ក្នុងសន្និសីទសារព័ត៌មាន កាលពីថ្ងៃទី២០ ខែមករា បង្ហាញអំពីលទ្ធផលនៃដំណើរទស្សនកិច្ចរបស់សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៅប្រទេសបារាំង លោក ហ្សង់ ហ្វ្រង់ស័រ តាន់ មានប្រសាសន៍ថា «សម្ដេចធិបតី ហ៊ុន ម៉ាណែត បានដាក់ចេញជាសំណូមពរដល់ប្រធានាធិបតីបារាំង លោក ម៉ាក្រុង សូមបង្កើតមជ្ឈមណ្ឌលវប្បធម៌របស់បារាំងប្រចាំតំបន់ នៅលើទឹកដីកម្ពុជាតែម្ដង។ ការបង្កើតនេះធ្វើឡើងក្នុងគោលដៅធ្វើឲ្យកម្ពុជា ក្លាយជាថ្នាល់ ក្លាយជាស្ពាន ដើម្បីចម្លងការផ្សព្វផ្សាយ និងបណ្ដុះបណ្ដាលការទំនាក់ទំនងវប្បធម៌ល្អប្រសើររវាងបារាំង និងរវាងអាស៉ីអាគ្នេយ៍។ ជាមួយគ្នានោះ លោក ម៉ាក្រុង បានយល់ព្រមបំពេញតាមសំណើរបស់សម្ដេចធិបតី»។

លោកបន្តថា ថ្នាក់ដឹកនាំកំពូលៗរបស់បារាំងទាំងប្រធានាធិប តី ប្រធានព្រឹទ្ធសភា ប្រធានរដ្ឋសភា និងសម្បីតែអគ្គលេខាធិការនៃអង្គការ OIF សុទ្ធតែបញ្ជាក់ប្រាប់សម្ដេចធិបតីថា នឹងគាំទ្របេក្ខភាពរបស់កម្ពុជា ក្នុងការរៀបចំជំនួបកំពូល ហ្វ្រង់កូហ្វូនី នៅឆ្នាំ២០២៦ខាងមុខនេះ នៅលើទឹកដីកម្ពុជា។

ក្នុងពេលធ្វើសន្និសីទសារព័ត៌មានរួមគ្នាជាមួយប្រធានាធិបតីបារាំង នៅវិមាន Élysée សម្តេចធិបតី ហ៊ុន ម៉ាណែត បានបង្ហាញក្តីរំពឹងដែរថា តាមរយៈដំណើរទស្សនកិច្ចរបស់សម្តេចនឹងធ្វើឱ្យទំនាក់ទំនង និងកិច្ចសហប្រតិបត្តិការរវាងកម្ពុជា និងបារាំងកាន់តែល្អប្រសើរ។ លើសពីនេះ សម្តេចធិបតីក៏ចង់ឃើញកិច្ចសហប្រតិបត្តិការរវាងវិស័យឯកជននៃប្រទេសទាំងពីរកាន់តែរស់រវើកដើម្បីក្លាយជាចរន្តឈាមចិញ្ចឹមទំនាក់ទំនងកម្ពុជា-បារាំង៕

The post ប្រធានាធិបតី ម៉ាក្រុង យល់ព្រមសំណើរសម្តេចធិបតី ហ៊ុន ម៉ាណែត បង្កើតមជ្ឈមណ្ឌលវប្បធម៌បារាំងប្រចាំតំបន់ នៅលើទឹកដីកម្ពុជា appeared first on .

