អគ្គនាយកផ្នែកអន្តោប្រវេសន៍ លោក Silmy Karim បាននិយាយថា ការិយាល័យរបស់លោក កំពុងស្ថិតក្នុងដំណើរការបង្កើតបទប្បញ្ញត្តិគាំទ្រថ្មី ដើម្បីអនុវត្តគោលនយោបាយទិដ្ឋាការមាស ស្របពេលវិនិយោគិតជាច្រើន បានបង្ហាញពីចំណាប់អារម្មណ៍របស់ពួកគេ ក្នុងការដាក់ពាក្យសុំទិដ្ឋាការប្រភេទនេះរួចទៅហើយ។

គួរឲ្យដឹងផងដែរថា កម្មវិធីទិដ្ឋាការមាស នឹងអនុញ្ញាតឲ្យអ្នកវិនិយោគបរទេស អាចស្នាក់នៅក្នុងប្រទេសឥណ្ឌូនេស៊ីបានរយៈពេលពី ៥ ទៅ ១០ឆ្នាំ ដោយនឹងអាស្រ័យលើចំនួននៃការវិនិយោគរបស់ពួកគេ នៅក្នុងប្រទេស។

សម្រាប់វិនិយោគិន ដែលមានបំណងបង្កើតក្រុមហ៊ុននៅក្នុងប្រទេសឥណ្ឌូនេស៊ី និងមានដើមទុនវិនិយោគយ៉ាងតិច ២,៥លានដុល្លារ ពួកគេមានសិទ្ធិអាចស្នាក់នៅបានរយៈពេល ៥ឆ្នាំ។ ហើយការស្នាក់នៅអាចនឹងបន្តបានដល់ ១០ឆ្នាំ ប្រសិនបើការវិនិយោគរបស់ពួកគេ កើនឡើងលើសពី ៥លានដុល្លារ៕

The post ឥណ្ឌូនេស៊ី រំពឹងទាញបានវិនិយោគិន ១ ០០០ នាក់ តាមរយ:ផែនការទិដ្ឋាការមាសរបស់ខ្លួន appeared first on .

លោក Arifin បាននិយាយទៀតថា វិស័យប្រេង និងហ្គាស់ នៅតែទទួលបានចំណែកធំបំផុតនៃការវិនិយោគ ជាមួយនឹងចំនួនទឹកប្រាក់សរុប ១៥,៦ពាន់លានដុល្លារ ហើយបន្ទាប់មកគឺឧស្សាហកម្មរ៉ែ និងធ្យូងថ្មដែលមានការវិនិយោគសរុបចំនួន ៧,៤៦ពាន់លានដុល្លារ។

ទន្ទឹមនឹងនេះ ​ឧស្សាហកម្មលើផ្នែកថាមពលអគ្គិសនីវិញ បានស្រូបទាញការវិនិយោគសរុបបានចំនួន ៥,៨ពាន់លានដុល្លារអាមេរិក ស្របពេលវិស័យថាមពលថ្មី និងកកើតឡើងវិញ (EBT) មានចំនួនវិនិយោគ ១,៥ពាន់លានដុល្លារ។

ជម្រាបជូនផងដែរថា ចំពោះការវិនិយោគទៅលើវិស័យថាមពលថ្មី និងកកើតឡើងវិញ បានឈានដល់ ១៣,១% នៅក្នុងទិន្នផលថាមពលសរុប គិតត្រឹមដំណាច់ឆ្នាំ២០២៣ ឬស្មើទៅនឹង ២៣៨,១ លានបារ៉ែលនៃប្រេង ខណ:លោក Arifi បាននិយាយទៀតថា បច្ចុប្បន្ននេះរដ្ឋាភិបាលឥណ្ឌូនេស៊ី កំពុងខិតខំប្រឹងប្រែងបន្ថែមទៀត ដើម្បីសម្រេចបាននូវគោលដៅឈានដល់ ២៣% ដែលត្រូវបានកំណត់សម្រាប់ឆ្នាំ២០២៥ ខាងមុខ៕

The post ឥណ្ឌូនេស៊ី ទទួលបានការវិនិយោគជាង ៣០ពាន់លានដុល្លារ នៅក្នុងវិស័យថាមពល កាលពីឆ្នាំមុន appeared first on .

