លោក ផែង វណ្ណៈ បានឱ្យដឹងលើបណ្តាញសង្គមហ្វេសប៊ុក នៅថ្ងៃទី២៥ ខែសីហា បែបនេះថា៖ “សាងល្អ​ឱ្យគេចងចាំ​ កុំសាងកម្ម​ឱ្យគេឈឺចាប់​។ នៅល្ងាចថ្ងៃទី​២៥​ ខែ​សីហា​ ឆ្នាំ​២០២៦​ ខ្ញុំបាទបាន​នាំយក​ថវិកា​របស់​សប្បុរសជន​រួមទាំង​ថវិកា​ខ្ញុំ​ សរុប​ចំនួន​ ៥០​ លាន​ រៀល​ ប្រគល់​ជូន​ក្មួយ​ប្រុស​ កែវ​ បញ្ញា​ ដែល​រងរបួស​ក្លាយ​ជា​ជនពិការ​ដោយករណី​គ្រោះថ្នាក់ចរាចរណ៍​កាលពី​៧ឆ្នាំ​មុន​នៅ​ ខេត្ត​បន្ទាយមានជ័យ​“។  

លោកបានបន្តថា ថវិកាសប្បុរសជនរួមមាន៖ ១-អ្នកឧកញ៉ា ឈួន ហាវ៉ុន និងលោកជំទាវ ២០លានរៀល, ២-អ្នកឧកញ៉ា លី យូគៀក និងលោកជំទាវ ៤លានរៀល, ៣-លោកឧត្ដមសេនីយ៍ត្រី តាន់ វណ្ណារឹទ្ធ និងលោកស្រី ១,២ លានរៀល និង ៤-ថវិកាបងប្អូនមិត្តភ័ក្ដិក្រុមការងាររបស់លោក ២៤,៨ លានរៀល។

សូមជម្រាបថា អ្នកឧកញ៉ា ឈួន ហាវ៉ុន គឺជាអគ្គនាយកក្រុមហ៊ុន ហាវ៉ុន គ្រុប និងជាទីប្រឹក្សាសម្តេចអគ្គមហាសេនាបតីតេជោ ហ៊ុន សែន។ រីឯអ្នកឧកញ៉ា លី យូគៀក គឺជាប្រធានក្រុមហ៊ុន លី យូគៀក អ៊ិនវេនមិន និងជាសមាជិកក្រុមប្រឹក្សាភិបាល នៃសមាគមឧកញ៉ាកម្ពុជា៕ 

The post អ្នកឧកញ៉ា ឈួន ហាវ៉ុន និងអ្នកឧកញ៉ា លី យូគៀក បរិច្ចាគថវិកាជួយលោក កែវ បញ្ញា ដែលរងរបួសក្លាយជាជនពិការដោយករណីគ្រោះថ្នាក់ចរាចរណ៍ កាលពី៧ឆ្នាំមុន appeared first on .

កម្មវិធីនេះមានការអញ្ជើញចូលរួមពី អ្នកឧកញ៉ា ឈួន ហាវ៉ុន អគ្គនាយកក្រុមហ៊ុនលក់រថយន្តប្រណិត Hawon Auto Car, ឧកញ៉ា ឃន ឈុនដារ៉ា ស្ថាបនិកក្រុមហ៊ុន KOI Thé Cambodia និងជាស្ថាបនិក Tube Cafe ព្រមទាំង​ម្ចាស់ស្ថានីយ៍ប្រេងឥន្ធនៈ Peace ជាច្រើនរូបទៀតផងដែរ។

