ទាក់ទងនឹងការកើនឡើងនៃភាពតានតឹងធ្ងន់ធ្ងរនៅមជ្ឈិមបូព៌ានាពេលថ្មីៗនេះ ​អ្នកនាំពាក្យ​ក្រសួង​ការបរទេសវៀតណាម បានលើក​ឡើងថា ជំហររបស់វៀតណាមត្រូវបានបញ្ជាក់យ៉ាងច្បាស់កាលពីថ្ងៃទី២៨ ខែកុម្ភៈ ឆ្នាំ២០២៦​ម្ដងរួចទៅហើយ ដោយលោកស្រី​​​លើក​ឡើង​​ថា ប្រទេសនេះប្រឆាំងនឹងការប្រើប្រាស់កម្លាំងចំពោះការវាយប្រហារប្រទេសអធិបតេយ្យ ជាពិសេសការវាយប្រហារលើហេដ្ឋារចនាសម្ព័ន្ធស៊ីវិលដែលបណ្តាលឲ្យបាត់បង់ជីវិត។

​លោកស្រី បាន​បន្តថា សកម្មភាព​នៃការ​វាយ​ប្រហារ​នោះ​បានបង្កការខូចខាតយ៉ាងធ្ងន់ធ្ងរ និងបន្តគំរាមកំហែងដល់អាយុជីវិត សុវត្ថិភាព និង​ផល​ប្រយោជន៍របស់ជនស៊ីវិល រួមទាំងពលរដ្ឋវៀតណាមនៅក្នុងតំបន់ ខណៈបច្ចុប្បន្ន ​​​​​​ផលប៉ះពាល់​​ពី​កា​រវាយប្រហារ​នោះ​​​​ធ្វើ​ឲ្យ​មាន​អស្ថិរភាព​ផែ្នកសេដ្ឋកិច្ច និងធ្វើឲ្យប៉ះពាល់ដល់សន្តិភាព ព្រមទាំងស្ថិរភាពទាំងក្នុងតំបន់ និងទូទាំងពិភពលោក។

វៀតណាម​ក៏បានអំពាវនាវដល់គ្រប់ភាគីពាក់ព័ន្ធទាំងអស់ឲ្យធ្វើសកម្មភាពដោយមានការទទួលខុសត្រូវ គោរពយ៉ាងតឹងរ៉ឹងនូវច្បាប់អន្តរជាតិ ធម្មនុញ្ញអង្គការសហប្រជាជាតិ និងសេចក្តីសម្រេច​​ផ្សេង​​ៗ​របស់អង្គការសហប្រជាជាតិ៕

The post វៀតណាម ​ប្រឆាំង​​​អាម៉េរិក​និង​អ៊ីស្រាអែលដែលវាយប្រហារអ៊ីរ៉ង់​ appeared first on .

លោក Bessent បាននិយាយនៅក្នុងកិច្ចប្រជុំមួយក្នុងទីក្រុងម៉ាឌ្រីដប្រទេសអេស្ប៉ាញ កាលពីថ្ងៃទី១៥ ខែកញ្ញាថា៖” ប្រធានាធិបតី លោក ដូណាល់ ត្រាំ គឺជាអ្នកដើរតួយ៉ាងសំខាន់ក្នុងរឿងនេះ។ យើងបានទូរស័ព្ទទៅកាន់ប្រធានធិបតី ហើយទទួលបានការណែនាំជាក់លាក់ បន្ទាប់មកបានយកមកជជែកពិភាក្សាជាមួយភាគីចិន”។

គួរឲ្យដឹងថា អ្នកការទូតអាមេរិក និងចិនកំពុងជួបប្រជុំគ្នានៅទីក្រុងម៉ាឌ្រីដក្នុងសប្តាហ៍នេះ ដើម្បីពិភាក្សាអំពីពាណិជ្ជកម្ម និងបញ្ហាផ្សេងៗទៀត។ លោក Bessent បាននិយាយមុននេះថា TikTok គឺជាប្រធានបទចម្បងនៃកិច្ចប្រជុំ។ លោក​កំពុង​ដឹកនាំ​គណៈប្រតិភូ​អាមេរិក​ក្នុង​ការ​ចរចា​បញ្ចប់លើរឿងនេះ។