លោក Tasrif បាននិយាយនៅក្នុងសន្និសីទសារព័ត៌មាន កាលពីថ្ងៃទី១៥ ខែមករាកន្លងទៅថា ទឹកប្រាក់សរុបសម្រាប់ការឧបត្ថម្ភធនលើប្រេងឥន្ធនៈ និងហ្គាស់ (LPG) ត្រូវបានកំណត់គោលដៅចំនួន ១១៣,៣ទ្រីលានរូពី ខណៈទឹកប្រាក់ចំនួន ៧៣,៨ទ្រីលានរូពីផ្សេងទៀត សម្រាប់ការឧបត្ថម្ភធនលើអគ្គិសនី។

បើតាមរដ្ឋមន្ត្រីរូបនេះ បានសង្កត់ធ្ងន់ទៀតថា រដ្ឋាភិបាល​ឥណ្ឌូនេស៊ី បាន​ពិចារណា​បន្ត​ផ្តល់​ការឧបត្ថម្ភធនលើ​ថាមពល ​ក្នុង​កិច្ចខិតខំ​ប្រឹងប្រែង​ដើម្បី​រក្សា​អំណាចនៃការ​ទិញ​របស់​ប្រជាជន ដោយរំពឹងថាអាចនឹងមានការកើនឡើង​នៃ​តម្លៃ និង​តម្រូវការ​ថាមពល ជាពិសេស​ប្រេងឆៅ​។

ជម្រាបជូនទៀតផងដែរថា ក្រសួងថាមពល និងធនធានរ៉ែរបស់ឥណ្ឌូនេស៊ី ក៏មានគោលដៅបើកភ្នាក់ងារចែកចាយប្រេងឥន្ធនៈក្នុងតម្លៃសមរម្យ យ៉ាងតិច ១០០ កន្លែងក្នុងឆ្នាំនេះ ដើម្បីសម្រេចបានសមភាពតម្លៃប្រេងឥន្ធនៈនៅទូទាំងប្រទេស៕

The post ឥណ្ឌូនេស៊ី គ្រោងបញ្ចេញថវិកាជាតិ ១២ពាន់លានដុល្លារ ដើម្បីឧបត្ថម្ភធនលើថាមពលនៅឆ្នាំនេះ appeared first on .

ប្រភពដដែលនេះ បានបង្ហាញឲ្យដឹងទៀតថា ទំនិញនាំចូលកំពូលរបស់ឥណ្ឌូនេស៊ី ពីប្រទេសចិន មានដូចជាស្មាតហ្វូន ក្នុងតម្លៃ ១,៩៥ពាន់លានដុល្លារ ឬស្មើនឹង ៣,១៤% នៃការនាំចូលទំនិញសរុបពីប្រទេសចិន ខណ:បន្ទាប់មកគឺកុំព្យូទ័រយួរដៃ (១,៦៤%) ឧបករណ៍បញ្ជូនតង់ស្យុង (១,៣៧%) ទំនិញមេកានិច (១,២៣%) %) និងខ្ទឹមស (១,០៤%) រួមទាំងទំនិញផ្សេងៗទៀត។

គួរឲ្យដឹងថា ប្រទេសជប៉ុន គឺជាអ្នកនាំចូលទំនិញធំបំផុតលំដាប់ទីពីររបស់ឥណ្ឌូនេស៊ី ដែលមានចំណែកទីផ្សារច្រើនជាង ៧​,៤% ក្នុងតម្លៃសរុប ១៦,៤៤ពាន់លានដុល្លារ ខណ:ទំនិញនាំចូលសំខាន់ៗ មានដូចជាផលិតផលដែក យានយន្ត និងឧបករណ៍ប្រើប្រាស់ក្នុងឧស្សាហកម្មផ្សេងៗ ។

ជម្រាបជូនទៀតផងដែរថា គិតក្នុងខែធ្នូ ឆ្នាំ២០២៣ ការនាំចូលសរុបរបស់ឥណ្ឌូនេស៊ី មានចំនួន ១៩,១១ពាន់លានដុល្លារ ធ្លាក់ចុះ ២,៤៥% បើធៀបនឹងខែវិច្ឆិកា ខណ:ការនាំចូលប្រេង និងឧស្ម័ន ក្នុងខែធ្នូ ឆ្នាំមុន បានកើនឡើងដល់ ៣,៣៧ពាន់លានដុល្លារ៕

The post ចិន ឈរកំពូលគេក្នុងនាមជាប្រទេសដែលឥណ្ឌូនេស៊ី នាំចូលទំនិញច្រើនបំផុត កាលពីឆ្នាំមុន appeared first on .

