កម្មវិធីក្នុងឆ្នាំ២០២៦នេះ បានប្រព្រឹត្តទៅក្រោមប្រធានបទដ៏មានភាពច្នៃប្រឌិតគឺ “ខ្មែរ រ៉ុក & រ៉ូល” (Khmer Rock & Roll) ដែលនាំអារម្មណ៍អ្នកចូលរួមទាំងអស់ត្រឡប់ទៅកាន់យុគសម័យមាសនៃតន្ត្រីខ្មែរ ជាមួយការតុបតែងខ្លួនដ៏ទាក់ទាញ និងការជួបជុំទទួលទានអាហារពេលល្ងាចដ៏ឈ្ងុយឆ្ងាញ់ផងដែរ។

ពិធីជប់លាងដ៏មានអត្ថន័យនេះ មានការអញ្ជើញចូលរួមយ៉ាងកុះករពីសំណាក់ថ្នាក់ដឹកនាំ និងបុគ្គលិកគ្រប់ជាន់ថ្នាក់នៃគ្រួសារ សាន់ & មូន សរុបជាង ៤០០ នាក់។ ក្រៅពីការបង្កើតនូវភាពសប្បាយរីករាយ និងស្នាមញញឹម កម្មវិធីនេះក៏ជាវេទិកាដ៏មានអត្ថន័យក្នុងការតបស្នង និងលើកទឹកចិត្តដល់បុគ្គលិកដែលបានលះបង់កម្លាំងកាយចិត្ត ដើម្បីភាពរីកចម្រើនរបស់ក្រុមហ៊ុន។ ដោយក្រុមហ៊ុនបានធ្វើពិធីប្រគល់ពានរង្វាន់ និងលិខិតសរសើរជូនដល់បុគ្គលិកឆ្នើមៗ ផងដែរ រួមមាន៖
១. បុគ្គលិកឆ្នើមប្រចាំឆ្នាំ ២០២៥ (Staff of the Year)
២. ពានរង្វាន់ភាពស្មោះត្រង់ (Honesty Award)
៣. ពានរង្វាន់បម្រើការងាររយៈពេលយូរ (Long Year Service Award)

នាឱកាសនោះ អ្នកឧកញ៉ា បណ្ឌិត ជា រតនា បានថ្លែងអំណរគុណយ៉ាងជ្រាលជ្រៅចំពោះបុគ្គលិកគ្រប់រូប ដែលជាកម្លាំងចលករដ៏សំខាន់ និងបានសង្កត់ធ្ងន់ថា ភាពជោគជ័យរបស់ក្រុមហ៊ុនគឺកើតចេញពីការសហការគ្នាជាធ្លុងមួយរបស់គ្រួសារ សាន់ &មូន។

គួរបញ្ជាក់ថា ស្មារតីនៃ “ខ្មែរ រ៉ុក & រ៉ូល” នៃពិធីជប់លាងរបស់គ្រួសារ សាន់& មូន នាឆ្នាំ២០២៦នេះ មិនត្រឹមតែនាំមកនូវភាពសប្បាយរីករាយប៉ុណ្ណោះទេ ប៉ុន្តែថែមទាំងបានពង្រឹងនូវចំណងមិត្តភាព និងការប្តេជ្ញាចិត្តខ្ពស់ ដើម្បីបន្តឆ្ពោះទៅរកភាពជោគជ័យថ្មីៗបន្ថែមទៀត នៅក្នុងឆ្នាំខាងមុខផងដែរ៕

The post អ្នកឧកញ៉ា បណ្ឌិត ជា រតនា រៀបចំពិធីជប់លាងបុគ្គលិកប្រចាំឆ្នាំ របស់គ្រួសារសាន់ & មូន ក្រោមប្រធានបទ «ខ្មែរ រ៉ុក & រ៉ូល» ដើម្បីលើកទឹកចិត្តចំពោះការខិតខំប្រឹងប្រែងរួមចំណែកធ្វើឱ្យសណ្ឋាគារដំណើរការបានយ៉ាងល្អប្រសើរ appeared first on .

