អគារសិក្សាអាទិភាពចំនួន ៤ ទីតាំងខាងលើ រួមមាន សាលាបឋមសិក្សាបត់រកា, សាលាបឋមសិក្សាក្រាំងធ្នង់, សាលាបឋមសិក្សា ប៊ុន រ៉ានី ហ៊ុន សែនស្ដុក និងសាលាបឋមសិក្សា ឱម សុផាត់។ ពិធីក្រុងពាលីបើកការដ្ឋាននេះ បានរៀបចំឡើងនៅសាលាបឋមសិក្សាបត់រកា ស្ថិតនៅភូមិព្រៃទទឹង ឃុំសំរោង ស្រុកសំរោង ខេត្តតាកែវ។

ក្នុងឱកាសនោះ ក៏មានការអញ្ជើញចូលរួមពីសំណាក់ លោក ស៊ុត ខុន និងលោកស្រី ឡុង បូណារ៉េត អភិបាលរង នៃគណៈអភិបាលខេត្តតាកែវ តំណាងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ព្រមទាំងមានការចូលរួមពីសំណាក់ នាយក នាយករងរដ្ឋបាលសាលាខេត្ត, ប្រធានមន្ទីរអប់រំ យុវជន និងកីឡាខេត្ត, ប្រធានមន្ទីរ-អង្គភាពពាក់ព័ន្ធជុំវិញខេត្ត, ក្រុមប្រឹក្សាស្រុក, លោកអភិបាល នៃគណៈអភិបាលស្រុកសំរោង, នាយក នាយករងរដ្ឋបាលសាលាស្រុក, អាជ្ញាធរឃុំសំរោង និងឃុំរវៀង ព្រមទាំងនាយកសាលា និងលោកគ្រូ អ្នកគ្រូ នៃសាលាទាំង ៤ ទីតាំងផងដែរ។

គួររំលឹកផងដែរថា អគារសិក្សាទាំង ៤ ទីតាំងនេះ គឺជាអំណោយដ៏ថ្លៃថ្លាជាប្រវត្តិសាស្ត្ររបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានបន្សល់ទុកតាំងពីទសវត្សរ៍ឆ្នាំ៩០។ ការបើកការដ្ឋានជួសជុលនៅពេលនេះ គឺជាការបន្តយកចិត្តទុកដាក់លើការថែរក្សា និងធានានិរន្តរភាពនៃហេដ្ឋារចនាសម្ពន្ធអប់រំ ដើម្បីបង្កើតបរិយាកាសសិក្សាដែលមានសុវត្ថិភាព សមរម្យ និងអំណោយផលដល់ការសិក្សារបស់សិស្សានុសិស្ស ព្រមទាំងរួមចំណែកក្នុងការអភិវឌ្ឍធនធានមនុស្សឱ្យមានចំណេះដឹង ជំនាញ និងសមត្ថភាព សម្រាប់ចូលរួមអភិវឌ្ឍសង្គម និងសេដ្ឋកិច្ចជាតិ។

The post អ្នកឧកញ៉ា ម៉ម វណ្ណឌី អញ្ជើញជាអធិបតីភាពក្នុងពិធីក្រុងពាលីបើកការដ្ឋានជួសជុលអគារសិក្សាអាទិភាពចំនួន ៤ នៅខេត្តតាកែវ appeared first on .

អ្នកឧកញ៉ា ម៉ម វណ្ណឌី បានពាំនាំនូវការផ្ដាំផ្ញើសួរសុខទុក្ខ និងការនឹករឭកពីសំណាក់ សម្ដេចតេជោ ប្រធានព្រឹទ្ធសភា ជូនចំពោះថ្នាក់ដឹកនាំ អាជ្ញាធរមូលដ្ឋាន លោកគ្រូ អ្នកគ្រូ និងសិស្សានុសិស្ស ក្នុងភូមិសាស្ត្រស្រុកសំរោង ខេត្តតាកែវ។ អ្នកឧកញ៉ា បានបញ្ជាក់ថា ការចុះពិនិត្យ សិក្សា និងវាយតម្លៃស្ថានភាពជាក់ស្ដែងនៃអគារសិក្សានាពេលនេះ គឺដើម្បីស្វែងយល់អំពីស្ថានភាព និងតម្រូវការជាក់ស្ដែងរបស់សាលារៀននីមួយៗ ព្រមទាំងកំណត់អាទិភាពសម្រាប់ការជួសជុល កែលម្អ និងសាងសង់ឡើងវិញ ឱ្យស្របតាមស្ថានភាពជាក់ស្ដែង និងតម្រូវការរបស់គ្រឹះស្ថានសិក្សា។

គួរបញ្ជាក់ថា សាលារៀនទាំង ៩ ដែលត្រូវបានក្រុមការងារចុះពិនិត្យ សិក្សា និងវាយតម្លៃ រួមមាន៖

១. វិទ្យាល័យ ប៊ុន រ៉ានី ហ៊ុន សែន ស្លារម សាងសង់ក្នុងឆ្នាំ១៩៩៦ មានអគារចំនួន ២ ខ្នង។

២. សាលាបឋមសិក្សា ប៊ុន រ៉ានី ហ៊ុន សែន ស្លារម សាងសង់ក្នុងឆ្នាំ១៩៩៦ មានអគារចំនួន ២ ខ្នង។

៣. សាលាបឋមសិក្សា ប៊ុន រ៉ានី ហ៊ុន សែន នាងខ្មៅ សាងសង់ក្នុងឆ្នាំ១៩៩៦ មានអគារចំនួន ២ ខ្នង។

