អូន ដាវ

អូន ដាវ ប្រកាសរើសជំនួយការផ្ទាល់ខ្លួន ៦នាក់ អាទិភាពសម្រាប់អ្នកមានចិត្តស្មោះ

ឧកញ៉ាដែនដី — Fri, 07 Oct 2022 03:29:00 +0000

អូន ដាវ ថៅកែស្រីវ័យក្មេង និងជាសហគ្រិនដ៏ស្រស់ស្អាត ព្រមទាំងមានទេពកោសល្យម្នាក់ ដែលជាម្ចាស់ហាងនំ The Cake ដ៏ល្បីល្បាញមួយនៅក្នុងប្រទេសកម្ពុជា កាលពីថ្ងៃព្រហស្បតិ៍ម្សិលមិញនេះ បានប្រកាសជ្រើសរើសជំនួយការផ្ទាល់ខ្លួនចំនួនប្រាំទៅប្រាំមួយនាក់ និងផ្តល់អាទិភាពសម្រាប់អ្នកមានទឹកចិត្តស្មោះត្រង់ និងបេះដូងស្អាតបាត។

នាយិកាសាលាធ្វើនំ ឈ្មោះថា “សាលានំ – Salanum” រូបនេះ បានបង្ហោះសារលើទំព័រហ្វេសប៊ុកថា៖ “ពេលថ្មីៗនេះ ខ្ញុំទើបតែបញ្ចប់ការសិក្សាបន្ថែមលើជំនាញដេគ័រនំ ហើយមានបំណងចង់បានជំនួយការផ្ទាល់ខ្លួន ៥-៦នាក់ (ពេញម៉ោង) ដែលស្រលាញ់ការដេគ័រនំ និងមានបំណងចង់រួមដំណើរជាមួយគ្នាយូរៗតទៅ អាទិភាពសម្រាប់អ្នកទឹកចិត្តស្មោះត្រង់ និងបេះដូងស្អាតបាត។ មានចំណាប់អារម្មណ៍ សូមដាក់ CV ឱ្យបានមុនខែ វិច្ឆិកា នេះ”។

គួររំលឹកផងដែរថា សហគ្រិនតូច ម៉ៅ សាលីន ហៅ អូនដាវ មានកំណើតនៅលើទឹកដីខេត្តបាត់ដំបងនៃទឹកដីដងស្ទឹងសង្កែរ ហើយដោយអំណាចនៃការស្រលាញ់លើនំខេកខ្លាំង ក្មេងស្រីតូចរូបនេះក៏សម្រេចចិត្តចេញរកស៊ីទាំងវ័យក្មេង បង្កើតហាងនំខេកនៅខេត្តបាត់ដំបងរីកចម្រើន រហូតឈានជើងបោះជំហានចូលក្រុងភ្នំពេញ។ សព្វថ្ងៃនេះអាជីវកម្មរបស់ដាវ គឺកំពុងតែទទួលបានការគាំទ្រយ៉ាងខ្លាំងពីអតិថិជនជាមួយនឹងរសជាតិ តម្លៃ និងការរចនាដ៏ទាក់ទាញ៕

The post អូន ដាវ ប្រកាសរើសជំនួយការផ្ទាល់ខ្លួន ៦នាក់ អាទិភាពសម្រាប់អ្នកមានចិត្តស្មោះ appeared first on .

អូនដាវផ្តល់ឱកាសពិសេស បើកការបង្រៀនធ្វើនំវគ្គខ្លី រយៈពេល ១០ ថ្ងៃ

Kem sinath — Thu, 06 Oct 2022 03:49:59 +0000

ថ្មីៗនេះ អូនដាវ ដែលជានាយិកាសាលាធ្វើនំ ឈ្មោះថា “សាលានំ – Salanum” បានផ្តល់ឧកាសពិសេសសម្រាប់អ្នកដែលមានបំណងចង់រៀនធ្វើនំ ដូចជា នំបុ័ង នំខេក ដេគ័រ រចនានំជាដើម ។

ដែលសិក្សាក្នុងរយៈពេល ១០ ថ្ងៃ ដោយមានប្រម៉ូសិនពិសេស ពី ១៤៥៣ ដុល្លារ មកនូវត្រឹមតែ ៧៧៧ ដុល្លារ តែប៉ុណ្ណោះ ចាប់ពីថ្ងៃទី ០៤ ខែ តុលា ឆ្នាំ ២០២២ រហូត ដល់ថ្ងៃទី ១៥ ខែ តុលា ។ ដែលចូលសិក្សានៅថ្ងៃទី ០២ វិច្ឆិកា ឆ្នាំ ២០២២ រហូតដល់ ថ្ងៃទី ១១ វិច្ឆិកា ។