នៅមុនដំណើរទស្សនកិច្ចទៅក្រៅប្រទេសរបស់លោក Widodo នេះ រដ្ឋមន្ត្រីការបរទេសឥណ្ឌូនេស៊ី លោក Retno Marsudi បាននិយាយថា ប្រទេសខ្លួន បានត្រៀមខ្លួនរួចជាស្រេចក្នុងការធ្វើការជាមួយប្រទេសអាស៊ីអាគ្នេយ៍ផ្សេងទៀត ដើម្បីបញ្ចប់ការពន្យារពេលជាយូរមកហើយសម្រាប់ការដោះស្រាយបញ្ហានៅសមុទ្រចិនខាងត្បូង ចំពេលមានភាពតានតឹងជាមួយរដ្ឋាភិបាលទីក្រុងប៉េកាំង ក្នុងដែនផ្លូវទឹកដែលមានជម្លោះ។

ប្រទេសទាំងពីរ ធ្លាប់បានព្រមព្រៀងគ្នានៅឆ្នាំ២០២២ ដើម្បីទទួលស្គាល់ព្រំដែននៃតំបន់សេដ្ឋកិច្ចផ្តាច់មុខរបស់ពួកគេ នៅក្នុងសមុទ្រចិនខាងត្បូង ដែលជាវិធានការមួយត្រូវបានគេមើលឃើញថាជាឆ្អឹងទទឹងករបស់ប្រទេសចិន ដែលពួកគេទាមទារស្ទើរតែគ្រប់ផ្លូវពាណិជ្ជកម្មយុទ្ធសាស្ត្រទាំងមូល នៅក្នុងតំបន់នោះ។

គួរឲ្យដឹងថា ដំណើរទស្សនកិច្ចរបស់លោក Widodo ទៅកាន់ទីក្រុងហាណូយនេះ គឺជាផ្នែកមួយនៃដំណើរទៅកាន់ប្រទេសក្នុងតំបន់អាស៊ីអាគ្នេយ៍ដ៏ធំមួយ ដែលរួមបញ្ចូលទាំងការធ្វើដំណើរទៅកាន់ប្រទេសហ្វីលីពីន និងដំណើរទស្សនកិច្ចដែលរំពឹងទុកទៅកាន់ប្រ៊ុយណេ នៅចុងសប្តាហ៍នេះ មុនពេលមានការបោះឆ្នោតនៅក្នុងប្រទេសឥណ្ឌូនេស៊ីនាខែក្រោយ។

ទន្ទឹមនឹងនេះ អ្នកនាំពាក្យក្រសួងការបរទេសវៀតណាម លោក Pham Thu Hang បានប្រាប់អ្នកយកព័ត៌មានកាលពីថ្ងៃព្រហស្បតិ៍ ទី១១ ខែមករាថា មេដឹកនាំវៀតណាម ត្រូវបានគេរំពឹងថានឹងពិភាក្សាជាមួយលោក Widodo អំពីកិច្ចសហប្រតិបត្តិការលើវិស័យពាណិជ្ជកម្ម សន្តិសុខ ការពារជាតិ និងកសិកម្ម ផងដែរ។

ជម្រាបជូនផងដែរថា ចាប់តាំងពីឆ្នាំ២០២២ មក វៀតណាម បានបន្តយុទ្ធសាស្ត្រជំរុញទំនាក់ទំនងជាមួយប្រទេសមហាអំណាច និងដៃគូនានា ហើយគេរំពឹងទៀតថារដ្ឋាភិបាលទីក្រុងហាណូយ នឹងបន្តស្វែងរកទំនាក់ទំនងកាន់តែរឹងមាំ ជាមួយឥណ្ឌូនេស៊ីបន្ថែមផងដែរ៕

The post ប្រធានាធិបតីឥណ្ឌូនេស៊ី ធ្វើដំណើរបំពេញទសន្សកិច្ចទៅកាន់ប្រទេសវៀតណាម appeared first on .