ជម្រាបជូនថា ចាប់តាំងពីចូលកាន់តំណែងមក លោក ត្រាំ បានចុះហត្ថលេខាលើបទបញ្ជាប្រតិបត្តិម្តងហើយម្តងទៀត ដើម្បីពន្យាពេលកំណត់សម្រាប់ ByteDance ដែលជាក្រុមហ៊ុនមេរបស់ TikTok ដើម្បីលក់អាជីវកម្មរបស់ខ្លន នៅសហរដ្ឋអាមេរិក។ យោងតាមកាលបរិច្ឆេទចុងក្រោយ ByteDance ត្រូវបានបង្ខំឱ្យដកខ្លួនចេញពី TikTok នៅអាមេរិក ឬមួយត្រូវបិទចោលទាំងស្រុង បន្ទាប់ពីថ្ងៃទី១៧ ខែកញ្ញា ដែលជាពេលវេលាកំណត់ចុងក្រោយ៕​

The post ទីបំផុត អាមេរិក និងចិន ឈានដល់កិច្ចព្រមព្រៀងបន្តរក្សាទុក TikTok នៅទឹកដីអាមេរិក appeared first on .

កាលពីឆ្នាំមុន ជនជាតិអាមេរិក បានកាន់កាប់អាផាតមិន សរុបចំនួន ៥ ៦៧៨ យូនីត នៅក្នុងរដ្ឋធានីកូរ៉េខាងត្បូង ឬស្មើទៅនឹង ៤៥% នៃអាផាតមិនសរុបចំនួន ១២ ៥១៦ យូនីតដែលជាកម្មសិទ្ធិរបស់ជនបរទេស។

ដោយឡែកជនជាតិចិន គឺជាអ្នកកាន់កាប់អាផាតមិនច្រើនជាងគេបន្ទាប់ ចំនួន ២ ៥៣៦ យូនីត ក្រោមពីក្រោយដោយជនជាតិកាណាដា មានចំនួន ១ ៨៣១ យូនីត ជនជាតិតៃវ៉ាន់ ៧៩០ យូនីត និងជនជាតិអូស្រ្តាលី មានចំនួន ៥០០ យូនីត។

គួរឲ្យដឹងផងដែរថា​ អាផាតមិនដែលជនបរទេសទាំងនោះកាន់កាប់ភាគច្រើន នៅស្ថិតនៅក្នុងសង្កាត់ធំៗ ដូចជា Gangnam-gu, Seocho-gu និង Songpa-gu ជាដើម៕​

The post ជនជាតិអាមេរិក​ កាន់កាប់ជិតពាក់កណ្តាលនៃអាផាតមិនទាំងអស់ ក្នុងទីក្រុងសេអ៊ូល appeared first on .

នៅក្នុងទីក្រុង Frankfurt ប្រទេសអាល្លឺម៉ង់ បាតុកររាប់រយនាក់ បានចាប់ផ្តើមប្រមូលផ្តុំគ្នាងើបតវ៉ាប្រឆាំងទៅនឹងគោលនយោបាយរបស់លោក ត្រាំ ខណ:កម្មភាពទាំងនេះ ត្រូវបានរៀបចំឡើងដោយ Democrats Abroad ដែលជាអង្គការផ្លូវការរបស់គណបក្សប្រជាធិបតេយ្យ សម្រាប់ពលរដ្ឋអាមេរិកដែលរស់នៅក្រៅប្រទេស។

ជាមួយគ្នានេះ នៅឯទីក្រុងប៊ែរឡាំង ប្រទេសអាល្លឺម៉ង់ដូចគ្នានោះ ការតវ៉ាទ្រង់ទ្រាយធំមួយ ក៏ត្រូវបានធ្វើឡើងនៅមុខបន្ទប់តាំងបង្ហាញរថយន្ត Tesla របស់មហាសេដ្ឋី Elon Musk ផងដែរ ដោយបាតុករទាំងនោះ បានកាន់បដាអំពាវនាវឲ្យបងប្អូនជនជាតិអាមេរិកដែលរស់នៅក្នុងប្រទេសអាឡឺម៉ង់ទាំងអស់ ចូលរួមងើបប្រឆាំងតវ៉ាទាមទារឲ្យមានការបញ្ចប់ភាពវឹកវរ នៅក្នុងទឹកដីសហរដ្ឋអាមេរិក។

