ថ្លែងក្នុងសន្និសីទសារព័ត៌មាន ស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាល ខេត្តកំពត នៅថ្ងៃទី១៦ ខែកុម្ភៈ ឆ្នាំ២០២៣នេះ លោក ម៉ៅ ធនិន អភិបាលខេត្តកំពត បានឱ្យដឹងថា កន្លងមកបញ្ហាការដោះស្រាយទំនាស់ក្រៅប្រព័ន្ធតុលាការ ក្នុងខេត្តកំពត បានធ្វើការសម្របសម្រួល បញ្ចប់នូវវិវាទក្រៅ ប្រព័ន្ធតុលាការ ជូនប្រជាពលរដ្ឋបានរហូតដល់ ១ ១៥៨ករណី ដោយគិតចាប់ ពីថ្ងៃទី ១៨ តុលា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ២០២២។

អភិបាលខេត្តកំពត បានលើកឡើងបន្តថា ការដោះស្រាយបញ្ហានេះ ជាការធ្វើឱ្យពុកម៉ែ បងប្អូនប្រជាពលរដ្ឋ មានភាពត្រេកអរ រីករាយជាមួយនឹងការសម្របសម្រួល ក្រោមយន្តការច្បាប់ របស់រាជ រដ្ឋាភិបាលបានដាក់ចុះសម្រាប់ឱ្យអាជ្ញាធរខេត្ត ធ្វើការដោះស្រាយ។

គួរឱ្យដឹងថា ក្រៅពីការដោះស្រាយទំនាស់ក្រៅប្រព័ន្ធតុលាការ ក្នុងនោះ ក៏បានឧបត្ថម្ភថវិកា និងអង្ករជូនប្រជាពលរដ្ឋក្រីក្របានចំនួន ១៥.៧៨០នាក់ ស្មើនឹង ១.៥៧៥ គ្រួសារ ផងដែរ៕

The post ក្នុងរយៈពេលជាងមួយឆ្នាំ លោក ម៉ៅ ធនិន ដោះស្រាយទំនាស់ក្រៅប្រព័ន្ធតុលាការ បានជាង១ពាន់ករណី appeared first on .

បើតាមអភិបាលខេត្តកំពត បានលើកឡើងថា រោងចក្រ សហគ្រាស ក្នុងខេត្តកំពតមានចំនួនសរុប ៤៤២ទីតាំង ក្នុងនោះមានរោងចក្រស៊ីម៉ង់តិ៍៤កន្លែង រួមផ្សំជាមួយនឹងកំពង់ផែកំពុងសាងសង់ចំនួន៦កន្លែង មានកម្មករបំពេញការងារប្រមាណ ២៣ ៦៩៦នាក់។ លើសពីនោះ ក៏មានសណ្ឋាគារ ផ្ទះសំណាក់ និងអគារផ្សេងៗ ដែលមានកម្ពស់៥ជាន់ឡើងបានសាងសង់រួចរាល់មានប្រមាណ៤៤ កន្លែងផងដែរ។

គួរឱ្យដឹងថា ខេត្តកំពតក្រៅពីមានរោងចក្រ សហគ្រាស ក៏មានសក្តានុពលទៅលើធនធានធម្មជាតិផ្សេងៗរួមមាន ដីស្រែ ឆ្នេរសមុទ្រ ឧទ្យានជាតិ រ៉ែ ធនធានជលផល រួមទាំងវិស័យកសិកម្មផងដែរ។ ក្នុងវិស័យកសិកម្ម ក្នុងរយៈពេល៥ឆ្នាំមកនេះ ខេត្តកំពតអាចផលិតស្រូវបានប្រមាណ ៤៥៧.១៤២តោន ក្នុង១ឆ្នាំ។ ដោយឡែក ដំណាំឧស្សហកម្ម ដែលនាំចេញទៅក្រៅប្រទេស រួមមាន ចេក ម្រេច និងដំណាំរួមផ្សំផ្សេងទៀតដូចជា ទុរេន ដូងជាដើម។ រីឯ កសិដ្ឋានចិញ្ចឹមជ្រូក និងមាន់ ព្រមទាំងការផលិតសាច់សត្វផ្គត់ផ្គង់ក្នុងប្រទេស ខេត្តកំពតក៏មានផែនការនាំចេញទៅកាន់ប្រទេសម៉ាឡាស៊ី និងប្រទេសចិនផងដែរ៕

The post រោងចក្រប្រមាណជាង៤០០កន្លែងក្នុងខេត្តកំពត អាចផ្តល់ការងារដល់ពលរដ្ឋជាង ២ម៉ឺននាក់ appeared first on .