លោក Didi បានិយាយទៀតថា ការនាំចេញសរុបរបស់ឥណ្ឌូនេស៊ី ទៅកាន់ប្រទេសចិន ក្នុងអំឡុងខែមករា ដល់ខែវិច្ឆិកា ឆ្នាំ ២០២៣ កន្លងទៅ មានចំនួនសរុបប្រមាណ ៥៦,៥៧ពាន់លានដុល្លារ ខណ:តម្លៃនៃការនាំចេញពេញមួយឆ្នាំ ត្រូវបានព្យាករថានឹងកើនឡើងដល់ប្រហែល ៦០ពាន់លានដុល្លារ។

មន្ត្រីរដ្ឋាភិបាលរូបនេះ ក៏បានកត់សម្គាល់ទៀតផងដែរថា ប្រសិនបើកំណើននៃការនាំចេញជាមធ្យមមានចំនួន ២,៥% ក្នុងឆ្នាំ ២០២៤ នេះ នោះការនាំចេញរបស់ឥណ្ឌូនេស៊ី ទៅកាន់ប្រទេសចិនអាចមានចន្លោះពី ៦៥ពាន់លានដុល្លារ ទៅ ៧០ពាន់លានដុល្លារ មិនខាន។

ជម្រាបជូនផងដែរថា ក្រសួងពាណិជ្ជកម្មឥណ្ឌូនេស៊ី បានរៀបចំកម្មវិធីជាច្រើន ដើម្បីធ្វើការជំរុញការនាំចេញទៅកាន់ប្រទេសចិន ក្នុងឆ្នាំ ២០២៤ នេះ រួមទាំងការប្រារព្ធពិធីតាំងពិពណ៌ផលិតផលឥណ្ឌូនេស៊ី នៅក្នុងខេត្តមួយចំនួនរបស់ចិនផងដែរ៕

The post ឥណ្ឌូនេស៊ី ដាក់គោលដៅនាំចេញទំនិញទៅកាន់ចិន ច្រើនជាង ៦៥ពាន់លានដុល្លារ នៅឆ្នាំនេះ appeared first on .

លោក Sandiaga បាននិយាយទៀតថា រដ្ឋាភិបាលឥណ្ឌូនេស៊ី មានបំណងពង្រីកគោលនយោបាយលើកលែងទិដ្ឋាការនេះ ដល់ភ្ញៀវទេសចរមកពីប្រទេស និងដែនដីចំនួន ២០ ជាមួយនឹងគោលបំណងជំរុញការមកដល់របស់ភ្ញៀវទេសចរ និងជំរុញកំណើនសេដ្ឋកិច្ចតាមរយៈវិស័យទេសចរណ៍។

គួរឲ្យដឹងផងដែរថា គោលនយោបាយលើកលែងទិដ្ឋាការនេះ គឺនឹងមិនរាប់បញ្ចូលសមាជិកទាំងប្រាំបួននៃសមាគមប្រជាជាតិអាស៊ីអាគ្នេយ៍ (អាស៊ាន) នោះឡើយ ដោយសារតែប្រទេសទាំងនោះ សុទ្ធតែបានទទួលផលប្រយោជន៍រួចហើយពីការផ្តល់ស្រដៀងគ្នានេះ នៅក្រោមសមាហរណកម្មសេដ្ឋកិច្ចក្នុងតំបន់។

ជម្រាបជូនផងដែរថា កាលពីខែកញ្ញា ឆ្នាំ ២០២៣ កន្លងទៅ ក្រសួងយុត្តិធម៌ឥណ្ឌូនេស៊ី ក៏បានផ្តួចផ្តើមការអនុវត្ត “ទិដ្ឋាការមាស” សម្រាប់ជនបរទេស ដោយផ្តល់ការអនុញ្ញាតឲ្យពួកគេអាចស្នាក់នៅបានរហូតដល់ ១០ឆ្នាំ ដោយផ្អែកលើទំហំវិនិយោគរបស់ពួកគេនៅក្នុងប្រទេស៕

The post ឥណ្ឌូនេស៊ី រំពឹងកើបប្រាក់ចំណូលបាន ២៥ពាន់លានដុល្លារ ពីគោលនយោបាយលើកលែងទិដ្ឋាការរបស់ខ្លួន appeared first on .

