សៀវភៅដែលមានចំណងជើងថា «គួច ម៉េងលី ជាមនុស្សបែបណា?» នេះ គឺជាស្នាដៃដែលនិយាយអំពីសិល្បៈដឹកនាំនិងបុគ្គលិកលក្ខណៈគំរូ៥១ចំណុចរបស់អ្នកឧកញ៉ា វេជ្ជបណ្ឌិត គួច ម៉េងលី។ ចំណុចទាំង៥១ដែលអ្នកនិពន្ធទាំងពីររូបបានសម្រិតសម្រាំង​និងកត់ត្រានៅក្នុងសៀវភៅនេះ គឺជាសិល្បៈដឹកនាំនិងបុគ្គលិកលក្ខណៈ​ដ៏វិសេសដែលធ្វើឱ្យអ្នកឧកញ៉ា វេជ្ជបណ្ឌិត គួច ម៉េងលី ទទួលបានជោគជ័យដ៏ឧត្ដុង្គឧត្ដមបំផុតលើ​មុខជំនួញវិស័យ​អប់រំ ដែលធ្វើឱ្យមនុស្សគ្រប់ស្រទាប់វ័យនៅក្នុងសង្គមខ្មែរគោរពស្រឡាញ់លោកជាអតិបរមា។ ស្នាដៃនេះនឹងនាំមិត្តអ្នកអានឱ្យបានឈ្វេងយល់អំពីវិធីសាស្ត្ររក្សាវឌ្ឍនភាពក្រុមហ៊ុនក្នុងកាលៈទេសៈប្រទេសជាតិនិងពិភពលោកជួបប្រទះវិបត្តិសេដ្ឋកិច្ច វិធីសាស្ត្រលើកទឹក​ចិត្តបុគ្គលិកឱ្យ​ខិតខំប្រឹងប្រែងបំពេញការងារប្រកបដោយប្រសិទ្ធភាពនិងចងចិត្តបុគ្គលិកឱ្យបំពេញ​ការងារបានរយៈពេលយូរ​ឆ្នាំ វិធីសាស្ត្រកសាងកេរ្តិ៍ឈ្មោះល្អនៅក្រុមហ៊ុននិងនៅក្នុងសង្គម ជាដើម។

សូមជម្រាបជូនថា ស្នាដៃដែលមានកម្រាស់៤៥២ទំព័រនេះ អ្នកនិពន្ធបានប្រើពេលជិត១០ឆ្នាំក្នុង​ការនិពន្ធចងក្រងឡើង​។ ការប្រើរយៈពេលដ៏យូរបែបនេះ ក៏ព្រោះតែអ្នកនិពន្ធត្រូវការសង្កេតអំពីអ្នកឧកញ៉ា វេជ្ជបណ្ឌិត គួច ម៉េងលី ឱ្យបានហ្មត់ចត់និងច្បាស់លាស់បំផុត ព្រមទាំងត្រូវប្រើពេលសម្ភាសអ្នកឧកញ៉ាផ្ទាល់និងសម្ភាសមនុស្សដែលស្គាល់អ្នកឧកញ៉ាផងដែរ ដើម្បីផ្ទៀងផ្ទាត់ទិន្នន័យនិងចៀសវាងការសរសេរប្រាសចាកពីការពិត។

គួរជម្រាបជូនថា ពិធីសម្ពោធសៀវភៅ «គួច ម៉េងលី ជាមនុស្សបែបណា?» ត្រូវបានរៀបចំឡើងដោយក្រុមហ៊ុន ម៉េងលី ជេ. គួច អេឌ្យូខេសិន ម.ក តាមរយៈគ្រឹះស្ថានបោះពុម្ពនៃសាកលវិទ្យាល័យ ម៉េងលី ជេ. គួច និងដៃគូចែកផ្សាយ បណ្ណាគារ អន្តរទ្វីប។ ចំពោះការចំណាយលើថ្លៃប្រតិបត្តិការ​​និពន្ធ ការបោះពុម្ពផ្សាយ និងការសម្ពោធសៀវភៅនេះ គឺគាំទ្រដោយក្រុមហ៊ុន ម៉េងលី ជេ. គួច អេឌ្យូខេសិន ម.ក ខណៈ​ចំណូលពីការលក់សៀវភៅនេះនឹងត្រូវបរិច្ចាគចូលមូលនិធិ ម៉េងលី ជេ. គួច ដើម្បីគាំទ្រដល់សកម្មភាពជួយសង្គ្រោះប្រជាជនក្រីក្រ​និងប្រជាជនដែលងាយរងគ្រោះនៅទូទាំងប្រទេសកម្ពុជា។