៤. សាលាបឋមសិក្សា ហ៊ុន សែន ក្រាំងធ្នង់ សាងសង់ក្នុងឆ្នាំ១៩៩៦ មានអគារចំនួន ១ ខ្នង។

៥. សាលាបឋមសិក្សា ប៊ុន រ៉ានី ហ៊ុន សែន ភ្នំជីសូរ សាងសង់ក្នុងឆ្នាំ១៩៩៦ មានអគារចំនួន ១ ខ្នង។

៦. វិទ្យាល័យ ប៊ុន រ៉ានី ហ៊ុន សែន ភ្នំជីសូរ សាងសង់ក្នុងឆ្នាំ១៩៩៦ និងឆ្នាំ១៩៩៨ មានអគារចំនួន ២ ខ្នង។

៧. សាលារៀន ប៊ុន រ៉ានី ហ៊ុន សែន ស្ដុក សាងសង់ក្នុងឆ្នាំ១៩៩៧ មានអគារចំនួន ១ ខ្នង។

៨. សាលាបឋមសិក្សា ឱម សុផាត់ សាងសង់ក្នុងឆ្នាំ១៩៩៦ មានអគារចំនួន ១ ខ្នង។

៩. សាលាបឋមសិក្សា បត់រកា សាងសង់ក្នុងឆ្នាំ១៩៩៧ មានអគារចំនួន ១ ខ្នង។

ជាលទ្ធផលនៃការចុះពិនិត្យ និងវាយតម្លៃ ក្រុមការងារបានកំណត់យក សាលាបឋមសិក្សាបត់រកា ស្ថិតក្នុងឃុំសំរោង ស្រុកសំរោង ខេត្តតាកែវ ជាសាលារៀនអាទិភាពសម្រាប់ចាប់ផ្ដើមអនុវត្តការងារជួសជុល និងកែលម្អ។ ការកំណត់សាលាបឋមសិក្សាបត់រកាជាអាទិភាពនេះ គឺដោយសារអគារសិក្សានៅទីតាំងនេះមានសភាពចាស់ទ្រុឌទ្រោមខ្លាំង និងត្រូវការការជួសជុល និងកែលម្អជាបន្ទាន់ ដើម្បីធានាបាននូវសុវត្ថិភាព និងបរិយាកាសសិក្សាដ៏សមស្របសម្រាប់សិស្សានុសិស្ស និងលោកគ្រូ អ្នកគ្រូ។

សូមបញ្ជាក់ថា ការចុះពិនិត្យ និងវាយតម្លៃនាពេលនេះ បានបង្ហាញពីការយកចិត្តទុកដាក់ខ្ពស់របស់សម្ដេចតេជោ ប្រធានព្រឹទ្ធសភា ចំពោះវិស័យអប់រំ និងសុខុមាលភាពរបស់កុមារ និងយុវជន តាមរយៈការជួយកែលម្អ និងអភិវឌ្ឍហេដ្ឋារចនាសម្ព័ន្ធសិក្សា ដើម្បីបង្កើតបរិយាកាសអប់រំកាន់តែល្អប្រសើរ មានសុវត្ថិភាព និងរួមចំណែកលើកកម្ពស់គុណភាពអប់រំនៅកម្ពុជា៕

The post អ្នកឧកញ៉ា ម៉ម វណ្ណឌី ដឹកនាំក្រុមការងារចុះពិនិត្យ និងវាយតម្លៃអគារសិក្សាចំនួន ៩ នៅខេត្តតាកែវ ដើម្បីពិនិត្យអាទិភាពជួសជុល និងសាងសង់ឡើងវិញ appeared first on .

តាមរយៈបណ្តាញសង្គមហ្វេសប៊ុក នាថ្ងៃទី២៥ ខែសីហានេះ សម្តេចព្រះឧត្តមវង្សា បណ្ឌិត គូ សុភាព បានលើកឡើងថា សូមចម្រើនពរថ្លែងអំណរគុណយ៉ាងជ្រាលជ្រៅជាទីបំផុត ជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម នៃព្រះរាជាណាចក្រកម្ពុជា សម្ដេចទាំងទ្វេមានសទ្ធាជ្រះថ្លាកសាង (១) អគារសាលបដិសណ្ឋារៈ មួយខ្នង កម្ពស់ ១ជាន់ បណ្តោយ ១៦ម៉ែត្រ ទទឹង ៨ម៉ែត្រ (២) បដិមាព្រះត្រៃសរណគមន៍ (ព្រះពុទ្ធ ព្រះធម៌ ព្រះសង្ឃ) កម្ពស់ ៣.៦ម៉ែត្រ សាងពីសំរឹទ្ធ និង (៣) ទេពទ្វារបាល ១គូ កម្ពស់ ៤.៥ម៉ែត្រ សាងអំពីសំរឹទ្ធ តម្កល់ទុកក្នុងវត្តនិគ្រោធវ័ន គល់ទទឹង ភូមិកោះក្របីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ តាមរយៈ ឯកឧត្តម អ្នកឧកញ៉ា ម៉ម វណ្ណឌី ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា ប្រធានក្រុមប្រឹក្សាភិបាលក្រុមហ៊ុន ឌីភីម្ចាស់ចម្ការ, អនុប្រធានសមាគម​អតីត​យុទ្ធជន និងនិវត្តជនកម្ពុជា និងលោកជំទាវ អ្នកឧកញ៉ា ទៀង ផល្លា ព្រមទាំងបុត្រាបុត្រី។