ការតាំងពិព័រណ៍ប្រចាំឆ្នាំ “CC Annual Expo 2025” នេះ រៀបចំដោយស្ថាប័ន ខបភើរ៉េត ខននេកសិន កម្ពុជា (CorporateConnections Cambodia)។ គឺជាជាវេទិកាជំនួបសហគ្រិនកម្ពុជាដ៏ធំបំផុតប្រចាំឆ្នាំ ដើម្បីពង្រីកបណ្ដាញទំនាក់ទំនងអាជីវកម្ម ជាកន្លែង ដែលអ្នកដឹកនាំក្នុងវិស័យនីមួយៗមកជួបជុំគ្នាដើម្បីផ្លាស់ប្ដូរបទពិសោធន៍ និងបង្កើតអនាគតអាជីវកម្ម។

លើសពីនេះ CorporateConnections Cambodia បានពង្រីកវិសាលភាពនៃព្រឹត្តិការណ៍នេះឱ្យកាន់តែធំជាងមុន ដោយផ្ដោតលើការរួមបញ្ចូលវិស័យសំខាន់ៗចំនួន៣រួមមាន៖ សំណង់, សេវាកម្មអាជីវកម្ម, អាហារ និងភេសជ្ជៈ ព្រមទាំងបដិសណ្ឋារកិច្ច។ អ្វីដែលពិសេសព្រឹត្តិការណ៍ដ៏ធំប្រចាំឆ្នាំនេះនឹងមានអ្នកចូលរួម ជាង ២០០ នាក់ និងតុតាំងពិព័រណ៍ ជាង ១០០ តុ ផងដែរ។

សូមជម្រាបជូនលម្អិតដែរថា ព្រឹត្តិការណ៍ «CC Annual Expo 2025» ដែលធ្វើឡើងរយៈពេល ១ថ្ងៃ នាថ្ងៃទី២៨ ខែវិច្ឆិកា ឆ្នាំ២០២៥ នៅសណ្ឋាគារ SUN & MOON, Riverside Hotel អ្នកឧកញ៉ា បណ្ឌិត ជា រតនា គឺជាឱកាសដ៏កម្រដែលថ្នាក់ដឹកនាំអាជីវកម្មចូលរួម អាច៖

• បង្កើតភាពជាដៃគូដ៏រឹងមាំ ដើម្បីជំរុញការរីកចម្រើនក្នុងឧស្សាហកម្ម
• បង្ហាញពីផលិតផល ឬសេវាកម្មរបស់ខ្លួន និងទាក់ទាញអតិថិជន ដៃគូអាជីវកម្មថ្មីៗ
• ជាពិសេសក៏ទទួលបានការចូលរួមជាភ្ញៀវពិសេសក្នុងការពិភាក្សាស៊ីជម្រៅ ដើម្បីស្វែងរកដំណោះស្រាយប្រកបដោយភាពច្នៃប្រឌិត និងការចែករំលែកពីបទពិសោធន៍ធ្វើធុរកិច្ចរបស់ម្ចាស់អាជីវកម្មល្បីៗ ដោយផ្ទាល់ ថែមទៀតផង៕

The post អ្នកឧកញ៉ា ឧកញ៉ាៗ និងសហគ្រិន ប្រមាណជាង ២០០នាក់ នឹងចូលរួមពិព័រណ៍ប្រចាំឆ្នាំ “CC Annual Expo 2025” ជួបជុំគ្នាផ្លាស់ប្តូរបទពិសោធន៍អាជីវកម្មថ្មីៗនៅសណ្ឋាគារ SUN & MOON, Riverside Hotel appeared first on .

ក្នុងសេចក្ដីបំភ្លឺជាសាធារណៈរបស់លោកមេធាវី ណង សារ៉ាយ ដដែលក៏បានរៀបរាប់លម្អិតទៀតថា ម្ចាស់គណនីខាងលើ និងគណនីរបស់បក្សពួកខ្លួន ផ្សេងៗទៀត ថែមទាំងបានចែករំលែកនូវឃ្លីបវីដេអូ បង្ហោះឱ្យមានការយល់ច្រឡំជាសាធារណៈ និងអសុទ្ធចិត្តជាប្រព័ន្ធចំនួន រាប់រយដង ចូលទៅកាន់ក្រុមបណ្ដាញទំនាក់ទំនងសង្គម ឯកជន និងសាធារណៈជាច្រើនផ្សេងៗទៀតផងដែរ។

អាស្រ័យហេតុនេះ អ្នកឧកញ៉ាបណ្ឌិត ជា រតនា តាមរយៈមេធាវីរបស់ខ្លួន សូមរក្សាសិទ្ធិ ចាត់វិធានការតាមផ្លូវច្បាប់ ដើម្បីការពារសិទ្ធិ និងផលប្រយោជន៍របស់ខ្លួន តាមនីតិវិធីច្បាប់ជាធរមាន៕

The post មេធាវី អ្នកឧកញ៉ាបណ្ឌិត ជា រតនា ចេញលិខិតបំភ្លឺ ករណីចោទប្រកាន់ និងមួលបង្កាច់ ធ្វើឱ្យប៉ះពាល់កិត្តិយសកេរ្តិ៍ឈ្មោះកូនក្ដីខ្លួនជាសាធារណៈ appeared first on .

