នៅថ្ងៃសុក្រ ទី២៨ ខែវិច្ឆិកា ឆ្នាំ២០២៥ ខាងមុខ ចាប់ពីវេលាម៉ោង ៨:០០ ព្រឹក ដល់ម៉ោង៥:០០ ល្ងាច នៅសណ្ឋាគារ SUN & MOON, Riverside Hotel នឹងរៀបចំព្រឹត្តិការណ៍ តាំងពិព័រណ៍ប្រចាំឆ្នាំ “CC Annual Expo 2025” ដោយមានវត្ដមានចូលរួមពី អ្នកឧកញ៉ា ឧកញ៉ា សហគ្រិន អ្នកជំនួញ និងម្ចាស់អាជីវកម្មពហុវិស័យ ប្រមាណជាងប២០០នាក់។
ការតាំងពិព័រណ៍ប្រចាំឆ្នាំ “CC Annual Expo 2025” នេះ រៀបចំដោយស្ថាប័ន ខបភើរ៉េត ខននេកសិន កម្ពុជា (CorporateConnections Cambodia)។ គឺជាជាវេទិកាជំនួបសហគ្រិនកម្ពុជាដ៏ធំបំផុតប្រចាំឆ្នាំ ដើម្បីពង្រីកបណ្ដាញទំនាក់ទំនងអាជីវកម្ម ជាកន្លែង ដែលអ្នកដឹកនាំក្នុងវិស័យនីមួយៗមកជួបជុំគ្នាដើម្បីផ្លាស់ប្ដូរបទពិសោធន៍ និងបង្កើតអនាគតអាជីវកម្ម។
លើសពីនេះ CorporateConnections Cambodia បានពង្រីកវិសាលភាពនៃព្រឹត្តិការណ៍នេះឱ្យកាន់តែធំជាងមុន ដោយផ្ដោតលើការរួមបញ្ចូលវិស័យសំខាន់ៗចំនួន៣រួមមាន៖ សំណង់, សេវាកម្មអាជីវកម្ម, អាហារ និងភេសជ្ជៈ ព្រមទាំងបដិសណ្ឋារកិច្ច។ អ្វីដែលពិសេសព្រឹត្តិការណ៍ដ៏ធំប្រចាំឆ្នាំនេះនឹងមានអ្នកចូលរួម ជាង ២០០ នាក់ និងតុតាំងពិព័រណ៍ ជាង ១០០ តុ ផងដែរ។
សូមជម្រាបជូនលម្អិតដែរថា ព្រឹត្តិការណ៍ «CC Annual Expo 2025» ដែលធ្វើឡើងរយៈពេល ១ថ្ងៃ នាថ្ងៃទី២៨ ខែវិច្ឆិកា ឆ្នាំ២០២៥ នៅសណ្ឋាគារ SUN & MOON, Riverside Hotel អ្នកឧកញ៉ា បណ្ឌិត ជា រតនា គឺជាឱកាសដ៏កម្រដែលថ្នាក់ដឹកនាំអាជីវកម្មចូលរួម អាច៖
- បង្កើតភាពជាដៃគូដ៏រឹងមាំ ដើម្បីជំរុញការរីកចម្រើនក្នុងឧស្សាហកម្ម
- បង្ហាញពីផលិតផល ឬសេវាកម្មរបស់ខ្លួន និងទាក់ទាញអតិថិជន ដៃគូអាជីវកម្មថ្មីៗ
- ជាពិសេសក៏ទទួលបានការចូលរួមជាភ្ញៀវពិសេសក្នុងការពិភាក្សាស៊ីជម្រៅ ដើម្បីស្វែងរកដំណោះស្រាយប្រកបដោយភាពច្នៃប្រឌិត និងការចែករំលែកពីបទពិសោធន៍ធ្វើធុរកិច្ចរបស់ម្ចាស់អាជីវកម្មល្បីៗ ដោយផ្ទាល់ ថែមទៀតផង៕