ដោយឡែកនៅ​រដ្ឋធានី​ប៉ារីស មនុស្ស​ប្រហែល ២០០​នាក់ ដែល​ភាគច្រើន​ជា​ជនជាតិ​អាមេរិករស់នៅទីនោះ បាន​ប្រមូល​ផ្តុំ​គ្នា​នៅមុខ Place de la République ដើម្បី​តវ៉ា​ប្រឆាំង​នឹង​គោលនយោបាយរបស់ ត្រាំ ផងដែរ។ ដោយអ្នកខ្លះថែមទាំងបាន ទាមទារឲ្យប្រធានាធិបតីសហរដ្ឋអាមេរិករូបនេះ លាលែងពីតំណែង ថែមទៀតផង។

មិនតែប៉ុណ្ណោះ ការតវ៉ាប្រឆាំងនឹងលោក​ ត្រាំ ក៏ដូចជាមហាសេដ្ឋី Elon Musk ក៏ត្រូវបានធ្វើឡើង នៅក្នុងទីក្រុងរបស់ប្រទេសក្នុងតំបន់អឺរ៉ុបផ្សេងទៀត រួមទាំងទីក្រុងឡុងដ៍ ចក្រភពអង់គ្លេស និងលីសបោន ប្រទសព័រទុយហ្គាល់ ផងដែរ។

ជម្រាបជូនផងដែរថា ជុំវិញការតវ៉ានេះ ត្រូវបានកើតឡើងបន្ទាប់ពីរដ្ឋបាលរបស់លោក ត្រាំ បានជំរុញយុទ្ធនាការមួយ ដើម្បីសម្រួលដល់រដ្ឋាភិបាល ដោយចាប់ផ្តើមដំឡើងពន្ធលើដៃគូពាណិជ្ជកម្មជាង ១៨០ ដែលបណ្តាលឲ្យទីផ្សារភាគហ៊ុនធ្លាក់ចុះយ៉ាងគំហុក ហើយថែមទាំងបានធ្វើប្រជាជនអាមេរិក ជាច្រើនមានការមិនសប្បាយចិត្តខ្លាំងផងដែរ៕

The post បាតុកម្មប្រឆាំងតវ៉ាប្រឆាំងគោលនយោបាយរបស់លោក ត្រាំ ចាប់ផ្តើមរាលដាលដល់ទីក្រុងធំៗនៅអឺរ៉ុប appeared first on .

ដោយកាន់តារាងដំឡើងពន្ធគយថ្មីដ៏ធំទូលាយ បង្ហាញនៅមុខវិមាន Rose Garden នៅព្រឹកថ្ងៃព្រហស្បតិ៍នេះ លោក ត្រាំ បានបង្ហាញពីការបញ្ជីឈ្មោះប្រទេសដែលនឹងត្រូវយកពន្ធពិសេស ទៅលើដៃគូពាណិជ្ជកម្មសំខាន់ៗរបស់ប្រទេសចិន និងសហភាពអឺរ៉ុប ដែលជាផែនការមួយត្រូវបានលោក ត្រាំ ហៅថា “ទិវារំដោះអាមេរិក”។

យ៉ាងណាមិញ ក្នុងចំណោមដៃគូពាណិជ្ជកម្មទាំងអស់ លោក ត្រាំ បានបញ្ជាក់ថា មានដៃគូពាណិជ្ជកម្មចំនួន៨ ដែលនឹងត្រូវយកពន្ធគយច្រើនជាងគេ ដោយចាត់ទុកថាដៃគូទាំងនោះ ជាអ្នកបំពាន និងបានធ្វើឲ្យខូចដល់សេដ្ឋកិច្ចរបស់អាមេរិក។

