សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុត​ចំពោះ អ្នកឧកញ៉ា ហុង ពីវ ដែលបានបរិច្ចាគថវិកាចំនួន ១៧០,០០០ដុល្លារ ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារ​យុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់​ក្នុងការលើកកម្ពស់ស្មារតី​វប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា ហុង ពីវ បរិច្ចាគថវិកា ១៧ម៉ឺនដុល្លារអាមេរិក ជូនកាកបាទក្រហមកម្ពុជា appeared first on .

ការលើកឡើងរបស់ ឧបនាយករដ្ឋមន្ត្រី សាយ សំអាល់ ខាងលើនេះ បានធ្វើឡើងក្នុងឱកាសដែលឯកឧត្តម អញ្ជើញ​ជាអធិបតីភាពក្នុងពិធីបើកវេទិកាស្តីពីការពង្រឹងភាពជាដៃគូយុទ្ធសាស្ត្រ ដើម្បីអភិវឌ្ឍទ្រនំសុភមង្គល ភូមិឋានក្សេមក្សាន្ត និងបុរីជនបទសម្រាប់ប្រជាជនកម្ពុជា នៅទីស្តីការក្រសួងរៀបចំដែនដី នៅរសៀលថ្ងៃទី១៨ ខែមីនានេះ ដោយមានការចូលរួមពី ឯកអគ្គរដ្ឋទូតអូស្ត្រាលីប្រចាំនៅកម្ពុជា អង្គការ Habitat for Humanity និងមន្ត្រីពាក់ព័ន្ធជាច្រើនរូប។

ថ្លែងក្នុងវេទិកា ឯកឧត្តមឧបនាយករដ្ឋមន្ត្រី បានលើកឡើងថា បច្ចុប្បន្នមានបុរីមួយចំនួន បានលក់ក្នុងតម្លៃមួយ​ខ្ពស់​ហួសពីជីវភាពរបស់ប្រជាពលរដ្ឋ ដែលអាចមានលទ្ធភាពទៅទិញបាន។ ប៉ុន្តែលោកមើលឃើញ និងសូមកោតសរសើរ​ដល់ អ្នកឧកញ៉ា ហុង ពីវ ដែលអាចសាងសង់បុរីពិភពថ្មី ជាផ្ទះល្វែងក្នុងតម្លៃចន្លោះពី ៥ម៉ឺនដុល្លារ ទៅ៦ម៉ឺនដុល្លារ និងខុនដូ តម្លៃក្រោម ២ម៉ឺនដុល្លារ ហើយតម្លៃនេះពិតជាស័ក្តិសមនិងត្រូវតាមស្ថានភាពកត្តាជីវភាពរបស់ប្រជាជន​កម្ពុជាយើងភាគច្រើន។

ឧបនាយករដ្ឋមន្ត្រី សាយ សំអាល់ បានបញ្ជាក់បន្ថែមថា ក្នុងនាមឯកឧត្តមផ្ទាល់ និងក្នុងនាមក្រសួងរៀបចំដែនដី លោកចង់ឃើញពលរដ្ឋខ្មែរ មានផ្ទះរស់នៅដោយខ្លួនឯង ដោយពុំចាំបាច់ជួលផ្ទះគេរស់នៅ ព្រមទាំងចង់ឱ្យគ្រួសារនីមួយៗរក្សាបាននូវចំណូលជាប្រចាំ បង្កើនប្រាក់សន្សំ បន្ថយបំណុលគ្រួសារ មានម្ហូបលើតុ កូនៗអាចទៅសិក្សា​ចប់ចុងចប់ដើម មានពេលវេលាជាមួយគ្រួសារ និងមានជម្រកទ្រនំសុភមង្គល៕

The post ឧបនាយករដ្ឋមន្ត្រី សាយ សំអាល់ សរសើរអ្នកឧកញ៉ា ហុង ពីវ ដែលសាងសង់បុរី និងខុនដូ ត្រូវតាមស្ថានភាពពលរដ្ឋខ្មែរ appeared first on .