នាឱកាសដ៏ថ្លៃថ្លានេះ យើងខ្ញុំទាំងអស់គ្នា សូមគោរពកោតសរសើរចំពោះ សម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំរាជរដ្ឋាភិបាលបម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច កំណើនសេដ្ឋកិច្ច ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិលើគ្រប់វិស័យ។ សម្តេចមហាបវរធិបតី ជាប្រមុខរាជរដ្ឋាភិបាល ដែលមានភាពប៉ិនប្រសព្វលើការដោះស្រាយបញ្ហានយោបាយ ដោយភាពឆ្លាតវៃ អត់ធ្មត់ ស្របតាមកាលៈទេសៈ និងស័ក្តិសមជារាជរដ្ឋាភិបាលបន្តវេន ដែលបក្សនិងប្រជាជនប្រគល់ជូន ប្រកបដោយសុភវិនិច្ឆ័យ មោទនភាពជាតិខ្ពស់ សម្រាប់ព្រះរាជាណាចក្រកម្ពុជា ក្នុងក្របខណ្ឌតំបន់ និងពិភពលោក។

យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធិទាំងឡាយក្នុងលោក សូមមេត្តាតាមជួយបីបាច់ថែរក្សាប្រោះព្រំនូវសព្ទសាធុការពរជ័យ សិរីសួស្តី ជ័យមង្គល វិបុលសុខ គ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ដែលប្រកបដោយព្រហ្មវិហារធម៌ ព្រមទាំងបុត្រាបុត្រី សូមមានជន្មាយុយឺនយូរ ជួបប្រទះតែសេចក្តី សុខចម្រើន មានសុភមង្គលក្នុងក្រុមគ្រួសារ មានសុខុមាលភាពល្អបរិបូរណ៍ និងសូមប្រកបដោយព្រះពុទ្ធពរដ៏ប្រពៃថ្លៃថ្លា បួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

The post អ្នកឧកញ៉ា បណ្ឌិត ជា រតនា និងភរិយា សូមគោរពផ្ញើសារលិខិតជូនពរ សម្តេចធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ appeared first on .

ពានរង្វាន់ទី១ គឺអ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន សាន់ & មូន គ្រុប (SUN & MOON GROUP) និងជាម្ចាស់សណ្ឋាគារលំដាប់ផ្កាយ៥ សាន់ & មូន រីវើសាយ បានឈ្នះពានរង្វាន់ Global Host Award (បទពិសោធន៍ដ៏គួរអោយកោតសសើរ) ពីស្ថាប័ន CorporateConnections ដែលទទួលស្គាល់ពីការចូលរួមរបស់អ្នកឧកញ៉ាបណ្ឌិត ក្នុងការផ្តល់នូវការបណ្ឋារកិច្ច និងបទពិសោធន៍ដ៏ល្អ ជូនដល់ភ្ញៀវជាតិនិងអន្តរជាតិ។

អ្នកឧកញ៉ាបណ្ឌិត ជា រតនា បានស្វាគមន៍យ៉ាងកក់ក្តៅចំពោះ សមាជិក Corporate Connections Cambodia ក្នុងការរៀបចំព្រឹត្តិការណ៍ អបអរសាទរព្រឹត្តិការណ៍សំខាន់ៗ និងការស្នាក់នៅ ក្នុងសណ្ឋាគារ សាន់ & មូន ដោយធានាបាននូវបទពិសោធន៍ដ៏ប្រណិតភាព និងមិនអាចបំភ្លេចបាន។

ដើម្បីពង្រីកវិសាលភាពឱ្យកាន់តែធំទូលាយលើសពីក្នុងប្រទេសកម្ពុជា អ្នកឧកញ៉ា បណ្ឌិត ក៏បានផ្តល់ជូននូវកញ្ចប់បដិសណ្ឋារកិច្ចផ្តាច់មុខ ក្នុងអត្រាឯកសិទ្ធិសម្រាប់សមាជិក Corporate Connections ទូទាំងពិភពលោក ជំរុញឱ្យមានឯកភាពជាសកល និងបង្កើនបទពិសោធន៍របស់ថ្នាក់ដឹកនាំ និងសមាជិកមកពីប្រទេសមួយចំនួនដូចជា វៀតណាម ជប៉ុន ឥណ្ឌា អូស្ត្រាលី តៃវ៉ាន់ សិង្ហបុរី កាណាដា កូរ៉េ និងច្រើនទៀត។ សេចក្តីល្អរបស់អ្នកឧកញ៉ាបណ្ឌិត បានបង្កប់នូវគុណតម្លៃស្នូលដែលពិតជាសាកសម នឹងទទួលបានពានរង្វាន់ដ៏មានកិត្យានុភាពនេះ។