ក្រុមហ៊ុន ភីស ភេត្រូលៀម (ខេមបូឌា) បានគូសបញ្ជាក់ថា មួយឆ្នាំមុន ក្រុមហ៊ុនបានជ្រើសរើសផ្លូវ​ដែលពិបាក​បំផុត ប៉ុន្តែជាផ្លូវដែលជឿថាត្រឹមត្រូវ។ កម្មវិធីគម្រប់​ខួប ១ឆ្នាំនេះ គឺជាការអបអរសាទរដល់អ្នកទាំងអស់គ្នា ដែលជាផ្នែកមួយនៃដំណើររបស់​ ភីស​ ភេត្រូលៀម​ (ខេមបូឌា)។ រាល់ការគាំទ្រ រាល់ការជឿជាក់ និងរាល់ជំហាន​ដែលបានដើរជាមួយគ្នា គឺជាកម្លាំងដែលជំរុញឱ្យក្រុមហ៊ុនបន្តទៅមុខ។ ភីស​ ភេត្រូលៀម​ (ខេមបូឌា) ក៏សូមថ្លែង​អំណរគុណយ៉ាងជ្រាលជ្រៅចំពោះម្ចាស់ស្ថានីយ ដៃគូអាជីវកម្ម បុគ្គលិក អតិថិជន និងប្រជាជនកម្ពុជាទាំងអស់ ដែលបានជឿជាក់​ និងគាំទ្រ ភីស។

សូមជម្រាបថា ក្រុមហ៊ុន PEACE Petroleum Cambodia ត្រូវបានបង្កើតឡើងដោយកូនខ្មែរគឺ លោក ទៀ ស្យាម និងអ្នកឧកញ៉ា ទៀ វិចិត្រ ជាសហស្ថាបនិក។ បច្ចុប្បន្នក្រុមហ៊ុនស្ថានីយប្រេងមួយនេះ មានចំនួន ៣៣កន្លែង និង​កំពុងស្ថាបនាចំនួន ១០កន្លែង ហើយក្រុមហ៊ុន មានទស្សនវិស័យច្បាស់លាស់ ក្នុងការពង្រីកវិសាលភាពនៃស្ថានីយ ភីស ឱ្យគ្របដណ្តប់បានគ្រប់ ២៥ រាជធានី ខេត្ត តាមផែនការនិងយុទ្ធសាស្រ្តរបស់ក្រុមហ៊ុន នាពេលឆាប់ៗ​ខាងមុខនេះ៕

The post អ្នកឧកញ៉ា ឧកញ៉ារូបណាខ្លះ អញ្ជើញចូលរួមកម្មវិធីគម្រប់ខួប១ឆ្នាំ នៃការកកើតក្រុមហ៊ុន ភីស ភេត្រូលៀម (ខេមបូឌា)? appeared first on .

ឯកឧត្តមកិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា បានចាត់ទុកការឧបត្ថម្ភគាំទ្ររបស់សប្បុរសជនពេលនេះ ជាចលនាមហាសមានចិត្តដឹងគុណបំណាច់ជ្រាលជ្រៅចំពោះអតីតយុទ្ធជន ដែលបានធ្វើពលិកម្មដ៏មហិមាក្នុងបុព្វហេតុជាតិមាតុភូមិ។ ឯកឧត្តមកិត្តិសង្គហបណ្ឌិត បានអំពាវនាវដល់សប្បុរសជនបន្តចូលរួមឧបត្ថម្ភថវិកាគាំទ្រដល់សមាគមអតីតយុទ្ធជនកម្ពុជាបន្ថែមទៀត ដើម្បីរៀបចំមហាសន្និបាតវិសាមញ្ញទូទាំងប្រទេសនេះឱ្យបានកាន់តែមហោឡារិក។

យោងតាមសេចក្តីប្រកាសព័ត៌មានរបស់សមាគមអតីតយុទ្ធជនកម្ពុជា ចុះថ្ងៃទី១៤ ខែកក្កដា ឆ្នាំ២០២៥ បានឱ្យដឹងថា នៅពេលខាងមុខនេះ នឹងមានរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ នាយឧត្តមសេនីយ៍ ផុតលេខផ្កាយមាស៥ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា។