មុនចាប់ផ្តើមដំណើរបំពេញទស្សនកិច្ចផ្លូវការ និងកិច្ចប្រជុំសម្តេចធិបតី ហ៊ុន ម៉ាណែត និងលោក អេម៉ានុអែល ម៉ាក្រុង បានធ្វើសន្និសីទព័ត៌មាន​រួម​គ្នា។ ក្នុងសន្និសីទនោះប្រធានាធិបតីបារាំងបានរំលឹកពីតួនាទីបារាំង ក្នុងការស្វែងរកសុខសន្តិភាពនៅកម្ពុជា ក៏ដូចជាការផ្តល់ជំនួបសម្រាប់ការអភិវឌ្ឍន៍នៅកម្ពុជា។

សម្តេចធិបតី ហ៊ុន ម៉ាណែត លើកឡើងថា កម្ពុជាចងចាំជានិច្ចនូវតួនាទីរបស់បារាំង នៅក្នុងនាមជាស្ថាបនិក និងជាសហប្រធានសន្និសីទទីក្រុងប៉ារីស ស្តីពីកម្ពុជា ដែលនាំទៅការសម្រេចបាននូវកិច្ចព្រមព្រៀងទីក្រុងប៉ារីស នៅឆ្នាំ១៩៩១ ដែលជាការរួមចំណែកយ៉ាងសំខាន់របស់បារាំង នៅក្នុងការស្តារ និងអភិវឌ្ឍន៍សេដ្ឋកិច្ចជាតិតាំងពីពេលនោះមក។ តាមរយៈទីភ្នាក់ងារអភិវឌ្ឍន៍របស់បារាំង AFD បានធ្វើឱ្យកម្ពុជា ក្លាយទៅជាប្រទេសមានចំណូលមធ្យមកម្រិតទាបនៅឆ្នាំ២០១៥ និងស្ថិតនៅលើមាគ៌ាឆ្ពោះទៅប្រទេសមានចំណូលខ្ពស់ឆ្នាំ២០៥០។

សម្តេចធិបតីនាយករដ្ឋមន្រ្តីថ្លែងថា៖ «ក្នុងនាមប្រមុខរាជរដ្ឋាភិបាលថ្មី ខ្ញុំសូមបញ្ជាក់ពីជំហរយ៉ាងច្បាស់លាស់រប​ស់​កម្ពុជា នៅក្នុងការពូនជ្រុំ និងបន្តពង្រឹងពង្រីកនូវទំនាក់ទំនង សហប្រតិបត្តិការរវាងកម្ពុជា និងបារាំង។ ខ្ញុំសង្ឃឹមថា តាមរយៈដំណើរទស្សនកិច្ចផ្លូវការរបស់ខ្ញុំនៅពេលនេះ យើងទាំងពីរអាចជជែកគ្នានៅក្នុង​ការពង្រឹង​ពង្រីកទំនាក់ទំនងប្រទេសយើង អាចពិនិត្យលទ្ធភាពលើកតម្កើងកម្រិតនៃកិច្ចសហប្រតិបត្តិការ និងភាពជាដៃគូប្រទេសយើងទាំងពីរ»។

សម្តេចធិបតី ក៏បានគូសរំលេចពីសារៈសំខាន់នៃតួនាទីរបស់វិស័យឯកជននៃប្រទេសទាំងពីរផងដេរ។ សម្តេចបានលើកឡើងថា ទំនាក់ទំនងរវាងរដ្ឋ និងរដ្ឋ នៃប្រទេសទាំងពីរពិតជាមានសារៈសំខាន់ ហើយអ្វីដែល​ចាំបាច់ និងសំខាន់ដែរនោះ គឺទំនាក់ទំនងរវាងវិស័យឯកជន។ ជាពិសេសវិស័យឯកជនទាំងពីរ យើងអាចប្រដូចទៅនឹងឈាមក្រហមដែលអាចចិញ្ចឹមរាងកាយនៃទំនាក់ទំនងទ្វេភាគីកម្ពុជា-បារាំង។

សម្តេចធិបតីថ្លែងថា «អាចនិយាយបានដោយមោទនភាពថា ទំនាក់ទំនងរវាងវិស័យឯកជន និងឯកជនក្នុងផ្នែកវិនិយោគ និងពាណិជ្ជកម្មនៃប្រទេសទាំងពីរ បានកើនឡើងជាលំដាប់លើគ្រប់វិស័យ។ ក្នុងន័យនេះ ខ្ញុំចង់ឃើញថា ទំនាក់ទំនងផ្នែកវិនិយោគ និងពាណិជ្ជកម្មរបស់ប្រទេសទាំងពីរ កាន់តែមានការកើនឡើងនៅក្នុងទំហំទ្វេដង»។