ចំពោះពន្ធឆ្លើយតបចុងក្រោយនេះ ដៃគូពាណិជ្ជកម្មសំខាន់ដែលត្រូវទទួលរងនូវអត្រាពន្ធគយពិសេសនោះ រួមមាន៖

-សហភាពអឺរ៉ុប ២០%

-ចិន ៣៤%

-វៀតណាម ៤៦%

-ថៃ ៣៦%

-ជប៉ុន ២៤%

-កម្ពុជា ៤៩%

-អាហ្វ្រិកខាងត្បូង ៣០%

-តៃវ៉ាន់ ៣២%

ជម្រាបជូនផងដែរថា យោងតាមការចុះផ្សាយពីសារព័ត៌មាន CNN បាន​ដក​ស្រង់​សម្ដី​មន្ត្រី​រដ្ឋាភិបាល​អាមេរិក​ម្នាក់​ដែល​និយាយ​ថា​វិធានការពន្ធគយថ្មីនេះ ​នឹង​ត្រូវចូល​ជា​ធរមាន​ ចាប់​ពី​ថ្ងៃ​ទី៩ ខែ​មេសាតទៅ៕

The post លោក ត្រាំ ដាក់ចេញពន្ធគយទ្រង់ទ្រាយធំ ក្នុងនោះដៃគូពាណិជ្ជកម្មធំៗរងផលប៉ះពាល់ខ្លាំង appeared first on .

អតិផរណារបស់អាមេរិក បានកើនឡើងដល់ ៣% នៅក្នុងខែមករា ដែលជាអត្រាខ្ពស់បំផុតរបស់ខ្លួនសម្រាប់រយៈពេលប្រាំមួយខែចុងក្រោយ និងកើនឡើងលើសពី ២,៩% ដែលត្រូវបានព្យាករដោយក្រុមអ្នកសេដ្ឋកិច្ច។

ជុំវិញការកើនឡើងនេះ បានកើតឡើងត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីធនាគារកណ្តាលរបស់សហរដ្ឋអាមេរិកបានសម្រេចចិត្តរក្សាអត្រាការប្រាក់គោលរបស់ខ្លួន ដោយនិយាយថាមានភាពមិនប្រាកដប្រជាជុំវិញស្ថានភាពស្ថានកិច្ចក្រោមការដឹកនាំរបស់ប្រធានាធិបតីបច្ចុប្បន្ន។

ទន្ទឹមនឹងនេះ លោក Ryan Sweet ប្រធានសេដ្ឋវិទូអាមេរិកប្រចាំនៅស្ថាប័ន Oxford Economics បាននិយាយថា របាយការណ៍ចុងក្រោយជុំវិញការកើនឡើងនៃអតិផរណានេះ អាចដាក់សម្ពាធលើប្រធានាធិបតីលោក ដូណាល់ ត្រាំ ឲ្យពិចារណាឡើងវិញនូវផែនការទាំងប៉ុន្មាន ទាក់ទិននឹងការដំឡើងពន្ធលើទំនិញចូលប្រទេស ដ៏ចម្រូងចម្រាស់។

គួរឲ្យដឹងថាការកើនឡើងនៃសន្ទស្សន៍តម្លៃទំនិញប្រើប្រាស់នៅអាមេរិក កាលពីខែមុន គឺមានលក្ខណៈកាន់តែទូលំទូលាយ ដែលធ្វើឲ្យប៉ះពាល់ដល់វិស័យជាច្រើន រួមទាំងការធានារ៉ាប់រងរថយន្ត ថ្លៃសំបុត្រយន្តហោះ ឱសថ និងទំនិញមូលដ្ឋានផ្សេងៗទៀត។

ជាមួយគ្នានេះ តម្លៃគ្រឿងទេសបានហក់ឡើង ០,៥% ក្នុងខែមករា បើធៀបនឹងការកើនឡើង ០,៣% ក្នុងខែធ្នូ ដោយសារតម្លៃស៊ុតបានកើនឡើងច្រើនជាង ១៥% ចំពេលមានការខ្វះខាតការផ្គត់ផ្គង់ដែលបណ្តាលមកពីការផ្ទុះឡើងនៃជំងឺផ្តាសាយបក្សី។