សូមជម្រាបជូនថា មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នឹងប្រារព្ធឡើងក្នុងគោលបំណង ៣សំខាន់ៗ រួមមាន៖ ទី១-បូកសរុបលទ្ធផលការងាររយៈពេល១០ឆ្នាំ របស់សមាគម, ទី២-កែសម្រួលនិមិត្តសញ្ញាសមាគម និងឈ្មោះសមាគម ដោយផ្លាស់ប្ដូរពីសមាគមអតីតយុទ្ធជនកម្ពុជា ទៅជា សមាគមអតីតយុទ្ធជន និងនិវត្តជនកម្ពុជា និងទី៣-ការធ្វើវិសោធនកម្មលក្ខន្តិកៈសមាគម ដើម្បីបញ្ចូលនិវត្តជន ដែលជាអតីតមន្ត្រីរាជការស៊ីវិលចូលក្នុង សមាគមអតីតយុទ្ធជនកម្ពុជា៕

The post អ្នកឧកញ៉ា ឈួន ហាវ៉ុន ឧបត្ថម្ភថវិកា ៥០០០ដុល្លារ ដើម្បីរៀបចំមហាសន្និបាតវិសាមញ្ញទូទាំងប្រទេសតំណាងសមាគមអតីតយុទ្ធជនកម្ពុជា ក្រោមអធិបតីភាពសម្ដេចតេជោ ហ៊ុន សែន appeared first on .

អ្នកឧកញ៉ា ឈួន ហាវ៉ុន អគ្គនាយកហាងលក់រថយន្តប្រណីត Hawon Auto Car និងជាសមាជិកសមាគមឧកញ៉ាកម្ពុជា កាលខែមីនា ឆ្នាំ២០២៥ ក៏ទើបទទួលបានការបំពាក់គ្រឿងឥស្សរិយយសថ្នាក់ «ជាតូបការ» ដោយផ្ទាល់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាផងដែរ។

សូមជម្រាបថា អ្នកឧកញ៉ា ឈួន ហាវ៉ុន ជាអ្នកជំនួញដ៏លេចធ្លោមួយរូប ក្នុងវិស័យទិញលក់រថយន្តទំនើបៗនៅកម្ពុជា។ លោកត្រូវបានព្រះមហាក្សត្រចេញព្រះរាជក្រឹត្យ ផ្តល់គោរមងារ «ឧកញ៉ា» កាលពីថ្ងៃទី២៩ ខែមិថុនា ឆ្នាំ២០២៣ និងទទួលបានគោរមងារ «អ្នកឧកញ៉ា» កាលថ្ងៃទី២៥ ខែមិថុនា ឆ្នាំ២០២៤៕

The post ព្រះមហាក្សត្រ ត្រាស់បង្គាប់តែងតាំង អ្នកឧកញ៉ា ឈួន ហាវ៉ុន ជាទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា appeared first on .

ការប្រកាសរបស់អ្នកឧកញ៉ា ឈួន ហាវ៉ុន ខាងលើនេះគឺបន្ទាប់ពីកាលពីព្រឹកថ្ងៃទី២៨ ខែឧសភា ម្សិលមិញនេះ មានការប៉ះទង្គិចរវាងកងទ័ពកម្ពុជា និងកងទ័ពថៃ ដែលបានកើតឡើងនៅភូមិតេជោមរតក ស្រុកជាំក្សាន្ត ខេត្តព្រះវិហារ ដោយកងទ័ពថៃបានធ្វើការបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា និងបានធ្វើឱ្យកងទ័ពរបស់កម្ពុជាមួយរូប បានបាត់បង់ជីវិត។

លើបណ្តាញសង្គមហ្វេសប៊ុក នារសៀលថ្ងៃព្រហស្បតិ៍នេះ អ្នកឧកញ៉ា ឈួន ហាវ៉ុន បានលើកឡើងដូច្នេះថា៖ “មានបងប្អូនជាច្រើនបានទាក់ទងមកខ្ញុំថា បើចង់ជួយជាស្បៀងជូនបងៗកងទ័ព តើទាក់ទងតាមណា? ឥឡូវកុំឱ្យពិបាក បើបងប្អូនណាមានចិត្តចង់ចូលរួមជំនួយជាថវិកា និងរបស់ប្រើប្រាស់ ឬគ្រឿងបរិភោគជូនទៅដល់កងទ័ព អាចតាមរយៈខ្ញុំបាន ហើយបងប្អូនអាចទំលាក់ជារូបភាពនៅក្នុងខំមិនបាន។ ខ្មែរជួយខ្មែរ ដឹងគុណដល់កងទ័ពដែលការពារមាតុភូមិរបស់យើង។ នៅពេលដែលខ្ញុំបានទទួលរួចរាល់ ខ្ញុំនឹងធ្វើការបង្ហោះរាយឈ្មោះអ្នកចូលរួម”។