ទន្ទឹមនឹងនេះសម្តេចធិបតីក៏បានបង្ហាញក្តីសង្ឃឹមថា ដំណើរទស្សនកិច្ចរបស់សម្តេចនៅបារាំងនាពេលនេះ ជាពិសេសជំនួបជាមួយឯកឧត្តមប្រធានាធិបតីនៅថ្ងៃនេះ នឹងអាចឱ្យយើងជជែកគ្នានៅក្នុងកិច្ចការងារ ដែលត្រូវបន្តទៅទៀតនៅក្នុងការពង្រឹងទំនាក់ទំនងរវាងកម្ពុជា និងបារាំង៕

The post សម្តេចធិបតី ហ៊ុន ម៉ាណែត៖ វិស័យឯកជនទាំងពីរអាចប្រដូចទៅនឹងឈាមក្រហមដែលអាចចិញ្ចឹមរាងកាយនៃទំនាក់ទំនងទ្វេភាគីកម្ពុជា-បារាំង appeared first on .

ការថ្លែងរបស់សម្តេចតេជោ ហ៊ុន សែន ធ្វើការនៅក្នុងសន្និសីទព័ត៌មានរួមគ្នានៅវិមានអេលីហ្សេ នាទីក្រុងបារីស កាលពីថ្ងៃទី១៣ ខែធ្នូ ឆ្នាំ២០២២ រវាងមេដឹកនាំនៃប្រទេសទាំងពីរ។

គួររម្លឹកថា កីឡាកររបស់បារាំងបានលើកពានដំបូង នៅដីខ្លួនឯង ក្រោយយកឈ្នះប្រេស៊ីលនៅវគ្គផ្ដាច់ព្រ័ត្រផុយ ៣-០ ក្នុង World Cup ឆ្នាំ ១៩៩៨។ កាលណោះ បារាំងត្រូវបានជ្រើសរើសជាប្រទេសម្ចាស់ផ្ទះដោយ FIFA ជាលើកទីពីរក្នុងប្រវត្តិសាស្ត្រនៃការប្រកួត ដោយបានយកឈ្នះប្រទេសម៉ារ៉ុកក្នុងដំណើរការដេញថ្លៃ។ 

ជ័យជម្នះនេះបានធ្វើឱ្យបារាំងលើកពាន World Cup ជាលើកដំបូង ដោយក្លាយជាក្រុមជម្រើសជាតិទី ៦ បន្ទាប់ពីអ៊ុយរូហ្គាយ អ៊ីតាលី អង់គ្លេស អាល្លឺម៉ង់ខាងលិច និងអាហ្សង់ទីន ដែលឈ្នះការប្រកួតនៅលើទឹកដីខ្លួនឯង។

សូមបញ្ជាក់ថា ការ​ប្រកួត​បាល់​ទាត់​ពិភពលោក (World Cup) ឆ្នាំ២០២២នេះ​កំពុង​ធ្វើ​ឡើង​នៅ​ក្នុង​រដូវ​រងា​នេះ ដែល​រៀបចំ​ឡើង​នៅ​ប្រទេស​កាតា និងជា​ការ​ប្រកួត​បាល់ទាត់​ពិភពលោក​ដំបូង​បង្អស់​នៅ​តំបន់​មជ្ឈិមបូព៌ា។

ប្រទេស​កាតា​បាន​ចំណាយ​ថវិកា​អស់​រាប់​ពាន់​លាន​ដុល្លារ​អាមេរិក​ដើម្បី​សាងសង់​កីឡដ្ឋាន​បើក​ចំហ​ចំនួន ៧ ដែល​បំពាក់​ដោយ​ម៉ាស៊ីន​ត្រជាក់ សម្រាប់​ការ​ប្រកួត​បាល់​ទាត់​ពិភពលោក​នេះ។ ការ​ប្រកួត​បាល់​ទាត់​ពិភពលោក​នេះ​ប្រព្រឹត្ត​ទៅ​រយៈពេល​ជិត​មួយ​ខែ​រហូត​ដល់​ថ្ងៃ​ទី ១៨ ខែ​ធ្នូ​ ឆ្នាំ២០២២នេះ៕

The post សម្តេច ហ៊ុន សែន ប្រាប់ប្រធានាធិបតីពីក្តីរំពឹងថា បារាំង នឹងលើកពានបាល់ទាត់ពិភពលោក World Cup appeared first on .