ផ្ទុយទៅវិញ តម្លៃសម្លៀកបំពាក់បានធ្លាក់ចុះ ខណៈការជួល និងថ្លៃដើមទាក់ទងនឹងលំនៅដ្ឋានផ្សេងទៀត បានកើនឡើង ៤,៤% ធៀបនឹងឆ្នាំមុន ស្របពេលអាហារ និងថាមពលចេញ មានការកើនឡើង ០,៤% ក្នុងខែមករា ដែលត្រូវបានចាត់ទុកថាជាការកើនឡើងក្នុងល្បឿនលឿនបំផុតមិនធ្លាប់ គិតចាប់តាំងពីខែមីនាឆ្នាំមុនមក៕

The post អាមេរិក ប្រឈមមុខនឹងអតិផរណាកើនឡើងខ្លាំង ចំពេលមានវិធានការពន្ធរបស់លោក ត្រាំ​ appeared first on .

ក្រសួងហិរញ្ញវត្ថុរបស់ប្រទេសចិន កាលពីសប្តាហ៍មុនបាននិយាយថា ខ្លួននឹងយកពន្ធចំនួន ១៥% លើការនាំចូលធ្យូងថ្មរបស់សហរដ្ឋអាមេរិក។ ជុំវិញផែនការនេះ ត្រូវបានក្រុមមន្ត្រីជាច្រើន និយាយថា វានឹងអាចជំរុញឲ្យអ្នកក្រុមហ៊ុនរុករករ៉ែរបស់សហរដ្ឋអាមេរិក ផ្លាស់ប្តូរគោលដៅរបស់ខ្លួន ដោយធ្វើការដឹកជញ្ជូនមកកាន់ប្រទេសឥណ្ឌាជំនួសវិញ ខណ:ប្រទេសនេះ ត្រូវបានចាត់ទុកថាជាអ្នកនាំចូលធ្យូងថ្មធំជាងគេទីពីររបស់ពិភពលោក បន្ទាប់ពីប្រទេសចិន។

លោក Vasudev Pamnani នាយកក្រុមហ៊ុន I-Energy Natural Resources របស់ប្រទេសឥណ្ឌា បាននិយាយថា នាវាដឹកធ្យូងថ្មរបស់សហរដ្ឋអាមេរិកចំនួន ៣ គ្រឿងដែលសន្មត់ថាត្រូវដឹកជញ្ជូនទៅកាន់ប្រទេសចិន បែរជាបានប្តូរទិសដៅមកចុះចតនៅប្រទេសឥណ្ឌាជំនួសវិញ ហើយនាវាដឹកធ្យូងថ្មប្រហែល ១០ ទៀតកំពុងផ្លាស់ប្តូរគោលដៅរបស់ពួកគេ ផងដែរ។

ទន្ទឹមនឹងនេះ លោក Malcolm Roberts ប្រធានផ្នែកទីផ្សារនៃក្រុមហ៊ុនរុករករ៉ែធ្យូងថ្មដ៏ធំបំផុតរបស់សហរដ្ឋអាមេរិក Peabody Energy បាននិយាយនៅក្នុងសន្និសិទជាមួយអ្នកវិភាគកាលពីសប្តាហ៍មុនថា ធ្យូងថ្មរបស់សហរដ្ឋអាមេរិកកាន់តែច្រើនអាចនឹងត្រូវដឹកទៅកាន់ប្រទេសឥណ្ឌា ស្របពេលធ្យូងថ្មអូស្ត្រាលីជាច្រើន អាចដឹកទៅកាន់ប្រទេសចិន ដោយសារតែផែនការពន្ធគយថ្មីរបស់រដ្ឋភិបាលទីក្រុងប៉េកាំង។

ជម្រាបជូនថា យោងតាមទិន្នន័យគយរបស់ចិន បានបង្ហាញឲ្យថា សហរដ្ឋអាមេរិកមានចំណែកទីផ្សារ ៩% នៃទីផ្សារធ្យូងថ្មសរុបនៅក្នុងប្រទេសចិន ក្នុងឆ្នាំ២០២៤ ខណៈពេលដែលអូស្ត្រាលីមាន ៨% នៃការនាំចូលធ្យូងថ្មទាំងអស់៕

The post ការនាំចេញធ្យូងថ្មរបស់អាមេរិក ទៅឥណ្ឌា ទំនងកើនឡើងខ្លាំង ដោយសារផែនការពន្ធគយរបស់ចិន appeared first on .

