យោងតាមទីភ្នាក់ងារព័ត៌មាន BBC បានរាយការណ៍នៅថ្ងៃទី២៩ ខែមីនានេះថា បុគ្គលិកយោធាអាម៉េរិក ១២ នាក់បានរងរបួស ដែលពីរនាក់រងរបួសធ្ងន់ធ្ងរ ក្នុងការវាយប្រហារមិនធ្លាប់មានរបស់អ៊ីរ៉ង់នេះក៏បានបណ្តាលឲ្យមានយ៉ាងហោចណាស់យន្តហោះចាក់ប្រេងរបស់សហរដ្ឋអាម៉េរិកពីរគ្រឿងក៏ត្រូវបានខូចខាតផងដែរ។

យន្តហោះ E-3 Sentry ដែលគេស្គាល់ជាទូទៅថា AWACS (Airborne Warning and Control System) គឺជា «ភ្នែកនៅលើមេឃ»ដ៏សំខាន់បំផុតសម្រាប់សហរដ្ឋអាម៉េរិក និងអង្គការ NATO។ E-3 Sentry គឺយន្តហោះបញ្ជាការដែលមានប្រព័ន្ធរ៉ាដាដ៏ធំ (Rotating Radar Dome) ដែលមានអង្កត់ផ្ចិត ៩.១ ម៉ែត្រ នៅពីលើតួខ្លួនយន្តហោះ សមត្ថភាពរ៉ាដា អាចតាមដានគោលដៅនៅលើអាកាស និងលើផ្ទៃទឹកក្នុងចម្ងាយជាង ៤០០ គីឡូម៉ែត្រ វាអាចបែងចែករវាងយន្តហោះសត្រូវ និងយន្តហោះសម្ព័ន្ធមិត្តបានយ៉ាងច្បាស់ វាក៏ដើរតួជា «ប៉មបញ្ជាចរាចរណ៍អាកាសចល័ត» ដោយអាចបញ្ជាយន្តហោះចម្បាំងផ្សេងទៀតឱ្យចូលវាយប្រហារគោលដៅ។ វាបានបើកប្រតិបត្តិការដំបូងនៅឆ្នាំ ១៩៧២ យន្តហោះនេះធ្លាប់ប្រើប្រាស់ក្នុងសង្គ្រាមដូចជានៅអាហ្វហ្គានីស្ថាន និងអ៊ីរ៉ាក់ជាដើម វាក៏ត្រូវបានប្រើប្រាស់ដើម្បីការពារដែនអាកាសសហរដ្ឋអាម៉េរិក បន្ទាប់ពីព្រឹត្តិការណ៍ថ្ងៃទី១១ ខែកញ្ញា ២០០១ ផងដែរ៕

The post អ៊ីរ៉ង់បាញ់ទម្លាក់យន្តហោះបញ្ជាការអាម៉េរិកតម្លៃ ២៧០លានដុល្លារ appeared first on .

លោក ត្រាំ បានសង្គត់ធ្ងន់ថាលោកបានប្រាប់លោក នេតាយ៉ាហ៊ូ ថាកុំធ្វើបែបនោះហើយលោកនឹងមិនធ្វើបែបនោះទេទៀតទេ ។ លោក ត្រាំ ក៏បានបញ្ជាក់ទៀតថា លោកមិនមានគម្រោងដាក់ពង្រាយកងកម្លាំងជើងគោកទេ។

ទន្ទឹមគ្នានេះ នាយករដ្ឋមន្រ្តីអ៊ីស្រាអែល លោក នេតាយ៉ាហ៊ូ បានបញ្ជាក់ទៅវិញថា អ៊ីស្រាអែលបានធ្វើសក​ម្មភាពតែម្នាក់ឯងក្នុងការទម្លាក់គ្រាប់បែកលើវាលឧស្ម័ន South Pars របស់អ៊ីរ៉ង់ ហើយបន្តថាលោក​នឹងធ្វើតាមការស្នើរសុំរបស់លោក ត្រាំ៕

The post លោក ត្រាំ ប្រាប់ឱ្យអ៊ីស្រាអែលកុំវាយប្រហារលើថាមពលរបស់អ៊ីរ៉ង់បន្តទៀត ព្រោះអ៊ឺរ៉ង់បានកម្ទេចកន្លែងស្តុកប្រេងរបស់អាម៉េរិកជាច្រើនតំបន់ appeared first on .