ការសិក្សាក្នុងរយៈពេល ១០ ថ្ងៃទទួលបាននូវអត្ថប្រយោជន៍ថ្នាក់ ៣ ធំៗ ដូចខាងក្រោម

១. ថ្នាក់នំខេក

សម្រាប់អ្នកមិនទាន់ចេះសោះ៖ ទទួលបានរៀនពី រូបមន្តសាច់នំ ដុត និងវៃគ្រីម ទ្រឹស្តីមូលដ្ឋាននៃវិធីធ្វើនំពី A-Z តិចនិច គន្លឹះ និងរបៀបនៃការបៀកនំតាមស្តង់ដារ គន្លឹះសំខាន់ៗ របៀបដេគ័រនំ និងការបាញ់គ្រីម(លំដាប់មូលដ្ឋាន ) ។

២. ថ្នាក់ដេគ័រខេកជំនាញ

ថ្នាក់នេះទទួលបាន៖ គ្រូជំនាញមកពីក្រៅប្រទេស តិចនិច និងគន្លឹះនៃវិធីដេគ័រនំលក្ខណៈ Pro ការចាក់ផ្កាគ្រីម ការឌីសាញម៉ូដ រ៉ូប កូនក្រមុំ (ពីគ្រីម) សូននំរូបសត្វ (គ្រីម ) ដើមផ្កាអរគីដេ ឈរ គូររូបតុក្កតា ។

៣. ថ្នាក់នំបុ័ង

ទទួលបាន ៖ អនុវត្តផ្ទាល់ Baguette បំបែកចេញបានដូចជា Country bread, Levain Bread, Walnut & Nut bread, Sesame Bread & Sun flower, Bak-Yong Bread អនុវត្តផ្ទាល់ទៅលើសាច់នំទន់ Soft Roll, Burger បំបែកចេញបានដូចជា hot dog bun, milk bread, brioche bread, Taiwan bun Free Video Lesson និយាយខ្មែរជាក់ៗច្បាស់ៗ ៥ មុខ រួមមាន គ្រ័រសង់ធម្មតា គ្រ័រស្រង់អាល់ម៉ុន គ្រ័រសង់ សូកូឡា គ្រ័រសង់តយ គ្រ័រសង់ស្នូលពងមាន់ ។

គួរឲ្យដឹងដែរថា យុវតីវ័យក្មេង អូនដាវ ជាថៅកែស្រីវ័យក្មេង ក្រៅពីជាម្ចាស់ហាង The Cake ក៏ជាសហគ្រិនដ៏ស្រស់ស្អាតមួយរូប មានហាងនំខេកជាច្រើនកន្លែង ទាំងនៅរាជធានីភ្នំពេញ និង ខេត្ត។ លើសពីនេះ អូនដាវក៏ជាអ្នកនិពន្ធសៀវភៅ ” មួយរយនំ ” ផងដែរ ៕

សូមមើលវីដេអូខាងក្រោម

The post អូនដាវផ្តល់ឱកាសពិសេស បើកការបង្រៀនធ្វើនំវគ្គខ្លី រយៈពេល ១០ ថ្ងៃ appeared first on .

ថៅកែស្រី អូន ដាវ បុកធ្វើការទាំងថ្ងៃទាំងយប់ បន់អោយ១ថ្ងៃលើសពី២៤ម៉ោង

ឧកញ៉ាដែនដី — Fri, 01 Jul 2022 13:26:29 +0000

អូន ដាវ ថៅកែស្រីវ័យក្មេង និងជាសហគ្រិនដ៏ស្រស់ស្អាត កំពុងមានភាពមមាញឹក និងរវល់ខ្លាំងលើអាជីវកម្មហាងនំ The Cake របស់ខ្លួន ដែលពេលខ្លះខិតខំធ្វើការទាំងថ្ងៃទាំងយប់ នៅតែមានអារម្មណ៍ថាមិនទាន់រួចរាល់ និងចង់ឱ្យមួយថ្ងៃ មានលើសពី ២៤ម៉ោង។

