសភា ឆ្នាំ២០២៥។

ក្នុងជំនួបនោះ គណៈប្រតិភូក្រុមហ៊ុនចិនបានបង្ហាញពីបំណងសិក្សាឈ្វេងយល់ និងស្វែងរកឱកាសវិនិយោគបង្កើតរោងចក្រកែច្នៃជ័រកៅស៊ូនៅកម្ពុជា។

បន្ទាប់ពីធ្វើបទបង្ហាញអំពីការវិវឌ្ឍនិងសក្តានុពលកៅស៊ូនៅកម្ពុជា លោក ឃុន កក្កដា បានណែនាំឲ្យក្រុមហ៊ុនរៀបចំផែនការលម្អិតនៃគម្រោងវិនិយោគសាងសង់រោងចក្រ ដើម្បីយកមកពិភាក្សា ហើយអគ្គនាយកដ្ឋានកៅស៊ូ នឹងជួយគាំទ្រនិងសម្របសម្រួលក្នុងការប្រមូលទិញវត្ថុធាតុដើមជ័រកៅស៊ូយកមកកែច្នៃ ជាពិសេសពីសហគមន៍កៅស៊ូគ្រួសារ ដែលបានចងក្រងរួចហើយ។

សូមជម្រាបជូនថា បច្ចុប្បន្ននេះកម្ពុជាមានរោងចក្រ និងសិប្បកម្មកែច្នៃជ័រ និងឈើកៅស៊ូចំនួន ១៧៩កន្លែង កើនឡើងចំនួន៦កន្លែងធៀបឆ្នាំ២០២៣ ក្នុងនោះរោងចក្រកែច្នៃជ័រកៅស៊ូក្រែប ៥៦កន្លែង រោងចក្រកែច្នៃទឹកជ័រខាប់ ១កន្លែង សិប្បកម្មកែច្នៃកៅស៊ូសន្លឹក ១០១កន្លែង និងរោងចក្រកែច្នៃឈើកៅស៊ូ ២១កន្លែង ជាពិសេសប្រភេទដំណាំកៅស៊ូនេះ បានផ្តល់ការងារចំនួន ១៤ម៉ឺនកន្លែង និងជួយគាំទ្រសេដ្ឋកិច្ចគ្រួសារប្រជាពលរដ្ឋចំនួន ៤២ម៉ឺននាក់។

នៅក្នុងឆ្នាំ២០២៤ កម្ពុជាទទួលចំណូលសរុបពីការនាំចេញផលិតផលកៅស៊ូមានចំនួន ៦៧១,៧លានដុល្លារ កើនឡើងជាង១៥០លានដុល្លារ ធៀបឆ្នាំ២០២៣ ខណៈដែលរោងចក្រផលិតសំបកកង់យានយន្តទាំង៣ក្នុងស្រុក បានជួយប្រមូលទិញជ័រកៅស៊ូក្នុងស្រុកចំនួន ៥៨ ០០០តោន គិតជាទឹកប្រាក់ប្រមាណចំនួន ៩៦,៤លានដុល្លារ កើនឡើងជាង ៥០លានដុល្លារ ធៀបឆ្នាំ២០២៣។ នេះបើតាមការបញ្ជាក់របស់រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីចុងខែមករា ឆ្នាំ២០២៥។

The post ក្រុមហ៊ុនមួយមកពីខេត្តហៃណាន ប្រទេសចិន ចង់បង្កើតរោងចក្រច្នៃជ័រកៅស៊ូនៅកម្ពុជា appeared first on .