តាមរយៈបណ្តាញសង្គមហ្វេសប៊ុក អ្នកឧកញ៉ា ហុង ពីវ នៅព្រឹកថ្ងៃចន្ទនេះ បានបង្ហាញ​រូបភាពប្រគល់ទទួល​ប្រាក់​សុទ្ធ​ជូនដល់ដៃវីរៈកងទ័ពចំនួន ២០រូប ដោយភ្ជាប់ជាមួយសារបែបនេះថា៖ “ក្រុមហ៊ុន បុរីពិភពថ្មី បានឧបត្ថម្ភ​ដល់វីរៈកងទ័ពទាំង ២០នាក់ ក្នុងម្នាក់ៗទទួលបានប្រាក់ចំនួន ៥០ លានរៀល”។

វីរៈកងទ័ពចំនួន ២០រូប ដែលទទួលបានថវិកាឧបត្ថម្ភពី អ្នកឧកញ៉ា ហុង ពីវ ខាងលើនេះ គឺជាវីរៈកងទ័ពកម្ពុជា ដែល​ត្រូវបានកងទ័ពថៃ ចាប់ខ្លួនធ្វើជាចំណាប់ខ្មាំង កាលពីថ្ងៃទី២៩ ខែកក្កដា ឆ្នាំ២០២៥។ ក្រោយមកពួកគេ បានសម្រេចដោះលែងកងទ័ពខ្មែរ ចំនួន២រូបមកវិញ កាលពីថ្ងៃទី១ សីហា។ ចំណែកកងទ័ពខ្មែរ ចំនួន ១៨រូបទៀត ត្រូវបានដោះលែង និងបញ្ជូនត្រឡប់មកមាតុប្រទេសវិញ កាលថ្ងៃទី៣១ ខែធ្នូ ឆ្នាំ២០២៥ ក្រោយស្ថិតក្រោមការ​ឃុំគ្រ​ងរបស់ភាគីថៃអស់រយៈពេល ១៥៥ថ្ងៃ។

សូមជម្រាបថា អ្នកឧកញ៉ា ហុង ពីវ អគ្គនាយក បុរីពិភពថ្មី កាលថ្ងៃទី ៤ ខែសីហា ឆ្នាំ២០២៥ បានប្រកាសជា​សាធារណថានឹងជួយឧបត្ថម្ភក្នុងមួយគ្រួសារចំនួន ៥០ លានរៀល ដល់គ្រួសារវីរកង​ទ័ពខ្មែរ ចំនួន ២០រូប ដែល​ត្រូវបានភាគី ថៃ ចាប់ខ្លួន។ ជាមួយគ្នានេះ កាលដើមខែធ្នូ ឆ្នាំ២០២៥ អ្នកឧកញ៉ា ក៏បានប្រកាសចូលរួមឧបត្ថម្ភ​ថវិកាចំនួន ២លានដុល្លារ (១លានដុល្លារ ដល់កងទ័ពជួរមុខ និង១លាន​ដុល្លារ ដល់ជនភៀសសឹក តាមរយៈ​សម្តេចតេជោ ហ៊ុន​ សែន ប្រធានព្រឹទ្ធសភា នៃ​ព្រះរាជាណាចក្រកម្ពុជា​ផងដែរ៕

The post ក្រុមហ៊ុន បុរីពិភពថ្មី អ្នកឧកញ៉ា ហុង ពីវ ឧបត្ថម្ភថវិកា ៥០លានរៀល ក្នុងមួយគ្រួសារ ដល់វីរៈកងទ័ព ២០រូប appeared first on .

ការចូលរួមឧបត្ថម្ភថវិការបស់ អ្នកឧកញ៉ា គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាច​ក្លាហាន​របស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។ សម្តេចតេជោ ហ៊ុន សែន ថ្លែងអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នា ជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា ហុង ពីវ ម្ចាស់បុរី ពិភពថ្មី ប្រកាសចូលរួមឧបត្ថម្ភ ២លានដុល្លារ ដល់កងទ័ពជួរមុខនិងជនភៀសសឹក តាមរយៈ សម្តេចតេជោ ហ៊ុន សែន appeared first on .

តាមរយៈបណ្តាញសង្គម នៅថ្ងៃទី ៤ ខែសីហានេះ អ្នកឧកញ៉ា ហុង ពីវ បានឱ្យដឹងថា៖ “សន្ដិភាពហើយ! យើងខ្ញុំជា ម្ចាស់បុរីពិភពថ្មី សូមគោរពដឹងគុណនូវវីរភាពដ៏អង់អាចក្លាហានរបស់ថ្នាក់ដឹកនាំដ៏ឈ្លាសវៃ និង សូមគោរពដឹងគុណនូវវីរៈភាពកងទ័ពដ៏អង់អាចក្លាហានរបស់កម្ពុជា និងសូមឧបត្ថម្ភដល់សមាជិកគ្រួសារវីរកងទ័ពខ្មែរទាំង ២០ រូប ក្នុងមួយគ្រួសារទទួលបាន ៥០ ០០០ ០០០ រៀល (៥០ លានរៀល)”។