«សូមសម្ដេចទាំងទ្វេ ព្រមទាំងបុត្រាបុត្រី ចៅប្រុសចៅស្រី បានសមប្រកបជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ»។ សម្តេចព្រះឧត្តមវង្សា បណ្ឌិត គូ សុភាព បានបន្ថែម។

សូមជម្រាបថា វត្តនិគ្រោធវ័ន ហៅ វត្តគល់ទទឹង គឺជាទីអារាមមួយស្ថិតនៅ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ វត្តនេះគឺមាន សម្ដេចព្រះឧត្តមវង្សា គូ សុភាព ជាព្រះគូសូត្រស្ដាំ និងជាព្រះធម្មធរគណរាជធានីភ្នំពេញ។ វត្តគល់ទទឹងត្រូវបានរៀបចំឡើងជា រមណីយារាមដ្ឋាន ដើម្បីលើកកម្ពស់វិស័យទេសចរណ៍កម្ពុជា និងជាពិសេសដើម្បីស្វែងយល់ពីវិស័យព្រះពុទ្ធសាសនា វប្បធម៌ និងការគោរពបូជារបស់ពលរដ្ឋខ្មែរ៕

The post សម្តេចតេជោ ហ៊ុន សែន តាមរយៈ អ្នកឧកញ៉ា ម៉ម វណ្ណឌី មានសទ្ធាជ្រះថ្លាកសាងអគារសាលបដិសណ្ឋារៈ មួយខ្នង នៅវត្តនិគ្រោធវ័ន គល់ទទឹង appeared first on .

មុនពិធីបំពាក់គ្រឿងឥស្សរិយយសជាន់ខ្ពស់ពី ឯកឧត្តម ដាតុក សារឌីន ប៊ីន អេចជេ ប្រធានសមាគមអតីត​យុទ្ធជននៃកងកម្លាំងប្រដាប់អាវុធម៉ាឡេស៉ី ថ្លែងថា សមាគមអតីតយុទ្ធជនម៉ាឡេស៊ី មើលឃើញពីកិច្ចខិតខំប្រឹង​ប្រែង​របស់សមាគមអតីតយុទ្ធជន និងនិវត្តជនកម្ពុជា ដែលមាន ឯកឧត្តម នាយឧត្តមសេនីយ៍ គន់ គីម ជាសេនាធិការ លើកកម្ពស់ការបង្កើតទំនាក់ទំនងទ្វេភាគី ស្មារតីសាមគ្គីភាព ក្នុងកិច្ចសហប្រតិបត្តិការរវាង​សមាគមទាំងពីរ។

ឯកឧត្តម ប្រធានសមាគមអតីតយុទ្ធជនម៉ាឡេស៊ី ថ្លែងទៀតថា ឯកឧត្តម នាយឧត្តមសេនីយ៍ គន់ គីម បានបំពេញតួនាទីយ៉ាងល្អប្រសើរ ក្នុងពេលកំពុងកាន់តំណែងជាប្រធាន VECONAC ២០២៦ ដែលស្នាដៃរបស់ ឯកឧត្តម និងថ្នាក់ដឹកនាំជាច្រើនទៀត សាកសមទទួលគ្រឿងឥស្សរិយ យសជាន់ខ្ពស់ពី សមាគមអតីតយុទ្ធជន​ម៉ាឡេស៊ី។

ជាមួយគ្នានេះ ឯកឧត្តម គន់ គីម ក្នុងនាមថ្នាក់ដឹកនាំ និងមន្ត្រីទាំងអស់នៃសមាគមអតីតយុទ្ធជន និងនិវត្តជន​កម្ពុជា សូមសម្តែងសេចក្តីសោមនស្សរីករាយ និងកិត្តិយសដ៏ខ្ពង់ខ្ពស់បំផុតដែលបានស្វាគមន៍យ៉ាងកក់ក្ដៅចំពោះ ឯកឧត្តមប្រធានសមាគមអតីតយុទ្ធជនម៉ាឡេស៊ី និងគណៈប្រតិភូទាំងអស់ ដែលបានអញ្ជើញមកកាន់ព្រះរាជា​ណាចក្រកម្ពុជា ដើម្បីនាំយកនូវគ្រឿងឥស្សរិយយស មកប្រគល់ជូនថ្នាក់ដឹកនាំ និងមន្រ្តីសមាគមអតីតយុទ្ធជន និងនិវត្តជនកម្ពុជា។

ឯកឧត្តម គន់ គីម លើកឡើងថា ការបំពាក់គ្រឿងឥស្សរិយយសនាពេលនេះ គឺជាសក្ខីភាពឆ្លុះបញ្ចាំងយ៉ាង​ច្បាស់អំពីការវាយតម្លៃខ្ពស់ ចំពោះកិច្ចខិតខំប្រឹងប្រែងរបស់សមាគមក្រោមការដឹកនាំរបស់ សម្តេចអគ្គមហាសេនា​បតីតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត ក្នុងការលើកកម្ពស់កិត្តិយស សុខុមាលភាព និងជីវភាពរស់នៅរបស់អតីតយុទ្ធជន និងនិវត្តជនកម្ពុជា។

លើសពីនេះ ជោគជ័យ និងសមិទ្ធផលទាំងឡាយដែលសមាគមសម្រេចបានរហូតមកដល់ពេលនេះ គឺមិនអាចកាត់​ផ្តាច់បានឡើយពីការដឹកនាំដ៏ប៉ិនប្រសព្វជាប្រចាំពីសំណាក់ សម្តេចតេជោ ហ៊ុន សែន ប្រធានសមាគម ដែលជា​ស្ថាបនិកបង្កើតសមាគមនេះឡើង ដើម្បីធ្វើជាបង្អែកដ៏រឹងមាំសម្រាប់ អតីតយុទ្ធជន និងនិវត្តជនកម្ពុជាទាំងអស់។