ក្នុងសន្និសីទនេះលោក ម៉ាក្រុង បានថ្លែងរម្លឹកអំពីការលើកស្ទួយ និងការការពារសន្តិភាពនៅកម្ពុជាកាលពីអតីតកាល ហើយក៏បានរំលឹកអំពីសុន្ទរកថារបស់លោកឧត្តមសេនីយ៍ ហ្សាល ដឺហ្គោល កាលពីឆ្នាំ១៩៦៦ នៅរាជធានីភ្នំពេញ ដែលអំពាវនាវឱ្យសហរដ្ឋអាមេរិក កុំពង្រីកសង្គ្រាមនៅឥណ្ឌូនចិន។ លោក ម៉ាក្រុង ក៏បានរម្លឹកឡើងវិញផងដែរ អំពីការចុះហត្ថលេខាលើកិច្ចព្រមព្រៀងទីក្រុងប៉ារីសក្នុងឆ្នាំ១៩៩១ ស្តីពីសន្តិភាពនៅកម្ពុជា ដើម្បីធានាអធិបតេយ្យភាព បូរណភាពទឹកដីរបស់កម្ពុជា សម្រាប់ការកសាងកម្ពុជាឡើងវិញ។

ទន្ទឹមនឹងរំលឹកអំពីការជួយជ្រោមជ្រែងដល់កម្ពុជាលើដំណើរស្វែងរកសន្តិភាពកាលពីអតីតកាលហើយនោះ ប្រធានាធិបតីបារាំង ក៏បានបង្ហាញការអរគុណ និងស្ញប់ស្ញែងចំពោះទឹកចិត្តរបស់សម្តេចតេជោ ក្នុងសង្គ្រាមនៅប្រទេសអ៊ុយក្រែន។

ប្រធានាធិបតី ម៉ាក្រុង បានគូសបញ្ជាក់យ៉ាងដូច្នេះ៖ «ខណៈដែលសង្គ្រាមកំពុងកើតឡើងនៅអឺរ៉ុប សម្តេចបានសម្រេចចិត្តអញ្ជើញមកទីក្រុងប៉ារីស ដើម្បីចូលរួមក្នុងសន្និសីទស្តីពីការគាំទ្រប្រជាពលរដ្ឋអ៊ុយក្រែន នៅក្នុងក្របខណ្ឌនៃការបន្តអនុវត្តសេចក្តីសម្រេចចិត្តរបស់អង្គការសហប្រជាជាតិ ដែលថ្កោលទោសការធ្វើទុកបុកម្នេញរបស់ប្រទេសរុស្ស៉ី និងដើម្បីការពារសន្តិភាពជានិរន្ត។ ខ្ញុំសូមអរគុណសម្តេចជាឱឡារិក»។

ជាមួយគ្នានេះ ប្រធានាធិបតីបារាំង ក៏បានគូសរំលេចផងដែរថា ការជួបជាមួយសម្តេចតេជោ ក៏អនុញ្ញាតឱ្យភាគីទាំងពីរអាចពិភាក្សាអំពីកិច្ចសហប្រតិបត្តិការក្នុងក្របខណ្ឌនៃយុទ្ធសាស្ត្រឥណ្ឌូប៉ាស៊ីហ្វិក។ ក្នុងសេចក្តីថ្លែងការណ៍ពេលធ្វើសន្និសីទព័ត៌មាននោះ លោក ម៉ាក្រុង ក៏បានផ្តល់ការកោតសរសើរកម្ពុជា ចំពោះការប្តេជ្ញាចិត្តក្នុងការប្រយុទ្ធប្រឆាំងការប្រែប្រួលអាកាសធាតុ។ លោកថ្លែងថា នេះជាគំរូដ៏គួរឱ្យកត់សម្កាល់របស់ប្រទេសមួយក្នុងការចាត់ចែងការអភិវឌ្ឍដ៏លឿន ដោយគិតគូរពីគោលនយោបាយថាមពលដ៏ល្អអស្ចារ្យ។