នៅក្នុងសេចក្តីសម្រេចចំនួន៣ទំព័រដែលចុះហត្ថលេខាដោយលោក ឌិត ទីណា បានបញ្ជាក់ថា ក្រុមការងារនេះរៀបចំផែនការសម្រាប់ផលិតកម្មគ្រាប់ពូជស្រូវ ដើម្បីរួមចំណែកក្នុងយុទ្ធសាស្ត្រកាត់បន្ថយការចំណាយថ្លៃដើមផលិតក្នុងផលិតកម្មគ្រាប់ពូជស្រូវ។

ជាមួយគ្នានេះ ក៏ត្រូវសម្របសម្រួលជាមួយសហព័ន្ធស្រូវអង្ករ និងក្រុមហ៊ុនដែលកំពុងប្រកបរបរផលិតកម្ម និងអាជីវកម្មស្រូវអង្ករផងដែរ។

គួររម្លឹកផងដែរថា ថ្លែងក្នុងពិធីចែកស្រូវពូជ និងស្បៀងអាហារ ដល់ប្រជាពលរដ្ឋរងគ្រោះដោយទឹកជំនន់ នៅខេត្តបាត់ដំបង កាលពីថ្ងៃទី២៤ ខែតុលាកន្លងទៅ សម្តេចតេជោ ហ៊ុន សែន នាយករដ្ឋមន្រ្តី ណែនាំឱ្យរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ ពិចារណាផលិតពូជស្រូវទុកជូនប្រជាកសិករ ដើម្បីបានបង្កបង្កើតផលឡើងវិញ។

សម្តេចមានប្រសាសន៍ថា៖ «ការធ្វើកសិកម្មមិនត្រូវធ្វើកសិកម្មបែបធម្មតានោះទេ ត្រូវរិះរកវិធីធ្វើយ៉ាងណាឱ្យប្រជាកសិករមានផលចំណេញច្រើន តាមរយៈវិធីសាស្ត្រធ្វើកសិកម្មបែបទំនើប លឿនរហ័សទាន់ចិត្ត និងទទួលបានផលច្រើន»៕

The post រដ្ឋមន្ត្រីកសិកម្ម ចាត់តាំងអតីតអភិបាលខេត្តកំពត ដឹកនាំក្រុមការងារជំរុញផលិតកម្មគ្រាប់ពូជស្រូវ appeared first on .

កិច្ចប្រជុំនេះ មានការចូលរួមពីមន្រ្តីជាន់ខ្ពស់ក្រសួងមហាផ្ទៃ អគ្គស្នងការនគរបាលជាតិ មេបញ្ជាការកងរាជអាវុធហត្ថលើផ្ទៃប្រទេស ថ្នាក់ដឹកនាំក្រសួង ស្ថាប័ន អភិបាលខេត្ត និងមន្ត្រីជាន់ខ្ពស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស។

ក្រសួងមហាផ្ទៃ បានឱ្យដឹងថា ក្នុងរយៈពេល៦ខែឆ្នាំ២០២២នេះ អត្រាជួញដូរមនុស្ស និងអំពើធ្វើអាជីវកម្មផ្លូវភេទបានបន្តធ្លាក់ចុះមកត្រឹម៧៤ករណី ពោលគឺថយចុះចំនួន១២៤ករណីបើធៀបនឹងឆ្នាំ២០២១កន្លងទៅ។