សូមជម្រាបថា ក្រោយហេតុការណ៍ផ្ទុះអាវុធនៅព្រំដែនកម្ពុជា-ថៃនេះកើតឡើង នៅថ្ងៃទី២៩ ខែឧសភានេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក៏បានបញ្ជាក់ផងដែរថា កម្ពុជាមិនមានបំណងឈ្លានពានប្រទេសណាមួយនោះទេ ប៉ុន្តែកម្ពុជាក៏រក្សាសិទ្ធិនៅក្នុងប្រើប្រាស់គ្រប់មធ្យោបាយដើម្បីការពារបូរណភាពទឹកដីរបស់ខ្លួន។ យ៉ាងណាមិញ សម្តេចក៏មិនចង់ឃើញមានការប្រយុទ្ធគ្នារវាងកងទ័ព និងកងទ័ព ដែលមិនផ្ដល់ផលចំណេញអ្វីសម្រាប់ប្រទេស និងប្រជាជនទាំងពីរនោះទេ ជាពិសេសកងទ័ពដែលត្រូវប្រយុទ្ធគ្នាផ្ទាល់នៅសមរភូមិមុខ៕

The post អ្នកឧកញ៉ា ឈួន ហាវ៉ុន ប្រកាសប្រមូលទទួលថវិកានិងស្បៀងពីសប្បុរសជន ដើម្បីជួយកងទ័ពនៅព្រំដែន appeared first on .

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ឈួន ហាវ៉ុន និងលោកជំទាវ បរិច្ចាគថវិកាចំនួន ១១,១១១,១១១ រៀល ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

តាមរយ:ការបង្ហោះនៅលើហ្វេសប៊ុកផេក World EV បានបង្ហាញឲ្យដឹងពីតម្លៃច្បាស់ៗរបស់រថយន្ត Toyota ម៉ូដែល BZ3X ស៊េរីឆ្នាំ២០២៥ សម្រាប់ភេទ English Version ដូចជា៖

1. ម៉ូដែល BZ3X 430 Air មានតម្លៃចាប់ពី $29,500
2. ម៉ូដែល BZ3X 520 Pro មានតម្លៃចាប់ពី $31,500
3. ម៉ូដែល BZ3X 520 Pro+ មានតម្លៃចាប់ពី $33,500
4. ម៉ូដែល BZ3X 610 Max មានតម្លៃ $35,300 តែប៉ុណ្ណោះ!
   សូមបញ្ជាក់ដែរថា ចំពោះតម្លៃទៅតាមម៉ូឌែលរថយន្ត Toyota ម៉ូដែល BZ3X ស៊េរីឆ្នាំ២០២៥ ខាងលើ ហាងលក់រថយន្តអគ្គិសនី World EV អ្នកឧកញ៉ា ឈួន ហាវ៉ុន ក៏រួមបញ្ចូលទាំងឆ្នាំងសាកកម្លាំង 7kw និងប្រភេទ 3.5kw ផងដែរ។