ក្នុងសន្និសីទព័ត៌មាននេះ សម្តេចតេជោ ហ៊ុន សែន ក៏បានឆ្លៀតថ្លែងអំណរគុណប្រទេសបារាំង ដែលបានចូលរួមចំណែកយ៉ាងសំខាន់ក្នុងដំណើរការកសាងសន្តិភាព និងការអភិវឌ្ឍប្រទេសកម្ពុជារហូតដល់បច្ចុប្បន្ន។ សម្តេចតេជោ ហ៊ុន សែន ក៏បានអរគុណលោកប្រធានាធិបតី ដែលរដ្ឋាភិបាលបារាំង ដែលទទួលប្រជាពលរដ្ឋខ្មែររត់ភៀសខ្លួនពីសង្គ្រាម និងពីរបបប្រល័យពូជសាសន៍ប៉ុលពត។

សម្តេចតេជោ បានគូសបញ្ជាក់ថា «ការរីកចម្រើនរបស់យើងមិនអាចកាត់ផ្តាច់ ចេញពីការជួយឧបត្ថម្ភទាំងឡាយរបស់បារាំងបានទេ»។

ក្នុងសន្និសីទព័ត៌មាននៅទីក្រុងបារីស ប្រទេសបារាំង សម្តេចតេជោ ហ៊ុន សែន នាយករដ្ឋមន្ត្រី បានបង្ហើបប្រាប់ប្រធានាធិបតីបារាំងអំពីការរកឃើញរូបសំណាកមិត្តភាពកម្ពុជា-បារាំង ហើយគ្រោងនឹងសាងសង់រូបសំណាកនោះឡើងវិញ នៅមុខស្ថានទូតបារាំងក្នុងរាជធានីភ្នំពេញ។ បើតាមសម្តេចតេជោ រូបសំណាកនេះត្រូវបានប្រទះឃើញ៣ថ្ងៃមុន ដំណើរសម្តេចតេជោទៅកាន់ប្រទេសបារាំង។ រូបសំណាកនេះ ត្រូវបានសាងសង់ក្នុងឆ្នាំ១៩២៥ ហើយត្រូវបានខ្មែរក្រហមវាយកម្ទេចចោលក្នុងឆ្នាំ ១៩៧៧។

សម្តេចតេជោ បានថ្លែងបញ្ជាក់ថា សម្តេចបានយល់ព្រមជាមួយរដ្ឋមន្ត្រីក្រសួងដែនដីនគរូបនីយកម្មរួចហើយ យើងនឹងកសាងរូបសំណាកនេះឡើងវិញ ដែលជានិមិត្តរូបនៃការសាមគ្គីភាពរវាងបារាំង និងកម្ពុជា ហើយដាក់នៅទល់មុខស្ថានទូតបារាំងតែម្ដង។ សង្ឃឹមថា លោកប្រធានាធិបតីបារាំង មិនជំទាស់នឹងគម្រោងនេះទេ។

សម្តេចតេជោ ហ៊ុន សែន ក៏បានលើកសំណើឱ្យមានការជជែកគ្នាឡើងវិញ ក្នុងការកំណត់កាលបរិច្ឆេទឱ្យបានច្បាស់លាស់នៃការបង្កើតទំនាក់ទំនងការទូតរវាងបារាំង និងកម្ពុជា។

ក្នុងឱកាសនោះ សម្តេចតេជោ ហ៊ុន សែន បានឆ្លៀតគូសរំលេចពីការទស្សន៍ទាយរបស់សម្តេច ពាក់ព័ន្ធការប្រកួតបាល់ទាត់ពិភពលោក។ សម្តេចតេជោ បានប្រាប់ប្រធានាធិបតីពីក្តីរំពឹងថា បារាំង នឹងលើកពាន ហើយសម្តេចតេជោ ក៏បានជូនពរបារាំងឱ្យលើកពានបាល់ទាត់ពិភពលោកឆ្នាំ២០២២នេះផងដែរ៕

The post ជំនួបសម្តេចតេជោ ហ៊ុន សែន និងលោក ម៉ាក្រុង រំលេចឡើងវិញអំពីចំណងទំនាក់ទំនងរវាងប្រទេសទាំងពីរ appeared first on .