ក្នុងនោះ អាជ្ញាធរ​ក៏​បាន​ឃាត់ខ្លួន​ជនសង្ស័យ​បញ្ជូន​ទៅ​សាលាដំបូង​ចំនួន​៨៣​នាក់ អនីតិជន​៧​នាក់ ហើយជនសង្ស័យ​ជា​ជនបរទេស​មានចំនួន​១២​នាក់ ដែល​មាន ៤​សញ្ជាតិ​។ បន្ថែមពីនេះ សមត្ថកិច្ច​ក៏​បាន​ជួយ​សង្គ្រោះ​ជនរងគ្រោះ​ចំនួន ១៥៦​នាក់ ក្នុង​នោះ ក្មេងស្រី​អាយុ​ក្រោម​១៥​ឆ្នាំ មាន​ចំនួន ៦០​នាក់៕

The post សម្តេច ស ខេង ហៅអភិបាលរាជធានី/ខេត្ត មកប្រជុំដាក់ផែនការបង្រ្កាបអំពើជួញដូរមនុស្ស និងអាជីវកម្មផ្លូវភេទ appeared first on .

ក្រៅពីលោក ពេញ ធារម្យ មន្រ្តីរាជការ ៣រូប ជាអភិបាលរងខេត្តកំពត រួមមាន៖ លោក សេន សាប៊ីល មានឋានន្តរស័ក្តិថ្នាក់លេខ ៦ លោក ខៀវ រិទ្ធិភ័ណ្ឌ ឋានន្តរស័ក្តិថ្នាក់លេខ ១ និងលោក ង៉ាន់ ថារិទ្ធ ឋានន្តរស័ក្តិថ្នាក់លេខ ៤។

លោក ពេញ ធារម្យ អតីតជាប្រធានសាខាកាំកុងត្រូលផែស្ងួតចុងទី-ភ្នំពេញ ហើយបច្ចុប្បន្នជាសមាជិកក្រុមប្រឹក្សាភិបាល សមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA) ។ លោកក៏ជាអនុប្រធានក្រុមការងារទទួលបន្ទុកតំបន់ហីរ៉ូស៊ីម៉ា នៃប្រទេសជប៉ុន របស់គណៈបក្សប្រជាជនកម្ពុជាផងដែរ។

កាលពីថ្ងៃទី២៣  ខែមិថុនា ឆ្នាំ២០១៤កន្លងទៅ លោក ពេញ ធារម្យ ក៏ត្រូវបានព្រះមហាក្សត្រ តែងតាំងជាសមាជិក នៃគណៈកម្មាធិការ​សិទ្ធិមនុស្សកម្ពុជា ដែលមានឋានៈស្មើនឹងអនុរដ្ឋលេខាធិការ បន្ថែមលើមុខងារបច្ចុប្បន្ន។

លើសពីនោះ លោកក៏ធ្លាប់ធ្វើជាប្រធានក្រុមការងារទី៨ នៃសមាគមសិស្ស និស្សិតអាហារូបករណ៍សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ទៀតផង៕

The post អតីតប្រធានសាខាកាំកុងត្រូលផែស្ងួតចុងទី-ភ្នំពេញ ឡើងអភិបាលរងខេត្តកំពត appeared first on .

រដ្ឋបាលខេត្តកំព​ត បានឲ្យដឹងថា នៅថ្ងៃទី១៨ ខែតុលានេះ លោក ម៉ៅ ធនិន បានជួបជាមួយបងប្អូនប្រជាពលរដ្ឋក្នុងខេត្ត ដើម្បីស្វែងយល់ និងចូលរួមដោះស្រាយបញ្ហាប្រឈមមួយចំនួន ដែលជាតម្រូវការចាំបាច់ តាមការស្នើសុំរបស់ប្រជាពលរដ្ឋ នៅវេទិកាក្នុងសាលាខេត្តកំពត។

សូមជម្រាបថានេះជាលើកទីមួយហើយ ក្រោយលោកចូលកាន់ដំណែងបានធ្វើវេទិកាដោះស្រាយបញ្ហាជូនបងប្អូនប្រជាពលរដ្ឋក្នុងខេត្ត បន្ទាប់ពីលោកត្រូវបានប្រកាសតែងតាំងជាអភិបាលខេត្តកំពត កាលពីថ្ងៃទី១៣ ខែតុលា ឆ្នាំ២០២១ កន្លងទៅថ្មីៗនេះ។