របាយការណ៍របស់អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងកាលពីថ្មីៗនេះថា ផលិតផលជ័រកៅស៊ូក្នុងខែកក្កដា ឆ្នាំ២០២៤ មានចំនួន៣៣ ៦៩៣តោន កើន២ ៩៨៦តោន ស្មើនឹង៩,៧២% ធៀបនឹងខែមុន និងបានកើន២ ៣៨០តោន ស្មើនឹង៧,៦០%ធៀបនឹងឆ្នាំមុន ខណៈផលិតផលជ័រកៅស៊ូគិតត្រឹមខែកក្កដា ឆ្នាំ២០២៤ មាន១៧៤ ៣៤៦តោន កើនឡើង ៤ ២៥៨តោន ស្មើនឹង២,៥០% ធៀបនឹងឆ្នាំមុន។ចំណែកផលិតផលឈើកៅស៊ូក្នុងខែកក្កដា មាន៣ ៥២៧ម៉ែត្រគូប ខណៈផលិតផលឈើកៅស៊ូគិតត្រឹមខែកក្កដា មាន២១ ៣១៨ម៉ែត្រគូប។

របាយការណ៍ខាងលើបន្តទៀតថា បើគិតត្រឹម៧ខែមកនេះ កម្ពុជាប្រមូលចំណូលបានប្រមាណជាង២៧១លានដុល្លារ ពីការនាំចេញជ័រកៅស៊ូ និងឈើកៅស៊ូ ក្នុងនោះចំណូល ដែលកម្ពុជាបានពីជ័រកៅស៊ូមាន២៦៩លានដុល្លារ និងពីឈើកៅស៊ូជាង២លានដុល្លារ។

ប្រភពដដែលបានគូសបញ្ជាក់ថា ទឹកប្រាក់ដែលកម្ពុជាបានពីការនាំចេញផលិតផលកៅស៊ូប្រមាណជាង២៧១លានដុល្លារក្នុងរយៈពេល៧ខែ ឆ្នាំនេះ គឺកើនឡើងជាង១៨% ខណៈបរិមាណកៅស៊ូនាំចេញកើនត្រឹម១,៧២%ប៉ុណ្ណោះ បើប្រៀបធៀបនឹងរយៈពេលដូចគ្នានៅឆ្នាំ២០២៣។

សូមបញ្ជាក់ថា គិតត្រឹមខែកក្កដា ឆ្នាំ២០២៤ ជ័រកៅស៊ូកម្ពុជាលក់បានតម្លៃ១៥៤៧ដុល្លារក្នុងមួយតោន កើនជាង១០ភាគរយ បើធៀបនឹងឆ្នាំ២០២៣ លក់បានតម្លៃ១៤០០ដុល្លារក្នុងមួយតោន។តម្លៃលក់ឈើកៅស៊ូគិតជាមធ្យមក្នុងខែកក្កដា ថ្លែ១៩១ដុល្លារក្នុងមួយម៉ែត្រគូប។ចំណែកឯតម្លៃលក់ជ័រកៅស៊ូគ្រួសារនៅចម្ការ ទឹកជ័រ(DRC ១០០%)ថ្លៃ ៥ ៩០០រៀលទៅ៦ ៣០០រៀល ក្នុងមួយគីឡូក្រាម(បានកើនឡើង៥៣រៀល ក្នុងមួយគីឡូក្រាម) និងជ័រកក(DRC ៥០%)ថ្លៃ ២ ៦០០រៀល ទៅ៣ ៥២៥រៀល ក្នុងមួយគីឡូក្រាម បានថយចុះ ៦៣រៀល ក្នុងមួយគីឡូក្រាម ធៀបនឹងខែមុន អាស្រ័យតាមរយៈពេលបង្កក និងតំបន់។

ជាមួយគ្នានោះ អគ្គនាយកដ្ឋានកៅស៊ូក៏បានប្តេជ្ញាបន្តសហការជាមួយមន្ទីរកសិកម្ម រុក្ខាប្រមាញ់ និងនេសាទ ក្រុមហ៊ុនចម្ការកៅស៊ូវិនិយោគដំណាំកៅស៊ូ ចម្ការកៅស៊ូគ្រួសារ រោងចក្រកែច្នៃ ស្នាក់ការប្រមូលទិញ និងប្រតិបត្តិករកៅស៊ូពាក់ព័ន្ធក្នុងការគាំទ្របច្ចេកទេសកៅស៊ូ និងប្រមូលទិន្នន័យកៅស៊ូ ព្រមទាំងបន្តសហការជាមួយអង្គការ សមាគមកៅស៊ូជាតិ និងអន្តរជាតិ ក្នុងការងារស្រាវជ្រាវ និងអភិវឌ្ឍន៍កៅស៊ូផងដែរ។