ប្រសិនបើប្រិយមិត្តចង់ជ្រាបកាន់តែច្បាស់អំពីខ្លឹមសារសំខាន់ៗនៅក្នុងសៀវភៅ «គួច ម៉េងលី ជាមនុស្សបែបណា?» ប្រិយមិត្តអាចរកទិញស្នាដៃនេះនៅបណ្ណាគារ អន្តរទ្វីប (១២ទីតាំង), បណ្ណាគារ អន្តរជាតិ (១៣ទីតាំង), បណ្ណាគារ LA (ក្រុងសៀមរាប), បណ្ណាគារសន្តិភាព (៤ទីតាំង) បណ្ណាគារ បាក់ទូក ជាដើម ដែលមានតម្លៃត្រឹមតែ៣៤ ៩០០រៀល ឬ​​ ៨.៥ដុល្លារក្នុងមួយក្បាលតែប៉ុណ្ណោះ ឬប្រិយមិត្តអាចបញ្ជាទិញតាមប្រព័ន្ធឌីជីថលបាន ដោយគ្រាន់តែចូលទៅកាន់តំណភ្ជាប់ https://shorturl.at/Al9k4 ឬឈែតចូលប្រអប់សាររបស់ បណ្ណាគារ អន្តរទ្វីប តាមរយៈតំណ https://www.facebook.com/ib.mjqeducation ដើម្បីបញ្ជាទិញ ជាការស្រេច។  (អត្ថបទដោយ៖ MJQUP)

The post អ្នកនិពន្ធ២រូបសម្ពោធសៀវភៅស្ដីពីសិល្បៈដឹកនាំនិងបុគ្គលិកលក្ខណៈគំរូរបស់ អ្នកឧកញ៉ា វេជ្ជបណ្ឌិត គួច ម៉េងលី appeared first on .

អំណោយដែលប្រជាពលរដ្ឋភៀសសឹកទាំង ១,២៨៨គ្រួសារទទួលបានរួមមាន ដូចជាថ្នាំពេទ្យ៧ មុខចំនួន ១,២៨៨កញ្ចប់ ទឹកត្រី ១,២៨៨យួរ ទឹកស៊ីអ៊ីវ ១,២៨៨យួរ មី ១,២៨៨កេស ត្រីខកំប៉ុង (ម៉ាឡេ) ១,២៨៨យួរ សាច់ក្រក់ ១,២៨៨គីឡូ ឆៃប៉ូវ ១,២៨៨គីឡូ នំនិងថវិកាសម្រាប់ក្មេងៗ សម្លៀកបំពាក់ ២៧កេសធំ ព្រមទាំងការចំណាយផ្សេងៗ សរុបជាថវិកាមានចំនួនប្រមាណ ៧១,៦១៨.២៤ ដុល្លា។

សូមបញ្ជាក់ផងដែរថា កន្លងមកអ្នកឧកញ៉ា វេជ្ជបណ្ឌិត គួច ម៉េងលី តាមរយៈមូលនិធិ ម៉េងលី ជេ. គួច និងជាគំនិតផ្តួចផ្តើមរបស់អ្នកឧកញ៉ាផ្ទាល់ តែងតែចូលរួមចំណែកជួយគាំទ្រយ៉ាងសកម្មដល់កិច្ចការងារសង្គមទាំងផ្នែកអប់រំ សុខភាព ការអភិវឌ្ឍសហគមន៍ ការឆ្លើយតបទៅនឹងគ្រោះមហន្តរាយផ្សេងៗ រាប់គិតចាប់តាំងពីឆ្នាំ២០០៥ រហូតមកដល់ពេលបច្ចុប្បន្ននេះ។