ថ្មីៗនេះ លោក ត្រាំ បានអំពាវនាវឱ្យអឺរ៉ុប និងមហាអំណាចពិភពលោក រួមមាន ចិន បារាំង ជប៉ុន កូរ៉េខាងត្បូង និងអង់គ្លេស បញ្ជូននាវាចម្បាំងទៅកាន់តំបន់មជ្ឈិមបូព៌ា​ ដើម្បីការពារនាវាដឹកជញ្ជូនប្រេង នៅច្រកសមុទ្រហ័រមូស។

ក្នុងចំណោមប្រទេសទាំងនោះ រដ្ឋមន្ត្រីការពារជាតិជប៉ុន លោក ស៊ីនជីរ៉ូ កូអ៊ីហ្សូមី (Shinjiro Koizumi) បានលើកឡើងថា ការបញ្ជូនកម្លាំងស្វ័យការពារទៅក្រៅប្រទេស គឺជាបញ្ហានយោបាយដ៏រសើបបំផុតសម្រាប់ប្រទេសជប៉ុនដែលប្រកាន់យកគោលការណ៍សន្តិភាពនិយម។

លោកបានសង្កត់ធ្ងន់ថា ជប៉ុនមានសមត្ថភាពយោធា មាននាវាចម្បាំង និងមានបច្ចេកវិទ្យាគ្រប់គ្រាន់ដើម្បីបញ្ជូនទៅជួយអាម៉េរិក ប្រសិនបើចង់ធ្វើ តែ«លទ្ធភាពផ្នែកបច្ចេកទេស» និងការសម្រេចចិត្តថាតើ«គួរធ្វើឬមិនគួរ» ក្រោមស្ថានភាពបច្ចុប្បន្ន គឺជារឿងពីរដាច់ដោយឡែកពីគ្នា។

ស្របពេលជាមួយគ្នានេះ រដ្ឋមន្ត្រីក្រសួងដឹកជញ្ជូនអូស្ត្រាលី អ្នកស្រី កាធើរីន ឃីង (Catherine King) ក៏បានបញ្ជាក់ ដែរថា អូស្ត្រាលីនឹងមិនបញ្ជូននាវាទៅកាន់ច្រកសមុទ្រ Hormuz នោះទេ ដោយលោកស្រីយល់ឃើញថា វាមិនមែនជាកិច្ចការដែលអូស្ត្រាលីត្រូវចូលរួមចំណែកក្នុងពេលនេះឡើយ។

គួរបញ្ជាក់ថា ការបដិសេធមិនចូលរួមប្រតិបត្តិការយោធារបស់ប្រទេសទាំងពីរ បានធ្វើឱ្យរដ្ឋបាលលោក ត្រាំ កាន់តែឯកោ។ ជំហរនេះបង្ហាញពីភាពរកាំរកូសក្នុងសម្ព័ន្ធភាព និងការព្រួយបារម្ភថាការប្រើកម្លាំងបាយនឹងធ្វើឱ្យសង្គ្រាមមជ្ឈិមបូព៌ាកាន់តែរីករាលដាលខ្លាំង៕

The post ជប៉ុន និងអូស្ត្រាលី បដិសេធបញ្ជូននាវាចម្បាំងទៅកាន់ច្រកសមុទ្រ Hormuz តាមការស្នើរបស់លោក ត្រាំ appeared first on .

អាម៉េរិក បានចេញអាជ្ញាប័ណ្ណដែលមានសុពលភាព៣០ថ្ងៃសម្រាប់ប្រទេសនានាក្នុងការទិញប្រេង និងផលិតផលប្រេងកាតរបស់រុស្ស៊ីដែលកំពុងជាប់គាំងនៅលើសមុទ្រ។ ការលើកទណ្ឌកម្មលើប្រេងរុស្ស៊ីមួយពេលខ្លីនេះ ត្រូវបានដាក់ចេញមួយថ្ងៃបន្ទាប់ពីក្រសួងថាមពលអាម៉េរិកប្រកាសបញ្ចេញប្រេង១៧២លានបារ៉ែលពីឃ្លាំងបម្រុងយុទ្ធសាស្ត្រ សំដៅទប់ស្កាត់តម្លៃប្រេងដែលកើនឡើងខ្ពស់បន្ទាប់ពីសង្គ្រាមនៅអ៊ីរ៉ង់។