ទន្ទឹមនឹងនេះ ឯកឧត្តម គន់ គីម បន្តថា ក្រោមការដឹកនាំប្រកបដោយថាមវន្ត និងទស្សនវិស័យវែងឆ្ងាយរបស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាអនុប្រធានទី១ នៃសមាគម រាជរដ្ឋាភិបាលកម្ពុជា បានបន្តជួយជ្រោមជ្រែងយ៉ាងសកម្មក្នុងការលើកកម្ពស់កិត្តិយស និងជីវភាពរស់នៅរបស់​អតីត​យុទ្ធជន និងនិវត្តជនឱ្យកាន់តែប្រសើរឡើងឥតឈប់ឈរ។

ឯកឧត្តម គន់ គីម សង្កត់ធ្ងន់ថា ទំនាក់ទំនងរវាង សមាគមអតីតយុទ្ធជន និងនិវត្តជនកម្ពុជា និង សមាគមអតីត​យុទ្ធជនកងកម្លាំងប្រដាប់អាវុធម៉ាឡេស៊ី មិនមែនជាទំនាក់ទំនងដែលកើតឡើងក្នុងថ្ងៃនេះទេ ប៉ុន្តែជាទំនាក់ទំនង ដែលបានកសាង និងពង្រឹងជាបន្តបន្ទាប់ ដោយឈរ លើមូលដ្ឋាននៃមិត្តភាព ការគោរពគ្នាទៅវិញទៅមក សាមគ្គីភាព និងផលប្រយោជន៍រួមរបស់អតីតយុទ្ធជន។

ក្នុងនាម សមាគមអតីតយុទ្ធជនកម្ពុជា និងនិវត្តជនកម្ពុជា ឯកឧត្តម គន់ គីម សង្ឃឹម និងជឿជាក់ថា បន្ទាប់ពី​ការបំពាក់គ្រឿងឥស្សរិយយស នឹងក្លាយជាចំណុចសំខាន់មួយបន្ថែមទៀត ក្នុងការពង្រឹងទំនាក់ទំនង និងកិច្ច​សហប្រតិបត្តិការទ្វេភាគីរវាងសមាគមទាំងពីរ ឱ្យកាន់តែជិតស្និទ្ធ និងស៊ីជម្រៅ ជាពិសេសតាម​រយៈការផ្លាស់ប្ដូរ​បទពិសោធន៍ ការគាំទ្រគ្នាទៅវិញទៅមក និងការចូលរួមក្នុងសកម្មភាពនានា​របស់សហព័ន្ធអតីតយុទ្ធជន​បណ្តាប្រទេសអាស៊ាន៕

The post ឯកឧត្តម គន់ គីម និងថ្នាក់ដឹកនាំជាន់ខ្ពស់សមាគម​ ១២រូប ទទួលបានគ្រឿងឥស្សរិយយសជាន់ខ្ពស់​ពីសមាគមអតីតយុទ្ធជនម៉ាឡេស៊ី appeared first on .

សូមជម្រាបថា អ្នកឧកញ៉ា ម៉ម វណ្ណឌី ជាប្រធានក្រុមប្រឹក្សាភិបាលក្រុមហ៊ុន ឌីភីម្ចាស់ចម្ការ, ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា នីតិកាលទី៥ មានឋានៈស្មើ ទេសរដ្ឋមន្ត្រី, អនុប្រធានសមាគមអតីតយុទ្ធជន និងនិវត្តជនកម្ពុជា ព្រមទាំងធ្លាប់ត្រូវបានព្រះមហាក្សត្រ ចេញព្រះរាជក្រឹត្យ តែងតាំង ជា «ទីប្រឹក្សា គណៈកម្មាធិការជាតិគ្រប់គ្រងគ្រោះមហន្តរាយ» មានឋានៈស្មើ «រដ្ឋមន្ត្រី» កាលថ្ងៃទី១៣ ខែមករា ឆ្នាំ២០២៣ ផងដែរ៕

The post សម្តេចតេជោ ហ៊ុន សែន ប្រគល់ភារកិច្ចជូន អ្នកឧកញ៉ា ម៉ម វណ្ណឌី ឱ្យទទួលបន្ទុកជួសជុលអគារសិក្សាទាំងអស់ដែលជាអំណោយរបស់សម្តេចនៅទូទាំងប្រទេសកម្ពុជា appeared first on .

ឯកឧត្តម អ្នកឧកញ៉ា ម៉ម វណ្ណឌី អនុប្រធានសមាគមទទួលបន្ទុកធុរកិច្ច​ និងវិនិយោគ បានមានប្រសាសន៍ស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅចំពោះគណៈប្រតិភូវិនិយោគិនចិនដែលដឹកនាំដោយ លោក ឈី ហ្វាង (Qi Fang) សមាជិកក្រុមប្រឹក្សានៃសមាគមជីហ្វា (GIFA) ព្រមទាំងតំណាងក្រុមហ៊ុនចិនទាំង​៦០​ក្រុមហ៊ុន ព្រមទាំងម្ចាស់ក្រុមហ៊ុនក្នុងស្រុក និងតំណាងក្រសួង-ស្ថាប័នពាក់ព័ន្ធរបស់កម្ពុជាទាំងអស់ដែលបានចូលរួមវេទិកាកិច្ចធុរកិច្ចដ៏មានសារៈសំខាន់នេះ។ ជាមួយគ្នានេះញដែរឯកឧត្តម អ្នកឧកញ៉ា ក៏បានថ្លែងអំណរគុណចំពោះ ឯកឧត្តម គីម សុផារុន អគ្គលេខាធិការរង និងជាអនុប្រធានក្រុមការងារធុរកិច្ច​ និងវិនិយោគ របស់សមាគមអតីតយុទ្ធជន និងនិវត្តជនកម្ពុជា និងលោក តាំង សុខងន់ អគ្គកុងស៊ុលកម្ពុជាប្រចាំទីក្រុងណាននីង ដែលបានខិតខំសម្របសម្រួលឱ្យព្រឹត្តិការណ៍នេះលេចរូបរាងឡើងក្នុងថ្ងៃនេះ។