សូមជម្រាបថា គិតចាប់តាំងពីថ្ងៃកើតហេតុនៃការចាប់ខ្លួនទាហានកម្ពុជាពីសំណាក់ភាគីថៃ រហូតមកដល់ថ្ងៃទី០៤ ខែសីហានេះ កម្ពុជាទទួលបានទាហាន ២រូប ស្ថិតក្នុងស្ថានភាពរបួសពីភាគីថៃ និងតុល្យការចុងក្រោយ នៅមានទាហានកម្ពុជា ១៨ រូបផ្សេងទៀត ដែលភាគីថៃ បន្តឃុំឃាំងជាចំណាប់ខ្មាំង និងមិនទាន់បានប្រគល់មកឲ្យកម្ពុជាវិញនៅឡើយទេ៕

The post អ្នកឧកញ៉ា ហុង ពីវ ប្រកាសឧបត្ថម្ភថវិកា ៥០លានរៀល ក្នុងមួយគ្រួសារ ដល់កងទ័ពកម្ពុជា ២០រូប ដែលថៃចាប់ខ្លួន appeared first on .

ការចូលរួមឧបត្ថម្ភថវិការបស់ អ្នកឧកញ៉ា ហុង ពីវ គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា ហុង ពីវ ប្រកាសឧបត្ថម្ភថវិកា ២លានដុល្លារ ដល់កងទ័ពជួរមុខកម្ពុជា ដែលកំពុងឈរជើងការពារបូរណភាពទឹកដីកម្ពុជា appeared first on .

អ្នកឧកញ៉ា ហុង ពីវ តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។ ជាក់ស្ដែងកាលពីប៉ុន្មានថ្ងៃមុននេះ អ្នកឧកញ៉ា ក៏បានចូលរួម ឧបត្ថម្ភថវិកា ២លានដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌របស់ក្រុមបាល់ទាត់តារាកម្ពុជា (Cambodia football super stars) ផងដែរ។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា ហុង ពីវ បរិច្ចាគថវិកាជាង ៥០ម៉ឺនដុល្លារចូលរួមជាមួយកាកបាទក្រហមកម្ពុជា appeared first on .

ការប្រកួតបាល់ទាត់មនុស្សធម៌របស់ក្រុមបាល់ទាត់តារាកម្ពុជា (Cambodia football super stars) នឹងធ្វើឡើងនៅថ្ងៃទី១ ខែឧសភា ឆ្នាំ២០២៤ នេះ នៅពហុកីឡដ្ឋានជាតិអូឡាំពិក។

ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ ប្រកួត នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី ប្រមូល ថវិកា ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់ មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់ កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម ថវិកា ចំនួន ២០០លាន រៀល៕

The post នៅក្នុងឱកាស ចម្រើនព្រះជន្ម ១០០ព្រះវស្សា ឪពុកអ្នកឧកញ៉ា ហុង ពីវ បរិច្ចាគថវិកា១លានដុល្លារជូនមន្ទីរពេទ្យគន្ធបុប្ផា តាមរយៈ ការប្រកួតបាល់ទាត់មនុស្សធម៌ appeared first on .

អ្នក​ឧកញ៉ា ហុង ពីវ បាន​ថ្លែង​អំណរ​គុណ​ដល់​អតិថិជន​ទាំងអស់​ដែល​នៅ​តែ​បន្ត​គាំទ្រ​ដល់​ក្រុមហ៊ុន ពិភព​ថ្មី​គ្រុប ដោយ​ក្នុង​ខែ ៣ កន្លង​ទៅ​នេះ ក្រុមហ៊ុន​លក់​បាន ៥៨ ផ្ទះ សរុប​រយៈពេល ៥ ខែ លក់​បាន​ចំនួន ២៦០ ផ្ទះ។