ចំណែកឯពានរង្វាន់ទី២ គឺសណ្ឋាគារ សាន់ & មូន រីវើសាយ បានជាប់ឈ្មោះជា “សណ្ឋាគារប្រណិតលំដាប់ខ្ពស់” ដោយ Trip.com ដែលទទួលស្គាល់នូវសេវាកម្មដ៏ល្អឥតខ្ចោះ ការបំពាក់គ្រឿងបរិក្ខារយ៉ាងល្អ និងការយកចិត្តទុកដាក់ខ្ពស់ចំពោះការបំពេញចិត្តរបស់ភ្ញៀវ។ ពានរង្វាន់នេះក៏រំលេចពីបន្ទប់ Memory Ballroom របស់សណ្ឋាគារ ដែលត្រូវបានបង្កើតឡើង និងក្លាយជាកន្លែងសំខាន់មួយក្នុងរាជធានីភ្នំពេញ សម្រាប់ការជួបជុំពិធីធំៗរបស់ក្រុមហ៊ុន ពិធីមង្គលការ និងការប្រារព្ធពិធីដ៏សំខាន់ផ្សេងៗផងដែរ។

សូមជម្រាបថា សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗ។ សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធ ចំណាយទុនវិនិយោគប្រមាណ៦០លានដុល្លារ ស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ៕

The post សណ្ឋាគារ សាន់ & មូន អ្នកឧកញ៉ាបណ្ឌិត ជា រតនា ឈ្នះពានរង្វាន់ចំនួន ២ ពីស្ថាប័នអន្តរជាតិ appeared first on .

លោក Michael B Alfaro បានធ្វើដំណើរមកកម្ពុជា អំឡុងពាក់កណ្តាលខែសីហា ឆ្នាំ២០២៥ ហើយនៅយប់ថ្ងៃទី១៥ ខែសីហា លោកបានអញ្ជើញទៅដល់ទីតាំងជាក់ស្តែងព្រំដែនកម្ពុជា-ថៃ ក្នុងស្រុកអូរជ្រៅ ខេត្តបន្ទាយមានជ័យ ដើម្បីស្វែងយល់ពីការពិតជាក់ស្តែង ផ្សព្វផ្សាយទៅកាន់ពិភពលោក។ ក្នុងថ្ងៃនោះដែរ លោកបានផ្សាយផ្ទាល់ (Live) ទាំងហាលភ្លៀងតាមទំព័រហ្វេសប៊ុកផ្ទាល់ខ្លួនអំពីការឈ្លានពានរបស់ថៃ ដោយរាយបន្លាលួសចូលផ្ទះអ្នកភូមិជោគជ័យ របស់ប្រទេសកម្ពុជា ធ្វើឱ្យមានការចាប់អារម្មណ៍មានអ្នកទស្សនារាប់លាននាក់ទូទាំងពិភពលោកផងដែរ។

យ៉ាងណាមិញ បន្ទាប់ពីត្រឡប់ទៅដល់សហរដ្ឋអាមេរិកវិញ ក្រោយចុះបេសកកម្មនៅកម្ពុជាមួយរយៈពេលខ្លី និងបានចុះទស្សនកិច្ចជាច្រើនកន្លែង លោកក៏បានសរសើរដល់សណ្ឋាគារ សាន់ & មូន។ នៅលើទំព័រហ្វេសប៊ុក កាលថ្ងៃទី៣ ខែកញ្ញា ឆ្នាំ២០២៥ លោក Michael B Alfaro បានសរសេរសារជាភាសាអង់គ្លេស ដែលមានអត្ថន័យជាខ្មែរដូច្នេះថា៖ “ពេលនេះខ្ញុំត្រឡប់មកដល់ផ្ទះវិញហើយ ប៉ុន្តែបេះដូងរបស់ខ្ញុំនៅតែនឹកដល់កម្ពុជា។ សណ្ឋាគារ សាន់ & មូន (ត្រូវបានទទួលស្គាល់ថាជាក្រុមបដិសណ្ឋារកិច្ចឈានមុខគេនៅអាស៊ីអាគ្នេយ៍ ឆ្នាំ២០២៥) គឺពិតជាទីជម្រកដ៏ពិតប្រាកដ បានផ្តល់ដល់រូបខ្ញុំនូវភាពស្រស់ត្រកាល និងការយកចិត្តទុកដាក់ខ្ពស់បំផុត ដែលបានបង្កើតនូវបទពិសោធន៍មិនអាចបំភ្លេចបាន ពិសេសភាពកក់ក្តៅ និងចិត្តសប្បុរសរបស់ប្រជាជន ធ្វើឱ្យទៅកាន់ប្រទេសកម្ពុជា មានអារម្មណ៍ថាដូចនៅផ្ទះខ្លួនឯង”។