កាលពីថ្ងៃទី៣ ខែកុម្ភៈកន្លងទៅ លោក ត្រាំ បានសរសេរនៅលើប្រព័ន្ធផ្សព្វផ្សាយសង្គមផ្លូវការរបស់ខ្លួនថា លោកនឹងពន្យាពេលកំណត់សម្រាប់ផែនការដំឡើងពន្ធនាំចូលលើប្រទេសម៉ិកស៊ិកមួយខែ បន្ទាប់ពីប្រទេសនេះ​ បានយល់ព្រមរឹតបន្តឹងការគ្រប់គ្រងព្រំដែនភាគខាងជើងរបស់ខ្លួន ដើម្បីបញ្ឈប់ការរត់ពន្ធ ជាពិសេសសារធាតុញៀនហ្វែនតានីល (Fentanyl) ចូលទៅក្នុងទឹកដីសហរដ្ឋអាមេរិក។

មិនតែប៉ុណ្ណោះ ប្រធានាធិបតីម៉ិកស៊ិក លោកស្រី ក្លាឌីអា ហ្សាញបាម (Claudia Sheinbaum) បាននិយាយថា កិច្ចព្រមព្រៀងនេះក៏រួមបញ្ចូលទាំងការប្តេជ្ញាចិត្តរបស់សហរដ្ឋអាមេរិក ក្នុងការទប់ស្កាត់ការរត់ពន្ធអាវុធទៅកាន់ប្រទេសម៉ិកស៊ិកផងដែរ។ មេដឹកនាំទាំងពីរបាននិយាយគ្នាតាមទូរស័ព្ទ កាលពីថ្ងៃទី៣ ខែកុម្ភៈ ពោលគឺនៅត្រឹមតែប៉ុន្មានម៉ោងប៉ុណ្ណោះ មុនពេលផែនការដំឡើងពន្ធរបស់អាមេរិក លើម៉ិកស៊ិក ចិន និងកាណាដាចូលជាធរមាន។

ទន្ទឹមនឹងនេះ លោក ត្រាំ បាននិយាយថា ប្រទេសទាំងពីរនឹងពិភាក្សាអំពីបញ្ហាកាន់តែស៊ីជម្រៅផ្សេងៗបន្ថែមទៀត ក្នុងអំឡុងការផ្អាកយកពន្ធរយ:ពេលមួយខែនោះ។

ដោយឡែក នាយករដ្ឋមន្ត្រីកាណាដា លោក ចាស្ទីន ទ្រូដូ (Justin Trudeau) ក៏បានប្រកាសផងដែរថា សហរដ្ឋអាមេរិក នឹងពន្យារពេលចំពោះការដំឡើងពន្ធនាំចូលលើប្រទេសរបស់លោករយៈពេលមួយខែដូចគ្នា។ លោកបានសង្កត់ធ្ងន់ទៀតថា ប្រទេសកាណាដានឹងដាក់ពង្រាយបច្ចេកវិទ្យាទំនើបៗ និយោធាបន្ថែមទៀតនៅតាមព្រំដែនជាមួយសហរដ្ឋអាមេរិក ដើម្បីបញ្ឈប់ការរត់ពន្ធសារធាតុញៀន fentanyl ។

ជម្រាបជូនផងដែរថា សេចក្តីប្រកាសនេះទៀតសោត បានកើតឡើងត្រឹម២ថ្ងៃប៉ុណ្ណោះ បន្ទាប់ពីលោក ត្រាំ បានសម្រេចដាក់ពន្ធ ២៥% លើទំនិញពីប្រទេសម៉ិកស៊ិក និងកាណាដា ដោយលើកឡើងពីក្តីបារម្ភអំពីការធ្វើអន្តោប្រវេសន៍ខុសច្បាប់ និងការជួញដូរគ្រឿងញៀន ស្របពេលប្រទេសចិនឯណោះវិញ ក៏ទទួលរងនូវការដំឡើងពន្ធ ១០% លើទំនិញទាំងអស់របស់ពួកគេ ពីសំណាក់រដ្ឋាភិបាលអាមេរិក ផងដែរ៕

The post អាមេរិក សម្រេចពន្យារពេលដំឡើងពន្ធទៅលើម៉ិកស៊ិក និងកាណាដា រយ:ពេល ១ខែសិន appeared first on .