តាម​ការ​ឲ្យ​ដឹង​នៅ​ក្នុង​សេចក្ដី​ជូន​ដំណឹង​របស់​ក្រុមហ៊ុន​ពិភព​ថ្មី​គ្រុប បាន​ឲ្យ​ដឹង​ថា ក្រុមហ៊ុន​នៅ​តែ​បន្ត​អនុវត្ត​តាម​សេចក្ដី​ប្រកាស ហើយ​អនុភាព​នៃ​សេចក្ដី​ប្រកាស​នោះ មិន​មាន​ការ​អនុវត្តន៍​ដោយ​ភាព​ប្រតិសកម្ម​ឡើយ។ មាន​អតិថិជន​ជាច្រើន​បាន​ស្ម័គ្រ​ចិត្ត​មក​ទទួល​យក​លក្ខខណ្ឌ​នេះ ដូច​ជា៖

ទិន្នន័យ​ទិញ​ផ្ទះ​ចូល រយៈ​ពេល ៥ ខែបានបញ្ជាក់ថា៖ ១, ផ្ទះ​បាន​ទិញ​ចូល​វិញ ចំនួន ១ ៩២៣ ទឹកប្រាក់ ២១ ២៨២ ៦៨៣ ដុល្លារ។ ២, អតិថិជន​បាន​រៀបចំ​ឥណទាន​ឡើង​វិញ ចំនួន ១១១៕

The post រយៈពេល ៥ ខែមកនេះ អ្នកឧកញ៉ា ហុង ពីវ បន្តទិញផ្ទះមកវិញ ២៦០ ផ្ទះ ពីអតិថិជន appeared first on .

តាម​សេចក្តីប្រកាសព័ត៌មាន​របស់​ក្រុមហ៊ុន បុរីពិភពថ្មី ​​​​បាន​បង្ហាញ​​ឱ្យ​ដឹង​ថា ​​​​គិត​​ចាប់ពី​​ថ្ងៃទី១ ដល់​ថ្ងៃទី៣០ ខែវិច្ឆិកា ឆ្នាំ២០២៣ ក្រុមហ៊ុន​បាន​ទិញ​ផ្ទះ​ចូលវិញ​បាន​ចំនួន ១០០១​ផ្ទះ ចំណាយ​ប្រាក់​អស់​ប្រមាណ ១១,៧៧៣,៥១៥​ដុល្លារ​អាមេរិក។ ជាមួយ​គ្នា​នោះ ក្រុមហ៊ុន​ក៏​បាន​រៀបចំ​ឥណទាន​ឡើងវិញ ជូន​ដល់​អតិថិជន បាន​ចំនួន ៣៥​ផ្ទះ​ផង​ដែរ។

អ្នកឧកញ៉ា ហុង ពី ក៏​សូម​ថ្លែង​អំណរគុណ​ដល់​អតិថិជន​ដែល​បាន​យល់ និង​គាំទ្រ​លក្ខខណ្ឌ​ថ្មី​​របស់​ក្រុមហ៊ុន។ លោក​ធ្លាប់​បាន​បញ្ជាក់​ថា ទោះបី​ស្ថិត​ក្នុង​ស្ថានភាព​ដ៏​លំបាក​ចំណូល​ធ្លាក់ចុះ​យ៉ាង​គំហុក ក៏​លោក​ខិតខំ​​ប្រឹងប្រែង​ប្រមែប្រមូល​ប្រាក់​ពី​គ្រប់​ផ្នែក​ ដើម្បី​យក​មក​ទប់ទល់​នឹង​ស្ថានការណ៍​បច្ចុប្បន្ន​នេះ។

សូមជម្រាប​ថា កាលពី​ថ្ងៃទី២៩ ខែតុលា ឆ្នាំ២០២៣ ក្រុមហ៊ុនបុរីពិភពថ្មី របស់​អ្នកឧកញ៉ា ហុង ពីវ បាន​ប្រកាសទទួលទិញផ្ទះពីអតិថិជនវិញ ៥០% នៃប្រាក់ដែល​បាន​បង់ប្រចាំខែ (ប្រាក់ដើមបូកការប្រាក់) បន្ទាប់ពី​មានការតវ៉ាពីអតិថិជនជាច្រើនស្នើឱ្យក្រុមហ៊ុនទិញផ្ទះវិញ​ ដោយ​សារគ្មានលទ្ធភាពបង់សងបន្តទៀត​ ក្នុងគ្រា​ដែលមានបញ្ហាសេដ្ឋកិច្ចជាសកល៕

The post អ្នកឧកញ៉ា ហុង ពីវ ប្រមែប្រមូលប្រាក់ទិញផ្ទះបុរីពិភពថ្មីចូលវិញ បានជាង១ពាន់ផ្ទះ ត្រឹមរយៈពេល១ខែ appeared first on .