គួររម្លឹកជូនឡើងវិញដែរថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្លែងពេលជាអធិបតីក្នុងពិធីប្រកាសចូលកាន់មុខតំណែងអភិបាលខេត្តកំពត ក៏មានជំនឿជឿជាក់យ៉ាងមុតមាំថា លោក ម៉ៅ ធនិន អភិបាលខេត្តថ្មីនឹងប្រើប្រាស់សមត្ថភាព និងបទពិសោធន៍របស់ខ្លួនបន្តដឹកនាំ សម្របសម្រួល គ្រប់គ្រងរដ្ឋបាល និងការអភិវឌ្ឍខេត្តកំពតឱ្យកាន់តែមានការអភិវឌ្ឍរីកចម្រើនបន្ថែមទៀត។

សម្តេចក្រឡាហោម បញ្ជាក់ថា ក្នុងស្មារតីនេះ សូមស្នើដល់ក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត ថ្នាក់ដឹកនាំក្រុង ស្រុក និងឃុំ សង្កាត់ មន្ត្រីរាជការ កងកម្លាំងប្រដាប់អាវុធ ព្រមទាំងប្រជាពលរដ្ឋទូទាំងខេត្តកំពត ផ្តល់ការគាំទ្រដល់ លោក ម៉ៅ ធនិន ដើម្បីលោកមានលទ្ធភាពច្រើនថែមទៀតក្នុងការបន្តថែរក្សា ពង្រឹងសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សាធារណៈ និងការអភិវឌ្ឍខេត្តកំពតឱ្យកាន់តែមានការរីកចម្រើនលើគ្រប់វិស័យជាបន្តទៀត៕

The post ៦ថ្ងៃក្រោយចូលកាន់ដំណែង លោក ម៉ៅ ធនិន បើកសមាជដោះស្រាយបញ្ហាប្រឈម តាមការស្នើសុំរបស់ពលរដ្ឋ appeared first on .

បន្ទាប់ពីការកាន់ជាអភិបាលខេត្តពោធិ៍សាត់ អស់រយៈពេលប្រមាណ ៧ ឆ្នាំ លោក ម៉ៅ ធនិន បានបន្សល់ទុកនូវស្នាដៃជាច្រើនលើការកសាង និងអភិវឌ្ឍន៍ហេដ្ឋារចនាសម្ព័ន្ធនានានៅក្នុងខេត្ត ជាពិសេសអភិបាលខេត្តរូបនេះបានឆក់យកទឹកចិត្តបេះដូង និងធ្វើឲ្យប្រជាពលរដ្ឋមានភាពកក់ក្តៅបំផុត ជាមួយនឹងការជឿជាក់របស់លោកក្នុងការដឹកនាំ។

គួររម្លឹកជូនថា មុនពេលលោក ម៉ៅ ធនិន ចូលទៅកាន់ការងារជាអភិបាលខេត្តពោធិ៍សាត់ ខេត្តមួយនេះមានករណីជម្លោះដីធ្លីរាំរ៉ៃជាច្រើនកន្លែង ស្របពេលជាមួយគ្នានេះដែរ លោកតែងតែព្យាយាមចូលខ្លួនទៅដោះដោយផ្ទាល់លើបញ្ហាជម្លោះរហូតឈានទៅបញ្ចប់បញ្ហាវិវាទជាបន្តបន្ទាប់។

បន្ថែមពីលើនេះ លោក ម៉ៅ ធនិន ក៏ការបង្កើតសមាជក្នុងការដោះស្រាយបញ្ហានានាជូនប្រជាពលរដ្ឋនៅក្នុងខេត្ត ខណៈសមាជដោះស្រាយជម្លោះប្រជាពលរដ្ឋនេះ ត្រូវបានប្រជាពលរដ្ឋអ្នកនៅខេត្តពោធិ៍សាត់ទាំងមូល រួមនឹងបណ្តាខេត្តមួយចំនួនទៀត សម្តែងនូវការអបអរសាទរ ដែលជាហេតុជំរុញកេរ្តិ៍ឈ្មោះរបស់លោកឲ្យល្បីល្បាញឡើងថែម។ លោក ម៉ៅ ធនិន ធ្លាប់បានលើកឡើងថា កម្មវិធីសមាជដោះស្រាយបញ្ហាជម្លោះនេះ គឺដើម្បីយោគយល់គ្នា និងបញ្ចៀសបាននៃការប្រើយន្តការតុលាការផងដែរ។