ជាក់ស្តែង កាលពីពេលថ្មីៗនេះ អ្នកឧកញ៉ា វេជ្ជបណ្ឌិត គួច ម៉េងលី និងគណៈគ្រប់គ្រងនៃក្រុមហ៊ុន ម៉េងលី ជេ. គួច អេឌ្យូខេសិន តាមរយៈមូលនិធិ ម៉េងលី ជេ. គួច ក៏បានរៀបចំនូវអំណោយជាស្បៀង និងថ្នាំពេទ្យជូនវីរកងទ័ពកម្ពុជាចំនួន ១០០គ្រួសារ ដែលកំពុងឈរជើងការពារទឹកដី និងបុព្វជាតិនៅតាមបន្ទាត់ព្រំដែនកម្ពុជា-ថៃនៃខេត្តព្រះវិហារផងដែរ៕

The post អ្នកឧកញ៉ា វេជ្ជបណ្ឌិត គួច ម៉េងលី ចុះចែកអំណោយជូនដល់ប្រជាពលរដ្ឋភៀសសឹកចំនួន ១,២៨៨គ្រួសារ នៅជំរំភៀសសឹកក្នុងខេត្តព្រះវិហារ និងខេត្តឧត្តរមានជ័យ appeared first on .

អំណោយដែលទទួលបានទាំងនោះ រួមមានដូចជា ថ្នាំពេទ្យ៧មុខ សរុប ១០០កញ្ចប់ នំកងទ័ព៩០០ ចំនួន៤០០ កេស សាច់ផាត់១០០ ប្រអប់ កាពិឆា១២០ ប្រអប់ មីសួ២០០យួរ ប្រេងឆា ៥ធុងធំ ទឹកត្រី ១០០យួរ ទឹកស៊ីអ៊ីវ ១០០យួរ ឆៃប៉ូវ ១០០គីឡូក្រាម កាហ្វេ ១០០កញ្ចប់ធំ ខ្ទឹមស២បេធំ និងបារី ១០០សុង គិតជាថវិកាសរុបចំនួន ១៥,៥២៣.៦៧ ដុល្លារ។

អំណោយទាំងអស់នេះ បានមកពីការចូលរួមចំណែកបរិច្ចាគពីសំណាក់លោកគ្រូ អ្នកគ្រូ បុគ្គលិក អ្នកអាណាព្យាបាល សិស្សានុសិស្ស នៃមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ព្រមទាំងសប្បុរសជនទាំងក្នុងនិងក្រៅប្រទេសផងដែរ៕

The post អ្នកឧកញ៉ា វេជ្ជបណ្ឌិត គួច ម៉េងលី និងគណៈគ្រប់គ្រងនៃក្រុមហ៊ុន ម៉េងលី ជេ. គួច អេឌ្យូខេសិន បានរៀបចំអំណោយជាស្បៀង និងថ្នាំពេទ្យ ជូនវីរកងទ័ពកម្ពុជា១០០គ្រួសារ ដែលកំពុងឈរជើងការពារទឹកដី នៅខេត្តព្រះវិហារ appeared first on .

វាគ្មិនជាគណៈអធិបតីចំនួន២អង្គ/នាក់បាននិមន្តអញ្ជើញក្នុងកម្មវិធីសម្ពោធសៀវភៅនេះ គឺសម្តេចព្រះព្រហ្មរតនមុនី ពិន សែម សិរីសុវណ្ណោ គណៈមហានិកាយនៃព្រះរាជាណាចក្រកម្ពុជា និងជាព្រះគ្រូចៅអធិការវត្តរាជបូណ៌ ខេត្តសៀមរាប និងអ្នកឧកញ៉ាវេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ម.ក ដែលជាតួអង្គសំខាន់ក្នុងសៀវភៅ «មាគ៌ាបញ្ញវន្ត» នេះតែម្តង។