BZ3X គឺជារថយន្តអគ្គិសនី SUV ៥កៅអី រចនាឡើងជាមួយរូបរាងដ៏ទាក់ទាញ ដោយបំពាក់មកជាមួយថ្មប្រភេទ LFP (Lithium Iron Phosphate) មានទំហំ ៥០,០៣ គីឡូវ៉ាត់ម៉ោង និង ៦៧,៩២ គីឡូវ៉ាត់ម៉ោង និងមានសមត្ថភាពអាចរត់ចម្ងាយធ្វើដំណើរបានចន្លោះពី ៤៣០ គីឡូម៉ែត្រ ទៅ ៦១០ គីឡូម៉ែត្រ (CLTC) ក្រោយពេលសាកពេញម្តង ជាមួយម៉ូទ័រអេឡិចត្រិចដែលមានកម្លាំង ១៥០ គីឡូវ៉ាត់ ។ សម្រាប់ផ្នែកកខាងក្នុង Toyota BZ3X ត្រូវបានតុបតែងដោយភាពសាមញ្ញ ជាមួយនឹងសម្ភារៈកែច្នៃដូចជា PET (ប្លាស្ទិកកែច្នៃ) និងស្បែកសប្បនិម្មិត ដែលមើលទៅដូចជាស្បែកពិតៗ ប៉ុន្តែនៅតែអាចផ្តល់ ផារសុខភាព ខ្ពស់ ផងដែរ។ បើក្រឡកមើលផ្នែកខាងក្រៅ Toyota ប្រើដែកថែបធម្មតា និងអាលុយមីញ៉ូមស្រាល ដែលជួយកាត់បន្ថយទម្ងន់ និងបង្កើនប្រសិទ្ធភាពថាមពលខ្ពស់ ជាមួយនឹងកង់រថយន្តមានទំហំ ១៩ អ៉ីញ ។ ជាមួយលក្ខណ:ពិសេសផ្សេងទៀត bZ3Xក៏បានភ្ជាប់មកជាមួយនឹងអេក្រង់ថាច់ស្ក្រីនកណ្តាលផ្តេកធំតែមួយ នៅក្នុងកាប៊ីនដែលមានទំហំដល់ទៅ ១៤.៦-inch និងត្រូវបានបំពាក់ដោយបន្ទះឈីប Qualcomm Snapdragon 8155 ដែលផ្តល់ល្បឿនលឿនដើម្បីដំណើរការកម្មវិធីផ្សេងៗ។

គួរបញ្ជាក់បន្ថែមដែរថា តម្លៃដ៏ពិសេសនៃរថយន្ត Toyota ម៉ូដែល BZ3X ស៊េរីឆ្នាំ២០២៥ ដ៏ពិសេសទាំងនេះ សម្រាប់អតិថិជនកក់ទុកមុន និងមានតែនៅហាងលក់រថយន្តអគ្គិសនី World EV របស់អ្នកឧកញ៉ា ឈួន ហាវ៉ុន តែប៉ុណ្ណោះ ។ អ្នកឧកញ៉ា ឈួន ហាវ៉ុន ជាអ្នកជំនួញក្នុងវិស័យទិញ លក់រថយន្ត និងនាំចូលរថយន្តប្រណីតប្រេនល្បីៗមកពីជុំញពិភពលោក។ ហាងលក់រថយន្តអគ្គិសនីសុទ្ធ World EV មានទីតាំងស្ថិតនៅផ្លូវលេខ៣៧៤ សង្កាត់ទួលស្វាយព្រៃ។ សម្រាប់សាខាលក់រថយន្តប្រណីត ប្រេនល្បីៗមកពីជុំវិញពិភពលោក គឺមាននៅហាងលក់ Hawon Auto Car II ដែលមានទីតាំងស្ថិតនៅផ្លូវសុធារស ជិតផ្សារទំនើប AEON I ក្បែរកោះពេជ្រ៕

The post ចេញហើយ ចេញពិតៗ! ហាងលក់រថយន្ត World EV អ្នកឧកញ៉ា ឈួន ហាវ៉ុន ប្រកាសតម្លៃលក់រថយន្តអគ្គិសនី Toyota BZ3X ស៊េរីឆ្នាំ២០២៥ ច្បាស់ៗជូនអតិថិជន appeared first on .