តាមបណ្ដាញសង្គម X នៅថ្ងៃទី១២ ខែមីនា លោក Scott Bessent រដ្ឋមន្ត្រីរតនាគារអាម៉េរិកបញ្ជាក់ថា ការផ្ដល់អាជ្ញាបណ្ណទិញប្រេងរុស្ស៊ីនេះ ត្រូវបានគន់គូរច្បាសលាស់ ហើយរៀបចំឡើងសម្រាប់រយៈពេលខ្លីប៉ុណ្ណោះ និងមិនផ្ដល់ប្រយោជន៍ហិរញ្ញវត្ថុច្រើនដល់រុស្ស៊ីដែរ។ តែលោកក៏អះអាងវិញថា អ្វីដែលកើតឡើងដូចជាការរាំងស្ទះការផ្គត់ផ្គង់ប្រេងនៅពេលបច្ចុប្បន្ន នឹងផ្ដល់ប្រយោជន៍ធំនៅពេលក្រោយ។ 

លោកបានបញ្ជាក់បន្ថែមថា «ការកើនឡើងតម្លៃប្រេងបណ្ដោះអាសន្ន គឺមានរយពេលខ្លី និងជាការរំខានបណ្ដោះអាសន្ន ដែលនឹងផ្ដល់ផលប្រយោជន៍ធំធេងដល់ប្រទេស និងសេដ្ឋកិច្ចយើងនៅរយៈពេលវែង»។

បើតាមក្រសួងរតនាគារអាម៉េរិក អាជ្ញាបណ្ណខាងលើ គ្របដណ្ដប់ប្រេងកាត និងផលិតផលធ្វើពីប្រេងដែលមានលើកប៉ាល់ត្រឹមថ្ងៃទី១២ ខែមីនា និងមានសុពលភាពដល់ពាក់កណ្ដាលយប់ថ្ងៃទី១១ ខែមេសា ម៉ោងនៅវ៉ាស៊ីនតោន។ មុនការអនុញ្ញាតទូទៅនេះ អាម៉េរិកផ្ដល់ភ្លើងបៃតងឲ្យឥណ្ឌាមុនគេដើម្បីទិញប្រេងរុស្ស៊ីកាលពីថ្ងៃទី៥ ខែមីនា។

គូសបញ្ជាក់ថា ប្រេងរុស្ស៊ីប្រមាណ១២៣លានបារ៉ែល កំពុងជាប់គាំងលើសមុទ្រនៅតាមទីតាំង៣០។ បរិមាណនេះ អាចទ្រទ្រង់ការផ្គត់ផ្គង់៥ថ្ងៃទៅ៦ថ្ងៃ៕

The post អាម៉េរិក ទុកពេល៣០ថ្ងៃឲ្យប្រទេសនានាទិញប្រេងរុស្ស៊ីជាប់គាំងនៅសមុទ្រ appeared first on .

រដ្ឋមន្រ្តីក្រសួងថាមពលអាម៉េរិក លោក Chris Wright បានលើកឡើងនៅឯរោងចក្រឧស្ម័នធម្មជាតិ ក្នុងរដ្ឋ Colorado ថា ទុនបម្រុងប្រេងយុទ្ធសាស្រ្តរបស់សហរដ្ឋអាម៉េរិក ដែលទុកនៅឆ្នេរសមុទ្រ Texas និង Louisiana មានផ្ទុកប្រេង ៤១៥លានបារ៉ែល គឺច្រើនជាងអ្វីដែលពិភពលោកទាំងមូល កំពុងប្រើប្រាស់ក្នុងរយៈពេល ៤ថ្ងៃ។

រដ្ឋមន្រ្តីក្រសួងថាមពលរូបនេះបន្ថែមថា សហរដ្ឋអាម៉េរិកមានជម្រើសផ្សេងទៀត ដូចជាអនុញ្ញាតដល់ការលក់ប្រេងបន្ថែមទៀតរបស់រុស្ស៉ី ដែលផ្ទុកក្នុងនាវាដឹកប្រេងជាប់ទណ្ឌកម្ម នៅលើដែនទឹកអាស៉ី។

គួរបញ្ជាក់ថា ទោះតម្លៃប្រេងបានធ្លាក់ចុះមកនៅក្រោម ៩០ដុល្លារក្នុងមួយបារ៉ែលវិញនៅថ្ងៃអង្គារ៍នេះ ក្រោយមានការប្រជុំមេដឹកនាំG7ក្នុងការពិភាក្សាលើការនាំចេញប្រេងផ្គត់ផ្គង់ទីផ្សារអន្តរជាតិឡើងវិញ៕

The post អាម៉េរិក គ្រោងលក់ប្រេងពីស្តុកយុទ្ធសាស្រ្តរបស់ខ្លួន appeared first on .