ឯកឧត្តម អ្នកឧកញ៉ា ម៉ម វណ្ណឌី  បញ្ជាក់ថា «វេទិកាកិច្ចសហប្រតិបត្តិការធុរកិច្ច កម្ពុជា-ចិន» នេះគឺជាព្រឹត្តិការណ៍សហប្រតិបត្តិការធុរកិច្ចលើកដំបូងដែលសមាគមអតីតយុទ្ធជន និងនិវត្តជនកម្ពុជាបានរៀបចំឡើងក្នុងគោលបំណងធំៗចំនួន៤​រួមមាន៖ ១.ឈ្វេងយល់ពីតួនាទីរបស់សមាគម ២.ឈ្វេងយល់ពីបរិយាកាសវិនិយោគ ៣.ឈ្វេងយល់ពីឱកាស និងសក្តានុពលនៃការវិនិយោគ ៤.បង្កើតកិច្ចសហប្រតិបត្តិការជាក់ស្តែងដើម្បីផ្តល់ផលប្រយោជន៍ទៅវិញទៅមក ជាពិសេសគាំទ្រដល់អតីតយុទ្ធជន និងនិវត្តជន។

ឯកឧត្តម អ្នកឧកញ៉ា បានគូសបញ្ជាក់ថា សមាគមអតីតយុទ្ធជន និងនិវត្តជនកម្ពុជា ដែលមាន សម្តេចតេជោ ហ៊ុន សែន ជាប្រធាន និង សម្តេចធិបតី ហ៊ុន ម៉ាណែត ជាអនុប្រធានទី១ តែងតែយកចិត្តទុកដាក់ខ្ពស់ចំពោះសុខទុក្ខ និងជីវភាពរបស់អតីតយុទ្ធជន តាមរយៈការផ្តល់ប្រាក់សោធននិវត្តន៍ ការថែទាំសុខភាព ការផ្តល់ដីធ្លី និងផ្ទះសម្បែង ដោយ “មិនបោះបង់អតីតយុទ្ធជនណាម្នាក់ចោលឡើយ”។ ឯកឧត្តម​បានបន្ថែមថា វេទិកាធុរកិច្ចលើកទី១ នេះ គឺជាជំហានដ៏សំខាន់មួយក្នុងការបង្កើតកាលានុវត្តភាពវិនិយោគ ដើម្បីរួមចំណែកលើកកម្ពស់ជីវភាពរបស់អតីតយុទ្ធជន និងនិវត្តជនឱ្យកាន់តែប្រសើរឡើង។

លោក ឈី ហ្វាង (Qi Fang) ប្រធានប្រតិភូពាណិជ្ជករ និងជាសមាជិកក្រុមប្រឹក្សានៃសមាគមទំនាក់ទំនងមិត្តភាពអន្តរជាតិក្វាងស៊ី​ ថ្លែងថា «ការដែលរូបខ្ញុំ និងក្រុមសហគ្រិនចិន បានឈរនៅលើទឹកដីកម្ពុជានានៅពេលនេះ គឺមិនត្រឹមតែក្នុងនាមជាប្រធានប្រតិភូពាណិជ្ជករក្វាងស៊ីប៉ុណ្ណោះទេ ប៉ុន្តែគឺក្នុងនាមជាសមាជិកក្រុមប្រឹក្សានៃសមាគមទំនាក់ទំនងមិត្តភាពអន្តរជាតិក្វាងស៊ីផងដែរ។ សមាគមយើងតែងតែលើកកម្ពស់ទង់នៃសន្តិភាព ការអភិវឌ្ឍ និងកិច្ចសហប្រតិបត្តិការ​ ឈ្នះ-ឈ្នះ ដើម្បីជំរុញការផ្លាស់ប្តូរមិត្តភាព និងកិច្ចសហប្រតិបត្តិការរវាងប្រជាជន និងប្រជាជន។ តាមរយៈសកម្មភាពផ្លាស់ប្តូរមិត្តភាពលើគ្រប់វិស័យ និងគ្រប់កម្រិត យើងមានគោលបំណងបង្កើនការយល់ដឹង ជំរុញកិច្ចសហប្រតិបត្តិការពាណិជ្ជកម្ម និងការទំនាក់ទំនងរវាងតំបន់ក្វាងស៊ី និងបណ្តាប្រទេសនៅលើពិភពលោក ដើម្បីចូលរួមចំណែកយ៉ាងសកម្មក្នុងគំនិតផ្តួចផ្តើម “ខ្សែក្រវាត់ និងផ្លូវ” និងការកសាងសហគមន៍វាសនារួមសម្រាប់មនុស្សជាតិ»។