ឧបទ្ទវហេតុផ្ទុះនេះ បានកើតឡើងនៅព្រឹកថ្ងៃសៅរ៍នៅក្នុងរោងចក្រដែលជាកម្មសិទ្ធិរបស់ក្រុមហ៊ុន PT Indonesia Tsingshan Stainless Steel (ITSS) នៅក្នុងសួនឧស្សាហកម្ម Morowali ស្ថិតនៅលើកោះ Sulawesi ដែលបានធ្វើឲ្យកម្មករធ្វើការនៅកន្លែងជួសជុលឡដុតរ៉ែនីកែលជាច្រើននាក់រងគ្រោះ។

គួរឲ្យដឹងថា រោងចក្រស្ថិតនៅលើកោះ Sulawesi នេះគឺជាមជ្ឈមណ្ឌលសម្រាប់ការផលិតរ៉ែនីកែលដ៏សំខាន់បំផុតមួយរបស់ឥណ្ឌូនេស៊ី សម្រាប់យកទៅប្រើប្រាស់ក្នុងអាគុយរថយន្តអគ្គិសនី និងដែកអ៊ីណុក ខណ:ឧបទ្ទវហេតុផ្ទុះនេះ ហាក់កាន់តែបង្កឱ្យមានភាពចលាចលកាន់តែខ្លាំងឡើងចំពោះកម្មករដែលធ្វើការនៅទីនោះ ដោយកន្លងមកពួកគេធ្លាប់បានធ្វើការតវ៉ារួចទៅហើយទៅលើការផ្តល់ប្រាក់ខែទាប និងលក្ខខណ្ឌការងារមិនល្អ។

យ៉ាងណាមិញ រូបភាពដែលត្រូវបានចេញផ្សាយដោយសារព័ត៌មាន AFP ថ្មីៗនេះ បានបង្ហាញពីកម្មកររាប់រយនាក់ ចូលរួមក្នុងការតវ៉ាដ៏ធំមួយនៅខាងក្រៅអគាររោងចក្រនោះ ដើម្បីឲ្យក្រុមហ៊ុន ផ្តល់លក្ខខណ្ឌការងារល្អ​ប្រសើរ​ជាងមុន រួមទាំងការរៀបចំទីតាំងឡដុតរ៉ែនីកែលឲ្យកាន់តែមានសុវត្ថិភាព ក៏ដូចជាបង្កើតគ្លីនិកសុខភាព ដើម្បីដោះស្រាយជាមួយគ្រាមានអាសន្ន ផងដែរ។

ជម្រាបជូនផងដែរថា កាលពីខែមករា កម្មករពីរនាក់ ដែលមានម្នាក់ជាជនជាតិចិន ក៏ត្រូវបានបាត់បង់ជីវិតក្នុងរោងចក្ររ៉ែនីកែលមួយកន្លែង ដែលស្ថិតក្នុងសួនឧស្សាហកម្មដូចគ្នានោះផងដែរ និងបានធ្វើឲ្យមានកុបកម្មផ្ទុះឡើង តវ៉ាជុំវិញលក្ខខណ្ឌសុវត្ថិភាព និងប្រាក់ឈ្នួល៕

The post កម្មករឥណ្ឌូនេស៊ី រាប់រយនាក់ចេញមុខតវ៉ាប្រឆាំងទៅរោងចក្រកែច្នៃនីកែលមួយកន្លែង ក្រោយកើតឧបទ្ទវហេតុ appeared first on .

លោក Bambang Susantono ប្រធានអាជ្ញាធររដ្ឋធានី Nusantara បានបង្ហាញការជឿជាក់ថា ចំនួនទឹកប្រាក់ដ៏ច្រើននេះ បានឆ្លុះបញ្ចាំងពីទំនុកចិត្តដ៏រឹងមាំរបស់ក្រុមអ្នកវិនិយោគ មកលើទស្សនវិស័យអភិវឌ្ឍរដ្ឋធានី Nusantara ។ ហើយជាមួយនឹងការចាប់ផ្តើមនៃដំណាក់កាលទី៣ នៃគម្រោងបង្កើតរដ្ឋធានីថ្មីនេះ លោក Bambang មានសុទិដ្ឋិនិយមកាន់តែខ្លាំងថាការប្តេជ្ញាចិត្តរបស់ក្រុមអ្នកវិនិយោគនិងនៅតែបន្តកើនឡើងថែមទៀត។

គួរឲ្យដឹងថា រហូតមកដល់ពេលនេះរដ្ឋធានី Nusantara បានទទួលលិខិតស្នើសុំវិនិយោគ (LOI) ចំនួន ៣៣០ រួចមកហើយ ដោយក្នុងនោះ ៥៥% ជាអ្នកវិនិយោគក្នុងស្រុក ស្របពេលសិង្ហបុរី ជប៉ុន ចិន និងម៉ាឡេស៊ី គឺជាប្រទេសដែលបានដាក់លិខិតស្នើសុំវិនិយោគច្រើនជាងគេ ។