លោកបានបន្តថា៖ “ទីនោះគឺជាផ្ទះមួយ ខ្ញុំនឹងចងចាំជារៀងរហូត ទោះបីជាខ្ញុំទៅដល់ទីណាក៏ដោយ។ ខ្ញុំបានណែនាំមិត្តភ័ក្តិរបស់ខ្ញុំនៅអាមេរិក ឱ្យធ្វើដំណើរ និងទៅវិនិយោគនៅទឹកដីអង្គរដែនដីអច្ឆរិយនៃពិភពលោករបស់កម្ពុជា។ អូរ ខ្ញុំភ្លេចប្រាប់ថា សណ្ឋាគារ សាន់ & មូន គឺមានម្ចាស់ជាជនជាតិខ្មែរ ១០០%! សូមទៅស្នាក់នៅបាន! www.sunandmoonhotelgroup.com”។

សូមជម្រាបថា សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធ ចំណាយទុនវិនិយោគប្រមាណ ៦០លានដុល្លារអាមេរិក ស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ។ សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗផងដែរ៕

The post លោក Michael B Alfaro សរសើរសណ្ឋាគារ SUN & MOON របស់អ្នកឧកញ៉ាបណ្ឌិត ជា រតនា អំឡុងពេលស្នាក់នៅកម្ពុជា appeared first on .

សណ្ឋាគារ សាន់ & មូន បានឱ្យដឹងកាលពីថ្ងៃទី១៦ ខែកក្កដា ឆ្នាំ២០២៥ថា ថ្នាក់ដឹកនាំ និងបុគ្គលិកនៃសណ្ឋាគារគ្រប់ជាន់ថ្នាក់ ពិតជាមានមោទនភាពយ៉ាងក្រៃលែងចំពោះ អ្នកឧកញ៉ា បណ្ឌិត ជា រតនា ដែលទទួលបានពានរង្វាន់ Global Host Award (បទពិសោធន៍ដ៏គួរអោយកោតសសើរ)។

ក្នុងនាមជាអ្នកជំនាញក្នុងវិស័យបដិសណ្ឋារកិច្ច អ្នកឧកញ៉ាបណ្ឌិត បានស្វាគមន៍យ៉ាងកក់ក្តៅចំពោះ សមាជិក Corporate Connections Cambodia ក្នុងការរៀបចំព្រឹត្តិការណ៍ អបអរសាទរព្រឹត្តិការណ៍សំខាន់ៗ និងការស្នាក់នៅ ក្នុងសណ្ឋាគារ សាន់ & មូន របស់ អ្នកឧកញ៉ា បណ្ឌិត ដោយធានាបាននូវបទពិសោធន៍ដ៏ប្រណិតភាពនិងមិនអាចបំភ្លេចបាន។

ដើម្បីពង្រីកវិសាលភាពអោយកាន់តែធំទូលាយលើសពីក្នុងប្រទេសកម្ពុជា អ្នកឧកញ៉ា បណ្ឌិត ក៏បានផ្តល់ជូននូវកញ្ចប់បដិសណ្ឋារកិច្ចផ្តាច់មុខ ក្នុងអត្រាឯកសិទ្ធិសម្រាប់សមាជិក Corporate Connections ទូទាំងពិភពលោក ជំរុញឱ្យមានឯកភាពជាសកល និងបង្កើន បទពិសោធន៍របស់ថ្នាក់ដឹកនាំ និងសមាជិកមកពីប្រទេសមួយចំនួនដូចជា វៀតណាម ជប៉ុន ឥណ្ឌា អូស្ត្រាលី តៃវ៉ាន់ សិង្ហបុរី កាណាដា កូរ៉េ និងច្រើនទៀត។ សេចក្តីល្អរបស់អ្នកឧកញ៉ាបណ្ឌិត បានបង្កប់នូវគុណតម្លៃស្នូលដែលពិតជាសាកសម នឹងទទួលបានពានរង្វាន់ដ៏មានកិត្យានុភាពនេះ។

សូមជម្រាបថា សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗផងដែរ។ សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធចំណាយទុនវិនិយោគប្រមាណ៦០លានដុល្លារស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ៕

The post អ្នកឧកញ៉ាបណ្ឌិត ជា រតនា ទទួលបានពានរង្វាន់ Global Host Award ដែលជាពានរង្វាន់ដ៏មានកិត្យានុភាព លើវិស័យបដិសណ្ឋារកិច្ច appeared first on .