លោក ឈី ហ្វាង បញ្ជាក់ថា​ ការបន្តហូរចូលនៃវិនិយោគិនចិន គឺជាសញ្ញាវិជ្ជមានយ៉ាងច្បាស់ដែលបង្ហាញពីភាពទាក់ទាញរបស់កម្ពុជា ក្នុងនាមជាគោលដៅវិនិយោគដ៏សំខាន់មួយនៅក្នុងតំបន់។ រាជរដ្ឋាភិបាលកម្ពុជា បាននិងកំពុងបន្តខិតខំប្រឹងប្រែងកែលម្អបរិយាកាសធុរកិច្ច និងវិនិយោគ ដើម្បីទាក់ទាញវិនិយោគផ្ទាល់ពីបរទេសបន្ថែមទៀត ដែលនឹងរួមចំណែកដល់ការអភិវឌ្ឍសេដ្ឋកិច្ចជាតិ ការបង្កើតការងារ និងការផ្ទេរបច្ចេកវិទ្យា។ កម្ពុជានៅតែជាទីផ្សារដ៏មានសក្តានុពលសម្រាប់វិនិយោគិនបរទេស ជាពិសេសវិនិយោគិនចិន ដែលតែងតែមើលឃើញពីឱកាសរីកចម្រើននៅក្នុងប្រទេសកម្ពុជា។

គួរជម្រាបជូនថា ឆ្លងតាមកិច្ចពិភាក្សាក្នុង «វេទិកាកិច្ចសហប្រតិបត្តិការធុរកិច្ច កម្ពុជា-ចិន» នាព្រឹកនេះ អង្គវេទិកាទាំងអស់បានទទួលនូវព័ត៌មានសំខាន់ៗ អំពីបរិយាកាសវិនិយោគនៅកម្ពុជា បានឈ្វេងយល់ពីក្របខ័ណ្ឌច្បាប់ និងការលើកទឹកចិត្តក្នុងការវិនិយោគពីស្ថាប័នពាក់ព័ន្ធរួមមានក្រសួងពាណិជ្ជកម្ម ក្រសួងកសិកម្ម រុក្ខាប្រមាញ់ និងនេសាទ ព្រមទាំងក្រុមប្រឹក្សាអភិវឌ្ឍន៍កម្ពុជា (CDC) ។ ជាមួយគ្នានេះដែរ វិនិយោគិនកម្ពុជា ចិន ក៏បានចាប់ផ្តើមកំណត់វិស័យដែលមានសក្តានុពលជាក់ស្តែងសម្រាប់កិច្ចសហប្រតិបត្តិការ។

សមាគមអតីតយុទ្ធជន និងនិវត្តជនកម្ពុជា ត្រៀមខ្លួនធ្វើជាស្ពានចម្លងដ៏ជឿទុកចិត្ត រវាងវិនិយោគិនចិន និងភាគីពាក់ព័ន្ធនៅកម្ពុជា ដោយផ្តោត និងគាំទ្រតែលើធុរកិច្ចដែលស្របច្បាប់។ ការងារបេសកកម្មចម្បងរបស់សមាគមអតីតយុទ្ធជន និងនិវត្តជនកម្ពុជា ស្វែងរកការវិនិយោគមិនមែនសម្រាប់តែផលប្រយោជន៍ពាណិជ្ជកម្មសុទ្ធសាធនោះទេ ប៉ុន្តែជាបេសកកម្មក្នុងការលើកកម្ពស់សុខុមាលភាព សេចក្តីថ្លៃថ្នូរ និងជីវភាពរស់នៅរបស់គ្រួសារអតីតយុទ្ធជន និវត្តជន ស្របតាមអនុសាសន៍ណែនាំរបស់ សម្តេចតេជោ ហ៊ុន សែន ប្រធានសមាគម។ 

គួរបញ្ជាក់ថា គណៈប្រតិភូ និងវិនិយោគិន ខេត្តហ្គ័ងស៊ី នៃសាធារណរដ្ឋប្រជាមានិតចិនចំនួន ៦០ក្រុមហ៊ុនមកកាន់ព្រះរាជាណាចក្រកម្ពុជាដើម្បីចូលរួម «វេទិកាកិច្ចសហប្រតិបត្តិការធុរកិច្ច កម្ពុជា-ចិន» លើកដំបូង ដើម្បីស្វែងយល់ពីឱកាសវិនិយោគ និងពង្រឹងកិច្ចសហប្រតិបត្តិការសេដ្ឋកិច្ចនៅកម្ពុជា និងលើកកម្ពស់ជីវភាពអតីតយុទ្ធជន និងនិវត្តជននៅកម្ពុជាគឺមានរយៈពេល៥ថ្ងៃចាប់ពីថ្ងៃទី២១ ដល់ថ្ងៃទី២៥ ខែកក្កដា ឆ្នាំ២០២៦៕

The post សមាគមអតីតយុទ្ធជន និងនិវត្តជនកម្ពុជា បើកវេទិកាកិច្ចសហប្រតិបត្តិការធុរកិច្ច កម្ពុជា-ចិន លើកដំបូង ដើម្បីទាក់ទាញការវិនិយោគ និងលើកកម្ពស់ជីវភាពអតីតយុទ្ធជន appeared first on .

The post ឯកឧត្តម អ្នកឧកញ៉ា ម៉ម វណ្ណឌី អញ្ជើញជាអធិបតីក្នុងពិធីបើក «វេទិកាកិច្ចសហប្រតិបត្តិការធុរកិច្ច កម្ពុជា-ចិន»  appeared first on .