ម្ចាស់ហាងនំ The Cake រូបនេះ បានបង្ហោះសារលើហ្វេសប៊ុក នៅរសៀលថ្ងៃសុក្រនេះថា៖ “ធ្លាប់អត់? បុកធ្វើការទាំងយប់ទាំងថ្ងៃ បន់អោយ១ថ្ងៃលើសពី២៤ម៉ោង ហើយធ្វើៗ រហូតដល់ធ្វើហើយអស់ អត់អស់ចិត្ដ រសាប់រសល់ចេះតែគិតថាតិចអត់រួចរាល់ (Ready) នេះ តិចអត់រួចរាល់នោះ! របៀបថាពេលបុកធ្វើហ្នឹងអត់មានពេលដេកអត់មានពេលដើរហេ៎ ដល់ហើយដូចដេកលែងលក់ ដើរលែងកើតវិញមេច…អាហ្នឹងគេហៅ ញៀន ឬក៏ជក់? បងប្អូនថាមើល៎”។

យុវតីវ័យក្មេង ទើប២២ឆ្នាំ អូន ដាវ មានហាងនំខេកជាច្រើនកន្លែង ទាំងនៅរាជធានី និងខេត្ត។ ក្រៅពីម្ចាស់ហាង អូន ដាវ ក៏ជានាយិកាសាលាធ្វើនំមួយឈ្មោះថា “សាលានំ – Salanum” និងជាអ្នកនិពន្ធសៀវភៅធ្វើនំ “១រយនំ” ផងដែរ៕

The post ថៅកែស្រី អូន ដាវ បុកធ្វើការទាំងថ្ងៃទាំងយប់ បន់អោយ១ថ្ងៃលើសពី២៤ម៉ោង appeared first on .

វ័យសុទ្ធតែនៅក្មេងៗ សហគ្រិន ៧រូបជោគជ័យបង្កើតទ្រព្យរាប់សិបម៉ឺនដុល្លារ

ឧកញ៉ាកោះក្របី — Tue, 05 Apr 2022 04:58:46 +0000

សហគ្រាសខ្នាតតូច និងមធ្យមនៅកម្ពុជាកំពុងតែកើនឡើង ដោយមានការចូលរួមយ៉ាងច្រើនពីសហគ្រិនវ័យក្មេងរបស់កម្ពុជា ដែលមានគំនិតច្នៃប្រឌិត និងធ្វើជំនួញ។ រដ្ឋាភិបាលកម្ពុជា ធ្លាប់បានលើកឡើងថា អាជីវកម្មផ្តួចផ្តើមថ្មី startup គឺជាសរសៃឈាមរបស់សេដ្ឋកិច្ចជាតិ។

សារព័ត៌មានឧកញ៉ាញូស៍ សូមមិននិយាយដល់អ្នកជំនួញជើងចាស់គ្រាក់ៗ មានអាណាចក្រជំនួញទ្ទង់លានដុល្លារនោះទេ ព្រោះពួកគេមានបទពិសោធន៍ជ្រៅជ្រះរួចមកហើយ។ បច្ចុប្បន្នយុវវ័យក្មេងៗអាយុមិនលើស ៣០ឆ្នាំផង ពួកគាត់ចាប់ផ្តើមមានឆន្ទៈចង់ចេញរកសុី ខណៈអ្នកមួយចំនួនទទួលជោគជ័យ។

យុវសហគ្រិនទាំងនោះត្រូវបានចាត់ទុកជាកោសិការសេដ្ឋកិច្ចមួយជួយជំរុញការវិនិយោគ បង្កើតឪកាសការងារឱ្យពលរដ្ឋជាច្រើនម៉ឺនកន្លែងដើម្បីផ្គត់ផ្គង់ជីវភាព និងកាត់បន្ថយភាពក្រីក្រ។

ថ្ងៃនេះឧកញ៉ាញូស៍ សូមណែនាំឲ្យស្គាល់នូវយុវសហគ្រិនឆ្នើម ៧រូប កំពុងជោគជ័យក្នុងមុខជំនួញ និងមានកេរ្តិ៍ឈ្មោះល្បាញល្បីនាពេលបច្ចុប្បន្ន។ លើសពីនេះ ក៏ជាម៉ូដែល ឬ Idol ជាគំរូដល់យុវវ័យផ្សេងៗទៀត ឲ្យមានចិត្តស្រឡាញ់ និងចាប់ផ្ដើមចង់ចេញរកស៊ីបង្កើតទ្រព្យ។

១.លោក លួន អានចំណេះ

គឺជាសហគ្រិនវ័យក្មេងម្នាក់ប្រចាំនៅខេត្តសៀមរាប ដែលបានបង្កើត និងគ្រប់គ្រងភោជនីយដ្ឋានចំនួនពីរកន្លែង សណ្ឋាគារប៉ូទិកចំនួនពីរកន្លែង និងហាងកាហ្វេដែលមានបណ្ណាល័យអានសៀវភៅក្នុងនោះមួយកន្លែងទៀត។