ទន្ទឹមនឹងនោះ ប្រធានាធិបតីបារាំង Emmanuel Macron បានតែងតាំងរដ្ឋមន្ត្រីការងារ Elisabeth Borne ជានាយករដ្ឋមន្ត្រីថ្មីរបស់ប្រទេស ដែលជាស្ត្រីដំបូងដែលកាន់តំណែងនេះក្នុងរយៈពេល ៣ទសវត្សរ៍ បន្ទាប់ពីនាយករដ្ឋមន្ត្រី Jean Castex បានដាក់ពាក្យលាលែងពីតំណែងកាលពីថ្ងៃចន្ទ៕

The post ប្រធានាធិបតីបារាំង Emmanuel Macron តែងតាំងនាយករដ្ឋមន្ត្រីថ្មីជាស្រ្តីដំបូងក្នុងរយៈពេល ៣ទស្សវត្សរ៍ appeared first on .

ថ្លែងនៅក្នុង​ពិធីស្បថចូលកាន់តំណែង​ លោក ម៉ាក្រុង​ បាន​សន្យា​ដឹកនាំ​ប្រទេស​បារាំង ដោយប្រើ​វិធីសាស្រ្តថ្មី តាមរយៈ​ការរៀបចំ​ការធ្វើ​កំណែទម្រង់ ដោយ​មានការចូលរួម​ពី​ប្រជាជន​បារាំង។ លោកម៉ាក្រុង​ បានសន្យា​ផងដែរថា នឹងប្រែក្លាយ​ប្រទេស​បារាំង​ឲ្យ​ខ្លាំងពូកែ ឲ្យក្លាយជាទីកន្លែង​ដែលគេអាចរស់នៅបាន។

សូមជម្រាបថា បើទោះបីលោក ​អេម៉ានុយអែល ម៉ាក្រុង ស្បថ​ចូល​កាន់តំណែង​ប្រធានាធិបតី នៅថ្ងៃ​សៅរ៍ម្សិលមិញក៍ពិតមែន ប៉ុន្តែ អាណត្តិប្រធានាធិបតី​របស់លោក​នឹង​ចាប់ផ្តើម​ជា​ផ្លូវការនៅសប្តាហ៍ក្រោយ ពោល​គឺចប់អាណត្តិរដ្ឋាភិបាល​ចាស់ នៅថ្ងៃ​ទី ១៣​ ខែឧសភា ឆ្នាំ២០២២នេះ។

យ៉ាងណា សម្រាប់​អាណត្តិ​៥ឆ្នាំ ខាងមុខ ប្រធានាធិបតី​ម៉ាក្រុង ​នឹង​អាច​ប្រឈម ជួប​ឧបសគ្គ​ច្រើន ក្នុងដឹកនាំប្រទេស ជាពិសេស ក្នុងករណី​ដែល​គណបក្ស​របស់លោក​មិនអាច​ទទួល​ជ័យជំនះលើសលុប នៅក្នុងការបោះឆ្នោតសភា នៅ​ខែ​មិថុនា​ខាងមុខ។ គ្មានសំឡេង​ភាគច្រើន នៅ​រដ្ឋសភា លោកម៉ាក្រុង​ត្រូវ​បង្ខំចិត្ត​បង្កើតរដ្ឋាភិបាល​ចម្រុះ​ជាមួយ​គណបក្ស​ប្រឆាំងជាក់ជាមិនខាន៕

The post លោក អេម៉ានុយអែល ម៉ាក្រុង ស្បថចូលកាន់ដំណែងប្រធានាធិបតីបារាំង appeared first on .