ដំណើរទស្សនកិច្ចធុរកិច្ចរបស់ប្រតិភូ និងវិនិយោគិនខេត្តហ្គ័ងស៊ីនេះ ប្រព្រឹត្តទៅចាប់ពីថ្ងៃទី២១ ដល់ថ្ងៃទី២៥ ខែកក្កដា ឆ្នាំ២០២៦ ដែលរៀបចំដោយ​ សមាគមអតីតយុទ្ធជន និងនិវត្តជនកម្ពុជា។ កម្មវិធីនេះគឺរៀបចំឡើងក្នុងគោលបំណង៖

-ឈ្វេងយល់អំពីតួនាទីសមាគមអតីតយុទ្ធជន និងនិវត្ដជនកម្ពុជា ក្នុងការសម្របសម្រួល និងគាំទ្រដល់ធុរកិច្ចនិងការវិនិយោគនៅកម្ពុជា។

-ឈ្វេងយល់ពីបរិយាកាសអំណោយផលនៃកិច្ចការធុរកិច្ច និងវិនិយោគនៅកម្ពុជា។

-ឈ្វេងយល់ពីឱកាសវិនិយោគដ៏មានសក្តានុពលនៃធុរកិច្ច និងវិនិយោគនានាកម្ពុជា។

-ដាក់ចេញនូវឱកាសសហប្រតិបត្តិការធុរកិច្ច និងវិនិយោគនានាដែលលើកកម្ពស់ផលប្រយោជន៍ទៅវិញទៅមកសម្រាប់អតីតយុទ្ធជន និងនិវត្តជន នៃប្រទេសទាំងពីរ។

គួរជម្រាបជូនដែរថា គណៈប្រតិភូ និងវិនិយោគិនចិនទាំង៦០ក្រុមហ៊ុន នឹងចូលរួមក្នុងវេទិកាកិច្ចសហប្រតិបត្តិការធុរកិច្ច កម្ពុជា-ចិន នាព្រឹកថ្ងៃទី២២ ខែកក្កដា ដែលរៀបចំធ្វើនៅសណ្ឋាគារ Fairfield by Marriott រាជធានីភ្នំពេញ៕

The post អ្នកឧកញ៉ា ម៉ម វណ្ណឌី អញ្ជើញទទួលស្វាគមន៍គណៈប្រតិភូ និងវិនិយោគិនចិន ៦០ក្រុមហ៊ុន មកទស្សនកិច្ចធុរកិច្ចនៅកម្ពុជា appeared first on .

ការចូលរួមឧបត្ថម្ភថវិកាជួយសាងសង់ផ្ទះនេះ បានធ្វើឡើងក្នុងពិធីរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បន្ដចុះជួបសំណេះសំណាលជាមួយក្រុមប្រឹក្សាខេត្ដ ក្រុង ឃុំ សង្កាត់ ថ្នាក់ដឹកនាំមន្ទីរ ស្ទឹងត្រែង នាព្រឹកថ្ងៃព្រហស្បតិ៍នេះ។

គួររំឭកថា កាលថ្ងៃទី៦ ខែកក្កដា ឆ្នាំ២០២៦ ក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំសង្កាត់ និងថ្នាក់ដឹកនាំមន្ទីរអង្គភាពពាក់ព័ន្ធនានា ជុំវិញខេត្តក្រចេះ សម្ដេចតេជោ ហ៊ុន សែន ក៏បានមាន​ប្រសាសន៍ឱ្យអាជ្ញាធរគ្រប់លំដាប់ថ្នាក់ បន្តយកចិត្តទុកដាក់ចំពោះអតីតយុទ្ធជន និងនិវត្តន៍ជន ពីព្រោះ​ពួកគាត់ជាអ្នកដែលធ្លាប់បានចូលរួមចំណែកយ៉ាងសំខាន់ក្នុងកិច្ចការអភិវឌ្ឍន៍ប្រទេសជាតិ។

សូមជម្រាបថា ខេត្តស្ទឹងត្រែង ស្ថិតនៅភាគឦសាននៃប្រទេសកម្ពុជា មានព្រំប្រទល់ខាងជើងជាប់ខេត្ត​ពីរនៃសាធារណរដ្ឋ ប្រជាធិបតេយ្យប្រជាមានិតឡាវ គឺខេត្តចំប៉ាសាក់ និងខេត្តអត្តពឺ ខាងត្បូងជាប់ខេត្តក្រចេះ និងខេត្តមណ្ឌលគិរី ខាងកើតជាប់ខេត្តរតនគិរី និងខាងលិចជាប់ខេត្តព្រះវិហារ និងខេត្តកំពង់ធំ៕

The post អ្នកឧកញ៉ា ម៉ម វណ្ណឌី ឧបត្ថម្ភថវិកាជួយសាងសង់ផ្ទះចំនួន ៥០ខ្នង ជូនអតីតយុទ្ធជន និងនិវត្តជន ក្នុងខេត្តស្ទឹងត្រែង appeared first on .

សម្តេចកិត្តិសង្គហបណ្ឌិត ម៉ែន សំអន បានមានប្រសាសន៍ថា បើទោះជាក្នុងពេលនេះមិនទាន់ ដល់ពិធីបុណ្យចូលវស្សាក៏ពិតមែន តែការយកទៀនវស្សា និងទេយ្យទានគ្រឿងបរិក្ខារចាំបាច់ ទាំងអស់នេះ មកប្រគេននៅពេលនេះ គឺដើម្បីជួយសម្រួលដល់ព្រះសង្ឃ ក៏ដូចជាគណៈកម្មការវត្ត សម្រួលក្នុងការរៀបចំត្រៀមទុកជាមុន និងអាចប្រើប្រាស់កិច្ចពិធីនានាតាមតម្រូវការជាក់ស្តែង ទាំងមុន និងក្នុងពិធីបុណ្យ។ ឆ្លៀតក្នុងឱកាសនេះ សម្តេចក៏បានថ្លែងអំណរគុណចំពោះថ្នាក់ដឹកនាំ សប្បុរជន និងអាជ្ញាធរទាំងអស់ដែលបាន មកចូលរួម និងចូលជាបច្ច័យក្នុងថ្ងៃនេះផងដែរ។