លោក ស៊ី បាននិយាយអំពីទំនាក់ទំនងចិន-អាមេរិក នៅពេលជួបជាមួយប្រធានស្ថាប័នហិរញ្ញវត្ថុពហុភាគីនៅទីក្រុងប៉េកាំងថា សង្រ្គាមពន្ធ សង្គ្រាមពាណិជ្ជកម្ម និងសង្រ្គាមបច្ចេកវិទ្យា ដែលប្រឆាំងទៅនឹងនិន្នាការប្រវត្តិសាស្រ្ត និងច្បាប់សេដ្ឋកិច្ច រវាងប្រទេសទាំងពីរ នឹងមិនមានអ្នកឈ្នះទេ។

ទន្ទឹមនឹងនេះ លោក ស៊ី បានបន្ថែមទៀត៖ “ប្រទេសចិន នៅតែមានឆន្ទៈរក្សាការសន្ទនាជាមួយរដ្ឋាភិបាលសហរដ្ឋអាមេរិកជានិច្ច ដើម្បីពង្រីកកិច្ចសហប្រតិបត្តិការ គ្រប់គ្រងភាពខុសគ្នា និងជំរុញការអភិវឌ្ឍទំនាក់ទំនងចិន-អាមេរិក ក្នុងទិសដៅរក្សាស្ថិរភាព ទំនាក់ទំនងល្អ និងនិរន្តរភាព”។

ជុំវិញការលើកឡើងរបស់មេដឹកនាំកំពូលចិនបែបនេះ បានកើតឡើង បន្ទាប់ពីលោក ដូណាល់ ត្រាំ បានប្រកាសសង្គ្រាមពាណិជ្ជកម្មដ៏ក្តៅគគុកជាមួយចិន ដោយចោទប្រកាន់ពីការលួចកម្មសិទ្ធិបញ្ញា និងការអនុវត្តដោយអយុត្តិធម៌ ផ្សេងទៀត។

មិនតែប៉ុណ្ណោះ លោក ត្រាំ បានសន្យាថានឹងដំឡើងពន្ធកាន់តែខ្ពស់លើប្រទេសចិន បន្ទាប់ពីការស្បថចូលកាន់តំណែងជាប្រធានាធិបតីអាមេរិកផ្លូវការ នៅខែក្រោយ ខណៈពេលដែលរដ្ឋាភិបាលទីក្រុងប៉េកាំង កំពុងប្រឈមនឹងការរង្គោះរង្គើផ្នែកសេដ្ឋកិច្ចរបស់ខ្លួន ចាប់តាំងពីជំងឺរាតត្បាតកូវីដ-១៩ ផ្ទុះឡើង៕

The post លោក ស៊ី ជិនពីង ​ព្រមានថានឹងគ្មានអ្នកណាឈ្នះឡើយ ក្នុងសង្គ្រាមពាណិជ្ជកម្មរវាងចិន និងអាមេរិក appeared first on .

គោលដៅក្នុងការដាក់ទណ្ឌកម្មកាលពីថ្ងៃព្រហស្បតិ៍នោះ ក៏មានបុរសជនជាតិតួកគីលោក Berk Turken និងក្រុមហ៊ុនរបស់គាត់ផងដែរ ដោយត្រូវបានគេចោទប្រកាន់ថា មានទំនាក់ទំនងនឹងចារកម្មរុស្ស៊ី។ ក្នុងនោះ នាយកដ្ឋានរតនាគារក៏បាននិយាយថា បណ្តាញរបស់លោក Turken បានរៀបចំការទូទាត់ទឹកប្រាក់ និងរៀបចំការដឹកជញ្ជូនយ៉ាងលម្អិត ដើម្បីធ្វើយ៉ាងណាជៀសផុតពីការដាក់ទណ្ឌកម្ម និងអាចបញ្ជូនទំនិញពីតួកគីទៅកាន់ប្រទេសរុស្ស៊ីបាន។