ពានរង្វាន់ដ៏អស្ចារ្យមួយនេះ មិនត្រឹមតែជាការកោតសរសើរដល់សណ្ឋាគារប៉ុណ្ណោះទេ ប៉ុន្តែជាការលើកឡើងដើម្បីបំផុសគំនិតច្នៃប្រឌិត មោទនភាពនិងជឿជាក់ថាផ្នែកបដិសណ្ឋារកិច្ចពិតជាចូលរួមបំពេញនូវតម្រូវការនិងសុខមាលភាពផងដែរ។

យើងតែងតែជឿជាក់ថាមិនត្រឹមតែគោលដៅមួយនេះទេដែលកម្ពុជាសមនឹងទទួលបានតំណែងនៅលើពិភពលោក លើសពីនេះទៅទៀតគឺជាប្រភពនៃភាពច្នៃប្រឌិត រចនាបទនិងមនុស្សដែលផ្តោតទៅលើបដិសណ្ឋារកិច្ចជាសំខាន់។

កញ្ញា ជា សុភា អគ្គនាយិការរងនៃ សាន់ & មូន គ្រុប បានលើកឡើងថា ពានរង្វាន់នេះបានបញ្ជាក់ឱ្យឃើញថានូវមានស្នាដៃជាច្រើនទៀតដែលយើងអាចនឹងធ្វើបាន។

សណ្ឋាគារ សាន់ & មូន រីវើសាយ បានបើកដំណើរការនៅឆ្នាំ២០២៣ មិនត្រឹមតែជាសណ្ឋាគារនោះទេ គឺជាកន្លែងកំសាន្តដ៏ប្រណិតភាពមួយ ដែលរួមមានបន្ទប់ស្នាក់នៅចំនួន២០០បន្ទប់ ក្លឹបហាត់ប្រាណ អាងហែលទឹក ស្ប៉ា សាឡន ភោជនីយដ្ឋាន រោងភាពយន្តលក្ខណៈឯកជន កន្លែងរៀបចំព្រឹត្តិការណ៍តូចធំជាច្រើនជម្រើសដែលបានរចនាឡើងបែបទំនើប និងភាពងាយស្រួល។

ការទទួលស្គាល់ពីទស្សនាវដ្តីពាណិជ្ជកម្មអន្តរជាតិ (IBM) គឺជាសញ្ញាបង្ហាញពីការអភិវឌ្ឍន៍នៅក្នុងឧស្សាហកម្មអាគារស្នាក់នៅក្នុងតំបន់ ជាពេលវេលាដែលនឹងបញ្ចេញសមត្ថភាពដោយផ្អែកលើបទពិសោធន៍និងកិត្តិនាមរបស់ខ្លួនទៅកាន់ពិភពលោក។

នៅពេលដែលសណ្ឋាគារ សាន់ & មូន រីវើសាយ​​​ ទទួលបានពានរង្វាន់នេះជាការបង្ហាញអំពីជំហានបន្ទាប់ដែលឆ្ពោះទៅមុខកាន់តែរីកចម្រើន កាន់តែទំនើប និងផ្សាភ្ជាប់ទៅមុខជាអង្វែង។

សម្រាប់ការសាកសួរព័ត៌មានបន្ថែម, សម្ភាសន៍ ឬឱកាសជាដៃគូ:

ឈ្មោះ៖ ចាន់ សុផាន់នីកា

តួនាទី៖ អ្នកគ្រប់គ្រងផ្នែកទំនាក់ទំនងសាធារណៈ

+៨៥៥ ៨៥ ៣៣៣ ៦៨២

smr-sm-mk@sunandmoonhotelgroup.com

www.sunandmoonhotelgroup.com

The post សណ្ឋាគារ សាន់ & មូន រីវើសាយ អ្នកឧកញ៉ាបណ្ឌិត ជា រតនា ទទួលបានពានរង្វាន់“បដិសណ្ឋារកិច្ចឈានមុខគេនៅអាស៊ីអាគ្នេយ៍ ឆ្នាំ ២០២៥” ពីទស្សនាវដ្តីពាណិជ្ជកម្មអន្តរជាតិ (IBM) ដែលទទួលស្គាល់ជាសាកល appeared first on .