ចំពោះលោក ត្រាំ បានថ្លែងសំដៅលើកន្លែងស្តុកសារធាតុអ៊ុយរ៉ាញ៉ូម កាលពីយប់ថ្ងៃសៅរ៍ នៅលើយន្តហោះ Air Force One ថា «ពួកគេមិនទាន់អាចចូលទៅដល់ទីតាំងនោះបានទេ ហើយនៅពេលណាមួយ ប្រហែលជាយើងនឹងធ្វើវា។»

យ៉ាងណាក៏ដោយ មន្រ្តីអាម៉េរិក នៅតែសម្ដែងពីទំនុកចិត្តរបស់ខ្លួន ចំពោះទីតាំងស្តុកអ៊ុយរាញ៉ូមរបស់អ៊ីរ៉ង់នេះ។ ប៉ុន្តែទន្ទឹមនឹងនេះ ក៏មានការលើកឡើងថា បើតាមព័ត៌មានផ្ទៃក្នុង អាម៉េរិកហាក់មិនសូវមានភាពប្រាកដប្រជាចំពោះទីតាំងស្តុកអ៊ុយរាញ៉ូមរបស់អ៊ីរ៉ង់នោះទេ។

សូមបញ្ជាក់ថា គោលបំណងមួយក្នុងចំណោមគោលបំណងនានា ក្នុងការវាយប្រហារលើអ៊ីរ៉ង់ គឺការកម្ចាត់រាល់សមត្ថភាពរបស់សាធារណរដ្ឋអ៊ីស្លាមក្នុងការផលិតអាវុធនុយក្លេអ៊ែរ។ ប៉ុន្តែការវាយប្រហារលើមូលដ្ឋានអាតូមិករបស់ប្រទេសអ៊ីរ៉ង់ កាលពីឆ្នាំមុន បានធ្វើឱ្យកិច្ចការតាមដានសារធាតុអ៊ុយរ៉ាញ៉ូម មានភាពស្មុគស្មាញកាន់តែខ្លាំងឡើង៕

The post អាម៉េរិក គ្រោងបើកប្រតិបត្តិការពិសេសរឹបអូសយកសារធាតុអ៊ុយរ៉ាញ៉ូមរបស់អ៊ីរ៉ង់ appeared first on .

តួលេខនេះ ត្រូវបានទម្លាយអំឡុងពេលពិភាក្សាក្នុងសភាកាលពីចុងសប្តាហ៍ ដែលក្រុមមន្ត្រីការពារជាតិជាន់ខ្ពស់ក៏បានចង្អុលបង្ហាញផងដែរថា មូលនិធិបន្ថែមនឹងត្រូវបានទាមទារដើម្បីរក្សាប្រតិបត្តិការ និងបំពេញស្តុកដែលអស់។

យ៉ាងណាម៉ិញ គោលដៅអ៊ីរ៉ង់ប្រហែល៤.០០០ កន្លែង ត្រូវបានវាយប្រហារ រួមទាំងជើងទម្របាញ់មីស៊ីល នាវាកងទ័ពជើងទឹក និងប្រព័ន្ធការពារដែនអាកាសផងដែរ ដែលធ្វើឲ្យសមត្ថភាពយោធារបស់ទីក្រុងតេអេរ៉ង់ធ្លាក់ចុះយ៉ាងខ្លាំង។

យោងតាមឧត្តមនាវីឯក Brad Cooper ប្រធានបញ្ជាការកណ្តាលសហរដ្ឋអាម៉េរិក (CENTCOM) បានឱ្យដឹងថា ការបាញ់មីស៊ីលផ្លោងរបស់អ៊ីរ៉ង់បានធ្លាក់ចុះ ៩០% ចាប់តាំងពីថ្ងៃដំបូងនៃការប្រយុទ្ធ ខណៈការវាយប្រហារដោយយានដ្រូនបានធ្លាក់ចុះ ៨៣%។