យើងខ្ញុំទាំងអស់គ្នា សូមគោរពកោតសរសើរ និងវាយតម្លៃខ្ពស់ចំពោះគុណបំណាច់ និងស្នាដៃដ៏ធំធេងរបស់ សម្តេចពិជ័យសេនា ដែលបានលះបង់កម្លាំងកាយចិត្ត ប្រាជ្ញាស្មារតី ពុះពារគ្រប់ឧបសគ្គប្រកបដោយឆន្ទៈមនសិការ ស្នេហាជាតិ និងគំរូវីរភាពខ្លាំងក្លា ក្នុងបុព្វហេតុរំដោះជាតិមាតុភូមិ ប្រជាជនពីរបបប្រល័យពូជសាសន៍ និងជាប្រតិបត្តិករមួយរូប មានសមត្ថភាពក្នុងការអនុវត្តគោលនយោបាយ ឈ្នះ ឈ្នះ នាំមកនូវការបង្រួបបង្រួមជាតិ ឯកភាពទឹកដី សន្តិភាព សុវត្ថិភាព របស់ប្រជាជន ហើយបាននិងកំពុងបំពេញបេសកកម្មយ៉ាងសកម្ម កសាងសមិទ្ធផលសង្គមជាច្រើន រួមចំណែកធ្វើឱ្យ ប្រទេសជាតិមានសុខសន្តិភាព វឌ្ឍនភាព ប្រជាធិបតេយ្យពេញលេញ ក្នុងដំណើរឆ្ពោះទៅកាន់នីតិរដ្ឋដ៏រឹងមាំ និង អភិបាលកិច្ចល្អ។

ឆ្លៀតក្នុងឱកាសដ៏មហានក្ខត្តឫក្សនេះ យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សា ប្រទានពរជ័យ សិរីសួស្តី ជ័យមង្គលគ្រប់ប្រការជូនដល់ សម្តេចពិជ័យសេនា ទៀ បាញ់ និងលោកជំទាវ ព្រមទាំងបុត្រា បុត្រី ចៅប្រុស ចៅស្រីទាំងអស់ សូមមានជន្មាយុយឺនយូរ សុខុមាលភាពល្អបរិបូរណ៍ កម្លាំងមាំមួន និងសូមបានសមប្រកប ដោយព្រះពុទ្ធពរដ៏ប្រសើរថ្លៃថ្លាបំផុតទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

The post អ្នកឧកញ៉ា ឈួន ហាវ៉ុន សូមអបអរសាទរ និងគោរពជូនពរចំពោះ សម្តេចពិជ័យសេនា ទៀ បាញ់ ដែលត្រូវព្រះមហាក្សត្រ ដំឡើងឋានន្តរស័ក្តិថ្នាក់ «នាយឧត្តមសេនីយ៍ផុតលេខ ផ្កាយមាស៥» appeared first on .

ពិធីបំពាក់មេដាយនេះ បានធ្វើឡើងនៅក្នុងឱកាសដែលសម្តេចបានអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីបិទសន្និបាតប្រចាំឆ្នាំលើកទី២ បូកសរុបលទ្ធផលការងារឆ្នាំ២០២៤ និងលើកទិសដៅផែនការ ឆ្នាំ២០២៥ របស់សមាគមឧកញ៉ាកម្ពុជា កាលពីថ្ងៃទី១៤ ខែមីនា ឆ្នាំ២០២៥។

មេដាយជាតូបការ ជាគ្រឿងឥស្សរិយយសប្រភេទមាតុប្រទេស លំដាប់ខ្ពស់ជាងគេបំផុតនៅកម្ពុជា សម្រាប់បំពាក់ជូនចំពោះវរជន ដែលមានគុណដ៏ឧត្តុងឧត្តមក្នុងការបម្រើមាតុប្រទេស ហើយត្រូវបានប្រទានដោយព្រះមហាក្សត្រនៃព្រះរាជាណាចក្រកម្ពុជា តាមរយៈព្រះរាជក្រឹត្យ។

សូមជម្រាបថា អ្នកឧកញ៉ា ឈួន ហាវ៉ុន ជាអ្នកជំនួញដ៏លេចធ្លោមួយរូប ក្នុងវិស័យទិញលក់រថយន្តទំនើបៗនៅកម្ពុជា។ លោកត្រូវបានព្រះមហាក្សត្រចេញព្រះរាជក្រឹត្យ ផ្តល់គោរមងារ «ឧកញ៉ា» កាលពីថ្ងៃទី២៩ ខែមិថុនា ឆ្នាំ២០២៣ និងទទួលបានគោរមងារ «អ្នកឧកញ៉ា» កាលថ្ងៃទី២៥ ខែមិថុនា ឆ្នាំ២០២៤៕

The post អ្នកឧកញ៉ា ឈួន ហាវ៉ុន ទទួលបានការបំពាក់មេដាយ «ជាតូបការ» ពីសម្តេចធិបតី ហ៊ុន ម៉ាណែត appeared first on .