ជម្រាបជូនទៀតថា បច្ចុប្បន្ននេះ រដ្ឋាភិបាលឥណ្ឌូណេស៊ី កំពុងផ្តល់ជូនក្រុមហ៊ុនដែលចាប់អារម្មណ៍ក្នុងការវិនិយោគនៅក្នុងរដ្ឋធានីថ្មីនេះ នូវការលើកទឹកចិត្តជាច្រើន ដែលរួមមានការលើកលែងពន្ធលើប្រាក់ចំណូលសាជីវកម្មទាំងស្រុង ក៏ដូចជាពន្ធលើតម្លៃបន្ថែមសម្រាប់ទំនិញនាំចូល ពន្ធប្រើប្រាស់ពិសេស ពន្ធដីធ្លី និងថ្លៃសំណង់ ក្នុងរយ:ពេលមួយទសវត្សរ៍៕

The post គិតមកទល់ពេលនេះ ឥណ្ឌូនេស៊ី ទទួលបានការវិនិយោគសរុបជិត ៣ពាន់លានដុល្លារ ក្នុងរដ្ឋធានីថ្មីរបស់ខ្លួន appeared first on .

លោក Listyo បានបន្ថែមឲ្យដឹងទៀតថា ការផ្ទេរមន្ត្រីរបស់ Polri ទៅកាន់រដ្ឋធានីថ្មីរបស់ប្រទេសឥណ្ឌូនេស៊ីនេះ ត្រូវធ្វើឡើងជាបួនដំណាក់កាលផ្សេងៗគ្នា។

នៅក្នុងដំណាក់កាលដំបូង Polri នឹងបញ្ជូនមន្ត្រីរបស់ខ្លួនចំនួន ១ ៦៦៧ នាក់ ទៅកាន់រដ្ឋធានី Nusantara និងដំណាក់កាលទី២ នឹងបន្តបញ្ជូនមន្ត្រីចំនួន ៩ ៤៨៤ នាក់ បន្ទាប់មក ៩ ៦៨៥ នាក់សម្រាប់ដំណាក់កាលទី៣ និងចុងក្រោយ ៩ ៦៧៨ នាក់សម្រាប់ដំណាក់កាលទី៤។

ទន្ទឹមនឹងនេះ លោក Listyo បានបញ្ជាក់ទៀតថា ការសាងសង់ទីស្នាក់ការនគរបាលជាតិ នៅទីក្រុង Nusantara គ្រោងនឹងចាប់ផ្តើមនៅឆ្នាំក្រោយ ខណ:ម្រោង​នេះ​ត្រូវ​បាន​គេ​រំពឹង​ថា​នឹង​បញ្ចប់​ទាំងស្រុង នៅ​ខែ​វិច្ឆិកា ឆ្នាំ​២០២៤។

ជម្រាបជូនផងដែរថា ចាប់តាំងពីពាក់កណ្តាលឆ្នាំ២០២២ មក ឥណ្ឌូនេស៊ីបានចាប់ផ្តើមសាងសង់រដ្ឋធានីថ្មីដែលមានចម្ងាយប្រមាណ ២ ០០០ គីឡូម៉ែត្រពីទីក្រុងហ្សាកាតា​ ដោយរដ្ឋធានី​ Nusantara ត្រូវបានរចនាឡើងជាទីក្រុងបៃតង និងជាទីក្រុងអព្យាក្រឹតកាបូនដំបូងគេបង្អស់នៅក្នុងប្រទេសផងដែរ។ ហើយរដ្ឋធានីថ្មីរបស់ប្រទេសឥណ្ឌូនេស៊ីនេះ ត្រូវបានចាត់ទុកថាជា​កន្លែង​អប់រំ និង​វេជ្ជសាស្ត្រ​ដ៏ទំនើបបំផុតលំដាប់​ពិភពលោក៕

The post មន្ត្រីប៉ូលីសឥណ្ឌូនេស៊ី ចំនួនជាង ៣ ម៉ឺននាក់ គ្រោងនឹងត្រូវបញ្ជូនទៅកាន់រដ្ឋធានីថ្មី Nusantara appeared first on .