ក្នុងឱកាសនោះ សម្តេចកិត្តិសង្គហបណ្ឌិត ម៉ែន សំអន ក៏បាន អញ្ជើញសំណេះសំណាលជាមួយអតីតយុទ្ធជន និងនាំយកអំណោយដ៏ថ្លៃថ្លារបស់សម្តេច តេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា ព្រមទាំងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ចែកជូនដល់បងប្អូនអតីតយុទ្ធជន និងនិវត្តជន ដែលមានជីវភាពខ្វះខាតចំនួន ២៥គ្រួសារ ដែលរស់នៅក្នុងមូលដ្ឋានខេត្តស្វាយរៀង។ ពិធីនេះមានការអញ្ជើញចូលរួមពី ឯកឧត្តម អ្នកឧកញ៉ា ម៉ម វណ្ណឌី ទីប្រឹក្សាសម្តេចអគ្គមហាសេនាបតី តេជោ ហ៊ុន សែន និងជាអនុប្រធានសមាគមអតីតយុទ្ធជន និងនិវត្តជនកម្ពុជា តំណាងឯកឧត្តមកិត្តិសង្គហបណ្ឌិត គន់ គីម ព្រមទាំងឯកឧត្តម លោកជំទាវ ថ្នាក់ដឹកនាំខេត្ត មន្ទីរអង្គភាពនានាជុំវិញខេត្ត ពុទ្ធបរិស័ទ និងអតីតយុទ្ធជនទាំង២៥គ្រួសារ។

ក្នុងពិធីសំណេះសំណាល សម្តេចកិត្តិសង្គហបណ្ឌិត ម៉ែន សំអន បានមានប្រសាសន៍ថា សន្តិភាព ស្ថិរភាព និងការអភិវឌ្ឍទាំងខាងអាណាចក្រ និងពុទ្ធចក្រ មានក្នុងពេល បច្ចុប្បន្ននេះ គឺបាន មកពីការលះបង់សាច់ស្រស់ ឈាមស្រស់ និងរាងកាយ របស់បងប្អូន អតីតយុទ្ធជន និងនិវត្តជន ទាំងអស់ ដែលបានបម្រើជាតិមាតុភូមិ នាពេលកន្លងមក។

សម្តេចមានប្រសាសន៍បន្តថា ជានិច្ចកាលសម្តេចតេជោ ហ៊ុន សែន ប្រធានសមាគម សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវ បណ្ឌិត ពេជ ចន្ទមុន្នី តែងតែយកចិត្តទុកដាក់ និងគិតគូរពីសុខទុក្ខ ព្រមទាំងជីវភាពរស់នៅរបស់បងប្អូនអតីតយុទ្ធជន និងនិវត្តជនជានិច្ច ហើយថ្នាក់ដឹកនាំសមាគម ទាំងអស់ មិនដែលភ្លេច គុណបំណាច់របស់បងប្អូនឡើយ ស្មារតីតបស្នង និងការជួយឧបត្ថម្ភគាំទ្រ ដល់បងប្អូន អតីតយុទ្ធជន គឺជាអាទិភាពដ៏ចម្បងបំផុតរបស់សម្តេចទាំងទ្វេ និងរាជរដ្ឋាភិបាល។

ដើម្បីជួយសម្រាលបន្ទុកជីវភាពចំពោះមុខ សម្តេចកិត្តិសង្គហបណ្ឌិត ក៏បានប្រគល់ជូននូវ អំណោយដ៏ថ្លៃថ្លា របស់សម្តេចតេជោ ហ៊ុន សែន តាមរយៈ ឯកឧត្តមអ្នកឧកញ៉ា ម៉ម វណ្ណឌី និងលោកជំទាវអ្នកឧកញ៉ា ទៀង ផល្លា ជូនដល់គ្រួសារអតីតយុទ្ធជន និងនិវត្តជន ចំនួន ២៥គ្រួសារ ដោយក្នុងមួយគ្រួសារទទួលបាន៖ អង្ករ ១បេ, មីយើង ១កេស, ទឹកត្រី ១យួរ, ទឹកស៊ីអ៊ីវ ១យួរ, ត្រីខ ១យួរ, សារុង ១, ក្រម៉ា ១, អំពូលសូឡា ២ បន្ទះ, ថ្នាំពេទ្យ ១កញ្ចប់ និង ថវិកា ១០ម៉ឺនរៀល។ ជាមួយគ្នានេះដែរ ឯកឧត្តម ប៉េង ពោធិ៍សា អភិបាលខេត្តស្វាយរៀងក៏បានចូលរួមឧបត្ថមក្នុងមួយគ្រួសារថវិកាចំនួន១០ម៉ឺនរៀលបន្ថែមទៀត៕

The post អ្នកឧកញ៉ា ម៉ម វណ្ណឌី ចូលរួមពិធីប្រគេនទៀនវស្សា ១៩វត្ត និងចែកអំណោយជូនអតីតយុទ្ធជន២៥គ្រួសារនៅខេត្តស្វាយរៀង ដែលអញ្ជើញប្រគេនដោយផ្ទាល់ពី សម្តេចកិត្តិសង្គហបណ្ឌិត ម៉ែន សំអន appeared first on .