លោកជាសមាជិកក្រុមប្រឹក្សាភិបាលក្រុមហ៊ុន AMATAKE INNOVEST CO LTD និងជាអនុប្រធានសមាគមសហគ្រិនវ័យក្មេងកម្ពុជា។

២.កញ្ញា ដាវ

ជាអ្នកជំនួញស្រ្តីវ័យក្មេងបំផុតនៅកម្ពុជា ដែលចាប់ផ្តើមអាជីវកម្មដំបូងតាំងពីខ្លួននៅជាសិស្សវិទ្យាល័យ រហូតប្រែខ្លួនមកជាម្ចាស់អាជីវកម្ម The Cake ដ៏ពេញនិយមល្បីល្បាញក្នុងចំណោមយុវវ័នាពេលបច្ចុប្បន្ន។ Dav បានបើកសាលាបង្រៀនធ្វើនំដល់យុវវ័យជំនាន់ក្រោយ ដើម្បីសម្រេចក្តីសុបិនរបស់ខ្លួនដែលចង់ប្រឡូកក្នុងវិស័យនេះ។

មិនតែប៉ុណ្ណោះថ្មីៗនេះ នាយិកាសាលានំវ័យក្មេងរូបនេះ ទើបតែសម្ភោធចេញសៀវភៅទី១របស់ខ្លួន ដែលមានចំណងជើងថា “១រយនំ” ថែមទៀតផង។ សៀវភៅ “១រយនំ” នេះ ចងក្រងរូបមន្ដនៃនំ១រយក្បួនជាភាសាខ្មែរ ដែលប្រមូលផ្ដុំសុទ្ធសឹងតែជាប្រភេទនំ ដែលចាំបាច់និងមានការទទួលស្គាល់ច្រើន ថែមទាំងមានភាពងាយស្រួលខ្លាំងក្នុងការអនុវត្តតាមរយៈការអាន តម្រូវគ្រប់វ័យគ្រប់និស្ស័យ ។

៣.ឧកញ៉ា ជា តុងហ៊ួរ

លោកជាយុវសហគ្រិនក្មេងមិនដល់ ៣០ឆ្នាំផង គិតត្រឹមឆ្នាំ២០២២នេះ ប៉ុន្តែជាយុវវ័យឆ្នើមពោរពេញដោយសមត្ថភាពក្នុងការដឹកនាំធុរកិច្ច បណ្តុះបណ្តាលមនុស្សរាប់សែននាក់នាប៉ុន្មានឆ្នាំចុងក្រោយនេះ។ មិនតែប៉ុណ្ណោះលោកក៏ជាអ្នករកសុីក្នុងវិស័យអចលនទ្រព្យដែលទទួលបានជោគជ័យផងដែរ។

លោកទើបតែត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារជាឧកញ៉ា កាលពីឆ្នាំ២០២១កន្លងទៅ។

ឧកញ៉ាវ័យក្មេង ជា តុងហ៊ួរ ជា Co-Founder & Chief Marketing Officer ក្រុមហ៊ុន Khmer Express Realty Co., Ltd និងជាម្ចាស់សៀវភៅ Mind Map។

៤.កញ្ញា ថូង ធីតា

គឺជាសហគ្រិនស្រ្តីឆ្នើម នៃសហគ្រាសផលិតអំបិលធម្មជាតិ ក្នុងខេត្តកំពត ថូង អ៊ិនធឺប្រៃស៍ (Thaung Enterprise) ធ្លាប់ទទួលបានពានរង្វាន់ សហគ្រិនវ័យក្មេងកម្ពុជាកាលពីឆ្នាំ២០១៨ និងជាម្ចាស់ ពានរង្វាន់លេខ២ សហគ្រិនថ្នាក់ជាតិ ឆ្នាំ២០២០។

តាមរយៈយីហោ អំបិលកំពត ថូង ធីតា និងយីហោថ្មី ឈ្នោះ អំបិល ជលសា កញ្ញាបានចេញលក់តាមបណ្តាលទីផ្សារទំនើបនាពេលបច្ចុប្បន្ន និងក្រៅប្រទេសផងដែរ។

កញ្ញា ថូង ធីតា ធ្លាប់បានបញ្ជាក់ប្រាប់សារព័ត៌មានក្នុងស្រុកថា ចក្ខុវិស័យរបស់ Thaung Enterprise គឺធ្វើយ៉ាងណាឲ្យប្រជាពលរដ្ឋខ្មែរទាំងអស់ ទាំងអ្នកតាក់តែងច្បាប់អ្នកប្រើប្រាស់ ពិសេសម្ចាស់ភោជនីយដ្ឋាន ឬក៏ម្ចាស់អាជីវកម្មផ្សេងៗ យល់នឹងឲ្យតម្លៃទៅលើអំបិលធម្មជាតិនៅក្នុងខេត្តកំពត ដែលមានទាំងគុណភាព និងអត្ថប្រយោជន៍ដល់សុខភាពរបស់អ្នកទទួលទាន។

៥.ស៊ិន ច័ន្ទកន្និកា

យុវតីរូបនេះ ទើបតែរៀនចប់ថ្នាក់ទី១២ ថ្មីៗ ខណៈដែលបច្ចុប្បន្នកំពុងក្លាយជាអ្នកជំនួញអនឡាញទាំងវ័យក្មេង។ ក្រោយបើកដំណើរការក្រុមហ៊ុននាំចូលផលិតផលមកពីប្រទេសថៃ កញ្ញា ស៊ិន ច័ន្ទកន្និកា បានប្រើយុទ្ធសាស្ត្រជាច្រើន ធ្វើអោយផលិតផលដែលបាននាំចូលដោយផ្ទាល់ទទួលការចាប់អារម្មណ៍ពីតំណាងចែកចាយ និង មានទីផ្សារគាំទ្រគួរអោយកត់សម្គាល់នៅលើទីផ្សារអនឡាញ។

អាជីវកម្មរបស់នាង ក៏ជួយអោយស្ត្រីមួយចំនួនដែលមានបញ្ហាប្រឈមក្នុងការរកចំណូលក្នុងសម័យកូវីតរីករាលដាលខ្លាំងនេះ មានលំនឹងសេដ្ឋកិច្ច ក្រោយធ្វើជាតំណាងចែកចាយនោះផង។

នាងថា ផលិតផលដូចគ្នាដែលនាងនាំចូលមិនខ្វះនោះទេ ប៉ុន្តែសម្រាប់ផលិតផលដែលមានគុណភាពពិតប្រាកដមិនមានច្រើនទេ ទើបធ្វើអោយក្រុមហ៊ុន Pinika Cosmitic ដែលនាងបង្កើតឡើងមានភាពរីកចំរើនលឿន។

៦.កញ្ញា អោកចាន់ សិរីរ័ត្ន

នាងជានាយកប្រតិបត្តិវ័យក្មេង ក្រុមហ៊ុន Camfield trading ដែលជាអ្នកឯកទេសសាងសង់ទីលានកីឡាគ្រប់ប្រភេទដូចជា ទីលានបាល់ទាត់ ហ្វូតសាល បាល់ទះ បាល់បោះ។

ក្រុមហ៊ុន Camfield ជាក្រុមហ៊ុនកម្ពុជាដំបូងគេដែលមានស្តង់ដារអន្តរជាតិ ដែលទទួលស្គាល់ដោយសហព័ន្ធអន្តរជាតិនៃសមាគមកីឡាបាល់ទាត់ (FIFA) ក្នុងឆ្នាំ 2015 ដោយផ្អែកលើសមិទ្ធិផលក្នុងវិស័យកីឡានៅក្នុងប្រទេសកម្ពុជាចាប់តាំងពីឆ្នាំ ២០១២។ ហើយ Camfield ក៏ទទួលបាននូវកិច្ចព្រមព្រៀងលើកដំបូងជាមួយសហព័ន្ធកីឡាបាល់ទាត់កម្ពុជាក្នុងការសាងសង់ទីលានបាល់ទាត់ពហុកីឡដ្ឋានជាតិអូឡាំពិក ខែឧសភា ឆ្នាំ២០១៥។

៧.កញ្ញា មូល មន្នីនិច

ជានាយិកាក្រុមហ៊ុន Herbal agriculture មានចំណូលចិត្តសិក្សាស្រាវជ្រាវឱសថបុរាណខ្មែរ តាំងពីនៅវ័យក្មេងដែលចាប់ផ្តើម ស្រាវជ្រាវតាំងពីឆ្នាំ ២០១៤ កញ្ញា មូល មន្នីនិច បានរកឃេីញថ្នាំរុក្ខជាតិខ្មែរកម្ចាត់មុនយ៉ាងមានប្រសិទ្ធភាពហេីយល្បីខ្លាំងមែនទែននៅក្នុងបណ្តាញសង្គម Facebook។

កញ្ញាថ្លែងថា «ខ្ញុំធ្លាប់ឆ្លងកាត់ការលំបាកត្រូវគេធ្វេីបាបនិងរងការរិះគន់ រាប់មិនអស់បើកាលនោះខ្ញុំបោះបង់ចោលពាក់កណ្ដាលទីច្បាស់ជាគ្មានខ្ញុំដូចថ្ងៃនេះទេ។ ពេលនេះមានអ្នកវិនិយោគចិនចង់សហការនាំចេញផលិតផលខ្ញុំនៅកាន់ប្រទេសចិនពីព្រោះគាត់និយាយថាមុន ខូង ពិបាកព្យាបាលណាស់សូមរក្សារូបមន្តអោយបានល្អ។ ខ្ញុំកំពុងរៀបចំខ្លួនពង្រីកផលិតផលខ្មែរទៅប្រទេសចិននិងពិភពលោកទាំងមូល»៕

The post វ័យសុទ្ធតែនៅក្មេងៗ សហគ្រិន ៧រូបជោគជ័យបង្កើតទ្រព្យរាប់សិបម៉ឺនដុល្លារ appeared first on .

យុវតីអាយុទើបតែ២១ឆ្នាំ ក្លាយជានាយិកាសាលា ចេះនិពន្ធសៀវភៅ មានអាជីវកម្មជាច្រើនក្នុងដៃ

ជំទាវឧកញ៉ាស្រីទីន — Tue, 21 Dec 2021 06:57:55 +0000

យុវតីវ័យក្មេងម្នាក់មានអាយុទើបតែ២១ឆ្នាំ បានក្លាយជានាយិកាសាលា ថែមទាំងចេះនិពន្ធសៀវភៅ និងមានអាជីវកម្មជាច្រើននៅក្នុងដៃ។

លោកអ្នកប្រហែលជាធ្លាប់ស្គាល់ថៅកែស្រីវ័យក្មេង ដាវ ដែលកញ្ញាគឺជាសហគ្រិនដ៏ស្រស់ស្អាត និងមានទេពកោសល្យម្នាក់ដែលជាម្ចាស់ហាងនំ The Cake ដ៏ល្បីនៅស្រុកខ្មែរ។ សព្វថ្ងៃនេះ ដាវ ជានាយិកាសាលាបង្រៀនជំនាញធ្វើនំមួយ ដែលកំពុងល្បីល្បាញមានការគាំទ្រច្រើនពីសំណាក់បងប្អូនពូមីងមកទទួលសិក្សាជំនាញធ្វើនំ។

កញ្ញាណែនាំចាំបាច់ត្រូវតែមាន១ក្បាលនៅក្នុងចង្រាន្ដ” ~ សៀវភៅ “១រយនំ” របស់សាលានំ។

គួររំលឹកផងដែរថា ដាវ ដែលស្គាល់ថាជាថៅកែតូច ក្រៅពីពោរពេញដោយឆន្ទៈចែករំលែកយុវតីវ័យ ២១ឆ្នាំរូបនេះ ក៏មានភាពជោគជ័យខ្លាំងលើអាជីវកម្មហាងនំខេកដែលមានឈ្មោះថា ដឹខេក ដែលមានសរុប 12 សាខា នៅរាជធានីនិងខេត្ត ក៏ដូចជាមានមុខជំនួញក្នុងដៃជាច្រើនទៀតដូចជា TheCake Factory ផ្គត់ផ្គង់និងបោះដុំនំបុ័ងក្នុងទីក្រុងភ្នំពេញទៅកាន់ហាងកាហ្វេ ភោជនីយដ្ឋាន សណ្ឋាគារ និង TheCake Warehouse បោះដុំចែកចាយនិងផ្គត់ផ្គង់សម្ភារៈនិងគ្រឿងផ្សំផលិតនំ នំបុ័ងគ្រប់ប្រភេទ រួមទាំង TheWedding Cake ដែលមានលក់និងជួលនំអាពាហ៍ពិពាហ៍សំរាប់កម្មវិធីមង្គលទៀតផង។

អ្វីដែលគួរអោយភ្ញាក់ផ្អើលនិងស្ញប់ស្ញែង នោះគឺយុវតីរូបនេះមានបទពិសោធន៍លើការធ្វើអាជីវកម្មរយៈពេល ៥-៦ឆ្នាំមកហើយ ដែលត្រូវបានគេដឹងថាកញ្ញាចាប់ផ្ដើមពីការលក់នំខួបកំណើតតាមអនឡាញនិងដឹកដល់កន្លែង ។

The post យុវតីអាយុទើបតែ២១ឆ្នាំ ក្លាយជានាយិកាសាលា ចេះនិពន្ធសៀវភៅ មានអាជីវកម្មជាច្រើនក្នុងដៃ appeared first on .

CEO The Cake៖ វិស័យនំ ជាវិស័យដែលគួរឲ្យស្រលាញ់ បើអ្នកទាំងអស់គ្នាស្រលាញ់ គឺគ្មានអ្វីខុសនោះទេ

ឧកញ៉ាកោះក្របី — Tue, 09 Nov 2021 01:05:20 +0000

សាលានំ បានបើកវគ្គបណ្ដុះបណ្ដាលធ្វើនំ នៅថ្ងៃទី៨ ខែវិច្ឆិកា ឆ្នាំ២០២១ ដែលមានសិស្សជាច្រើនបានចូលរួម ខណៈការបណ្ដុះបណ្ដាល ក៏នឹងទទួលបានចំណេះដឹង បទពិសោធន៍ រួមទាំងអត្ថប្រយោជន៍ជាច្រើនពីម្ចាស់សាលានំនេះតែម្តង។

ម្ចាស់សាលានំ និងជា CEO ស្រ្តីវ័យក្មេងល្បីឈ្មោះ ដាវ បានឲ្យដឹងថា៖ ការបើកបង្រៀននិងទទួលចុះឈ្មោះ វគ្គ៤ ~Salanum IV_Focus Class~
ជាថ្នាក់លម្អិតសម្រិតសម្រាំង ដែលផ្ដោតសំខាន់បំផុតទៅលើលទ្ធផលជូនសិស្សពិតប្រាកដ បូករួមជាមួយបរិយាកាសថ្នាក់បែប Fancy និង Elegant ដែលផ្ដល់អារម្មណ៍ល្អ មានផាសុកភាពដល់សិស្សដែលមកសិក្សា និង អនុវត្តន៍ផ្ទាល់ក្នុងថ្នាក់រៀន ។

បើតាម CEO ជាសហគ្រិនដ៏ស្រស់ស្អាតប្រកបដោយចក្ខុវិស័យវែងឆ្ងាយជាមួយនឹងទេពកោសល្យ The Cake សាលានំ គឺបណ្តុះបណ្តាលជាមួយគុណភាពពិត សមត្ថភាពពិត ក្ដីស្រម៉ៃក្លាយជាការពិត ហើយយើងតែងប្រកាន់ភ្ជាប់នូវស្លោកថា “រើសសាលារៀននំ រើសសាលានំ”។

CEO The Cake បញ្ជាក់ថា៖ “ការធ្វើនំ គឺផ្តើមមកពីការស្រលាញ់ ដូច្នេះវិស័យនំ ជាវិស័យដែលគួរឲ្យស្រលាញ់ បើអ្នកទាំងអស់គ្នាស្រលាញ់ គឺគ្មានអ្វីខុសនោះទេ”។

គួររម្លឹកជូនថា ថ្មីៗនេះ កញ្ញា ក៏បានប្រកាសផ្ដល់ឱកាសសម្រាប់អ្នកដែលយកចិត្តទុកដាក់នឹងការងារក៏ដូចជាចូលចិត្តនឹងមុខជំនួញនំខេក ដោយជ្រើសរើសសិស្ស ១០ ឬ ១៥ នាក់ទៀតលើការបណ្តុះចំណេះជំនាញដែលហៅថា Special squad ។ ក្រុមពិសេសនេះគឺនឹងទទួលបានការហ្វឹកហាត់ការងារ រយៈពេលមួយខែពេញព្រមទាំងទទួលបានប្រាក់ខែ ២០០ ដុល្លារ ហើយ ON File រយៈពេលមួយឆ្នាំ។

ការបណ្ដុះបណ្ដាលនេះនឹងបង្រៀនទាំងការរៀបចំហាង ការធ្វើនំខេក ការគ្រប់គ្រងហាង ហើយនិងការធ្វើទីផ្សារលក់ផងដែរ និយាយរួមទៅគឺបង្ហាត់បង្រៀនជំនាញទាំងអស់ទាក់ទងទៅនិងហាងនំខេកតែម្ដង។ បន្ទាប់ពីទទួលបានការបណ្ដុះបណ្ដាល ក៏នឹងទទួលបាន ចំណេះដឹង បទពិសោធន៍ រួមទាំងអត្ថប្រយោជន៍ជាច្រើនពីសហគ្រិនជោគជ័យស្រ្តីវ័យក្មេងរូបនេះផងដែរ៕

The post CEO The Cake៖ វិស័យនំ ជាវិស័យដែលគួរឲ្យស្រលាញ់ បើអ្នកទាំងអស់គ្នាស្រលាញ់ គឺគ្មានអ្វីខុសនោះទេ appeared first on .

តោះមករៀនជំនាញធ្វើនំខេក ពីម្ចាស់ហាងនំខេកល្បីឈ្មោះ ថែមទាំងបានប្រាក់ខែ ២០០ ដុល្លារទៀត

ជំទាវឧកញ៉ាស្រីទីន — Thu, 04 Nov 2021 09:45:07 +0000

សហគ្រិនស្រ្តីវ័យក្មេងក្នុងមុខជំនួញនំខេកផ្ដល់ឱកាសជោគជ័យដល់សិស្សប្អូនៗដែលចូលចិត្តខាងមុខជំនួញនំខេក។

ថៅកែស្រីវ័យក្មេង អូន ដាវ គឺជាសហគ្រិនដ៏ស្រស់ស្អាតនិងមានទេពកោសល្យម្នាក់ដែលជាម្ចាស់ហាងនំ The Cake ដ៏ល្បីល្បាញមួយនៅក្នុងប្រទេសកម្ពុជា កំពុងប្រកាសផ្ដល់ឱកាសសម្រាប់អ្នកដែលយកចិត្តទុកដាក់នឹងការងារក៏ដូចជាចូលចិត្តនឹងមុខជំនួញនំខេក ដោយជ្រើសរើសសិស្ស ១០ ឬ ១៥ នាក់ទៀតលើការបណ្តុះចំណេះជំនាញដែលហៅថា Special squad ។ ក្រុមពិសេសនេះគឺនឹងទទួលបានការហ្វឹកហាត់ការងារ រយៈពេលមួយខែពេញព្រមទាំងទទួលបានប្រាក់ខែ 200 ដុល្លារ ហើយ on file រយៈពេលមួយឆ្នាំ។

ការបណ្ដុះបណ្ដាលនេះនឹងបង្រៀនទាំងការរៀបចំហាង ការធ្វើនំខេក ការគ្រប់គ្រងហាង ហើយនិងការធ្វើទីផ្សារលក់ផងដែរ និយាយរួមទៅគឺបង្ហាត់បង្រៀនជំនាញទាំងអស់ទាក់ទងទៅនិងហាងនំខេកតែម្ដង។ បន្ទាប់ពីទទួលបានការបណ្ដុះបណ្ដាល ក៏នឹងទទួលបាន ចំណេះដឹង បទពិសោធន៍ រួមទាំងអត្ថប្រយោជន៍ជាច្រើនពីសហគ្រិនជោគជ័យរូបនេះ ព្រោះ ដាវគឺជាសហគ្រិនស្ត្រីដ៏លេចធ្លោមួយរូបនាពេលបច្ចុប្បន្ន ដែលមានមានហាងលក់នំខេក The Cake ជាច្រើនសាខាទាំងនៅទីក្រុងភ្នំពេញនិងខេត្តបាត់ដំបង។

ក្រៅពីមានទទួលរៀបចំនំអាពាហ៍ពិពាហ៍គ្រប់ខ្នាតតូចធំទាំងអស់ ម្ចាស់ហាងវ័យក្មេងរូបនេះក៏មានរោងចក្រផលិតនំ The Cake Factory បោះដុំទូទាំងរាជធានីភ្នំពេញ ផ្គត់ផ្គង់នៅតាមហាងកាហ្វេ ម៉ាត និងហាងនំតូចៗផ្សេងទៀត ។ ដាវក៏ជាស្ថាបនិកសាលាបង្រៀនធ្វើនំដែលមានឈ្មោះថា សាលានំ-Salanum ផងដែរ ។ មិនតែប៉ុណ្ណោះរយះចុងក្រោយនេះក៏បង្កើតជា Showroom ថ្មីមួយទៀត ដែលធំជាងគេ ខ្ពស់ជាងគេ នៅកម្ពុជាទៀតផង។

The post តោះមករៀនជំនាញធ្វើនំខេក ពីម្ចាស់ហាងនំខេកល្បីឈ្មោះ ថែមទាំងបានប្រាក់ខែ ២០០ ដុល្លារទៀត appeared first on .