យ៉ាងណាក៏ដោយ ប្រទេសនេះនៅតែមានឃ្លាំងអាវុធដ៏គួរឱ្យខ្លាច រួមទាំងកម្មវិធីមីស៊ីលផងដែរ។ អ៊ីរ៉ង់ ក៏បានសងសឹកដោយការបាញ់ស្រោចដាក់គោលដៅលើមូលដ្ឋានយោធា អគារការទូត និងកងកម្លាំងអាមេរិកទូទាំងតំបន់ ព្រមទាំងទីក្រុងជាច្រើនរបស់អ៊ីស្រាអែល៕

The post អាម៉េរិក ចាយលុយប្រហែល ៦ពាន់លានដុល្លារវាយប្រហារអ៊ឺរ៉ង់ ក្នុងសប្តាហ៍ដំបូង appeared first on .

កូនប្រុសទី២របស់លោក Ali Khamenei ​បានក្លាយជាមេដឹកនាំកំពូលអ៊ីរ៉ង់ទី៣ ចំពេលភ្លើងសង្គ្រាមជាមួយសហរដ្ឋអាមេរិកនិងអ៊ីស្រាអ៊ែលកាន់តែរីករាលដាលយ៉ាងសន្ធោសន្ធៅ ក្រោយឪពុករបស់ខ្លួនត្រូវបានបាត់បង់ជីវិត។

បើតាមរបាយការណ៍ ក្រុមប្រឹក្សាអ្នកជំនាញអ៊ីរ៉ង់ ដែលមានសមាជិក៨៨រូប បានបោះឆ្នោតគាំទ្រលើសពី៥៩សំឡេង ជ្រើសរើសបុរសវ័យ៥៦ឆ្នាំម្នាក់នេះ យ៉ាងប្រញាប់ប្រញាល់តាមរយៈប្រព័ន្ធអនឡាញ ដោយសារស្ថានភាពសង្គ្រាម និងការវាយប្រហារតាមអាកាសពីសំណាក់អាម៉េរិក និងអ៊ីស្រាអែល។

យ៉ាងណា ប្រធានាធិបតីអាម៉េរិកបានប្រកាសភ្លាមៗថា លោក Mojtaba Khamenei គឺជាមេដឹកនាំដែល «មិនអាចទទួលយកបាន» ខណៈលោកធ្លាប់និយាយហើយថា មេដឹកនាំថ្មីរបស់អ៊ីរ៉ង់ត្រូវតែមានការយល់ព្រមពីអាម៉េរិក បើមិនដូច្នោះទេ នឹងមិនអាចកាន់តំណែងបានយូរអង្វែងឡើយ។

មិនត្រឹមប៉ុណ្ណឹង មុននេះ ត្រាំក៏ប្រកាសហើយដែរថា លោកចង់ចូលរួមក្នុងការជ្រើសរើសមេដឹកនាំកំពូលថ្មី​​​របស់​អ៊ីរ៉ង់ ព្រោះលោកចង់បង្កើតឲ្យមានថ្នាក់ដឹកនាំថ្មីដែល​ធ្វើមិត្ត​ជាមួយអាម៉េរិក នៅក្នុងប្រព័ន្ធគ្រប់គ្រងរបស់ទីក្រុងតេហេរ៉ង់។

ជាមួយគ្នានេះ អ៊ីស្រាអែល ក៏ធ្លាប់ប្រកាសក្តែងៗថា មេដឹកនាំរូបណាក៏ដោយ ឲ្យតែអ៊ីរ៉ង់តែងតាំងដើម្បីបន្តផែនការកម្ទេចអ៊ីស្រាអែល គំរាមកំហែងសហរដ្ឋអាម៉េរិក និងពិភពលោកសេរី ក៏ដូចជាបណ្ដាប្រទេសនៅក្នុងតំបន់និងធ្វើបាបប្រជាជនអ៊ីរ៉ង់ នោះនឹងក្លាយជាគោលដៅកម្ចាត់ចោល។ មិនថាបុគ្គលនោះមានឈ្មោះអ្វី ឬលាក់ខ្លួននៅទីណានោះទេ៕

The post កូនប្រុសរបស់លោក Khamenei ត្រូវបានតែងតាំងជាមេដឹកនាំកំពូលអ៊ីរ៉ង់ appeared first on .