សៀវភៅ «មាគ៌ាបញ្ញវន្ត» ដែលមានកម្រាស់១៦៦ទំព័រ ទំហំ១៤.៨x២១សង់ទីម៉ែត្រ កើតចេញពីសិក្ខាសាលាអនឡាញស្តីពី “ការរៀបចំខ្លួនដើម្បីឱ្យក្លាយជាបញ្ញវន្តសតវត្សទី២១” នៅថ្ងៃទី៨ ខែសីហា ឆ្នាំ២០២១ ដោយមានវាគ្មិន៣អង្គ/នាក់ គឺសម្តេចព្រះព្រហ្មរតនមុនី ពិន សែម ដែលព្រះអង្គចែករំលែកលើប្រធានបទ «តើអ្វីជាបញ្ញវន្ត?», អ្នកឧកញ៉ា វេជ្ជបណ្ឌិត គួច ម៉េងលី ចែករំលែកលើប្រធានបទ «តម្លៃបញ្ញវន្តនៅក្នុងសង្គមខ្មែរ» និងឯកឧត្តម ហ្សង់-ហ្វ្រង់ស័្វរ តាន់ រដ្ឋមន្ត្រីប្រតិភូអមនាយករដ្ឋមន្ត្រី និងជាអតីតនាយកគ្រប់គ្រងវិទ្យុបារាំងអន្តរជាតិ RFI ជាភាសាខ្មែរ ចែករំលែកលើប្រធានបទ «បញ្ញវន្តនិងនយោបាយ»។ ដោយមើលឃើញតម្លៃខ្លឹមសារចែករំលែករបស់បញ្ញវន្តខ្មែរប្រកបដោយគតិបណ្ឌិតនិងមានពុទ្ធិអប់រំខ្ពស់ស័ក្តិសមជាមាគ៌ាបំភ្លឺផ្លូវដ៏ល្អមួយសម្រាប់យុវជនជំនាន់ក្រោយ គ្រឹះស្ថានបោះពុម្ពផ្សាយនៃសាកលវិទ្យាល័យ ម៉េងលី ជេ. គួច បានខ្នះខ្នែងជ្រោមជ្រែងលើបច្ចេកទេសបោះពុម្ពផ្សាយ។ បែបនេះហើយ ទើបវណ្ណកម្មក្រោមចំណងជើងថា «មាគ៌ាបញ្ញវន្ត» នេះ ចាប់បដិសន្ធិឡើង។ ម៉្លោះហើយ ដើម្បីកាន់តែជ្រាបច្បាស់ថា តើខ្លឹមសារក្រោមប្រធានបទខាងលើមានលក្ខណៈបែបណា ប្រិយមិត្តអ្នកអានអាចជ្រើសរើសស្នាដៃនេះ ដែលគ្រោងនឹងចែកផ្សាយទៅគ្រប់បណ្ណាគារទាំងអស់ក្នុងព្រះរាជាណាចក្រកម្ពុជា ក្នុងតម្លៃលក់លើទីផ្សារត្រឹមតែ២៨ ៧០០រៀល ឬ៧ដុល្លារអាម៉េរិកតែប៉ុណ្ណោះ។ ម្យ៉ាងវិញទៀត ស្នាដៃនេះគឺជាប្រភពឯកសារល្អមួយសម្រាប់សិស្ស និស្សិត បព្វជិត និងមហាជនទូទៅ ដែលមានជំនក់ចិត្តលើការអាននិងស្វែងយល់បន្ថែមទាក់ទងនឹងបញ្ញវន្តភាព។