ម្យ៉ាងវិញទៀត ក្រុមហ៊ុនរបស់អារ៉ាប់រួមមួយចំនួនត្រូវបានចោទប្រកាន់ថា បានដឹកជញ្ជូនឧបករណ៍អាកាសចរណ៍ ម៉ាស៊ីនសម្រាប់ទទួលទិន្នន័យ និងឧបករណ៍ជាច្រើនទៀត ក៏ត្រូវបានសហរដ្ឋអាមេរិកដាក់ទណ្ឌកម្មផងដែរ ខណៈក្រុមហ៊ុន ARX Financial Engineering ដែលមានមូលដ្ឋាននៅ UAE ក៏ត្រូវបានគេដាក់ទណ្ឌកម្មដូចគ្នា ក្រោមការចោទប្រកាន់ពាក់ព័ន្ធរឿងស្វែងរកមធ្យោបាយ ប្តូររូបិយប័ណ្ណរុស្ស៊ី ទៅជាប្រាក់ដុល្លារអាមេរិក តាមរយៈធនាគារជាប់ទណ្ឌកម្ម VTB Bank ។

រដ្ឋមន្ត្រីក្រសួងរតនាគារអាមេរិក លោកស្រី Janet Yellen បាននិយាយថា៖ ប្រទេសរុស្ស៊ីពឹងផ្អែកលើបុគ្គល និងអង្គភាពនៃប្រទេសទីបី ដែលមានឆន្ទៈក្នុងការផ្គត់ផ្គង់ឧបករណ៍យោធា ដើម្បីបន្តសង្រ្គាមដ៏សាហាវតទល់នឹងអ៊ុយក្រែន ហើយយើងនឹងមិនស្ទាក់ស្ទើរ ក្នុងការធ្វើឱ្យពួកគេទទួលខុសត្រូវឡើយ ។

លោកស្រីបានបានបន្ថែមថា ទណ្ឌកម្មដែលត្រូវបានសម្រេចនៅថ្ងៃនេះ បង្ហាញពីការប្តេជ្ញាចិត្តបន្ថែមទៀតរបស់យើង ដើម្បីបន្តការរំខានរាល់តំណភ្ជាប់នៃខ្សែសង្វាក់ផ្គត់ផ្គង់ឧបករណ៍យោធាទៅកាន់រុស្ស៊ី ហើយយើងនឹងផ្តោតទៅលើអង្គភាព ឬជនណាដែលគាំទ្រដល់កិច្ចខិតខំប្រឹងប្រែងសង្គ្រាមរបស់រុស្ស៊ី។

គួរបញ្ជាក់ផងដែរថា ទណ្ឌកម្មដែលបានដាក់ដោយការិយាល័យគ្រប់គ្រងទ្រព្យសកម្មបរទេសរបស់ក្រសួងរតនាគារ សំដៅលើក្រុមហ៊ុនជាឈ្មូញកណ្តាល និងបុគ្គលដែលត្រូវបានចោទប្រកាន់ថា ជួយទីក្រុងម៉ូស្គូក្នុងការទិញឧបករណ៍ដែលត្រូវការនៅសមរភូមិ រួមទាំងអ្នកផ្គត់ផ្គង់ និងអ្នកដឹកជញ្ជូន។ លើសពីនេះ ក្រសួងការបរទេស​ក៏បាន​ដាក់​ទណ្ឌកម្ម​ផ្នែក​ការទូត ​លើ​ផលិតកម្ម​ថាមពល​ ​លោហៈ និង​រ៉ែ​របស់រុស្ស៊ីផងដែរ៕

The post អាមេរិកប្រកាសដាក់ទណ្ឌកម្មលើបុគ្គល និងក្រុមហ៊ុនមួយចំនួន ដែលជាប់ពាក់ព័ន្ធជួយជ្រំជ្រែងរុស្ស៊ី appeared first on .