លោក ទៀ ស្យាម អគ្គនាយកក្រុមហ៊ុន ភីស ភេត្រូលៀម (ខេមបូឌា) កាលពីចុងសប្តាហ៍កន្លងទៅ បានដឹកនាំរៀបចំកម្មវិធីគម្រប់ខួប១ឆ្នាំ នៃការកកើតក្រុមហ៊ុន ភីស ភេត្រូលៀម (ខេមបូឌា) [Peace Petroleum Cambodia]។
កម្មវិធីនេះមានការអញ្ជើញចូលរួមពី អ្នកឧកញ៉ា ឈួន ហាវ៉ុន អគ្គនាយកក្រុមហ៊ុនលក់រថយន្តប្រណិត Hawon Auto Car, ឧកញ៉ា ឃន ឈុនដារ៉ា ស្ថាបនិកក្រុមហ៊ុន KOI Thé Cambodia និងជាស្ថាបនិក Tube Cafe ព្រមទាំងម្ចាស់ស្ថានីយ៍ប្រេងឥន្ធនៈ Peace ជាច្រើនរូបទៀតផងដែរ។
ក្រុមហ៊ុន ភីស ភេត្រូលៀម (ខេមបូឌា) បានគូសបញ្ជាក់ថា មួយឆ្នាំមុន ក្រុមហ៊ុនបានជ្រើសរើសផ្លូវដែលពិបាកបំផុត ប៉ុន្តែជាផ្លូវដែលជឿថាត្រឹមត្រូវ។ កម្មវិធីគម្រប់ខួប ១ឆ្នាំនេះ គឺជាការអបអរសាទរដល់អ្នកទាំងអស់គ្នា ដែលជាផ្នែកមួយនៃដំណើររបស់ ភីស ភេត្រូលៀម (ខេមបូឌា)។ រាល់ការគាំទ្រ រាល់ការជឿជាក់ និងរាល់ជំហានដែលបានដើរជាមួយគ្នា គឺជាកម្លាំងដែលជំរុញឱ្យក្រុមហ៊ុនបន្តទៅមុខ។ ភីស ភេត្រូលៀម (ខេមបូឌា) ក៏សូមថ្លែងអំណរគុណយ៉ាងជ្រាលជ្រៅចំពោះម្ចាស់ស្ថានីយ ដៃគូអាជីវកម្ម បុគ្គលិក អតិថិជន និងប្រជាជនកម្ពុជាទាំងអស់ ដែលបានជឿជាក់ និងគាំទ្រ ភីស។
សូមជម្រាបថា ក្រុមហ៊ុន PEACE Petroleum Cambodia ត្រូវបានបង្កើតឡើងដោយកូនខ្មែរគឺ លោក ទៀ ស្យាម និងអ្នកឧកញ៉ា ទៀ វិចិត្រ ជាសហស្ថាបនិក។ បច្ចុប្បន្នក្រុមហ៊ុនស្ថានីយប្រេងមួយនេះ មានចំនួន ៣៣កន្លែង និងកំពុងស្ថាបនាចំនួន ១០កន្លែង ហើយក្រុមហ៊ុន មានទស្សនវិស័យច្បាស់លាស់ ក្នុងការពង្រីកវិសាលភាពនៃស្ថានីយ ភីស ឱ្យគ្របដណ្តប់បានគ្រប់ ២៥ រាជធានី ខេត្ត តាមផែនការនិងយុទ្ធសាស្រ្តរបស់ក្រុមហ៊ុន នាពេលឆាប់ៗខាងមុខនេះ៕