គួរបញ្ជាក់ផងដែរថា ក្រោយចប់ពិធីសម្ពោធលើទឹកដីអង្គរ ស្នាដៃនេះបានចរាចរលើទីផ្សាសៀវភៅទូទាំងព្រះរាជាណាចក្រកម្ពុជា ហើយរាល់ថវិកាដែលទទួលបានពីការលក់ស្នាដៃនេះនិងគ្រប់ស្នាដៃទាំងអស់របស់គ្រឹះស្ថាននឹងត្រូវដាក់ចូលក្នុងមូលនិធិ ម៉េងលី ជេ. គួច ដើម្បីគាំទ្រដល់គម្រោងជួយសហគមន៍ទាំង៤គម្រោង ដែលមូលនិធិកំពុងធ្វើសកម្មភាពយ៉ាងសកម្មជារៀងរាល់ថ្ងៃ៕

The post សៀវភៅ «មាគ៌ាបញ្ញវន្ត» បានសម្ពោធដាក់លក់ជាផ្លូវការនៅលើទឹកដីអង្គរ appeared first on .

ពិធីប្រគល់គោរម្យងារនាពេលនេះ ធ្វើឡើងក្រោមព្រះវត្តមានសម្តេចព្រះពោធិវ័ង្ស អំ លីមហេង សម្តេចព្រះសង្ឃនាយករងទី១ នៃកម្ពុជា ស្ថិតនៅក្នុងវត្តបទុមវតីរាជវរារាម រាជធានីភ្នំពេញ។

អ្នកឧកញ៉ា វេជ្ជបណ្ឌិត គួច ម៉េងលី មានស្រុកកំណើតនៅខេត្តបាត់ដំបង និងបញ្ចប់ការសិក្សានៅសហរដ្ឋអាមេរិក បច្ចុប្បន្នជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិក្រុមហ៊ុន ម៉េងលី ជេ. គួច អេឌ្យូខេសិន ដែលជាស្ថាប័នផ្ដល់សេវាអប់រំល្បីល្បាញមួយនៅក្នុងប្រទេសកម្ពុជា។

ក្រៅពីការដឹកនាំក្រុមហ៊ុន ម៉េងលី ជេ. គួច អេឌ្យូខេសិន ហើយនោះអ្នកឧកញ៉ាក៏ជាសមាជិកទីប្រឹក្សា និងជាអនុប្រធានក្រុមការងារផ្នែកអប់រំ នៃសភាពាណិជ្ជកម្មកម្ពុជា, ទីប្រឹក្សាកិត្តិយស នៃសមាគមសហគ្រិនស្រ្តីកម្ពុជា, សមាជិកក្រុមប្រឹក្សាភិបាល នៃវិទ្យាស្ថានខ្មែរសម្រាប់សហប្រតិបត្តិការ និងសន្តិភាព, សមាជិកស្ថាបនិក និងទីប្រឹក្សា នៃក្លិបអ្នកវិនិយោគកម្ពុជា, ទីប្រឹក្សាក្រុមប្រឹក្សាភិបាល នៃសហព័ន្ធសេវាអប់រំនៅកម្ពុជា, ស្ថាបនិក និងប្រធានក្រុមប្រឹក្សាភិបាល នៃគ្រឹះស្ថានមីក្រូហិរញ្ញវត្ថុ ប្រសិទ្ធភាព ហ្វាយនែន ជាដើម។

អ្នកឧកញ៉ា ត្រូវគេទទួលស្គាល់ចំពោះការចូលរួមយ៉ាងសកម្មរបស់លោកក្នុងកិច្ចការងារមនុស្សធម៌ ការអភិវឌ្ឍសហគមន៍ តាមរយៈការខិតខំប្រឹងប្រែងរបស់លោកក្នុងវិស័យអប់រំ វិស័យសុខាភិបាល និងការបម្រើសេវាសង្គម ក្នុងតួនាទីជានាយកប្រតិបត្តិនៃ មូលនិធិ ម៉េងលី ជេ. គួច ដែលបង្កើតឡើងក្នុងឆ្នាំ២០០៥៕

The post អ្នក​ឧក​ញ៉ា គួច ម៉េ​ងលី ទទួល​គោរ​ម្យ៍ងារ​កិត្តិយស​ពី​គណៈ​សង្ឃពុ​ទ្ធសា​សនា appeared first on .