សូមជម្រាបជូនថា បច្ចុប្បន្ន កម្ពុជាមានផ្ទៃដីកៅស៊ូសរុប៤០៧ ១៧២ហិកតា ក្នុងនោះផ្ទៃដីចៀរជ័រ៣២០ ១៨៤ហិកតា ស្មើនឹង៧៨,៦៤% ផ្ទៃដីថែទាំ៨៦ ៩៨៨ហិកតា ស្មើនឹង២១,៣៦% ផ្ទៃដីកៅស៊ូកសិឧស្សាហកម្ម២២៦ ៨៤០ហិកតា ស្មើនឹង៥៥,៧១% និងផ្ទៃដីកៅស៊ូលក្ខណៈគ្រួសារ១៨០ ៣៣២ហិកតា ស្មើនឹង៤៤,២៩%៕

The post កម្ពុជារកចំណូលបានជាង២៧១លានដុល្លារ ពីការលក់កៅស៊ូ ក្នុងរយៈពេល៧ខែមកនេះ appeared first on .

របាយការណ៍ខាងលើបានឱ្យដឹងថា គិតត្រឹមត្រីមាសទី១ ឆ្នាំ២០២៤ កម្ពុជារកចំណូលពីការនាំចេញជ័រកៅស៊ូ បានចំនួន១០០ ៤៨១ ៩៩៥ដុល្លារ ចំណែកេការនាំចេញឈើកៅស៊ូ មានចំនួន៣៥៥ ៦៩៤ដុល្លារ។

បើតាមរបាយការណ៍ដដែលបានបញ្ជាក់ថា ជ័រកៅស៊ូមានតម្លៃ ១,៤៥០ដុល្លារ ក្នុង១តោន កើនឡើង៤១ដុល្លារ ក្នុង១តោន ស្មើនឹង៣% បើធៀប នឹងរយៈពេលដូចគ្នានៃឆ្នាំមុន។ចំណែកេតម្លៃ នៃការនាំចេញឈើកៅស៊ូ ជាមធ្យមក្នុងខែមីនា ឆ្នាំ២០២៤ មាន តម្លៃ១៨៨ដុល្លារ ក្នុងមួយម៉ែត្រគីប។

បើតាមម្ចាស់ចំការកៅស៊ូម្នាក់នៅខេត្តត្បូងឃ្មុំ បានឱ្យដឹងថា ជ័រកៅស៊ូបច្ចុប្បន្នលក់បានក្នុងតម្លៃចន្លោះពី ២,៧០០៛ទៅ២,៨០០៛ ក្នុងមួយគីឡូក្រាម ដោយតំបន់ខ្លះតម្លៃអាចលើសពីនេះ អាស្រ័យទៅលើគុណភាពនៃ ជ័រកៅស៊ូ។តម្លៃបច្ចុប្បន្ននេះ បើធៀបនឹងឆ្នាំមុនមានការកើនឡើងតិចតួច។

សូមបញ្ជាក់ថា ផ្ទៃដីកៅស៊ូសរុបមានចំនួន ៤០៧ ១៧២ហិកតា ក្នុងនោះ ផ្ទៃដីចៀរជ័រមានចំនួន ៣២០ ១៨៤ហិកតា ស្មើនឹង៧៩% និងផ្ទៃដីថែទាំមានចំនួន ៨៦,៩៨៨ហិកតា ស្មើនឹង២១%។

សូមជម្រាបជូនថា ក្នុងឆ្នាំ២០២៣កន្លងទៅ កម្ពុជារកចំណូលបាន ពីការលក់ផលិតផលកៅស៊ូ មានប្រមាណចំនួន៥៣៧.៩លានដុល្លារអាមេរិក កើនឡើងប្រមាណចំនួន៦.២លានដុល្លាអាមេរិក ស្មើនឹង១.២% ធៀបនិងឆ្នាំ២០២២៕

The post ៣ខែមកនេះ កម្ពុជារកចំណូលបានជាង១០០លានដុល្លារពីការនាំចេញកៅស៊ូ appeared first on .