ថវិកា និងគ្រឿងឧបភោគបរិភោគដែលយកទៅប្រគល់ជូននេះ បានមកពីអ្នកឧកញ៉ាបណ្ឌិត ជា រតនា និងអ្នកឧកញ៉ា លី ហៀក រតនា ព្រមទាំង លោកជំទាវ ខៀវ បុប្ជាផល ឥតសារ៉ាត់, ឯកឧត្ដម លោកជំទាវ, ឧកញ៉ា លោក លោកស្រី ពីស្ថាប័ន Corporate Connections (CC) និងក្រុមការងារនៃគណៈកម្មាធិការសិទ្ធិមនុស្ស បានថវិកាសរុប ប្រមាណ២២លានរៀល។

ថ្លែងនៅក្នុងឱកាសនោះ ទេសរដ្ឋមន្រ្តី កែវ រ៉េមី បានថ្លែងអំណរគុណចំពោះអ្នកឧកញ៉ា និងលោកជំទាវ ព្រមទាំងលោក លោកស្រី ដែលមានទឹកចិត្តសប្បុរធម៌ និងជួយដល់ក្មេងកំព្រាគ្មានទីពឹង។

ទេសរដ្ឋមន្ត្រីក៏បានសម្ដែងនូវការកោតសរសើរដល់សមាគម ដែលបានចូលរួមចំណែកយ៉ាងសំខាន់ក្នុងការលើកកម្ពស់ និងការការពារសិទ្ធិសេរីភាពជាមូលដ្ឋានរបស់កុមារ ជាពិសេស សិទ្ធិសុខភាពទាំងផ្លូវកាយនិងផ្លូវចិត្ត រួមទាំងសិទ្ធិទទួលបានការអប់រំ ជាដើម។ ទន្ទឹមនឹងនេះ ទេសរដ្ឋមន្រ្តី ក៏បានសាទរចំពោះការគ្រប់គ្រងប្រកបដោយភាពត្រឹមត្រូវ មិនមានការរំលោភបំពានដល់សិទ្ធិកុមារដែលរស់នៅទីនោះឡើយ។ លើសពីនេះទៅទៀត ឯកឧត្តមទេសរដ្ឋមន្រ្តី ក៏បានបញ្ជាក់ផងដែរថា ក្នុងករណីកុមាររស់នៅទីនេះមានបញ្ហាសុខភាពអាចទំនាក់ទំនងមកក្រុមការងារ គ.ស.ម.ក. ដើម្បីជួយអន្តរាគមន៍ក្នុងការនាំយកកុមារទៅកាន់មន្ទីរពេទ្យឱ្យទាន់ពេលវេលា។

អ្នកឧកញ៉ាបណ្ឌិត ជា រតនា មានប្រសាសន៍ថា៖ អ្នកឧកញ៉ា ពិតជាសូមកោតសរសើរដោយស្មោះចំពោះ លោក ប៉ែន សុផល ប្រធានសមាគមស្នាមញញឹមថ្មីនៃក្តីសង្ឃឹមរបស់កុមារ និងភរិយា ដែលមានទឹកចិត្តដ៏សប្បុរស និងលះបង់ខ្ពស់ ប្រឹងប្រែង ជួយយកអាសារចិញ្ចឹមបីបាច់ថែរក្សាក្មួយៗកុមារកំព្រា និងកុមារខ្វះខាតទាំងអស់ ព្រោះថា ទៅថ្ងៃអនាគត ពួកគាត់ទាំងអស់គ្នា មានឱកាសក្លាយខ្លួនជាធនធានមនុស្សដ៏ល្អ សម្រាប់សង្គមជាតិយើង។

ទន្ទឹមគ្នានេះ អ្នកឧកញ៉ាបណ្ឌិត ក៏មិនភ្លេចថ្លែងអំណរគុណចំពោះ ឯកឧត្ដមទេសរដ្ឋមន្រ្តី កែវ រ៉េមី ដែលបានយកចិត្តទុកដាក់លើបញ្ហាសិទ្ធិមនុស្សនៅកម្ពុជា ជាពិសេសក្មួយៗកុមារនៅទីនេះផ្ទាល់តែម្ដង ព្រោះថាបញ្ហាសិទ្ធិមនុស្ស គឺជាបញ្ហាសកលដែលប្រទេសនានានៅលើពិភពលោកតែងតែយកចិត្តទុកដាក់ខ្ពស់បំផុត។ បន្ថែមពីនេះ អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន SUN & MOON GROUP ក៏សូមអំពាវនាវដល់សប្បុរសជននានា ដែលមានធនធាន ហើយមានបំណងជួយគាំពា និងឧបត្ថម្ភគាំទ្រដល់កុមារកំព្រាអាណាព្យាបាល កុមារខ្វះខាតជីវភាព និងកុមារងាយរងគ្រោះជាដើម សូមបន្តចូលរួមជួយឧបត្ថម្ភដល់សមាគមស្នាមញញឹមថ្មី នៃក្ដីសង្ឃឹមរបស់កុមារ នេះផង។

