សូមជម្រាបថា អគារថ្មីនៃអគ្គនាយកដ្ឋានពន្ធដារ បាន សម្ពោធដាក់ឱ្យប្រើប្រាស់ជាផ្លូវការ កាលពីថ្ងៃទី២១ ខែឧសភា ឆ្នាំ២០២៦កន្លងទៅថ្មីៗនេះ ក្រោមអធិបតីភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

វត្តមានដ៏ខ្ពង់ខ្ពស់របស់ សម្តេចតេជោនាឱកាសនេះ បានឆ្លុះបញ្ចាំងពីការយកចិត្តទុកដាក់លើកិច្ចការរបស់ជាតិរបស់សម្តេច ជាការផ្ដល់កិត្តិយស និងលើកទឹកចិត្ត  ជាពិសេសលើវិស័យពន្ធដារជាដែលបាននិងកំពុងដើរតួនាទីយ៉ាងសំខាន់ក្នុងការប្រមូលចំណូល ក៏ដូចជាការលើកកម្ពស់បរិយាកាសធុរកិច្ច តាមរយៈការចូលរួមអនុវត្តយ៉ាងសកម្មនូវ គោលនយោបាយ យុទ្ធសាស្ត្រ និងកម្មវិធីកែទម្រង់មុតស្រួចនានា របស់រាជរដ្ឋាភិបាល។

គួរបញ្ជាក់ថា សមិទ្ធផលអគារថ្មី និងហេដ្ឋារចនាសម្ព័ន្ធ នៃអគ្គនាយកដ្ឋានពន្ធដារមិនត្រឹមតែជានិមិត្តរូបនៃភាពរីកចម្រើនផ្នែករូបវន្តប៉ុណ្ណោះទេ ប៉ុន្តែក៏ជាការបង្ហាញអំពីការរីកចម្រើននៃសមត្ថភាពរបស់រដ្ឋបាលសារពើពន្ធ ក្នុងការបំពេញបេសកកម្មប្រមូលចំណូល និងផ្តល់សេវាសាធារណៈប្រកបដោយប្រសិទ្ធភាព ស័ក្តិសិទ្ធិភាព និងភាពឆ្លាតវៃ.

សំណង់អគារនេះ ត្រូវបានគូសប្លង់ និងសាងសង់ឡើងជាផ្លូវការនៅអំឡុងឆ្នាំ២០១៩ ដោយ​ក្រុមហ៊ុន​ក្នុង​ស្រុក C.M.E.D ត្រួតពិនិត្យគុណភាពបន្ថែមដោយក្រុមហ៊ុន Archetype Group និង​បានបញ្ចប់ការសាងសង់ជាផ្លូវការ ដោយជោគជ័យ នៅក្នុងឆ្នាំ២០២៥។ អគារនេះ បានសាងសង់លើផ្ទៃដីសរុបចំនួន ២៥ ៧៥៥ម៉ែត្រការ៉េ និងនៅលើផ្ទៃ​ក្រឡា​សរុបចំនួន ១៥៩ ៦៣៤ម៉ែត្រការ៉េ ដោយមានអគារការិយាល័យ រដ្ឋបាលសរុបចំនួន ៣០ជាន់ និងអគារពាណិជ្ជកម្មចំនួន ៤ជាន់។

ការិយាល័យសម្រាប់មន្រ្តីរាជការពន្ធដារបម្រើការងារ មានសរុបចំនួន ១៩ជាន់។ ជាន់នី​មួយ​ៗ​មានលម្អផ្ទាំងថ្មធម្មជាតិចម្លាក់លៀននៃទេវកថា រឿងកូរសមុទ្រទឹកដោះ ចំនួន ១៥ផ្ទាំង​ផ្សេងៗគ្នា រៀបចំទៅតាមលំដាប់លំដោយនៃសាច់រឿងទាំងមូល, មានលំហការិយា​ល័យ​ធ្វើ​ការប្រកបដោយផាសុកភាព និងមានទីតាំងទទួលទានអាហាររួមគ្នាផងដែរ៕

The post សម្តេចតេជោ ហ៊ុន សែន អញ្ជើញធ្វើទស្សនកិច្ច និងពិនិត្យមើលអគារទីស្នាក់ការកណ្តាល នៃអគ្គនាយកដ្ឋានពន្ធដារ appeared first on .

រដ្ឋបាលពន្ធដារអូស្ត្រាលី បានគូសបញ្ជាក់អំពីការ ប្រើប្រាស់ព័ត៌មានហិរញ្ញវត្ថុ កិច្ចសហការក្នុងស្រុកនិងអន្តរជាតិ, បច្ចេកទេសស៊ើបអង្កេតបទល្មើសពន្ធដារ បទល្មើសហិរញ្ញវត្ថុនិងបទល្មើសសម្អាតប្រាក់, កត្តាជំរុញឱ្យមានបទល្មើស ហិរញ្ញវត្ថុនិងនិន្នាការថ្មីៗ និងនីតិវិធីតុលាការក្នុងការចោទប្រកាន់ បង្កក និងរឹបអូសទ្រព្យសម្បត្តិ រួមទាំងកិច្ចពិភាក្សាករណីសិក្សាជាក់ស្តែងផងដែរ។

ជាមួយគ្នានេះ លោកស្រី Stephanie Chow លេខាទី១ ស្ថានទូតអូស្រ្តាលីប្រចាំនៅកម្ពុជា បានមានមតិចំណាប់អារម្មណ៍អំពីទំនាក់ទំនងរវាងប្រទេសអូស្រ្តាលី និង កម្ពុជា និងកិច្ចសហការក្នុងក្របខ័ណ្ឌក្រោម «ភាពជាដៃគូមេគង្គ-អូស្ត្រាលីលើបទល្មើសឆ្លងដែន» ដែលផ្តល់នូវចំណេះដឹង ជំនាញ និងបទពិសោធថ្មីៗបន្ថែមទៀត ដល់ថ្នាក់ដឹកនាំ, មន្ត្រីស៊ើបអង្កេតបទល្មើសពន្ធដារ និងមន្ត្រីស៊ើបអង្កេតបទល្មើសហិរញ្ញវត្ថុ និងបទល្មើសសម្អាតប្រាក់មកពីស្ថាប័នអនុវត្តច្បាប់ពាក់ព័ន្ធ លើកិច្ចការងារស៊ើបអង្កេត និងបង្រ្កាបបទល្មើសពន្ធដារ បទល្មើសហិរញ្ញវត្ថុ និងបទល្មើសសម្អាតប្រាក់។

លោកបណ្ឌិត ម៉ិញ បានកុសល ក៏បានរំលឹកអំពីសាវតារ កិច្ចដំណើរការ និងលទ្ធផលការងារស៊ើបអង្កេតបទល្មើសពន្ធដារ និងបទល្មើសសម្អាតប្រាក់របស់អគ្គនាយកដ្ឋានពន្ធដារ ដែលសម្រេចបាននាពេលកន្លងមក និងបានលើកឡើងពីការផ្តល់កិច្ចសហការល្អពីក្រសួង-ស្ថាប័នពាក់ព័ន្ធ ដូចជា ក្រសួងយុត្តិធម៌, ស្ថាប័នអយ្យការ, អគ្គស្នងការដ្ឋាននគរបាលជាតិ និងអង្គភាពស៊ើបការណ៍ហិរញ្ញវត្ថុកម្ពុជា ជាដើម។

គួរបញ្ជាក់ថា តាមរយៈការធ្វើបទបង្ហាញរបស់មន្រ្តីជំនាញពីរដ្ឋបាលពន្ធដារអូស្ត្រាលី និងកិច្ចពិភាក្សាលើករណីសិក្សា (Case Studies) នៅក្នុងសិក្ខាសាលារយៈពេល៥ថ្ងៃនេះ លោកបណ្ឌិតសង្ឃឹមថា សិក្ខាកាមនឹងទទួលបានចំណេះដឹងថ្មីៗបន្ថែមទៀត លើការស៊ើបអង្កេតបទល្មើសពន្ធដារ បទល្មើសហិរញ្ញវត្ថុនិងបទល្មើសសម្អាតប្រាក់ ដូចជា សញ្ញាណនៃបទល្មើស, ការក្លែងបន្លំ, កត្តាជំរុញឱ្យមានបទល្មើស, គោលការណ៍សកលទាំង ១០ របស់ OECD ដើម្បីប្រយុទ្ធប្រឆាំងបទល្មើសពន្ធដារនិងហិរញ្ញវត្ថុ, ទិដ្ឋភាពទូទៅនិងអំណាចរបស់រដ្ឋបាលពន្ធដារអូស្ត្រាលី, ការប្រើប្រាស់ព័ត៌មានសម្ងាត់ហិរញ្ញវត្ថុ, កិច្ចសហការក្នុងស្រុកនិងអន្តរជាតិ, សេដ្ឋកិច្ចស្រមោល, បច្ចេកទេសស៊ើបអង្កេត, នីតិវិធីតុលាការក្នុងការចោទប្រកាន់ បង្កក និងរឹបអូសទ្រព្យសម្បត្តិ និងបទពិសោធជាក់ស្តែងរបស់ប្រទេសអូស្រ្តាលី៕

The post អគ្គនាយកដ្ឋានពន្ធដារ បើកសិក្ខាសាលារយៈពេល ៥ថ្ងៃ ស្តីពីការស៊ើបអង្កេតបទល្មើសពន្ធដារ ហិរញ្ញវត្ថុ និងសម្អាតប្រាក់ ក្រោមគម្រោង MAP-TNC របស់រដ្ឋបាលពន្ធដារអូស្ត្រាលី appeared first on .

អគ្គនាយកពន្ធដារកម្ពុជា បានឱ្យដឹងថាបន្ត កាលពីថ្ងៃទី២២ ខែមករា ឆ្នាំ២០២៦ កន្លងទៅ នៅទីស្តីការក្រសួងសេដ្ឋកិច្ចនិងហិរញ្ញវត្ថុ ឯកឧត្តម រ័ត្ន មុនី អគ្គនាយករងនៃអគ្គនាយកដ្ឋានពន្ធដារ បានចូលរួមកិច្ចប្រជុំពិនិត្យសម្រេចលើការផ្តល់គោលការណ៍លើកទឹកចិត្តពិសេសលើកទី៣ លើការស្នើសុំរបស់គម្រោងវិនិយោគចំនួន ២២ នៃកម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាន ក្រោមអធិបតីភាព ឯកឧត្តម ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជាប្រធានក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន)។

អគ្គនាយកពន្ធដារកម្ពុជា បានបន្តថា គម្រោងវិនិយោគ ទាំង ២២ នោះ មានទុនវិនិយោគសរុបប្រមាណ ៣៩៥ លានដុល្លារ និងអាចបង្កើតការងារបានប្រមាណ ៤ ១៦០ កន្លែង ដែលមានទីតាំងនៅ ខេត្តក្រចេះចំនួន ៥ គម្រោង នៅខេត្តស្ទឹងត្រែងចំនួន ១០ គម្រោង នៅខេត្តរតនគិរីចំនួន ២ គម្រោង និងនៅខេត្តមណ្ឌលគិរីចំនួន ៥ គម្រោង។

គម្រោងវិនិយោគទាំងនោះដែរ មានសកម្មភាពចម្រុះ ជាអាទិ៍មាន គម្រោងវិនិយោគបណ្ដុំសហគ្រាសធុនតូច និងមធ្យម គម្រោងគ្រឹះស្ថានឧត្តមសិក្សា គម្រោងមន្ទីរពហុព្យាបាល គម្រោងសណ្ឋាគារនិងរីសតភូមិទេសចរណ៍វប្បធម៌ គម្រោងកសិដ្ឋានចិញ្ចឹមសត្វ គម្រោងកសិដ្ឋានដាំដំណាំ កសិកម្ម និងកសិ-ឧស្សាហកម្ម និងគម្រោងរោងចក្រកែច្នៃកសិផល ដូចជា កៅស៊ូ គ្រាប់ស្វាយចន្ទី ដំឡូងមី ទុរេន ឈើដាំ និងកាហ្វេ៕ អត្តបទ៖ហ្សាលីន

The post គម្រោងវិនិយោគខេត្តភូមិភាគឦសាន ទទួលបានការលើកទឹកចិត្តពិសេសពីរដ្ឋាភិបាល ក្នុងទុនវិនិយោគ ៣៩៥ លានដុល្លារ appeared first on .

ព្រឹត្តិបត្រព័ត៌មាន បានឱ្យដឹងបន្តថា យោងតាមសេចក្តីជូនដំណឹងលេខ ០០១ សហវ.សជណ.អពដ ចុះថ្ងៃទី១៦ ខែមករា ឆ្នាំ២០២៦ របស់ក្រសួងសេដ្ឋកិច្ចនិងហិរញ្ញវត្ថុ ក្នុងគោលដៅបន្តជួយសម្រួលដល់ប្រជាពលរដ្ឋដែលបានទិញលំនៅឋានពីក្រុមហ៊ុនអភិវឌ្ឍន៍លំនៅឋានដែលមានលក្ខណៈជាបុរី ឬអគារសហកម្មសិទ្ធិ (ខុនដូ) និងបន្តជួយដល់វិស័យអចលនទ្រព្យ រាជរដ្ឋាភិបាលកម្ពុជាបានសម្រេចបន្តពន្យារពេល លើកលែងនិងអនុគ្រោះពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅឋាន ឬអគារសហកម្មសិទ្ធិ) ដែលមានតម្លៃ ក្រោម ឬស្មើ ឬលើស ៧ ម៉ឺនដុល្លារ និង ២១ ម៉ឺនដុល្លារ រហូតដល់ថ្ងៃទី៣១ ខែធ្នូ ឆ្នាំ២០២៦ ដូចខាងក្រោម៖

១. បន្តពន្យារពេលអនុវត្តសេចក្តីជូនដំណឹងលេខ ០២០ សហវ.ស.ជ.ណ ចុះថ្ងៃទី៣១ ខែធ្នូ ឆ្នាំ២០២៤ ស្តីពីការលើកលែងនិងអនុគ្រោះ ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់អ្នកទិញលំនៅឋាន និង/ឬផ្ទេរកម្មសិទ្ធិជាលើកដំបូង (First-Time Home Buyer) របស់ក្រសួងសេដ្ឋកិច្ចនិងហិរញ្ញវត្ថុ។ ជាមួយគ្នានេះ ចំពោះបុគ្គលទាំងឡាយណាដែលទិញលំនៅឋានមានលក្ខណៈជាបុរី ឬខុនដូ ក្នុងឆ្នាំ២០២៦ ក៏ទទួលបានការលើកលែងនិងអនុគ្រោះ ដូចមានកំណត់ក្នុងចំណុច ខ នៃសេចក្តីជូនដំណឹងលេខ ០២០ សហវ.ស.ជ.ណ ចុះថ្ងៃទី៣១ ខែធ្នូ ឆ្នាំ២០២៤ នេះដែរ។

២. បន្តពន្យារពេលអនុវត្តការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដូចមានកំណត់ក្នុងចំណុច ១ នៃ សេចក្តីជូនដំណឹងលេខ ០១៤ សហវ.ស.ជ.ណ ចុះថ្ងៃទី៩ ខែតុលា ឆ្នាំ២០២៤ ស្តីពីការបន្ត និងបន្ថែមការលើកទឹកចិត្តពន្ធដារ ចំពោះ វិស័យអចលនទ្រព្យ របស់ក្រសួងសេដ្ឋកិច្ចនិងហិរញ្ញវត្ថុ។

ការលើកលែងនិងការអនុគ្រោះពន្ធប្រថាប់ត្រាខាងលើ ពុំមានអនុភាពប្រតិសកម្មចំពោះប្រាក់ពន្ធ រួមទាំងទណ្ឌកម្មរដ្ឋបាល (ពន្ធបន្ថែម និង ការប្រាក់) ដែលបានបង់រួចហើយនោះទេ៕ អត្ថបទ៖ហ្សាលីន

The post រដ្ឋ ពន្យារពេល និងអនុគ្រោះពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដល់ចុងឆ្នាំ២០២៦ appeared first on .

នេះបើយោងតាមរបាយការណ៍នៃការប្រមូលចំណូលពន្ធដារឆ្នាំ២០២៥ ត្រូវបានបង្ហាញក្នុងកិច្ចប្រជុំបូកសរុបលទ្ធផលការងារ ប្រមូលចំណូលពន្ធប្រចាំឆ្នាំ២០២៥ ព្រមទាំងទិសដៅអនុវត្តបន្តរបស់អគ្គនាយកដ្ឋានពន្ធដារ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ដ្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅអគារអគ្គនាយកដ្ឋានពន្ធដារថ្មី កាលពីថ្ងៃទី២៦ ខែមករា ឆ្នាំ២០២៦។

គួរបញ្ជាក់ដែរថា បើយោងតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ បានឱ្យដឹងថា រាជរដ្ឋាភិបាលកម្ពុជា មានគម្រោងប្រមូលចំណូលពីពន្ធដារឱ្យបានចំនួន ១៣ ២៩២ ប៊ីលានរៀល ឬប្រមាណ៦,១២ ភាគរយ នៃ ផ.ស.ស.។

គួរឱ្យដឹងដែរថា កិច្ចប្រជុំបូកសរុបលទ្ធផលការងារ ប្រមូលចំណូលពន្ធប្រចាំឆ្នាំ២០២៥ ព្រមទាំងទិសដៅអនុវត្តបន្តរបស់អគ្គនាយកដ្ឋានពន្ធដារ ក៏មានការចូលរួមពីមន្រ្តីជាន់ខ្ពស់ជាច្រើនទៀត រួមមាន លោក ជូ វិជិត្ត រដ្ឋលេខាធិការប្រចាំការក្រសួងសេដ្ឋកិច្ចនិងហិរញ្ញវត្ថុ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ព្រមទាំងថ្នាក់ដឹកនាំនាយកដ្ឋានថ្នាក់កណ្តាល សាខាពន្ធដារខេត្ត-ខណ្ឌ និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះរបស់អគ្គនាយកដ្ឋានពន្ធដារផងដែរ។

The post ក្នុងឆ្នាំ២០២៥ អគ្គនាយកដ្ឋានពន្ធដារប្រមូលចំណូលពន្ធ-អាករគ្រប់ប្រភេទបានប្រមាណជាង ៣ ៥៧៧ លានដុល្លារអាម៉េរិក appeared first on .

កិច្ចប្រជុំបូកសរុបលទ្ធផលការងារប្រមូលចំណូលពន្ធប្រចាំឆ្នាំ២០២៥ ព្រមទាំងទិសដៅអនុវត្តបន្តរបស់អគ្គនាយកដ្ឋានពន្ធដារ បានរៀបចំនៅសាលសន្និសីទអង្គរវត្ត នៃអគារអគ្គនាយកដ្ឋានពន្ធដារថ្មី ដែលស្ថិតនៅតំបន់ជ្រោយចង្វារ។

កិច្ចប្រជុំនេះដែរ ក៏មានការចូលរួមពីមន្រ្តីជាន់ខ្ពស់ជាច្រើនទៀត រួមមាន៖ លោក ជូ វិជិត្ត រដ្ឋលេខាធិការប្រចាំការក្រសួងសេដ្ឋកិច្ចនិងហិរញ្ញវត្ថុ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ព្រមទាំងថ្នាក់ដឹកនាំនាយកដ្ឋានថ្នាក់កណ្តាល សាខាពន្ធដារខេត្ត-ខណ្ឌ និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះរបស់អគ្គនាយកដ្ឋានពន្ធដារផងដែរ។

សូមជម្រាបថា អគារពន្ធដារ​ថ្មី ដែលកំពុងរៀបចំកិច្ចប្រជុំខាងលើនេះ គឺបានសាងសង់លើទឹកដី​នៃ​ក្រុងរណប​ជ្រោយចង្វារ បានបញ្ចប់ការ​សាងសង់ជាស្ថាពរ​ហើយ។ នៅជាប់អគារពន្ធដារថ្មីនេះដែរ ក៏មានផ្សារទំនើប​ ( Shopping Mall ) ដែលអាច​ឱ្យ​ប្រជាពលរដ្ឋ អ្នកជាប់ពន្ធ​គ្រប់ប្រភេទ​មក​កម្សាន្ត និងទិញទំនិញ​បាន​ នៅពេល​មក​រកសេវា​កម្មពីពន្ធដារ ។​ អគារ​នេះ បានចំ​ណាយ​ថ​វិ​កា​​ប្រមា​ណ៦០​លានដុល្លារអាមេរិក បានបុកគ្រឹះសាងសង់​នៅអំឡុង​ឆ្នាំ ២០១៩ ។

អគារ​ពន្ធដារ​ថ្មីនេះ មានកម្ពស់​៣២ជាន់ មានផ្ទៃក្រឡា​សាងសង់​សរុប​៩៧ ៧០០ម៉ែត្រ​ក្រឡា និង​ចូល​រួម​ចំណែកលើកកម្ពស់​សោភ័ណ្ឌភាព និងក្លាយជា​ទីតាំង​និមិត្តរូប នៃរាជធានីភ្នំពេញ និងព្រះរាជាណាចក្រកម្ពុជា​ផងដែរ ហើយក៏ជា​និមិត្តរូប​នៃភាពរីក​ចម្រើន​ជឿនលឿន​នៃខឿន​សេដ្ឋកិច្ច​ផ្ទៃក្នុងរបស់​រាជរដ្ឋាភិបាលកម្ពុជា៕ អត្ថបទ៖ហ្សាលីន ​

The post ឧបនាយករដ្ឋមន្ដ្រី អូន ព័ន្ធមុនីរ័ត្ន ដឹកនាំកិច្ចប្រជុំបូកសរុបលទ្ធផលការងារប្រមូលចំណូលពន្ធប្រចាំឆ្នាំ នៅអគារពន្ធដារថ្មីតម្លៃ ៦០​លានដុល្លារ appeared first on .

អគ្គនាយកដ្ឋានពន្ធដារ បានឱ្យដឹងថា ក្នុងចំណោមចំណូលដែលប្រមូលបាន១ ២៥៣,៨៧លានដុល្លារ គឺមាន ៤ ០៩២,៤១ពាន់លានរៀល ស្មើនឹង៨១,៣៩ភាពរយបានពីការប្រមូលពន្ធអាករពីអ្នកជាប់ពន្ធធំ។ សម្រាប់ចំណូលពីអ្នកជាប់ពន្ធមធ្យមវិញនោះ គឺពន្ធដារប្រមូលបាន៧៣៧,៩១ពាន់លានរៀល ស្មើនឹង១៤,៦៨ភាគរយ ខណៈចំណូលពន្ធអាការពីអ្នកជាប់ពន្ធតូច ប្រមូលបាន៣៣,៤៧ពាន់លានរៀល ស្មើនឹង០,៦៧ភាគរយ។

ចំណែក ចំណូលអាករពីប្រភេទពន្ធផ្សេងៗ (ពន្ធលើថ្លៃឈ្នួលអចលនទ្រព្យ ពន្ធលើអចលនទ្រព្យ និងពន្ធផ្សេងៗ) អគ្គនាយកដ្ឋានប្រមូលបាន១៦៤,២០ពាន់លានរៀល ស្មើនឹង៣,២៧ភាគរយ នៃចំណូលអាករសរុប នៅក្នុងត្រីមាសទី១ ឆ្នាំ២០២៥។

សូមបញ្ជាក់ថា ប្រភេទចំណូលពន្ធសំខាន់ៗ ដែលពន្ធដារប្រមូលបានសម្រាប់ទ្រទ្រង់ការចំណាយរបស់រដ្ឋាភិបាលនោះ មាន ពន្ធលើប្រាក់ចំណូលចំនួន ២ ៣៣២,៧០ពាន់លានរៀល អាករលើតម្លៃបន្ថែមចំនួន ៩០២,៤០ពាន់លានដុល្លារ អាការពិសេសចំនួន ២០៤ពាន់លានរៀល ពន្ធប្រថាប់ត្រាសរុប( ផ្ទេរកម្មសិទ្ធិកាន់កាប់អចលនទ្រព្យ)ចំនួន១៤៤,២៥ពាន់លានរៀល ពន្ធកាត់ទុកទូទៅចំនួន ៨៥៤,៩៥ពាន់លានរៀល និងចំណូលពន្ធផ្សេងៗមានចំនួន១៨៣,៣៦ពាន់លានរៀល៕

The post ត្រីមាសទី១ ឆ្នាំ២០២៥ ពន្ធដារប្រមូលពន្ធបានប្រមាណ ១ ២៥៣ លានដុល្លារ appeared first on .

ថ្លែងក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែមិថុនា និងប្រចាំឆមាសទី១ ឆ្នាំ២០២៤ កាលពីថ្ងៃទី២៤ ខែកក្កដា ឆ្នាំ២០២៤ លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានឲ្យដឹងថា ចំពោះលទ្ធផលប្រមូលពន្ធក្នុងខែមិថុនា ឆ្នាំ២០២៤ ដែលអគ្គនាយកដ្ឋានពន្ធដារប្រមូលបានជាក់ស្តែង តាមប្រព័ន្ធគ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារ មានចំនួន ១០០៥,៧៤ ប៊ីលានរៀល (ប្រមាណជា ២៤៨,៣៣ លានដុល្លារ) ស្មើនឹង ៥,៩៦% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤។

លោកបន្តថា បើគិតរយៈពេល៦ខែ ឆ្នាំ២០២៤ ចំណូលពន្ធអាករ ដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធគ្រប់គ្រង ទិន្នន័យចំណូលអនឡាញរបស់អគ្គនាយកដ្ឋានពន្ធដារ មានចំនួន ៧ ៧៦៧,៧៣ ប៊ីលានរៀល (ប្រមាណជា ១ ៩១៧,៩៦ លានដុល្លារ) ស្មើនឹង ៤៦,០៦% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ២០២៤។

នាឱកាសនោះ លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏បានវាយតម្លៃខ្ពស់ចំពោះ កិច្ចខិតខំប្រឹងប្រែងរបស់ថ្នាក់ដឹកនាំគ្រប់លំដាប់ថ្នាក់ និងមន្ត្រីរាជការពន្ធដារទាំងអស់ចំពោះកិច្ចខិតខំប្រឹងប្រែង និងការចូលរួម ចំណែកបំពេញភារកិច្ចអស់ពីកម្លាំងកាយចិត្ត និងសម្រេចបានលទ្ធផលការងារគ្រប់គ្រងប្រមូលចំណូលពន្ធសម្រាប់រយៈពេល ៦ខែ ឆ្នាំ២០២៤ ទោះបីជាស្ថិតក្នុងសភាពការណ៍លំបាក ប្រឈមនឹងហានិភ័យ និងភាពមិនប្រាកដប្រជានៃស្ថានភាពសេដ្ឋកិច្ច និង នយោបាយសកលយ៉ាងណាក៏ដោយ។

លើសពីនេះ លោកក៏បានបានបង្ហាញនូវចក្ខុវិស័យទាំងក្របខ័ណ្ឌរយៈពេលខ្លី រយៈពេលមធ្យម និងរយៈពេលវែង ព្រមទាំងណែនាំចង្អុលបង្ហាញលើបញ្ហាប្រឈមនានាដែលកើតមានឡើង ទាំងខាងក្នុងនិងខាងក្រៅអគ្គនាយកដ្ឋានពន្ធដារ ព្រមទាំងទិសដៅអនុវត្តបន្តសម្រាប់អគ្គនាយកដ្ឋានពន្ធដារ ដើម្បីបំពេញ បេសកកម្មគ្រប់គ្រងប្រមូលចំណូលពន្ធ ដូចមានចែងក្នុងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ផងដែរ៕

The post ឆមាសទី១ ឆ្នាំ២០២៤ ពន្ធដារប្រមូលចំណូលបានជាង ១ ៩០០លានដុល្លារ appeared first on .

ភ្នំពេញ ថ្ងៃទី ២៩ ខែឧសភា ឆ្នាំ ២០២៤៖ អគ្គនាយកដ្ឋានពន្ធដារ បានផ្តល់សិទ្ធអនុញ្ញាតទៅដល់ធនាគារ វីង ដើម្បីទទួលការទូទាត់បង់ពន្ធពីសាធារណជន ដើម្បីផ្តល់នូវភាពងាយស្រួលទៅដល់អ្នកជាប់ពន្ធជារូបវន្តបុគ្គល និងស្ថាប័ននានា ក្នុងការបំពេញកាត្វកិច្ចបង់ពន្ធនៅទូទាំងប្រទេសកម្ពុជា តាមរយៈធនាគារ វីង ដោយមិនមានការយកកម្រៃសេវាបន្ថែមនោះឡើយ។

កិច្ចសហការនៃសេវាកម្មនេះ ត្រូវបានដាក់សម្ពោធជាផ្លូវការនៅអគារធនាគារ វីងថៅវើ ក្រោមអធិបតីភាព ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ អ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប ព្រមទាំងវត្តមាននៃការអញ្ជើញចូលរួមភ្ញៀវកិត្តិយសជាច្រើនរូបទៀតផងដែរ។

លោក ហោ ប៊ុនថែ អគ្គនាយករងធនាគារ វីង បានលើកឡើងថា៖ “យើងខ្ញុំសូមថ្លែងអំណរគុណយ៉ាងជ្រាលជៅទៅដល់អគ្គនាយដ្ឋានពន្ធដារសម្រាប់ការផ្តល់ទំនុកចិត្តចំពោះធនាគារ វីង ហើយអនុញ្ញាតឱ្យយើងខ្ញុំប្រើប្រាស់នូវជំនាញបច្ចេកវិទ្យាហិរញ្ញវត្ថុ ដើម្បីជួយសម្រួលការទូទាត់បង់ពន្ធឱ្យកាន់តែប្រសើរបន្ថែមទៀត។”

ក្នុងនាមជាធនាគារឌីជីថលដែលមានការរីកចម្រើនយ៉ាងឆាប់រហ័សមួយនៅកម្ពុជា ធនាគារ វីង ក្លាយជាដៃគូគួរឱ្យជឿជាក់មួយនៃអគ្គនាយកដ្ឋានពន្ធដាររយៈពេលជាយូរមកហើយ។ កិច្ចសហការនេះ ក៏មានគោលបំណងជួយទៅដល់រូបវន្តបុគ្គលដែលត្រូវការទូទាត់បង់ពន្ធ ហើយត្រូវធ្វើដំណើរឆ្ងាយទៅកាន់អគ្គនាយកដ្ឋានពន្ធដារ ដោយជំនួសមកវិញ ពួកគាត់អាចអញ្ជើញទៅកាន់សាខាធនាគារ វីង ដែលនៅជិតបំផុត ដើម្បីទូទាត់បង់ពន្ធមិនមានការគិតថ្លៃសេវាបន្ថែមនោះឡើយ។ ជាមួយសាខាចំនួន ២១ ការិយាល័យនៅទូទាំងប្រទេសកម្ពុជា បន្ថែមលើការិយាល័យកណ្តាល ឋិតក្នុងអគារ ធនាគារ វីង ថៅវើ ធនាគារ វីង ផ្តល់ជម្រើសទូទាត់បង់ពន្ធទៅដល់សាធារណជនកាន់តែងាយស្រួល។

ឥឡូវនេះអតិថិជនអាចអញ្ជើញទៅកាន់សាខាធនាគារ វីង ដែលនៅជិតបំផុត ហើយភ្ជាប់ជាមួយឯកសារតិចតួចប៉ុណ្ណោះ ។ នៅពេលអញ្ជើញទៅដល់បញ្ជរបង់ពន្ធ និងសេវាសាធារណៈរបស់ធនាគារ វីង បុគ្គលិកបម្រើសេវាកម្មនឹងជួយសម្រួលអតិថិជនក្នុងការជ្រើសរើសមធ្យោបាយទូទាត់ដែលមានពីរជម្រើសផ្សេងគ្នា។ អតិថិជនអាចជ្រើសរើសទូទាត់ជាសាច់ប្រាក់សុទ្ធ ឬកាត់ចេញពីគណនីធនាគារ វីង ក៏បាន ហើយក៏មានជម្រើសមួយទៀតនោះគឺការបញ្ចូលទឹកប្រាក់ពីសែកទៅក្នុងគណនីធនាគារ វីង របស់អតិថិជនសម្រាប់ការធ្វើការទូទាត់ក៏បាន។
បន្ថែមលើនេះ អតិថិជនក៏អាចជ្រើសរើសការទូទាត់តាមប្រព័ន្ធអនឡាញដោយប្រើប្រាស់អេបរបស់អគ្គនាយកដ្ឋានពន្ធដារគឺ អេប GDT Tax Payer ដែលអ្នកប្រើប្រាស់អាចធ្វើការបង់ពន្ធអចលនទ្រព្យ និងពន្ធផ្លូវជាដើម។ អតិថិជនគ្រាន់តែបើកអេប ហើយចូលទៅកាន់មុខងារទូទាត់ពន្ធ រួចពិនិត្យមើលព័ត៌មានលម្អិត និងជ្រើសរើសធនាគារ វីង សម្រាប់ការទូទាត់ជាការស្រេច។ ឆាប់ៗខាងមុខនេះ សាធារណជនក៏អាចប្រើប្រាស់អេប GDT Tax Prefiling និង GDT E-Filing App សម្រាប់ការទូទាត់បង់ពន្ធផងដែរ។

ក្នុងនាមជាអង្គភាពដ៏មានសារៈសំខាន់មួយស្ថិតក្រោមក្រសួងសេដ្ឋកិច្ច និងហិរញ្ញវត្ថុ អគ្គនាយកដ្ឋានពន្ធដារដើរតួនាទីយ៉ាងសំខាន់នៅក្នុងក្របខណ្ឌសេដ្ឋកិច្ចកម្ពុជា តាមរយៈការប្រមូលចំណូលពន្ធដើម្បីគាំទ្រដល់កំណើនប្រកបដោយចីរភាពនៅក្នុងប្រទេសកម្ពុជា។ យោងតាមការចេញផ្សាយសារព័ត៌មានក្នុងស្រុក បង្ហាញថា អគ្គនាយកដ្ឋានពន្ធដារ បានសម្រេចផែនការរបស់ខ្លួនជាមួយនឹងការប្រមូលចំណូលពន្ធដាចំនួន ៣,៦ ពាន់លានដុល្លារអាមេរិក នៅក្នុងឆ្នាំ២០២៣ ហើយគ្រោងសម្រេចឱ្យបាន ៤,១ ពាន់ដុល្លារអាមេរិកនៅក្នុងឆ្នាំ ២០២៤ ដែលអាចមានចំណែក ១១ ភាគរយ នៃទំហំផលិតផលក្នុងស្រុកសរុប ៣៥៕

The post អគ្គនាយកដ្ឋានពន្ធដារអនុញ្ញាតឱ្យធនាគារ វីង ទទួលការទូទាត់បង់ពន្ធគ្រប់ប្រភេទ appeared first on .

ព្រឹត្តិបត្រព័ត៌មាន បានបន្តថា ប្រទេសដែលកម្ពុជាកំពុងខិតខំជំរុញកិច្ចព្រមព្រៀងស្ដីពីការចៀសវាងការយកពន្ធត្រួតគ្នា (DTA)  រួមមាន ហ្វីលីពីន ឡាវ មីយ៉ាន់ម៉ា អេមីរ៉ាតអារ៉ាប់រួម ជប៉ុន ម៉ារ៉ុក និងបារាំង។

ព្រឹត្តិបត្រព័ត៌មានរបស់អង្គភាពពន្ធដារ បានបន្តថា កិច្ចព្រមព្រៀង ស្ដីពីការចៀសវាងការយកពន្ធត្រួតគ្នា (DTA) មិនគ្រាន់តែបង្កើតឡើង ដើម្បីចៀសវាងការយកពន្ធត្រួតគ្នាប៉ុណ្ណោះទេ តែកិច្ចព្រមព្រៀងនេះ បាននិងកំពុងដើរតួនាទីដ៏សំខាន់ ក្នុងការទាក់ទាញការវិនិយោគផ្ទាល់ពីបរទេស ព្រមទាំងបង្កើនភាពប្រកួតប្រជែងជាអន្តរជាតិ ពិសេសវាក៏នឹងផ្តល់ជាយន្តការដោះស្រាយវិវាទសារពើពន្ធ និងយន្តការផ្លាស់ប្តូរព័ត៌មាន រវាងរដ្ឋភាគីនៃកិច្ចព្រមព្រៀង ដើម្បីដោះស្រាយបញ្ហាការគេចវេះពន្ធជាដើម។

សូមជម្រាប់ដែរថា បច្ចុប្បន្នកិច្ចព្រមព្រៀង ស្ដីពីការចៀសវាងការយកពន្ធត្រួតគ្នា ​(DTA) រវាងកម្ពុជាជាមួយប្រទេស ដែលជាយុត្តាធិការដៃគូចំនួន ១១ ដែលមានប្រសិទ្ធភាពអនុវត្តរួមមាន៖ សិង្ហបុរី ចិន ថៃ ព្រុយណេ វៀតណាម ឥណ្ឌូនេស៊ី ម៉ាឡេស៊ី កូរ៉េខាងត្បូង តំបន់រដ្ឋបាលពិសេសហុងកុង តំបន់រដ្ឋបាលពិសេសម៉ាកាវ និងតួកគី។

ចំពោះនិវាសនជននៃប្រទេស ដែលបានចុះកិច្ចព្រមព្រៀង ត្រូវដាក់ពាក្យស្នើសុំត្រួតពិនិត្យលក្ខណសម្បត្តិជាមុន មកអគ្គនាយកដ្ឋានពន្ធដារ ដើម្បីទទួលបានអត្ថប្រយោជន៍ពី DTA៕

The post កម្ពុជា កំពុងជំរុញកិច្ចព្រមព្រៀងស្ដីពីការចៀសវាងការយកពន្ធត្រួតគ្នា (DTA) ជាមួយប្រទេស ចំនួន៧ appeared first on .