ដំណឹងថ្មីបន្ទាប់ពីរាជរដ្ឋាភិបាល ផ្តល់សេចក្តីទុកចិត្តឲ្យលោកកាន់ជាអភិបាលខេត្តកំពតវិញនោះ បានធ្វើឲ្យប្រជាពលរដ្ឋខេត្តពោធិ៍សាត់ទាំងមូលសម្តែងការសោកស្តាយអាឡោះអាល័យជាពន់ពេក។

ជាមួយគ្នានេះ ប្រជាពលរដ្ឋនៅក្នុងខេត្តកំពត ក៏បានសាទរផងដែរ នៅពេលដែលលោក ម៉ៅ ធនិន ទៅកាន់តំណែងជាអភិបាលខេត្ត។ ពលរដ្ឋក្នុងខេត្តសង្ឃឹមយ៉ាងមុតមាំថា ពួកគាត់ទន្ទឹងរងចាំយ៉ាងអន្ទះសារក្នុងការបើកកិច្ចពិភាក្សាសំណេះសំណាល និងជួយដោះស្រាយជូនពួកគាត់ ខណៈខេត្តមួយនេះក៏មានរឿងរ៉ាវត្រូវដោះស្រាយជាច្រើនករណី។

លោកអភិបាលខេត្តកំពតថ្មីល្បីឈ្មោះដូចម្ចាស់ប៉ាវចិនក្នុងរឿងភាគចិនរូបនេះ បានផ្តល់អនុសាសន៍ថា «ជម្លោះគ្រប់យ៉ាងទាំងអស់ បើយើងសន្សំទុកក្នុងខ្លួន វាហាក់បីដូចជាជំងឺមួយដែលគ្មានថ្នាំព្យាបាល ហើយយើងមានតែបាត់បង់នូវសុខភាព ភាពវ័យឆ្លាត និងសុភមង្គលគ្រប់បែបយ៉ាងនៅក្នុងខ្លួន និងនៅក្នុងជីវភាពរស់នៅប្រចាំថ្ងៃ»។

លោកបន្តថា លោកមិនចង់ឱ្យបងប្អូនប្រើប្រាស់ពេលវេលាដែលអត់ប្រយោជន៍ ពាក់ព័ន្ធទៅនឹងទំនាស់ព្រំដី រឿងជំពាក់លុយ និងរឿងក្តីក្តាំបន្តិចបន្តួច រហូតទៅដល់បាត់បង់ពេលវេលា បាត់បង់ឱកាស និងបាត់បង់ថវិកាក្នុងគ្រួសារនោះឡើយ។

លោកអភិបាលខេត្តបន្ថែមថា យន្តការដែលលោកមកដឹកនាំខេត្តបានជាង ៧ឆ្នាំមកនេះ លោកបានបញ្ចូលខ្លួនជាសមាជិកគ្រួសារម្នាក់ទៀត ជាមួយនឹងបងប្អូនពុកម៉ែប្រជាពលរដ្ឋទូទាំងខេត្ត ក្នុងឋានជាកូន ជាក្មួយ ជាបង និងជាប្អូន ហើយលោកនឹងប្រើប្រាស់តួនាទីនេះ ទៅលើសុខទុក្ខពួកគាត់គ្រប់ពេលវេលា។ លោកថា «អ្នកយកដីគេត្រូវឱ្យគេវិញ អ្នកជំពាក់លុយគេត្រូវសងគេ បើអត់ឬឃ្លានត្រូវសុំគេ និងត្រូវសណ្តោសប្រណីគ្នាទៅវិញទៅមក ព្រោះនេះគឺជាតម្លៃពិតដែលមនុស្សទូទៅគេត្រូវការ»៕

The post បំរើអស់ពេល ៧ឆ្នាំ លោក ម៉ៅ ធនិន ត្រូវលាអ្នកពោធិ៍សាត់ ខណៈការដើរចេញស្របនឹងពាក្យស្លោកថា «នៅឱ្យគេអាណិតស្រឡាញ់ ទៅឱ្យគេស្រណោះ» appeared first on .