កាលពីថ្ងៃទី៤ ខែធ្នូ បុរសម្នាក់ឈ្មោះ ញឹក ចន្ទពិសិដ្ឋ អាយុ ៣៦ឆ្នាំ ជាអ្នកដឹកជញ្ជូនតាមអនឡាញ មានកូនតូច៣នាក់ និងត្រូវប្រពន្ធរត់ចោលរយៈពេលប្រមាណជាង ១ឆ្នាំមកហើយ បានរៀបរាប់ប្រាប់ដល់ TP News ថាខ្លួនមិនមានលទ្ធភាពធ្វើបុណ្យសពម្តាយ និងដឹកសពម្តាយយកទៅធ្វើបុណ្យនោះទេ ខណៈដែលបច្ចុប្បន្នខ្លួនរកបានកម្រៃបន្តិចបន្តួចត្រឹមចិញ្ចឹមក្រពះកូនតូចៗទាំង៣នាក់ប៉ុណ្ណោះ។

លោកបានឱ្យដឹងទៀតថា ម្តាយរបស់លោក មានអាយុ៧០ឆ្នាំ រស់នៅបន្ទប់ជួលស្ថិតនៅភូមិទ្រា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ជាគ្រូបង្រៀនចូលនិវត្តន៍ បានទទួលមរណភាព នៅយប់ថ្ងៃទី៤ ខែធ្នូ ឆ្នាំ២០២៤ ដោយសារមានជំងឺប្រចាំកាយច្រើនមុខ ដូចជាជំងឺបេះដូង លើសឈាម និងទឹកនោមផ្អែម។ មុនពេលស្លាប់ម្តាយរបស់លោកបានផ្តាំថា បើគាត់ស្លាប់ទៅ សូមយកសពរបស់គាត់ទៅបូជានៅវត្តសំពៅមាស ប៉ុន្តែលុះដល់ថ្ងៃម្តាយស្លាប់ លោកបែរជាគ្មានលទ្ធភាពសូម្បីជួលរថយន្តដឹកសាកសពម្តាយទៅធ្វើបុណ្យនៅវត្ត។

ក្រោយឃើញព័ត៌មានដ៏សោកសៅនេះ អ្នកឧកញ៉ា ទៀ វិចិត្រ និងអ្នកឧកញ៉ា ឈួន ហាវ៉ុន ក៏បានជួយជាថវិកាម្នាក់ ១លានរៀល ដល់បុរសឈ្មោះ ញឹក ចន្ទពិសិដ្ឋ ជាការចូលរួមចំណែកដើម្បីឱ្យបុរសរូបនោះអាចរៀបចំធ្វើបុណ្យជូនម្តាយ។

អ្នកឧកញ៉ា ទៀ វិចិត្រ និងអ្នកឧកញ៉ា ឈួន ហាវ៉ុន តែងចូលរួមចែករំលែកជួយដល់ពលរដ្ឋក្រខ្សត់ និងពលរដ្ឋជួបគ្រោះលំបាកជារឿយៗ។ លើសពីនេះ អ្នកឧកញ៉ាទាំងពីររូប ក៏បានចូលរួមបរិច្ចាគថវិកាជូនដល់កាកបាទក្រហមកម្ពុជា ព្រមទាំងបរិច្ចាគធនធានផ្ទាល់ខ្លួនជាច្រើន ក្នុងការងារសង្គមផ្សេងទៀត៕

The post អ្នកឧកញ៉ា ទៀ វិចិត្រ និងអ្នកឧកញ៉ា ឈួន ហាវ៉ុន ជួយថវិកាម្នាក់១លានរៀល ដល់បុរសដែលមិនមានលទ្ធភាពធ្វើបុណ្យម្តាយ appeared first on .