លោក ប៉ែន សុផល ប្រធានសមាគមស្នាមញញឹមថ្មីនៃក្តីសង្ឃឹមរបស់កុមារ បានលើកឡើងថា សមាគមស្នាមញញឹមថ្មីនៃក្តីសង្ឃឹមរបស់កុមារបានកកើតឡើងនៅឆ្នាំ២០០២ និងបានចុះបញ្ជីទទួលស្គាល់ដោយក្រសួងមហាផ្ទៃនៅថ្ងៃទី ០៦ ខែ មិថុនា ២០១៦ ។ លោកបន្តថា ក្នុងនាមលោកជាប្រធានសមាគម ដែលនាំយកកុមារទាំងនោះមកចិញ្ចឹម បីបាច់ ថែរក្សា និងផ្គត់ផ្គង់ គឺគោលបំណង ដើម្បីឱ្យកុមារទាំងអស់ទទួលបាននូវសិទ្ធិ សេរីភាព សិទ្ធិរស់រានមានជីវិត សិទ្ធិទទួលបានការអប់រំរៀនសូត្រ សិទ្ធិទទួលបានការមើលថែទាំ និងសិទ្ធិទទួលបានអាហាររូបបឋម និងផ្តល់នូវភាពកក់ក្តៅ ផ្តល់ស្នាមញញឹម និងក្តីសង្ឃឹមដល់កុមារទាំងអស់នោះ ដូចជាកុមារឯទៀតនៅក្នុងពិភពលោកយើងនេះដែរ។

គួរបញ្ជាក់ថា អ្នកឧកញ៉ាបណ្ឌិត ជា រតនា និងលោកជំទាវ អ្នកឧកញ៉ា លី ហៀក រតនា កន្លងមកតែងតែចូលរួមយ៉ាងសស្រាក់សស្រាំក្នុងសកម្មភាពមនុស្សធម៌ ការជួយត្រឡប់ទៅសង្គម ជួយកសាងវត្តអារាម មន្ទីរពេទ្យ សាលារៀន ជួយឧបត្ថម្ភរថយន្តពេទ្យសង្គ្រោះបឋមរាប់សិបគ្រឿង ជួយដល់ស្ត្រីកែភេទ ដែលកំពុងស្ថិតក្នុងពន្ធធនាគារ, កុមារកំពុងមានឳពុកម្ដាយជាប់ពន្ធធនាគារ, ព្រមទាំង រួមទាំងចូលរួមបរិច្ចាគថវិកាទៅជូនកាកបាទក្រហមកម្ពុជា រៀងរាល់ឆ្នាំមិនដែលខាន ។ អ្វីដែលលើសពីនេះ និងមិនធ្លាប់មាន សប្បុរសជនណាបានគិតគូដល់ អ្នកឧកញ៉ាទាំងពីរ ក៏ជាស្ថាបនិក «មូលនិធិអ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា» ដែលផ្ដោតលើការជួយជនមានពិការភាពកំបុតដៃទាំង២ នៅទូទាំងប្រទេសកម្ពុជា ដោយផ្ដល់ទាំងថវិកា បង្កើតឱកាសឱ្យជនពិការកំបុតដៃទាំងពីររាប់ពាន់នាក់ ឱ្យទទួលឱកាសបានរៀនសូត្រចំណេះ ជំនាញ ផ្ដល់ដើមទុន យកទៅបង្កើតមុខចិញ្ចឹមជីវិតប្រចាំថ្ងៃថែមទៀតផង៕

The post ទេសរដ្ឋមន្រ្តី កែវ រ៉េមី និងអ្នកឧកញ៉ាបណ្ឌិត ជា រតនា ចុះសួរសុខទុក្ខ ព្រមទាំងសម្ភារៈមួយចំនួនជួយដល់សមាគមស្នាមញញឹមថ្មី នៃក្ដីសង្ឃឹមរបស់កុមារ appeared first on .

អ្នកឧកញ៉ាបណ្ឌិត ជា រតនា និងលោកជំទាវឧកញ៉ា កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ាបណ្ឌិត ជា រតនា និងលោកជំទាវ បរិច្ចាគថវិកាចំនួន ១ម៉ឺនដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .